Sehir nga Fisnik

[Fiori]

Sehir !

Përbri afshit të dashurisë
ndezë zjarret e zemrës
n’aktin e mbytjes makabre

Ditë e natë bënë sehir !

Dy veshtrime të një syri
në trupin me dy koka
të një zemre me dy trupa

Ditë e natë bënë sehir!

Nga shenja e shpirtit fisnik
në paradhomën e tragjedisë
therren shpirtërat e shfrenuar

Natë e ditë bënë sehit!

„Eremit që duron në heshtje“
kur e therrë maja e hlemtë
në ndarjen e zorshme

Natë e ditë bënë sehir!

Skifter KRONI
Genève, prill 2004


Gjinja

Kur të më lajnë, nëse më lajnë
vdekja do të duket më e bukur
nga mëkatet n’kuptim apsolut

Nevojat e gjinëve me gjak filistin
thikat e ndryshkura nga gjaku

Në shkretëtirën e dashurisë
njerëzorja tezgë e psitë
s’vlënë dot asnjë sakrificë

Iluzionet vdesin nga thimthi
i gjarpërinjëve gjykatës



DEMONËVE

Demonët në kohëra të zorshme
gjithmonë pijtën tambël
në gjoksin e Ilirisë

O zot sa shumë kemi vuajtur !

Me kuaj të Trojës trok
sa shpesh gjerë e gjatë
përdhunuan Dardaninë

O zot sa shumë kemi duruar !

Vrapin s’e ndalën
Derisa morën në thue
Aty ku s’lindin as s’vdesin dot

O zot sa shumë kemi pritur !



p.s. per shkak te problemeve teknike, disa mesazhe te dates 26 Prill u fshine nga serveri. Shkrimi me lart eshte njeri prej tyre.

[fisnik]

FRIKË


Nga Ti nuk kam frikë
nga Zoti më kanë mësuar
kur t’ia mësoj emrin
do t’i rrëfej veç një gjë
sa peshë të rëndë ka jeta

Nga Ti s’kam frikë
as nga Djalli jo
Nana fantazmën për té
kurrë s’ma mësoi
kjo ishte madhështia e saj

Nga Ti s’kam frikë
as nga vdekja egërsirë
linja s’kishte qenë më e lehtë
më treguan të fisit pahiri
labora populus e turmave

Kështu jam pra unë
nuk do të doja të ndërrohesha
me askend të pjellës sime
veç kështu fisnikërisht
i mundi pasionet e mia


CH-Genève, shkurt 2003
Skifter KRONI

[drini_në_TR]

Urime Fisnik, më pëlqyen këto poezi

Drini.

[fisnik]

Drini në L.A., dua t’i them dy fjalë a pak fjalë.

E kam lexuar mirë biografinë tënde dhe lidhjet që lufta çlirimtare e UÇK-së t’i ka mundësuar me Kosovën. Ti je një person i edukuar për së miri e për së mbari. Unë të falënderoj për fjalët e ngrohta. Këto tri poezitë e para i shkrova drejtpërdrejtë sa isha i kyçur në FSH, dhe i postova pa i regjistruar në PC-në time. Pas një kohe u zhdukën dhe isha pak i deshpruar. Pasi bërsa „ankesë“ te shigjeta dhe Fiori, Fiori i kishte gjetur dhe i ktheu aty ku i kisha postuar. I kam falënderuar në PV.

Pse i bëra këto spjegime?

Me bëhet se Brari kishte shkruar që disa që krijojnë, komentojnë pak. Ka shumë të drejtë. Gjithë duke besuar që për mua nuk ka qenë fjala, megjithatë dua të them se sa herë që dikush shkruan një poezi të re, me deshirë, do ta komentoja. Por… , letërsia, sidomos poezia, duke qenë e mbushur me figura stilistike nga më të ndryshme, dhe fantazma (sipas kuptimit të fjalorëve ne gjuhë të huaja) shpesh i huton pjesëmarrësit në diskutime. Besoj që ashtu siç më ka ndodhur mua, u ka ndoshur edhe tjerëve, që në një fjalë, fjali apo strofë ta (gjej) gjejnë vetën. Pastaj rrjedha… Dihet, fillohet me debate të zjarrta që shpesh përfundon me hidhërimin (humbjen) e një miku apo mikeshe. Sado që ( këta) janë virtualë, plagë shkaktohen. Dua të them se në forumin e letërsisë shkruajnë dhe komentojnë intelektualë të formuar, prandaj duhet hecur sikur nëpër teh të shpatës dhe kjo është një gjë e mirë. Veç kësaj, këta intelektualë dalin, apo kanë dalur, përveç atyre nga Tirana dhe Prishtina, nga shkalla të ndryshme të shumë kryeqendrave evropiane dhe të SHBA-v, etj.

A nuk e deshmon poezia e dikeas (për shkak të fjalës fantazmëku pelin ndezi fitilin (me të drejtë apo pa te) dhe më nuk mund t’ia ulte zjarrin. Vetëm aty (kush ka përcjellur forumin e letersisë) mund të vërej se ç’alenca të vjetra janë prishur e sa të tjera janë lidhur.

Në vazhdim ja një poezi e përkthyer.

Ngase unë jam e para dhe e fundit
Unë jam e nderuara dhe e urryera
Unë jam prostituta dhe shenjtëria
Unë jam gruja dhe virgjëresha
Unë jam nëna dhe e bija
Une jam krihët e nënës sime
Unë jam sterilja e fëmijët e mij janë të panumërt
Unë jam nusja dhe beçaresha
Unë jam ajo që lind dhe ajo që s’ka pjellë kurrë
Unë jam ngushllimi (qetësimi) i dhimbjeve të lindjes
Unë jam gruaja dhe burri dhe njeriu im më ka krijuar
Unë jam nëna e babait tim
Unë jam motra e burrit tim, e ai është biri im i braktisur
Megjithatë, respektomni gjithnjë
Sepse unë jam skandalozja dhe mrekullia

Hymne në Isis, shekulli i 3të apo i 4ër para Krishtit,e zbuluar në Nag Hamadi

[Elna Durrësi]

A nuk e deshmon poezia e dikeas (për shkak të fjalës fantazmëku pelin ndezi fitilin (me të drejtë apo pa te) dhe më nuk mund t’ia ulte zjarrin. Vetëm aty (kush ka përcjellur forumin e letersisë) mund të vërej se ç’alenca të vjetra janë prishur e sa të tjera janë lidhur.
[/COLOR]

Përshëdetje.

Desha vetëm ti përgjigjem kësaj fjalie :

- Vetëm aty (kush ka përcjellur forumin e letersisë) mund të vërej se ç’alenca të vjetra janë prishur e sa të tjera janë lidhur-

Personalisht , flas për mua si person meqë m’u dha dëshira të diskutoja ca në temën e - Fantazmave të fshehura të Dikeas –nuk m’u prish asnjë aleancë e vjetër e nuk rilidha asnjë aleancë të re nga komentimi i vargjeve të Dikeas, përveçse faktit që Dikean e kam lexuar dhe e lexoj me një frymë si dikur sepse është e mrekullueshme në të shkruar dhe vargu i saj ka emocion të fuqishëm, Lotin e Shpirtit e admiroj njëjtë si dikur kur shkruante – Për vehten time apo Pështjellim ditësh etj, etj… ashtu edhe sot që vazhdon shkrimet me Torkun e Shpresës . Me të njëjtin shikim të dikurshëm i lexoj të tërë pjesëmarrësit tek letërsia dhe kur kam më shumë kohë në dispozicion komentoj ashtu si unë e kuptoj të shkruarin në të lexuar. Por kjo s’do të thotë aspak lidhje-çlidhje aleancash për arsye të debatit letrar. Larg kësaj se ndryshe do ishte mjerim i forumit një mendim i tillë dhe do na mbyllte vetëm brënda faqeve tona të forumit me ndjesinë e të qenit vetëm mes 14 mijë forumistave.
Kush vallë vritet nga debati??? - Personalisht them se është pasurim intelekti të debatosh , sepse vetëm kështu fillon dhe i sheh gjërat edhe ndryshe duke reflektuar edhe sipas mendimit të debatuesit e pak nga pak recepton ( kapton) atë që mund të duket më e qartë për vetveten. Pra është shkëmbim mendimesh aspak çvleftësues por frytdhënës. Pikërisht për këtë shkëmbim i admiroj anëtarët të cilët kushtojnë kohë të komentojë si vargjet e forumistit më të vjetër të forumit po ashtu edhe të sapardhurit në forum, duke shtuar larshmërinë dhe lezetin e të lexuarit.
Kesaj radhe vargjet e Dikeas i kam admiruar edhe 100 herë më shumë sepse qe e vetmja që na mblodhi ashtu kokë më kokë në forum me dëshirën e mire për të hyrë thellë në vargun e saj. Gjithkushi lexoi vargun si ai/ajo e kuptoi. E rëndësishme ishte që autorja kishte shpehur atë që kishte ndier ashtu si ajo e kishte ndier e që ne u munduam ta kuptojmë aq dhe ashtu si ne kuptojmë. Askush s’ka të drejtë gjykimi për këtë. I thonë liri mendimi nga të dy palët.

Dhe si përfundim më vjen mirë që lexoj edhe vargjet e tua, dhe më vjen keq që shkruan nga Gjeneva e nuk të njoh të pimë miqësisht si dy shqiptarë të mirë një kafe .

Gjithë të mirat

Elna.

[fisnik]

Elna,

Më duhet të pranoj që për herë të parë të kam lexuar të poezia e dikeas. Falemnderit që ke gjetur kohë të shkruajsh edhe disa rreshta te tema ime. Keq që shkrimin tënd e lexova pasi tashmë e kam mbaruar drekën (ku e përplasa një pizzë në Pzzerinë-Hut) aty te "Bulevard des Philosophes" majtas duke zbritur nga Universiteti i Genève-s. Pra nuk do të pinim vetem nga nje kafe por edhe do hanim nga një pizzë.

Përndryshe kohën e lire shpesh jam në UPSH, sidomos mbrëmjeve.

Përshëndetje

[Elna Durrësi]

Elna,

Më duhet të pranoj që për herë të parë të kam lexuar të poezia e dikeas. Falemnderit që ke gjetur kohë të shkruajsh edhe disa rreshta te tema ime. Keq që shkrimin tënd e lexova pasi tashmë e kam mbaruar drekën (ku e përplasa një pizzë në Pzzerinë-Hut) aty te "Bulevard des Philosophes" majtas duke zbritur nga Universiteti i Genève-s. Pra nuk do të pinim vetem nga nje kafe por edhe do hanim nga një pizzë.

Përndryshe kohën e lire shpesh jam në UPSH, sidomos mbrëmjeve.

Përshëndetje

Ti, flm për ftesëne drekës po ashtu kështu gjatë javës unë drekën e ha në punë.
Po më vjen çudi kur thua për në U.P.SH se unë atje vete shpesh. Madje ketë të enjte sikur ka një aktivitet dhe këndon Mimoza e kështu që atje 99% jam e kështu përshëndetemi.

Gjithë të mirat
Elna.

[drini_në_TR]

Drini në L.A., dua t’i them dy fjalë a pak fjalë.

E kam lexuar mirë biografinë tënde dhe lidhjet që lufta çlirimtare e UÇK-së t’i ka mundësuar me Kosovën. Ti je një person i edukuar për së miri e për së mbari. Unë të falënderoj për fjalët e ngrohta...

Të Falem Nderit që e ke lexuar biografin time, dhe gjithashtu, të Falem Nderit për konsidertën tënde për mua Fisnik. Nëse do kisha diçka për t'i thënë shqiptarëve, sinqerisht të paktën këto dy fjali do më kënaqnin të cilat i përmënda edhe në prezantimin tim në këtë forum:

"Paragjykimin midis nesh le ta lëmë mënjanë, sepse s'do na bëj asnjë punë. Le ta shohim shishen gjysëm të mbushur përsa i përket çështjes Shqiptare!"

Është diçka e mirë që nëse poezitë që lexojmë këtu, dhe na pëlqejnë, t'ua përcjellim një falemnderim autorëve të tyre. Çfarë the ti rreth "komentimeve" që "letrarët tanë të madhnishëm" nuk ua japin atyre që shkruajnë me vënd, bie mëse dakort me ty dhe me çfarë tha Brari tek një temë tjetër. Por kjo gjë nuk ka pse t'na shqetësoj, sepse është xhelozia çka ua shkakton "poetëve" apo "letrarëve" me "emër" në këtë forum të veprojnë siç veprojnë (flas për disa, jo të gjithë, por nuk dua të jap emra) pasi u kanë bërë vetes një piedestal prejku nuk zbresin dot, dhe flasin për veten e tyre sikur t'u ken ngritur statuja në emër të tyre ngaqë kan "emër" në letërsinë shqiptare. Çfarë do u thosha këtyre që nuk reagojnë ose nuk komentojnë poezitë ose shkrimet e atyre që shkruajnë me vlerë, por që nuk njihen si emër? Ta gëzofshni emrin që keni në letërsinë shqiptare! Në fund të fundit, xhelozia e tyre do t'i vrasi nën vete, dhe, i urti dhe ai që qëndron veç me të drejtën, sadoqë mos të ket shkruar fare, është 100 mijëherë më i/e mirë sesa të vet-ngriturit mbi piedestale, "shkrimtarë shqiptarë me famë..." por në fund të fundit, të vetë-ngurtësuar në zemrën e tyre të pagjaktë!...

Gjithësesi, Fisnik, kjo është tema jote që t'na tregosh poezitë ose shkrimet e tua, dhe të kërkoj ndjesë që po flas për të tjerët këtu, pasi as vetë nuk më pëlqen të marrë të tjerë nëpër goj, por po prek veç përgjegjësinë shoqërore të shkrimtarëve që kemi në forum dhe të cilët disa prej tyre (jo të gjithë por disa) hunda ua kalon edhe Hënën, dhe kur vjen puna për të qënë konstruktiv dhe për të bërë debate në të mirë të gjithë shkruesve, aha, harroje këtë punë...

Poezia nuk duhet gjykuar, e mirë apo e keqe, letrare po paletrare. Ç'është më e rëndësishme është ndjenja që përciell, është synimi i asaj zemre që ia lëviz dorën shkruesit që të hedhi disa fjalë mbi letër. Nuk është as e harritur dhe as e paharritur, poezia thjeshtë është siç është, prandaj, mendoj unë, një lexues kur lexon poezi duhet thjeshtë të marri esencën që kuptoj dhe ndjeu prej poezisë së dikujt.

Mirpo në këtë forum ka nga ata/ato që të gjykojnë, a thu sikur po konkuron me ta dhe ia morre medaljen e "shkrimtarit shqiptarë me famë."

Gjithësesi Fisnik, tashi përfundova, lol, po ta lë vëndin ty që të lexojmë poezitë e tua, dhe të kërkoj ndjesë që komunikova kështu këtu me ty, mirëpo fola në të mirë të gjithë shkruesve shqiptarë.

Përshëndetje të përzemërta,
sinqerisht,
Drini.

[fisnik]

HESHTJE

Ballë gurëve të thepisur
një tempull buzëqeshë në heshtje
sa herë valët e liqenit ia lajnë shtatin

Tempull i pafjetur kurrë
me xhelozi mat historinë e qytetërimeve
dhe fatin e njerëzve në këngën e një zogu

Karshi tij shtrihet qyteti me drita
jap kokën nëse s’është qytet pagan