Shpëtimi i të krishterit

[Seminarist]

Ceshtja eshte se ti Deshmues nuk ke perse ta humbasesh paqen (humbiska paqa???), sepse Matrix eshte duke folur shume normal edhe me vetepermbajtje.

Fakti se ai te kundershton eshte jo se nuk ka dashuri ndaj teje, por sepse ai mendon se ti e ke gabim, ashtu sikurse ti nuk ndihesh i kursyer te shprehesh ndaj nje muslimani ne forum me "padashuri".

Matrix ta shume drejte, qe nqs Kisha eshte Trupi i Zotit, atehere Shpetimi kesaj bote i vjen nepermjet ketij Trupi, pasi Krishti nuk mund te jete vecante Trupit te Tij.

Ceshtja e Trupit edhe Kishes se Zotit si ndermjetese apo kanal i Shpetimit eshte se keqkuptohet nga njerez si ti me bindje te gateshme te keqformuara protestante.

Krimineli ne kryq ne momentin qe ai pranoi Krishtin ishte pjese e pohimit te Pjetrit mbi te cilin Krishti tha se do te ndertoje Kishen e Tij, e keshtu ai s'ishte vecmas.

Kisha nuk eshte vetem nje volum i perkufizuar gjeografik...

[Astrit77]

Kisha jep Shpetimin (pra Kisha te jep Krishtin i Cili eshte Shpetimi), perderisa Ajo eshte Trupi i Krishtit, dhe Instrumenti i Vetem, me ane se cilit Krishti vepron.
Krishti eshte Shpetimi, dhe Ai jepet vetem ne Kishe(Trupin e Tij).

Matrix ku thuhet ne Bibel, ose ne ndonje literature tjeter fetare e besueshme qe Kisha jep Shpetimin, dhe si e jep Kisha kete Shpetim?

Une besoj se Shpetimi eshte dhurate nga Perendia, dhe se ai merret ne momentin kur ne besojme dhe pranojme Jezu Krishtin si Zot e Shpetimtar dhe besojme se Ai derdhi gjakun ne kryq per mekatet e mia. Kur Fryma e Shenjte na bind per mekatin tone dhe pamundesine per t'u veteshpetuar me ane te veprave apo dickaje tjeter pikerisht ne ate moment ne ndjejme nevojen per Shpetimtarin, atehere Fryma e Shenjte qe vepron ne menyre te padukshme na drejton tek kryqi i Krishtit. Kisha e vertete eshte deshmitare e Krishtit, dhe sa kohe qe ndodhet ne kete bote ajo duhet te deshmoje dhe te shpalle Krishtin, por eshte teper e rrezikshme qe kisha te pohoje se jep shpetimin, sepse mekatet i fal vetem Zoti (kr. Marku 2:5-12). Perendia perdor menyra te shumta per t'i sjelle njerezit ne pendese dhe te pranojne dhuraten e shpetimit, dhe shpetimi ne vetvete eshte teresisht vepra e Perendise dhe e askujt tjeter. Gjithe merita, gjithe lavdia per shpetimin e mekatarit i perket Zotit, dhe Zoti nuk do t'ja japi lavdine e Tij asnje gjeje tjeter, asnje krijese, ja si thuhet tek Isaia:

Isaia 42:8 Unë jam Zoti, ky është emri im; nuk do t’i jap lavdinë time asnjë tjetri, as lavdërimet e mia shëmbëlltyrave të gdhendura.
Isaia 48:11 Për hir të vetvetes, për hir të vetvetes e bëj këtë; si mund të lë, pra, që të përdhoset emri im? Nuk do t’ia jap lavdinë time asnjë tjetri".

Kisha eshte krijese e gjalle e Zotit dhe ajo e merr lavdine duke e perulur veten para madheshtise se Perendise dhe jo duke ngritur veten.

Dua t'ju kujtoj edhe njehere te gjitheve ju qe e quani veten te krishtere 2 Urdherimet e medha te Zotit, Mateu 22:36-40:

6 “Mësues, cili është urdhërimi i madh i ligjit?”.
37 Dhe Jezusi i tha: “"Duaje Zotin, Perëndinë tënde me gjithë zemrën tënde, me gjithë shpirtin tënd dhe me gjithë mendjen tënde".
38 Ky është urdhërimi i parë dhe i madhi.
39 Dhe i dyti, i ngjashëm me këtë, është: "Duaje të afërmin tënd porsi vetveten".
40 Nga këto dy urdhërime varet i tërë ligji dhe profetët”.

Lufta qe ne i bejme njeri-tjetrit, duke i etikuar te tjeret si protestante , ortodokse, katolik, etj. si dhe pretendimet se ne kemi zbulesen e Perendise dhe t'i e ke vjedhur ate tregojne se ne jemi akoma ne mish (1 Kor. 3:4), dhe se ne nuk po permbushim urdherimin e Perendise duaje te afermin tend si vetveten.

Kur dishepujt e Jezusit i treguan Atij se kishin gjetur nje njeri qe nuk e ndiqte Jezusin dhe ne emer te tij debonte demonet, dhe se ata ja kishin ndaluar atij kete gje, ata u qortuan per kete nga Mesuesi. Ata ja ndaluan atij kete ndoshta nga smira, apo dicka tjeter por Jezusi ju tha atyre pikerisht keto fjale :

39 Por Jezusi tha: “Mos ia ndaloni, sepse s’ka njeri që mund të bëjë një vepër të fuqishme në emrin tim, dhe fill pas kësaj të flasë keq për mua.
40 Sepse kush nuk është kundër nesh, është me ne.
41 Në fakt, kushdo që do t’ju japë të pini një gotë ujë në emrin tim, sepse jeni të Krishtit, në të vërtetë po ju them se me siguri nuk do ta humbasë shpërblimin e vet”.
42 “Dhe kush do të skandalizojë një nga këta të vegjël që besojnë në mua, do të ishte më mirë për të t’i varet në qafë një gur mulliri dhe të hidhet në det.

Kur vete Jezusi nuk ndalon njeri te shpalle emrin e tij, cilido qofte ai protestan, ungjillor, katolik, ortodoks, apo i krishtere qe bazohet ne te verteten (Fjala e Perendise eshte e verteta, Gjoni 17:17), kush jemi ne qe akuzojme puntoret e Zotit. Kujtoni shembelltyrat e vreshtareve te keqinj, apo djalit te madh te atit qe nuk u gezua per kthimin e vellait te vogel, por u be ziliqar, dhe nuk donte te merrte pjese ne gezim.

Ne duhet te gezohemi dhe ngazellojme kur emri i Zotit shpallet, kur njerezit pendohen dhe kthehen tek Ati, nuk ka rendesi se kush i ktheu ose kush i shpalli atyre emrin e Zotit. Ne fund te fundit eshte Perendia Ai qe perdor secilin per qellimin e Tij dhe se shpetimin e jep vetem Zoti dhe vetem Ai mund te te shpetoje, askush tjeter, as kisha as pastori, prifti, etj. Ne raste se Zoti na ka dhene talanten dhe ne e groposim dhe nuk e perdorim ate per qellimin e mbreterise se Tij, duhet te kemi frike kur Ai te kthehet sepse do te na kerkoje llogari, dhe do te japim llogari se cfare beme ne dhe jo cfare bene te tjeret.

Ju uroj te gjitheve gjithe bekimet e Perendise, dhe uroj qe te kete me shume diskutime me dashuri dhe me pak akuza personale. Te gjithe jemi mekatare dhe kemi nevoje cdo dite te lajme rrobat tona tek gjaku i cmuar i Qengjit pa te mete.

Zoti ju bekofte!

[Matrix]

Ju pershendes te gjitheve,


Problemi me protestantizmin (dhe skolasticizmin ne pergjithesi) eshte se mundohen ta shohin shpetimin si nje akt dhe jo si nje Person te Gjalle!

Kur them se Shpetimin e jep Kisha, s'po them gje tjeter vecse Krishtin e jep Trupi i Krishtit!

Ne gjithe Biblen, vihet re se Krishti mund te takohej vetem ne Kishe. Psh Thomai e takoi Krishtin e Ringjallur vetem ne Kishe (kur dishepujt ishin mbledhur).
Mashtrimi ndaj Kishes, ishte mashtrim ndaj Zotit (Ananija dhe Safira)!

Pali ne gjithe letrat e tij i drejtohet Kishes, asnjehere individit!

Pali po keshtu e sheh Kishen dhe Krishtin si Gruan dhe Burrin, po keshtu dhe Apostulli Joan (ose Gjon), i drejtohet Kishes me termin Nuse!

Per kriminelin ne Kryq, patjeter qe nqs ai nuk do kishte vdekur aty, ai do behej pjese e Kishes se Jerusalemit. Ai u be pjese e Kishes ne toke per ato ore qe ishte ne Kryq e me pas kaloi ne Kishen triumfante ne qiell. (Madje ishte i pari qe hyri ne parajse.)

Ne te te njejten menyre si kusari, e merr Shpetimin cdo i krishter. Nga kontakti me Trupin e Krishtit!

Pra lidhja Krisht - Kishe eshte nje lidhje Organike dhe asnjehere Legalistike!

Per Deshmuesin do thoja qe asnjehere nuk ka perse te humbase Paqja jote nga diskutimet. Nqs ti je i Krishtit, Krishti eshte Paqja jote!

Per Astritin, do thoja qe Krishti flet me dashuri dhe ndaj atyre qe nuk jane pjese e Kishes, sepse Ai eshte Dashuria. Por qellimi i Tij eshte Bashkimi i Trupit te Tij ne nje Kishe te vetme, te shenjte, universale dhe apostolike. Kuptohet qe Ai perdor ekonomine e Tij per kete. Fakti qe Ai lejon dhe te tjeret te predikojne ne emrin e Tij, nuk duhet pare si nje devijim nga Qellimi i Tij final, por ne sherbim te ketij qellimi:
Triumfin Eskatologjik te Kishes!

[marcus1]

Ps.Nuk e di se cmendon Livein.

I dashur vella Deshumes,

Kisha vendosur qe te mos marr pjese ne kete forum per nje kohe te gjate pervec postimit te librit qe kisha filluar. Ishte pikerisht deshira jote qe te dish mendimin tim qe me beri qe kjo kohe te behet me e shkurter se e kisha menduar. Megjithate dua te them se pjesmarrja ime ne forum do jete shume me e vogel se c'ka qene deri tani.

Tani le te jap mendimin tim.Per sa i perket shpetimit une jam plotesisht dakort me W.Nee. Krishti, midis te tjerash eshte edhe Drita, dhe kush ka Driten sheh, kush nuk e ka, nuk mund te shohe. Krishti banon brenda nesh, dhe eshte e pamundur qe Ai te baonje brenda nesh dhe ne te mos e dime. Eshte e pamundur qe Ai te banoje brenda nesh dhe ne te njejten kohe te na mohoje. Ai eshte jo vetem Shpetimtari yne, por edhe Shpetimi yne, keshtu pra qe perderisa kemi shpetimin tone brenda nesh, si ka mundesi te mos jemi te shpetuar? Ne dhjaten e re, lavdi Zotit, i kemi me shumice faktet se edhe te krishteret e shekullit te pare ishin te sigurte per shpetimin e tyre. Pali i quante vazhdimisht ata te shenjte. (Sa gje e bukur eshte kjo! Mbushem me gezim dhe inkurjajohem nga keto fjale te Palit dhe me japin me shume force te vazhdoj ne rrugen per te njohur Ate qe mua me ka bere te shenjte pa kerkuar nga une asnje lloj sakrifice)

Nga ana tjeter, do doja te thoja se bashkohem edhe me pjesen me te madhe te shkrimit te fundit te Matrix tek tema ku une po postoj librin e W. Nee. Per mua qellimi i Krishtit nuk eshe vetem shpetimi i njeriut, por mbi te gjitha eshte thellimi i besimtarit ne Jeten e Krishtere, njohja e thelle e Shpetimit.(Krishtit)

Menyra se si disa persona ungjillezojne duke pyetur nese je i shpetuar apo jo, une mendoj se nuk eshte e drejte. Per mua kjo tregon nje cektesi, por nga ana tjeter ai qe eshte i shpetuar e di shume mire kete gje.

Puna e te krishterit eshte si femija me prindin. Shpesh here femija e sheh prindin me interes. Tek prindi sheh me shume dhuratat qe ai i ben femijes se sa dashurine qe prindi ka per te. E njejta gje ndodh edhe me femijet e Perendise. Sa me shume rritemi dhe kuptojme dashurine e Perendise per ne, aq me pak "interesaxhi" behemi neve ne mardhenjen me Te. Ne nuk shohim me dhuratat e Perendise (psh shpetimi) por kenaqemi me cdo gje qe vjen nga dora e Tij.(shpesh here keto gjera jane te keqia ne syte tane) Per ata qe jane te pjekur ne Te, akoma edhe "ferri" duket i embel. Ata persona i dorezohen plotesisht Atit dhe kete nuk e bejne nga ndonje interes, por nga dashuria e madhe qe kane per Te.

Do doja te thoja edhe disa gjera mbi kishen. Une mendoj se plani i Perendise eshte qe te punoje nepermjet Kishes. Vepra e vertete e Perendise nuk mund te jete jashte Saj. Perendia nuk punon ne individe, por nepermjet trupit te Krishtit. Kjo nuk do te thote se nuk mund te shpetohen edhe njerez nga persona qe punojne ne nje menyre individuale. Hiri i Perendise eshte shume me i madh se sa deshirat tona egoiste per te pranuar dike apo jo jashte nje grupi apo institucioni qe ne mendojme se eshte me i miri dhe me i drejti. Me kete rast dua te falenderoj edhe vella Astritin qe na solli shembullin e Krishtit me dishepujt e tij. Gjithashtu do doja te shtoja edhe shembullin e Palit kur fliste per disa persona qe predikonin ungjillin per shkaqe zilie. Pali thote se megjithese ungjilli nuk predikohej me motive te pastra, perseri ai gezohej pasi predikohej Krishti.

Pra sic e kam thene me siper, vepra e vertete e Perendise behet nga kisha, nepermjet kishes dhe per kishen. Pra, ne kete pike do isha plotesisht dakort me mendimet e Matrix, nese ai nuk do kishte ne mendje kishen Ortodokse kur flet mbi kete ceshtje.(ndofta nuk ka pasur ne mendje KO, por mua kete pershtypje me ka dhene.) Gjithashtu jam dakort kur thote se jashte kishes nuk ka shpetim, por ne kete rast une besoj se kushdo qe pranon Krishtin ne zemren e tij brenda apo jashte nje kishe lokale, ai behet pjese e trupit te Krishtit.

Dihet tashme qe une jam kunder sistemeve fetare. Pra une jam kunder sistemit protestant, si dhe te atij Katoliko-Ortodoks. Por kjo nuk me ben kurre qe une te jem kunder vellezerve dhe motrave qe ndodhen brenda ketyre sistemeve. Nuk do pranoj kurre qe te futem ne lufte me keto sisteme dhe aq me shume me bijte dhe bijat e Perendise qe ndodhen brenda ketyre sistemeve.

Ajo qe doja te thoja per sa i perket kishes eshte se Perendia nuk lidhet kurre nga njeriu. Me kujtohet tani ai rasti i atyre dy vellezerve, bijve te Ilise (nuk me kujtohet mire emri i tij) te cilet donin te shkonin ne lufte me Filistenjte. Ata per t'u siguruar qe Zoti do ishte me ta, moren edhe arken me vete. Ne kete menyre ata menduan se Zoti do ishte i "detyruar" qe t'u jepte atyre fitoren. Por sic e shohim nga shembulli qe bibla na jep, nuk ndodhi nje gje e tille. E njejta gje ka ndodhur edhe me populin e Israelit, i cili ishte dhe eshte populli i Perendise. Krishti erdhi ne toke na thote Pali qe ne fillim t'ju jepej atyre shpetimi, por ata nuk e pranuan. Krishti nuk u lidh nga kjo gje. (madje do thoja se ishte plani sovran i Tij, qe ungjilli t'i shfaqej edhe etnikeve) Lajmi i mire u shpall ne te gjithe boten. Bota e fitoi Krishtin, populli i Tij e humbi.

Te dashur vellezer, une mendoj se Zotin nuk mund ta lidhi as historia e gjate e nje kishe, as emri i mire i saj, as traditat dhe as deklarata te tilla se filan kishe e ka origjinen nga apostujt dhe eshte themeluar nga ata. E perseris edhe nje here, Zoti nuk lidhet nga gjera te tilla. Zoti kerkon ne te gjithe boten ku ka zemra te pastra per Te, dhe eshte Ai qe nderton shtepine e vet, atje ku Ai sheh se ndodhen keto zemra. Por gjithashtu Zoti nuk mbetet i lidhur per gjijthmone atje. Nese pas nje fare kohe, le te themi 10, 20 apo 100 vjet ne zemrat e njerezve eshte mbjellur krenaria dhe ata mbeshteten ne emrin e tyre dhe ne forcat e tyre, atehere pa e kuptuar Zoti eshte larguar dhe ka shkuar diku tjeter per te vazhduar vepren e Tij, e cila nuk ka pushuar kurre. Pra kisha lindi para gati 2000 vjetesh dhe eshte e vertete se Ajo nuk ka pushuar kurre se egzistuari, por kjo nuk do te thote se ka qene gjithmone ne te njejtin vend ku eshte edhe tani.

[Astrit77]

Une e shikoj shpetimin si kalimin nga vdekja ne jete, dhe kjo nuk vjen nga merita ime, ose buron nga brenda meje, por eshte nje rilindje prej se larti, pra nga Perendia, eshte nje veprim nga jashte qe kryen Perendia me cilindo qe beson dhe pranon Birin e Tij si Zot e Shpetimtar. Rruge tjeter shpetimi une nuk njoh, gjithmone sipas asaj qe na meson Bibla. Dhe rilindja nuk ndodh ne kishe apo ne ndonje institucion fetar. Por ne momentin e rilindjes ne behemi pjese e kishes dhe i bashkohemi trupit te Zotit.

Sa per saktesi Matrix, kusari ne kryq nuk ishte i pari qe hyri ne parajse, pasi parajsa ne ate kohe ishte e populluar me mijera besimtare te tjere para Krishtit (Abrahami, Davidi, etj.), dhe ata hyne ne parajse duke besuar tek Perendia dhe premtimet e Tij per Shpetimtarin. Edhe pse ato nuk e pane Mesian e tyre se afermi, e pane Ate se largu dhe e pershendeten Ate dhe vepren e Tij. Historija e shpetimit fillon qysh me fillimin e njerezimit ku me qindra mijra vete u shpetuan ne te njejten menyre qe shpetohemi edhe ne sot, me ane te hirit nepermjet besimit, dhe kjo do te vazhdoje deri ne fund te botes, nuk do te ndalet asnjehere, deri sa kjo bote do te kaloje dhe do te zevendesohet nga krijimi i ri (per analogji edhe ata qe jane te shpetuar jane krijesa te reja, 2 Kor. 5:17).

Ne momentin e rrembit te kishes ne qiell, para ardhjes se Krishtit, do te jete kombi i Izraelit qe do te zevendesoje kishen dhe do te jete deshmitar i hirit te Perendise, pasi atehere ata do te konvertohen dhe do te njohin Ate qe kane kryqezuar.

Persa i perket kishes ne e kemi diskutuar ne nje teme tjeter te hapur nga Shpresemiri qe kisha e vertete nuk eshte e ndare, por e bashkuar dhe te bashkuar ate e mban Zoti.

Falenderoj gjithesecilin prej jush qe merr pjese ne keto diskutime qe duhet t'i sherbeje trupit te Zotit dhe per inkurajimin e njeri-tjetrit dhe kerkoj falje qe nuk mundem te marr pjese me shume. Megjithese me lutje jam gjithmone prane jush.

Zoti ju bekofte dhe ju shenjterofte cdo dite per lavdine e Tij!

[Matrix]

Pershendetje

Per Astritin do thoja qe Kusari ishte i pari qe hyri ne Parajse, sepse deri ne ate moment Parajsa ishte e mbyllur dhe akoma njerezit ishin nen Vdekjen dhe Hadin.

Por kjo s'do te thote aspak se te drejtet qe jetuan para tij humben. Ata hyne ne parajse se bashku me kusarin, diten kur varret u hapen dhe shume trupa shenjtoresh u ringjallen. Pra ne momenti kur Krishti zbriti ne Ferr, Ferri u shkaterrua dhe Jeta e perpiu vdekjen.


Perseri theksoj faktin se Kisha eshte instrumenti i vetem qe sjell Shpetimin ne bote. Ajo nuk eshte nje turme pasive, me rrobote te shpetuar, por perkundrazi nje Organizem i Gjalle, i prekshem, Perendinjeriu ne toke!

Per doktrinen e zevendesimit te Kishes nga Izraeli nuk ka asnje lloj baze, por eshte nje shpikje e krishterimit perendimor dhe e flirtit Protestanto-Izraelit!


Pershendetje e vecante dhe per ty LiveInTwoPlaces, qe me te vertete i ke munguar ketij Forumi dhe do doja qe te mos largoheshe serisht.

Me kete rast, po them dicka dhe ne lidhje me ate qe shkruan LiveInTwoPlaces. Bie plotesisht dakord me shumicen e shkrimit te tij, sidomos me faktin qe ai sjell se pa Kishe, bota nuk mund te kete Driten!

Kisha eshte Perendinjeriu ne toke, dhe anetaret e saj shkojne perjetesisht drejt hyjnizmit dhe perngjasimit me kete Perendinjeri.

Ajo cka une mendoj eshte se Kisha eshte Rrjeta qe Peshkatari Hyjnoro-NJerezor ka hedhur ne bote dhe peshqit qe zihen aty jane te shumellojshem, Ajo eshte ara ku Ai hodhi faren dhe po keshtu eshte dhe ara ku armiku i tij hodhi faren e vdekjes.

Ajo eshte Hardhia qe Vreshtari mbolli dhe per te Cilen Ai kujdeset. Nqs nje dege keputet prej Saj, i humbet bukuria dhe vdes.

Armiku kryesor i Kishes ne histori ka qene Individi. Kisha gjithmone ka qene persekutuar nga Individi, Perendinjeriu nga Njeriperendiu.

Shume grupe kristiane kane rene, vetem per faktin se ato kane qene thjesht klone te individit. Po te hedhesh nje sy ne boten protestante do shohesh cdo grup ndjek verberisht doktrinat e nje njeriu te vetem, qofte ky nje lider i gjalle, ose nje themelues i vdekur.

Ky eshte fenomeni i Papizmit, i protestantizmit me te hershem, sic e quan dhe Seminaristi.
Kunder ketij fenomeni, Trupi gjithmone ka triumfuar, ndonese prej tij jane shkeputur copa, por asnjehere Trupi nuk ka pushuar se ekzistuari.

Persa i perket trekendeshit: Ortodoks, Katolik, Protestant,

Per Katolicizmin mund te gjejme nje fillese historike pas vitit 33 A.D, per protestantizmin po ashtu, ndersa per Ortodoksine, une te pakten, nuk jam ne gjendje te percaktoj nje fillese pas vitit 33 A.D...

[deshmuesi]

Ju pershendes te gjithve.
I lexova me radhe te gjitha shkrimet tuaja, por vetem ne shkrimet e Astritit, pashe pergjigje te drejte. MAtrix thote se, Kisha jep shpetim. Pra persa i perket mendim te MAtrixc, askush prej jush, pervec Astritit, nuk jep nje pergjigje te mbeshtetur ne bibel.
Livein me ju pajtohem pjeserisht , por persa i perket shpetimit, ti pajtohesh me mendimin e MAtrix. Gjithsesi nuk kam asnje qellim qe te gjykoj ndokend. Ajo qe Krishti kerkon prej meje eshte, te shpall drejt ungjillin e tij.
Meqense MAtrix vazhdon te ngule kembe rreth mendimit te tij, me te drejte e pyes perseri: Kriminelit ne kryq, cila kishe ja dhe shpetimin? Ai e ka anashkaluar kete pyetej thjesht me nje "pergjigje" te pakuptimte. Deshmija eshte e qarte se, Shpetim ka vetem ne emer te Krishtit, Vep:4:12. Eshte mesim shume i rrezikshem te shpallesh se, kisha ka pushtet te jape Shpetim. Ne asnje vend te bibles, nuk gjejme te deshmuar nje gje te tille. Kisha SHPALL dhe LUTET per shpetimin e te gjithe atyre qe vijne drejt Krishtit, por pushtet per shpetim ka vetem Zoti Krisht. Nese fillojme te bejme loje fjalesh duke then se, me kishen nenkuptojme Krishtitn, dhe meqense Krishti jep shpetim, atehere dhe kisha jep shpetim; une mendoj se nuk kemi te qarte rolin dhe detyren e Kishes. Ne duhet te njohim konkretisht se ceshte shpetimi, si dhe kush ka autoritet dhe pushtet ta jape ate. Me lejoni tju pyes: Kush vdiq ne Kryq, kisha apo Krishti ? Krishti vdiq per kishen, ne menyre qe kisha permes Tij, te mare shpetim. A mund te quhet e drejte thenia: Ne emer te kishes je i shpetuar? Te gjithe ju qe jepni mesime, te cilat jane jashte se vertetes dhe fjales profetike te Perendise, mendoni mire per gjerat qe pohoni, sepse pergjegjesia eshte e madhe. Vertet Kisha eshte trupi i Krishtit, por jo kryet,Krishti. Ne kryq shkoi Krishti dhe Ai vdiq per mekatet, por aspak Kisha. Mekatet i fali Krishti dhe jo kisha. Kishen e udheheq Krishti dhe jo kisha te veteudhehiqet. Krishti eshte krijuesi, dhe jo kisha. Krishti eshte Perendi, dhe jo kisha, pasi kisha jane Bijte e Perendise. Te dalluarit e ketij fakti na ndihmon te mos japim mesime te rrezikshme. Kisha dhe Krishti jane NJE, por Krishti eshte Kryeja dhe kisha Trupi. Asnjehere me fjalen NJE , nuk duhet te ngatrojme pushtetin, ku Krishti Udheheq dhe kisha Bindet; Ku Krishti i shpall vullnetin e tij kishes, dhe kisha e zbaton; Ku Krishti e Meson, dhe kisha mer mesim; Ku Krishti e mbron ate , dhe kisha nuk vetmbrohet; Ku Krishti e perzgjodhi ate, dhe kisha nuk u vetperzgjodh; Ku Krishti e shpetoi , dhe kisha nuk u vetsheptua. Nese do te ec simbas mendimit te Matrix dhe Seminarist, atehere i bije qe, te gjitha keto pushtete te Krishtit ti kete dhe kisha, sepse jane NJE. Kisha dhe Krishti jane NJE, por KOKA eshte Pushteti ndersa TRUPI i binduri ndaj ketij Pushteti. Koka udheheq dhe Trupi bindet, ky fakt e ben NJE Kishen me Krishtin.
Tjetra gje qe ve re me ju te nderuar MAtrix e Seminarist eshte fakti se, jeni ju ata qe vetem gjykoni dite e nate protestanistet e skalasticistet . Do te ishte mire per ju qe te mos mereni as me protestante e as me katolike e tjere. Qellimi ne kete faqe eshte, te shapllim drejt ungjillin e Krishtit, pa gjykuar njeritjetrin. Ju nuk kini asnje te drejte qe te gjykoni mbi besimin e tjetrit. Por fakti qe ju gjykoni, tregon poziten tuaj. Ne shkrimet tuaja shoh urejtje dhe krenari per te shpallur jo Krishtin por religjionin. Vazhdoni. Cdo kush prej nesh do te beje ate pr te cilen dhe eshte thirur. Por per nje gje jam i bindur se, atej ku ka urrejtje, Krishti nuk eshte i pranishem.
Sa per myslimanet Seminarist, te siguroj se nuk i urrej, ti gjykon nga pozita jote. Ne asnje shkrim nuk kam shpallur urrejtje per ta, por urrej dhe nuk pranoj doktrinen e tyre, e cila eshte blasfemi ndaj Perendise.

Miqesisht deshmuesi

[Seminarist]

Deshmues,

shkrimet e mesiperme te tuat, aq me teper ai i fundit, si edhe te ungjilloreve te tjere, qe pyesin se ku o thoshka ne Bibel se Shpetimi vjen nepermjet Kishes, tregojne qarte se Bibla nuk eshte nje liber qe mund te kuptohet jashte Kishes, perkundrazi vete fakti se juve pysni edhe pse ne Bibel eshte fare e qarte nje gje e tille, tregon se jeni nen kurthin doktrinor qe juve e keni gjetur te gatshem neper "kishat" ku juve shkoni....

per tju ndihmuar po ju jap dy shembuj....

Pali u thote korintsave se ai i kish lindur ato ne Krishtin, dmth qe korintianet Kishin ardhur tek Krishti, Shpetimi, nepermjet Kishes, qe ne kete rast perfaqesohet nga Pali. A nuk u erdhi atyre shpetimi nepermjet Kishes.


Cfare do te thote se cfare te lidhni juve mbi dhe do te jete lidhur edhe ne qiell etj?

Sic shohim qarte kemi nje unitet veprimi te qiellit edhe tokes (Kishes), ku ne fakt paresine e ka Kisha, sepse nuk thuhet se cfare te lidhet ne qiell do lidhet edhe ne toke, por e anasjellta.

Pse?

Sepse Kisha si trup i Zotit ka te njejtin autoritet brenda autoritetit te Krishtit kuptohet.

Nqs Krishti tha se ditet e fundit do te jene si te Noahut, si mendoni juve se cila do jete Varka qe do percoje besomtaret ne Shpetim nepermjet stuhise mbytese te diteve te fundit.


Po ndalem me kaq..., edhe pse me habit se i paafte behet dikush kur e sheh Biblen nepermjet mesimeve te sektit, aq sa te mos dalloje edhe gjerat me te thjeshta

[Seminarist]

Madje edhe shkrimi i Astritit flet pikerisht se si shpetimi vjen nepermjet Kishes, pervec nje gabimi qe ai ben kur thote se Kisha nuk fal mekatet, ne nje kohe kur vargu se "kujt tua falni mekatet ne toke, u jane falur edhe ne qiell"...eshte i famshem

Nuk e di se perse per disa protetsante disa vargje biblike jane praktikisht te vdekura e te haruara!!!!

[marcus1]

Livein me ju pajtohem pjeserisht , por persa i perket shpetimit, ti pajtohesh me mendimin e MAtrix.

E cuditeshme kjo gje pasi une kisha pershtypjen se pikerisht te shpetimi bashkohem me ty me shume se ne cdo pike tjeter.