Ngrihet komisioni parlamentar hetimor për KESH

[Albo]

Pas shumë debatesh dhe diskutimesh komisioni hetimor parlamentar për Korporatën Elektroenergjitike Shqiptare është miratuar pasditen e djeshme gjatë seancës parlamentare. Hetimet e këtij komisioni do të jenë të shtrira në një periudhë kohore prej vitit 2002 deri në vitin 2004, por nëse shihet e nevojshme atëherë do të jetë i zgjeruar dhe në kohë para vitit 2002. Një propozim i tillë është bërë nga deputeti i Partisë Demokrate të Re, Qazim Tepshi. Komisioni do të vazhdojë punën e tij për dy muaj ku do të shqyrtojë të gjitha materialet që KESH disponon per importin e energjisë dhe për faturat e energjisë elektrike, si dhe do të jetë i drejtuar nga deputeti i opozitës, Jemin Gjana. Çështja që ka hapur debate të ashpra mes përfaqësuesve të opozitës dhe të mazhorancës ka qenë pikërisht afati në të cilën do të shtriheshin hetimet e këtij komisioni. Edhe gjatë seancës së ditës së enjte afati në të cilën do të shtriheshin hetimet e këtij komisioni ka hapur debat dhe për pasojë ngritja e komisioni është shtyrë për seancën e djeshme. Megjithëse deputetët propozues të Partisë Demokratike kanë kërkuar që afati kohor që do të hetonte ky komision, të ishte periudha 2002-2004, deputeti socialist Petro Koçi ka kërkuar zgjerimin e afatit kohor të hetimit të këtij komisioni me pretendimin që të mos politizohet dhe të mos jetë kundra një personi. Por një propozim i tillë i kërkuar dhe gjatë seancës së djeshme është kundërshtuar nga ana e deputetëve të opozitës, të cilët kërkesën e tyre e kanë justifikuar me faktin se afati i kërkuar nga ana e opozitës është i përshtatshëm dhe në bazë të ligjit. Lideri demokrat, Sali Berisha edhe gjatë seancës së djeshme ka akuzuar deputetët e mazhorancës se me veprimet e tyre ato po bllokojnë parlamentin shqiptar. "Në historinë e politikës botërore nuk ka shumicë të vendosur për të diskredituar parlamentin si kjo shumicë. Janë bërë 15 ditë dhe sot është afati i fundit dhe ju po bllokoni komisionin," është shprehur Berisha. Ndërsa deputeti socialist, Petro Koçi duke justifikuar propozimin e tij ka shtuar se një propozim i tillë është bërë për të shmanguar atë që ai e quajti politizim të këtij komisioni. "Fati i komisionit po duket nga mënyra se si po e bëni. Kur propozova, gjithmonë mendova të ndërtoj një punë më serioze dhe të mos mbetej për t'u marrë me një njeri të caktuar. Kuptohet se këndvështimi juaj është afat shkurtër," është shprehur Koçi.

[Brari]

Jemin Gjana eshte agronom me duket ose ekonomist agrar me profesion.
Si do kontrolloje ai Energjine elektrike se qysh e kullundris PS-ja?