Demokracia e Re, fiton zgjedhjet ne Greqi.

[kolombi]

Epitelus(Me ne fund),Demokracia e Re dhe kryetari i saj Konstandinos Karamanlis,ne fronin e drejtimit per 4-vitet e ardhshme te qeverise greke.
Sapo u bene te ditura rezultatet e zgjedhjeve filluan dhe festimet e perkrahesve te te djathteve perpara zyrave qendrore ne Rigilis.
Festime te medha dhe ne Thesaloniki.
"Behet fjale per nje fitore te gjithe grekerve,dhe falenderojme te gjithe ata qe na besuan ne kete dite" deklaroi nje nga arkitektet e fitores ne kete fushate zgjedhjesh Kostas Suflias."Lojrat Olimpike do jene nje nga proteriotat e qeverise se re "shtoi ai.
"Kerkohet nje mobilizim dhe seriozitet i madh"deklaron duke pershendetur fitoren dhe kruebashkiakja e Athines Dora Bakujani.
Midis te tjerave ajoberi te qarte se nuk do te pranoje asnje post ministrie dhe do vazhdoje te coje deri ne fund punen e filluar ne Bashkine e Athines.
"Po vijme te rinovuar dhe ata po ikin te vjetersuar"deklaroi dhe ish kryetari i Demokracise se Re Miltiadhi Evert.
Nga nje fitore e tille nuk munt te mungonte as Kostandinos Micotaqis."Erdha te pershendes Kryeministrin e se nesermes"

Falenderimet e para kryeministrit Karamanli i erdhen nga kryeministrii Spanjes X.M.Athnar,ai i Portugalise M. Baroso,dhe ai i Shqiperise F.Nano.
Nder te paret ishte dhe presidenti i Qipros Tassos Papadhopulos.

PS Nga Bisedat e bera me shum miq ne Greqi ,fitorja e ND ka shqetsuar emigrantet shqiptare ne Greqi.Do shohim politiken qe do ndjekin ne lidhje edhe me emigracionin.Nje emigracion ku pjesa derrmuese ne Greqi perbehet nga shqiptaret.

[FierAkja143]

yeahh shume mire qe fituan te ndryshoj pak greqia se kaq vite me Pasok-un...megjithse Giwrgos Papandreou eshte shume njeri i zgjuar dhe une doja te fitonte ai (ka dhe pak prezanc tepakten)

[Kryeplaku]

perSHENDETje
7 Mars 2004, ishte dita qe do u zhvillonin votimet ne vendin fqinj. Ekzistonte optimizem te te gjitha forcat politike, nuk pritej qe distanca midis dy partive te medha (PA.SO.K dhe Demokracia e Re) te kalonte 3%. Mbas mbylljes se votimit te gjitha kanalet greke jepnin drejte per drejte perfundimet. Qe nga mesi i nates u duk qarte se Partia Demokratike e Re (Ne Dimokratia) kishte fituar keto votime, sot ne mengjes u shpallen perfundimet me Partine Socialiste (PASOK) te ket humbur me 40% kurse Nea Dimokratia te ket fituar me 46%, duke u ritur distanca midis dy partive. Kjo ishte humbja me e madhe e PASOK mbas 22 vjeteve, sepse fitorja e Demokrateve ne 92shin nuk zgjati shume.
Partia Demokratike e Re (Nea Dimokratia) eshte nje parti e djathte konsevatore e cila ka mbledhur ne rethin e saj nje larmi politikanesh te cilet kan ndryshime ideologjike midis veti. Ne kete parti marin pjese shume patriota edhe nacionalista greke te cilet perefaqesojne eliten (aristokracine) greke. Me sa duket me qeverine e re vendi i te huajve, sidomos i Shqiptareve, do veshtiresohet ne Greqi. Para disa ditesh nje nga anetaret kryesor te kesaj partie kishte deklaruar ne kanalin e rendesishem grek ALFA se Greqise nuk i duhen me shume se 400 000 refugjate ne nje kohe ku ne Greqi ekzistojne gati 2 000 000 te tille.
Duhet te theksoje se keto vitet e fundit pothuajse ne te gjitha shtetet e Bashkimit Europian po vine ne fuqi forcat e djathta dhe roli i forcave te majta po dobesohet se tepermi. Te shpresojme se keto votime ne Greqi nuk do sjellin probleme per Shqiptaret dhe per Shqiperine!
falemiNDERit

[Albo]

Konservatorët kthehen në pushtet

Partia konservatore në Greqi, ka korrur një fitore bindëse në zgjedhjet e përgjithshme, dhe kthehet në pushtet pas më shumë se një dekade të qeverisjes socialiste.
Karamanlis premtoi një qeverisje të guximshme dhe efektive


Kur janë numëruar shumica e votave, Kostas Karamanlis i partisë Demokracia e Re ka fituar rreth 46% të votave nga 40.5% që ka marrë kryeministri i PASOK-ut, Jorgos Papandreu.

Zoti Karamanlis premtoi se qeveria e tij do të punonte shumë dhe do të ishte e përulur, por e guximshme dhe efektive.

Njëra prej detyrave të para të konservatorëve ku duhet të jenë të suksesshëm, është organizimi i mirë i Lojrave Olimpike të verës së këtij viti.

"Lojrat Olimpike do të jenë më të mirat e organizuara ndonjëhere dhe më të qetat nga pikëpamja e sigurisë, dhe Greqia do të tregojë një fytyrë moderne të sajën," tha zoti Karamanlis.

Fituesi i zgjedhjeve të së djelës, thotë korrespondenti i BBC-së në Athinë, nuk ka qënë i bujshëm dhe u ka kërkuar mbështetësve të tij që të frenojnë festimet e zhurmshme.

[Hyllien]

Marre nga Shekulli

-----

Ndërsa rezultati i zgjedhjeve politike greke duket se i jep të drejtë partisë konservatore ‘Nea Demokratia’, larg pushtetit, - me përjashtim të një tre-vjeçari, - që prej 1981, shumë pikëpyetje ngrihen për vazhdimësinë apo llojin e vazhdimësisë së politikës greke, në veçanti asaj të jashtme. Vëzhgues të instituteve kërkimore greke parashikojnë se në drejtim të politikës ekonomike, të marrëdhënieve me BE-në, të politikës së jashtme, në veçanti të çështjes së Qipros, nuk do të ketë ndryshime, por një optikë e përgjithshme, ose globale mund të nënvleftësojë apo minimizojë në mënyrë të natyrshme ndryshimet e vogla që parathuhen apo që duhen parë me vëmendje në lidhje me politikën e jashtme greke përkundrejt Shqipërisë dhe shqiptarëve.
Një prej këtyre ndryshimeve u paratha thjesht nga njëri prej figurave të afërta me Kostas Karamanlis-in, kryeministrin e pritshëm të grekëve për katër vitet e ardhshme, minoritarit nga Livadhjaja, Harallambos Karathanos, në një intervistë dhënë për shtypin shqiptar. Karathanos, këshilltar i Karamanlis-it për minoritetet, i përfolur si i shpallur ‘non grata’ për rolin prej organizatori në ngjarjen e Himarës (duke u shitur si shejtanbudalla ai tha në intervistë për ‘TCH’ se: “siç shihet nga pamjet, unë nuk kam pasur rol të tillë!”), përsëriti me të madhe se Himara ka grekë dhe është zonë minoriteti. Grekëve atje, por dhe në zona të tjera, tha Karathanos, që mund të jetë zgjedhur deputet dje, u duhen krijuar mundësi për të afirmuar shkollën dhe shpirtin grek.
Pa hyrë në hollësi mund të thuhet se, nëse PASOK-ut iu desh kohë e gjatë që nëpërmjet Papandreut të fliste në një forum ndërkombëtar si BE për minoritet grek në Himarë, duhet pritur që prej partisë së Karathanosit kjo çështje të synohet të fitojë ndërkombëtarizim më të madh dhe intensiv. Hapja e një fronti të tillë në institucionet europiane në veçanti mund ta vendosë në pozitë të vështirë politikën tonë që ka treguar se nuk ka forcë reagimi në raste të tilla.
Ky ndryshim cilësor i supozueshëm në politikën e jashtme greke në lidhje me një çështje të tillë si ajo e Himarës, është në fakt pjesë e një linje të menduari karakteristike e qarqeve të caktuara të kësaj politike që përfshin segmente të shtetit, kishën që është e pakënaqur prej Simitisit, por dhe segmente të diasporës së ashpër të përqendruar kryesisht në SHBA, e cila duhet thënë se ka marrëdhënie më të mira me partinë që po vjen në pushtet. Miku i Kryeministrit tonë Nikolas Geixh, p.sh., nuk ishte ndonjë person me akses të gjerë në rrethet e PASOK që po largohet, gjë që dukej minimalisht edhe nga fakti që ai asnjëherë nuk është shoqëruar nga ambasadori grek në Tiranë në vizitat e tij në Shqipëri. Nuk duket e rastit që kjo diasporë në një komunikatë të përbashkët të të gjithë organizatave të saj ku shquhet edhe Federata Panepirotike e drejtuar nga Geixhi ditët e fundit të ankohej çmendurisht për pastrim të fshehtë etnik të grekëve nëpërmjet djegies së kishave, bizneseve, shkollave, etj., në Shqipëri. Nuk ka dyshim se mbi diplomacinë greke do të rritet presioni i kësaj diaspore, të lidhur gjithashtu edhe me grupe biznesi të rëndësishme në Greqi që kontrollojnë tregtinë e naftës.
Me vëmendje duhet parë dhe qëndrimi i politikës së jashtme greke në vitet e ardhshme ndaj çështjes së Kosovës. Nuk duhet mohuar se nën drejtimin e dyshes proeuropiane Simitis-Papandreu pati një ndryshim historik në qëndrimin e kësaj diplomacie në raportin me shqiptarët. Kjo politikë “llogariste rrritje të rëndësisë së shqiptarëve në rajon, ndaj duheshin parë mundësitë e afrimit me ta” dhe e konsideronte si irealiste kundërvënien ndaj pavarësisë së Kosovës siç është bërë e ditur nga burime të mirinformuara greke. Zgjidhja e kësaj çështjeje është domen i fuqive të mëdha, por gjithsesi Greqia ka një rol në zhvillimet rajonale dhe ajo ka fuqi kushtëzuese të caktuara në raport me këtë zhvillim.
Por politika greke mund të ndikojë edhe në statusin e emigrantëve shqiptarë në Greqi, një largim masiv i të cilëve do të prishte shumë ekuilibra politiko-ekonomikë në Shqipëri. Për shkak të mbarimit të punimeve që kanë thithur një numër të madh shqiptarësh të lidhura me Olimpiadën e gushtit 2004, për shkak të numrit gjithsesi të madh të tyre në Greqi në totalin e emigrantëve që sipas politikanëve të ‘ND’ nga 800 000 duhet të ulet në gjysmën, ulje që duhej pritur në fakt edhe nga avashtësia e qëllimshme në legalizimin e tyre, nuk ka çudi që të kemi kthime masive. Për më shumë që ‘ND’ ishte skeptike, edhe ndaj të ashtuquajturës politikë të dhënies së shtetësisë për emigrantët shqiptarë të propaganduar nga PASOK.
Vëmendja shqiptare ndaj politikës së jashtme greke në vitet që do të vijnë duhet fokusuar edhe në disa probleme të tjera. Ndërsa me Simitisin dukej se çështja e pronave të shqiptarëve në Greqi po hynte në rrugën e një zgjidhjeje, megjithëse ajo parashikohej e gjatë, ka pikëpyetje serioze në lidhje me llojin e angazhimit të partisë së re qeverisëse, sakohë që nuk njihet ndonjë qëndrim specifik i tyre rreth problemit.
Përballë një ndryshimi të tillë eventual, ne duhet të presim shtimin e gjesteve të afrimit dhe, pse jo, të servilizmit të të dy krahëve të politikës sonë ndaj Greqisë zyrtare. Dihet se zoti Nano nuk ka patur marrëdhënie të mira me krerët e PASOK, si Simitis dhe Papandreu, gjë që është dukur me numrin e vogël të kontakteve politike me ta, tek gjeste të caktuara të tyre ndaj tij, megjithë numrin konstant apo shtimin e vizitave private në vendin fqinj. Kjo është dukur dhe me hapjen e tij ndaj Italisë dhe Turqisë, diçka jo shumë e zakontë më parë për të, veçanërisht hapja ndaj Turqisë. I gjendur në një moment të vështirë të karrierës politike, zoti Nano mund të tentojë nëpërmjet Geixhit, apo të tjerëve, të afrohet me udhëheqësit e rinj siç u duk dhe nga nguti i tij për të përshëndetur Karamanlisin për fitoren, pa dalë rezultati zyrtar. Të njëjtën gjë mund të bëjë dhe zoti Berisha, i cili ka jashtëzakonisht shumë nevojë për mbështetje ndërkombëtare në kohën kur duket shumë afër pushtetit. Thellësisht i ndërgjegjshëm për peshën e Greqisë në zhvillimet shqiptare, zoti Berisha, mjaft defiçient në imazhin ndërkombëtar të tij, do të përpiqet të luajë me teorinë e marrëdhënieve të mira greko-shqiptare në kohën e Micotaqisit (duke harruar planin e tij me x pika për autonominë e Vorioepirit), me afërsinë politike të PD me Demokracinë e Re në Internacionalen e qendrës europiane, si dhe me investimin e tij në aleancën elektorale me PBDNJ në Himarë. Mund të shtohet këtu edhe takimi me Geixhin si një gur i vogël që ngre diçka në kandar. Ndoshta mund të jenë ca shenja pozitive për të nga fronti grek, ato që duken me lëvizjet e deputetëve Goxhi dhe Karamelo që kanë vizituar Greqinë kohët e fundit duke përmendur largimin, nga prehëri i z.Nano.
Gjithsesi kjo tërheqje nga Greqia e re e Nea Demokratia-s e krerëve të të dy partive shqiptare, don të thotë, në fund të fundit, rritjen e vulnerabilitetit të politikës shqiptare në përgjithësi në çështjet që do të interesojnë dy vendet në të ardhmen dhe për të cilat kemi të drejtë të shikojmë me vëmendje serioze zhvillimet që vijnë nga Athina.
-----------

Ne nje artikull tjeter shkruhej se si duhet te vihen dhe tabela me dy gjuhe ne jug, te kete shkolla me dy gjuhe, dhe pretendime se Shqiptaret kane bere spastrim etnik dhe diskriminime ndaj Grekeve. Cfar mendoni per keto akuza te fundit, nga nje popull qe vetem ka pare benefite nga Shqiperia dhe Shqiptaret?

[Albo]

Berisha: Fitorja e Karamanlisit, fitore e madhe për rajonin

Kryetari i Partisë Demokratike, Sali Berisha, ka përshëndetur dje fitoren e opozitës në Greqi. Një fitore të tillë Berisha e ka quajtur si një shenjë pozitive në ndryshimin e Greqisë dhe mbarë rajonit. "Një urim të veçantë i bëjmë presidentit Kosta Karamanlis dhe është një fitore shumë e madhe për kombin grek dhe për Ballkanin për rajonin dhe Evropën," është shprehur Berisha. Sipas Berishës duke votuar opozitën, qytetarët grekë kanë zgjedhur vizionin e së ardhmes ndaj, sipas tij, nënshkrimi i marrëveshjes mes kryeministrit Nano dhe Papandreut tashmë do t'i mbetet historisë. "Nuk mund të mohoj se qytetarët grekë zgjodhën vizionin e së ardhmes, dje edhe në Greqi dhe së shpejti në Shqipëri, u kalon arkivave të historisë, deklarata famëkeqe e nënshkruar mes Papandreut dhe Fatos Nanos, i cili përvetësoi anët më negative të Pasokut të parë dhe jo këtij të dytit," është shprehur Berisha.

Në zgjedhjet parlamentare të para dy ditëve në Greqi, Partia Demokracia e Re e Kostas Karamanlisit ka arritur të fitojë këto zgjedhje dhe drejtuesi i kësaj partei tashmë do të jetë dhe kryeministër i vendit.


--------------------------------------------------------------------------------

Mediu: Marrëdhëniet me Greqinë do synojnë stabilitetin

Fatmir Mediu, kryetar i Komisionit Parlamentar për Integrimin, tha se ardhja në pushtet e partisë së djathtë greke, Nea Demokratia, nuk do të ndryshojë marrëdhëniet mes dy vendeve. Ai tha se këto marrëveshje do të synojnë stabilitetin. Mediu tha se këto dy vende do të vazhdojnë të kenë marrëdhënie të fqinjësisë së mirë. "Greqia është pjesëtare e BE-së e duhet të zbatojë standardet e saj dhe si vend fqinj i intereson mbajtja e marrëdhënieve normale të fqinjësisë," tha Mediu. Ai shtoi se nuk duhet të anashkalohen probleme të rëndësishme si çështja çame, respektimi i emigracionit sipas statusit që i takon, por dhe elementët e trafikut të drogës dhe korrupsionit.

[Albo]

Lajmi i fitores se aristokracise greke ne zgjedhjet e fundit, ligeshton vetem komunistet e Tiranes zyrtare, kreret e BE dhe gjithe internacionalistet ne bote qe po bien njeri pas tjetrit nga pushteti ne cdo cep te botes. Fatos Nano do te kthehet "person i padeshiruar" ne Greqi, pasi aristokracia nuk ndan asnje vlere dhe interes me nje klike ish-komuniste qe eshte kthyer ne qender te krimit te organizuar. Bashkimi Europian dhe boshti franko-gjerman tashme e kane te qarte qe renia e lire nga pushteti i krereve te ekstremit te majte si ne Itali, Greqi i veshtireson planet e tyre per Europen e Bashkuar sipas interesave franko-gjermane. Kjo perben nje kercenim edhe per pushtetin e vete qeverive te ketyre vendeve.

Persa u perket emigranteve shqiptare ne Greqi, ata duhet ti gezohen faktit te thjeshte, se ndryshe nga qeverite socialiste greke, konservatoret greke i permbushin premtimet e tyre. Historikisht, te djathtet kudo ne bote mbrojne idene e nje emigracioni te kontrolluar te shoqeruar me njohjen e te drejtave te emigranteve te ligjshem ne vend. Ndryshimi themelor midis PASOK dhe Demokracise se Re eshte edhe fakti se aristokracia greke nuk i perdor emigrantet shqiptare ne Greqi si nje mjet politik per te destabilizuar shtetin fqinj, ashtu sic ka bere PASOK ne kete dekade qe ishte ne pushtet.

Me ndryshimet ne Serbi dhe Greqi ku te djathtet u rikthyen ne pushtet, rradhen e ka Shqiperia per tu riaktivizuar si faktor stabiliteti ne Ballkan.

Albo

[Albo]

Sfidat e qeverisë së re greke dhe imigrantët shqiptarë

Ilir Ikonomi
9 mars 2004

Në Greqi, vëzhguesit po presin të shikojnë se si do të ndikojë ardhja në fuqi e Partisë Demokracisë së Re e zotit Kostas Karamanlis në përballimin e sfidave kryesore me të cilat ndeshet vendi. Megjithëse Lojrat Olimpike dhe çështja e ishullit të ndarë të Qipros janë dy nga çështjet më të ngutëshme për qeverinë e re, Demokracia e Re do të duhet të pozicionohet qartë edhe për një problem tjetër jo më pak delikat siç është imigracioni. Në Greqi jetojnë dhe punojnë rreth 400 mijë imigrantë shqiptarë. Lidhur me sfidat e qeverisë së re greke, kolegu ynë Ilir Ikonomi intervistoi shefin e shërbimit grek të Zërit të Amerikës, George Bistis.


Zëri i Amerikës: Zoti Bistis, përse votuesit grekë e kërkuan një ndryshim të tillë?

G. Bistis: Do të thosha se përmasat e fitores së Partisë Demokracia e Re flasin për një humbje të qartë të PASOK-ut, partia e cila është akuzuar për arrogancë dhe cinizëm, pas tre fitoresh të njëpanjëshme elektorale. Mendoj se grekët ishin të lodhur dhe kërkonin një ndryshim, prandaj kërkuan ardhjen e Partisë Demkracia e Re dhe të zotit Kostas Karamanlis.


Zëri i Amerikës: Dy nga sfidat e mëdha për zotin Karamanlis tani për tani janë çështja e Qipros dhe çështja e Lojrave Olimpike, përgatitjet për të cilat nuk po shkojnë sipas planit. Çfarë mund të bëjë qeveria e re më shumë se sa qeveria e mëparshme për t’i përballuar këto sfida?


G. Bistis: Nuk është çështja për të bërë më shumë, por për të bërë aq sa të jetë e mjaftueshme që lojrat olimpike të fillojnë sipas planit në muajin gusht dhe mendoj se kjo do të ndodhë. Siç e thatë me të drejtë edhe ju, disa nga objektet olimpike janë prapa me përgatitjet dhe ka patur shqetësime se ndryshimi i qeverisë do të shkaktonte vonesa të mëtejshme. Megjithatë, përfaqësuesit e Partisë Demokracia e Re kanë lënë të kuptohet gjatë gjithë fushatës zgjedhore se kur të vinin në fuqi ata do të intensifikonin përpjekjet për të përfunduar punën që duhet bërë, në mënyrë që Lojrat të zhvillohen me sukses dhe nën masat e duhura të sigurisë.


Zëri i Amerikës: Po çështja e Qipros?


G. Bistis: Çështja e Qipros është mjaft e vështirë. Ajo vazhdon prej 30 vjetësh. Sekretari i Përgjithshëm i Kombeve të Bashkuara u ka kërkuar Greqisë dhe Turqisë të ndërmjetësojnë arritjen e një zgjidhjeje përpara afatit të 1 majit. Do të thosha se zoti Karamanlis diskutoi për këtë çështje me kryeministrin turk, zotin Tayipp Ergohan pas fitores në zgjedhje. Në intervistën e tij të parë dhënë gazetës Korriere della Sera, ai tha se dëshiron të përpiqet për një zgjidhje të drejtë, funksionale dhe të tipit evropian të çështjes. Nuk diskutohet që ky është një problem i vështirë dhe zoti Karamanlis thotë se mund të vështirësohet akoma më shumë për shkak të qendrimit që po mbahet nga udhëheqësi turko-qipriot, Rauf Denktash. Zoti Karamanlis beson gjithashtu se një marrëveshje mund të mos arrihet deri më 1 maj por jam i sigurt se përpjekjet nuk do të mungojnë për arritjen e qëllimit në mënyrë që Qiproja e bashkuar të hyjë në Bashkimin Evropian si një vend i vetëm, pra qipriotët grekë së bashku me qipriotët turq.


Zëri i Amerikës: Le të flasim për problemin e imigracionit. Në Greqi, më shumë se gjysma e imigrantëve të huaj janë shqiptarë dhe natyrisht ata janë të interesuar të dinë se çfarë do të ndodhë me ta tani pas ndryshimit të qeverisë. Gjatë fushatës elektorale, nuk pamë që kandidatët të flisnin me tone të larta për këtë çështje. A është ky një tregues se në politikën greke të imigracionit nuk do të shikojmë ndryshime?

G. Bistis: Së pari, asgjë nuk do t’u ndodhë atyre, meqenëse ju shtruat pyetjen se çfarë do t’u ndodhë imigrantëve shqiptarë. Çështja e imigracionit nuk është thjesht një çështje greke. Bashkimi Evropian ka orientimet e tij që ndihmojnë për rregullimin e këtij problemi dhe Greqia nuk mund t’i ndryshojë dot këto orientime pavarësisht nëse i pëlqen ose jo. Pra nuk duhet pritur ndonjë ndryshim përsa u përket imigrantëve, sidomos imigrantëve shqiptarë. Megjithatë, duhet të presim për të parë politikën e përgjithshme të qeverisë së re. Ne dimë se njëri ndër tre synimet strategjike të zotit Karamanlis është përmirësimi i gjendjes së paqes dhe qendrueshmërisë në Ballkan. Natyrisht, synimi numër një është mbrojtja e interesit kombëtar të Greqisë dhe objektivi i dytë është përmirësimi i imazhit të Greqisë dhe i ndikimit të saj në Bashkimin Evropian. Por synimi i tretë strategjik dhe shumë i rëndësishëm i zotit Karamanlis, është përmirësimi i marrëdhënieve ndërmjet vendeve të Evropës juglindore. Ai e pranon se gjatë 10 viteve të ardhshëm do të ketë ndryshime shumë të rëndësishme në rajon dhe ai synon që Greqia të luajë një rol të dorës së parë in këto ndryshime. Ai kërkon marrëdhënie të fqinjësisë së mirë, bashkëpunim më të mirë midis vendeve të rajonit, respektimin e të drejtave të njeriut dhe të demokracisë dhe së fundi një zgjidhje paqësore të të gjitha çështjeve ekzistuese ose që mund të dalin në të ardhmen.

[ganoid]

Problemi pse ballkani ka ngele mbrapa eshte se jemi shume nacionalist.
PASOKu (partia qe pas 81 ka monopolizuar pushtetin ne Greqi) u mundua ta ulte dozen e nacionalistve dhe per kete greqia ka ecur me para se vendet e tjera te ballkanit.

Serbia dhe Kroacia qe edhe pse ishte vend komunist rreth viteve 80 kane qene vende me nje ekonomi qe pa frik mund te thuash se matej me nivelin e Greqise. Por per shkak se ne krye te qeverive erdhen ca nacionalista ne vitet 90 ato filluan luftrat bashke me njera tjetren dhe pas kesaj Serbia nuk u mjaftua me kaq por luftoi edhe ne Kosove. Shikojeni ku eshte Serbia me Kroacine sot.
Pra asgje tjeter vec nacionalizmit te tepert nuk i coi ne kete gjendje.

Nuk thone kote ne Evropen perendimore (sidomos ne France)se "ballkanasit jane nacionalist injorant".

Udheheqsit e PASOKut e kuptuan dhe e cuan Greqine te udheheqi 3 here EU-ne. Kjo do te thote qe Greqia ka qene shume e pjekur.

Nqs qeveria e ND do te ndryshoje kurs dhe do ti uli tonet e nacionalizmit atehere mendoj se mund te kete shance per te bere dicka per vendin e tyre. Nese do te vazhdojne te ndjekin kursin qe kane atehere jo vetem bota nuk do ti doje por edhe vete populli grek ne zgjedhjet e ardhshme do ta bejne ND te flasin me vete.

Edhe dicka per individet qe e mbajne veten per politikane... Ne Evrope po fitojne partite e djathta si nevoje rotacioni. Per ata qe se kuptojne fjala rotacion do te thote qe -po ndenji uji per shume kohe pa levizur atehere qelbet, prandaj duhet te nderrohet me uje te fresket-.

[Dita]

Mariglen,

Kush ka goje te flase e te thote

"ballkanasit jane nacionalist injorant"

aman o Zot???

Francezet??!!

Kjo eshte t'ia marresh te qeshurit me te madhe e te mos pushosh me ore te tera.