Ceka ka frike nga mafia e Vlores..

[Brari]

Ceka i elbasanit trembet nga Mafia te ciles i sherben qe kur ishte ne gjimnaz..



shekulli

----------

Kryetari i PAD-së tha se kërcënimet kishin lidhje me grabitjen e një prone të bërë me përkrahjen e një ministri

Ceka: Një ministër nga Vlora, i përzier në kërcënimin tim


Darina Tanushi

TIRANË – Presidenti i PAD-së Neritan Ceka ka shpjeguar dje, për “Shekullin” se kërcënimet që i janë bërë atij pak ditë më parë, kanë patur lidhje me një grabitje prone, që u është bërë disa qytetarëve të Elbasanit, për të cilën ai nuk ka përgjegjësi. Ceka akuzoi se në këtë ngjarje ka dorë një nga ministrat e qeverisë “Nano”, me origjinë vlonjate.
Zoti Ceka, me çfarë kanë lidhje kërcënimet që ju janë bërë juve dhe familjes suaj këto ditë?
Në fakt është një ngjarje që nuk ka të bëjë me mua fare. Është një konflikt i lindur nga një grabitje prone që u është bërë disa qytetarëve elbasanas, rreth një vit përpara dhe grabitësit që kanë përkrahjen e njërit prej ministrave të qeverisë “Nano”, përveç që kanë marrë pasuri, kanë hapur edhe fjalën që unë jam pjesëtar në këtë grabitje, që jam shoku i tyre. Natyrisht kjo ka ngjallur reaksion nga ana e familjeve që janë prekur nga kjo padrejtësi dhe kanë bërë një kërcënim që për mua është krejtësisht i padrejtë, pa asnjë logjikë, por që justifikohet në kushtet e një dëshpërimi kur shohin që të gjithë qeveritarët janë kundër këtyre. E kam sqaruar zotin Nano që në dhjetor për këtë çështje. Ai ka urdhëruar prishjen e kontratës që prek pasurinë e familjeve elbasanase dhe kjo madje ka qenë edhe një nga kushtet e pjesëmarrjes së AD-së në koalicion, për të kërkuar një transparencë veçanërisht të ministrave të zotit Nano. Këta ministra duket që janë më të fortë se zoti Nano, vazhdojnë e mbajnë pronën, sfidojnë qytetarët e Elbasanit dhe përveç të tjerash nxisin edhe konflikte të tjera absurde.
Konkretisht, çfarë lidhje keni ju me këta persona dhe çfarë u është marrë atyre?
Natyrisht që si deputet i Elbasanit jam përpjekur t’i ndihmoj në të gjitha këto raporte, qoftë me ministrin e Mbrojtjes që e kishte këtë pronë, qoftë edhe me zotin Nano, por duket që ndihma ime është e pamundur në kushtet kur ka një aleancë midis krimit dhe politikës.
Ky ishte një dyqan në katin e parë të një ndërtese që i përkiste ushtrisë, por trualli i përkiste këtyre familjeve. Faktikisht u takonte këtyre familjeve, qoftë ta merrnin me qira ose ta privatizonin, por ndërhyrja e ministrit që thashë bëri që të shkeleshin këto rregulla elementare dhe ta marrin persona që s’kanë të bëjnë fare më këtë pronë. Përveç të tjerave krijojnë edhe lidhje false për ta çorientuar qoftë opinionin publik të Elbasanit, qoftë edhe vetë kryeministrin. Kuptohet që PS-ja i ka humbur zgjedhjet në Elbasan në qoftë se pushteti bazohet në persona të tillë, natyrisht që jo zgjedhjet lokale, por edhe zgjedhjet e përgjithshme mund t’i humbin fare mirë.
Çfarë lloj kërcënimesh u janë bërë?
Kërcënimet janë kërcënime me jetë. Është kërcënuar familja ime, jam kërcënuar unë, janë kërcënuar fëmijët e mi.
Ju nga ana juaj çfarë masash keni marrë?
Masat i ka marrë policia, por nuk është çështje e masave. Unë jam i pastër në këtë drejtim. Ajo që më shqetëson është raporti që ka pushteti me krimin. Kjo tregon që jemi në një udhëkryq. Për mua është një skandal i mirëfilltë kur kryeministri nuk ka fuqi të përballojë një grup njerëzish që kanë lidhje të dyshimta.
Cili është ky ministër?
Do ta mësoni shumë shpejt, është një nga vlonjatët që ka Nano në qeveri.



24/04/2004

shekulli

[Brari]

Ne se flet Skenderbeu aq flet ti o Ceke..

Te merr Malo-rucua ne cel e te thote.. na mo koklaker mo u krruaj me tanet se te cojme ne te semes..
Na sherbe se ndrishe te nxjerr dosjet..do i thot zeri ne cel..dhe natyrisht do hesht i ziu Neritan..

Ne hall eshte..