Mësimet e nxjerra nga dhuna në Kosovë

[paja_pr]

Është e vertetë se dhuna që ndodhi në mes serbëve dhe shqiptarëve te Kosovës është pasqyruar mjaft negativisht tek nderkombëtarët, të cilët pjesen me te madhe të fajit ua hedhin shëiptarëve nga Kosova, duke mos marrë parasysh fajin e tyre.
Unë mendoj se ky ka qenë një plan i përgatitur nga vetë serbët.
Po ashtu edhe UNMIK-u ka pergjegjesi te madhe sepse mbytja e tre femijeve ne valet e lumit Iber eshte pritur mjaft keq tek shqiptaret.
Poashtu edhe raportimi i BOB GILETTE ka qen i pavend kur thot se per kete duhet fajsuar qenin e jo serbes, sepse qeni ka qen ai i cili i ka sulmuar femijet. Kjo te bene te rrnqethesh i tëri

[Damastioni]

Mendoj se ngjarjet e Marsit patën si shkak, përpos vrasjen e fëmijëve në lumin në Qabër, edhe disa faktor tjerë. Një ndër faktorët më me rëndësi është edhe ngecja e privatizimit në Kosovë i cili proces në mënyrë direkte ndikon në jetrat e njerëzve, dhe gjithsesi e shton pakënaqësinë e kosovarëve, të cilët sigurisht se ato frustrime i shprehin pastaj edhe në rrugë. Mosprivatizimi i Ndërmarjeve shoqërore shton automatikisht papunësinë, mos prodhimi bjen deri te largimi i punëtorëve nga puna dhe me këtë bie vlera e Ndërmarjes e cila pritet të privatizohet, Exporti i rënë në minimumin e mundur, me ekonominë kosovare e cila ka si bazë vetëm Importin e mallrave të gatshme pa pasur prodhime vendore rezulton automatikisht me përkeqësimin e situatës ekonomike e edhe politike dhe sociale.
Sigurisht se edhe shërbimet sekrete të Serbisë kan luajtur dhe luajnë ende rolin e tyre për destabilizimin e situatës në Kosovë, me pretendimin e njohur të tyre.
Eshtë për tu habitur se pse pak kohë para se të digjeshin Kishat Ortodokse të gjitha ikonat e atyre kishave u larguan në vende të sigurta dhe nuk pësuan asgjë. Një fakt tjetër shumë interesant është edhe Manastiri i Deviqit i cili ndodhet në Drenicë dhe i cili ka qenë me shekuj i ruajtur nga shqiptarët e edhe gjatë luftës së UCK-së kundër pushtuesit Serbë nuk i ndodhi asgjë, kurse tani në kohë paqeje u dogj.
UNMIK-u paraqitet gjithashtu me tezat e saja se ekstremistët i organizuan trazirat e 17 Marsit dhe djegjen e monumenteve fetare (Ortodokse) në Kosovë. Por ekzistojnë edhe arsye tjera. Për sigurinë në Kosovë është përgjegjëse UNMIK- u dhe forcat e KFOR-it kujdesen për kufijtë dhe stabilitetin e Kosovës. Dhe nuk më duket e udhës që UNMIK-u ta gjuaj tërë fajin në Kosovarët, pa e marrur edhe vetë pjesën e fajit e cila u takon. Nga ana tjetër punëtorëve të UNMIK-ut (jo të gjithëve) sigurisht se ju konvenon një situatë e tillë, qoftë për shkak të interesave të vendeve të tyre (miqtë e Serbisë), apo edhe për shkak të interesave vetjak, ku dihet mirë se shumë nga ta pagat e tilla dhe benificionet që i marrin në Kosovë munden ti ëndërrojnë në vendet e tyre. Z. Daci ua tha këtë haptazi në media, duke ua përmendur pagat dhe Restaurantet më të mira që vizitohen nga të huajt. Gatishmëria e policisë së UNMIK-ut për të intervenuar menjëherë dhe me efikasitet për parandalimin e eskalimit të situatës në momente të ngjajshme me 17 Marsin është shumë e vogel edhe për arsye se nuk kanë ndonjë interes të vecantë për të rrezikuar jetrat e tyre për Kosovën. Sigurisht se policët e UNMIK-ut nga Bangladeshi, India, Pakistani, Zimbabve, Nigeria, Sierra Leone, dhe vendet e ngjajshme nuk munden të na sjellin rregull dhe siguri në Kosovë kur atë nuk e kanë në vendet e tyre.
Gabimin të cilin e përsërisin strukturat ndëkombëtare në Kosovë, për bashkëjetesë me Serbinë në një gjendje të tillë ekonomike dhe politike, me një gjendje të pasluftës, me më shumë se 12000 të vrarë, me më shumë se 3000 të zhdukur, duket se edhe më shumë e nxisin radikalizimin e situatës në Kosovë. Ne së pari duhet të pranojmë të jetojmë pranë njëri tjetrit dhe ate vetëm kur qeveria serbe të na kërkojë falje në parlamentin serb për krimin e bërë ndaj nesh. Le të marrin mësim serbët nga Kanzelari gjerman Wili Brandt i cili ra në gjunjë në Poloni dhe u kërkoi falje për krimet e bëra nga nazistët Atëherë është e mundur ti falim por jo edhe tua harrojmë atë që na e kanë bërë gjatë gjithë shekujve të shkuar.

Ju përshëndes të gjithëve dhe


FREE YOUR MIND - LISTEN U2

[bingo-bomba]

mirse ju gjeta edhe une spo ju mar vesh mire shume po po mundohem sa kam munci sepse flisni pak si politikane sidomos ti ALBO po ke munci te flasesh me pak thjeshte shqipen se ti e di mire po ne qe kemi ikur te vegjel nga shqiperia saritem te bejme kaq shkolle flm , dhe tani ne tema kam folur ne chat edhe me kosovare dhe ja u kam thene mos bejne budalliqe si ato qe <djegin kisha ose sulen ne ushtaret greke> kujdes kush lecon kte teme dhe eshte kosovar mos u ncitoni te veproni, mendoni mire qe mbrapa jush dhe ato qe beni jemi ne ktej d m th ne qe rrime edhe jetojme ne gr mos na idhni pertok edhe mos na harroni, se cfar do qe beni ju e paguajme ne ktej 100% e sigurte prandaj ju lutem nuk mund ta mendoni car theshin ktej ne tv per shqiptaret ne e kemi dhjere edhe na ka dale emri tani mos i jepni fund edhe ju, tani clidhje kemi ne me ato qe doni te beni ju andej nuk e kam mesuar akoma, e pranoj qe dhe ju keni ato tuajat po edhe ne i kishim me berishen njesoj nuk eshte po dhe ne filluam nga fillimi apo e haruat sepse kemi zemer kshuqe dhe ju te keni besim tek kosova tek ju dhe tek ne sa kemi munci... po nuk fitoni gje me ato qe beni vetem beni dem, po nese kaq kisha une mos veproni shume shpejt ne tema qe mund te godase gjith shqiptaret qe jetojne ne gr ,shume flm <me shume respekt BINGO-BOT>

[forum126]

Mendimi se ne shqiptarët jemi njerëz të dhunshëm nuk qëndron aspak fare. Neve jemi të dhunshëm aq sa edhe përëndimorët janë të dhunshëm sepse ballkansat psh. serbët janë me mijëra herë më të dhunshëm se ne që e kanë dëshmuar jo vetëm në Kosovë por edhe në Bosnjë, Kroaci dhe Slloveni.

Atje pakënaqësitë e akumuluara qe 5 vite si dhe ato shekullore (vuajtjet shekullore të shqiptarëve nga serbët) në revolta të të gjithë popullit u shfrytëzuan nga disa të papërmbajtshëm dhe ndodhi ajo që ndodhi, por që ne jemi të dhunshëm nuk qëndron. Po të ishte ndonjë komb tjetër edhe nga më demokratët e qytetëruesit në pozitat tona do të ishte shumë më i dhunshëm se ne.

Është shumë e rëndësishme që ngjarje të tilla të mos ndodhin më në të ardhmen, pra me një fjalë të mos ketë dhunë hiç fare sepse nga dhuna nuk ka interesa dhe dalim të gjithë të humbur por të njëjtën kohë edhe bashkësia ndërkombëtare e UNMIK duhet t'i shpejtojnë proceset atje si delegimi më i shpejtë i pushtetit vendorëve (që janë zotuar se do të jenë në gjendje ta mbajnë gjendjen në kontroll, gjë që u pa edhe në trazirat e fundit kur vetëm vendorët ishin ata që mund të ndalnin dhe shpërndanin turmat e njerëzve), përshpejtimi i procesit të privatizimit dhe zgjidhja e statusit sa më shpejtë që të jetë e mundur.


Tung

Per sa ka ndodhur ne Kosove shqiptaret e Kosoves mund te na tregojne me shume. Sa per ne te tjeret mund te flasim edhe kot.

Por ama ne shqiptaret ne jemi te dhunshem si budallai. Ne te vrasim pa asnje arsye. Kosovaret tregojne se po te kaloje neper lagjet e serbeve ishe shume i sigurte sepse ishin njerez te qete, por po te kaloje neper lagjet e shqiptareve nuk ishe i sigurte se do te kaloje deri ne fund te rruges. Ziheshe me njerezit vetem pse hidhje syte e pastaj edhe te thone:"Ti nuk me njeh mua se kush jam!"

Po te shikosh romet, magjupet, e kosoves nuk kane fare marredhenie te mira me kosovaret, kurse me serbet kane. Pa u futur ne te gjitha detajet per te gjetur te gjitha arsyet desha te them se shqiptaret e kosoves gjithmone i kane urryer romet e kosoves prej kohesh. Nje rom nuk mund te shkonte ne shkolle me nje klase me shqiptaret, nje shqiptar nuk do ta pranonte nje rom, edhe po te shkonte do ta perulte. Kurse ne shkollat serbe ata gjithmone kane qene me rehat.

Ka edhe shume arsye te tjera per shume kriza qe kane plasur ne Kosove, por desha te kujtoj se ne shqiptaret jemi trima budallenj. Neve po na ra dicka ne dore, po na ra fuqia ne dore, fluturojme, i shtypim te gjithe.

Do desha ndonje fjale te kosovareve qe kane jetuar atje me popuj te ndryshem se c'fare mund te shtojne rreth kesaj.

[AsgjëSikurDielli]

Shume nga ju permendin faktin e dhunes se Serbeve ndaj Kosovareve, kjo eshte e vertete qe ne rreth 100 vjet Kosovaret jane keqtrajtuar nga Serbet, por nuk kane pasur vetem ane negative nga pushtimi Serb.

Hajde te shohim,

Kosovaret ne vitet 80 kane pasur pashaporta Serbe te cilat ishin me te vlefshme se ato Amerikanet,

Shqiptaret ne Kosove kane pas pasaporta jugosllave. Serbia ka qene vetem njesi federale, dhe nga 1974 - 1990 ka qene e barabarte me Kosoven persa i perket teorise kushtetuese.

Pasaporta jugosllave me e vlefshme se amerikane? Po bre, edhe une jam Madonna e po e kendoj 'Like a Virgin' momentalisht.

kane pasur nje pasurim ne mase te popullsise gje qe Shqiperia nuk e ka pasur kurre ose e pati ne nje fare menyre ne vitet 92-96,

Mos e krahaso pushtimin me diktature se eshte si t'i krahasosh pjeshkat me dardha. Kane pasur pasurim jo nga shteti jugosllav, po ngaqe punonin ne Europen perendimore, dhe i dergonin paret se duhej me jetue diqysh do te thonin pleqte.

Kosova kurre nuk eshte renditur nder vendet e fundit ne Europe per nga zhvillimi ekonomik ndersa Shqiperia ka rreth 100 vjet qe nuk e leshon kete vend.

Prape pjeshkat me dardha. Krahasoje Kosoven me vendet e tjera te lira e demokratike, e jo me paranojen dhe stalinizmin enverian.

Kosova qe pas largimit nga Serbia nuk ka pare asnje lloj zhvillimi ekonomik por vetem renie ekonomike aq sa ne statistikat e fundit 15% e popullsise jeton ne varferi te tejskajshme dhe 30% ne varferi.

Krejtesisht i painformuar, mashtrues, dhe 'analizues' i forte i situates, me duhet te te tregoj se rritja e GDP-se (Bruto Prodhimit Vendor) per 2000-2001 ne Kosove ka qene rreth 23 %, nje shifer teper e madhe kjo. Me kalim te kohes kjo shifer shkon duke rene (stabilizim i ekonomise, mbarimi i periudhes emergjente te rindertimeve dhe donacioneve, nderrimi i valutes; marke gjermane ne euro, etj). Keshtu shifra bie ne 17%, 12% dhe vjet 7%, qe paraqet rritjen me te madhe ne mbare Europen (Per keto shifra, mund te konsultosh raportet e FMN mbi Kosoven). Sivjet rritja parashikohet te jete mes 5 dhe 6%. Poashtu duhet te te tregoj se nga periudha 1999-2004 vetem Bashkimi Europian, ka investuar me shume se 2,2 miliarde euro, dhe ka te kontraktuar edhe disa qindra milione tjere. Ketu nuk po llogarisim shtetet e tjera te medha donatore (SHBA-te, Japonine, etj). Shtoi kesaj edhe se paku 2 miliarde euro tjera te hyra vetanake, del nje shifer qe per pese vjet eshte me e madhe se sa qe investoi e gjitha Jugosllavia per 50 vjet.

Buxheti i Kosoves per 2004-2005 do te numeroje 900 milione euro, duke u rritur nga 100 milione euro sa kishte ne 1999. Keto 900 milione euro, te gjitha jane te hyra vetanake dhe nuk ka asnje donacion ne buxhet. Kjo te tregon edhe me mire per rritjen ekonomike.

Pra arrijme ne konkluzionin qe kosovaret nuk vepruar drejt me djegien e kishave sepse nga opinioni boteror kjo nuk vleresohet si nje shenje pozitive per qeverisjen e Kosoves nga vendesit por vetem nga forcat nderkombetare.

Me ato qe i the arrijme ne konkluza tjera, krejtesisht ndryshe nga tema. S'po e shoh lidhjen e kishave me rritjen ekonomike apo 'rendesine' e pasaportave 'serbe'.

Dhe siç e kam then mesiper kishat e Kosoves jane nder kishat me te vjetra ne Ballkan dhe nuk duhen pare me syrin si vepra Serbe por si simbole kulturore te popullit shqiptar. Shqiperia e pesoi nga ideja per te shkaterruar çdo gje te ndertuar nga Enver Hoxha, kur fare mire ato mund te rinovoheshin dhe te perdoreshin me efiçence.

Shqiperia u zgjua nga gjumi i thelle komunist dhe e pa te nevojshme te shkaterronte gjithe 'hapat' qe e futen ne ate gjume. Nuk mund te them se eshte e drejte, apo s'eshte, por respektoj deshiren e popullit. Ajo nuk shkaterroi monumente fetare apo kulturore, po nje aparat te madh fizik dhe mental qe ende ua dhunonte njerezve jeten edhepse kishte dhene frymen e fundit.

Kosova beri c'beri, dhe beri edhe mire, po edhe keq. Keq sepse shkaterroi nje pjese te historise se saj, mire, sepse tregoi se privilegjet per skllavet kane mbaru. Dhe para se te fillosh te flasesh per serbet, rendesine e 'pasaportes serbe', apo ekonomise se tyre marramendese (sot ne Serbi, shkalla e papunesise eshte rreth 50%), provo e jeto nen sundimin e tyre per nja 100 vjet e me vone, duku kendej e flasim.


Deri atehere,

hasta la vista.

[Albo]

Po ju shtroj disa pyetje qe tu bej qe te shikoni tabllone e qarte te asaj qe ndodhi ne Kosove, kush fshihen pas atyre "trazirave" dhe cfare sollen ato trazira si ne rajon dhe me gjere.

Kujt i intereson anarkia dhe kaosi ne Kosove?

Bejini kete pyetje vetes, si ju qe banoni ne Kosove edhe ju qe e ndiqni situaten larg Kosoves. A i intereson kaosi e dhuna atyre shqiptareve ne Kosove qe duan te shpien femijet ne shkolle, te hapin dyqanet e kafenete, te ndertojne shtepi e te investojne ne Kosove? Sigurisht qe nuk u interesojne. A i intereson institucioneve te Kosoves dhuna ne Kosove? A u intereson forcave nderkombtare apo UNMIK dhuna ne Kosove? Sigurisht qe jo. Dhuna ne Kosove me baza ethnike u intereson vetem atyre qe kerkojne ndarjen e Kosoves neper kantone dhe jo pavaresine e saj. Ata qe kerkojne ndarjen e Kosoves jane vetem Beogradi. Ata qe i vune flaken Kosoves jane ato vegla qorre qe u fryjne flakeve te zjarrit ne Kosove dhe nuk i lene te sherrohen plaget e saj. Ata qe populli i Kosoves i perjashtoi me vote nga procesi politik. Jane ata qe i kishin pergatitur artikujt e tyre disa faqesh qe nje dite me pare, per ti publikuar te nesermen ne gazetat shqiptare. Jane ata qe justifikojne dhunen ne Kosove si gjoja "padurim i shqiptareve per te arritur statusin e pavaresise".


Kujtoni se eshte rastesi djegia e kishave ne Kosove?


E mbani mend se kush ishte ai njeri qe justifikonte masakrat ne Kosove me "mbrojtjen e krishterimit" nga shqiptaret muslimane atehere kur mbare bota i doli ne krah refugjateve nga Kosova? Ai e kish emrin Milloshevic e sot e gjeni ne Hage. Me aktin e djegeve te kishave ne Kosove, ajo dore e djallezuar qe vuri flaken i dha konfliktit serbo-shqiptar edhe nje dimension te trete, dimensionin fetar. Kujtoni se u dogjen "kishat e serbve", apo u dogjen Kishat e besimit te Krishtere qe ndan gjithe Perendimi? Si kujtoni se ndihen mbrojtesit me te medhenj te interesave tona kombetare ne kryeqytetet me te medha Perendimore kur lobet greke dhe serbe u servirin fotot e kishave te djegura dhe forcave paqeruajtese te plagosura? Keshtu ua shperblejne shqiptaret miresine tuaj! Nuk mjaftoni dimensioni ethnik dhe historik i problemit, duhej patjeter ti shtohej edhe dimensioni fetar?! Kush ishte ai qe pasi vizitoi Kosoven pasuan pak dite me vone edhe trazirat? Kush ishte po ai person qe pak dite me vone pasi takon Berlusconin leshon fjalet se Shqiperia nuk eshte me shumice besimtaret muslimane? Kush eshte ai politikan ne Shqiperi qe pasi e kane vene ne shenjester te gjithe dhe duke e ndjere qe i ka ditet te numeruara po luan edhe karten e fundit me Perendimin, karten e fese? Eshte i njejti krimb qe takoi Milloshevicin ne Krete.


Kujtoni se pavaresia e Kosoves vjen me lufte e me dhune?

Kujtoni se te jesh i pavarur do tu japi fund te gjitha problemeve shoqerore dhe ekonomike qe ka Kosova sot? Kujtoni se institucionet shqiptare ne Kosove jane gati te garantojne sigurine e jetes se banoreve te saj, kur kete gje nuk e siguruan dot as forcat paqeruajtese? Kujtoni se me lufte dhe me dhune do te fitoni pavaresine apo izolimin? Mjafton qe forcat e NATO te largohen nga Kosova dhe UNMIK ta dergoje administraten e vete ne OKB dhe Kosova e mbare Ballkani shperthen ne lufte brenda 24 oresh. Pastaj nuk do te vrisni me mendjen per "pavaresi" apo per "UNMIK", pastaj do te vrisni mendjen se si te shpetoni jeten e familjes tuaj nga flaket e luftes.

Lufta te garanton vetem 1 gje: VDEKJEN + SHKATERRIMIN. Kosova e ka paguar me gjak pavaresine e saj, gjak qe e kane derdhur te paret tane. Ne vend qe ti gezoheni lirise se fituar pas 100 vjetesh, ne vend qe te mbeshtetni institucionet shteterore te Kosoves, ne vend qe te punoni, mesoni e investoni ne Kosove per nje jete me te mire, ju ende vazhdoni te flisni per dhune e per lufte. Nje plumb i shkrepur, nje shtepi e djegur, nuk jane drejtuar karshi serbeve, jane drejtuar karshi institucioneve demokratike ne Kosove.

Kosova ka 5 vjet qe eshte e lire dhe ne te nuk gjen me asnje kembe ushtari serb. Forcat paqeruajtese nuk jane ne Kosove qe tu mohojne shqiptareve aspiratat e tyre, jane ne Kosove qe te vendosin rendin e qetesine, te mos lejojne kthimin e ushtareve serbe dhe te mbeshtesin ngritjen e institucioneve te Kosoves. E ardhmja e Kosoves nuk varet me as nga peticionet, as nga referendumet, as nga nderkombetaret, as nga UNMIK, varet drejt per se drejti nga suksesi qe do te kene shqiptaret per te ndertuar nje shtet demokratik te se drejtes qe garanton sigurine e jetes se gjithe shtetasve te vet. Kush mbeshtet institucionet e Kosoves, ai mbeshtet demokracine shqiptare, ai mbeshtet interesat tona kombetare, ai e thote fjalene tij me voten e tij te lire. Kush nuk mbeshtet institucionet e Kosoves por grupe te caktuara, nuk i bindet vullnetit te sovranit popull, por zgjedh te vrasi, djegi e shkaterroje per te arritur qellimet e tij. Keta jane pengesa me e madhe e pavaresise se Kosoves.

Ose do te zgjidhni voten, ose do te zgjidhni plumbat.
Ose do te zgjidhni lirine, ose do te zgjidhni luften.
Ose do te zgjidhni integrimin, ose do te zgjidhni izolimin.
Ose do te zgjidhni paqen, ose do te zgjidhni dhunen.

Nuk ka rruge te mesme.

[luchi]

HELENE ti je shqiptare a po qfar,apo me te vertet je helene.s i thua shqiptaret jan te dhunshem,shqiptaret kosovar kan rezistuar per dhjet vite.Kan qen te okupuar nga shkjau.kurse ne askend nuk e kemi okupuar kurr. .Nuk e kemi nje natyr te till

[~Geri~]

DJEG-JA E KISHAVE ORTODOKSE SERBE NË KOSOVË NUK KANË
PATUR PËR QËLLIM SPASTRIMIN ETNIK SERB NGA KOSOVA..!

Është shumë vështirë të nxjerrën vlerësime të menjëherëshme rreth motiveve të cilat do t’i kenë nxitur protestuesit shqiptarë që, pranë revoltës dhe mëllefit për mbytjen në Ibër të tre fëmijëve shqiptarë të ndjekur nga çetnikët serbë, këtë ta manifestojnë edhe me djegjen e “objekteve fetare” të serbëve duke ua futur zjarrin 15 kishave në pjesë të ndryshme të Kosovës. Kjo, sepse dukuria e kalljes dhe e përdhunimit të objekteve fetare nuk ka qenë kurrë veti e shqiptarëve, bile as gjatë kohës së Luftës së Parë dhe Dytë Botërore, kur bandat serbo-malazeze të Drazha Mihajlloviçit bënin kërdi ndaj objekteve fetare të shqiptarëve, siç bën edhe gjatë luftës së fundit në Kosovë duke rrënuar në mënyrë barbare 240 xhami. Pra, shqiptarët nuk janë hakmarrë kurrë ndaj armikut me djegjen e objektve të tij fetare, akte të cilat shqiptarët kanë mundur t’i bëjnë në çdo kohë ndaj objekteve fetare të serbëve që jetojnë në Kosovë. Këtë dukuri të shëmtuar shqiptarët nuk e kanë ushtruar kurrë ndaj asnjë besimi tjetër fetar, sepse në vetëdijen kolektive të shqiptarëve objektet fetare kanë simbolizuar, para së gjithash, praninë e shënjtërisë së Zotit në tokë, përkatësisht respektin e njeriut ndaj Krijuesit të vetë, pa marrë parasysh se për cilin besim është fjala. Kështu që prekja ose shkatërrimi i objekteve fetare për shqiptarët ka qenë dukuri e pa pranuar, kur dihet historikisht se shqiptarët ushqejnë ndjenja të repektit të madh ndaj besimeve fetare siç është Jevreizmi, Krishterimi dhe Isalmi. Pra, është i njohur qëndrimi shumë tolerant dhe i kulturuar i shqiptarëve ndaj religjionit kristian, qoftë ndaj krahut ortodoks, qoftë ndaj atij katolik, ngase respekti i shqiptarëve ndaj feve ka buruar gjithmonë nga përkushtimi dhe devotshmëria e tyre shpirtërore që i kanë kushtuar gjatë shekujve Besimit në një Zot. Kjo ka ndodhur edhe për shkakun, ngase siç dihet shqiptarët janë popull që dijnë t’i çmojnë lartë vlerat fetare dhe kulturore të njerëzimit, dhe këtë e kanë shfaqur në mënyrë permanente gjatë gjithë periudhave të historisë njerëzore, duke kultivuar tolerancë dhe mirëkuptim shembullor ndërfetar midis popujve të Ballkanit dhe më gjërë, fakt ky i cili në historinë e tyre njihet si faqja më e ndritëshme e kulturës dhe civilizimit shqiptar, i vlerësuar lartë edhe nga ana e popujve të shumtë të Europës si dhe më gjërë.
Andaj, nisur nga këto vlera si dhe shumë shkaqe tjera që i kanë bërë shqiptarët të veçohën me tolerancën e tyre fetare ndaj besimeve shpirtërore të fqinjëve të tyre, përfshirë këtu edhe respektin e treguar ndaj manastireve serbe në Kosovë (lexo: në realitet objekte fetare të shqiptarëve, por të uzurpuara në mesjetë nga pushtuesit serbë) të cilat për shqiptarët në fakt paraqisnin objekte fetare të armiqëve të tyre shekullor, ndaj të cilave, pranë këtij realiteti të hidhur, kanë treguar gjithmonë durim dhe kulturë të lartë ndaj këtyre objekteve fetare serbe, bile rasti i patrikanës së Pejës e cila deri vonë është ruajtuar nga familja Nikçi nga treva e Rugovës (sipas statutit kishtar ruajtësit shqiptarë të kishave serbe quheshin “Vojvodë”) është shëmbulli më tipik i tolerancës së shqiptarëve ndaj objekteve fetare ortodokse serbe në Kosovë. Pastaj, edhe manastiri i Deçanit i cili deri vonë e ka qenë nën përkujdesjen e shqiptarëve, dhe kështu me rradhë. Serbët dhe i gjithë kreu kishtarë i tyre, posaçërisht patriarku Pavle (i lindur në Kosovë) këto mirësjellje dhe kujdesin e shqiptarëve ndaj kishës serbe në Kosovë i dinë shumë mirë, por për të cilat vlera shqiptare nuk janë deklaruar kurrë në opinion, meqë dihet se politika shoviniste serbe ka qenë para së gjithash e interesuar që shqiptarët t’i paraqes me imazh sa më të zi para popujve të Europës, gjithnjë në funksion të rrënimit dhe denigrimit të vlerave të kulturës shqiptare para botës së civilizuar. Meqë kjo është një temë në vete për të cilën kanë shkruar shumë analistë shqiptarë si dhe të huaj, këtu nuk do të zgjerohemi më shumë rreth kësaj çështjeje, sepse ajo që dëshirojmë të cekim me këtë rast është pyetja; a kishin kalljet e objekteve ortodokse serbe në Kosovë nga ana e protestuesëve shqiptarë në ngjarjet e fundit me 17 dhe 18 mars 2004 prapavijë të mundshme me motive të urrejtjes fetare ndaj minoritetit serb në Kosovë, apo shkaqet ishin thjesht të natyrës politike?
Të bindur në faktet e lartëpërmendura si dhe duke u bazuar në shumë fakte dëshmi tjera të cilat këtu nuk mundëm t’i përmendim, themi se akti që ka ndodhur me kalljen e kishave ortodokse të serbëve në Kosovë, në esencë nuk kishte asgjë të përbashkët me urrejtjet ndaj kulteve fetare serbe, mbase sipas të gjitha gjasave ajo që do t’i ketë revoltuar protestuesit shqiptarë që të sillen në mënyrë kaq të ashpër ndaj kishave serbe, duhet kërkuar në faktin se këto kisha nën frymëzimin dhe direktivat e klerikëve të tyre, jo vetëm në periudhën e pas luftës në Kosovë, por qëkur u riokupua Kosova me tankse nga ushtria kriminele e Millosheviçit në mars të vitit 1989 dhe deri më sot, ishin shndërruar në çerdhe dhe shtabe politike dhe ushtarake nga projektoheshin e më vonë zbatoheshin të gjitha skenarët antishqiptare për spastrimin etnik të Kosovës nga shqiptarët. Pra, roli i këtyre kishave në nxitjen dhe frymëzimin e shovinizmit serb ndaj shqiptarëve ka qenë dominant, në mos edhe përcaktuesi kryesor i zbatimit të elaborateve serbe për sllavizimin e Kosovës siç ishte ai i Ivo Andriçit, i V. Çubrilloviçit dhe më vonë me 1996 Programi i ASSHA-së për kthimin e serbëve në Kosovë, përkatësisht rikolonizimin e saj me dhunë. Andaj, e gjithë kjo djallëzi antishqiptare serbe e inspiruar mu nga kreu kishtar ortodoks më në krye patriakrun Pavle, nuk kishte lënë më asnjë dyshim, se kësaj rradhe do të kulmojë me hidhërimin dhe humbjen e durimit tek protestuesit shqiptarë të cilët me 17 dhe 18 mars 2004 do ia mësyjnë zhbllokimit të rrugës kryesore që lidhë Kosovën me Shqipërinë dhe Maqedoninë, e të cilën po e mbanin të bllokuar serbët e Graçanicës, të prirë nga shtabi i tyre i vendosur në kishën e cila gjendet në këtë enklavë serbe, kuptohet me skenare të përgatitura paraprakisht, sepse ishin të sigurtë se për këtë akt provokues shqiptarët do të reagonin menjëherë, ashtu edhe siç ndodhi gjatë atyre dy ditëve. Kjo edhe për shkakun, sepse tanimë për shqiptarët ishte bërë krejtësisht e qartë se nga u kishin ardhur të gjitha të këqijat, pra nga shtabet e çetnikëve dhe kriminelëve serbë të vendosura mu në kishën e Graçanicës si dhe disa kisha tjera në Kosovë, veprimtarinë destruktive të të cilave rinia shqiptare nuk ishte aq naive sa të mos e përcjellë me shumë kujdes. Mbase, kësaj rradhe kupa e stërmbushur e shqiptarëve nga masakrat dhe urrejtjet serbe ndaj tyre do të derdhej me zbrazjen e mëllefit të tyre, pikërisht duke ua futur zjarrin këtyre objekteve më së paku fetare. Pra, aspak me qëllim të spastrimit etnik të serbëve nga Kosova, siç përpiqen t’i paraqesin në opinion këto akte të protestuesëve shqiptarë disa qarqe dhe individë me disponim antishqiptar, sepse jemi të sigurtë se duke ua vënë zjarrin këtyre kishave kanë manifestuar, natyrisht duke shkelur traditat dhe kulturën shqiptare, kundërshtinë e tyre të hapur për rolin shovinist që kanë luajtur kishat ortodokse serbe për shaktërrimin e çdo gjëjë shqiptare para, gjatë dhe pas luftës së fundit në Kosovë me 1998/99.
Pastaj, derisa djegja e objekteve fetare serbe në Kosovë ndodhë në një shtet i cili ka një qeveri gati pa asnjë kompetencë të veprimit të mirëfillët politikë, ushtarakë dhe policorë, në anën tjetër djegja e xhamive në Beograd dhe Nish, sulmi ndaj përfaqësieve të huaja diplomatike, etj, do të ndodhë mu në prezencën e kryeminstrit dhe kryepatriarkut serb, gjë që na shtynë të themi, se nëse trazirat në Kosovë kishin shkaqet e veta, atëherë protestat në Beograd nuk ishin tjetër veçëse luftë e hapur ndaj Kosovës me tendenca të qarta për ripushtimin e saj nga forcat policore dhe ushtarake serbe.
Asnjë njeri me mendje të shëndosh në kokë, por edhe asnjë shqiptar kudo që gjendet nuk pajtohet me mënyrën se si protestuesit shqiptarë i kanë shfaqur mëllefet dhe pakënaqësit e tyre për gjendjen aktuale politike në Kosovë, më së paku me djegjen e kishave ortodokse të serbëve, mirëpo një gjë është e sigurtë; se kur dhuna politike e Beogradit zyrtar e ushtruar ndaj Kosovës në mënyrë sistematike edhe gjatë këtyre 5 viteve të fundit nga qarqe kriminale dhe ultrashoviniste, e ndihmuar drejtpërsedrejti nga kisha serbe në Kosovë, e me qëllime shumë të tejdukshme politike që me çdo kusht ta pengojnë pavarësinë e Kosovës, për logjikën kolektive të një populli posa të çliruar nga i njëjti armik nuk mund të jenë shprehje e “erupcionit të pakontrolluar”, siç ka deklaruar z. Demaçi në një intervistë, por përkundrazi këto protesta kanë shënuar fundin e një durimi, tolerance dhe përmbajtjeje shekullore që kanë treguar shqiptarët ndaj rolit shumë destruktiv dhe antishqiptar të kishës serbe në vazhdimësi ndaj çdo gjëjë shqiptare në Ballkan.
Andaj, se a do ta justifikojë apo dënojë ndokush këtë mënyrë të shfaqjes së mëllefit dhe të revoltës së rinisë shqiptare ndaj objekteve fetare dhe private të sebëve në Kosovë, për rrethanat që po kalon aktualisht Kosova dhe populli shqiptar, nuk është edhe aq më rëndësi. Sepse ajo që do duhej të nxjerrin si mësim nga pësimet politikanët tanë bashkë me faktorin ndërkombëtar në Kosovë, është fakti se politika dhe propaganda serbe antishqiptare ndaj Kosovës dhe procesit të pavarësisë së saj veç ka hyrë në një fazë intensive, për rreziqet e së cilës, pas ngjarjeve të fundit tragjike në Kosovë, nuk do duhej të ketë më asnjë dilemë, sidomos kjo vlenë për ata të cilët janë të obliguar që qytetarëve të Kosovës t’iu garantojnë siguri, paqë dhe mbrojtje të kufijëve të saj nga agresioni i mundshëm serb. Kosova pas vrasjes së 32 shqiptarëve dhe mbytjes së tri filizve të njoma në lumin Ibër, nuk do të jetë më kurrë ajo që ishte para kësaj dite dhe kësaj date, ndaj shpresojmë se këtë do ta kenë kuptuar para gjithë të tjerëve ata të cilët e kanë mandatin e popullit që të luftojnë deri në fund për pavarësinë e Kosovës.

[Qafir Arnaut]

Faktqesisht, koke-orthodokset ketu i japin atij reagimi ngjyrim fetar. Kisha Ortodokse eshte simbol i Serbise. Shqiptaret kane 80 vjet qe rrojne nen kercenimin e asgjesimit si komb nga qeverite Serbe: lajmi i vrasjes te femijeve dhe djegja e kishave serbe ishte nje kunderpergjigje ndaj nje institucioni politik, qe perfaqson jo interesat e deleve te Perendise por te popullit qe meriton dajak per t'i ardhur mend te vend. Te isha une atje, duke qene vete i inklinuar drejt Krishterimit, nuk do e kisha problem ti vija flaken atyre objekteve te kultit te mpirjes te mendjes. [i njejti mesazh mendoj se duhet te leshohet ne Greqi ne adrese te Kishes te Greqise dhe disa redaksive gazetareske atje]

[julih]

sa te flakte qe beheni...
dhuna nuk mbaron me dhune. eshte e ditur qe ne ngjarjet e fundit ka gisht mafia kosovare. e dine edhe femite. (droge, prostitucion, arme, klandestine...... e me shume sherr ka ne kosove, me shume shkerdhatat mafios bejne leke, siper lekures e emrit te gjithe popullit kosovar/shqiptar)
faleminderit por monedha ka 2 faqe (por kur eshte shqiptare edhe me shume)