AKSH kërcënon Kadarenë

[Brari]

GSH
---

MESAZHI NE FAQEN ZYRTARE TE INTERNETIT

AKSH kërcënon Ismail Kadarenë
"S'kanë vdekur Avni Rustemët, që të bëjnë pishman..."


--------------------------------------------------------------------------------



Korifeu i letrave shqipe, Ismail Kadare kërcënohet nga AKSH (Fronti për Bashkimin Kombëtar Shqiptar). Mesazhi kërcë-nues gjendet ende në faqen zyrtare të internetit të AKSH në formën e një deklarate të firmosur nga Alban Kosova (pseudonim) më 5 prill 2004. Vetëm një ditë më parë, më 4 prill, shkrimtari i shquar Ismail Kadare kishte publikuar në faqet e gazetës "Shekulli" një opinion me titull "Riparimi i së keqes". Një mllef ndaj ngjarjeve të dhunshme marsit në Kosovë, të cilat sipas Kadaresë dhe jo vetëm tij janë vlerësuar "një hap mbrapa". Sipas Kadaresë, i cili i bën një rishikom historik marrdhënieve të shqiptarëve me serbët në shekuj, zhvillimet e furishme në Kosovë pas incidentit të mbytjes së tre fëmijëve shqiptarë, të ndjekur nga serbët në Mitrovicë, ishin "një duhmë vetëvra-sëse, kryekeput antishqiptare, e veshur me petk antiserb… Brenda një nate, bashkë me kishat, u dogjën ato letra fisnikërie, me të cilat shqiptarët, me të drejtë, kishin qenë krenarë shume shekuj: tolerancën fetare, pranimin e tjetrit, mikëpritjen në shtëpinë e vet…". Më tej Kadare kujton se pak ditë më parë se të ndodhnin këto ngjarje, Shqipëria, Maqedonia dhe Kroacia kishin marrë ftesë nga Presidenti Amerikan si kandidatë të NATO-s. Sipas Kadaresë, nëse do të vërtetohej se dhuna ka qenë e organizuar, atëherë synimi i saj kryesor ka qenë armiqësimi i shqiptarëve me Perëndimin, pra prerja e rrugës drejt Evropës. Në vijim Kadare shkruan se mund të dyshohet se gjithçka është organizuar nga ekstremistë, që luftën kundër Perëndimit dhe NATO-s e kanë në genet e tyre. Kadare e quan këtë kategori njerëzish "pula të lagura që trimërohen kur nu duhet" dhe "shqiptarë të shitur te shërbimet e huaja, kryesisht serbe". Këto janë rreshtat që kanë bërë krerët e AKSH të reagojnë ashpër ndaj shkrimtarit. Pra disa njerëz anonimë, të cilët nuk kanë mbështetjen e asnjë faktori shqiptar legal, përfaqësuesit e të cilëve janë përfshirë në listën e zezë të Departamentit Amerikan të Shtetit për terrorizmin, kanë marrë iniciativën apo guximin të sulmojnë, madje të kërcënojnë një nga figurat më të shquara të kombit shqiptar.

Kërcënimi
Pikërisht duke komentuar këtë qendrim të Kadaresë ndaj ngjarjes, njeriu që është ngarkuar të hartojë kundërpërgjigjen, ka sulmuar idetë "jonacionaliste" dhe mërinë e shkaktuar te shkrimtari nga dëmtimi i imazhit të ndërtuar me vështirësi të bashkëjetesës në Ballkan, duke shkuar deri tek kërcënimi i papritur dhe i papërgjegjshëm: "Mbani gojën pra, Ismail Pasha i Parisit, se akoma nuk kanë vdekur Avni Rrustemët, që të bëjnë pishman përse ke le!" Një shprehje që nuk ka nevojë për komente. Gjithsesi lipset të thuhet se ka të ngjarë që nuk kemi të bëjmë me një qendrim shumë serioz të një organizmi shumë serioz. Dihet që AKSH, apo FBKSH, krerë rë së cilës thonë se janë Gafurr Adili apo Idajet Beqiri, ka një faqe në internet, por nuk dihet nëse qendrimi i mbajtur përbën një opinion, të themi zyrtar, të këtij organizmi. Ka të ngjarë që batuta të jetë delir i njeriut që ka akses të bëjë "analizat" në këtë faqe interneti, që nuk dëshmon më shumë se ekzistencën e një formacioni virtual të quajtur AKSH.


"Riparimi i së keqes" në Kosovë sipas opinionit të Kadaresë

Në Kosovë, në mars të vitit 2004, çështja shqiptare pësoi një disfatë", kjo ishte një nga fjalitë e para të shkrimit të Kadaresë të botuar më 4 prill në gazetën "Shekulli". Një opinion brilant për ngjarjet e dhunshme të marsit në Kosovë. Sipas Kadaresë gjithçka e ndodhur ishte kthim pas dhe një zhvillim pozitiv vetëm për të interesuarit të ndodhte një regres i tillë. "U sulmua, me provokim ose jo, një pakicë etnike. Me urë në dorë u dogjën shtëpitë serbe. Me po ato ura iu vu zjarr kishave serbe. Brenda një nate u dogjën aq kisha sa ndoshta nuk janë djegur gjatë një shekulli në Evropë", ishte akuza më e rëndë e Kadaresë për ngjarjen. Gjithsesi në shkrimin e tij Kadareja ka theksuar se ngjarjet ishin jashtë natyrës së shqiptarëve dhe se ata kryen në kohë ritualin e pendimit. "Dënimi (i dhunës), ndoshta, është dukur disa herë më i ashpër se ç'duhej… Dhe kjo ndikoi, pa dyshim, në frenimin e zemërimit botëror", shkruante Kadare.


Truri politik i AKSH-së u themelua te Pallati i Kongreseve

Fronti për Bashkimin Kombëtar Shqiptar (FBKSH), që njihet si truri politik i formacionit lufatrak AKSH, është themeluar më 12 korrik 2001 te Pallati i Kongreseve në Tiranë, ku Gafurr Adili (shqiptaro-maqedonas në mërgim) është zgjedhur kryetar. Fronti në fjalë është krijuar si një grupim forcash politike, shoqatash joqeveritare, intelektualësh atdhetarë etj., që ka si pikësynim bashkimin e trojeve dhe popullit shqiptar në një shtet të vetëm autokton. Sipas Gafurr Adilit, "FBKSH nuk është një organizatë ilegale, siç thuhet nga disa dashakeqës të çështjes kombëtare, por një domosdoshmëri e kohës". Adili deklaron se 60% e platformës së FBKSH-ës është huazuar nga platforma e bashkimit kombëtar të Akademisë së Shkencave të Republikës së Shqipërisë. Një vit më parë Gafurr Adili u dënua nga Gjykata e Tiranës me 10 muaj burg për nxitje të urrejtjes nacionale.

[dodoni]

Reagim ndaj shkrimit të Ismail Kadaresë „Riparimi i së keqes“ lidhur me ngjarjet e marsit 2004 në Kosovë

E KEQJA NUK MUND TË RIPAROHET, AS TË MJEKOHET, POR AJO DUHET TË SHËROHET PËRFUNDIMISHT.

Shtrohet pyetja, kush mund ta shëroje atë ?- Autori i saj hiç se hiç, por as politika e ashtuquajtur "demokratike-moderniste-patriotike", që pa fije turpi është vënë në pararojë të interesave pesonale dhe të huaja... (thoshte një mik i imi këto ditë)


Kohëve të fundit në shumicën e gazetave botohen, shkrime, deklarata, komente, ankesa e vaje liderësh e personalitetesh të fushave të ndryshme, përkitazi me zemërimin popullor të marsit 2004 në Kosovë, i cili nuk është as i pari dhe as që mund të jetë i fundit, përderisa në trojet shqiptare të Shqipërisë Etnike, do të ketë kolonizatorë dhe të kolonizuar nga çizmja sllave në Ballkan.

Në mesin e këtyre përqurrjeve, fatkeqësisht u gjet edhe personaliteti i letrave shqipe I.Kadare me shkrimin e tij “famoz” ,”Riparimi i së keqes” të datës 04.04.2004 në gazetën „Shekulli“.

Ky “usta riparimesh”, na del në skenë me shkrimin e tij, si ndonjë vampir, sikur të kishte qenë jo mbi tokë, por diku në hënë apo nën tokë.

Dëshmi e kësaj "vampirosje", janë pothuaj pjesa dërmuese e shkrimeve, nga personalitete të letrave të llojit të këtij shkrimi, qëndrimet politike të të ashtuquajturëve lider politik të Kosovës e Shqipërisë së bashku me institucionet e tyre. Institucione këto, të cilat çdo ditë e më shumë nuk i përkasin aspak popullit shqiptar të ndarë në pesë shtete.

Si është e mundur dhe ç' logjikë mund të kapërthente këtë imitim banal, që u bëhet qarqeve regresive botërore dhe politikës antikombëtare të "liderëve" shqiptar, nga personalitete si I.Kadare tani, në raport me ngjarjet e marsit në Kosovë, të cilat nuk erdhën si rezultat vetëm i hakmarrjes ndaj krimit serb, por erdhën nga dështimet e një pas njëshme të po këtyre "liderëve" dhe"politikave" të tyre, në Kosovë, Maqedoni, poashtu edhe në Shqipëri.

A nuk e di, (apo bëhet sikur nuk e di ), zoti Kadare, që djegia e kishave e shtëpive serbe u bë, pikërisht , pas një shekulli që shqiptarët u dogjën e u poqën nga flakët e gjakatarëve serb?

Nuk e di (apo bëhet se nuk e di) Kadare, që hiç më larg se para pak vitesh shqiptarët digjeshin e piqeshin po nën këto flakë?

Nuk e ditka zoti Kadare që, para se të fillonte zemërimi popullor i ndrydhur në vite, (zemërim që nuk mund të jetë i fundit kurrë, pavarësisht nga britmat dhe vajet e ca “intelektualëve” e “politikanëve” shqiptar, për hesap të të cilëve, kombi shqiptar do të duhej kishte nënshkruar edhe zhdukjen e tij fizike që moti) u vranë mizorisht tre fëmijë, djem të nënave të Kosovës nga po këta serb, dhe nuk u mbytën në lumin Ibër duke notuar apo duke bërë plazh në ndonjë nga brigjet e detit të Francës.

Nuk e ditka zoti Kadare, që para ca kohësh shefi i zbulimit serb, proklamonte me zë të lartë operativën agjenturore në Kosovë dhe në të gjitha trojet shqiptare, në Shqipërinë Londineze deri edhe në vetë udhëheqjen e lartë të politkës shqiptare?

Nuk e ditka, zoti Kadare, që UNMIK-u dhe KFOR-i gjithashtu, në momentin kur do të digjeshin kishat e shtëpitë e kolonizatorëve serb, dha urdhër jo vetëm për policët e UNMIK-ut, por edhe të SHPK-së, të largoheshin urgjentisht nga ruajtja e këtyre kishave ? ( disa nga këto i ruanin me vite, ndërsa atë dite marsi jo !!!)

Nuk e di, zoti Kadare që, ato netë të marsit Mitrovica veriore po spastrohej nga shqiptarët nën tytat e bandave kriminale serbe, të cilët ka kohë që janë stacionuar në Universitetin serb në pjesën e Mitrovicës veriore, universitet ky që, paguhet nga buxheti i mjerë i Kosovës me miratimin e “institucioneve të sotme” të Kosovës ?!

Nuk e ditka, zoti Kadare, që ky spastrim po bëhej para syve të UNMIK-ut dhe KFORI-it, fare legalisht ?!

Nuk e di zoti Kadare që, nga këto përleshje mbetën 19 apo më shumë shqiptarë të vrarë dhe qindra të plagosur, ndërsa nga ana tjetër (pala serbe) vetëm dy?!

Nuk e di zoti Kadare, (apo bëhet sikur nuk e di) që tani po prangoset e anatemohet, si në vitet ’81, rinia e Kosovës për pjesëmarrje në zemërimin popullor të Kosovës së marsit 2004?

Nuk e kupton zoti Kadare, se ajo që shkruan ai për Kosovën e marsit 2004 dhe popullin e saj, është marrëzi e shkuar marrëzive? Apo bëhet sikur nuk e kupton, sepse kështu e dirigjojnë ata prej të cilëve ha ai?

Zoti Kadare me paturpsinë intelektuale, (sepse shqiptare konsideroj që nuk i ka mbetur më) vazhdon të fëlliqë duke sharë e fyer popullin e Kosovës, ashtu sikur në të kaluarën jo të largët, të tërë Shqipërisë, (ndërsa është e njohur se, në ngjarjet e marsit 2004 nuk morën pjesë më pak se 50 mijë shqipatarë), në stilin e një njeriu delirant, për të arritur deri aty sa t’i lejoj vetes të na mbaj lexione për një farë “patriotizmi të tij modern”, për tu shkëputur siç shprehet ai, “nga zemërimi i verbër, nga vizioni dritëshkurtër, nga dufi katundaresk, ky surrogat i keq i patriotizmit”, i shtyrë, sipas tij gjithnje, nga “…ekstremistë nostalgjikë komunistë, ata që luftën kundër Perëndimit dhe NATO-s e kanë në genet e tyre. Nga histerikë te lindur, zakonisht pula të lagura, që trimërohen kur nuk duhet. Së fundi, nga shqiptarë të shitur te shërbimet e huaja , kryesisht serbë… (I.K).

Harron zoti Kadare që, në netët e marsit 2004, kur po vihej në zbatim plani i bandave kriminale të organizuara nga shteti serb, para syve të “çlirimtarëve” (UNMIK & KFOR), për spastrimin përfundimtar të Mitrovicës veriore, edhe nga ata pak shqipatarë që kanë mbetur aty, për të kaluar më pastaj edhe në jug të saj, ai ndoshta po argëtohej në cabaretë e Parisit francez, ndërsa 2000 djem e vasha dhe burra kosovar, vunë gjokset e tyre si mburojë e popullit të pa mbrojtur.

Mbani gojën pra, Ismail Pasha i Parisit, se akoma nuk kanë vdekur Avni Rrustemët, që të bëjnë pishman përse ke le !

Në shkrimin tuaj “famoz”, përpiqeni të konstatoni pasojat negative të zemërimit të arsyeshëm të popullit të Kosovës, duke shkaktuar panik tejdukshmërisht të qellimshme, sikur gjoja “…U bë e besueshme teza e mbrapshtë se lufta në Kosovë nuk ka qënë luftë për liri, por për fe (I.K) kur dihet tashmë botërisht se kush projektoi, organizoi dhe dogji kishat.

Në këtë kontekst, Ju shkoni më tej duke mos u ndalur, sikur qenka “... kapërcyer një kufi që quhej i shenjtë: u goditën çlirimtarët (lexo:çlirimtaret = UNMIK-u). “…Bashkë me ta, u godit vetë fati i Kosoves, i krejt kombit shqiptar” (I.K), ndërsa fëmijët shqiptarë u dhuronin lule ushtarëve të KFOR-it dhe si “shpërblim” nga ta hanin plumba.

Në Estetike, dikur profesori im i nderuar R.Qosja, na ligjëronte mbi të madhërishmen dhe kuptimin e saj. Mbaj mend që e bukura në kuptimin absolut të së bukurës quhej e madhërishme, ashtu siç quhej e madhërishme e shëmtuara në kuptimin e saj absolut.

Zoti Kadare, shkrimi juaj është ndërtuar mbi bazën e shumë të pavërtetave dhe shpifjeve, hipokrizisë dhe meskinitetit tuaj të pa cipë. Si i tillë ky është vërtetë i madhërishëm, në kuptimin absolut të shëmtisë intelektuale dhe kombëtare.


Alban Kosova
Prishtinë 05.04.2004

[dodoni]

Mendoj se nuk është kërcënim i AKSH-së por i një personi brenda AKSH-së që edhe ashtu nuk besoj të ketë qenë kërcënim por më shumë shprehje pakënaqësie ndaj atij shkrimi.
Mua ky shkrim mu duk shumë më i mirë nga Kadare krahasuar me intervistën që i dha asaj gazetës italiane disa ditë para këtij shkrimi, bile përndryshe ky shkrim nuk ishte i keq fare për mua por analizonte dhe dënonte dhunën sepse dhuna edhe është e dënueshme.
Edhe vet Kadare tha se nuk e merr seriozisht këtë kërcënim sepse edhe nuk duhet të merret.

[Arb]

“Kadare s’është Esati dhe kërcënuesit s’janë Avni”


Halit Gashi, Shekulli

Kadareja nuk është Esat Pasha dhe as kërcënuesit e tij nuk janë Avni Rustemi. Analiza që i bën Kadareja dhunës në Kosovë nuk do asnjë shtesë komenti, po kur merr vesh se kolosi i letrave shqipe, kërcënohet, e aq më keq krahasohet me tradhtarët e kombit është e vështirë të rrish pa i shkruar e pa u solidarizuar.

T’i pyesim zotërinjtë kërcënues: A ka më shërbim e ndihmë të mirë se i është bërë Milosheviçit nga ata që shkaktuan trazirat e marsit?

Ku është e drejta ?...Vdekje, dhunë, djegie, grabitje apo qetësi, qytetari, mirënjohje, respekt siç me të drejtë shkruan Kadare.

Me cilindo qytetar të Europës të bisedosh sot, e kupton menjëherë se solidariteti për ne shqiptarët ka rënë shumë pas trazirave të gjysmës së dytë të marsit.

Kadare e ndien këtë, prandaj shkruan me shpirt e pastërti kombëtare.

[D&G Feminine]

Si nuk e treguan trimerine njehere aty ku duhet po meren me budalliqe.

[Hyllien]

Kush te len me e treguar trimerine atje ku duhet, ata ne 99 qesh duke e pushtu gjith Maqedonine, por nderhyri NATO dhe shtetet sllave dhe i smbrapsen se i kishin bere sallate.

[dodoni]

Të nderuar lexues,
Kohëve të fundit siç keni vërejtur nga një pjesë e shtypit shqiptar, u improvizuan akuza të paskrupullta ndaj faqes zyrtare Informative të Stukturës Politiko ushtarake të FBKSH-së dhe vetë AKSH-së, në lidhje me reagimin logjik të Zotit Alban Kosova, ndaj shkrimit të Ismail Kadaresë, „Riparimi i së keqes“.
Reagimi i Zotit A.Kosova „E KEQJA NUK MUND TË RIPAROHET, AS TË MJEKOHET, POR AJO DUHET TË SHËROHET PËRFUNDIMISHT“, i cili u ishte dërguar paraprakisht pothuaj të gjitha gazetave, ishte një reagim i zakonshëm dhe natyrisht nuk përbëhej vetëm nga një fjali e vetme, por nga një text i tërë. Fatkeqësisht disa nga „Gazetat bulevardeske“aktuale, të cilat qëllim primar të tyre kanë komercializmin e ngritur mbi baza ireale të senzacioneve banale dhe aspak atdhetarizmin, tentuan me cinizëm dhe jo profesionalizëm të pa parë, të shfrytëzojnë këtë reagim për interesa të klaneve të tyre politiko- mafioze dhe antikombëtare.
Brenda dy ditësh pothuajse nuk mbeti „Gazetë“ pa publikuar me shkronja të mëdha, tituj të improvizuar senzacional, sikur „AKSH kërcnoka Kadarenë me vdekje“ !! Disa nga këto, me ca gazetarë e gazetare të mjera, morën edhe rolin e avokatit të I.Kadaresë.
Si duket këta faqezinjë, kanë harruar se AKSH nuk kërcnon por eleminon, kolaboracionist, armiq e tradhëtarë të kombit shqiptar (shënim i Redaksisë Ribashkimi i Shqipërisë)
(Në vijim, në vend të reagimit ju sjellim Intervistën ekskluzive të Kryetarit të FBKSH-së, Gafurr Adili në ).



GAZETA SHQIPTARE, E premte, 9 prill 2004

INTERVISTA / FLET GAFURR ADILI, KRYETAR I FBKSH-SË

" KADARE T'I KËRKOJE FALJE KOSOVËS "

Basir Collaku
Jeni njohur me kërcënimin ndaj shkrimtarit Ismail Kadare, botuar në faqen zyrtare të internetit të FBKSH-së ?

Po e kam lexuar sot në shtyp. Unë them se faqja zyrtare e Frontit për Bashkim Kombëtar Shqiptar (FBKSH) është një faqe që publikon, krahas deklaratave të strukturave të saj, edhe artikuj e shkrime të personaliteteve kosovare, gjë që e ka bërë dhe e bënë vazhdimisht. Ju siguroj se këto emra, që shkruajnë herë pas here aty, nuk janë anëtare të FBKSH-së.

Po letra e dy ditëve me parë ndaj Kadaresë ?

Unë besoj se i tillë është edhe rasti i letrës, e jo kërcënimi ndaj shkrimtarit Kadare e shkruar nga Alban Kosova. Aty në atë faqe ka shkrime edhe të Arben Xhaferrit, Adem Demaçit, Rexhep Qosjes etj. Unë e lexova këtë letër dhe mendoj se Alban Kosova është një intelektual i madh kosovar, që më ka shtuar kurreshtjen të shkoj ta takoj e ta përgëzoj për atë që ka bërë dy ditë më parë.

Kemi të bëjmë me një kërcënim që paraqet rrezik ?

Fronti për Bashkim Kombëtar Shqiptar (FBKSH) dhe struktura e saj ushtarake Armata Kombëtare Shqiptare (AKSH), nuk kërcënojnë asnjë individ, qoftë dhe zoti Kadare. Shkrimtarit do i sugjeroja të rrinte në Tiranë, të jetonte me popullin, me gjendjen e mjerë të tij, dhe pastaj të gjejë shkaqet e revoltave mbarë popullore që ndodhen në Kosovë ditët e fundit. Sepse nuk mund të gjykohet dhe vlerësohet situata e një kombi nga Parisi, Moska apo Beogradi.

Keni kontaktuar me Frontin për Bashkim Kombëtar Shqiptar ?

Po kam kontaktuar me departamentin e propagandë-informimit dhe jam njohtuar më këtë letër. Ata më kanë pohuar se këtë artikull Alban Kosova u’a ka dërguar të gjitha mediave shqiptare për ta botuar, por ata nuk e kanë bërë këtë gjë.

Atëherë si e shpjegoni këtë mesazh ?

FBKSH dhe strukturat e tij nuk merren me sajesa politike. Shumë filozofë e shkrimtarë të medhenj karrierën e tyre e kanë përfundur me vetëvrasje apo çmenduri, ndërsa Kadare po e përfundon me ikje nga atdheu i tij Shqipëria, nga atdheu që e lindi, që e rriti dhe e bëri shkrimtar të madh.

Çka kërkoni nga shkrimtari ?

Mendoj se shkrimtari Ismail Kadare duhet të kërkoj falje publike për sharjet, ofendimet dhe fyerjet që i ka bërë ndaj popullit shqiptar të Kosovës. Por ai nuk mund ta bëjë këtë gjë, sepse ka frikë të rrezikojë ëndërrën e tij, që është çmimi Nobel.

Po revolta popullore në Kosovë çfarë ishte sipas jush ?

Revoltat mbarëpopullore në Kosovë kanë ardhur si shkak i politikës së dështuar të UNMIK dhe politikës servile të shqiptarëve të atjeshëm, e cila besoj se nuk kanë autoritet dhe kompetencë për t'i shërbyer vendit të saj.

Ku e bazoni këtë akuze ?

Se pari, Kosovës i’u morën 2500 hektarë tokë dhe i’u falën IRJM-së. Pas këtij veprimi arbitrar Parlamenti i Kosovës bëri një rezolutë kundër. Por ish-mbreti i Kosovës, Michael Steiner, këtë rezolutë e hodhi në koshin e plehrave.

Se dyti, shihni se si serbëve të Mitrovicës i’u lejohet që të hapin universitet me financa nga buxheti i mjerë i Kosovës, ashtu si dhe shkruan Albani, dhe në këtë Universitet janë mbi 10 mijë paramilitarë të bandave të Arkanit, Sllobodan Millosheviçit, Sheshelit dhe Koshtunicës. Ndërsa, nga ana tjetër as shqiptarëve nën Mal të Zi dhe as shqiptarëve të Kosovës Lindore (Preshevë, Medvegja dhe Bujanoci) nuk iu lejohet që të kenë universitete në gjuhën shqipe.

Këto janë padrejtësitë që ju vëreni ?

Të paktën këto janë disa. Është e qartë se e drejta e vetëvendosjes, e cila është e sanksionuar në nenet e Kartës së OKB-së dhe në shumë konventa të Asamblesë së Përgjithëshme së saj, duhet të vlejnë si për të tjerët ashtu edhe për shqiptarët.

[dodoni]

Solla edhe reagimin e AKSH-së në lidhje me atë shkrim. Pra, nuk është kërcënim aspak dhe edhe pse unë mendoj se Kadare bëri gabim sipas meje në shkrimin dhënë gazetës italiane e jo në shkrimin riparimi i së keqes, ai është vetëm një gabim rasti dhe këtë gjë e di edhe AKSH, bile të gjithë ne e edhe AKSH krenohet me një intelektual si Kadare që ka nxjerrë kombi jonë dhe që ka qenë, është dhe do të jetë një ambasador i historisë, politikës, kulturës shqiptare në botë.

Tung

[Arb]

Reagim ndaj shkrimit të Ismail Kadaresë „Riparimi i së keqes“ lidhur me ngjarjet e marsit 2004 në Kosovë

E KEQJA NUK MUND TË RIPAROHET, AS TË MJEKOHET, POR AJO DUHET TË SHËROHET PËRFUNDIMISHT.

Shtrohet pyetja, kush mund ta shëroje atë ?- Autori i saj hiç se hiç, por as politika e ashtuquajtur "demokratike-moderniste-patriotike", që pa fije turpi është vënë në pararojë të interesave pesonale dhe të huaja... (thoshte një mik i imi këto ditë)

Cfare te sheroj? Shifozrenine e juaj kunder te ardhmes se popullit Shqiptar? Ajo politike e ashtuquajtur "demokratike-moderniste-patriotike", vlen punen e juaj aq te zellshme kunderkombetare. Ju jeni ata qe jeni duke punuar haptas kunder interesave madhore te kombit. Ju!! "Fare e keqe!"

Kohëve të fundit në shumicën e gazetave botohen, shkrime, deklarata, komente, ankesa e vaje liderësh e personalitetesh të fushave të ndryshme, përkitazi me zemërimin popullor të marsit 2004 në Kosovë, i cili nuk është as i pari dhe as që mund të jetë i fundit, përderisa në trojet shqiptare të Shqipërisë Etnike, do të ketë kolonizatorë dhe të kolonizuar nga çizmja sllave në Ballkan.

Ata qe e duan Kosoven dhe te ardhmen e saj sigurisht se edhe reagojne ndaj Revoltes qe solli nje "Revolucion te deshtuar Demokratik" ne Kosove. Edhe ne keto revolta nuk kishte zemerim popullor. Ishte zemerim I atyre qe tash e sa vite punojne me zell kunder te ardhmes se Kosoves.

Në mesin e këtyre përqurrjeve, fatkeqësisht u gjet edhe personaliteti i letrave shqipe I.Kadare me shkrimin e tij “famoz” ,”Riparimi i së keqes” të datës 04.04.2004 në gazetën „Shekulli“.

Ky “usta riparimesh”, na del në skenë me shkrimin e tij, si ndonjë vampir, sikur të kishte qenë jo mbi tokë, por diku në hënë apo nën tokë.

Te gjitha figurat qe haptas kundeshtojne apo demaskojne planet e juaj te pista kunder te ardhmes e Kosove, ju, "Fare e keqe," nuk nguroni ti etiketoni.

Dëshmi e kësaj "vampirosje", janë pothuaj pjesa dërmuese e shkrimeve, nga personalitete të letrave të llojit të këtij shkrimi, qëndrimet politike të të ashtuquajturëve lider politik të Kosovës e Shqipërisë së bashku me institucionet e tyre. Institucione këto, të cilat çdo ditë e më shumë nuk i përkasin aspak popullit shqiptar të ndarë në pesë shtete.

Sipas jush keto Institucione nuk u perkasin aspak popullit Shqiptar? Atehere, kush paska votuar keto Institucione? Ndonje popull tjeter paska zevendesuar Elektoratin Shqiptar diten e zgjedhjeve? Kush na qenkeni ju qe na tregoni se kujt i takojne keto Institucione? Ju Zoteri, nuk keni guximin te delni as me emer e mbiemer te vertete? Cka eshte ky ALBAN KOSOVA? Jemi lodh me keto nofka te dreqit zoteri!

Si është e mundur dhe ç' logjikë mund të kapërthente këtë imitim banal, që u bëhet qarqeve regresive botërore dhe politikës antikombëtare të "liderëve" shqiptar, nga personalitete si I.Kadare tani, në raport me ngjarjet e marsit në Kosovë, të cilat nuk erdhën si rezultat vetëm i hakmarrjes ndaj krimit serb, por erdhën nga dështimet e një pas njëshme të po këtyre "liderëve" dhe"politikave" të tyre, në Kosovë, Maqedoni, poashtu edhe në Shqipëri.

Edhe nje here, ngjarjet e Marsit, paraqiten nje "Revolucion te Deshtuar Demokratik," qe ju forcat e pista te majtes Shqiptare keni planifikuar tash e sa kohe.

A nuk e di, (apo bëhet sikur nuk e di ), zoti Kadare, që djegia e kishave e shtëpive serbe u bë, pikërisht , pas një shekulli që shqiptarët u dogjën e u poqën nga flakët e gjakatarëve serb? Nuk e di (apo bëhet se nuk e di) Kadare, që hiç më larg se para pak vitesh shqiptarët digjeshin e piqeshin po nën këto flakë?

Keto "fakte" nuk aresyetojne aspak ate qe ndodhi jave me pare.

Nuk e ditka zoti Kadare që, para se të fillonte zemërimi popullor i ndrydhur në vite, (zemërim që nuk mund të jetë i fundit kurrë, pavarësisht nga britmat dhe vajet e ca “intelektualëve” e “politikanëve” shqiptar, për hesap të të cilëve, kombi shqiptar do të duhej kishte nënshkruar edhe zhdukjen e tij fizike që moti) u vranë mizorisht tre fëmijë, djem të nënave të Kosovës nga po këta serb, dhe nuk u mbytën në lumin Ibër duke notuar apo duke bërë plazh në ndonjë nga brigjet e detit të Francës.

Perseri, ju jeni ata qe keni shfrytezuar krimin qe kryen Serbet ne Mitrovice mbi femijet Shqiptare per te ndeshkuar edhe nje here, si disa here me pare, te ardhmen e Kosoves. Jemi mesuar me skenare te ketilla! Jemi mesuar me trumbetime plane per Bashkimin e Trojeve Shqiptare, per Leternjoftime dhe Pasaporta te reja, qe sollen asgje me shume se masakra mbi popullesine e pa mbrojtur civile. Ju jeni ata qe perfitoni nga gjaku I te pa fajshmeve. Kete keni bere edhe gjate luftes ne Kosove, keto po beni edhe tash kur Kosova eshte e lire.

Nuk e ditka zoti Kadare, që para ca kohësh shefi i zbulimit serb, proklamonte me zë të lartë operativën agjenturore në Kosovë dhe në të gjitha trojet shqiptare, në Shqipërinë Londineze deri edhe në vetë udhëheqjen e lartë të politkës shqiptare?

Per planet kunderShqiptareve te Serbeve dime te gjithe. Gjithmone ndihemi te pergaditur nga ajo qe projektojne Serbet mbi ne. Tash kemi dy fronte, jeni edhe ju qe po beni punen e Serbeve tash e sa vite.

Nuk e ditka, zoti Kadare, që UNMIK-u dhe KFOR-i gjithashtu, në momentin kur do të digjeshin kishat e shtëpitë e kolonizatorëve serb, dha urdhër jo vetëm për policët e UNMIK-ut, por edhe të SHPK-së, të largoheshin urgjentisht nga ruajtja e këtyre kishave ? ( disa nga këto i ruanin me vite, ndërsa atë dite marsi jo !!!)

Cfare ka te bej kjo me gabimin qe gjoja Kadare ka bere ne shkrimin e tij rreth ketyre ngjarjeve? Pse atehere zoteri ato grupacione te revolucionareve te atyre dy diteve, ben punen e Serbeve, UNMIK-ut dhe KFOR-it? Aq te pa vemendshem na qenkan ata?

Nuk e ditka, zoti Kadare, që ky spastrim po bëhej para syve të UNMIK-ut dhe KFORI-it, fare legalisht ?!

Kete spastrim e ndimoni aq mire vete ju! Revoltat revolucionare ndihmuan edhe me shume kete spastrim.

Nuk e di zoti Kadare që, nga këto përleshje mbetën 19 apo më shumë shqiptarë të vrarë dhe qindra të plagosur, ndërsa nga ana tjetër (pala serbe) vetëm dy?!

Ketu edhe qendron edhe I gjithe dyshimi, se prapa kesaj revolte revolucionare qendroni pikerisht ju "fare e keqe!" Ju jeni ata qe gjithmone perfitoni nga gjaku I te tjereve.

Nuk e di zoti Kadare, (apo bëhet sikur nuk e di) që tani po prangoset e anatemohet, si në vitet ’81, rinia e Kosovës për pjesëmarrje në zemërimin popullor të Kosovës së marsit 2004?

Keto revolta nuk I ka bere Rinia e Kosoves, jane vetem te majtet e piste te Kosoves qe perfituan nga keto protesta.

Zoti Kadare me paturpsinë intelektuale, (sepse shqiptare konsideroj që nuk i ka mbetur më) vazhdon të fëlliqë duke sharë e fyer popullin e Kosovës, ashtu sikur në të kaluarën jo të largët, të tërë Shqipërisë, (ndërsa është e njohur se, në ngjarjet e marsit 2004 nuk morën pjesë më pak se 50 mijë shqipatarë), në stilin e një njeriu delirant, për të arritur deri aty sa t’i lejoj vetes të na mbaj lexione për një farë “patriotizmi të tij modern”, për tu shkëputur siç shprehet ai, “nga zemërimi i verbër, nga vizioni dritëshkurtër, nga dufi katundaresk, ky surrogat i keq i patriotizmit”, i shtyrë, sipas tij gjithnje, nga “…ekstremistë nostalgjikë komunistë, ata që luftën kundër Perëndimit dhe NATO-s e kanë në genet e tyre. Nga histerikë te lindur, zakonisht pula të lagura, që trimërohen kur nuk duhet. Së fundi, nga shqiptarë të shitur te shërbimet e huaja , kryesisht serbë… (I.K).

Kadare nuk ka share e fyer asnjehere Popullin e Kosoves. Ai me te drejte gjykon punen e zellshme qe ju "fare e keqe," beni kunder te ardhmes se Kosoves.

Mbani gojën pra, Ismail Pasha i Parisit, se akoma nuk kanë vdekur Avni Rrustemët, që të bëjnë pishman përse ke le !

Etiketime te ketilla ju bejne "fare e keqe," patriotizmi I rreme, gjaku I rreme Shqiptar, ju jeni shtresa e piste e Kombit.

Në shkrimin tuaj “famoz”, përpiqeni të konstatoni pasojat negative të zemërimit të arsyeshëm të popullit të Kosovës, duke shkaktuar panik tejdukshmërisht të qellimshme, sikur gjoja “…U bë e besueshme teza e mbrapshtë se lufta në Kosovë nuk ka qënë luftë për liri, por për fe (I.K) kur dihet tashmë botërisht se kush projektoi, organizoi dhe dogji kishat.

Kete teze - "se lufta në Kosovë nuk ka qënë luftë për liri, por për fe," I dhate ju luftes se Popullit Shqiptar per liri. Ju jeni pikerisht ata qe trumbetonit gjate luftes per Shtabe te fuqishme, e Brigada, e ne fakt nuk fituat asnje beteje, nuk keni mbrojtur asnje katund, mallalle, shtepi, as meter katror. Ju vetem keni propaganduar, duke shlyer trurin e nje pjese te popullit.

Në Estetike, dikur profesori im i nderuar R.Qosja, na ligjëronte mbi të madhërishmen dhe kuptimin e saj. Mbaj mend që e bukura në kuptimin absolut të së bukurës quhej e madhërishme, ashtu siç quhej e madhërishme e shëmtuara në kuptimin e saj absolut.

.
Rexhep Qen Qosiqin e konsideroni si profesor te nderuar?! Qenin e Kombit" - Rexhep Qosjen. Mbeshtetesin e madh te "Revolucionit te Vonuar Tre-Gishteror Serbo-Grek Demokratik ne Shqiperi," qe I solli tragjedi Shqiperise ne veren e 97-tes. Gjysme-mashkullin qe iku nga Kosova I veshur si femer, gjate largimit te popullates Shqiptare ne Maqedoni. Akadamikut te marre Neo-Komunist, qe Elektorati I Kosoves I dha me pak vota se sa Partise se Ashkalive (me pak se 5000 vota). Qosja eshte ai qe ka quajtur "popullin e tij" - "qen dhe dele," pas deshtimit te tij perfundimtar ne jeten politike. Vota e shejte e popullit I tha, "Jeni I pa deshiruar Akademik!"

[Llapi]

Në situatën e tanishme, Aleancna Veriatlantike nuk e sheh Armatën Kombëtare Shqiptare si një kërcënim për situatën e sigurisë në Kosovë, ka thënë Komandanti i NATO-së për Evropën Jugore, Admriali Gregori Xhonson gjatë qëndrimit në Kosovë."


Nuk do të dëshiroja të mendoj se është një kërcënim. Por është diçka që duhet të adresohet. Në fakt, unë dhe kryeministri kemi biseduar për këtë dhe për masat e duhura që po ndërmerren. Sepse në situatën në të cilën jemi kjo mund të shihet si një formë kërcënimi. Por unë mendoj se nuk është kërcënim i veçantë në këtë kohë", theksoi komandanti NATO-s për Evropën Jugore, admirali Gregori Xhonson i cili ndërkohë tha se është i inkurajuar me progresin në Kosovë, por theksoi se Kosova është në një fazë vendimtare ku fjalët nuk janë të mjaftueshme por duhen rezultate. Admirali Xhonson e ka siguruar Kryeministrin e Kosovës se Aleanca Veriatlantike mbetet e përkushtuar në Kosovë, duke theksuar se duhet bërë shumë për tu arritur përparim pas trazirave të muajit mars. Ai tha se veprimet kriminale nuk do të tolerohen. "Ato veprimet kriminale janë të papranueshme dhe nuk do të tolerohen. Mund të ju siguroj se NATO-ja dhe KFOR-i do të bëjnë gjithë çfarë është e mundur që të përkahin UNMIK-un dhe autoritetet vendore për tu siguruar se personat përgjegjës do të dënohen". Komandanti i NATO-s për Evropën Jugore, admirali Gregory Xhonson tha se NATO-ja dhe KFOR-i po punojnë për krijimin e një shoqërie shumetnike në Kosovë që i njeh të drejtat dhe përgjegjësitë. Admirali gjatë vizitës që i bëri vendit tonë tha se përkah iniciativën e Shefit të UNMIK-ut për implementimin e standardeve në Kosovë.
Ai po ashtu ka theksuar se Kosova e ka mundësinë që t’i tregoj botës se është një vend i tolerancës. Komandanti i NATO-s për Evropën Jugore, amirali Gregori Xhonson, mbrëmë është takuar me Shefen e Zyrës amerikane në Prishtinës, ndërsa sot gjatë ditë është takuar me Komandantin e KFOR-it, gjeneralin Kammerhof, si dhe ka vizituar Kampin amerikan ”Bondsteel".



RTK



Komandanti i Krahut jugor të Aleancës Veriatlantike, admirali Gregori Xhonson, pas takimit të martën me kryeministrin Bajram Rexhepi.