Agim Pepa vetëdorëzohet ne polici

[Brari]

tema:

Kronika












Agim Pepa është strehur në ambjente luksoze për rreth pesë muaj në kryeqytet

Pepa, pesë muaj në Tiranë

Burime të besueshme në Ministrinë e Rendit thanë se Pepa është fotografuar në tre vende të ndryshme përgjatë pesë muajve në Tiranë. Fotoja e parë është bërë në afërsi të Urës së Tabakëve, e dyta në afërsi të fakultetit të Shkencave Natyrore dhe e treta pranë kryqëzimit te Zogu i Zi.

Mentor Beqa

Agim Pepa është strehuar për më shumë se pesë muaj pas vrasjes së komisar Gani Malushit në qytetin e Tiranës. Burime tepër të besueshme në Ministrinë e Rendit Publik bënë të ditur se Agim Pepa është parë nga bashkëpunëtorë të policisë mbi tre herë në harkun e pesë muajve në qytetin e Tiranës. Sipas këtyre burimeve ekzistojnë edhe tre foto të Agim Pepës të bëra në kryeqytet në tre vende të ndryshme. Burimet nuk sqaruan nëse fotot janë bërë nga inspektorë të policisë së kryeqytetit apo nga bashkëpunëtorë të policisë, të cilët paguhen për raste të tilla.

Burimet treguan se fotoja e parë e Agim Pepës është bërë në afërsi të Urës së Tabakëve, pak metër larg Kuvendit të Republikës. Në atë foto Agim Pepa është me dy persona të tjerë në një makinë fuoristradë, tip "Kia", me targa të huaja. Aparati që ka fiksuar fytyrën e Agim Pepës e nxjerr atë të qeshur dhe pa asnjë lloj frike. Burimet në Ministrinë e Rendit Publik thanë se fotoja e dytë është bërë në afërsi të Fakultetit të Shkencave Natyrore, pranë stacionit të trenit, në rrugicën që të nxjerr për te Prokuroria e Tiranës. Në këtë foto Agim Pepa është i shoqëruar nga dy vajza shumë simpatike. Në këtë rast ai është fiksuar jashtë makinës.

Fotoja e tretë, sipas burimeve në Ministrinë e Rendit Publik, është bërë në afërsi të kryqëzimit te Zogu i Zi. Agim Pepa në këtë rast ka qenë i vetëm me një makinë, tipi i së cilës nuk dallohet dot në foto, pasi nuk është fiksuar. Të të tria këto foto, për të cilat nuk dihet nëse krerët e Ministrisë së Rendit janë në dijeni, nuk janë mundur të nxirren, pasi konsiderohen si sekret i punës operative të policisë.

Vendi ku është bërë fotoja e tretë e Agim Pepës koinçidon edhe me një operacion të dështuar të policisë shqiptare dy muaj më parë për arrestimin e të shumëkërkuarit. Agim Pepa dyshohet se ka qenë i strehuar në një vilë luksoze tre katëshe tek Zogu i Zi, mes rrugës së Laprakës dhe rrugës "Don Bosko". Forcat Speciale kanë shkuar në vendngjarje dhe kanë rrethuar një shtëpi tjetër gabimisht. Agim Pepa është informuar nga brenda Ministrisë së Rendit dhe ka arritur të largohet. Policia më pas ka shkuar në shtëpinë, ku dyshohet të ishte Pepa dhe ka gjetur një automatik si dhe krevatin e ngrohtë, ku kishte fjetur i shumëkërkuari. Nga ekspertiza e bërë në automatik ka rezultuar se shenjat e gishtërinjve i përkasin Agim Pepës.

Në rastet e tjera, kur Agim Pepa është vërejtur në Tiranë, nuk dihet nëse policia është angazhuar për arrestimin e tij. Toska foli dy ditë më parë për 51 operacione të dështuara dhe nuk dihet se sa prej tyre janë organizuar në Tiranë. Shuma e lekëve të shpenzuar për kapjen e Pepës, sipas tij, shkonte në 150 milion lekë të vjetra. Edhe pamja e Agim Pepës pas dorëzimit katër ditë më parë, tregonte se ai nuk ishte munduar shumë gjatë tetë muajve arrati. Përkundrazi ishte shëndoshur nga ana fizike dhe fytyra i shkëlqente.

Nëna e Pepës: Mos akuzoni shtetin

Nëna e Agim Pepës, Prenga Pepa ka deklaruar nëpër media se djali i saj ka qenë i fshehur nëpër male e shpella, atje ku policia nuk mund ta gjente. Ajo u ka bërë thirrje të gjithë atyre që thonë se shteti është i implikuar në këtë çështje, të mos akuzojnë njerëzit e shtetit, pasi djali i saj nuk është arrestuar dot dhe se ai nuk komandohet nga asnjeri përveç vetes. Është i çuditshëm fakti se si nëna e një personi që rrezikon të dënohet me burgim të përjetshëm, deklaron që të mos akuzohen njerëzit e shtetit dhe se djali i saj nuk ka lidhje me ta.

Kompromisi i Pepës për dorëzim implikon edhe Drejtësinë

Ende nuk është bërë publik fakti nëse është i vërtetë kompromisi i Agim Pepës me drejtuesit e policisë për dorëzimin me kushtin e uljes së dënimit. Askush nuk ka dalë në mënyrë zyrtare të deklarojë se Pepa është dorëzuar përkundrejt faljes së shumë viteve burg ndaj tij. Aktualisht me akuzat që rëndojnë mbi Pepën ai rrezikon burgim të përjetshëm. Gjykata nuk ka pranuar gjykimin e shkurtuar për të. Nëse ajo do të pranonte këtë lloj gjykimi, atëherë do të detyrohej të ulte një të tretën e dënimit. Minimumi i viteve të burgut në këtë rast do të shkonte deri në 25 vjet burg. Nëse gjykata do të merrte parasysh më pas edhe rrethana të tjera lehtësuese si vetëdorëzimi, sjellja e mirë, situata në të cilën ai ka kryer krimin e etj, mund të shohim se për Agim Pepën të jepet ndonjë vendim qesharak.



Toska: Dy vitet e fundit u dorëzuan 60 të kërkuar

Ministria e Rendit Publik ka nxjerrë edhe dje një njoftim ku thotë se dorëzimi i Agim Pepës nuk është rasti i vetëm, pasi dy vitet e fundit janë dorëzuar rreth 60 persona të kërkuar nga policia për krime të ndryshme. Ministria e Rendit Publik theksoi sërish se "dorëzimi i shtetasit Agim Pepa ishte rezultat i rritjes së trysnisë së Policisë së Shtetit dhe intensifikimit të veprimeve policore për të identifikuar vendndodhjen e tij dhe për të bërë të mundur arrestimin e këtij shtetasi. Por rasti i Agim Pepës nuk është i vetmi. "Gjatë dy viteve të fundit 60 persona të shpallur në kërkim nga organet e drejtësisë për vepra të ndryshme penale, të gjendur pa rrugëdalje përballë presionit të aksioneve policore janë vetëdorëzuar në polici. Vetëm gjatë tre muajve të parë të vitit 2004 janë dorëzuar në Policinë e Shtetit 5 persona të shpallur në kërkim, nga të cilët 4 për veprën penale të vrasjes dhe një për trafik të lendëve narkotike," thuhet në njoftimin e Ministrisë së Rendit. Sipas Ministrisë së Rendit gjatë vitit 2002 janë dorëzuar në polici 23 persona, nga të cilët: 2 të kërkuar për krimin e vrasjes, 2 të kërkuar për rrëmbim personi, 6 të kërkuar për krime të tjera kundër personit, etj. Ndërsa gjatë vitit 2003 janë dorëzuar në organet e policisë 37 persona, nga të cilët: 4 për vrasje, 6 për trafiqe të paligjshme. Policia u ka bërë thirrje sërish të kërkuarve të dorëzohen pranë organeve ligjzbatuese, duke patur parasysh se vetdorëzimi parashikohet si rrethanë lehtësuese nga Kodi i Procedurës Penale, neni 48. Njëkohësisht paralajmëron të gjithë ata shtetas që strehojnë apo u japin ndihmë personave në kërkim se veprimi i tyre është i dënueshëm penalisht deri në 5 vjet heqje lirie sipas nenit 302 të Kodit Penal.



Frika nga krimi politik

Nga Mentor Beqa

Personazhi kryesor në median shqiptare ditët e fundit ishte Agim Pepa. I akuzuar për vrasjen e dy policëve, njëri prej të cilëve komisar policie, Pepa sfidoi për tetë muaj me radhë uniformat blu. I ngjitur në majat e krimit shqiptar për vite me radhë, ai akuzohet të ketë kryer shtatë vrasje. Dy ditë më parë u paraqit pas dorëzimit në polici, në sallën e Gjykatës së Krimeve të Rënda. Megjithëse i arratisur për tetë muaj, në male e shpella siç thonë disa, fytyra i shkëlqente si askujt tjetër. Me një gjakftohtësi kriminale të çuditshme, përgjigjej pa kurrfarë kompleksi mbi gjithçka e për gjithçka. I qetë si të kishte siguri absolute. Shpërfillës ndaj viktimave, sikur t'u kish bërë nder. U paraqit në zyrën e Drejtorit të Policisë së Durrësit, sikur të ishte epror i tij. Bashkëbisedoi në tryezën e punës së Drejtorit, sikur po nënshkruanin ndonjë marrëveshje bilaterale për ndihmë reciproke. Familjarët e tij hynin sa herë u tekej në zyrën e Ministrit të Rendit, pa kurrfarë ndjenje inferioriteti. Bisedonin me Ministrin e vendosnin kushte si të ishin faktorë politikë. U shoqërua nga Durrësi për në Tiranë me një eskortë që vetëm Presidentit Regan ia kisha parë ditën që iu bë atentat. Nëna e tij ngjitej në makinën e policisë si zonja Theçer e Anglisë. Shamizezë e me veshje tradicionale kishte trokitur edhe muaj më parë në derën e ministrit Rama. Tashmë nuk kishte nevojë të vinte në ministri të takonte ministrin e ri, mjafton vetëm një telefonatë. Është nëna e personit që akuzohet për vrasjen e dy policëve e dyshohet për vrasjen e dy të tjerëve. Gardianët e burgut kishin ditë të veçantë dy ditë më parë. Të veshur mirë e të shtrënguar nga antiplumbat, prisnin "mikun" e tyre të ri. Asnjë prej tyre nuk e njihnin. Kishin lexuar në gazeta e në media dhe kanë ndërtuar mitin e super-njeriut. Tashmë ky mit ndodhej pas hekurave. Pas tyre ishin edhe ata, policët që duhet ta arrestonin. Po jo. Serviloseshin si ta kishin epror. Mezi prisnin t'u hidhte një shikim. T'u buzëqeshte e t'i bënte të preferuarit e tij. Mezi prisnin të shkëmbenin ndonjë fjalë me të. Ta preknin paksa në shpatull e ta ledhatonin. E kënaqeshin aq shumë të mbulonin fytyrën shkëlqyese nga kamerat e shumta. Të bënin si mbrojtës të tij. T'i fitonin miqësinë një krimineli. Ja sa i frikshëm është Agim Pepa.

Nuk është i vetëm në sojin e tij, ka edhe shumë të tjerë. Ca pas hekurave e ca që bredhin rrugëve të Tiranës. Po pse janë kaq të frikshëm? Duart e tyre janë të shtrënguara me pranga. Fuqia ekzekutuese është zero. Atëherë, përse servilosen këta policë? Përse kanë kaq frikë?

E thjeshtë, të frikshëm janë miqtë në politikë. Janë ata që flasin e flasin për krimin nga poltroni i Parlamentit. Pikërisht ata që thurin ligje për të dënuar krimin. E kush mund të mos thotë se ata nuk janë miqtë e këtyre të paktëve pas hekurave e të të shumtëve jashtë tyre. Të gjithë i dinë emrat e miqve të Pepës, Mirit të Xhikes, Altin Lames, Orik Shytit, Altin Arapit... Janë në Parlament. Këto janë të frikshmit. Ata që detyrojnë drejtorët e policisë të ulen në një tavolinë me kriminelë. Ata që iu hapin dyert e ministrive familjarëve të vrasësve. E një gazetar e ka për privilegj të takojë një njeri që mbahet nga taksat e qytetarëve. Vetëm një personi nuk i mbushet mendja për këtë. Është Prokurori i Përgjithshëm, zoti Sollaku. Është ai që del e mban leksione se krimi nuk është i lidhur me politikën ecetera ecetera. Sa keq kur institucioni i akuzës kthehet në mjet pastrimi! Sa keq kur politikanë abuzues e përdorin atë thjesht për katharsis. E më pas të mbyllin gojën. "Ja, ju jeni shpifës. E thotë Prokuroria e jo ne."

E në fund detyrohesh të heshtësh. Të presësh me dhimbje epokën e karteleve shqiptare.



Ministri i Rendit firmosi përjashtimin e Drejtorit të Policisë së Dibrës, Agron Hasanaj

Toska përjashton drejtorin për imoralitet

Ministria e Rendit deklaroi se përjashtimi i kryekomisar Agron Hasanaj është bërë pasi "Nuk ka ruajtur nderin dhe dinjitetin personal si punonjës policie duke mos shmangur shoqërimet me individë të pamoralshëm e me reputacion të keq në komunitet"

Ministri i Rendit Igli Toska ka shkurtuar nga radhët e policisë edhe një titullar me gradë të lartë kryekomisar, drejtorin e policisë së Dibrës, Agron Hasanaj. Ministria e Rendit Publik informoi nëpërmjet një njoftimi për shtyp se është përjashtuar nga policia e shtetit kryekomisar Agron Hasanaj, pasi ka ripranuar dhe emëruar policë, persona të cilët kanë qenë kontigjent kriminal. Sipas Ministrisë së Rendit në këtë formë kryekomisar Hasanaj ka shkelur ligjin "Për policinë e Shtetit", neni 20, pika 2/c, "Kodi të Etikës së Policisë" dhe Rregullores së Disiplinës së Policisë së Shtetit. Sipas ministrisë kjo është bërë duke shkelur betimin; duke kryer abuzime të rënda me atributet e policisë dhe mirëbesimin e publikut; duke mbajtur lidhje që shkaktojnë skandale publike, brenda dhe jashtë shërbimit me persona imoralë ose që sillen në kundërshtim me normat e moralit shoqëror; duke shkelur me dashje normat e detyrës me pasojë shkaktimin e një dëmi shumë të madh ndaj shtetit, intitucionit të policise dhe publikut. Sipas Ministrit të Rendit Igli Toska kryekomisar Agron Hasanaj ka ripranuar dhe emëruar në detyrë punonjës policie të deklaruar kontigjent nga vetë emërtesa. Nuk ka kontrolluar dhe zbatuar aktet ligjore e nënligjore, procedurat për kryerjen e detyrës, por me urdhrat e tij ndaj vartësve është vepruar në kundërshtim me përmbushjen e rregullt të detyrës. Nuk ka synuar forcimin e vazhdueshëm të disiplinës në organin që drejton. Nuk ka ruajtur nderin dhe dinjitetin personal si punonjës policie duke mos shmangur shoqërimet me individë të pamoralshëm e me reputacion të keq në komunitet.

Ky është i gjithë motivacioni që Toska ka përdorur për të përjashtuar nga policia e shtetit kryekomisar Agron Hasanajn. Toska deri në këto momente ka kryer një sërë përjashtimesh nga policia, mes të cilëve shumë drejtorë të Drejtorive të Rretheve. Mes këtyre mund të përmendim, drejtorin e Policisë së Elbasanit Neritan Nallbati, ish drejtorin e policisë së Beratit, Ilirjan Dida, ish drejtorin e Policisë së Lezhës, Gjovalin Loka, ish drejtorin e Policisë së Vlorës Xhevahir Karaj. Ndërsa janë detyruar të japin dorëheqje ish nëndrejtori i Përgjithshëm i Policisë së Shtetit Fadil Canaj dhe ish Drejtori i Policisë së Tiranës Pjerin Ndreu. Shumë prej këtyre titullarëve të policisë me gradat komisar e lart, janë përjashtuar me motivacionin për pranim të personave të inkriminuar. Disa për shkelje të rëndë të detyrës dhe shkaktim dëmi shtetit etj. Ndërsa vetë të përjashtuarit e kanë kundërshtuar ashpër vendimin e Igli Toskës. Neritan Nallbati është polici që ka bërë të mundur arrestimin e shumë anëtarëve të organizatës 'Hakmarrja për Drejtësi'.

Kryetari i Partisë Demokratike Sali Berisha e akuzon Igli Toskën si ish kontigjent të kësaj organizate. Ndërsa reagimi më i fortë, por që u zbeh me kalimin e kohës është ai i Ilirjan Didës. Ai qëndroi në grevë urie për më shumë se dy javë dhe më pas u detyrua të dilte. Prokuroria e Përgjithshme ka filluar hetimet lidhur me Ilirian Didën.



Italianët sjellin në Durrës dy skafistët, mbahet i treti

Policia e Barit ka bërë të mundur riatdhesimin e dy skafistëve të cilët u deklaruan prej saj se ishin kapur në një skaf i cili ishte larguar vetëm 18 milje nga bregdeti italian. Lajmi është bërë i ditur nga policia e Durrësit, e cila për ngjarjen e djeshme ka heshtur në pritje të reagimeve nga policia e vendit fqinjë. Riatdhesimi i tyre është bërë me tragetin e linjës Bari-Durrës, Adriatika, i cili ka mbërritur në portin e Durrësit në orën 08. 00 të mëngjesit. Sipas policisë është bërë kthimi i shtetasit Nazmi Helshani, 49 vjeç, lindur dhe banues në Kavajë si dhe shtetasit Agron Mici lindur në Fier dhe banues në Kavajë. Menjëherë me të mbërritur në portin e Durrësit të dy shtetasit janë prangosur nga policia e Durrësit. Enigmë mbetet mosrikthimi i shtetasit të tretë lindur dhe banues në Dibër, Urim Kebej, i cili është mbajtur nga policia e Barit. Skafistët e kthyer janë kapur gjatë një operacioni shpëtimi të policisë italiane vetëm 18 milje nga bregdeti i Barit, pas një avarie që ka ndodhur në motorët e skafit me një gjatësi prej 17 metrash. Sinjalin e alarmit e ka dhënë një anije italiane, e cila po kalonte në afërsi të skafit. Sipas njoftimeve të djeshme zyrtare nga policia e Barit kanë qenë tre personat e ndaluar dhe mendohet se ata mund të kishin mbërritur në brigjet e Barit dhe më pas janë kthyer për në Shqipëri. Por ende nuk është bërë e ditur se çfarë kanë lënë në breg, klandestinë apo mall kontrabandë. Rasti i djeshëm ka shënuar ngjarjen e parë të trafikut klandestin në korridorin ujor, pas ngjarjes së 9 janarit.

Artur Llana


-----

[Brari]

gsh

---------
TE GJITHA PRAPASKENAT E 8 MUAJVE NE ARRATI

U dorëzua pas braktisjes nga miqtë
Policia: I shumëkërkuari ndryshonte shpesh bazat


--------------------------------------------------------------------------------

Artur Korriku
Ferdinand Dervishi


Agim Pepa përgjatë këmbënguljes së tij për të mos folur më shumë se përmbushja e procedurave të dorëzimit, i është përgjigjur një pyetjeje të vetme nga ato që kishte vendosur të mos u përgjigjej: "Jam fshehur te njerëz të afërm të mi, tek vjehrri, kunetërit, kushërinjtë". Një pohim që ka habitur ata që e dëgjuan, por që nuk ka bindur të paktët që njihnin historinë e tij të arratisë. Për ta Pepa gënjeu. E vërteta ishte krejt ndryshe. I arratisuri i madh i policisë shqiptare, Agim Pepa, e paralajmëroi përku-jdesjen e tij për t'i shpëtuar policies, që në momentin kur përdori 4 makina pas atentatit ndaj Komisar Gani Malushit dhe shoferit të tij në mes të Durrësit. Më tej asnjë shenjë, nëse nuk do të përmendim një makinë të dëmtuar, të fshehur në një garazh, pranë Urës së Zogut mbi lumin Mat.

Arti i të fshehurit
Në fakt një person tjetër e jo Agim Pepa, do ta kishte patur të vështirë t'i shëptonte dëshirës së tepruar të policisë për ta prangosur. Por Pepa, i cili pothuaj asnjëherë nuk kidhte provuar burgun përgjatë gati dhjetë viteve të mbretërimit të tij mes të fortëve të tjerë të zones së Mirditës dhe Lezhës, kishte arritur të formonte lidhjet e tij të shumta me elementë kriminalë në zonën e Mirditës dhe më tej. Sipas policisë një zonë e përhershme ku ai fshihej ishin fshatrat e thella të Mirditës deri në Kurbnesh. Por edhe policia me informatorët e saj ka depërtuar deri këtu. Sipas destinacionit të informative, në drejtim të vendndodhjeve të Agim Pepës janë nisur forca të ndryshme të policisë. Më shpesh RENEA, por edhe forca të Drejtorive të Policive të Lezhës e Durrësit. Më qëllim që të mos dekonspirohej aksioni, këto forca të veshura civilë kanë lëvizur natën dhe janë maskuar në pyje e vende të fshehta në pritje të shfaqjes së Pepës. Ka raste që grupet e ndjekjes kanë qenë fare pak persona, pesë apo gjashtë, me qëllim që të mos binin në sy. Por në asnjë rast Pepa nuk ka rënë në duar të tyre. Ai është larguar në kohë i lajmëruar nga njerëz të tij, në zonat ku kishin kaluar policët, të cilët kishin dyshuar duke e lajmëruar. Duke parë këtë zell të policisë, Pepa kishte bërë zakon që të mos flinte më shumë se dy ditë në të njëjtën bazë. Madje ishte krejt i djallëzuar për t'ai hedhur policisë. Një kryepolic i zonës pohoi për Gazetën se kishin dokumentuar një rast kur Pepa kishte kaluar një postbllok policie i veshur si grua.

Bazat e djegura
Ndërsa lëvizte në këto zona duke u hedhur edhe në fshatrat e Pukës apo edhe të Burrelit, policia ka patur informacione të shumta mbi lëvizjet e tij. Një periudhë kur një drejtues i njohur i policisë pohonte se kapja e Pepës ishte punë javësh dhe një telebingo, që do t'i binte një strukture të caktuar të policisë. I njëjti drejtues sqaroi se një nga arsyet e vetëdorëzimit të Pepës ka qenë djegia e bazave ku fshihej nga policia. Duke qenë se policia këmbëngulte në kontrollin e shpeshtë të banesave ku kishte informacion se fshihej Pepa, banorët e tyre vinte dita kur nuk pranonin më tej ta strehonin të kërkuarin e madh. Pikërisht djegia dhe zbulimi i bazave, por edhe presioni i madh nga opinioni për akuzën e vrasjes së komisarit, kanë bërë që Pepa të mendonte vetëdorëzimin.


Si identifikohej vendndodhja e Pepës nëpërmjet celularit

Më shumë se çdo i kërkuar tjetër i drejtësisë shqiptare, Agim Pepa është ndjekur nga pas nëpërmjet valëve të celularit të tij. Edhe pse ai e përdorte atë me kujdes dhe ndërronte numrat, policia në periudha të ndryshme ka arritur të gjejë numrin e tij. Natyrisht që pas gjetjes së numrit kompanitë celulare janë detyruar të dërgojnë pranë policisë tabularët analitikë të thirrjeve të bëra nga telefoni i Pepës. Një mënyrë që ka shërbyer për të identifikuar zonën ku ai strehohej, por jo më shumë. Sipas kësaj mënyre, Pepa strehohej në një trekëndësh mes Rrëshenit dhe Kurbneshit. Ndërsa më tej lëvizjet e tij përcaktoheshin sipas reflektimit të thirrjeve telefonike nga antenat. Kështu gjendej se Pepa ishte më pranë Kurbneshit nëse në tabular telefonatat e tij ishin reflektuar nga antena celulare mbi Kurbnesh. Një metodë e tillë mund të përcaktonte fshatin ku Pepa ndodhej. Por për ta zbuluar se ku saktësisht, puna vazhdonte me informatorët e policisë. Këta duhet të gjenin saktë vendndodhjen dhe më tej policia ndërhynte. Por duke qenë se Pepa nuk rrinte shumë në bazat e tij, policia ka patur pak shanse për fat me këtë metodë. fe. De


Misteri i njeriut me veshje firmato

Flokët e gjatë të rënduar me xhel, fytyra e pastër me lëkurë të bardhë, barsetat sipas modës, një golf dimëror të cilësisë së lartë dhe një pallto firmato… kjo ishte paraqitja shokuese e Agim Pepës menjëherë pas dorëzimit të tij në policinë e Durrësit. Shumëkush e kishte menduar Pepën një njeri që jetonte në mes të pyllit, të shpërfyturuar, por pamja e tij gjithsesi ishte larg të gjitha parashikimeve, madje mbresëlënëse. Sipas një burimi të policies, Pepa muajin e fundit ishte strehuar në një bazë të tij në një qytet të qarkut të Lezhës. Këtu duket ka patur të gjitha mundësitë për të bërë një jetë normale. Po sipas policies, prej gati një muaji ata nuk kishin lajme prej Pepës. Një periudhë që korespondon me këtë ngujim të fundit të tij. Sipas të njëjtit burim, Papa mendohet të ketë dalë për herë të fundit po nga kjo bazë për të shkuar në shtëpinë e tij në Durrës me qëllim vetëdorëzimin.


Policia: Në dy vjet janë dorëzuar 60 të kërkuar

Duke marrë shkas nga akti i vetëdorëzimit të Agim Pepës, Ministria e Rendit me anë të një komunikimi për mediat pohoi se "gjatë dy viteve të fundit(2002- 2003) 60 persona të shpallur në kërkim nga organet e drejtësisë për vepra të ndryshme penale, të gjendur pa rrugëdalje përballë presionit të aksioneve policore janë vetdorëzuar në polici". Po sipas deklaratës, vetëm gjatë tre muajve të parë të vitit 2004, janë dorëzuar në Policinë e Shtetit 5 persona të shpallur në kërkim, nga të cilët 4 për veprën penale të vrasjes dhe një për trafik të lendëve narkotike. Ndërsa gjatë vitit 2002 janë dorëzuar në polici 23 persona. Ndërsa gjatë vitit 2003 janë dorëzuar në organet e policisë 37 persona, nga të cilët: 4 për vrasje, 6 për trafiqe të paligjshme, etj. Me anë të të njëjtit komunikim për mediat Ministria e Rendit u kërkon edhe një herë të gjithë personave në kërkim të dorëzohen pranë organeve ligjzbatuese, duke patur parasysh se vetdorëzimi parashikohet si rrethanë lehtësuese.


---------
LETRA U DERGUA ME 30 TETOR 2000

Komisari: Mafia ka pushtuar Rendin
Gani Malushi i shkruante kryeministrit Ilir Meta


--------------------------------------------------------------------------------

Basir Çollaku


Komisari ka kujt t'i shkruajë… Komisar Gani Malushi para vrasjes ka paralajmëruar në mënyrë të përsëritur eprorët e tij për telashet që ka në punë, për Mafian dhe Krimin, për dallaveret që bëhe-shin në Ministrinë e Rendit Publik. Ai i ka shkruar edhe Presidentit të Republikës, të asaj kohe, Prokurorit të Përgjithshëm dhe Kryeministrit. Një ndër letrat e komisar Malushit është ajo që i ka shkruar ish-kryeministrit Ilir Meta, dhe që po botohet tani pas vdekjes, së pari herë në Gazetë. Malushi sapo ishte larguar nga detyra e drejtorit të policisë së Kukësit. Ishte 30 tetor 2000… Letra u shkrua dhe iu dorëzua kreut të qeverisë, Ilir Meta.
"Zoti kryeministër, e ndiej për detyrë t'ju informoj se Mafia ka pushtuar Ministrinë e Rendit Publik. Transferimi im nga detyra e drejtorit të Policisë së Kukësit u përgatit me një kombinacion shumë djallëzor e mafioz nga këta drejtues, pasi isha bërë pengesë kryesore për qarqe të ndryshme Mafioze, që ndodhen në Kukës, deri me pushtetarë të lartë në Qendër. Reforma që bëra në polici, ku midis të tjerash largova nipër, apo kunetër, të afërm, bënë që të vënë në lëvizje strukturat mafioze, për të më larguar nga detyra e drejtorit të policisë…

…Profesionalizmi, ndershmëria, përkushtimi ndaj punës, i tremb këto klane që janë në drejtim në Ministrinë e Rendit Publik dhe kjo ka reflektuar menjëherë pas takimit që unë bëra me ju që në fillim që pranova të vij në Kukës, po ashtu dhe gjatë takimit tjetër, ku filloi një xhelozi nga krerët e Ministrisë së Rendit. Unë jam oficer policie dhe kam punuar në shumë rrethe të vështira dhe kam sakrifikuar shumë, kryesisht në periudhën 1997-2000."

Reforma
"…Emërimi im në Drejtorinë e Policisë së Kukësit u bë me 6 mars 2000 dhe gjendja ishte skandaloze në të gjitha sektorët. Puna filloi me reformimin në të gjitha sektorët. U arrit kontrolli i aksit rrugor Qafë Mali-Morinë. U prangosën 5 banda të cilat kishin grabitur më parë. Të ardhurat në doganën e Morinës u dhjetëfishuan si në zhdoganime ashtu dhe në taksën e solidaritetit. Zbulimi i kriminalitetit u rrit nga 52 për qind në 94 për qind. Çudia fillon kur largohem nga detyra me 24 korrik 2000 dhe dal në dispozicion të dikasterit, e njëjta skemë, si pas largimit nga detyra në Tropojë. Me 15 tetor ndodhin ngjarje në Kukës dhe përgjegjësia sipas Veli Myftarit bie mbi mua ndonëse kisha një muaj që isha larguar…"

Detyrat
Më tej Malushi, në letrën drejtuar ish-kryeministrit të asaj kohe Ilir Meta, shkruan për detyrat nëpër rrethe. "…Në Berat ku frika e terrori ishte i pranishëm, sakrifica, puna ime krijoi respektin e mbarë popullit të Beratit, ku vlerësimi ka qenë maksimal. Në Tropojë, ku nuk kishte forcë shteti, ku këtë rreth nuk e merrte asnjë përsipër, për të stabilizuar situatën, ishte zoti kryeministër, profesionalizmi, ndershmëria dhe përkushtimi im që i ktheva normalitetin këtij populli, ku gëzoj një respekt të veçantë. Në Kukës punova po me të njëtin përkushtim, duke mos lejuar disa pushtetarë apo funksionarë të ndryshëm të hanë me katër duar dhe të lozin me dy porta, duke bërë një luftë të vendosur në zbatimin e ligjeve dhe në ruajtjen e pastërtisë së shtetit. Dhe vjen një ditë të shtrydhem si limon, sistemoj e stabilizoj situatat dhe flakem në rrugë si top pa adresë. Zoti kryeministër, për këto dhe shumë probleme të tjera, për dallaveret që bëhen me politikën e kuadrit, kërkoj që të takohem me ju personalisht brenda mundësive".


Esma Malushi: Pushtetarët ngulmuan që Ganiu të merrte shofer Gjovalinin

Esma Malushi, bashkëshortja e komisarit të vrarë më 6 gusht 2003 në Durrës, flet pasi pa ballë përballë Agim Pepën vrasësin e burrit të saj. Ndihet e shqetësuar për ato që ende fshihen në procesin gjyqësor. Telefonata një ditë para vrasjes, për transferimin nga Kruja në Durrës, ngulmimin e pushtetarëve që të merrte shofer Gjovalin Ndreun…

Dy ditë më parë i pandehuri Agim Pepa ishte në sallën e gjyqit?
Sapo mora vesh vetëdorëzimin e Agim Pepës vendosa që të jem patjetër në sallë. Ajo ishte dita e parë e gjyqit, pasi krimineli ishte në bankën e të akuzuarve. Doja të dëgjoja motivet dhe arsyet që e shtynë atë të eleminonte Ganiun.

Si ju ngjau i pandehuri në sallën e gjyqit?
I pandehuri të linte përshtypjen sikur kishte ardhur nga një ëeekend, duke sfiduar shtetin, policinë, familjet e viktimave. S'e konceptoj se si një njeri prej 8 muajsh në kërkim paraqitet sikur të ishte në një sfilatë.

Keni kërkuar që të keni dhe ju një avokat?
Kam pasur dyshime për organin akuzës pa u mbyllur dosja. Doja një avokat, por legjislacioni shqiptar s'e përmban. I kërkova presidentit, prokurorisë, Gjykatës së Krimeve të Rënda, por s'pati hapësirë për kërkesën time.

Përse mohohet telefonata para vrasjes dhe transferimi?
Për telefonatën nga Drejtoria e Durrësit, e bërë nga oficeri i shërbimit rreth orës 18 apo 18 e 15 minuta, jam vetë dëshmitare dhe nuk di pse mohohet. Telefonata me Pashk Tushën nuk është bërë në shtëpi, por në mjedise të tjera, e cila më është pohuar dhe nga Pashku. Ka qenë diçka për mospërdorimin e makinës nga shefat e komisariatit që janë me leje të zakonshme. Ganiu ka thënë se jam në punë, por do të filloj lejen e flasim nesër. Transferimi nga Kruja mohohet qëllimisht për të mbuluar shkakun dhe arsyen e eleminimit të tim shoqi. Transferimin ma ka pohuar Pashk Tusha ditën e varrimit, duke më thënë se do punonim bashkë me Ganiun.

A ka qenë Ndreu shenjestër që u dërgua te komisari?
Që të nesërmen e vajtjes në Krujë të Ganiut, i është rekomanduar shofer Gjovalin Ndreu, që ishte efektiv i policisë në objekte. Të tjerë i kanë thënë se ka probleme. Ganiu i ka thënë në zyrë Gjovalinit kur i ka paraqitur kërkesën. Ka qenë ndërhyrja e kryetarit të Partisë Socialiste të Krujës dhe dy tre shokëve të tij që ka vendosur. Ganiu e ka kundërshtu, por Ndreu ka mohuar të ketë probleme. E ka bërë problem dhe në Drejtorinë e Policisë së Durrësit. Ganiu ka fol gojarisht me Pashk Tushën dhe ai ka qenë një ndër ndërmjetësit kryesorë që Gjovalini të punojë shofer, se s'ka asnjë problem. Ganiu ka vendosur të mos e marrë shofer, por ndërhyrja ka qenë jashtëzakonisht e madhe dhe ai e mori pas 10 apo 15 ditëve në punë.


Pantallonat e përshkuara nga plumbi

Shtëpia e komisar Malushit është shndërruar pothuajse në muze. Muret janë të veshura me foto dhe lule. Janë fotot e Ganiut, me të shoqen, me miq, me të afërt. Fotografi në detyrë dhe kudo. Esmaja, e shoqja, ruan si relikte kujtimet me bashkëshortin e saj, ëndrrën e tij, që u ndërpre nga vrasja e 6 gushtit 2003 në Durrës. Nga një sirtar në raft ajo nxjerr pantallonat e Ganiut, që ka pasur ditën e ngjarjes. "I ruaj si kujtim, shprehet ajo. Ja shenja e plumbit që e ka goditur Ganiun. Duket që plumbi ka hyrë nga prapa trupit të tij dhe ka dalë përpara, pak centimetër poshtë rripit, në krahun e djathtë të trupit të tij". Pantallonat civile janë mbushur me njolla gjaku. "Ishte civil edhe atë ditë, pohon e shoqja. Madje as pistoletën nuk e kishte marrë me vete. E kam dorëzuar unë pas disa ditësh në polici…".


--------

[Brari]

Me gezim njofton Gazeta Shqiptare se ka shpresa per Jaho Salihin, kriminelin e njohur , qe te lirohet nga burgu..

-----
FLET JAHO SALIHI, I DENUAR PER VRASJEN E HAJDARIT

"Kam shpresë te Strasburgu"
Mulosmani: Të gjitha sekretet e mia do i bëj libër


--------------------------------------------------------------------------------

Basir Çollaku


Kur politika të heqë dorë nga urdhrat që u jep organeve të ndryshme të shtetit, kur çështjet të gjykohen nga gjykatat në bazë të provave dhe të fakteve, atëherë do të ketë drejtësi dhe në burg do të jenë fajtorët, e jo të pafajshmit. Ndoshta Strasburgu do të bëjë atë që duhet dhe pritet, sepse atje nuk mund të ndërhyjnë politikanët shqiptarë". Jaho Salih Mulosmani i dënuar më burgim të përjetshëm për vrasjen e deputetit demokrat Azem Hajdari, pohon se ka persona që ua do interesi që ai të jetë në qeli. Sepse, shton më tej Mulosmani, ka jo pak njerëz të cilët nuk duan që të dalë e vërteta, e cila është krejt ndryshe nga ajo e deklaruar". Në burgun e sigurisë së Lartë 302 në Tiranë, janë afro 200 të burgosur. Prej tyre, afro 40 janë të dënuar më burgim të përjetshëm. Rregulli është prezent dhe korrektesa maksimale e administruar kjo, nga drejtori i institucionit të vuajtjes së dënimit, Petrit Ismaili. I qetë, i përmbajtur, i veshur sportiv, Jaho Salih Mulosmani flet për akuzat e shumta në adresë të tij, që i përdorin për qëllime të caktuara.

Keni dijeni se çështja "Hajdari", pas ankimit të mbrojtjes, ka mbërritur në Gjykatën e Strasburgut?
Po, kam dijeni për këtë fakt. Më ka thënë dhe avokati. Besoj dhe kam shpresë se diçka do të bëhet. Sepse shkeljet që janë bërë në procesin "Hajdari" janë të shumta dhe ata nuk mund ti kalojnë pa i vënë re.

Sipas jush, ka pasur shkelje?
Sigurisht që ka pasur shkelje dhe kanë qenë të shumta. Natyrisht po të mos kishte pasur shkelje, ne nuk do të ishim dënuar për këtë ngjarje.

Shpresoni te Strasburgu?
Sigurisht që po. Besoj se politikanët tanë, nuk po bëj këtu dallime se cilët, nuk mund të ndërhyjnë në këtë çështje në këtë gjykatë ndërkomëbtare. Atje nuk kanë mundësi ta bëjnë një gjë të tillë. Atëherë besoj se do të dalë e vërteta e asaj vrasje, asaj ngjarje.

Këtu kanë mbaruar të tre shkallët e gjykimit?
Unë e di se ka persona të cilët kanë interes që kjo çështje tashmë të jetë përfundimisht e mbyllur, të mos flitet më për të, të mos dalin gjëra që janë mohuar me dashje nga shumë njerëz. Ka shumë dëshmitarë të cilët kanë fshehur detaje, që mund të kishin shërbyer për zbardhjen e së vërtetës. Ata që nuk duan të dëgjojnë gjë rreth dosjes "Hajdari" nuk duan që të dalë e vërteta. Them e vërteta pasi ajo çështje nuk ka lidhje me politikën, por është shfrytëzuar shumë nga politika e majtë apo e djathtë qoftë, pa përmendur emra.

Ku mbështeteni ju kur deklaroni se vrasja e Azem Hajdarit nuk ka lidhje me politikën?
Para disa muajsh e pranoi edhe Muharrem Haklaj, babai i Fatmirit, se Azem Hajdarin e ka vrarë i biri. U habita por është e vërtetë. Megjithëse për prindin është shumë e vështirë të thotë një gjë të tillë, por Muharremi e pranoi. Ai tha atë që edhe në gjyq nuk e kishte thënë. Pastaj do të ketë dhe njerëz të tjerë të cilët do të thonë gjëra që nuk i kanë pohuar deri tani, që i kanë fshehur, që i kanë tjetërsuar.

Ju thoni se vrasja e 12 shtatorit është përdorur nga politika dhe nuk ka të bëjë me të?
Vetëm politike nuk ishte ajo vrasje. Ka ndodhur për gjëra të tjera. Por duhet ta përsëris se u shfrytëzua nga të tjerët si vrasje e tillë.

Vrasja e Beslim Hy-kës dhe Isuf Bashkurtit ka shkuar në gjykatë dhe ju jeni akuzuar nga prokuroria për këtë vrasje, jeni pyetur për këtë?
Edhe këtë çështje e kanë përdorur dhe e përdorin kundër meje, sepse unë nuk kam të bëjë me të. Më kanë pyetur prokurorët një herë të vetme, para dy vjetësh dhe nuk me kanë ardhur herë tjetër për këtë dosje. Avokati im merret me këto çështje dhe nuk më kanë ftuar as për në gjyq për këtë ngjarje. Ju ritheksoj se nuk kam të bëj me këtë ngjarje për të cilën akuzohem. Tani vazhdohet të hetohet për shumë vrasje të tjera. Duket sikur e kanë kollaj, hajt t'ia ngarkojmë këtij, se në burg është.

Po familja e Jaho Salihit ku ndodhet?
Kam gruan dhe dy fëmijë, të cilët jetojnë jashtë vendit.

Ka ngjarje në Tropojë që janë lidhur me ngjarjet në Kosovë?
Ngjarjet që kanë ndodhur në Kosovë do të zbardhen, do të dalë e vërteta, do të dalin shumë ngjarje që ende mbahen fshehur.

A kanë ardhur t'ju vizitojnë në burg shokë, miq apo të afërm pas dënimit?
Kanë ardhur shokë, por shumë prej tyre i kam ndaluar të vijnë dhe të më takojnë e të më shohin në burg.

Përse e keni bërë këtë?
Po si të të them. Nuk kam dashur t'i ekspozoj. Sepse fillojnë e punësohen menjëherë edhe hafijet, që janë gati të vrapojnë sapo të vijë dikush e të takojë Jaho Salihin në burg.

Po për ato që ju dini?
Kam ndërmend që të shkruaj historitë dhe ngjarjet që unë di. Të gjitha të fshehtat e mia, mbase nesër, do të jenë në një libër që do të botohet. Këtë nuk e dëshirojnë shumë nga ata që tremben prej së vërtetës, prej asaj që ka ndodhur dhe që nuk mund te fshihet nga askush.


Mulosmani: Ndjek garat e Formula 1, jam tifoz me kolumbianin e BMW Montoja

Kohën e lirë i burgosuri e kalon në dhomë duke parë television, ato private, më tepër-thotë Jaho. Lexon libra, sheh telvizor, shkruan ndodnjëherë. Kështu e kalon pjesën më të madhe të kohës Jaho Salihi në burgun e sigurisë së lartë 302 në Tiranë. Salihi pohon se në dhomë është i vetëm. Kushtet në burg janë të mira, sqaron ai, natyrisht me aq mundësi sa ka administrata që t'i plotësojë ato. "Të paktën drita e ujë kemi vazhdimisht. Nuk na i ndërpresin asnjëherë". "Shoh se televizionet private janë mirë. Më pëlqejnë dokumentaret te "ALSAT" si dhe lajmet te News 24 e "Top Channel". Mulosmani pohon se i pëlqen të lexojë libra të historisë dhe politikës. Historia më pëlqen, thotë ai, sepse, të paktën deri tani, historia ka qenë e bërë çorap. Gjithashtu u kushton kohë dhe librave të politikës. Sporti është një interes tjetër që mbush një pjesë të kohës së të dënuarit në qeli. "Futbolli nuk më pëlqen aq shumë sa volejbolli që për mua është sporti më i preferuar". Gjithashtu Jaho pohon se ndjek shpesh herë dhe garat e makinave, kryesisht Formula 1. Mulosmani thotë se është tifoz me Huan Pablo Montojën, me kolumbianin e BMW. "Jo me Shumakerin, thotë ai. Gjithnjë i pari dhe e ndihmon më tepër braziliani Rubens Barrikelo".


"Rama ka ndryshuar pamjen e Tiranës"

Poltika. Mulosmani buzëqesh dhe nuk ka fort dëshirë që të flasë për to. "Ata bëjnë çfarë bëjnë dhe merren vesh përsëri me njëri- tjetrin. E kanë bërë dhe herë të tjera një gjë të tillë. Por kur shohin dikë që punon, që bën diçka, më duket se mërziten e i hidhen dhe i bëjnë namin" "Ja,- pohon i burgosuri Jaho Salih Mulosmani, ne shohim në ekranet e televizioneve Tiranën. Ajo ka ndryshuar shumë në këto vite. Dhe e gjitha kjo është meritë e kryetarit aktual të Bashkisë, e Edi Ramës. Por edhe atë nuk e lënë të qetë që të bëjë punën e tij. Hetime, Komisione e ku di sa të tjera". Kryeqyteti, pohon i burgosuri Mulosmani ka ndërruar shumë në këto vite, që ka qenë nën drejtimin e kryebashkiakut Edi Rama. Jaho Salihi pohon se e gjithë kjo punë që shihet kudo, që preket nga të gjithë, meriton respekt, kushdoqoftë njeriu që e ka bërë.



----


edhe Altin arapi ishte mik i Edvinit e i erionit.. te ZP-se .. po ashtu dhe Jaho.. vrasesi e perdhunuesi e idoli i Ps-se..

[Fringo]

O Braro, po sikur te thote te verteten ky?
Po sikur Hajdari te jete vrare per ato qe "i di" e gjithe Tirana e Shqiperia, per trafiqet e pislliqet qe ka bere?
Po sikur..................?

[Brari]

Jaho ka perdhunuar disa femra e ka vrare disa njerez e kete ti e di mire ti fringo ..bile me mire se une se ke informata..
Pra ti e di mire qe Jaho nuk tregon te vertetat..pra leri shakate..


Sikur te vriteshin njerzit nga pislleqet qe mund te ken bere athere do ishte vrare krejt lidershipi i Ps-se sepse askush sja kalon atyre per kontrabanda e trafiqe e pislliqe.. por sic e din ti fringo freshisti asnje socialist nuk eshte vrare e kjo tregon se Vrasesit jan te PS-se.

Urreje Azemin ..pse jo.. e ke marre ne fis at gen te urrejtjes ndaj atij njeriu qe Hoqi luften e klasave..

Pa Azemin ti fringo e shum tjere si ty.. ne Usa mund te shkoje vetem ne se te conte Fatosi si shofer te aGim Neshos ose Tarifes..ne konsullat te Okb-se se ne Kaliforni sdo shkoje dot se do ta quanin babane armik ata shoket e organizates e do e internonin ne Cakran ose Hekal si Baba i te nje arratisuri..
Por dhe aty sdo e linin se do cohej ndonje mallakastriot tirane e do zbulonte se ate baban e fringos mos e lini ne Symize se ai mallakastriot eshte e se nuk do e ngordhin per buke se ka ca kusherinj andej e do i propozonin Partise ata shoket e Babit qe baban e fringos ta cojne ne progonat te kurveleshit...

Pa Azemin ty do te te benin spiun te partise qe te raportoje diasporen ne shkembim te nje cope buk misri qe do i jepnin motres e mamas tende atje ne kurvelesh..

Azemi pruri demokracine e prandaj nuk e doni juve..

Prandaj dhe e vrate e prandaj dhe pite shampanje nga gezimi ju tere terbaciotet e mallakastriotet e tiranes..

qashtu..