Ndjehuni të detyruar: VOTONI - Eurovision

[Dreamer]

per te gjithe ata qe nuk mund ta shikojne ne stacione lokale apo ne satelit

po e transmenton www.eurovision.tv live - nji tash - me cilesi shume te mire

Shqiperia eshte numur 13

[marsela]

un e ndoqa pjesen me te madhe te festivalit dhe Anjezen dje..kenga smu duk aq e keqe sa cpershkruhej por serisht jo me mira qe mund te paraqisnim..do te kisha preferuar me mire ndonje te tipit "EJA"me me teper motive shqiptare.
me pelqeu jashtzakonisht skena dhe paraqitja skenike e shumices se kengtarve dhe grupeve..kenget skishin ndonje nivel kushedi se cfare..te pakten ato qe degjova une!sedi nese u vendos kush kalojne ne finale??

[Dreamer]

anjeza kaloi ne finale sic kaluan edhe nja dy keng te shpifura si ajo e hollandes

akustika besoj per shkak te skenes/?stadiumit? ishte skandaloze ... kengetaret duhet te gerthisnin qe te degjoheshin mbi muziken, duhet te bejn dicka ne lidhje me kete per finalen te shtune

[Qerim]

Ketu Anjeza "on stage".

[Qerim]

Ja edhe formacioni komplet shqiptar.

[Duke_Of_Arberia]

Edhe une dje e ndoqa gjysemfinalen. Te them te drejten mbas videos qe pashe dhe komenteve te ndryshme nuk mendoja qe do te arrinim ne gjysemfinale. Por kur Anjeza doli ne skene ajo shkelqeu, shpertheu tamam ne momentin e duhur. Kenga me pelqeu, ndoshta me ndonje kenge me ritmike Shqiptare mund te arrijme sukses ne te ardhmen.
Ndoshtja veshja e Anjezes linte pak per te deshiruar, megjithate duhet theksuar dhe njehere qe Anjeza qenka me te vertete e e talentuar.
Shpresojme ne nje vend sa me te mire te Anjezes!!!!

[Qerim]

Dikush ketu thoshte se edhe Deen-i bosniak ka origjine shqiptare.

[Dita]

Sa lehte qe shpallen njerezit shqiptare. Ambrida nga e kishe informacionin qe ke sjelle ne kete teme?

Deen = Fuad Backovic, lindur ne Sarajeve ne 1982 .... me shume per biografine e tij KETU

[BOKE]

Sa lehte qe shpallen njerezit shqiptare. Ambrida nga e kishe informacionin qe ke sjelle ne kete teme?

Deen = Fuad Backovic, lindur ne Sarajeve ne 1982 .... me shume per biografine e tij KETU

Festivali Evropian

Anjeza Shahini ka marrë telefonatë urimi nga kryeministri shqiptar, Nano e bashkëshortja e tij. Nano është shprehur se ky vlerësim që i është dhënë Anjezës në Eurovizion tregon se ne jemi të denjë për Evropën...

Nipi i kampionit të peshëngritjes, Faruk Kalleshit, përfaqëson Bosnjë-Hercegovinën në Evropian


Dy shqiptarë finalistë në Eurovizion
Kush është Fuad Backovic dhe rrënjët e tij në Shkodër


Admirina Peçi

Anjeza dhe "imazhi" shkojnë në finale

Anjeza Shahini ka fituar të drejtën të konkurrojë në natën finale të Festivalit Evropian. Ditën e shtunë, më 15 maj, ajo do të konkurrojë krahas shumë këngëtarëve të njohur evropianë për të synuar çmimin e madh të këtij festivali. Mbrëmë, në konkurrimin e natës gjysmëfinale ajo është pritur mjaft mirë nga spektatorët që e ndqinin festivalin në sallë, si dhe nga shumë televotues të cilët i siguruan asaj kalimin e kësaj prove të parë në Eurovizion. Ndërsa rezultatet deri mbrëmë në mesnatë në votimin online e kanë renditur Anjeza Shahinin në vendin e dytë.

Me këngën "Imazhi yt" Anjeza Shahini ka konkurruar mes 22 përfaqësuesve nga e gjithë Evropa. Sipas rendit të konkurrimit, Anjeza ishte e trembëdhjeta konkurrente dhe është shoqëruar në interpretimin e saj nga katër miqtë e saj, finalistë të Etheve të së premtes mbrëma, Klajdi Musabelliu, Rosela Gjylbegu, Arbër Arapaj dhe Tergita Gusto. Menjëherë pas kualifikimit në natën finale, Anjeza Shahini ka marrë telefonatë urimi nga kryeministri shqiptar, Fatos Nano, dhe bashkëshortja e tij. Nano është shprehur se ky vlerësim që i është dhënë Anjezës në Eurovizion tregon se ne jemi të denjë për Evropën. Shqipëria Andora ishin të vetmet konkurrente që synonin për herë të parë këtë festival i cili shënon edicionin e 49-të të tij. Në natën finale Anjeza Shahini do të konkurrojë mes 24 finalistëve, ku dhjetë janë të zgjedhurit përkrah saj në natën e mbrëmshme Serbia, Malta, Holannda, Ukraina, Kroacia Bosnjë -Hercegovina, Maqedonia, Greqia dhe Qiproja. Ndërsa 14 të tjerët janë zgjedhur direkt.





Atë e thërrasin Deen. Por emri i tij i vërtetë është Fuad Backovic dhe është një tjetër zë shqiptar që futet në natën finale në Eurovizion.

Ai përfaqëson në këtë festival, Bosnjë-Hercegovinën, por rrënjët e tij të hershme gjenden në Shqipëri, në Shkodër dhe Tiranë ku jetojnë shumë kushërinj të tij. Historia e familjes së tyre është pak e ngatërruar dhe ajo u fut në rrjedhën e ndryshimit menjëhjerë pas Luftës së Dytë Botërore.

"Realisht Deen nuk është shqiptar. Ai i ka të gjithë kushërinjtë e tij në Shqipëri, por rrënjët e tyre të hershme janë boshnjake". Këtë shpjegim të japin në familjen e kampionit shkodran në ngritje peshash, Faruk Kalleshi, i cili është një nga pasardhësit e atij fisi boshnjak që jetoi në Shkodër në lagjen "Dergut" në vitet ´40 - ´50. Ndërsa ndiqte konkurruesit në Eurovizion, përmes transmetimeve në TVSH, Faruk Kalleshi hasi edhe Deen-in e menjehrë mendoi se duhej të përkrahej nga shqiptarët. Ka telefonuar këto ditë në TVSH dhe iu ka kërkuar ta publikojnë këtë fakt. "Nëse shqiptarët brenda Shqipërisë nuk mund të votojnë për Anjeza Shahinin, atëherë le të votojnë për Deen-in", rrënjët e të cilit janë në Shqipëri", tha kampioni i peshëngritjes, Faruk Kalleshi. Në familjen e tij të tregojnë të gjitha degëzimet që pësoi fisi tyre që nga vitet e luftës e deri tani, kur në Bosnjë janë dy pinjollë të kësaj familjeje, shumë të njohur, njëri deputet dhe njëri guvernator. E pas tyre sigurisht vjen Deen-i, fama e të cilit, edhe pse 21 vjeç është për t'u admiruar.

Rrënjët e Deen-it në Shkodër
Ata kanë jetuar në Shqipëri në kohën e Luftës së Dytë Botërore. Ishin pesë motra dhe një vëlla, i cili është piëkrisht gjyshi i Deen-it. Quhet Murat Backovic dhe u largua nga Shqipëria në ´50-ën, së bashku me njërën nga motrat, Fadilen, e cila tashmë nuk jeton më. Ndërsa katër motrat e tjera Atlia, Hylemja, Elmazja dhe Nadirja, mbetën në Shkodër. Përveç Atlisë tri motrat e tjera jetojnë ende, dhe shpesh mundohen të lidhen me pjesëtarët e tjerë që jetojnë prej vitesh në Bosnjë. Në familjen e kampionit Faruk Kalleshi rrëfejnë se, pas largimit nga Shqipëria, Murat Backovic u martua me një malazeze, që i kishte rrënjëjt në Shqipëri, me të cilën lindi dy djem, babain e Deen-it, i cili quhet Zaim, dhe xhaxhain që quhet Enver. Tashmë babai i tij, Zaimi, është deputet në Parlamentin e Republikës së Bosnjë -Hercegovinës, ndërsa xhaxhai i tij, Enveri, është guvernator i Bankës së Sarajevës. Kur lindi Deen-i, babai i tij këmbënguli dhe i vuri emrin Fuad, si vëllai i Faruk Kalleshit, i cili tashmë jeton në Shkodër. Kjo për të mos i shkëputur lidhjet e vjetra.

Një yll muzike 21 vjeç
Deen i hodhi hapat e parë drejt muzikës kur ishte vetëm 12 vjeç. Në këtë moshë bëri regjistrimin e këngës së tij të parë në "Studio number 1", me të cilën u vlerësua nga kritika si një talent me të ardhme. Në ´97-ën Deen mori një propozim nga Gordan Radic-Gogi, lideri i "Seven Up", për t´u bërë lideri i bandës së tij muzikore. Ai e pranoi ofertën dhe, për pesë vjet, me "Seven Up" nxori në treg dy albume të titulluara "Hap sytë" dhe "Seven". Suksesi i grupit nuk mbeti vetëm brenda tregut muzikor në Bosnjë, por u përhap edhe në vendet fqinje, ku morën dhe shumë çmime. Në '98-ën, për shkak të aftësive të tij të jashtëzakonshme vokale, Deen mori një ofertë nga Teatri i Operas në Bosnjë për të pranuar rolin e këngëtarit kryesor te "Carmina Burana". Pranimi i kësaj oferte i dha rastin të tregonte të gjitha aftësitë e tij si një tenor lirik. Me këto aftësi vokale ai u rendit shumë shpejt ndër artistët më prestigjozë në ish-Jugosllavi, krahas Davorin Popoviçit, Kemal Montenos, Hajrudin Varesanoviçit - Hari Mata Hari, me të cilët Deen ka kënduar një duet, gjithashtu edhe me këngëtaren e bukur kroate me të cilën realizoi hitin "Poljubi me" ("Kiss me") "Puthmë" dhe, në fund, vitin e shkuar, ai regjistroi një duet me superstarin serb Anabela, titulluar "Ja imam nekog" ("I have somebody") "Kam dikë".

Rruga drejt Eurovizionit
Kjo nuk është hera e parë që Deen synon skenën e Festivalit Evropian. Ai ka provuar të hyjë në garë disa herë në vendin e tij në Bosnjë, për të qenë ai përfaqësuesi i Bosnjës në këtë festival. Në vitin ´98, me grupin "Seven Up" në Bosnjë, ai zuri vendin e dytë me këngën "Daj spusti se" ("Come on, get doën"). Dy vjet më vonë iu kthye kompeticionit si solist dhe zuri vendin e gjashtë me këngën "10 Million Loves". Në 2003-shin ai e provoi sërish fatin me një këngë të titulluaar "Taxi", dhe sërish mbërriti deri në vendin e dytë. Ndërsa këtë vit, më në fund, Deen fitoi të drejtën për të përfaqësuar Bosnjë-Hercegovinën në Eurosong, ku do të synojë fitoren në natën finale.

Në qershor në Shqipëri

Në familjen e Faruk Kalleshit thonë se Deen do të vijë këtë verë në Shqipëri, së bashku me prindërit e tij. Babai i tij, Zaimi, vjen këtu për herë të parë, ndërsa gjyshi i Deen-it ka ardhur edhe herë të tjera. Në familjen Kalleshi kujtojnë një ekspozitë që gjyshi i tij, Murat Backovic ka hapur para shtatë vjetësh te Piramida. Sipas tyre, ai ak qenë drejtori i mobilerisë së famshme "Shipat".

Sukseset e Deen-it

Në moshën 12 vjeçare regjistroi këngën e parë
Albumi i parë i Deen-it si solist është "Jam era e dashurisë"
Ky album u shit deri në 100 mijë kopje
Ai ka fituar disa çmime "Oscar Popularnosti" (Music Oscars) të cilat akordohen nga specialistët e muzikës në Bosnjë
Në 2002-shin ai mori 7 çmime Oskar, ku përfshihej albumi i vitit, singëlli i vitit dhe artisti i vitit
Kush është Fuad Backovic

Fuad Backovic-Deen ka lindur në Sarajevë më 14 prill 1982. Që kur ishte ende fëmijë ai e adhuronte muzikën. Pas saj rendi që në shkollën e mesme. Kur ishte veçse 12 vjeç ai regjistroi të parën këngë, e cila u prit mjaft mirë nga kritika dhe u cilësua një gjetje dhe frymë e re për muzikën boshnjake. Në vitet e shkollës së mesme ai ndoqi shumë mësime muzike ku u fokusua në opera dhe si këngëtar solo. Pasi mbaroi shkollën e mesme në Sarajevë, vendosi të qëndrojë pikërisht në këtë qytet për të vijuar studimet e larta. Zgjedhja e tij ishte pak e çuditshme. Ai vendosi të studiojë Ekonomi, dhe vijon të studiojë këtë fakultet, por për të muzika mbetet një botë më vete, prej të cilës ai nuk mund të shkëputet.

"Panorama"

[Dita]

...dmth...rrenje boshnjake (familja) - jetuar ne Shqiperi (familja) - rikthyer ne vendin e origjines (familja) - lindur ne Sarajeve (djali) - rritur ne Sarajeve (djali) dhe rezultati: ai eshte (ze) shqiptar?

Suksese dhe per Deen!