Hobi dhe Biznes

[ganoid]

Biznes+

"Biznesi" - 05/10/2004

Land Rover Freelander




Pas pesë vjetësh nga prezantimi i fundit, Land Rover-i ka hedhur në treg Freelander-in e ri, duke ndryshuar rreth 700 përbërës. Jo vetëm një rimodelim, por një ndryshim radikal i 4x4 që është kthyer në SUV më të shitur, sidomos në Angli dhe Itali. Për të kënaqur klientët më të apasionuar, Shtëpia britanike ka hedhur edhe versionin Sport, më stil dinamik për të rinjtë, që mund të kalojë nëpër pengesa prej 18’’ dhe ka amortizatorë më të ulët për të pakësuar zhurmat dhe tronditjet. Që prej 5 vjetësh në treg (firma ka filluar që në vitin 1948 të ndërtojë vetëm fuoristrada) Land Rover-i mbetet në vendin e parë, kur vjen fjala për të klasifikuar fuoristradat, mes 4x4 kompakteve, me “Freelander Model Year 2004”. Drejtimi i tij integral i qëndrueshme dhe sistemet elektronike të teknologjisë së lartë për kontrollin e makinës si HDC (sisitemi automatik i ngadalësimit në pjerrësi) dhe ETC (kontrolli elektronik i derjtimit të rrotave)- lejojnë përballimin e çdo lloj terreni duke i ofruar shoferit një kotroll të plotë të automjetit; sidomos në terrene ku është i vështirë kontrolli i marsheve dhe shpejtësisë.


Prova
E provuam modelin në një rrugë fshati, me gropa shpesh të mbushura me ujë, të cilat nuk dalloheshin. Por Freelander-i kalonte nëpër to me shumë butësi, falë mbulesës me diamentër 25mm- që mbrontë nga goditet- një nga risitë e modelit 2004.
Ndërkohë që për pasagjerët e sediljeve të prapme rruga nuk kaloi aq në paqe, pasi në pjesën e mbrapme të makinës, goditjet u ndjenë më shumë dhe mungesa e dorezave mbajtëse bëri që ata të lëkundëshin jo këndshëm.
Edhe pse nuk ruan një AND të pastër prej fuoristrade, sjellja e mjetit është e sigurtë edhe aty ku rruga nuk është e sheshtë. Duke provuar aftësitë e saj në rrugë të pjerrët, aktivizuam HDC dhe duke hequr këmbët nga pedalet, rezultoi se Freelander-i i ri ia doli pa vështirësi, duke kalibruar shpejtësinë e makinës në raport me këndin e pjerrësisë dhe peshës së tij.
Në rrugë të asfaltuara modeli anglez i kategorisë “Sport Utility” duket sikur rrëshket.
Më mirë se një premium berlina, e ushqyer nga motori V6 benzinë, 2.5 litra, katërfletësh me 24 valvula, i cili mund të arrijë shpejtësinë 180 km/h.
Një përpirës i rrugës që të ofron të gjitha kënaqësitë që mund të kërkosh nga një makinë: në lidhje me parakalimet dhe kthesat me shpejtësi të kufizuar. E gatshme dhe e saktë edhe në frenim, kur një shofer i pakujdeshëm del nga korsia, pa parë në pasqyrë dhe të del mu përprara turirit të Freelander-it tënd.
Motorët alternative janë klasiku 2.0 Td4, 4 cilindra turbodiesel dhe i riu 1.8 benzinë dyfletësh me 16 valvula, prej alumini; ndryshimet i marsheve janë manuale dhe automatike, me zgjedhje në bazë të llojit të motorit.
Versionet normale janë: me 3 dyer (me mbulesë të mbyllur ose jo) dhe me 5 dyer. I pari është jo shumë komod për pasagjerët, jo vetëm për një lloj vështrirësie për të hipur dhe zbritur nga vendet e prapme.
Karaktëristikat e Freelanderi-t janë të brendshmet e stilizuara ndryshe dhe modelet e koncepturara shumë më këndshëm, sipas dëshirës: që nga ai familjar deri të luksozët.

[ganoid]

Avioni i së ardhmes, fërkimi me ajrin thuajse zero


Biznesi.com.al

I riu 28-vjeçar turk Hasan H. Jeni ka arritur të përgatisë projektin e një avioni që mund të qëndrojë në hapësirë pa u furnizuar me lëndë djegëse. Gazeta turke “Zaman” bën të ditur një lajm interesant, sipas të cilit, një i ri turk, i dashuruar qysh në fëmijëri me aviacionin, ka arritur të tërheqë vëmendjen e forcave të armatosura turke përmes përgatitjes së projektit të një avioni që është në gjendje të fluturojë pa përdorur lëndë djegëse.
28-vjeçari Hasan Hysejn Jeni ka mundur të shpikë një teknologji të re që i krijon mundësinë motorit të avionit të përdorë si lëndë djegëse gazrat ekzistuese në atmosferë. Përveç kësaj, konstrukti i avionit parashikohet të jetë i tillë që të sigurojë uljen e fërkimit me ajrin thuajse në zero.
I pakapshëm për radarët
Një tjetër karakteristikë e modelit të avionit të përgatitur nga 28-vjeçari i apasionuar është edhe pakapshmëria e tij nga radarët. Duke qenë se avioni është në gjendje të fluturojë pa nxjerrë zjarr nga motori, ai nuk mund të ndiqet as nga radarët, as nga raketat goditëse që tërhiqen nga nxehtësia e trupit të avionëve të zakonshëm. Zbritja e fërkimit në zero dhe çlirimi i avionit nga ngarkesa e lëndës djegëse, e cila në avionët e zakonshëm arrin deri në 6,5 tonë, e bën këtë avion më të manovrueshëm. Sipas llogaritjeve, aftësia manovruese e këtij avioni është afro 40% më e lartë se ajo e avionëve të deritanishëm, ndërsa shpejtësia e tij llogaritet të jetë 20% më e lartë.
Në rast të realizimit të këtij avioni, është normale që edhe avionë si F117, B2, TR1 apo U2 të mbeten primitivë. Avioni në fjalë përbëhet nga 70% aluminium, 15% çelik, 5% titan, si dhe disa pjesë të tjera që nuk bëhen të ditura.
Projekti
Pas njoftimeve që u dërgoi forcave ajrore turke, Hasan H. Jeni u ftua në Komandën e Logjistikës Ajrore në Ankara dhe sqaroi projektin tij në prani të një ekipi të kryesuar nga gjenerallejtënant Erdoan Karakush dhe nga inxhinieri ushtarak Ouz Sejran. Ekipi i përbërë nga ushtarakë të lartë u njoh me projektin në një “brifing” që zgjati shtatë orë. Më pas komisioni deklaroi se projekti është i logjikshëm dhe i realizueshëm, por për shkak të vështirësive ekonomike që Turqia po përjeton kohët e fundit, vënia e tij në jetë mund të nisë pas një periudhe prej 15-20 vjetësh.

[ganoid]

ltion Hoxha - 15/11/2004

Miliarderët më me influencë në botë

Sipas “Financial Time”, në të gjithë botën janë afërsisht 600 miliarderë. Disa mezi shquhen prapa jahteve luksoze, ndërsa disa të tjerë po ndryshojnë gjithçka, që nga mënyra sesi ne votojmë, deri te mënyra e të jetuarit. Ja 15 të cilët udhëheqin botën


Gazeta prestigjoze “Financial Times”(FT), ndryshe nga shumë gazeta dhe revista të tjera ekonomike, nuk ka hartuar një listë të milairderëve, por një listë të miliarderëve më me influencë. Miliarderë, të cilët kanë ndryshuar historinë botërore, ata që kanë bërë ndryshime sociale, ekonomike, kulturore etj. Ata që për të arritur qëllimet e tyre kanë përdorur pasurinë e fituar vetë, ose të trashëguar nga familjet. Ndër ta, 25 veçohen si miliarderët me më influencë në botë. Lista e hartuar nga korrespondentët e FT në mbarë globin nuk është ndërtuar mbi parimin e sasisë, por të cilësisë së gjykimit. Sensibilizimi në luftën kundër sëmundjeve vdekjeprurëse është renditur më lart sesa krijimi i një partie politike, pavarësisht impaktit që kjo parti ose lëvizje ka sjellë. A është më i rëndësishmëm përparimi në bioteknologji, sesa vendosja e paqes në Lindjen e Mesme? Cila perandori ka ndryshuar botën, CNN i Ted Turner, apo Rupert Murdock me FoxNews në SHBA dhe SKY në Europë? A do të kosiderohet Michewl Dell si Henry Fordi i kompjuterave personalë?
Gjykuesit e listës u ndanë në dy grupe, se cilët janë prej dy gjigantëve, Gordon Moore i “Intel”, apo Bill Gates i “ Microsoft” ai që i kshte ofruar botës revolucion e vërtetë. Njëri prej gjykuesve u shpreh :”Pa Intel revolucioni i kompjuterave personalë nuk do të kishte ndodhur, çfarë bëri Microsoft”? Gates sigurisht ndodhet më lart në renditje, kjo jo për hir të perandorisë, sesa për hir të filantropisë së tij. Me fondet e dhëna ai ka ndihmuar shumë në kërkimet mbi sëmundjen e SIDA-s dhe Hepatit B. Megjithëse kjo listë lë shteg për debat, gjithësesi këta 25 perandorë kanë ndikuar pozitivisht, ose negativisht te miliona njerëz në mbarë globin.


Kush janë ?
1. Bill Gates
Si ia arriti: Themeloi në 1975, së bashku me ortakun e tij Paul Allen komapninë Microsft, e cila pas 29 vjetësh do ta bënte më të pasurin në botë me një pasuri të deklaruar prej 46.6 miliardë dollarësh. Sot në çdo zyrë dhe shtëpi ka të paktën një kompjuter.
Si e shpenzon pasurinë: Fondacioni Bill dhe Melinda Gates, i cili kontrollon 27 miliadë, dollarë është i përqëndruar në kërkimet mbi përmirësimin e jetës dhe shëndetit të njerëzve më të varfër në botë. SIDA, Hepatiti B dhe malaria janë ndër prioritetet.
Citat:” A është pjesa e pasur e botës e ndërgjegjshme si si jetojnë 4 nga 6 miliardë njerëzit e globit? Nëse do të ishim, atëherë në do të donim t’i ndihmonim, të angazhoheshim”.
Çfarë thonë të tjerët për të: “Bill kërkon që bota ta shohë atë si Edisonin- shpikësi i madh. Por ai është Rockefeller, jo Edison”- Larry Ellison, shef ekzekutiv i Oracle.
2. Rupert Murdoch
Si ia arriti: Lindur nga në familje botuesish gazetash në Australi, ai trashëgoi nga i jati “Adelaide News”, Sir Keith Murdoch. Në vitet ‘60 iku nga Australia, duke bërë revolucion në industrinë e gazetave. Bleu “The Sun” dhe “The News of The World”. “The New York Post” iu “nënshtrua” në 1970, duke vijuar me 20 The Century Fox dhe kanalin televiziv Fox TV etj. Pasuria e tij vlerësohet 6.9 miliardë dollarë.
Si e shpenzon pasurinë: 73- vjeçari i amerikanizuar është personi më me influencë dhe më i pushtetshëm i medias. Ai zotëron 175 gazeta në mbarë botën; televizione kabllorë dhe dixhitalë. Zotëron 35 kanale televizivë në SHBA, ose 40 për qind të tregut. Në çdo kontinent ai zotëron kanalin përkatës më të fuqishëm. Ai ishte lider për luftën në Irak si dhe kundërshtari më i fortë për adoptimin e euros nga Britania.
Citimi:” Monopolet janë gjëra të tmerrshme... derisa të kesh një të tillë”.
Çfarë thonë të tjerët:”Fyreri i fundit, gjëja e parë që bëri si të gjithë diktatorët sihte pushtimi i medias dhe përdorja e saj për axhendën personale. Në parim, kjo është çfarë Rupert Murdock bën me median e tij”- Ted Turner( themelues i CNN).
3.George Soros
Si ia arriti: Gjiganti i manaxhimit të fondeve gëzon një pasuri prej 7. 2 miliardë dollarësh. Soros Managment Fund është themeluar në 1973. Ai bëri 1 miliard dollarë, vetëm me një bast kundër Bankës së Anglisë mbi normën e këmbimit të paundit në shtator të 1992. Aktivitetet tashmë i drejtojnë djemtë Robert dhe Jonathan.
Çfarë bën me pasurinë: 74-vjeçari Soros ka themeluar Institutin për Shqoqëri të Hapur në 1993, për të përkrahur fondacionet e tij në Europën Qendrore dhe Lindore si dhe në ish-Bashkimin Sovjetik. Ai ofron bursa studimi për studentë dhe pasuniversitarë. Vetëm gjatë muajit të kaluar ai shpenzoi 18.5 milionë dollarë në fushatën presidenciale në SHBA, ku doli kundër presidentit Bush.
Citimi:”Unë vendosa që gjëja më e rëndësishme që mund të bëja për shoqërite e hapura globale ishte të nxirrja Bushin nga Shtëpia e Bardhë’
4. Silvio Berluskoni
Si ia arriti: Ndërtimi ishte aktiviteti ku mori fitimet e para, në 1975 perandoria e tij Fininvest kontrollonte 100 biznese. Familja e tij zotëron më shumë se gjsmën e Mediaset-it. Ka aksionë në shumë banka dhe shtypin e shkruar. 68 vjeç, ai është më i pasuri në Europë dhe pasuri e tij i kalon 10 miliardë dollarët.
Si i shpenzon: Në 1994 e shndërron himnin e tifozëve të kombëtarës “Forza Italia” në një lëvizjë politike, ku bëhet edhe kryeministër, njëkohësisht klubi i blerë nga ai AcMilan korrte sukses në të gjitha kompeticionet. Zgjedhjeve të ardhshme i duhet të përballet me Romano Prodin e ktheyr tashmë nga Brukseli
Citimi: “Vetëm unë e bëj të vij rrotull këtë vend”
Vlerësime:” I papërshtatshëm të drejtojë Italinë”- “The Economist”

5. Gordon Moore
Bashkëthemelues i Intel në 1968. Ai e udhëhoqi atë nga krijimi deri tek madhështia. Ka një pasuri prej 3.8 miliardë dollarësh. Revulucion në industrinë e kompjuterave personalë.
Si i shpenzon: Në 2000 gjysmën e aksioneve të tij të Intel i përdori për të krijuar fondacionin Gordon E. And Betty I. Foundation, që njihet si bamirësi më i imadh në SHBA. Në 2001 ka dhënë një grant prej 600 milionë dollarësh Institutit Kalifornian të Teknologjisë.
Citim:” Kam më tëpër para sesa më duhen... “


6. Steve Jobs,
Pasuria 2.6 miliardë dollarë, themeluas e kompanisë së komjuterave Apple, 49 vjeç.
Citimi:’ 23 vjeç vleja më shumë se 1 milionë dollarë, 24 vjeç vleja më tepër se 10 milionë dhe 25 më tepër se 100, dhe kjo nuk ishte shumë e rëndësishme se asnjëherë nuk e kam bërë për para’.

7. Nicholas Frank Oppenheimer
59 vjeç, brezi tretë i dinastisë De Beers, të cilët kontrollojnë tregtinë globale të diamanteve (45 % të tregut), familja më e pasur e Afrikës zotëron 4.4 miliardë dollarë.

8. Michael Bloomberg
62 vjeç me një pasuri prej 5 miliardë dollarësh, bleu nga aksionet e “Bloomberg”. Është kryebashkiaku i Njo Jorkut, duke sfiduar republikanët, në fushatë ka shpenzuar 70 milionë dollarë, ose 70 dollarë për 1 votë. Ai u bë i famshëm për ndalimin e duhanit në të gjitha barët e qytetit, ka dhënë 100 milionë dollarë donacion Universitetit John Hopkins.

9. Ted Turner
Themelues i CNN, pasuri prej 1.9 miliardë dollarësh, televizioni i tij u b i famshëm në Luftën e Gjirit, për t’u bërë lider në informacionin global.
10. Jeff Bezos
Një dotcom i famshëm, Amazon, me një pasuri prej 4.3 miliardë dollarë, ka një nga motorët më të famshëm të internetit.
11. Azim Premji
Numri një i Wipro, kompani më e madhe teknologjike në Indi, ka trashëguar nga i jati 84 % të saj. Quhet “Bill Gates indian”, është lider tregu në industrinë high-tech. Pasuria e tij totale 6.7 miliardë $.

12. Oprah Winfrey
50 vjeç, e ardhur nga shtresat e ulëta është bërë e pasur dhe VIP nga një Show televiziv; ndiqet në 100 vende të botës dhe ka 300 milionë shikues në javë. Ajo vlen 1.3 miliardë dollarë.

13. Richard Mellon
72 vjeç, pasuria 1.2 miliardë dollarë.
14. Ingvar Kamprad,
78 vjeç, suedez, themelues i Ikea ( arredim) ka 186 dyqane në 31 shtete. Ai jeton në Zvicër, për shkak të ekzilit të taksave dhe sipas revistës Forbes ka një pasuri prej 18.5 miliardë dollarë, por sipas një gazetari suedez është më i pasur se Bill Gates.
15. Michael Dell,
Dell Computer, pasuri prej 14.2 miliardë dollarë. Për shkak të tij sot çdo shtëpi dhe zyrë ka të paktën një kompjuter.

[ganoid]

"Biznesi" - 19/11/2004

Teknologjia Sharp kalon kufijtë e kujtesës

Tani për tani mund t’i gjesh vetëm në Japoni, por minikompjuteri Pda i Sharp i kalon kufijtë e kujtesës, duke e rritur deri në 4 GB, përdor Linux dhe 16 Flash Rom


Analistët e sektorit po hedhin baste mbi “lamtumirën” e ardhshme të kompanisë ndaj tregut amerikan, pavarësisht mohimeve të Sharp- qëllimi i së cilës është t’i dhurojë botës teknologjitë më të evoluara.
E prodhuar fillimish në vitin 2002, versioni i parë i Pda Pocket Pc i familjes Zaurus, me ekran Vga, pothuaj një vit më se të gjithë prodhuesit besnikë të Mikrosoft-it, shtëpia japoneze sot qëllim të saj ka një model me hard drive-n e integruan në kapacitete që nuk i ka arritur asnjë nga firmat si Windows dhe Palm.
Modeli i ri SL-C3000, për momentin mund të gjendet vetëm në Japoni, disponon një disk të brendshëm që mund të mbajë deri në 4 Gbyte të dhënash dhe ndër të tjera ofron një seri 64 Mbyte të kujtesës Ram dhe 16 Flash Rom. Minitastiera dhe ekrani me ngjyra prej 3,7 polsh Vga (640 me 480 pixel) i rrotullueshëm (mund të mbyllet mbi tastierën) është i aftë të durojë vizualizimin e pamjeve dhe videove, në modalitet portret dhe peizazh, që të kujton cilësitë e modeleve më të vjetra.
Zemra vepruese të Zaurus-it të ri është Linux, ndërsa Cpu dhe Intel XScale PXA270 me 416 MHz; ajo që kompleton fuksionalitetin e dispozitivit është një lloj software-“ personal information management” (shumë më e kufizuar se Pocket Pc- kompjutera xhepi- të serive të ndryshme); gjithashtu zotëron edhe vend për kartë Usb dhe SD, bashkë me CompactFlash Type II për t’iu përgjigjur nevojave të ndryshme të konektivitetit “wireless” drejtuar nga jashtë.


SHBA-ja nuk intereson më?
Casio, Toshiba dhe tani Sharp: ideja e kompanive të minikompjutrave më të avancuar në botë është të largohen nga “toka e të lirëve dhe guximtarëve” dhe pavarësisht se dëshira e tyrë është shprehur në mënyrë shumë të rezervuar. Gjithsesi gjithë këto pikëpyetje të kompanive japoneze kanë çuar ekspertët në një përfundim: Mos është Europa tregu i ri që po synohet në lidhje me aparatet e lëvizshme të brezit të ri? Çelësi i lëvizjeve të ardhshme të Sharp në terrenin amerikan është seria SL-6000L, Zanusi në formatin teblet me ekran Vga 4 polsh i hedhur në treg në pranverë dhe mbështetjen e Wi-Fi; burimet thonë se strategjia e prodhuesit është që të ulen në zero humbjet nga uljet duke reklamuar në site amerikane, në Amazon Pda në fjalë mund të blihet me 450/500 dollarë dhe pastaj të largohen në mënyrë elegante duke tregtuar modelet e reja veçanërisht në Azi.
Pas serisë SL-6000L, nuk ka më Pda nga Sharp për amerikanët? Jo tamam, pasi kompanitë e vogla si “Dynamism” kanë menduar t’i importojnë modelet e reja direkt nga Japonia, duke i kthyer në anglisht dhe duke i shperndarë në gjithë territorin.

[ganoid]

Eltion Hoxha - 12/01/2005

Futbolli i huaj prish biznesin shqiptar

Globalizim sot do të thotë që tifozllëk për Arsenalin të mos bëjnë vetëm ca londinezë të High Bury Park, por edhe ca qindra shqiptarë, madje, tashmë edhe shumë amerikanë që deri para 5 viteve nuk e dinin se çfarë donte të thoshte soccer


Më kujtohet një rast interesant në vitin 2000, ku në Kuala Lumpur të Malajzisë erdhi ekipi i Manchester United, si dhe idhulli i aziatikëve David Beckam. Në kuadrin e ndeshjeve miqësore nëpër Azinë Juglindore ekipi anglez organizoi një ndeshje me kombëtaren malajziane. I gjithë stadiumi, që përbëhej nga vendës, sigurisht bënte tifozllëk për anglezët e Man. United. Mesa mbaj mend, ndeshja përfundoi me një rezultat të thellë për anglezët, ndërsa tifozët ishin në ekstazë, për çdo gol.


Rasti shqiptar
Nuk është aspak e çuditshme që një turmë fansash të brohorasin sot rrugëve me të madhe për Milanin, Juven apo Barcelonën, si dikur për Partizanin e Ylli Shehut, Perlat Mustës e Ledio Panos të viteve 80 ose Tironës së Mingës e Muçës.
Atmosfera është tepër elektrizuese netëve kur transmetohen ndeshje të Ligës së Kampioneve, ku rrugët e qyteteve janë të zbrazura dhe ovacione tifozësh psikopatë derdhen të përziera me avuj alkooli.
“Mos i fol atij, se është me Realin!”, “Ik, ore romanist i dështuar! T’i puthni këmbët Ibrahimoviçit, se do ta kishit pësuar ju juventinët!” Këto janë refrenet e fillimjavës në zyra, klasa, lokale, pas një të shtune e të diele të zjarrtë futbollistike, e cila megjithëse është cunguar nga teknologjitë komerciale, përsëri mbetet ngushëllimi i shqiptarëve.


Klubet e fansave në Shqipëri
Edhe pse në Shqipëri akoma nuk janë krijuar klubet e fansave, i sheh grupe-grupe në mënyrë sporadike, duke shoqëruar me një pije në lokale ekipet e tyre të zemrës. Lokal “Milan”, “Inter”, Barcelona” apo “Real”, vitet e fundit kanë mbërritur edhe në kryeqytet. Ndoshta më shumë me fiksimin e pronarit tifoz sesa me atë të krijimit të një klubi të mirëfilltë fansash. Gjithësesi, ato janë të pranishme dhe në to diskutimet e zjarrta ndalen diku në Liverpul apo Romë, Torino apo Madrid. Kampionatet e futbollit italian, spanjoll dhe Premier Liga angleze ua kanë vjedhur tifozërinë ekipeve modeste të kategorisë superiore dhe inferiore të futbollit në Shqipëri. I vetmi ndryshim, kur sheh ndeshjet në lokalet shqiptare me ato italiane dhe angleze, janë vetëm britmat e të sharat kundër ekipeve kundërshtare.
Tashmë shqiptarët, përveç se një shishe Pepsi apo Coca-Cola, kanë të veshur një bluzë të V. Nistelrooy të Man. United apo të Terry të Chelsea. Që ta marrim vesh globalizim sot, do të thotë që tifozllëk për Arsenalin të mos bëjnë vetëm ca londinezë të High Bury Park, por edhe ca qindra shqiptarë, madje, tashmë edhe shumë amerikanë që deri para pesë viteve nuk e dinin se çfarë donte të thoshte soccer (futboll europian). Interesante, por në USA 94 mbi 50 për qind e amerikanëve nuk e dinin që kampionati botërore i futbollit ( jo atij amerikan) zhvillohej në Shtetet e Bashkuara.


Rajoni
Ky fenomen nuk ndodh vetëm te ne, por edhe në Serbi, ku cilësia e futbollit vendës është shumë më e lartë se këtu; edhe në Rusi, ku një lojtar i Lokomotivës së Moskës paguhet sa i gjithë ekipi në ligën e parë këtu. Dihet që ekipe të këtyre shteteve kanë qenë relativish të suksesshme në kompeticione ndërkombëtare dhe kanë prezantuar futboll të një klasi shumë më të lartë se të atij shqiptar. Madje, ekstremiteti ka arritur deri aty sa menaxheri i ekipit të famshëm të Crvena Zvesdës (Ylli i Kuq) të Beogradit ka kërkuar nga televizionet vendëse të ndalojnë transmetimin e kampionateve të huaja, për shkak se interesi për futbollin serb është zvenitur.


Statistikat
Sipas një ankete të organizuar para disa kohësh nga departamenti i marketingut të gazetës “Sporti Shqiptar”, nga 1 300 të anketuar rezulton se 43 për qind e lexuesve të gazetës preferojnë Serinë A, 29 % kampionatin anglez dhe 28 për qind kampionatin shqiptar.
Statistikat tregojnë se tifozëria shqiptare është mjaft e interesuar edhe për legjionarët tanë. Cili ekip interesohet për Taren në merkaton e janarit, apo për sa mund të shkojë Berhami te Juve, sa gola shënoi Erion Bogdani në ndeshjen e radhës.


Futbolli vendës
Por realiteti nuk është fare pesimist për sportin vendës dhe, sidomos futbollin. Në ndeshjet e bigëve shqiptarë si Tirana, Partizani, Vllaznia, stadiumet gati mbushen. Madje, në rast se të bie rruga në Kompleksin Sportiv Partizani do të shohësh që stërvitjen e djemve të kuq e ndjekin afërsisht 150-200 ultras në ditë, pavarësisht nga koha: shi apo diell përvëlues. Ata i dinë me detaje deri marrëdhëniet e brendshme mes lojtarëve, dhe shpesh njoftohen për merkaton e lojtarëve përpara se ato të bëhen publike në media. E njëjta situatë ndodh edhe të ekipi bardheblu i Tiranës, ultras që rrinë e shohin lojtarët tek stërviten dhe diskutojnë për ndeshjet e radhës. Ajo çfarë është e dukshme tek ata është nostalgjia për kohët e dikurshme, kur edhe pse si motivim lojtarët merrnin ca kartona si fletëlavdërimi, ofronin spektakël e në këmbim merrnin tifozëri të zjarrtë, e cila prej shumë vitesh nuk është parë në shkallët e stadiumeve, përveçse kur luan Kombëtarja. A do të ketë një rikthim të bujshëm në shkallët e stadiumeve? Le të shpresojmë që të vijë dita kur ndonjë anglez me birra në dorë të brohorasë ethshëm për Partizanin apo Tiranën.