Shpëtimi i të krishterit

[marcus1]

Ai e ndjen veten te plote vetem ne miqesi me te krishteret e tjere, dhe te bashkuar, ata formojne Trupin e Krishtit ne toke.

Matrix, duhet ta perkthej kete thenjen tende keshtu: "Ai e ndjen veten te plote vetem ne miqesi me ortodokset e tjere, dhe te bashkuar, ata formojne Trupin e Krishtit ne toke.", apo ta marr ashtu si e ke thene me te vertete?

Se nese e marr ashtu sic e lexoj e vetmja gje qe mund te them eshte nje AMEN, por kam frike se kjo thenje e marre ashtu sic eshte shkruar vjen ne kundershtim me mesimet e KO. (te pakten ashtu sic i paraqet Albo)

[Matrix]

Fjala Ortodoks nuk ka kuptim, sepse ajo eshte Mbiemer. Pra emri eshte I Krishter, dhe Mbiemri Ortodoks, Pra i krishter ortodoks.

Fjala Ortodoks ne fakt eshte nje term qe i dallonte te krishteret nga heretiket. Ky term filloi te perdoret ne kohen kur Kisha po sulmohej nga arianizmi. Kjo eshte histori me vete. Ai term kishte kuptimin "I Krishter i Vertete, Origjinal",

Por jo cdokush qe pretendon se eshte Ortodoks eshte i tille. Ka shume "ortodokse" te vdekur. Ortodoks nuk te ben emri qe mban, por jeta qe ben.

Pervec kesaj, Kisha nuk perbehet vetem nga anetaret qe jetojne ende ne trup, por dhe nga ata qe kane ikur nga kjo jete!

[deshmuesi]

[QUOTE Albo thote:Nje besimtar orthodhoks nuk beson "shpetimin ne cast" sic besoni disa nga ju. Ne besojme ne nje jete te shenjte qe i perafrohet jetes se Shpetimtarit dhe shpetimi per ne nuk eshte nje cast, eshte nje proces qe zgjat nje jete mbi toke.
Albo[/QUOTE]

Le te flase fjala:
Vep:2:47:
" .. Edhe Zoti shtonte perdite ne kishe ( te tij), ata qe SHPETOHESHIN"

Kete besoj Albo, mesimin tend( religjionoz)apo kete deshmi te Perendise?
Ketu per SHPETIMIN e besimtareve pedoret koha e shkuar e kryer.
Miqesisht deshmuesi.

[deshmuesi]

Kur te vije ajo dite qe edhe besimi juaj ne Krisht te piqet, edhe ju keni per te kuptuar se nuk ka shpetim ne Krisht pa shkelur ne pragun e Kishes se Shenjte.

Albo

Une do te thoja te kunderten: "Nuk ka Hyrje ne pragun e Kishe se Krishtit, pa qene me pare i shpetuar me ane te Krishtit." Vep:2:47.
Kam disa pyetje per ju:
1- Ne cilen kishe shkeli krimineli qe mori shpetmin ne kryq?
2- Meqense shpetimi , (simbas jush) eshte nje proces jetesor, cili ishte ky "PROCES JETESOR" tek krimineli ?
3- Mos valle per kriminelin kishte perjashtime, dhe kemi te bejem me dy lloj menyrash ?
4- Kur shpetimi, (sipas jush) jepet vetem pas "PROCESIT JETESOR"( dmth te kesh besuar dhe bere vepra te denja per shpetim pergjate gjithe jetes), atehere: perse prifti orthodhoks shkon ne burg, dhe lutet per nje kriminel, perpara se ate ta ekzekutojne? Kur shpetimi nuk eshte nje "CAST", atehere: mos valle ky prift ben thjesht nje mashtrim? Sepse sipas jush, shpetimi eshte nje proces jetesor i mbushur me vepra te denja te shpetimit. Pra, per kete kriminel nuk ka asnje shprese per shpetim , edhe pse ai mund te pendohet dhe te pranoje Krishtin ne momentin e fundit te jetes se tij ne toke. Sepse ju thoni : shpetimi eshte proces qe kerkon kohe jetesore, por per kete kriminel, kjo gje eshte e pamundur, sepse ai eshte para ekzekutimit me vdekje dhe nuk ka kohe te kryeje PROCESIN. Shikoni pra, se, mesimi juaj i heq te drejten nje njeriu, i cili ne momentin e fundit te jetes se tij ( ashtu si krimineli ne kryq), mund te pendohet dhe te pranoje Jezusin si te vetmin shptimitar. Ju vendosni veprat per sheptim, ndersa Jezusi dhe apsotutj, vendosin BESIMIN si i vetmi kusht per te mare shpetimin e Perendise, kete dhurate te Hirit.
Jo me kot une pyes cdo besimtari te krishter , rreth te qenit te tij apo jo i shpetuar. Kush eshte i shpetuar e njeh Shpetimin Jeten e perjetsheme, prandaj dhe Jezusi i tha Martes: Une jam jeta dhe Ringjallja. Te kesh Krishtin ne zemer, do te thote te kesh Shpetmin, te kesh ringjalljen , te kesh jeten e perjetshme. Ne pergjigje te pyetjes sime, Matrix deklaroi dhe tha: "jam i shpetuar. Ne deshmine e tij, mendoj se, Matrix nuk pati parasysh PROCESIN tend, por pati VEPREN e Krishtit ne kryq, premtimin e Krishtit, dhe besen ne Krisht.
Te deshmosh Krishtin dhe Shpetimin, duhet ta kesh se pari Ate ne zemren tende. Apostujt dhe mbare dishepujt e Krishtit, nuk mund te deshmonin dhe te predikonin SHPETIM ne emer te Krishtit, nese ate vete nuk do ta kishin dhe nuk do ta ta preknin konkreisht kete SHPETIM ne veten e tyre ( Krishti ne zemre). Ne pame, digjuam dhe e prekem vete Fjalen e Perendise, Jeten e perjetshme Zotin Krisht, thote Gjoni ne letren e tij te pare. Gjoni flet per nje fakt konkret, dhe jo imagjinate apstrakte. Prej vepres se besimit te Perendise, ne shohim konkretisht, se si Krishti vepron ne jeten tone. Por nese Ai eshte dhe vepron brenda nesh, a nuk eshte ai Shpetimi dhe jeta e perejtshme konkretisht ne zmeren tone?
Miqesisht deshmuesi.

[deshmuesi]

Matrix, duhet ta perkthej kete thenjen tende keshtu: "Ai e ndjen veten te plote vetem ne miqesi me ortodokset e tjere, dhe te bashkuar, ata formojne Trupin e Krishtit ne toke.", apo ta marr ashtu si e ke thene me te vertete?

Se nese e marr ashtu sic e lexoj e vetmja gje qe mund te them eshte nje AMEN, por kam frike se kjo thenje e marre ashtu sic eshte shkruar vjen ne kundershtim me mesimet e KO. (te pakten ashtu sic i paraqet Albo)

Livein. mbeshtet mendimin tend ploteisht, pavaresisht se Matrix, per kishe te Krishtit njeh vetem ate orthodhokse. Por nuk cuditem nga ky pohim orthodhoks, pasi eshte lufte religjionesh. Mua me cudit tjeter gje: bibla deshmon se , Perendia eshte dashuri, pra dhe TRupi i Krishtit eshte i themeluar mbi kete Dashuri. Athere ke te pranoj? A mund te jesh ne te njetin Trup, dhe te urresh, dhe te perndjekesh, dhe te quash pjesen tjeter e cila ka thuriur dhe besuar ne emer te Krishtit, duke e gjykuar ate me syte e mishit dhe ta quash , protestante heretike? A do te guxonte nje organ ne trupin tone te urente organin tjeter? Dashruia eshte LIDHJE e persosmerise, dhe ne persosmeri ka dashuri dhe kjo dashuri eshte Krishti.
Miqesisht deshmuesi

[Matrix]

E keqja me botekuptimin protestant eshte se ata cdo kishe (cfaredo besimi te kete) konsiderohet si pjese e Kishes Universale. Ky mendim ka filluar shume vone, madje dhe vete protestantet ne fillim besonin se katoliket dhe ortodokset ishin "prej djallit", perderisa ata "adhuronin" ikonat.
Me kalimin e kohes, me sa duket ata po i njohin dhe katoliket dhe ortodokset si pjese te Kishes Universale ku dhe ata bejne pjese.

Sidoqofte, mua me duhet te falenderoj zoterinjte protestante per kete zemergjeresi te tyren qe vendosen te na pranojne dhe ne ne Kishe. Jemi shume te gezuar qe u treguat kaq zemergjere me ne!

Besimi se "cdo kishe eshte e vertete dhe nuk duhet te lartesojme njeren dhe te ulim tjetren" s'eshte tjeter vecse zgjatim i mendimit se "cdo besim ka te drejte" dhe si rrjedhim mjafton qe njeriu te besoje ne nje Zot.

Po keshtu dhe vete ky mendim, pra "cdo besim ka te drejte" s'eshte tjeter vecse zgjatim i Fese Boterore te re: Humanizmit!

Kjo fe eshte feja qe e sakrifikon Perendinjeriun ne emer te njeriut. Pra Njeriu eshte vlera e vertete, dhe cdo besim eshte ne sherbim te tij. Njeriu eshte vlera absolute dhe cdo besim eshte relativ dhe ka synim vetem te beje ate te ndihet mire.

Por a eshte kjo ajo qe besonin te krishteret gjate shekujve?

Perse atehere miliona u vrane vetem qe mos lejonin qe herezite dhe skizmat te mbulonin Kishen?

Ju lutem dhe njehere, tregohuni te sinqerte me veten tuaj dhe kerkoni Kishen! Mos u kenaqni me Kishen Universale, por kerkoni Kishen Ortodokse.

[Matrix]

Shembulli i Priftit dhe Kriminelit s'eshte tjeter vecse shembulli i Krishtit dhe Kusarit. Nqs Krimineli pendohet, ai patjeter qe do falet, dhe do shpetoje.

Prifti shkon aty ne emer te Krishti dhe te Kishes se Tij, e Cila vazhdon ne toke punen e Krishtit. Nqs Kisha nuk do ekzistonte, as ai Kriminel nuk do mundte te prekte Krishtin. Pra Kisha s'eshte tjeter vecse Perfaqesuesja Personale e Krishtit ne toke.

Por nqs Krimineli i shpeton denimit me vdekje, ai do duhet te qendroje ne pranine e Krishtit, perndryshe, ajo pendese para vdekjes nuk i vlen per gje.

Te besosh ne shpetimin si proces, eshte thjesht te besosh se njeriu eshte Ikona e Perendise, dhe si i tille gezon cilesi qe ka Perendia. Njera nga keto eshte edhe Liria. Madje dhe Liria per t'a humbur Lirine e per te perfunduar ne Ferr!

Te besosh ne shpetimin si proces, eshte te hedhesh poshte teorine Kalviniste te predestinimit ne emer te kristianizmit ortodoks!

Te besosh ne shpetimin si proces, s'eshte tjeter vecse te besosh ne Hyjnizimin e njeriut!

[Astrit77]

Pershendetje!

Ashtu sic e thashe ne shkrimin me siper Shpetimi eshte nje moment dhe ndodh kur ne pranojme Jezu Krishtin ne jeten tone. Pas ketij momenti jemi te shpetuar perjetesisht dhe nuk mund ta humbasim shpetimin me kurre. Perendia na siguron ne Fjalen e Tij se kjo gje eshte e sigurte. Ja nje pasazh i sigurise se Shpetimit , Gjoni 10:27-29:

27 Delet e mia e dëgjojnë zërin tim, unë i njoh dhe ato më ndjekin;
28 dhe unë u jap atyre jetën e përjetshme dhe nuk do të humbasin kurrë, e askush nuk do t’i rrëmbejë nga dora ime.
29 Ati im, që m’i dha, është më i madh se të gjithë; dhe askush nuk mund t’i rrëmbejë nga dora e Atit tim.

Me qarte dhe me fuqishem per sigurine e besimtarit nuk mund te flitet me. Krishti nuk po flet per ata qe tashme kishin vdekur duke besuar por po na flet neve qe e degjojme zerin e Tij dhe e ndjekim Ate. Ne jemi ne duart e Krishtit (v. 28) dhe ne duart e Atit (v. 29). Kush mund te na shkepuse prej andej, Rom. 8: 38-39:

38 Sepse unë jam i bindur se as vdekja, as jeta, as engjëjt, as pushtetet, as fuqia dhe as gjërat e tashme as gjërat e ardhshme,
39 as lartësitë, as thellësitë, as ndonjë tjetër krijesë, nuk do të mund të na ndajë nga dashuria e Perëndisë që është në Jezu Krishtin, Zotin tonë.

Me siper kemi fjalet e Jezusit per sigurine e shpetimit , pastaj te Palit dhe ja edhe te Gjonit, 1 Gjoni 5:11-13:

11 Dhe dëshmia është kjo: Perëndia na dha jetën e përjetshme dhe kjo jetë është në Birin e tij.
12 Ai që ka Birin, ka jetën; ai që nuk ka Birin e Perëndisë, nuk ka jetën.
13 Jua shkrova këto gjëra juve që besoni në emrin e Birit të Perëndisë, që të dini se keni jetën e përjetshme dhe që të besoni në emrin e Birit të Perëndisë.

Gjuha qe perdor apostulli Gjon ketu eshte e qarte, koha e shkuar pra gjithshka eshte e perfunduar e garantuar dhe ai ne keto 3 vargje perdor 7 here fjalen jete dhe behet fjale per jeten e perjetshme qe tashme e kemi marre dhe jemi te sigurte per kete. Apostulli deshiron qe ne te jemi te sigurte se jemi te shpetuar perjetesisht. Dhe keto fjale jane drejtperdrejt te Frymes se Shenjte qe i flet nepermjet apostullit Gjon.

Persa i perket procesit te shenjterimit qe une kam permendur me siper, ai eshte nje proces maredhenie vertikale me nje Person, Jezu Krishtin, te ushqehesh me fjalen te vish ne prani te Perendise me lutje, dhe gjithashtu ai eshte edhe nje maredhenie horizontale me vellezerit dhe motrat ne Krisht.

Rendesia e kishes asnjehere nuk duhet nenvleftesuar, por duhet te bejme kujdes qe kisha te mos marre fronin qe nuk i takon. Shpetimi eshte dhurate e Perendise dhe shpetimin nuk e jep kisha, por Perendia dhe kisha nuk mund ta zoteroje ate. Por kisha besnikerisht duhet gjithmone te deshmoje kete shpetim dhe gjithmone duhet te perulet para Fronit te Hirit, ashtu sic edhe Gjoni pershkruan se pleqte ne qiell peruleshin para fronit dhe hidhnin kurorat e arta para Tij.

Fakti qe ka patur te shpetuar edhe para se kisha te themelohej, madje edhe para se kombi Izraelit te ekzistonte, tregon se kjo gje eshte teresisht veper e Perendise, dhe kushti i vetem per tu shpetuar nuk ka qene as t'i perkisje kombit Izraelit, as te pagezoheshe, por te kesh frike Perendine e gjalle, te kerkosh Ate dhe te besosh ne Te. Shikoni shembullin e Enokut. Ai eci me Perendine dhe Perendia e zhvendosi per shkak te besimit, ose Abeli qe ofroi flijimin e tij me besim tek Perendia, Abrahami i besoi Perendise dhe Ai ja vuri ne llogari te drejtesise e sa e sa shembuj te tjere. Tek Hebrenjte 11 kemi nje liste me te gjate te atyre qe besuan tek i njejti Perendi qe besojme edhe ne sot.

Dhe besimi është siguria e gjërave që shpresohen, tregim i gjërave që nuk shihen

Zoti ju bekofte!

[Matrix]

Jakobi 5

19 Vëllezër, në qoftë se ndonjë nga ju del nga rruga e së vërtetës dhe dikush e kthen,

20 le ta dijë se ai që e kthen mëkatarin nga të gabuarit e rrugës së tij, do të shpëtojë një shpirt nga vdekja dhe do të mbulojë një shumicë mëkatesh.

Per ke i thote apostulli keto vargje?

[Jesushaus]

5 Unë jam hardhia, ju jeni shermendet; kush qëndron në mua dhe unë në të, jep shumë fryt, sepse pa mua nuk mund të bëni asgjë.

6 Në qoftë se ndokush nuk qëndron në mua, hidhet jashtë si shermendi dhe thahet; pastaj i mbledhin, i hedhin në zjarr dhe digjen.
Gjoni 15


17 Vëllezër, në qoftë se ndonjë nga ju del nga rruga e së vërtetës dhe dikush e kthen,

18 le ta dijë se ai që e kthen mëkatarin nga të gabuarit e rrugës së tij, do të shpëtojë një shpirt nga vdekja dhe do të mbulojë një shumicë mëkatesh.
Jakobi 5