Probleme me faqet shqiptare ne Internet

[Gepardi]

Po ta vini re shumica e faqeve serioze shqiptare kane nje qellim te vetem:

T'i shuajne mallin emigranteve apo t'i bashkojne shqiptaret kudo ne bote me njeri tjetrin gjera qe realizohen duke krijuar nje album fotografik, nje forum, nje chat, kenge shqip ne Real Player si dhe lajme te gazetave qe ne i lexojme perdite te nxjerra hera heres dhe pa i marre leje atyre dhe pa respektuar asnje lloj te drejte autori qe ne dis a prej tyre(Gazetave) shprehet qarte ne shenimim per Copyright.

Mua "me kane ardhur ne maje te hundes" keto lloj sherbimesh. Une jam nje shqiptar qe jetoj ne Shqiperi dhe te tilla sherbime eshte normale qe nuk do te me terheqin pasi nuk kam cfare malli te shuaj.

Lindin disa pyetje: Cfare duhet bere qe te terhiqen perdoruesit e internetit ne Shqiperi jo vetem nga chat dhe forumi? Cfare sherbimesh duhet te ofroje nje faqe qe te kaloje cakun e komunikimit ndermjet njerezve? Cfare informacioni?

Problemi nuk eshte aq i thjeshte pasi nje faqe si kjo qe po kerkoj une kerkon nje staf njerezish te pergatitur dhe qe nuk jane njohur ne internet(jo te njohur virtuale), krijimin e nje "kompanie" e keshtu me rradhe. Jam i bindur qe po te ekzistoje deshira e mire asgje nuk eshte e pamundur megjithese shpresa te shuhet kur shikon lloj lloj faqesh qe e quajne veten "Portale Shqiptar" sepse per fat phpnuke dhe phpBB jane falas keshtu qe: "O burra hajt te krijojme faqe se eshte qejf".
Pra une jam i mendimit qe nuk duhet punuar vetem per Shqiptaret jashte Shqiperise. Keta te fundit ne fakt jane perdoruesit me te rregullt shqiptare te internetit. Detyra jone eshte te shtojme perdoruesit e internetit ne Shqiperi si dhe t'i ofrojme atyre sherbimet per te cilat kane nevoje.

Gjithashtu duhet hequr synimi i krijimit te komuniteteve virtuale por krijimi i faqeve informative dhe me sherbime te ndryshme.

A mendoni se ka ardhur dita te ndryshoje dicka ne "internetin shqiptar"?

[edspace]

Gepard,

Ke të drejtë që faqet Shqiptare kanë pak a shumë të njëjtën fytyrë por ki parasysh se edhe faqet Amerikane nuk janë shumë ndryshe. Pothuajse të gjitha faqet që mbledhin njerëz me interesa të njëjta kanë një forum dhe një chat. Këto janë standartet e komunikimit tani për tani në internet. Më vonë mund të ketë komunikim të gjerë me video, zë, etj por teknologjia akoma nuk ka arritur atë nivel. Biles faqet Shqiptare mund të them se ofrojnë shumë herë më shumë informacion sesa faqet e huaja. Ato drejtohen nga emigrantët dhe patjetër që do influencohen nga ata por siç the dhe ti, edhe vetë vizitorët janë emigrantë. Numri i vizitorëve që jetojnë në Shqipëri, Kosovë, Maqedoni dhe troje të tjera është i vogël dhe arsyeja kryesore për këtë nuk është se ata nuk janë të kënaqur nga faqet shqiptare por sepse nuk kanë mundësi të përdorin kompjuterin dhe internetin rregullisht. Edhe ata që kanë kompjuter në shtëpi, u duhet të edukohen si ta përdorin dhe kjo do kohë.

Nuk jam shumë i qartë se çfarë kërkon më shumë nga faqet Shqiptare. Muzika, forumi, chati, lajmet janë me interes për të gjithë Shqiptarët si ata në mërgim edhe ata në trojet tona. Sa për informacion, gazetat dhe revistat Shqiptare kanë faqet e tyre. Edhe disa televizione po ashtu. Në internet mund të përdorësh numeratorin telefonik, fjalor shqip-anglisht, shqip-gjermanisht, lexon histori, poezi e plot të tjera. Edhe faqet amerikane nuk kanë ndonjë shërbim më shumë.

Patjetër që të mirat nuk kanë fund por edhe vështirësitë janë të mëdha. Puna e parë është ajo që ke përmëndur ti, bashkimi i njerëzve të aftë për të mirëmbajtur një faqe të tillë. Puna e këtyre njerëzve kërkon shpërblim dhe është e vështirë të nxjerrësh fitime nga interneti.

Vetëm ana teknike për të mirëmbajtur një faqe kërkon shpenzime të konsiderueshme financiare. Edhe këto do dalin nga xhepi i dikujt. Në shpipëri do dalin nga xhepi i një biznesmeni që nuk i ka paratë të tepërta, por investon me mendimin se një ditë do nxjerrë fitim. Këtë përpjekje e kanë bërë shumë kompani Amerikane në vitet 98-99 por falimentuan shumë shpejt. Vetëm disa prej tyre (ebay, amazon) arritën të ndërtonin një biznes të sukseshëm në internet por edhe këto kanë pasur problemet e tyre.

Nga ato sa lexova ti nuk kërkon të hapësh një faqe për tregti por ti thashë ato më lart sepse shpenzimet janë të pashmangshme dhe duhet gjetur një mënyrë për ti përballuar, sidomos kur ti kërkon të hapësh një faqe që ofron më shumë seç ofrohet nga faqet ekzistuese.

Ti the që jeton në Shqipëri dhe nuk besoj se e ke përjetuar ndonjëherë emigrimin. E kam fjalën të jesh 5, 6, 7, 10 vjet në dhe të huaj. E kam fjalën të të marrë malli për nënë e baba, motër e vëlla e deri tek komshiu i katit të parë, e tek mësuesi që të vuri një katër në tetëvjeçare. Këto janë ndjenjat e shumë prej emigrantëve që varrosen thellë në zemër dhe ngjallen ndonjëherë kur je duke larë enët në restorant, kur je duke pastruar mbeturinat, e duke pastruar shkollat e hotelet. Ndonjëherë shikon edhe ëndrra të bukura, sikur ishe në Shqipëri, po pastaj bie alarmi që me natë dhe duhet të shkosh në punë për 8, 10, 12 orë ditën. Ndonjë ditë të zezë mëson që një i afërti yt në Shqipëri ka vdekur, por ja që je larg dhe nuk mund të bësh asgjë. E kush do të ngushëllojë në emigrim? Kush e flet gjuhën tënde e kush të njeh ty në këtë vënd të huaj.

Më vonë mund të zënë punë të mira, dhe të marrin pashaporta të huaja, por sado të sukseshëm të jenë, ata janë në vënd të huaj. Në Amerikë Shqiptarët trajtohen si gjithë të tjerët. Po në itali? greqi?

Këto vështirësi që të bëjnë gjysëm njeriu në emigrim, të mësojnë të përqafosh fort ato kujtime të Shqipërisë. Jeta e përditshme që ti bën në Shqipëri, ka vlera të paçmuara për një emigrant. Poezitë e Naimit, nuk janë thjesht poezi. Këngët nuk janë thjesht këngë. Vetëm në emigrim arrin të kuptosh veprat e figurave të mëdha Shqiptare që kanë sakrifikuar gjithçka për atë vënd.

Besoj se tani e kupton se kush i hap faqet Shqiptare në internet dhe pse janë të mbushura me flamuj kuq e zinj e me fotografitë e Skënderbeut e me fjalët Shqiptar, Arbëri, Iliri, Kosovë, Çamëri, Dardani. Janë emigrantët ata që sakrifikojnë gjithçka që nga orët e gjumit e deri tek paratë e fituara me djersën e ballit vetëm e vetëm për të përmirësuar diçka në jetën e Shqiptarëve, sidomos emigrantëve. Kjo i bën të ndihen Shqiptar, dhe të rruajnë traditat, zakonet, gjuhën që trashëguan nga vendlindja.

Unë vetë ndihmoj me faqen e muzikës të Albasoul dhe aty kam patur mundësinë të bashkëpunoj me shumë emigrantë që kanë punuar me orë të tëra pa asnjë shpërblim për të hedhur albume të rinj. Shpërblimi vjen nga burra, gra, pleq e fëmijë që dërgojnë emaile për të na falenderuar për gëzimet që u sjell faqja.

Vullneti i emigrantëve, gjëndja më e mirë ekonomike, njohuria mbi teknologjinë për administratorët dhe vizitorët janë avantazhet që kanë bërë faqet e emigrantëve më të vizituarat në internet. Kur je në anën tjetër të botës është e vështirë të komunikosh me trojet Shqiptare prandaj je i detyruar të kopjosh informacionin nga burime të tjera. Sa vlerë ka shkelja e kopjimit kur ke mundësi të gëzosh bashkëatdhetarët e tu?

Dola nga tema por mendoj se ishte e nevojshme që të kuptosh dhe të respektosh punën e emigrantëve.

[Gepardi]

Edi te pershendes!

Desha te sqaroja qe ne asnje moment nuk kam dashur te hedh poshte punen e administratoreve te ketyre faqeve. Ato i bejne nje sherbim te madh shqiptareve ne gjithe boten. Une vete kam disa te aferm ne USA dhe e di mire qe cfare ndodh ne Shqiperi apo dhe mallin per muziken shqiptare etj i shuajne nepermjet ketyre faqeve. Eshte e qarte qe keto faqe i bejne te ndihen me prane Shqiperiese.
Pra qellimi im nuk ishte percmimi i ketyre faqeve dhe ne asnje moment nuk kam mosrespektuar punen e shqipatereve jashte Shqiperie per keto faqe.

Une thjesht dhashe nje mendim tim se cdrejtim duhet te marrin qe sot e tutje faqet e reja qe po hapen dhe nuk thashe qe duhet te mbyllen keto ekzistueset.

Ke plotesisht te drejte kur thua qe cdo gje mund te arrihet vetem duke pasur nje baze financiare dhe kjo nuk eshte e sigurte nese faqja nuk ka nje fare perfitimi financiar.

Nje e keqe tjeter e madhe eshte qe ne Shqiperi nuk perdoren kartat e kreditit dhe shitjet ne internet jane po thuajse te pamundura aq me teper qe interneti nuk ka masivitetin e duhur.

Nga statistikat qe kam lexuar nr i perdoruesve te interneit brenda Shqiperise mezi i arrin 20000(nga te cilet shume pak te rregullt) kurse ne Maqedoni(Nje vend me popullsi me te vogel se ne) ishte 100 000. Per kete nuk e kane fajin vetem mungesa e faqeve te pershtatshme por shume faktore te tjere ekonomike dhe sociale. Megjithate mendoj se gradualisht ky numer do te rritet dhe shume gjera do te permiresohen ne "Internetin Shqiptar"

Pershendetje!

[edspace]

Mua "me kane ardhur ne maje te hundes" keto lloj sherbimesh. Une jam nje shqiptar qe jetoj ne Shqiperi dhe te tilla sherbime eshte normale qe nuk do te me terheqin pasi nuk kam cfare malli te shuaj.

E shkruajta pergjigjen per keto fjale qe nuk mu duken te drejta.
Per mua menyra me e mire do ishte bashkepunimi i Shqiptareve ne emigrim dhe atyre ne vend per te permiresuar faqet egzistuese qe te jene sa me terheqese per te gjithe Shqiptaret kudo qe ndodhen.

Sic the dhe ti, kompjuteri do zhvillohet edhe ne Shqiperi por duke patur faqe qe u vijne ne ndihme Shqiptareve, zhvillimi ben hapa me te medhenj.

[Fiori]

Pershendetje, "Gepardi"!

Problemi nuk eshte aq i thjeshte pasi nje faqe si kjo qe po kerkoj une kerkon nje staf njerezish te pergatitur dhe qe nuk jane njohur ne internet(jo te njohur virtuale), krijimin e nje "kompanie" e keshtu me rradhe. Jam i bindur qe po te ekzistoje deshira e mire asgje nuk eshte e pamundur megjithese shpresa te shuhet kur shikon lloj lloj faqesh qe e quajne veten "Portale Shqiptar" sepse per fat phpnuke dhe phpBB jane falas keshtu qe: "O burra hajt te krijojme faqe se eshte qejf".

Nuk mund te flas per faqet e tjera shqiptare ne internet, por ta them me bindje qe Albasoul.com nuk eshte krijuar "o burra hajt te krijojme nje faqe". Gjithashtu ne lidhje me serviset, qe faqja u ofron vizitoreve, ne mundohemi te perdorim ato me te fundit, te cilat jo gjithmone i gjen falas. Madje nq se qendron me laps ne dore, kjo faqe ka shume me shume shpenzime nga sa mund te mendosh ti apo nje vizitor i thjeshte, per vete faktin se vizitoret i marrin gjerat gati dhe gjithmone kerkojne gjera te tjera, pa pare cfare eshte bere (kete nuk e them si gje te keqe, pasi kjo lloj kerkese ndihmon ne perparim).

Albasoul.com drejtohet nga nje grup studentesh nje kohe, sot te rinj te punesuar ne SHBA te cilet e njohin mire njeri tjetrin. Ketu flas per grupin teknik dhe ata qe e pasurojne me materiale vazhdimisht. Bordi nga ana tjeter jane shqiptare te cilet shkruajne nga e gjithe bota dhe jane me origjine nga treva te ndryshme te Shqiperise, ne kete menyre sjellim ne faqe mendime/fryme te ndryshme

Gjithashtu Albasoul.com eshte faqe e regjistruar ne SHBA. Pra njihet si kompani (per keto gjera me mire mund te te flasin dhe pjestaret e bordit).

Ne lidhje me materialin e hedhur ne Albasoul.com, dhe po flas vetem per letersine ne kete rast, pasi ajo eshte dhe fusha qe me terheq me shume dhe qe une i kushtoj me shume pune ne faqe - ne Albasoul do gjesh krijime/informacione/studime nga me te rejat te shqiptareve ne lidhje me letersine si ne Shqiperi dhe neper bote, te cilat jo vetem nuk jane botuar me pare ne faqe te tjera interneti po as ne gazetat apo televizionin shqiptar nuk i gjen, madje jane shembull si per faqet e tjera te internetit, ashtu dhe per shtypin shqiptar, apo vete letersine ne Shqiperi. E them vertet me krenari kete, pasi me ka rene rasti te lexoj shkrime nga me interesantet ne Albasoul, dhe mund te te gjej artikuj ne gazetat shqiptare, apo televizionet shqiptare te cilat bazohen ne keto shkrime.

Meriten per materialet e reja ja u jap vizitoreve (te cilet varjojne nga moshat 16-60 vjec), por kane qene krijuesit e kesaj faqeje ata te cilet kane bere te mundur nje ambjent te tille serioz ne internet, pasi faqe te tjera ka plot, po asnje nuk e ka kete nivel interesimi dhe serioziteti nga ana e anetareve. Flas gjithmone per pjesen e letersise si ne Albasoul dhe ne Forum (duhet te kuptosh ketu se forumi eshte dicka tjeter, nuk eshte faqja kryesore, eshte menyre komunikimi midis shqiptareve. Diskutimi i lajmeve ne forum, jo vetem qe nuk perben shkelje ligji, por ju jep mundesine dhe shqiptareve te thjeshte te thone fjalen e tyre per problemet qe paraqiten ne shtypin shqiptar dhe ate boteror dhe te siguroj ketu qe nuk jane vetem shqiptaret e thjeshte te cilet marrin pjese ne diskutime, pasi ka pasur figura te politikes shqiptare te cilet kane marre pjese gjithashtu).

Chati Shqiptar gjithashtu eshte per tu permendur. Nuk eshte nen kujdesin tim, por vlen per tu permendur se eshte chati me i madh shqiptar ne internet ne nje mjedis 100% shqiptar, ku kanalet kane vizitore nga te gjitha trevat e Shqiperise. Asnje faqe tjeter ne internet nuk ofron nje servis te tille.

Ne lidhje me formulen e faqeve (egzistenca e nje chati dhe nje forumi) - pjesen teknike e shpjegoi Edi, ndersa une mund te them se konkurenca çon ne perparim. Nuk ka asgje te keqe te kete faqe te tjera te te njejtes forme, rendesi ka niveli i faqeve. Ne kete menyre vizitorit i jepet mundesia te beje zgjidhjen duke u nisur nga ajo se sa kjo faqe apo nje tjeter i pershtatet nivelit te tij.

Gjithashtu dua te theksoj se chati dhe forumi nuk jane vetem per cmallje. Gjithe bota i perdor si menyra komunikimi, Shqiperia akoma nuk ja u ka ndjere lezetin, po ka shume me shume gjera qe mund te besh ne forum/chat nga sa mendojne shqiptaret atje. Shembujt ti dhashe me lart (letersia nuk ka lidhje me cmallje, ka lidhje me zhvillimin e letersise shqiptare, mundesine qe u jepet krijuesve te rinj etj/ diskutimi me politiken nuk ka lidhje me cmallje, ka lidhje me shprehjen e mendimit etj).

Ne mbyllje dua te them se ata te cilet merren me Albasoul nuk kane pushuar se punuari per te dhe nuk kane per te pushuar. Ketu e kam fjalen qe nuk jemi te kenaqur me pak dhe cdo mendim per permiresim eshte i mirepritur. Ndryshimet dhe puna jo gjithmone vihen re, por Albasoul ka me shume se 5 vjet qe eshte krijuar dhe i ka rezistuar si ndryshimeve teknike ashtu dhe atyre shoqerore dhe ka per te vazhduar si faqe dhe ne vitet qe do te vijne.



Shpresoj qe mesazhin me lart mos e marresh si replike por thjesht si nje mendim te shprehur sinqerisht!



Fiori

[drini_në_TR]

Lindin disa pyetje: Cfare duhet bere qe te terhiqen perdoruesit e internetit ne Shqiperi jo vetem nga chat dhe forumi? Cfare sherbimesh duhet te ofroje nje faqe qe te kaloje cakun e komunikimit ndermjet njerezve? Cfare informacioni?

Gepardi, Edspace dhe Fiori të kan dhënë shumë arsye pse forumi dhe faqet e tilla në internet nuk janë aq të parëndësishme për shqiptarët, përkundrazi mund të t'i përmënd akoma më shumë arsye të cilat i kan ardhur shumë në ndihmë shqiptarëve në emigrim dhe të cilat mund t'i ndihmojnë shqiptarët në trojet e tyre.

1. Gjuha Shqipe. Shumë emigrantë kan arritur të përmirësojnë të folurin, të shkruarin, dhe bagazhin e njohurive të shqipes me anë të këtyre forumeve. Gjithashtu forumi ka hapur debate rreth shqipes standarde, ka ndërlidhur shqiptarë nga të gjitha trojet të japin mendimet dhe të ndajnë njohuritë e tyre me adhtetarët e tjerë. Një debat i tillë në rrugë të institucionalizuar nga ana e akademive të të treja trevave, Shqipërisë, Kosovës, dhe Maqedonisë, nuk di të jetë duke u marrë zyrtarisht, mirpo në forum praktikisht kjo gjë bëhet nga ata që kan njohur të thella të shqipes.
   
2. Siç u tha edhe më sipër, në forum shumë shqiptarë diskutojnë rreth lajmeve të fundit të trojeve shqiptare, dhe këtu mund të japin mendimin e tyre në lidhje me problemet madhore në Shqipëri, Kosovë, apo Maqedoni.
   
3. Në Forumin e Letërisë siç u përmënd më sipër, ka shumë materiale të cila vështirë t'i gjesh në faqe të tjera në forum, por më i veçant është fakti se në këtë forum marrin pjese edhe shkrimtarë të njohur shqiptarë. Pra këtu ndodhin diskutime që ndikojnë letërsinë shqiptare sadopak.
   
4. Në forumin e Artit, me meritën e anëtarëve të forumit mund të gjesh galerinë më të madhe në internet me piktura nga artistët shqiptarë. Pra, kjo është një vlerë universale për shqiptarët, qoftë jasht apo brënda shtetit, sepse këtu kan një faqe ku mund të mësojnë rreth piktorëve shqiptarë, etj etj.
   

Gapardi, a mund t'i listosh më hollësishëm cilat janë propozimet ose idetë e tua? Dmth çfarë përpikëmërisht nuk të kënaq nga këto që u lartpërmëndën, dhe çfarë propozon më shumë ti vet?

Drini.

[Gepardi]

Pershendetje te gjitheve.
Me vjen shume mire qe gjeta mirekuptimin tuaj. Une kur e hapa kete teme nuk e kisha fjalen per albasoul.com por per faqet shqiptare ne internet ne pergjithesi.
Para se te hapja temen pashe ne nje forum lajmerime per faqe te reja ne internet dhe e bukura ishte qe ishin te gjitha njelloj, me te njejten strukture, te njejtin informacion dhe gjithashtu njelloj nga ana teknike. KJjo me skandalizo me thene te drejten sepse jam i bidnur qe kaq shume faqe te njejta nuk i sherbejne askujt. Krijuesit e tyre duhet te kuptojne qe te konkurojne me albasoul.com(p.sh) do ta kene shume te veshtire per te mos thene te pamundur. E vetmja menyre e afrimit te vizitoreve eshte te nxjerresh dicka te re te papare me pare dhe qe nuk e ofron nje tjeter.

Po te shikoni me vemendje lajmerimet per faqe te reja ve re se ne domain e tyre permbahet ne 5 nga 10 fjala chat, si tiranachat, durresichat, chatishqiptar, ircal apo ku di une.

7 nga 10 faqe te reja te hapura kane qëllim krijimin e nje komuniteti virtual. Ku do shkojme keshtu? Cfare po fitojme?

Gapardi, a mund t'i listosh më hollësishëm cilat janë propozimet ose idetë e tua? Dmth çfarë përpikëmërisht nuk të kënaq nga këto që u lartpërmëndën, dhe çfarë propozon më shumë ti vet?

Nuk mund te them qe nuk me kenaqin. Keto sherbime te albasoul e kryejne shume mire "detyren" e tyre dhe jam i bindur qe jane cilesore. Nuk kam propozime per albasoul pasi kjo e ka krijuar strukturen e faqes se saj dhe me sherbvimet aktuale i terheq dhe u sherben vizitoreve.

Pra ne fund te fundit e gjithe ideja e kesaj teme per mua eshte:

Faqet e reja qe do te hapen nuk duhet te nisen nga synimi per ti ngjare nje projekti ekzistues si www.albasoul.com apo ndonje tjeter por duhet te perpiqen te krijojne origjinalitetin e tyre.

Keshtu do te fitojme disa faqe te reja dhe do te pasurojme fondin e "internetit shqiptar"