Legjitimimi I Krimit

[Studenti-Te]

LEGJITIMIMI I KRIMIT

Mr. BASHKIM ALIU


Kjo fjalë është shumë e rëndë në këtë kohë kur në gjithë botën po trumbetohet kundër krimit, terorizmit, vrasjes, fajtorëve etj, dhe nga ana tjetër me të madhe thirret në mbrojtjen e të drejtave të njeriut, mbrojtjen e civilëve në luftëra, lirin e njeriut e kështu me rradhë.
Mirëpo, ajo që po ngjanë në skenën botëtore dhe në organizmat ndërkombëtare kur është në pyetje çështja palestineze, të len pa tekst në gojë dhe të jepë të drejtë të plotë të pyetesh se në çfarë kohe jetojmë.
Të gjithë jemi dëshmitar se sot me të madhe po thirret se duhet të mbahet rendi në botë nga superfuqia e vetme-SH.B.A-të, bile edhe vetë presidenti i tyre duke i justifikuar fushatat e tija luftarake dhe sulmet në vende të ndryshme, thotë se Amerika e ka për obligim tu dalë në pritë teroristëve të cilët e rrezikojnë paqën dhe sigurinë jo vetëm të Amerikës, por edhe mbarë botës.
Menjëherë pas sulmeve të 11 Shtatorit të vitit 2001 u aktualizuan shumë listat e zeza të administratës amerikane, ku përfshiheshin të gjitha ato organizata të cilat, sipas administratës amerikane, me dhunë tentojnë t’i realizojnë synimet e veta dhe, gjithmonë sipas tyre, për këtë qëllim vrasin edhe civil të pa fajshëm.
Çdo gjë do të ishte në rregull dhe e pranuar, sikur mos të definohej qëllimi i gjithë këtyre shprehjeve bombastike të cilat gati sa e mahnitën botën se sa interesoheshkan të mëdhejt për sigurinë jo vetëm të vetes, por edhe të botës.Mirëpo, bota është e madhe, problemet e shumta, dhe ho të sinqertit nuk mund të mos i shpalojnë qëllimet e veta dhe politikën e standardeve të dyfishta në vatra të ndryshme krizash.
Ky shkrim nuk është i rastit, por pikërisht vin për të shpaluar gjëra të ditura dhe të njohura edhe nga opinioni më i gjërë përkitazi me standardet e dyfishta të qarqeve vendim marrëse kur janë pyetje problemet në tokën shenjtë të Kudsit-Palestinë.
Në konventën nacionale të Partisë Republikane në Nju Jork ku kjo parti bëri shpalljen zyrtare të kandidatit të tyre presidencial, presidentit aktual Xorxh W. Bush, një tinejxhere i ishte drejtuar kryetarit aktual të SH.B.A-ve me pyetjen se si mund ta quaj njeri të paqës Ariel Sharonin, kur dihet se ai ka bërë krime dhe vrasje të njerëzve të pa fajshëm?! Në këtë pyetje presidenti W.Bush është përgjigjur me komoditetin më të madh:Sharoni e mbron popullin e vet.
Pra, nuk qenkan terorist ata të cilët e mbrojnë popullin e vet, sipas kësaj teorie bushiane, atëherë në Palestinë nuk ka asnji terorist dhe është e gabuar vënia e Hamasit dhe Xhihadit Islamik, dy organizatave të njohura palestineze, të listën e zezë të administratës amerikane, sepse ata luftojnë për ti mbrojtur vatrat e tyre nga pushtimi cionist dhe ardhcakët të cilët ia kanë mësy tokës së palestinës nga të gjitha vendet e botës.Derisa në Ballkan flitet për mos ndryshim të kufijve, në Palestinë vlen e kundërta, flitet për dëbimin e banorëve vendas autokton nga vatrat e tyre dhe mbushjen e tyre me ardhacak cionist.Ndërkaq pyetja do të ishte:Pse, ata të cilët thirren se duhet kthyer ajo që iu është ozurpuar stërgjyshërve të cionistëve, këtë nuk e thonë edhe për shqiptarët e dëbuar nga trojet e tyre në Greqi, dhe pse aspak nuk diskutojnë për çështjen Çame, e cila është e drejtë dhe e vonshme?!
Është për tu habitur se si me kaq komoditet një president i shtetit që sot është superfuqi ushtarake e vetme, mund ti legjitimojë krimet e një njeriu vrasës, kriminel, terorist.Nuk ka ligj dhe zakon e as kanun në botë që e legjitimon vrasjen e fëmijëve në emër të mbrojtjes së vendit, sikur që pandehi për megateroristin cionist Ariel Sharon presidenti W.Bush.
Historia e njerëzimit e ka të shënuara me shkronja të zeza atë që e bëri ky kriminel në vitin 1982 në kampet Sabra dhe Shatila, kur masakroi qindra civil të pafajshëm dhe duarthatë në këto kampe.Vallë, a ka logjik të pyetet se çfarë populli të vet ai mbronte me masakrimin e njerëzve të pafajshëm në këto kampe.Poashtu, këtë ai e përsëriti edhe në Xhinin në vitin 2002, dhe përsëri pyetemiilin e mbronte ky njeri me masakrimin e fëmijëve në Xhinin.
Ushtria zullumqare e këtij vrasësi para syve të qindra gazetarëve dhe kamerave televizive pa fije mëshire dhe me gjakftohtësin më të madhe e vrau të miturin 12 vjeçar Muhamed Ed-Durre, poashtu u vra edhe foshnja e cila kishte vetëm gjashtë muaj Iman Haxhu, gjat atentatit mbi komandantin e brigatave “Izzuddin El-Kasam” krahut ushtarak të Lëvizjes së rezistencës Islame-HAMAS u vranë nëntë fëmijë, dhe a thua me vrasjen e fëmijëve mbrohet ndonji popull, po do ta thoshin të gjithë një gjë të tillë vetëm nëse pajtohemi se politika e cionistëve dhe aleatëve të tyre të njohur është që të farohet popullata muslimane palestineze dhe të krijohet shteti i imagjinuar i izraelit prej Nili deri në Eufrat, sikur që simbolizojnë edhe dy vijat e kaltërta të flamurit të tyre.
Të thuhet për një njeri me dosje të dëshmuar krimineli dhe promotorit të logjikës së ndarjes së njerëzve e politikës së dhunës dhe terorit në shekullin e 21, se është njeri paqe dhe se lufton për ta mbrojtur popullin e vet, më pak që mund të thuhet është se është pa përgjegjëshmëri dhe lojë me jetën e njerëzve.
Sot e gjithë bota është dëshmitare e veprimeve antinjerëzore të kriminelit Sharon, qoftë përmes vrasjes së fëmijëve, rrënimit të shtëpive të palestinezëve të pa fajshëm, burgosjes enorme të rinisë palestineze me pretekst të pjesmarrjes në sule ndaj çifutëve, ndërtimit të murit ndarës, mos preokupimit me grevën me uri të të burgosurve palestinez në burgjet cioniste, ndërkaq nga ana tjetër i njejti kriminel quhet njeri i paqes, që pa fije dyshimi është absurd i llojit të vet, ndërkaq atyre që këtë e thonë mbetet tu parashtrohet një pyetje për hirë të realitetit dhe opinionit të përgjithshëmdhe çka duhet të bëjë Sharoni që të jetë kriminel, pas masakrës në Sabra dhe Shatila, Xhinin etj.
Një shtet i madh dhe i fuqishëm si Amerika, nuk e meriton të ketë në krye njeri të pa përgjegjshëm, po as populli amerikan, i cili ka merita, nuk meriton të udhëhiqet nga njerëz të pa përgjegjshëm.
Me vlerësime dhe deklarata të këtilla parasëgjithash jo humane, nuk mund të inicohen procese demokratike, sikur që shpehen krerët e administratës amerikane, në botën arabe, nuk mund të refelktohen vlera të reja dhe as që mund të krijohen gjenerator mosurrejtje ndaj ebrejve, amerikanëve, modernizmi etj, sikur që pandehin të zënit në gojë.
Të gjitha konventat ndërkombëtare garantojnë të drejtën e mbrojtjes së vendit, e këtë e bëjnë palestinezët të cilët çdo ditë dëbohen nga trolli i tyre, ndërkaq të gjitha rezolutat e OKB-së e njohin padrejtësinë që u është bërë palestinezëve dhe të drejtën e tyre për tu kthyer në vatrat e tyre, por për fat të keq kjo asnjëherë nuk u realizua dhe as që u pa seriozisht nga Këshilli i Sigurimit, sepse çdo herë aty ka qenë vetoja amerikane.Dhe tash, këta që edhe ndërkombëtarisht pranohen se kanë të drejtë t’i kthejnë trojet e veta konsiderohen terorist pse luftojnë për të veten e jo për të huajën, ndërkaq ai që grabit, vret, masakron dhe shkatërron, quhet njeri i paqes.O Zot, çfarë absurdi dhe jo njerëzie!