Timothy Charles Buckley (1947-1975)

[Postmodern]

Timothy Charles Buckley (1947-1975)
Tim Buckley është njëri ndër muzikantët e veçantë amerikanë, një ndër tekstshkruesit e rrallë, ndërsa muzika e tij zakonisht definohet mes rokut e folkut. Vdiq në moshën njëzetetetëvjeçare, i droguar. Ishte babai i kantautorit të njohur Jeff Buckley.
-------------------------------------------------------------------------------------------------------


Tim BUCKLEY

DIKUR ISHA

Dikur isha ushtar
Dhe luftoja në rëra të huaja për ty
Dikur isha gjuetar
Dhe sillja mish të freskët për ty
Dikur isha dashnor
Dhe të kërkoja pas syve tu
E së shpejti do të jetë një tjetër
Që do të thotë se unë isha sall rrenë

Dhe ndonjëherë pyes veten
vetëm për pak
athua do t’më kujtosh

Dhe sado që i ke harruar
Gjitha ëndrrat tona të hamamta
E gjej veten duke kërkuar
Nëpër hirin e gërmadhave
Për ditët kur buzëqeshnim
Dhe orët që i tretëm çmendurisht
Me magjinë e syve tanë
Dhe me heshtjen e fjalëve tona

Dhe ndonjëherë pyes veten
vetëm për pak
athua do t’më kujtosh


UNË KURRË S’KËRKOVA TË JEM BJESHKA JOTE


O kurrë s’kërkova të jem bjeshka jote
Kurrë s’kam kërkuar të fluturoj
A të kujtohet kur erdhe te unë
Dhe më tregoje për rrenat e tia
Ti nuk kuptoje dashuria ime
Ti nuk e di përse përpiqem
E atë ditë binte shi
Dhe mallkuar qoftë arsyeja pse

Peshk fluturues lundron për shkak të kohës
Dhe më flet mbi fëmijën tim
I mbështjellur në përralla të hidhura e mallëngjim
Ai lutet sall për një buzëqeshje
O ai kurrë s’ka kërkuar të jetë bjeshkë e saj
Ai kurrë s’kërkoi të fluturonte

Dhe nëpër syrin e tij vjen dashuria e tij
Që i thotë asaj të mos qaj

Ajo thotë "Babai yt horr fluturon
Me një valltare të quajtur mbretëreshë
E ajo me letrat e saj të vjedhura luan
Dhe qeshë, por kurrë s’fiton"
fëmija ëndërron të jetë në duart e tij
falë shiut
Ama sall gjinjtë e saj shterpë ai i ndien
Ngase qumështi kurrë s’do të rrjedhë

Derisa po vdes s’po më kujtohet
Shiun ku e pashë:
A mund të jetë gazi i saj
Shkak që rashë?
Valltare magjepsëse a do të pushoh,
Pusho e bisedo me mua?
Mos është ndokush tjetër që e ndien
Në ëndrrat tua? ti do, ti sheh:
Në vështrimet e mesnatës
Të kam gjetur larg meje:
Po qe se më udhëheq
Të lutem lermë përdhe

O peshk fluturues
Të lutem valëvitu te dera ime:
Rrenat e mia vërtet mund t’i gëlltisësh
Po qe se nga sytë e mi mund të lexosh:
Secila ka titull
"Po përmbytem drejt teje":
S’mund t’i notoj ujërat tua
E ti s’mund t’i ecësh tokat e mia:
Mbi mëkatet e mia po lundroj
Po ngjitem mbi gjitha druajtjet
E tash së shpejti do të fluturoj

O kurrë s’t’u kam lutur të jem bjeshkë jotja
Kurrë s’kam kërkuar të fluturoj
A të kujtohet kur erdhe te unë
Dhe më tregoje për rrenat e tia
Ti nuk kuptoje dashuria ime
Ti nuk e di përse përpiqem
E atë ditë binte shi
Dhe mallkuar qoftë arsyeja
Dhe kjo është arsyeja

Dashnore e lezetshme, a do të kthehesh
E të më duash sall një çast?
Të lutem merrmë për dore
Lëri të gjitha druajtjet pas

Tepër gjatë kam qenë larg
E tash jam kthyer në shtëpi
Të lutem mos më braktis
Prapë kësisoj

Të lutem eja në shtëpi
Të lutem


FANTAZMAGORIA MË DYSH

Nëse violinisti ta ka luajtur një këngë, loçka ime
E po qe se ta kam dhënë një rrotë
A do të sillesh për zemrën time dhe vetminë
A do të sillesh për dashurinë time

Po qe se heq dorë nga krenaria ime për ty
Dhe të të dashuroj sall për sot
A do t’m’i fshihje druajtjet e mia e kurrë t’mos më thuash
"Nesër më duhet të ik"

Anembanë po bie shie loçka ime
Anembanë mbizotëron frika

Në ma thuash ndonjë rrenë do të qaj për ty
Folmë mbi mëkatin e unë do të qesh
Po t’ma tregoje gjithë dhembjen që ke pasur
Kurrë më s’do të buzëqesh

Anembanë po bie shie loçka ime
Anembanë mbizotëron frika

Qartazi po e shoh se pjesët tona kanë ndryshuar
Dunat tona po shemben
A më duhet të të lus edhe për një ditë
Për ta gjetur dashurinë tonë të vetmuar

Anembanë po bie shie loçka ime
Anembanë mbizotëron frika

Përktheu: Fadil BAJRAJ

[desaparacidos]

Gjynah te shohesh nje teme mbi Tim Buckley me zero pergjigje.

[selfish]

Djalin e tij e kame degju me shume, Jeffi o i papam... Ca thone qe vdekja e tij ishte vetevrasje e ca rastesi

[desaparacidos]

Djalin e tij e kame degju me shume, Jeffi o i papam... Ca thone qe vdekja e tij ishte vetevrasje e ca rastesi

Jeff me pelqen me shume se sa Tim, natyrisht.

Nuk besoj te kete vrare veten, besoj se qe thjesht incident.