Rezoluta çame: Kuvendi refuzon shqyrtimin, Rama: Do nxjerrim nje rezolute alternative

[EDLIN]

Po sjell dy artikuj me kendveshtrime te ndryshme per rezoluten....

Përse rezoluta e PDIU-së nuk duhet të vijë në Kuvend

KOSTA BARKA

Ka disa kohë që në vendin tonë janë shfaqur disa re nacionaliste. Menjëherë pas tyre, në horizontin politik u shfaq një rezolutë, e cila po trazon jo thjesht ndërgjegjen tonë politike, por vetëdijen dhe emocionet e qytetarëve shqiptarë.
Hartimi dhe prezantimi në mjediset politike i kësaj rezolute, e cila për fat të mirë nuk ka gjetur akoma shtegun për në Kuvendin e Shqipërisë, shkon ndesh me strategjinë kombëtare të vendit, si edhe me vizionin kombëtar për t’u bërë pjesë e familjes së kombeve dhe qytetarëve europianë.
Shqipëria, mjediset politike, institucionale, diplomatike dhe qytetare, po gjenden para një retorike nacionaliste, në mënyrë jo krejt të papritur. Kjo retorikë, rrënjët dhe motivet e së cilës nuk është e vështirë të konstatohen, nuk cenon vetëm objektivin të cilit i drejtohet, por parimin e Europës së Bashkuar për fqinjësi të mirë. Me këtë retorikë, më vjen shumë keq që e them publikisht, nuk mund të shkojmë në Europë. Dhe në vend që ta lehtësonim pozitën tonë para institucioneve europiane, e rëndojmë atë më keq, duke hapur plagë të vjetra, të cilat më mirë do të ishte t’ia linim kohës dhe historisë. Në Europë nuk shkohet me kujtesën dhe fiksimet e së kaluarës, me shenja të rrezikshme etnocentriste, por me aspiratat e së ardhmes.
Fakti që disa dhjetëra apo edhe qindra qytetarë shqiptarë kanë probleme individuale pronësore me Greqinë, nuk do të thotë se problemet e tyre individuale të shndërrohen në një çështje politike e shtetërore. Ky episod, i krijuar prej grindavecësh nacionalistë, apo të kauzave të tjera jashtë kohe, mund të cenojë marrëdhëniet midis Shqipërisë dhe Greqisë, si edhe marrëdhëniet e vendit tonë me institucionet dhe organizatat ndërkombëtare. Në vend që të bëhemi europianë të emancipuar dhe t’i zgjidhim çështjet civile e pronësore me mekanizmat ligjore, në bazë të standardeve europiane, bëjmë të kundërtën: i tregojmë Europës se ne, për çdo çështje e problem që kemi, do të kërkojmë patjetër implikime të marrëdhënieve ndërshtetërore, grindje, insinuata, sulme mediatike e mbrojtje diplomatike, tërheqje pas sulmeve të panevojshme, të cilat si zakonisht, në këtë fshat të botës përfundojnë me ndërhyrje të ndërkombëtarëve. A nuk mund të jemi më të qetë ne, popujt e Ballkanit, dhe a nuk mund të kontribuojmë më shumë për këtë qetësim ne, shqiptarët?
Retë e sotme nacionaliste në qiellin shqiptar, fatmirësisht ende jo në Kuvend, nuk prodhohen vetëm nga pasionet e vjetra, por edhe nga motivet e reja elektorale. Ishin këto motive që i detyruan punonjësit e disa institucioneve shtetërore të protestojnë, duke i grumbulluar me lista detyruese, në mënyrë të çuditshme dhe të panevojshme, para ambasadës së një vendi fqinj. Këtë unë nuk mund ta quaj as patriotizëm, as nacionalizëm. Këto veprime e kanë emrin patrio-nalizëm për bukën e gojës. Le të mos i përdorim nëpunësit korrektë shtetërorë as për të vënë në grindje popujt, as për të grumbulluar vota. Le të marrim secili votat që meritojmë, pa u fshehur pas praktikave të vjetra ballkanase dhe provinciale. Në një rajon normal, një situatë e tillë mund të kishte prodhuar incidente diplomatike dhe shtetërore. Si mundet që nëpunësit publikë të një vendi të grumbullohen për të përfolur e akuzuar qeverinë e një vendi mik? Kësaj pyetjeje duhet t’i japin përgjigje organizatorët.
Ndërsa me pretendime të tilla për gjasme gjenocid etj. ekspozon keqseriozitetin e Parlamentit dhe politikën e jashtme të vendit tonë, për arsye se nuk plotësojnë asnjë kriter e standard për të qenë të tilla. Ne i kemi parasysh raportet e krijuara midis Turqisë dhe Armenisë. Kjo e fundit, vështirësohet të fitojë njohjen si gjenocid zhdukjen e milionave armenëve, për shkak të kombësisë e besimit të tyre.
Shtytësit dhe frymëzuesit e këtyre pasioneve dhe veprimeve, jam i bindur që nuk janë të kthjellët për pasojat e tyre. A e mendojnë se shteti ynë do të vihet në pozitë të vështirë nëse edhe pala greke, e detyruar nga kësi logjikash, do të na përgjigjet me të njëjtën monedhë? Nëse vendos të nxjerrë nga arkivat e veta, deri tani të mbyllura e të lëna së kaluarës së kapërcyer, fakte e ngjarje komprometuese faji, e ndoshta edhe krimi, për njerëz e grupe njerëzish, të cilët me këtë rezolutë ne duam t’i shndërrojmë në martirë.
Komuniteti grek në Shqipëri, për asnjë moment nuk është kthyer në pengesë për vendin. Përkundrazi, grekët e Shqipërisë janë një kontribuues vlerash në rrugën e Shqipërisë drejt familjes europiane, ku do të ndihemi e jetojmë më mirë të gjithë, shqiptarë e grekë, pa rezoluta të panevojshme, pa re në qiellin e kaltër të miqësisë midis popujve, pa gjyle nëpër këmbë. Duke vështruar jo prapa, por vetëm përpara.
*Deputet i PD


Burimi: http://www.panorama.com.al/2012/12/1...#ixzz2F9m1NXsf

[Akili-A]

C'te te them me shume nga emri qe i ve vetes... mo !!

po si mund te pretendosh te marresh troje qe nuk jetojne shumice shqiptare??? dhe e quan patriotizem kete gje?

[EDLIN]

Përse rezoluta duhet të votohet së pari nga z. Barka
VJOLLCA BRAHO

Replikë me shkrimin e Kosta Barka: “Përse rezoluta e PDIU nuk duhet të vijë në Kuvend”

Në fund të vitit 2012 është shumë emocionuese teksa sheh që çështja çame nuk është më thjesht dëshirë e një grupi njerëzish, e një partie politike, por e një pjese të shëndetshme të shoqërisë shqiptare, e cila tashmë e sheh problemin e shqiptarëve të Çamërisë si problem të dinjitetit të mbarë shqiptarëve. Natyrisht, nuk ka qenë aspak e lehtë të mbërrijmë në këtë pikë, ku jo vetëm dijenia, por edhe faktet mbi kërkesën e drejtë janë pjesë e njohur e shoqërisë shqiptare, që e ka mbështetur.
Askush nuk e ka menduar që një rezolutë për të zgjidhur këtë çështje mund të kalojë lehtë, pasi raportet diplomatike të zgjidhjes nuk ecin me të njëjtin emocion si ato të shoqërisë. Por është tërësisht absurde që nga anëtarë të Kuvendit të shohësh gati-gati kërcënueshëm, një kërkesë që një rezolutë e tillë të mos mbërrijë përpara të zgjedhurve. Natyrisht, kauza që ka zgjedhur Kosta Barka të mbrojë, që nuk duket fort e lidhur me minoritetin, mund ta detyrojë atë të shkruajë lidhur me një model zgjidhjeje duke pasur në raport rëndësinë e marrëdhënieve me Greqinë, si dy popuj jo vetëm fqinj, po ku bashkëjetojnë shumë bashkatdhetarë.
Si përfaqësues i pakicës greke, pjesë e pandashme e shoqërisë shqiptare dhe bashkëqytetarë të nderuar, prisja votën e parë pozitive për rezolutën për çështjen çame nga z. Barka. Sepse, si përfaqësues i një minoriteti, ai e di shumë mirë që shumica ka në dorë shumë hapësira për ta diskriminuar pakicën. Një ndër arsyet se përse jam krenare për kombin tim, është pikërisht fakti se shqiptarët e kanë respektuar historikisht minoritetin, madje figura që sot mund të quhen figura kombëtare, si Panajot Pano, Irini Qirjako, etj., i përkasin po aq shqiptarëve sa edhe minoritarëve dhe janë shembulli tipik i tolerancës së ndërsjellë.
Ndryshe ka ndodhur me shqiptarët e Çamërisë. Ata janë dëbuar, vrarë dhe masakruar, 20 për qind e tyre u shfarosën në fund të Luftës së Dytë Botërore dhe të gjithë të tjerët u dëbuan dhunshëm për në Shqipëri. Ky fakt i thjeshtë tregon se përse fjala gjenocid është e vetmja që mund ta përshkruajë atë çfarë ka ndodhur. Për më tej, si deputet i Kuvendit të Shqipërisë nuk prisja që z. Barka të kundërshtojë (qoftë larg të mos jetë njohur!) me ligjet e këtij vendi, që prej vitit 1994 dënojnë mbi gjenocidin e shqiptarëve të Çamërisë.
Për një ruajtje të marrëdhënieve të tilla me Greqinë janë natyrisht edhe shqiptarët e Çamërisë, të cilët kërkojnë vetëm të drejtat më elementare të njeriut, për të rivendosur në vendin e duhur atë që i takon. Por, të përdorësh si kërcënim hapjen e dosjeve, siç ka përdorur dje z. Barka në një shkrim në gazetën “Panorama”, kjo është një tejkalim i dukshëm i të gjithë kufijve diplomatikë dhe etikë, duke bërë modelin më të keq të zëdhënësit të atyre që nuk e dëshirojnë dhënien e kësaj të drejte elementare.
Për çfarë arkivash flet z. Barka, për ato vrasje, dhunime, plaçkitje e përzënie që kanë bërë Zervat me shokë? Sepse, nëse hapen arkivat, peshorja negative do të rezultojë nga ata që mbron z. Barka, sepse faktet janë atje, ndërsa lotët i kanë numëruar familjet e shqiptarëve të Çamërisë në çdo shtëpi.
Për më tepër, ai, më shumë se kushdo duhet të kërkojë zyrtarisht që Greqia të heqë Ligjin e Luftës, të mos diskriminojë askënd në librat shkollorë, të restaurojë pronat te pronarët e ligjshëm, të restaurojë shtetësinë tek ata që e kanë pasur, e të gjitha të drejtat e tjera që janë themelet bazë të konventave ndërkombëtare të të drejtave të njeriut. Këto janë vlerat europiane, të cilat të gjithë rrekim të arrijmë. Nuk është vlerë europiane kërcënimi, nga askush, as nga shtete, as nga zëdhënës të tyre. Kjo rezolutë e sjell më afër integrimin e Shqipërisë në BE jo vetëm për nga vlerat që mbart, por edhe sepse Greqia, për një sërë arsyesh, të cilat ia rezervoj vetes të drejtën t’i trajtoj në një shkrim tjetër, pikërisht për shkak të kësaj rezolute, nuk do ta pengojë integrimin në BE. Megjithatë, pavarësisht rastësive politike të z. Barka, që hyri në skenë si lojtar rezervë, shqiptarët janë të bindur se ai është zë i vetmuar, që mund të marrë vetëm mbështetje brenda llojit të vet, që nuk përkon me minoritetin, e më afër Athinës. Sa për kujtesë, mjafton që zoti Barka të kthehet dhe të shohë votat që ka marrë PDIU vetëm në qarkun e Vlorës, ku edhe ai është shpallur deputet që të kuptojë më saktë sa shumë e duan të gjithë shqiptarët zgjidhjen e çështjes çame, çka do t’i japë edhe një panoramë më të qartë të faktit se kjo parti nuk ka nevojë për mbështetjen e “detyruar me listë” të punonjësve të administratës shtetërore për të mbrojtur kauzën që përfaqëson. E, në fakt, kjo ka qenë politika që politikanët e tipit Barka ia kanë arritur në vite, duke bërë presion në emër të marrëdhënieve të mira, në emër të bashkëqytetarëve tanë që jetojnë e punojnë në Greqi. Por tashmë duket se është jo vetëm një minorancë, por edhe i vjetruar në modelin e tij të presionit, pasi shqiptarët tashmë e kanë mbështetur hapur një kauzë të tillë. Dhe kjo kauzë nuk mund të mbetet peng i asnjë emri, qoftë edhe ndonjë çam që mund të ketë qenë pjesë e ndonjë bashkëpunimi kundër qytetarëve grekë, shqiptarë apo kushdo qofshin.
Rezoluta çame është sot në emër të dinjitetit, është pjesë e shumicës së shqiptarëve. Çamët nuk vijnë përmes kësaj rezolute si viktima, por në emër të dinjitetit, përmes të cilit gjithkush duhet të kërkojë atë që i takon në emër të moralit njerëzor.


Burimi: http://www.panorama.com.al/2012/12/1...#ixzz2F9nCc789

[Albo]

Megjithate rezoluta duhet te miratohet ajo eshte si nje test ndaj forcave politike ne shqiperi dhe Greqi, do te tregoje realisht nese egziston nje "Miqesi" - (nenkupto vasalitet) apo nje MIQESI reale.Me beso, une kam bindjen se kjo rezolute eshte hapi i pare per nje Miqesi reale..
Hapi tjeter qe Greqia te fitoje besimin e shqiptareve eshte njohja e Kosoves dhe denimi i qendrimeve pro Sllobo.. qe ajo mbajti ne keto vite, vetem atehere shqiptaret do ta shohin ate jo si nje varrmihese por si nje mike te vertete dhe te natyrshme...

Perse ambasada turke ne Tirane nxjerr nje rezolute te tille ne Kuvendin e Shqiperise ne kete moment?

Sepse deshiron qe te pengoje me cdo kusht anetaresimin e Shqiperise ne BE, kur ajo eshte me prane se kurre per te arritur kete gje. Dhe kerkon ta realizoje kete gje duke nxitur tensione te paqena mes Tiranes e Athines, me qellim qe Greqia te detyrohet te vendosi veton e saj per anetaresimin e Shqiperise ne BE, gje qe nuk e ka bere deri me sot. Kur Greqia te vendosi veton ne BE per pranimin e Shqiperise ne BE, Turqia i arrin te dy objektivat e saja: a) mbajtjen larg te Shqiperise nga BE b) tensionimin e maredhenieve shqiptaro-greke dhe gjithcka qe eshte arritur mes ketyre dy vendeve ne 20 vitet e fundit. Rezoluta e cameve ne Kuvendin e Shqiperise ka pikerisht kete objektiv qe te shtyje palen greke te vendosi veten e te bindi vendet evropiane perendimore se shqiptaret jane nje popull qe nuk eshte i sinqerte ne kerkesen per anetaresim ne BE por kerkon me cdo kusht qe te destabilizoje rajonin duke bere kerkesa ndryshimi kufijsh ndaj vendeve fqinje.

Pune e madhe se ngelet Shqiperia jashte BE, ne na duhen "pronat came" apo jo?!

Albo

[BLEDI_SH]

hahhahaha,ketij i dalin turqit ne enderr ,gjithsekundi shikon turq,po greku mo qe nuk e ka njohur akoma kosoven?qe dhe gjate luftes atje athina ishte pro serbeve madje bente dhe koncerte per ta?

[EDLIN]

Dhe kerkon ta realizoje kete gje duke nxitur tensione te paqena mes Tiranes e Athines, me qellim qe Greqia te detyrohet te vendosi veton e saj per anetaresimin e Shqiperise ne BE, gje qe nuk e ka bere deri me sot.

Gje qe Sali berisha e ka blere shume shtrenjte... sa mund te ngelen pika ku proçesi mund te mbetet irreversibel..

[Ziti]

genocidi i cameve duhet te njihet se pari nga gjermania ashtu si njohu franca genocidin e armeneve. por duket qe gjermania akoma s`ka bithe te kapet me francen dhe rusine.
duhet kohe.

[freeopen]

nuk mund ta quash pushtim kur a) nuk ishe shtet, por perandori otomane. b) nuk kishe as 20% te popullates pasi shumica ishin grek, por edhe camet ortodoks e quajten clirim ardhjen e ushtrise greke ne thesproti.


c) ajo ILIRIDA cfare eshte???

Akilo po perdor menyren e te shprehurit te dikujt tjeter jo timen prandaj mos e merr per keq.
Qe ta mesosh njehere e mire ate clirimin e Camerise nga greket se ti nuk e di akoma,shih kete dokumentar nga ''Istituto Luce'' dhe kushtoi rendesi dhe vemendje nga min 6: 45 deri ne min e 10-11. Ka dhe te tjera gjera interesante ne kete dokumentar por ti mos u zgjat.

[Akili-A]

sa shqiptare jetonin ne cameri ne 1912???? nuk e di njeri ta thote????

[freeopen]

sa shqiptare jetonin ne cameri ne 1912???? nuk e di njeri ta thote????

Nuk ka rendesi sa shqiptare jetonin.
Pyetje pa kuptim dhe qe nuk do pergjigje po te vesh trurin ne pune.