Real Madrid vs FC Barcelona

[Nice_Boy]

A mund te ma jepeni se cili TV Gjerman e jep kete Ndeshje apo ku dreq ta shoh Real-MadriD - Barcelona..?

[Davius]

Premiere do e kete me suguri por do e kete edhe Sat1...
Shqioj ty, mere telekomanden ne dore dhe prej tek 1 dhe deri tek 999 shiqoj ndonjera patjeter duhet te kete, ah nese ke Sat+ do e kete edhe ai me komentim shqip...

PS:
A ke Sat+ sepse DigitAlb nuk i ka spanjollet...

[Moltisanti]

Patjeter Barca Fiton ))

Sorry Davius )

[Davius]

Mbrojtësi brazilian kërkon fitoren ndaj Barcelonës, për të shpresuar ende te fitimi i titullit kampion 07-04-2005

R.Karlos: Ronaldo, arma jonë ndaj Barçës


Roberto Karlos po pret me padurim ndeshjen e së dielës. Dëshiron të tregojë se Reali i Madridit është në formë dhe mund të fitojë ndaj Barcelonës, duke mbajtur gjallë shpresat për fitimin e titullit kampion. Mbrojtësi brazilian nuk merret me kritikat që u janë bërë kohët e fundit gjyqtarëve spanjollë dhe është i përqendruar vetëm te sfida e së dielës me katalanasit. Ja cila ka qenë intervista e tij:

- Në stërvitjen e fundit që keni zhvilluar, u dukët në formë dhe me dëshirë për të punuar...

- Pas fitores me Albaseten jemi më të qetë. Kemi një ndeshje të vështirë përpara, por edhe kohën për t'u përgatitur. Përreth skuadrës është krijuar një ambient i shkëlqyer dhe të gjithë mendojnë vetëm për Barçën.

- "El Klasiko" do të ketë disa mungesa. Deko për Barçën dhe Samuel për Realin...

- Kur flasim për klube të këtij niveli, rrallëherë ndihet mungesa e një futbollisti në veçanti. Deko është një nga futbollistët më të mirë të botës, por Barça do të jetë po aq e fortë sa edhe pa të. I njëjti arsyetim bëhet edhe për mungesën e Samuelit.

- Fitorja është alternativa juaja e vetme...

- Si gjithmonë. Reali duhet gjithmonë të fitojë. Jemi mësuar me këtë tip presioni.

- Vëmendja përpara kësaj ndeshjeje është vënë mbi Etonë. Dini si ta markoni?

- Eshtë një futbollist i jashtëzakonshëm dhe së bashku me Ronaldinjon përbën rrezikun madhor për portën tonë. Kur të fillojë ndeshja, do të shihni se si do t'i neutralizojmë. Duhet të ushtrojmë presing të vazhdueshëm, në mënyrë që të mos kenë qetësi në kontrollin e topit.

- Duket se në skuadrën tuaj, ndeshja ndaj Barçës këtë herë pritet ndryshe nga ndeshjet e mëparshme ndaj katalanasve...

- Sfida me Barçën mbetet më e rëndësishmja e të gjithë kampionatit për ne, por këtë herë jemi nëntë pikë pas tyre në renditje dhe kjo nuk kishte ndodhur vitet e fundit. Ky është ndryshimi i vetëm, në krahasim me takimet e mëparshme.

- Si e shihni gjendjen e Ronaldos

- Jam i lumtur, sepse po jep maksimumin në stërvitje dhe e di që vetëm me punë do të dalë nga ky moment i vështirë. Ai është në formë, këtë jua siguroj unë që e njoh mirë, i mungon vetëm goli. Mund të jetë ai arma e ndeshjes në "Bernabeu".

- Por, për një ekip si Reali, mungesa e golave nga reparti i sulmit ndihet...

- Eshtë e vërtetë, por ne kemi futbollistë të tjerë si Helgera, që dinë ta gjejnë golin. Gjithsesi, kur e fillon ndeshjen me Ronaldon, Raulin, Figon, Ouenin dhe Zidanin, golin mund ta presësh në çdo çast të ndeshjes.

- Edhe Ronaldinjo nuk po kalon një moment të mirë...

- Nuk është në maksimumin e mundësive të tij, por gjithsesi mbetet rreziku numër 1 për portën tonë. Nuk më takon mua të flas për futbollistin më të mirë në botë.

[Davius]

Ja si do te jete sulmi i Barces ne ndeshjen mes realit...

[Davius]

Ja edhe sulmi i Realit si do jete....

[Davius]

Historiati...

.................................................. .....
Real Madrid 74 47 14 13 157 75

FC Barcelona 74 13 14 47 75 157
.................................................. .....

Sezoni,........................ Rezultati

2003-04 Real Madrid 1 - FC Barcelona 2
2002-03 Real Madrid 1 - FC Barcelona 1
2001-02 Real Madrid 2 - FC Barcelona 0
2000-01 Real Madrid 2 - FC Barcelona 2
1999-00 Real Madrid 3 - FC Barcelona 0
1998-99 Real Madrid 2 - FC Barcelona 2
1997-98 Real Madrid 2 - FC Barcelona 3
1996-97 Real Madrid 2 - FC Barcelona 0
1995-96 Real Madrid 1 - FC Barcelona 1
1994-95 Real Madrid 5 - FC Barcelona 0
1993-94 Real Madrid 0 - FC Barcelona 1
1992-93 Real Madrid 2 - FC Barcelona 1
1991-92 Real Madrid 1 - FC Barcelona 1
1990-91 Real Madrid 1 - FC Barcelona 0
1989-90 Real Madrid 3 - FC Barcelona 2
1988-89 Real Madrid 3 - FC Barcelona 2
1987-88 Real Madrid 2 - FC Barcelona 1
1986-87 Real Madrid 0 - FC Barcelona 0
1986-87 Real Madrid 1 - FC Barcelona 1
1985-86 Real Madrid 3 - FC Barcelona 1
1984-85 Real Madrid 0 - FC Barcelona 3
1983-84 Real Madrid 2 - FC Barcelona 1
1982-83 Real Madrid 0 - FC Barcelona 2
1981-82 Real Madrid 3 - FC Barcelona 1
1980-81 Real Madrid 3 - FC Barcelona 0
1979-80 Real Madrid 3 - FC Barcelona 2
1978-79 Real Madrid 3 - FC Barcelona 1
1977-78 Real Madrid 4 - FC Barcelona 0
1976-77 Real Madrid 1 - FC Barcelona 1
1975-76 Real Madrid 0 - FC Barcelona 2
1974-75 Real Madrid 1 - FC Barcelona 0
1973-74 Real Madrid 0 - FC Barcelona 5
1972-73 Real Madrid 0 - FC Barcelona 0
1971-72 Real Madrid 1 - FC Barcelona 1
1970-71 Real Madrid 0 - FC Barcelona 1
1969-70 Real Madrid 3 - FC Barcelona 3
1968-69 Real Madrid 2 - FC Barcelona 1
1967-68 Real Madrid 1 - FC Barcelona 1
1966-67 Real Madrid 1 - FC Barcelona 0
1965-66 Real Madrid 1 - FC Barcelona 3
1964-65 Real Madrid 4 - FC Barcelona 1
1963-64 Real Madrid 4 - FC Barcelona 0
1962-63 Real Madrid 2 - FC Barcelona 0
1961-62 Real Madrid 2 - FC Barcelona 0
1960-61 Real Madrid 3 - FC Barcelona 2
1959-60 Real Madrid 2 - FC Barcelona 0
1958-59 Real Madrid 1 - FC Barcelona 0
1957-58 Real Madrid 3 - FC Barcelona 0
1956-57 Real Madrid 1 - FC Barcelona 0
1955-56 Real Madrid 2 - FC Barcelona 1
1954-55 Real Madrid 3 - FC Barcelona 0
1953-54 Real Madrid 5 - FC Barcelona 0
1952-53 Real Madrid 2 - FC Barcelona 1
1951-52 Real Madrid 5 - FC Barcelona 1
1950-51 Real Madrid 4 - FC Barcelona 1
1949-50 Real Madrid 6 - FC Barcelona 1
1948-49 Real Madrid 1 - FC Barcelona 2
1947-48 Real Madrid 1 - FC Barcelona 1
1946-47 Real Madrid 2 - FC Barcelona 1
1945-46 Real Madrid 3 - FC Barcelona 2
1944-45 Real Madrid 1 - FC Barcelona 0
1943-44 Real Madrid 0 - FC Barcelona 1
1942-43 Real Madrid 3 - FC Barcelona 0
1941-42 Real Madrid 4 - FC Barcelona 3
1940-41 Real Madrid 1 - FC Barcelona 2
1939-40 Real Madrid 2 - FC Barcelona 1
1935-36 Real Madrid 3 - FC Barcelona 0
1934-35 Real Madrid 8 - FC Barcelona 2
1933-34 Real Madrid 4 - FC Barcelona 0
1932-33 Real Madrid 2 - FC Barcelona 1
1931-32 Real Madrid 2 - FC Barcelona 0
1930-31 Real Madrid 0 - FC Barcelona 0
1929-30 Real Madrid 5 - FC Barcelona 1
1928-29 Real Madrid 0 - FC Barcelona 1

[Davius]

Braziliani dhe Pujol do të jenë ndaj Realit

Mjeku i Barcelonës ka deklaruar se sot Ronaldinjo dhe Pujol do të jenë nën urdhrat e Rajkardit për stërvitjen e fundit, përpara ndeshjes Real-Barcelona. Sipas tij, braziliani dhe kapiteni spanjoll do të jenë rregullisht në fushë. Një lajm i mirë ky për trajnerin holandez, të cilit i duhet të bëjë pa Dekon e skualifikuar

[Davius]

Organizatori brazilian kërkon nga shokët e tij maksimumin e mundshëm në ndeshjen ndaj Realit 09-04-2005

Ronaldinjo: Roni, sulmuesi më i mirë në Spanjë

Ronaldinjo ka paralajmëruar kolegët e tij te Barcelona, që të kenë kujdes nga Ronaldo në ndeshjen e së dielës, midis Realit të Madridit dhe Barcelonës. Ronaldo ka shënuar 12 gola në 30 ndeshje dhe për të janë pak, por është për t'u theksuar që ai është lojtar i standardeve të larta. "Të dyja skuadrat kanë sulmues shumë të mirë, por për mua Ronaldo është akoma sulmuesi më i mirë në Spanjë dhe mbase në botë, - tha Ronaldinjo.

- Ai është numri 1 në repartin e avancuar. Unë e ndiej që do ta kemi një problem të madh Ronin këtë fundjavë, pasi është për t'u theksuar që ka disa javë që nuk shënon. Kjo do të thotë se ai do ta fillojë ndeshjen me një dëshirë të madhe për të shënuar dhe unë jam i sigurt që ai po mendon që tani për atë ndeshje. Dhe kjo nuk është një gjë e mirë për ne," - vazhdoi ai.

Ndeshja midis këtyre ekipeve gjithmonë ka qenë spektakolare dhe e rëndësishme, por këtë radhë kjo ndeshje është më e rëndësishme se herët e tjera. Reali ndodhet nëntë pikë pas Barcelonës në luftën për titull dhe do të kërkojë me ngulm fitoren për të pasur akoma shanse. "Nëse ata e fitojnë derbin, diferenca e pikëve do të reduktohet në gjashtë dhe kjo nënkupton që deri në fund kampionati ka për të qenë shumë i vështirë. Gjithsesi, nëse ne fitojmë në Madrid, titulli do të jetë shumë afër "Kamp Nou"-t.

Unë jam me fat që nuk kam humbur asnjëherë në Madrid me bluzën e Barcelonës," - tha Ronaldinjo. Si një nga forcat më të fuqishme sulmuese në fushë, Ronaldinjo do të markohet nga një madrilen. 25-vjeçari tha: "Nëse unë do të markohem nga një madrilen, ai ka për të qenë Tomas Gravesen, për të cilin mendoj se është një mesfushor mbrojtës shumë i mirë. Gjithsesi, unë do të lëviz shumë në fushë për të kërkuar topin dhe kjo është mënyra më e mirë për t'iu shmangur kundërshtarit. Kjo gjë ka për të ndihmuar më shumë edhe shokët e mi të ekipit, pasi mund të jap shumë pasime.

Kjo gjë do të sjellë raste të shumta për shokët e mi te Barcelona," - tha braziliani. Lojtarët madrilenë po stërviten shumë për këtë ndeshje. Ata po punojnë me trajnerin e tyre të tretë këtë sezon, Vanderlei Luksemburgon. Lojtari më i mirë i vitit, sipas FiFA-s, tha: "Unë mendoj se asnjeri nuk e di pse Reali nuk arriti rezultate shumë të larta këtë sezon. Ata kanë lojtarë shumë të mirë, por, me sa duket, kjo gjë nuk mjafton në futboll.

Duhet më shumë dhe ky është sekreti i futbollit. Disa njerëz mendojnë se kultura e "galaktikëve" në Madrid nuk është e mirë, por kjo nuk është krijuar nga lojtarët. Unë nuk mendoj se atyre nuk u pëlqen të thirren "galaktikë", - vazhdoi ai. - Unë preferoj të mendoj për futbollin dhe kënaqem shumë kur luaj. Dua të shënoj sa më shumë gola për shokët e ekipit, të fitoj ndeshje dhe të fitoj tituj. Titulli "galaktik"? Nuk ka rëndësi për mua."

[Davius]

Ja Edhe Koeficienti Per Kete Ndeshje...