Mbi sekretet berthamore izraelite

[MtrX]

ky artikull tek bbc ben fjale per nje shkencetar qe u burgos per arsye se beri publike sekretet BERTHAMORE te izraelit:


Vanunu lirohet nga burgu

Aktivistë kundër programeve bërthamore kanë udhëtuar nga gjithë bota për të pritur daljen nga burgu të mërkurën të ish-teknicienit bërthamor Mordechai Vanunu.
Ata mbajnë në duar parulla ku ai cilësohet "si hero për paqen", por shumë izraelitë e konsiderojnë atë si tradhtar.

Z. Vanunu u arrestua para 18 vjetësh, pasi bëri publikë hollësitë e një plani bërthamor izraelit.

Duke u bazuar në informacionet që ai i dha gazetës britanike Sunday Times në vitin 1986, analistërt arritën në përfudnimin se Izraeli kishte dhjetëra koka me mbushje bërthamore.

Izraeli thotë se ai ende përbën kërcënim për sigurinë e vendit, prandaj ia ka ndaluar udhëtimet jashtë shtetit.

Qeveria e justifikon vendimin e saj për t'ia kufizuar lirinë e lëvizjes z.Vanunu me faktin se, sipas saj, Vanunu ende di sekrete shtetërore, "disa prej të cilave ai ende nuk i ka treguar".

Hero

Aktivistë që punojnë kundër përhapjes bërthamore në botë, e konsiderojnë z. Vanunu si hero, por shumë në Izrael, e shohin si tradhëtar.

Z. Vanunu punoi për nëntë vjet në sistemin bërthamor të Izraelit, por pasi u largua nga puna vendosi se sishte e drejta e tij morale të tregonte çfarë dinte për programin e armëve të Izraelit.

Shërbimi sekret izraelit e zbuloi shpejt dhe që atëherë, ai ka qenë në burg, por tani, edhe pse po largohet nga burgu, nuk është i lirë me plot kuptimin e fjalës.

Ai nuk do të lejohet, që si dëshiron ai vetë, të dalë jashtë shtetit. Autoritetet nuk e kanë pajisur me pasaportë.

Po ashtu, z.Vanunu i ndalohet të flasë me të huajt dhe do të ndiqet nga autoritetet në çdo hap që do të hedhë.