FRESH-i, fidanishte e Mafies

[Brari]

Duke lexuar kte shkrim te gazetes PANORAMA kuptojme qarte se cfar eshte FRESH-i.
Metodat staliniste enveriste jane baza e veprimtarise se kesaj agjenture te PS-se.
Kundermon aty brenda era e ndyre e plenumeve te PPSH-se..

Suksese Freshit.. ne pergatitjen e spiuneve e demagogeve qe do cojne perpara stafeten e gjysherve te tyre kriminele..


---------------
Panorama:


Elvis Mataj, ish-nënkryetar i FRESH-it, shpjegon arsyet e shkarkimit të tij


Mataj: Më larguan se kritikova PS
“Pas akuzave m’u la pak kohë që unë të reflektoja”




Tiranë

“Arsyet e disa prej anëtarëve të kryesisë së FRESH-it për shkarkimin tim janë tepër bajate dhe të kujtojnë vitet kur PS-ja ishte Partia e Punës.

Pas akuzave që m`u bënë mua më lanë shumë pak hapësirë kohore që të reflektoja”. Kështu e ka komentuar shkarkimin e tij të djeshëm nga posti i nënkryetarit të FRESSH, Elvis Mataj.

Cili është komenti juaj mbi shkarkimin nga posti i nënkryetarit të FRESSH?
Në mbledhjen e kryesisë, e cila i parapriu mbledhjes së KD-së së këtij forumi, u trajtuan dy çështje që lidhen me organizimin e FRESH-it në prag të fushatës së zgjedhjeve të brendshme partiake dhe, pika e dytë, që lidhet me votimet e reja në KPD-në e FRESH-it. Në mbledhje, pas diskutimit të këtyre dy pikave, të cilat nuk patën ndonjë debat të ashpër, anëtari i kryesisë së FRESH-it z.Gjergj Prifti, propozoi që unë të shkarkohesha nga detyra e nënkryetarit për disa arsye që lidheshin me aktivitetin tim politik si nënkryetar i FRESH-it. Arsyeja e parë lidhet me pjesëmarrjen time në disa protesta të lëvizjes “Mjaft“, të cilat nën këndvështrimin e disa anëtarëve të tjerë të FRESH-it u panë si tepër të rrezikshme dhe që shkonin në drejtim të kundërt me politikën e FRESH-it dhe të PS-së. Madje ata deklaruan se lëvizja “Mjaft” është një lëvizje politike që inspirohet nga Partia Demokratike dhe është kundër qeverisë. Sipas tyre, unë si nënkryetar i FRESH-it nuk kisha të drejtë të shkoja në të tilla tubime. Arsyeja e dytë lidhet me disa deklarata të miat në publik dhe me disa shkrime në shtypin e përditshëm, ku unë shumë të qartë dhe shumë objektive kamë bërë një analizë të qeverisjes socialiste dhe të gjendjes në të cilën ndodhet PS-ja me fakte dhe me shifra. Në këto shkrime theksoja se forca politike qeverisëse nuk kishte përmbushur objektivat që kishte vënë që nga zgjedhjet e fundit parlamentare.

Mendoni se ka ndonjë arsye tjetër?
Arsyeja e tretë lidhet me disa seminare të organizuara nga Partia Laburiste angleze nëpërmjet një fondacioni për të rinjtë, për gruan dhe për aktivitetin partiak të të rinjve. Por, në këto seminare unë dhe disa kolegë të mij nuk ishim të ftuar, megjithëse ishim anëtarë të kryesisë të FRESH-it dhe shokët tanë të kryesisë, të përfaqësuar edhe nga zoti Koja, e justifkuan mospjesëmarrjen tonë me disa angazhimet tona private jashtë shtetit. Këto ishin kryekëput genjeshtra para përfaqësuesve të fondacionit anglez Ëensminster. E gjithë ideja ishte që ne të mos merrnim pjesë në këto seminare, duke qenë se ne përfaqësonim një mendim ndryshe brenda FRESH-it, brenda rinisë dhe forumit dhe këtoi gjëra nuk duhej t’u ishin bërë të ditura përfaqësuesve laburistë. Është tepër evidente, fakti që Partia Angleze Laburiste ka ndërprerë çdo projekt trajnimi për Partinë Socialiste të Shqipërisë, por nuk mendoj se kjo lidhet me prezencën time politike, pasi ajo është një forcë politike tepër e konsoliduar dhe informacionet mbi gjendjen në PS i marrin nga burime të tjera të mirëkonfimuara. Arsyet e disa prej anëtarëve të kryesisë së FRESH-it për shkarkimin tim janë tepër bajate dhe të kujtojnë vitet kur PS-ja ishte Partia e Punës. Pas këtyre akuzave m’u la pak hapësirë kohore që unë të reflektoja për akuzat që më bënin shokët.



Koja: Ja arsyet e shkarkimit të Mataj

“Mataj ka ofenduar anëtarët e Komitetit të Përgjithshëm Drejtues të FRESSH, si dhe shpeshherë ka tejkaluar hierarkinë e këtij forumi, duke u përpjekur të krijojë struktura paralele”. Këto kanë qenë disa nga arsyet dhe argumentat e përdorura nga kryetari i Forumit të Rinisë Eurosocialiste të Shqipërisë(FRESSH), Gjergj Koja për shkarkimin e nënkryetarit të këtij forumi Elvis Mataj. Sipas kreut të FRESSH, pavarësisht se shpeshherë në adresë të nënkryetarit Mataj ka pasur kritika, ai nuk ka bërë reflektimin e duhur. “Prandaj unë nuk mund të vazhdoj më të punoj me një person që nuk ka përgjegjësinë e duhur për respektimin e hierarkisë së forumit”, u shpreh Koja.



Gazeta Panorama