Presidenti Moisiu viziton Kosovën

[dodoni]

Presidenti i Shqipërisë Alfred Moisiu viziton Kosovën më 22-23 prill


Prishtinë, 16 prill (Kosovapress) Time: 11 : 05

Kjo është vizita e parë e tij në Kosovë.

[dodoni]

E Enjte, 22 Prill 2004


MOISIU TAKIM ME HOLKERIN NE KOSOVE

Presidenti i Republikes, Alfred Moisiu, niset sot per nje vizite zyrtare ne Kosove. Presidenti Moisiu niset me ftese te kreut te UNMIK -ut Holkeri, ftese e cila eshte e para per nje kryetar shteti shqiptar. Programi i vizites se Presidentit Moisiu ne Kosove parashikon takime me zyrtaret me te larte nderkombetare, Kryeadministratorin Holkeri, Komandantin e KFOR-it Kammerhoff dhe me Presidentin e Kosoves Rugova, Kryetarin e Parlamentit Daci, Kryeministrin Rexhepi, Komandantin e TMK-se Ceku, kryetaret e PDK-se Thaci dhe AAK-se Haradinaj. Nje takim te vecante Presidenti Moisiu do te kete me akademike dhe studente te Universitetit te Prishtines, personalitete te tjera, perfaqesues te shoqerise civile kosovare dhe te komuniteteve fetare.

[dodoni]

Moisiu sot në Kosovë


N.Perndoj

TIRANE- Presidenti i Republikës, Alfred Moisiu, është nisur sot për të zhvilluar një vizitë dyditore në Kosovë me ftesë të kreut të UNMIK–ut Harri Holker. Kjo është vizita e parë zyrtare e një presidenti shqiptar në Kosovë. Programi i vizitës së presidentit Moisiu në Kosovë parashikon takime me zyrtarët më të lartë ndërkombëtarë; kryeadministratorin Holkeri, komandantin e KFOR–it Kammerhoff dhe me presidentin e Kosovës Rugova, kryetarin e Parlamentit Daci, kryeministrin Rexhepi, komandantin e TMK–së Çeku, kryetarët e PDK–së Thaçi dhe AAK–së Haradinaj. Një takim të veçantë presidenti Moisiu do të ketë me akademikë dhe studentë të Universitetit të Prishtinës, personalitete të tjera, përfaqësues të shoqërisë civile kosovare dhe të komuniteteve fetare. Në ditën e dytë të qëndrimit të tij në Kosovë, presidenti Moisiu i shoqëruar edhe nga homologu i tij në Kosovë, Ibrahim Rugova do të vizitojë qytetin e Prizrenit dhe Muzeun e Lidhjes së Prizrenit. Gjatë qëndrimit në Prizren është planifikuar që të zhvillohet një ceremoni e vogël për dhënien e “Medaljes së Artë të Lidhjes Shqiptare të Prizrenit” presidentit Moisiu nga presidenti Rugova. Kjo ceremoni do të mbyllë edhe vizitën e tij në këtë qytet. Ndërsa në ditën e dytë të vizitës së tij, presidenti Moisiu do të zhvillojë edhe një konferencë të përbashkët për shtyp në qytetin e Prishtinës për ecurinë dhe rezultatet e vizitës.



22/04/2004

[dodoni]

Presidenti i Shqipërisë Alfred Moisiu mbërriti sot në Prishtinë

Prishtinë, 22 prill - Presidenti i Republikës së Shqipërisë Alfred Moisiu mbërriti sot në Prishtinë për një vizitë dyditëshe. Me të arritur në aeroportin e Prishtinës, Presidenti Moisiu deklaroi se ndiehet i lumtur që po viziton Kosovën dhe ndodhet në mesin e bashkëkombasve të tij.
Presidenti i Shqipërisë po e viziton Koosvën me ftesë të shefit të UNMIK-ut Hari Holkeri.
Zoti Moisiu takimin e parë sot do ta ketë me kryeadministratorin e Kosovës Hari Holkeri. Ndërkaq, në orën 11.40 do të takohet me Presidentin e Kosovës Ibrahim Rugova, e pastaj me kryeparlamentarin Nexhat Daci dhe me Kryesinë dhe shefat e grupeve parlamentare në Kuvendin e Kosovës.

[Llapi]

Kryeministri Rexhepi prêt presidentin e shqipërsisë, Alfred Moisiun

Prishtinë, 22 prill - Në orët e mbrëmjes presidenti i Shqipërisë Alfred Moisiu u prit nga kryeministri Bajram Rexhepi. Në këtë takim u diskutua për mundësit e thellimit të bashkëpunimit mes Shqipërsisë dhe Kosovës në fusha të ndryshme të jetës. Kryeministri Rexhepi çmoi rolin dhe përpjekjet e presidentit shqiptar për vendosjen e paqës dhe të qetësisë në gjithë rajonin. Kryeministri Rexhepi kërkoi nga nga z Moisiu që ta plasoj të vërtetën për Kosovën në mekanizmat vendimarrës ndërkombëtar. Presidenti Alfred Mosiu theksoi nevojën e domosdoshme të forcimit të lidhjeve në mes Kosovës dhe Shqipërisë në interes të paqes në rajon. Kjo sipas tij do të kontribuon në integrimin e përbashkët të të dyja vendeve në strukturat veriatlantike. Moisiu poashtu tha se derisa punojmë për integrim duhet të mësohemi të bashkëjetojmë në bazë të ligjeve dhe rregullave të caktuara të shoqërive demokratike. Ai çmoi angazhimin e kryeministrit gjetë trazirave të marsit. Presidenti i Shqipërisë Alfred Moisiu tha se përkrah pavarësinë e Kosovës. Ai këtë koment e bëri pas takimit me kryetarin e PDK-së Hashim Thaçin. "Statusi i Kosovës duhet të përcaktohet nga vullneti i qytetarëve të Kosovës në bashkëpunim me organizmat ndërkombëtar, pra pavarësia e Kosovës ", tha Moisiu. Presidenti Moisiu u takua edhe me anëtarin e kryesisë së AAK-së Bujar Dugollin. Në ditën e parë të vizitës së tij në Kosovë presidenti shqiptar pati takime edhe me personalitete dhe përfaqësues të shoqërisë civile të Kosovës si dhe me profesorë e studentë të Universitetit të Prishtinës.

[dodoni]

Takimi Rugova-Moisiu: Bashkëpunimi ndërmjet Kosovës dhe Shqipërisë të jetë shumë më intensiv



Prishtinë, 22 prill - Presidenti i Kosovës Ibrahim Rugova dhe Presidenti i Shqipërisë u takuan sot në mesditë dhe biseduan për situatën aktuale në Kosovë dhe për marrëdhëniet në mes të dy vendeve.
Presidenti Rugova pasi shprehu kënaqësinë dhe gëzimin e veçantë për takimin me Presidentin e Shqipërisë Alfred Moisiun, tha se ky është një moment i veçantë për të dhe për gjithë popullin e Kosovës. Ai tha se në këtë takim është biseduar për progresin e arritur në Kosovë gjatë pesë viteve, për fazat e reja të zhvillimit ekonomik, privatizimin, investimet që duhet të bëhen për të siguruar një zhvillim ekonomik.
"Biseduam edhe për çështjen e integrimeve të grupeve etnike, pra me shumicën në Kosovë", tha Presidenti Rugova. "Ngjarjet e marsit për ne ishin të papranueshme dhe i gjykojmë, ndërkaq përgjegjësit e tyre duhet të dalin para drejtësisë sepse Kosova është e vendosur në vazhdimin e progresit të vet", theksoi zoti Rugova, duke shtuar se shumica shqiptare dhe institucionet do t'u ofrojnë siguri grupeve etnike e minoriteteve.
Si temë të veçantë të këtij takimi Presidenti Rugova veçoi bashkëpunimin ndërmjet Kosovës dhe Shqipërisë, për të cilin tha se duhet të jetë shumë më intensiv dhe në të gjitha fushat e jetës. "Aspirata e vendeve tona është integrimi në BE, në NATO dhe në miqësi të përhershme me SHBA-të", nënvizoi Presidenti Rugova.
"Njohja formale e pavarësisë së Kosovës duhet të ndodhë sa më shpejt, si element kyç për qetësimin e kësaj pjese të Evropës dhe të botës, e që do të përshpejtonte proceset e brendshme demokratike integruese", theksoi zoti Rugova, duke premtuar se do të vazhdojë bashkëpunimi me Shqipërinë në të gjitha fushat e jetës, si dhe do të bëhen përpjekje që Kosova edhe me fqinjët e saj të ketë marrëdhënie të mira.
Presidenti Rugova tha se kërkon edhe më tutje përkrahjen e Shqipërisë për Kosovën. Në këtë takim, tha ai, konkretisht është biseduar edhe për realizimin e projektit të ndërtimit të rrugës Prishtinë - Durrës, e cila do të jetë një ngjarje e madhe për integrimin ndërshqiptar dhe integrimet në këtë pjesë të Evropës, u shpreh në fund Presidenti Rugova.
Nga ana e tij Presidenti i Shqipërisë, Alfred Moisiu, gjithashtu shprehu kënaqësinë që takoi Presidentin Rugova në Prishtinë, sepse siç tha, "kemi pasur rastin të takohemi në vende të tjera". Për temat që kishin biseduar në këtë takim, zoti Moisiu tha se
kishin patur pikëpamje të përbashkëta për këto çështje. "I thashë Presidentit Rugova që miqtë tanë duhet t'i ruajmë sepse asnjëherë më parë nuk kemi pasur miq më shumë dhe është lehtë t'i humbim", tha Presidenti Moisiu. Ai shtoi se duhet pasur kujdes që të bëhet një politikë e tillë që të mos prodhojë kriza, që të ecet përpara, duke bashkëpunuar me njëri tjetrin.
"Kosova nuk ka kthim prapa. Kjo nuk diskutohet dhe këtë ia kam thënë edhe Holkerit edhe Ananit dhe sa më shumë të zgjatet çështja e zgjidhjes së statusit të Kosovës aq më shumë hapësirë u lejohet ekstremistëve të të dy krahëve", u shpreh Presidenti Moisiu, duke shtuar se ky proces ka marrë rrugë dhe do të shkojë deri në fund.
Në lidhje me trazirat e marsit, Presidenti Moisiu theksoi "ngjarjet që ndodhën nuk ishin të mira, por mendoj se ato nuk do të arrijnë ta pengojnë zhvillimin e Kosovës". Nga ato ngjarje duhet të nxirren mësime, tha ai, dhe të gjithë duhet të punojnë dhe veprojnë për të ecur përpara.
Zoti Moisiu tha se është e nevojshme që Qeveria e Kosovës të ketë më shumë kompetenca, duke shprehur bindjen se pas ngjarjeve të marsit do të përshpejtohet zgjidhja e problemeve.
"Me këtë rast unë i dëshiroj popullit të Kosovës ditët më të mirat dhe t'i siguroj se Shqipëria dhe shteti shqiptar gjithmonë do të qëndrojë pranë dhe do të jetë një avokat i kujdesshëm e tepër këmbëngulës për çështjen e Kosovës", nënvizoi në fund të deklaratës para mediave, Presidenti i Shqipërisë Alfred Moisiu.

[dodoni]

PRISHTINË
Presidenti i Shqipërisë, Alfred Moisiu tha në Prishtinë se vonesa e zgjidhjes së statusit final të Kosovës u jep hapësirë veprimi grupeve ekstremiste nga të dyja palët. Ai tha se është më mirë që statusi të zgjidhet sa më shpejt që është e mundur. Moisiu i bëri këto komente gjatë një konference me gazetarë së bashku me shefin e UNMIK-ut Harri Holkeri.
Vizitën dy-ditëshe në Kosovë, presidenti Moisiu e bën me ftesën e kreut të UNMIK-ut.
Moisiu është takuar dhe me presidentin e Kosovës Ibrahim Rugova, ku është premtuar bashkëpunim më i thellë në të gjitha fushat.
Në vizitën e parë të një presidenti të Shqipërisë në Kosovë, zoti Moisiu është takuar dhe me kryetarin e Parlamentit të Kosovës dhe përfaqësues të kryesisë së Kuvendit, me kryeministrin Rexhepi dhe me përfaqësuesit e partive politike dhe shoqërisë civile.

[dodoni]

Presidenti i Shqipërisë viziton për herë të parë Kosovën. “Të izolohen dhe kantonizohen politikanët ekstremistë”

Moisiu: Politikanët e Kosovës të pajtojnë serbët me shqiptarët


Faton Osmani

Presidenti i Shqipërisë, Alfred Moisiu, tha dje në Prishtinë se vonesa e zgjidhjes së statusit final të Kosovës u lë hapësirë veprimi grupeve ekstremiste. Shqipëria, theksoi ai, është kundër çdo lloj dhune që del në sipërfaqe, ndërsa kërkoi që statusi i vendit të zgjidhet sa më shpejt që është e mundur. Moisiu gjatë ditës ka zhvilluar takime edhe me krerët institucionalë dhe politikë të Kosovës, si dhe ka zhvilluar një debat me studentët e Universitetit të Prishtinës. “Ne e kemi dënuar dhunën dhe e konsiderojmë atë të papranueshme. Ajo bie ndesh dhe në një farë mënyre komprometon progresin e arritur në Kosovë, dhe ka një kosto të lartë politike e kohore. Bashkëkombasit e Nënë Terezës, humanistes të madhe të shekullit të 20-të, nuk kanë asgjë të përbashkët me ata që cënuan institucionet fetare dhe bashkëjetesën e brishtë në Kosovë. Për këto arsye ne gjykojmë se është e domosdoshme që personat përgjegjës të dalin përpara drejtësisë dhe që klasa politike e Kosovës të ndërmarrë një proces të gjërë pajtimi midis komuniteteve”,-tha ai në takimin me akademikët dhe studentët e Prishtinës. Sipas tij projektet e ndarjeve etnike, kantonizimit apo ekzistenca e funksionimi i strukturave paralele janë të papranueshme. “Ndërmarrja e projekteve të tilla veçse mbjell farën e trazirave dhe konflikteve të reja në të gjithë rajonin. Shqipëria beson se të vetmit që duhen “kantonizuar” dhe izoluar janë politikanët dhe politikat ekstremiste që mbajnë peng të ardhmen e qytetarëve të Europës Juglindore”,-tha Moisiu.
Me Rugovën
Pas një takimi që zhvilloi me Rugovën, Moisiu siguroi të gjithë kosovarët se Shqipëria gjithmonë do të jetë një avokate e fortë, e kujdesshme dhe tepër këmbëngulëse për Kosovën. “Shqipëria është e interesuar dhe uron që Kosova të ecë në rrugën e demokratizimit dhe të integrimit. Dihet që Kosova sot është në një situatë që nuk e ka provuar kurrë më përpara dhe ne kemi bindje të plotë që me përpjekje qytetare dhe mbështetje ndërkombëtare, Kosova do të shkojë drejt arritjes të statusit të saj përfundimtar”, -tha Moisiu. Ai u shpreh optimist se Kosova ka një të ardhme të shkëlqyer dhe “sikurse fizikisht është pjesë e Europës do të bëhet edhe pjesë e integrimit evropian”. Dhuna, sipas tij, nuk është rrugë që duhet ndjekur, por rruga e nevojshme dhe e dobishme është dialogu. “Këtë duhet ta kuptojnë të gjitha palët në Kosovë”. Moisiu vuri në pah se gjatë rrugës për në Kosovë ka parë shumë ara të pambjella. Në këtë kontekst ai tha se statusi i pazgjidhur mund të jetë mungesë e arsyes së motivit që njerëzit të punojnë. Ai kërkoi nga qeveria e Kosovës dhe nga UNMIK-u që të krijojnë sa më shumë vende të reja të punës. Ai gjithashtu duke e mbështetur punën e UNMIK-ut në Kosovë, tha që kjo e fundit duhet t’i bartë kompetencat tek organet vendore, me qëllim që t’u krijohet mundësi vendorëve për të kryer sa më mirë punën e tyre. Sa i përket raportit midis standardeve dhe statusit, presidenti shqiptar tha se ato duhet të shkojnë paralelisht. Moisiu tha se kanë biseduar me Rugovën rreth bashkëpunimit të Shqipërisë dhe Kosovës në të gjitha fushat. “I thashë presidentit Rugova se ne shqiptarët nuk kemi pasur miqësi të mëdha në të kaluarën, por tani kjo ka ndryshuar dhe miqësitë që i kemi duhet t’i ruajmë dhe pikërisht këtu duhet të jemi të kujdesshëm të mos prodhojmë kriza, por duke bashkëpunuar me njëri -tjetrin të dimë të bëjmë politikë të kujdesshme”, -tha Moisiu. Ndërsa, ngjarjet e marsit në Kosovë ai i cilësoi si të dëmshme për proceset politike, por sipas tij ato trazira nuk mund ta pengojnë zhvillimin e vendit. “Ato trazira nuk ishin të mira për askënd dhe mua më vjen mirë që të gjithë liderët i kanë dënuar”.




23/04/2004

[Llapi]

PRESIDENTI ALFRED MOISIU TAKOI FAMILJEN E ADEM JASHARIT



Prishtinë, 23 prill (Kosovapress)
Presidenti i Shqipërisë, Alfred Moisiu, i cili po qëndron për një vizitë dyditshne në Kosovë, të premten është takuar me familjen e Komandantit legjendar Adem Jashari dhe më pas ka vendosur kurora lulesh pranë monumentit të Heroit kombëtar Gjergj Kastrioti – Skënderbeu.

Vepra e Komandantit legjendar Adem Jashari është bërë pikëtakim i vlerave kombëtare shqiptare. Presidenti i Shqipërisë Alfred Moisiu vazhdoi traditën e personaliteteve në nderim të piktakimt të vlerave shqiptare, ashtu si bëri edhe ish Presidenti Rexhep Mejdani, ish Kryeministri Pandeli Majko, Ilir Meta, Bernard Kushner, Uliam Wolker … e personalitete tjera kombëtare dhe ndërkombëtare.

[DriniM]

Prizren: Presidenti Rugova i dorëzoi solemnisht Presidentit Moisiu "Medaljen e Artë të Lidhjes së Prizrenit"




--------------------------------------------------------------------------------

Prizren, 23 prill 2004 - Presidenti i Shqipërisë Alfred Moisiu dhe Presidenti i Kosovës po vizitojnë sot qytetin e Prizrenit.



Fillimisht në një ceremoni të organizuar në sallën e Asamblesë komunale të qytetit, Presidenti Rugova ia dorëzoi Presidentit Moisiu "Medaljen e Artë të Lidhjes së Prizrenit", me të cilën e kishte dekoruar vitin e kaluar me rastin e 125-vjetorit të Lidhjes Shqiptare të Prizrenit. Kjo Medalje i është akorduar Presidentit të Shqipërisë Alfred Moisiu me këtë motivacion:

"Për kontributin e dhënë në mirëkuptimin ndërshqiptar dhe për përkrahjen e Lëvizjes demokratike të Kosovës për liri e pavarësi, si dhe për bashkëpunim të ngushtë ndërmjet Shqipërisë dhe Kosovës dhe për integrime euratlantike dhe evropiane të dy vendeve tona".

Presidenti Moisiu, pasi falenderoi për dekoratën që mori, shprehu kënaqësinë që ndodhet në qytetin e lashtë të Prizrenit dhe të njohur nga gjithë shqiptarët në historinë e tij.

"Është nder që këtë dekoratë e marr në qytetin ku u mbajt Lidhja e Prizrenit që ishte shumë e rëndësishme për mbijetesën e kombit shqiptar", u shpreh Presidenti Moisiu.

Gjithashtu dy presidentët vizituan Kompleksin muzeal të Lidhjes së Prizrenit dhe Marashin.
Presidenti Rugova për nder të Presidentit Moisiu shtroi një drekë.