Truly mbikombëtariste

[Diabolis]

.................................................. ...to my mother-in-land

Për ty varkë do të bënem
Oqeanin të kaloç
Për vela të tredirekut
Retë e bardha i gufonj.
Zemërën ta bënj kabinë
Me damarë udhën ta shtronj
Një kandile var mbi brinjë
Shpirtin çjerr dhe të mbulonj.
Pastaj vetë marr timonë
Drejt Tivarit e drejtonj;
Në më kreftë rrufeja sinë,
Rrypin nxjerr dhe e fashonj.
Por nuk epem, moj Odetë
“Ooooooo deeet! Ooo deeeeeeeead!” thrras e sun naloj,
Kam në bash gthendur ulkonjën
Mi Liburnen time oj!
I hap krahët si shqiponja
Përmi dallgët fluturonj
Për atë Hyll që nrit mi qiell
Imja jeee! Imja je moooj!
Pa ty unë s’kam verinë,
Pa ty unë kund nuk shkonj,
Kot për mëmë s’pata Teutën,
Ulqinakja ime moj!

I love you!
yti,
duke pirë e qarë.

[Dita]

E lexoj per te pesten here poezine ne forum dhe ajo perseri me trondit me bukurine. Gjuha e zgjedhur, ritmi, mesazhi (direkt dhe ai qe mund te luftosh te nxjerresh vete mes vargjeve, meqe ke lirine si lexues) qendisin ne kujtesen si lexues nje poezi me vlere dhe te pakrahasueshme me te tjera ne gjuhen shqipe.
Me trondit akoma titulli dhe heshtja e anetareve te forumit qe lexojne e nuk ndalen te shkruajne qofte dhe nje germe.

E kam krijuar nje mase krahasuese per poezite e tua Diabolis dhe kjo eshte dicka jo e mire, se te kufizon te vleresosh vecantesine e cdo poezie, por kjo per mua u kthye ne pjese perberese te trupes qe tashme e ne vazhdim do te sherbeje per krahasim.
Planet ne te cilat e vendosa une ishin ai personal me nje dashuri tenden dhe ai mbi personal ti si nje shqiptar ne dashuri me memedheun. Por duke u nisur nga dedikimi ne krye te poezise, plani i pare zbehet, ndoshta per t'u shuar krejt, duke ia lene vendin vetem te dytit.
Nuk ben qe ti te sqarohesh per publikun e gjere, ai duhet te mberrije vete, apo ta ndihmojne te mberrije deri afer te vertetes komentet e letrareve....po ku jeni o letrare?


“Por nuk epem, moj Odetë
“Ooooooo deeet! Ooo deeeeeeeead!” thrras e sun naloj,”

Kalimi ne vargun e dyte nder keto qe kam cituar pak me lart per mua eshte i tmerrshem (ne kuptimin pozitiv te kesaj fjale - e une i jap asaj ne rastet me ekstreme kuptimin e me te bukures/te mrekullueshmes).

Gjithe te mirat D D!

[Brari]

diaboli shkruan bukur..

Ti ke drejte oj Dit pse nuk kan komentue tjeret por me disa asht e vshtire sepse shkruajne poezi ose proz e kurr nuk i sheh te komentojne krijimtarine e tjereve..
Pra jan dollapa te mbyllur..

E me kto tipa asht si me ja la p....... magarit..

Kta nuk e dim a duan komente a jo sepse dhe kta vet kurre smarrin mundim me ju pergjigj komenteve te te tjereve ose ti hedhin dy fjal ne krijimtarine e te tjereve..

Ka disa tipa te tille ne Forum.

E sa do japesh aq do marresh..

Krijimtaria Letrare eshte pron e te gjithve.. se per te gjithe behet..
Disa i vet japin vehtes nje status prej kaposhi e hyjne dalin pa komuniku me tjeret..
Kjo eshte nje shenj e mendjemadhesise..

Pra sa ma shume duhet qe me ba komente njeri tjetrit e ather dhe do marrim komente.. ose vleresime..nga tjeret..
Ndryshe mbetesh si nje Kusi qe vlon e qe sdi bota e pasul a gshtenja jan tuj zi mbrenda..


Ke pare ca qe dalin ne bulevard xhiro...nuk i flasin asnjerit .. thone korcaret ..ky ose kjo sikur ka gelltitur okllaine de..
Mirpo po te mendojme pakez ..kupton sa bosh eshte kryelartesia e tyre..sepse.. ai.. ajo .. qe ka dale ne bulevard e qe nuk ja var askujt.. per ke ka dale de... Per njerzit e tjere ka dale se po te ish ndryshe kishte dale ne Mal ..lol..andejza nga Morava ku nuk e sheh kerkush..

Kjo vrejtje nuk ka qellim ose objekt Diabol Dasaretin ne vecanti por ne pergjithsi te gjithe kaposhat e kaposhet..

[Diabolis]

E nisi: Diabolis Dassaretis....................................E mer: Brari
Gjiri i Breshkave, Nev Jork, Americ.......................Sheshi i Hamejve, Durrazo, Albania

Brari!
Po ku je a i vrarë!?
U bë aq kohë e gjatë që nuk më kishe shkruar kartë, sa ta kisha hequr fillin. Kushedi nga i rrahin barqet nëpër Evropi mendoja. E lexova letrën tënde tre herë. Një herë për t’u çmallur, tjetrën për të kuptuar më mirë ç’më thoje, e të tretën se më qenë bërë sytë ujë për atë shqipen e uruar që më shkruaje. E mbylla në sëndyqe ta kem kur ju mësoj kalamajve gjuhën e mëmës.
Po me shëndet si ke qënë, vetë, fëmijët, zonjën, andej nga anët tona si i kemi? Asgjë s’më shkruaje për këto. Vetëm për dhjamin e pashallarve të Tiranës dhe tokën që po ju shket sejmenëve në Durrazo më shkruaje.
Unë jam mirë me shëndet e me të tjera. Ti më thua “shkruaj për letërsinë” por unë e kam lënë biznesin e letrave me kohë, e kam lënë pa e nisur fare. Të shkruash për orthodoksët të quajnë grek, të shkruash për muslumanët të quajnë turk, theshte Beu i Konicës. Po nuk kam as kohë, kam familje për të mbajtur, e robtohem gjithë ditën e perëndisë. Atë pak që më mbetet lexoj. Bota ka më shumë libra se peshq oqeani.
Unë kam filluar bisnezin e kuajve, e më ka vajtur mbarë sa më ç’të të rrëfej. Kam një fermën time, stallat plot. Më ngrohet shpirti kur i shoh, i bëj duart gjak deri sa i zbut po ama e mbush gjoksin kur shaloj ndonjë. Ja nis me trok të lehtë, pastaj me gallop e më tu ngrysur kthehem revan.
Për hatër të miqësisë po të dërgoj dhuratë me pamporin “Avulltore Scanderbeg” një hamshor Americe. Është kuqo, i lartë dy bojë njeriu, këmbëhollë e me një pullë të zezë në ballë; jelet e bishtin i ka po ashtu. Të kish qënë, ‘Smail Beut do t’ja jepja. Të lutem ta pranosh.
Ja ngrita grackën ku fillon preria, në Burimin e Dembelit që gjendet rrëzë një kodre të butë shtufi që ngrihet nga lindja e kreshpërohet në majë nga perëndimi. E ndoqa gjithë ditën, sa me shkonte djersa çurkë e më thahej në trup. Kur e zuri etja s’u ndjeva, e lashë të dëndej. Pinte ujë me buzët tek burimi, si njeri, për këta sy në të gënjej. Me këto duar e kam zbutur. Është kalë për mbret, po ti kalëroje vetë, e në ju afroftë e i ndënjtë urtë, jepja dhe kujt ke për zemër. Në mos qoftë ujk nga mendja dhe gjarpër nga shpirti kalorësi, kali do rrijë urtë e s’do hedhë vickla, përndryshe aha, u ngrit zgupthi, ja theu brinjët më të rrëzuar dhe e shfytyroi me të hequr zvarrë.
Kalëroje për qejf, e mos e vra. Këpucët të mi kesh me shoje e kunja kleçkash e jo me gozhdë e llastika se e gricin dhe ku i dihet dhe e sëmurin. Në si pate shko e bëji në ndonjë mjeshtër Korçe, ta kenë lëkurën të butë, të regjur në industritë e vendit, e kafshën ta kenë rritur çobenjtë e Selanikut, ka më shumë diell andej.
Lërë të lirë aliereve të zgjedhë vetë, mos e lidh mbas uçkave e mos e kullot mëzhdave.
Mos e fut në gara. Nuk vihet bast mbi shpirtin e një kali. E dëgjove atë historinë e Sea Biscuitit? Një Americë ngriti, po s’fitonte. Xhokeri që e kalëronte s’shikonte nga një sy, e nuk i shihte kur i afroheshin kundërshtarët. Po kali, kalë me halle, i rallë, ke dëgjuar ti të flerë kali shtrirë dhe jo më këmbë? Ç’them dhe unë, ty të re vetëm në kuajt me flatra, në Pegasi, Dyrdyli. Ikën ato kohë, kanë dalë maqinat tani, ndonse fuqinë me kuaj ja u matin.
Të bëj asha po e shite. Peshon një qese me flori, po ti s’je më të keq. Unë e mbatha dhe pajisa që këtej. Kisha frikë ta linja për kovaçët e andejmë, ti vetë më thua, njëri i bie gozhdës e tjetri i bie patkoit. Dhe pajisjet i ke prej amerike, kaishat prej bizoni, gjithë të tjerat janë me sërm. Kokën e shalës e ke prej fildishi, si të atij biçakut me laraska që të kish lënë stërgjysh Delibashi, që rahmet pastë, ditën kur linde. Me të t’i qërosh mollën para se t’ja japësh, si fëmijës, e ti japësh e ndonjë kube të bardhë sheqeri ku e ku, po mos e tepro se përkëdhelet.
Laje përditë e kashaise përnatë, po në ngricat e dimirit mbuloje me një batanije. Shtallën bëja më vete, mos flejë me gomerë e mushka në haur se prishet. Ngrija dy herë më të lartë se përdhesja jote, që të ketë ku të hingëllijë e ngrihet me dy këmbë kur t’ja dojë qejfi. Mos e mbush si kullë bari e bëje me dritare të gjëra të shikojë bukuritë e qiellit të natës. Lëri e një vend për pelën që do zgjedhë dhe mëzat që do bëjë se kështu janë punët e perëndisë.
Në i ke akoma kaloshinën dhe llandonin grasatoji mirë, e në e mprefsh ndonjërën - me terezi, vetëm në e dashtë puna për ndonjë romancë a ndonjë nuse, ndryshe jo.
Po ti dërgoj që këtej dhe torbat, një për tagji e tjetrën për nga mbrapa, janë stof Inglitere të qepura në Singer. Më thanë se ja var torbën e s’ja jep tagjinë me dorën tënde, të bëj hasha dy herë. Për atë nga mbrapa s’kemi ç’bëjmë, po dole nëpër qytet t’ja vësh. Këtu më Broadway dhe Rokfelleri e mban kalin me të tillë. Se qëllon që ndonjëra me sy nga hëna ndahet me të dashurin në lulishte, shkel e qorolliset pastaj.
E lashë ta pagëzosh si të të dojë e bardha zemër. Doganierëve ju pagova nën dorë që ta nxirrja me çertifikatë pa emër. Punë gjenealogjie. Shkruaja të pjellët e ndiqi me fletore degëzimet, po sakën se e përdor për të ndërzyer artificiallisht. S’ngjiz njëlloj. Ta them unë këtë.
Të më falësh tani, se më duhet t’ju qes ujë kuajve.
Përshëndeti të gjithë prej meje, dhe puthma kalin mu në ballë.
Të paça,
Diabolis
Më 29 – të të Prillit

Poshtë shënim. Në i kem akoma mustaket, zgjate qimen se e çpon e egërsohet. Se desh harrova, për jelet dhe bishtin merr berberin më të mirë, atë që qeth mjekrën, po kujdes mos të marrë vesh gjindja.

[drini_në_TR]

Kur t'kem nevoj të hap fjalorin shqip, mëparë do konsultoj këtë temë, pastanaj fjalorin (që këtu s'e kam).

Të falemnderit D² për letrën shqipeplotë që gabimisht m'ra në dorë, por tashi po ja nis letrën n'adresë të Brarit.



Drini.

[Cupke_pe_Korce]

Ne fakt, kur dicka eshte tejet e bukur, c'do koment me duket i tepert. Me ndodh shpesh te admiroj ne heshtje shkrime te tilla ne forum. Megjithate, jam e vetedijeshme se lexuesi duhet te shkruaje dy rreshta per te vleresuar, ose te pakten falenderuar per kenaqesine qe i jepet.

Diabolis shkruan shume bukur; Dita gjithashtu. Ka mjaft krijues te talentuar ne FSH, por te rralle jane ata qe shkruajne me nje fryme te tille. Kane dicka thellesisht shqiptare keto shkrime, nje shkelqim qe influenca e huaj nuk ka mundur ta zbehe; dicka qe te kujton kush je, dicka qe te zgjon mall...

Rrofshi! Me frymezim ju paçim ngahera,

[Dita]

Diabolis,

e ke qare letren.



Cupke pe Korce,

falemnderit per fjalet e mira.



Pershendetje trendafiloro-gjembore!
Dita

[Elna Durrësi]

D.D

Poezia e mrekullueshme , të shkruarit e letrës fantastik.
Elna.

[Leila]

Ne fakt, duhet patur frike se kujt i ben replika... qofte per mire a per keq.

Thumbs up, D D!

[Brari]

flmn per kalin ..sa po ma pruri pëtë-teja..
Me ke shpetuar nga urbanet..se nashti me kal do shkonj kudo..

Vazhdo te shkruaç.. si gjithmone..

te kam vjedhur nje ç se ki kompjuteri im nuk i ben ç-të..

Cdo te mirë..

ja çitali vasha poezi i novel ..

prekrasnaja..