Perla

[Diabolis]

I keni dëgjuar si këngë. Do ti dëgjoni dhe më në dhjetra interpretime, pse jo do ti këndoni dhe vetë. E për ti dhënë përgjigje atij mendimit të beftë "kush ta ketë shkruar vallë?", po sjell një pjesë prej tyre. Njëheri po vendos dhe origjinalin.

Po e nis me të preferuarën time:

Th. Avrami

Dëshërim' i Mëmëdheut

Dua mëngjezet e Majit
Kur këndon bilblil' i bukur
Kur fryn erëza e malit,
Dhe qarku ësht' i çkuqur.
Dua luletë të fushës,
Në mëngjes kur janë me vesë,
Doçkat e bardha të çupës
Që vete me vrap t'i presë.
Dua fluturën krahëshkruar
Që bar mi bar, lule mi lule,
Shëtit dyke fluturuar
Dhe ju pi vesën e tyre,
Dua natënë ndë verë
Kur të ndritin yjtë e artë
Kur fryn Zefiri me erë,
Dhe çdëfrenj zemrën e zjartë.
Zoqtë q'ëmbël ligjërojnë
Ndë lisat mbushur me fletë,
Oh! sa gas mua më bëjnë,
Për atë zotn' e vërtetë.
Po nga gjith ato më parë
Dua më shumë Shqipërinë,
Dua të vej' ajo mbarë,
Dhe për jetë të ket lirinë.

[Diabolis]

Thanas Floqi

O trima luftëtarë

O trima luftëtarë!
O bijt' e Skënder-beut!
Kërkoni Shqipëtarë
Lirin e mëmëdheut.

Se mjaft në rrobëri
Voj e mjera Shqipëri!
O djem rrëmbeni pushkat
E a vdekje, a liri

Sot lipset me flamurë
Malit të dalimë
Për mbi shkëmbinj e gurë
Liri të ngjallimë.

Se mjaft në rrobëri
Voj e mjera Shqipëri!
O djem rrëmbeni pushkat
E a vdekje, a liri

S'ju ren o shok kjo jetë
S'ju ren kjo robëri
Qysh e duroni vetë
Shqipërinë pa liri.

Se mjaft në rrobëri
Voj e mjera Shqipëri!
O djem rrëmbeni pushkat
E a vdekje, a liri

Ju mbetet nënë zgjedhë,
Kur bota lulëzon;
Po Shqipërin' e mjerë
Zemra s'ja u kujton!

Se mjaft në rrobëri
Voj e mjera Shqipëri!
O djem rrëmbeni pushkat
E a vdekje, a liri

[Diabolis]

Kol Tromara

Sa të ronjë gjithësia

Sa të ronjë gjithësia
sa të rronjë gjithë dheu
Do të rronjë Shqipëria
Edhe emr' i mëmëdheut!

Nënë ty të le shëndenë
Se shoknia po më pret!
Falmë nëno pra bekimnë
Se trumbeta po thëret.

Se detyr' e djalërisë
Është lufta për atdhe,
Për nderë të Shqipërisë
Dëshmimtar vete të vdes.

[Diabolis]

Hil Mosi

Lamtumirë

S'të ardhi pak liksh, "lamtumir" kur më the?!
S'vajtove ti ndofta atë çast që më le?!
Shpirti im se sa më le në mallëngjim!
M'u largove e ike lark atje në mërgim!

Fort lark ti ke ikur, fort lark po jeton,
Kto pyje këto male ti më s'i kujton?!
I harrove tinë të tëra ndofta sot?
S'i kujton si kundër i kujtonje një mot?

[Diabolis]

Lul' e bukur

Lul' e bukur po si djelli,
Kush të mbolli ty këtu?
Më ka mbejll im Zot nga qielli
Për të ndritur mënt e tu!

Lum aju njeri i urtë,
Që më sheh e më beson!
Vet vetiu un s'kam mbirtë
Lum ay që e kupton.

I pa besi le të thotë!
Që kam mbirë prej vetiu.,
Dhe shkon jetënë të zezë
Pa shpresë gjithë në zi!

Mua Zoti më ka mbejllë
Çdo i urt e kupëton,
Le të msojnë ç'do i pjellë
Një mësim, që të larton!

[Diabolis]

Të gjithë ne o djema

Të gjithë ne o djema
Të japim dorënë,
Se neve jemi shokë
Me bes' e dashuri

Eja mblidhuni këtu (3 herë)
Bashkë me ne.

Të gjithë ne o shokë
Të japim fjalënë,
Për të mjerën nënën tonë,
Të bëjmë mirësi.

Eja mblidhuni ett (etj)

Se fjala tonë është
Liri për Shqipëri;
Ahere flamuri ynë
Ç'këlqen e mbretëron.
Eja mblidhuni këtu, këtu, këtu ...

[Diabolis]

Fjalë prej Refo Çapari Muzikë prej Th. Nassi

Himn' i Vatrës

Vëllezër u dërmua
Ersir e skllavërisë
Lindi me dirsë nderi
Një djellë plot gëzim
Vatra kështjell e dashur
E mëm e Shqipërisë
Me dashuri na mblodhi,
Reth vatrës në mërgim.
Për dashuri dhe për bashkim
Reth vatrës të pa ndarë
Bashkohuni më një mjetim
Si burra Shqipëtarë. (2 herë)

[Diabolis]

Fjala R. Qyteza Muzikë Th. Nasi

Këng' e Mullirit

Dielli vërtitet bota rutullon
Mi jetën tonë koha po kalon
Vit dhe shekuj shkojn e s'kuptohen
Mjerisht si njerzit vdesin harohen

Uji vërtitet guri rutullon
Dit edhe natë mulliri punon
Grur' edhe misër ven e dërmohen
Mjell edhe brumë bukë gatohen

Valleja

Rith o ujë fry moj erë
Vërtit gurrë si nga herë
Rith dhe fry shum me të shpejtë
Bëje mjellë të dollë e të lehtë.

[Diabolis]

(Zëri prej M. Bellk.) Lulo Malësori

Dhe mjafton

O! ti të cilën zemra ime
Në çdo trokitje të kujton
Vështrimnë tënd hith një thërime
....................Dhe mjafton.

O! ti që shpirti në psherëtimë
Me të pa anë gaz emnon,
Shtrëngomë dorën një thërime
....................Dhe mjafton.

O! ti që syri, nër lotime
Të bukurin sy tënd kërkon
Shëkomë ëmbël një thërime
....................Dhe mjafton.

O! ti që e shkreta buza ime
Me dëshërim të dëshëron
Nëm Buzën tënde një thërime
....................Dhe mjafton.

[Diabolis]

L. Llogori

Çelu çelu!

Mos u helmo që do ikinj
Se zemrën time t'a le,
Prej teje s'munt të më çqitin,
Veç vdekja mi këtë dhe.

Syr' i zi yt më ka lidhur
Dhe sa do lark që të jem,
Ndë zemër do rosh e ndritur
Ndë mendje tynë do kem.

Çelu Çelu! mos ri sëndisurë! (Ref)
Ti je lindur për dashurië;
Mos e hump atë bukurië!
Çelu Çelu! Mos ri sëndisurë!
Syt e tu lëshojnë lot,
Zemra time s'i duron dot.

Bilbili këndon mengjezë,
Dhe unë për tynë këndoj,
Luletë kërkojnë vesë
Dhe unë tynë kërkoj,
Kur djelli puth trëndafilë,
Dhe çelet, ndrit, zbuluron;
Un kam zili, dhe bilbilë
Pa ty, ah! s'mund t'a dëgjonj.

Çelu, çelu, etj.