Zgjidhja e Krizes Presidenciale

[alumni]

http://www.shekulli.com.al/politika/...ishafton.shtml

Berisha: "Ftoj PS-në që ta hapen sa më shpejt negociatat për një president konsensual"

Berisha ftoi dje kryesinë e Partisë Socialiste që të fillojnë negociatat për zgjedhjen e presidentit konsensual. "Ftoj kryesinë e Partisë Socialiste që të marrë të gjitha masat dhe përgjegjësitë, në mënyrë që të hapen sa më shpejt negociatat për një president konsensual",- tha ai dje në një prononcim për mediat. Ai u shpreh i gatshëm për të bashkëbiseduar me socialistët për këtë çështje. Kryetari i Partisë Demokratike, kërkoi nga socialistët që të fillojnë bashkëpunimin me opozitën, të arrihet në marrëveshje për presidentin konsensual.
Ftesën dhe kërkesën ndaj PS-së, kreu demokrat i bëri pas miratimit nga ana e Parlamentit Evropian të rezolutës së hartuar nga komisioni i jashtëm i këtij institucioni ndërkombëtar, ku ndër të tjera kërkohet zgjedhja e një presidenti konsensual, si një nga kushtet që duhet plotësuar për të hapur negociatat për nënshkrimin e marrëveshjes së stabilizim -asociimit. Berisha pret që nga këto negociata me socialistët, t'i jepet vendit një kandidat për president që të jetë mbi partitë, "për t'i dhënë vendit një president mbi partitë, për t'i dhënë vendit një autoritet". Sipas tij, presidenti autoritar duhet të të luajë rolin e mediatorit me institucionet evropiane për hapjen e negociatave. "Po ta lexoni me vëmendje rezolutën, ajo thotë se duhet një autoritet që të udhëheqë negociatat, dhe nuk është kjo e rastësishme, Evropa do interlekutorin e besueshëm nga shqiptarët për të çuar përpara procesin e integrimit",- deklaroi dje ai.

Berisha ripërsëriti faktin që demokratët nuk kanë një kandidat për president. Ai hodhi poshtë deklaratën e ditëve më parë të bërë nga Ngjela, që presidenti konsensual duhet t'i takojë opozitës. "Unë i përmbahem konceptit të shprehur nga Parlamenti Evropian për një president mbi partitë",- u shpreh ai dje. Përsa i përket rezolutës së miratuar nga Parlamenti Evropian, kryetari i PD-së, bëri të ditur se grupi parlamentar i kësaj partie, do të kërkojë shumë shpejt debat rreth rezolutës. Ky debat, sipas tij, është përcaktuar edhe në rezolutën e miratuar dy ditë më parë, "ku në pikën e fundit të rezolutës Parlamenti Evropian kërkon që këtë rezolutë tua përcjellë autoriteteve në Bruksel, si dhe autoriteteve shqiptare, përfshirë këtu edhe Parlamentin shqiptar". Berisha tregoi gatishmërinë e PD-së për të zbatuar pikat e rezolutës, të cilat asnjëherë nuk mund të zbatohen pa një bashkëpunim me forcat e tjera politike shqiptare.

Komisioni

Berisha premtoi dje se do t'i bindte aleatët e PD-së që të merrnin pjesë në komisionin parlamentar për hetimin e zgjedhjeve. "Po të mungojnë na prishin punë, do të punojmë dhe do të jemi interpret të qëllimeve të tyre, dhe ato nuk kanë një qëllim tjetër veçse nje proces zgjedhor të lirë dhe të ndershëm, dhe këtu jemi të gjithë të bashkuar",- tha kryetari demokrat. Ai vuri në dukje se demokratët do të përdorin tolerancën, dialogun për të bërë të mundur që partitë aleate të mos e bojkotojnë komisionin. Katër parti aleate me PD-në kërcënuan se nuk do të marrin pjesë në komisionin, i cili u votua nga PS dhe PD, pasi sipas tyre ata janë të përjashtuar nga vendimmarrja në këtë komision.
Gilmana Bushati

[Albo]

Berisha ka te gjitha pozitat e favorshme per te levizur lirshem, pasi qendrimi i tij eshte ne nje vije me ate te faktorit nderkombetar. Oferta e tij e mesiperme me shume se nje oferte qe i gezon socialistet, u fut akoma me shume panikun qe po u rritet dita dites.

Qellimi i opozites nuk eshte zgjedhja e presidentit, por mbajtja e zgjedhjeve te reja dhe fitimi i pushtetit me voten e lire. Qellimi i socialisteve nga ana tjeter eshte evitimi me cdo kusht i zgjedhjeve te parakoheshme pasi ne kete menyre ata e mbajne ende pushtetin ilegjitim ne kembe. Fatos Nano kercenon te tijet me "zgjedhje te parakoshme" nese ai nuk zgjidhet president. Ishin pikerisht keta dy aktore, Nano dhe Meta qe inskenuan manipulimin e hapur fare dhe te paimagjinueshem te zgjedhjeve te 24 qershorit te kaluar, dhe kur degjojne deklarata te tilla te Berishes, atyre u hyjne mornica ne turp pasi dine ta deshifrojne shume mire se cfare do te thote nje ardhje e opozites ne pushtet.

Deklarimi i Berishes ne kete menyre, e rrit temperaturen ne rradhet e socialisteve, i jep mesazhin e duhur perendimit, krijon nje imazh te ri tek syte e shqiptareve. Opozita po ndjek rrugen institucionale te zgjedhjes se krizes, edhe pse te gjithe e dime qe institucionet ne Shqiperi drejtohen nga njerez ilegjitime. Koha ne te cilen kjo levizje behet, eshte po ashtu domethenese, pasi jemi vetem pak jave para kalimit te krizes ne kuvend, dhe partia ne pushtet deri me sot ende mendon se mund ta zgjidhi problemin brenda vetvetes.

Ky propozim i Berishes do ta thelloje akoma me thelle krizen brenda partise socialiste pasi Meta do te filloje te beje gjithcka te mundur per te zene kreun e PS-se, ne menyre qe te kete nje fare imuniteti ne politike, nese neser vjen ne pushtet opozita. Kurse Nano nga ana e tij, eshte i pafuqishem dhe i pashprese jo vetem te fitoje presidencen, por edhe te mbaje kryesine e partise socialiste.

Socialistet pyesin me vete:

Kush duhet te negocioje me opoziten, Nano, Meta, katharistet, presidenti, apo Majko? (kjo tregon shkallen e degjenerimit dhe percarjes ne rradhet e pozites)


P.S Do te sugjeroja dicka. Kur hapni nje teme ne forum, do te ishte mire qe titulli te mos perbente komentin tuaj, por te ishte i gjere per ti lene mundesi vizitoreve te shprehin mendimin e tyre ne ceshtjen ne fjale. Komentin tuaj mund ta beni si pergjigje ne teme. Kete sugjerim do tua beje te gjithe anetareve, jo vetem ty.

[Albo]

Deputetë që njihen se bëjnë pjesë në grupin që mbështesin ish-kryeministrin Meta, përmendin nuk e përjashtojnë kandidaturën e Nanos, por janë gjithmonë përkrah kandidaturave të tjera

Skema e kryetarit të PS është që të jetë kandidat i vetëm, por në Komitet pritet të votohet

Metistët: Nano-Meidani sfidë në KPD
Agasi: Kandidatët më parë kalojnë nga Kryesia


--------------------------------------------------------------------------------

TIRANE

Nano dhe Meidani duhet të jenë përballë në garën për president. Pasuesit e ish-kryeministrit Meta përmendin emrin e presidentin aktual si një nga kandidatët për zgjedhjet presidenciale. Ata nuk janë kundër kandidimit të Nanos për këtë post, duke lënë të kuptohet se preferojnë që kryetari i PS-së të masë forcat me presidentin Meidani në këtë garë.

Ata nuk shprehen se kush do ta propozojë Meidain, kandidatura e të cilit nuk është mohuar asnjëherë. Sipas sekretarit të marrëdhënieve publike në PS, Bardhyl Agasi, tre janë momentet ku Meidani mund të shpallet kandidat. Kryesia e PS-së, KPD-ja dhe Kuvendi.

"Para votimit në KPD, kandidatët do të dalin nga kryesia e PS-së", thotë Agasi. Ai shpjegon që, nëse Meidani nuk del këtu kandidat, atëherë presidentit aktual i duhet që të propozohet nga 30 anëtarë të KPD-së, që të hyjë në garë. "Ndërsa në Kuvend duhet që ta propozojnë 20 deputetë", thotë Agasi. Meidani pritet që në mbledhjen e kryesisë, ku do diskutohen kandidaturat, të propozohet nga ndonjë prej anëtarëve të kryesisë. Gjasat më të shumta janë që këtë ta bëjë ish-kryetari i Kuvendit, Namik Dokle. Ndërsa për të siguruar 30 vota në KPD apo 20 në Parlament, për t'u propozuar do të jetë disi e vështirë për presidentin aktual. Kjo do të ndodhë vetëm nëse ai arrin të bëjë ndonjë pakt me ndonjë nga grupimet brenda në PS. Emrin e tij askush nuk e përjashton si kandidat. Vetëm deputetët që janë anëtarë të lëvizjes për pastrim të politikës, vendosën unanimisht për të mos e pranuar kandidaturën e tij. Në emër të kësaj lëvizjeje, Petro Koçi e quajti të papranueshme rizgjedhjen e Meidanit.

Rivaliteti
Deputetë të tjerë që njihen se bëjnë pjesë në grupin që mbështesin ish-kryeministrin Meta, përmendin nuk e përjashtojnë kandidaturën e Nanos, por janë gjithmonë përkrah kandidaturave të tjera. Spartak Poçi thotë se është e drejta e kryetarit të PS-së që të kandidojë. "Ai i ka të gjitha vlerat për këtë", thotë Poçi. Ilir Zela, sekretar i marrëdhënieve ndërkombëtare në Partinë Socialiste, ka të njëjtin mendim në lidhje me këtë çështje, po ashtu dhe ish-ministri i Ekonomisë, Mustafa Muçi. Asnjë nga grupi i madh i deputetëve që mbështesnin Ilir Metën, nuk ka dalë kundër kandidaturës së Fatos Nanos për president. Këtë e kanë bërë vetëm ish-pasuesit e tij në PS, të cilët në asnjë mënyrë nuk dëshirojnë që Nano të kandidojë. Kjo, sipas tyre, do ta implikonte rëndë lëvizjen e tyre, të nisur muaj më parë. "Në opinionin publik do të dukeshim se jemi përdorur", thonë disa prej tyre. Ky problem që kanë anëtarët e lëvizjes për pastrim në PS, duket disi moral, por i ka krijuar shumë pengesa kryetarit të PS-së, Nano, në rrugën drejt kandidimit. Rruga nëpërmjet së cilës Nano synon të bëhet president, është eliminimi i rivalëve të tjerë dhe vendosja para faktit të kryer për maxhorancën në Kuvend. Deri më tani asnjë kandidaturë tjetër që mund të rrezikojë Nanon, nuk ka dalë. Nga ana e opozitës përmenden shumë emra, ndërsa në PS, Nano dhe Meidani. Bllokimi i rrugëve për t'u futur në garë në strukturat e PS-së për presidentin aktual, është një nga rrugët që e sjell Nanon në krye të shtetit. Bllokimi i kandidaturave u duk qartë në momentin kur kryetari i PS-së u kërkoi gjithë anëtarëve të lëvizjes për pastrim që të mohonin deklaratat e dhëna nga Petro Koçi për propozimin e një kandidature femër për postin e presidentit. Planin e Nanos për të mos lejuar kandidaturat e tjera, janë duke e prishur edhe mbështetësit e ish-kryeministrit Meta, të cilët gjatë kësaj kohe kanë qenë më pak aktivë. Ata shprehen për disa kandidatura që do të votohen në Komitetin e Përgjithshëm Drejtues të PS-së. Nga ky grupim nuk është shprehur vetëm Meta. Përgjigjja e gatshme e Nanos, kur pyetet nëse do të kandidojë, është se "për këtë nuk flas në këmbë" ose "duroni". Ndërsa Meta, në rastet e rralla që ka folur, është shprehur se "kjo është çështje e strukturave të partisë".

[alumni]

Moderatorit,

Perpara se te modifikohej, ndryshohej, e te nderhyhej ne Subjekt, do te ishte e mira qe te kontaktohej autori.

Megjithekete, konteksti duhet kuptuar, ma nuk duhet postuar.

Lamtumire, Arme!

[Albo]

"Do te votojme si PD"

Z. Zogaj si i vleresoni kandidatet e perfolur deri me tani per presidentin e ardhshem?

Natyrisht qe gjithe ata qe jane ofruar kane vlerat e tyre. Ata jane ofruar per nje llogjike te caktuar politike, ne rast se i referohemi edhe kohes kur ata kane dale ne skene. Por, per momentin ka perparesi nje ceshtje tjeter, jo ajo e emrave, por e formules. Ky president nuk zgjidhet sic eshte zgjedhur nder vite. Per shkak te parregullsive zgjedhore te vitit te kaluar tashme ka nje rekomandim ne forme kushti nga Bashkimi Europian dhe perendimi ne pergjithesi, qe Shqiperia te zgjedhe nje president konsensual, pra kete perfshin edhe formula. Me kete formule synohet, qe te kompensohet opozita ne ate fragment te zgjedhjeve qe u manipuluan. Kete formule e kane pranuar nje pjese e madhe e forcave politike ne Shqiperi. Pritet qe ta pranoje zyrtarisht edhe PS dhe kjo eshte shume e rendesishme. Mendoj qe palet fillimisht duhet te bien dakort per formulen. Nese nuk biem dakort per formulen atehere te gjithe emrat ne qarkullim vertiten si elektrone te lira ne kete orbite. Pra eshte e kote qe te flasim per emra duke mos i paragjykuar sigurisht.

Sipas jush, presidenti konsensual duhet te propozohet nga shoqeria civile apo nga forcat politike....

Prejardhja e kandidatit nuk ka shume rendesi te madhe nese palet politike bien dakort per formulen. Ne rast se bihet dakort per nje president konsensual nga radhet e PS atehere eshte e natyrshme qe votimi i ketij kandidati nga PS duhet te shoqerohet edhe me nje mareveshje tjeter qe ka te beje me zgjedhjet e parakohshme. Ne rast se bihet dakort per nje kandidat nga PD atehere i takon PD qe te shprehet nese e quan apo jo te perfunduar ceshtjen e zgjedhjeve. Ne princip une nuk paragjykoj as kandidatin politik, as kandidatin qe vjen nga shoqeria civile. Une mendoj se na duhet nje kryetar shteti i vertete. Ai duhet te jete numri 1 i shtetit dhe vete karriga qe ze presidenti ne hierarkine e institucioneve kerkon nje burre shteti qe te jete referenca numer 1 e insitucioneve dhe e shoqerise persa i perket politikes. Pra duhet nje president i fuqishem, qe nderhyn sipas kompetencave dhe qe mban te bashkuar vendin. Ai duhet ruaje maredhenie korrekte edhe me partite politike.

A do ta mbeshtese PAD qendrimin e selise blu per bojkot ndaj zgjedhjes se presidentit ne rast se forcat politike nuk bien dakort per nje president konsensual?

Une mendoj se eshte nje qendrim i drejte dhe nuk duhet pritur asnje qendrim tjeter nga opozita. Madje do te thoja qe duke perqafuar formulen e presidentit konsensual PD ka bere nje kompromis me vetveten. Duke ju permbajtur raporteve qe ka botuar ODHIR dhe OSBE per zgjedhjet, PD fare mire mund te qendronte ne nje pozicion pak a shume statik perkundrejt ketyre zgjedhjeve. Ne nuk mund te marrim pjese ne asnje lloj procesi qe ne nje fare menyre kerkon te arnoje parregullsite ose te legjitimoje permes arnimeve parregullsite e zgjedhjeve. Pra eshte pozitiv fakti, qe PD eshte dakort me president konsensual. Eshte gjithashtu ne te drejten e saj te shenjte qe te braktise kuvendin nese PS vendos t'i kundervihet BE.

Ne natyrisht do te adoptojme te njejtin qendrim. Ky eshte vendimi i Konferences se Pranveres se PAD, pavaresisht verejtjeve per ndonje aspekt jo legjitim per procedurat e pergatitjes se konferences. Edhe para tre ditesh PAD votoi serish per president konsensual dhe te tre deputetet ne respekt te vendimit te partise do te votojne keshtu. Kjo do te thote se nes formula nuk arrihet ata nuk kane se cfare te bejne ne salle dhe ne nuk do te jemi ne salle.

PAD eshte pozicionuar disa here ne favor te qendrimeve politike qe PD ka mbajtur duke shpallur perfundimisht shkeputjen e saj nga grupimi "Aleanca per Shtetin". A ekziston mundesia qe ne nje te ardhme te afert, PAD te perfshihet ne grupimin politik "Bashkimi per Fitore" ?

Pa diskutim "Aleanca Demokratike", prej 2-3 vjetesh ka perfunduar misionin e vet ne koalicionin "Aleanca per Shtetin". Une kam deshiruar gjithmone nje ndarje civile me Partine Socialiste, nje ndarje me shtrengim duarsh duke ia bere hallall njeri- tjetrit defektet, te metat dhe te keqijat duke ruajtur vlerat e bashkepunimit qe krijuam pergjate disa viteve ne opozite dhe ne pushtet. Megjithe veshtiresite qe na krijojne segmente te caktuara te pushtetit per te dale ne opozite vazhdon te jete e mbushur plot me leqe, pengesa, kurthe deri akte dhune qe deshmon konceptimin e PS ose te ketyre segmenteve te pushtetit te PS per koalicionin. Kerkojne te marrin hak per daljen nga koalicioni, kerkojne te krijojne tensione ne PAD, sepse ndersa nuk e kane vleresuar dhe nuk e vleresojne kur eshte me ta, nuk pajtohen me faktin se, ajo eshte kunder tyre sepse e duan si fasade. Cilido anetar i Aleances Demokratike qe mendon te jete fasade prej dites se pardjeshme mund te qendroje, te anetaresohet ne PS nese e pranojne. Ne kemi pasur nje mision, jemi nje grupim politik qe mire ose keq jemi nisur ne qellimet tona nga nje ndjenje misioni. Nuk jemi ne politike per buke edhe per poste pavaresisht se ne vleresojme faktin se kur je ne politike duhet te marresh dhe pergjegjesi. Jemi per nje ndjenje misioni dhe per momentin kemi krijuar bindjen se Aleanca mund te kete vetem nje mision, te rikthehet ne shtepine e vet, ne shtepine e demokrateve, te nenshkruaj ose te beje koalicion me PD ndofta dhe me shume se kaq, te ndikoje brenda mundesive qe ka per te krijuar nje alternative moderne te Qendres se Djathte ne Shqiperi. Ne kemi filluar te punojme per kete dhe do te punojme dhe ne te ardhmen.

A keni pasur negociata me PD per ndertimin e kesaj alternative?

Nuk ka patur negociata zyrtare. Ky eshte nje proces qe ka nisur qe ne zgjedhjet e vitit te kaluar. Ka patur nje ftese publike nga ana e Partise Demokratike dhe pastaj nga "Bashkimi per Fitore". Nga Aleanca Demokratike ka pasur hezitime per t'iu pergjigjur en-block kesaj ftese. Pas nje viti shumica derrmuese jane ndergjegjesuar se duhet bere kjo zgjedhje e re politike qofte per pozicionin tone, qofte per te ardhmen e demokracise ne Shqiperi. Ne mendojme se rotacioni i pushtetit eshte pozitiv, eshte ne te mire te vendit dhe te zhvillimeve dhe rotacioni nenkupton ardhjen ne pushtet te opozites nepermjet zgjedhjeve te lira te ndershme. Sigurisht ky rotacion tashme nuk eshte thjesht nje interes i partive te koalicionit ose individeve, por nje imperativ i kohes. Kam bindjen e plote se PS hapi disa probleme dhe i mbylli shpejt. Ato probleme jane aty, pra ato nuk u zgjidhen por u mbyllen. Ato thjesht po konservohen. PS do t'i bente mire vendit dhe vetes se vet qe te merret me keto probleme duke qene ne opozite, jo ne pushtet.

Intervistoi: Nevila Perndoj





© Koha Jone 2001 All Rights reserved

[Albo]

Kreu i shtetit rrëfen për mandatin e tij të parë: Ka akoma deformime të jetës politike

Meidani: President nëse më kërkojnë
"Jam gati të luaj moderatorin, jo protagonistin"


--------------------------------------------------------------------------------

Kur flasim për mangësitë, cilat janë, sipas mendimit tuaj, ato pika të parealizuara që ju dëshironi t'i kisht zbatuar kur e morët këtë detyrë, pesë vjet më parë...?

Do të thosha që në planin politik ka akoma një deformim të jetës politike, me gjithë perpjekjet e mia për ta orientuar ndryshe atë, sepse akoma sot ajo zhvillohet brenda partive dhe jo në institucionet që janë struktura të shtetit, por që janë prodhuar prej partive. Në këtë drejtim unë jam përpjekur, por ka një shformim në mënyrë të veçantë këto vitet e fundit, sepse unë jam i bindur që zëri më i fuqishëm duhet të jetë ai i një kryetari partie që është edhe kryetar i maxhorancës apo i minorancës, nëpërmjet strukturave shtetërore, siç është Parlamenti dhe jo një zë i drejtpërdrejtë partiak. Në këtë drejtim unë them se nuk e kam realizuar qëllimin apo misionin tim, sepse akoma zëri partiak është shumë më i pranishëm në jetën shqiptare, ndërkohë që për mua ky zë politik partiak do të duhej të ishte i pasqyruar nëpërmjet strukturave të ndryshme të shtetit shqiptar, qoftë ky Kuvendi apo këshillat e qarqeve, të bashkive të komunave etj.

Duke mbetur edhe më tej te situata politike në Shqipëri, a shikoni ndonjë defekt te sistemi i zgjedhjes së presidentit?

Natyrisht që ka një problem, sepse në Kushtetutën e Shqipërisë presidenti nuk duhet të jetë pjesë e strukturave partiake me zgjedhjen e tij, madje as edhe anëtar i ndonjë partie politike, ndërkohë që "prodhimi" i presidentit të Republikës bëhet nëpërmjet Kuvendit ku janë përfaqësuar partitë politike. Pra, ka një kundërshti dhe unë do të thosha se është procesi politik i zgjedhjes së presidentit që e paraqet këtë kundërshti, natyrisht i ngjyrosur në mënyrë partiake. Por më tej unë do të uroja dhe do të këshilloja që çdo president që do të zgjidhej, të ndiqte vetëm ato rregulla dhe kompetenca që bazohen në Kushtetutën e Shqipërisë, sepse vetëm në këtë mënyrë mund të luajë rolin e tij mbi partitë. Unë jam përpjekur në të gjithë këtë periudhë, duke u shkëputur nga jeta partiake. Ndoshta ka ndihmuar edhe eksperienca ime tepër e shkurtër në jetën partiake, jo më shumë se nëntëmujore, për t'u shkëputur nga ndikime të tilla dhe për t'i respektuar sa më shumë institucionet, natyrisht për të respektuar edhe detyrimet ligjore që ka institucioni i Presidentit të Republikës ndaj Kushtetutës dhe ligjeve të shtetit shqiptar.

Me ju ka filluar një model i ri në politikën shqiptare. Më përpara u zbatua më shumë sistemi amerikan, ndërsa tani ai është më pranë sistemit gjerman, pra, ku roli i presidentit është më shumë i tipit përfaqësues. Sipas jush, a është ky modeli më i përshtatshëm për Shqipërinë?

Do të thosha se modelimi i institucionit është në përputhje me frymën e Kushtetutës. Natyrisht mund të ketë deformime në të dy periudhat. Në periudhën e parë ky model bazohej në një paketë kushtetuese, ku presidenti lejohej të ishte anëtar i një forumi të lartë partie, por njëkohesisht kishte të drejtën të thërriste mbledhjen e qeverisë, ndërsa në Kushtetutën e re nuk i lejohet atij të thërrasë mbledhje qeverie. Pa dyshim që mund të kërkojë llogari nga çdo anëtar i kabinetit, por jo të jetë drejtues i një mbledhjeje qeverie, në kuptimin e një mbledhjeje ku merren vendime, jo kur mund të raportohet, sepse një të drejtë të tillë e ka edhe sot. Njëkohësisht ai nuk mund të jetë pjesë e strukturave udhëheqëse partiake. Por, nga ana tjetër, do të thosha se ka shumë kompetenca për të ushtruar dhe, natyrisht, në morinë e tyre që ushtrohen, duhet mbajtur një frymë balancuese, aspak protagoniste dhe aspak konfliktuale, sepse edhe në kuadrin e kushtetutës së re të një republike parlamentare Presidenti mund të krijojë shumë shqetësime ndaj strukturave të tjera të shtetit, në qoftë se ai dëshiron të jetë konfliktual. Ai mund të krijojë sherre të panevojshme edhe për sa u përket emërimeve në strukturat e drejtësisë dhe mund të jetë protagonist i tepërt në jetën politike, në rast se dëshiron të jetë i tillë. Stili që kemi ndjekur ne është të realizonim qëllimet tona dhe të ecim përpara në zhvillimin e jetës institucionale edhe ekonomike të shtetit shqiptar, natyrisht pa luajtur rolin e protagonistit. Kjo mund të ketë sjellë edhe përceptime, ndoshta jorealiste të këtij roli.

Duke iu kthyer çështjes së zgjedhjes së presidentit të ri të Republikës, ju a do të kandidoni edhe një herë?

Natyrisht që procesi i zgjedhjes së presidentit të Republikës nuk është më një votim i drejtpërdrejtë nga populli, ku mund të kryhet fushatë elektorale dhe kandidatët të shpallin kandidaturat shumë kohë më parë, për të përgatitur stafet, slloganet elektorale etj. Procesi i zgjedhjes së presidentit këtu është një proces vetëm parlamentar. Nga pikëpamja institucionale fillon me propozimin e 20 deputetëve, nga pikëpamja partiake mund të fillojë nga strukturat e tjera politike partiake. Në qoftë se struktura të tilla partiake dhe parlamentare sa më të gjera mendojnë se unë mund t'i shërbej Shqipërisë për një periudhë të dytë po me këtë frymë, jo duke luajtur rolin e protagonistit, por rolin e moderatorit, jo të urdhëruesit, por të sugjeruesit të ideve të reja, unë do të thosha se do të ishte fare normale që t'u përgjigjesha pozitivisht ofertave të tilla nga strukturat politike dhe parlamentare.

Marrë nga "Deutche Welle"

[Ingenuous]

Zgjidhja per kreun e shtetit ?!

Per mua mund te zgjidhet kushdo. Por ama udheheqesi te kete disa cilesi, te cilat po i shkruaj me poshte:

1. Udheheqesi kupton se njerezit bejne gabime - mesojne nepermjet gabimeve.

2. Udheheqesi i kthen idete ne veprime.

3. Udheheqesi ka aftesine te shpjegoje, qartesoje ose permbledhe informacionin per te perqendruar diskutimin ne temen qe po flitet.

4. Udheheqesi duhet te mendoje se cfare nenkuptojne veprimet e tij tek pasuesit.

5. Udheheqesi duhet te shqetesohet per reputacionin e organizates se tij.

6. Udheheqesi duhet te kuptoje nevojen e balances; ai duhet te dije te ushtroje presionin e mjaftueshem per te marre energjine dhe angazhimin maksimal dhe njekohesisht te ruaje nje atmosfere funksionale e cila respekton te drejtat e individeve dhe nxit moralin e shendoshe.

7. Udheheqesi kupton vlerat e diversitetit - larmi e pafundme nepermjet kombinimeve te pafundme.

8. Udheheqesi njeh vecorite e individeve te tjere nepermjet dialogut, dhe perpjekjeve per te kuptuar pozicionin e tyre dhe ne shkembim u kerkon individeve te tjere te kuptojne pozicionin e udheheqesit.

9. Udheheqesi eshte i hapur, krijon mundesi per te tjeret dhe eshte pjesmarres, si dhe inkurajon cdo individ te kete nje rol dhe te perfshihet ne procesin e vendim - marrjes.

10. Udheheqesi perpiqet t'i influencoje te tjeret te ndjekin nje ruge te caktuar dhe perpiqet qe duke bashkepunuar te vjele energjite e atyre qe jane ne te njejten rruge.

11. Udheheqesi eshte i hapur ndaj kritikave te te tjereve dhe ben vleresimin e vetvetes ne menyre periodike.

12. Udheheqesi eshte ne gjendje te delegoje autoritet dhe te respektoje vendimet e njerezve te tjere.

Keto jane sipas meje cilesite qe nje udheheqesh duhet ti kete.

Keto cilesi qe kam vecuar jane fryt i 5 vjet shkolle per "Shkenca Politike"

Besoj qe politikanet shqiptare nuk i duhet shkolla sepse ato kane lindur me kemishe.

Ciao

[Brari]

Nano eshte nevrikosur me fshataret e selise Roze. Ai i ka ven aty ata i bejne numra..Jan ne vete keta mo..u pike e zeze cna gjeti..

ja c¨'thote KOHA JONE.

-------
"Po s'u bera President, nuk beheni deputete"
Erl Murati/ Kryetari i Partise Socialiste, Fatos Nano ka "kercenuar" anetaret e grupimit "levizja per katharsis" se ata nuk do te jene me ne listat e kandidateve per deputet, ne rast se vendi shkon drejt zgjedhjeve te parakohshme. Nano i ka thene ne nje bisede telefonike sekretarit organizativ, Petro Koci se ne rast se grupi qe ai perfaqeson, nuk e mbeshtet ate per president te Republikes, atehere vendi shkon ne zgjedhje dhe asnje nga katharsistet nuk do te konfirmohet deputet i PS-se. "Nese nuk me votoni per president, atehere do te kemi zgjedhje te reja dhe atehere asnje nga ju, nuk do te jete ne listen e kandidateve per deputet te PS-se", i ka deklaruar Nano ish-perkrahesve te tij.

Burime nga PS-ja thane per "KJ" se kryesocialisti ka punuar intensivisht per te marre perkrahjen dhe votat e deputeteve qe kane mbetur te pakenaqur prej tij, duke i kujtuar atyre "karrigen qe fituan pas zgjedhjeve te qershorit". Te njejtat burime u shprehen se Nano ka komunikuar ne telefon edhe me nje nga ish-perkrahesit e tij kryesore, Leke Cukaj dhe disa "katharsiste" te tjere. Por, ai ka marre nje pergjigje te qarte se nuk do te perkrahet ne KPD dhe ne parlament nese vendos perfundimisht te kandidoje per president te ardhshem. Ish-mbeshtetesit e tij i jane shprehur Nanos se nuk do ta votojne, i kane kerkuar atij qe te qendroje ne postin e kryetarit te partise dhe te mbeshtese nje kandidate grua.

"Nano na ka kercenuar se nese nuk e votojme per president, atehere ne zgjedhjet e reja ne nuk do te jemi ne listat e mazhoritarit dhe proporcionalit per deputet te PS-se. Por, ne i jemi pergjigjur; le te beje deputete krahun tjeter", tha dje per "KJ" njeri nga eksponentet kryesore te "levizjes per katharsis".

Disa deputete brenda PS-se jane te idese se kryetari socialist, Nano duhet te qendroje ne postin e tij aktual dhe te mos kandidoje per presidentin e ardhshem te Republikes, i cili do te votohet muajin qe vjen ne parlamentin shqiptar. "Levizja per katharsis" do te propozoje nje grua si kandidate zyrtare te PS-se per postin e kreut te shtetit, duke shpresuar ne nje mbeshtetje "in ekstremis" edhe te deputeteve perkrahes te ish-kryeministrit Meta dhe ndoshta edhe te opozites. Sipas burimeve, kjo grua mund te jete ministrja aktuale e Ekonomise, Ermelinda Meksi, por megjithate ende nuk eshte vendosur perfundimisht per emra konkrete.

Njerez te afert me kryetarin e PS-se thane se Nano po punon shume qe te binde deputetet e mazhorances ta votojne si president, duke i kujtuar mundesine e zgjedhjeve te parakohshme. Nano rri gati perdite ne zyren e tij ne seline roze deri ne oren 18-19:00 te mbremjes, ndersa javen e kaluar ka ardhur ne seline e PS-se, atehere kur rojet i kishte zene gjumi, ne oren 01:00 te nates dhe ka ndenjur ne zyre me teper se nje ore. Shanset qe i te marre 84 vota nga parlamenti shqiptar per t'u zgjedhur president, duken teper te pakta, pasi jo vetem ish-perkrahesit e tij, tani "katharsiste", por edhe disa "Metiste," nuk do t'ia japin voten e tyre.

© Koha Jone 2001 All Rights reserved

-------------------
Pak humor historik..origjinal natyrisht..

Edhe komanantit legjendar dikur i kish bere numra nje here Rita Markua..sepse nuk i spiunonte rregulllisht shoket e tjere tek shefi madh ..mirpo e kishte thirrur ne zyre mbasandaj Xhaxhi dhe i kish thene..
...More cobani ***** ...pse te kam ven ne Biro une tija mo.... Do bec si te thomi u ndrishe te degdisa...
si urdheron..si urdheron kish belbezuar i ziu vithkuqar..nga tmerri..
E mo Enver ku je se po na hedhin vickla keta bijt e cobanve mo aman..lol.

bij cobanesh neve jemi..
dhen e dhi kullotur kemi..

[baobabi]

Ha ha ha Brari

Je shkelqat komplet

E ka rradhen Nano tani

Sa te cfryhet edhe ky do duroje edhe pak shqiperia

Ja si thua ti mos ta provoje edhe ky i fryri i rradhes

Do thuash ti, c'fryrje me thua ti mo. Ki eshte plak
I ka marre masat partia Braro
E ka marre nusen te re qe ti shkelqeje nuri presidences
Cna duhej ajo plakaruqja qe na cau me nder b... per kaq vjet
Ia pime lengun asaj
Do e bejme Shqiperine nuse te re apo jo
Le ta fillojme nga presidenca

Yxhym

[deti_bajri]

Ky zoteri Konsensus
Nga Frrok Cupi/ Ka hyre mes nesh nje zoteri i panjohur. Ose me mire: e kane sjelle mes nesh kete zoteri. E kane quajtur Konsensus, dhe e perkedhelin vetem disa politikane; e perkedhelin ose e shajne- kjo njesoj eshte. Te tjeret as e njohin, as e shqiptojne dot emrin e tij; sepse eshte i huaj.

Ja, keshtu mund te fillonte kronika e kesaj ngjarjeje qe po ndodh ne politiken e vendit tone ne kete prag zgjedhjeje Presidenti te Republikes. Nje fjale e vjelur nga gjuhe e huaj dhe nga koncepte ajrore per politiken, ka trazuar opinionet dhe mendjet e njerezve. Konsensusin, kete "burre" te rende dhe te padukshem, askush nuk e shfaq, askush nuk e shqiperon emrin e tij. Sepse po ta shqiperonin, atehere kuptohet se sa i papranueshem eshte. Le ta themi, "konsensus" do te thote "bashkendierje", ose " e ndiere e perbashket".

Pse e mbajne sekret shqiperimin e emrit te ketij zoterie qe e therrasin Konsensus? Sepse po ta shqiperojne, atehere do te marrin dhene jo vetem njerezit e thjeshte, por edhe politikanet- turma. Ata nuk kane provuar ndonjehere te ndiejne se bashku me valleane, e jo me se bashku me fqinjin, se bashku me hasmin, se bashku me jevgun, se bashku me perdhunuesin, se bashku me trafikantin, se bashku me te pasuruarin, se bashku me te uriturin, se bashku me opozitarin.. E tmerreshme, sa shume konflikte permban shoqeria jone brenda vetes, ndersa keta na flasin per zotin Konsensus, per Bashkendierin!.

Po te doni tua tregoni njerezve mikun Konsensus, tregouani keshtu, me keto fjale te thjeshta, zoterinj abuzues te politikes!.

Kerkesa per nje "president konsnsual" eshte aq absurde, sa edhe e pabazuar ne asnje nga teorite e Demokracise, per te cilen po betohen njesoj sikurse ishin betuar per Komunizmin. Kerkesa per nje President konsensual, eshte njesoj sikurse te kerkosh hiin; njesoj sikur te dalesh ne rruge dhe te bertasesh "duam hiin per president". Te tere do te kthenin koken dhe nuk do te merreshin me "te metin".

Kerkuesit e Konsensusit, e kane gjetur kurajon per te permendur te panjohurin Konsensus, pikerisht ne faktin se "jemi te etur per marreveshje". Konfliktet jane ne nje shkalle te larte, prandaj edhe genjeshtra per "konsensus" merret si shpetimtare.

Vete koncepti "konsensus" eshte kontradiktor ne vetvete:

A eshte konsensusi nje gjendje aktuale e shoqerise, apo eshte nje kusht per Demokracine?

1. Gjendje e shoqerise?

Valle e degjuat se fare ndodhi dje? Nje burre ka vrare nje grua dhe nje burre tjeter, duke lene jetime shtate femije. Nje baba ka mallkuar kufomen e vajzes se vet duke mos e varrosur. Pak me tej nje njeri tjeter ka qelluar mbi policine e shtetit, sepse ketkohej nga ligji, pasi kishte vrare nje njeri. Brenda ne familje javet e fundit ka hyre konflikti me i rende, ai i armatouri. Ne sallen e nje partie politike, kane rrahur publikisht njerin nga udheheqesit dhe thenmeluesit e Partise. Ne sallen e Parlementit perdoret fjalori me i eger dhe mjeti me i rende mes opozitaresh politike. Ne rruget e vendit tone "fluturojne" makina luksoze dhe njekohesisht udhetojne kembesore te vuajtur; shume nuk kane as per te ngrene, nje pakice ka aq sa te bleje krejt shtetin... Shoqeria eshte kaq shume konfliktuale, sa nuk mund ta mendosh konceptin "Konsensus". Aq me pak "Presidentin konsnsual".

Jo vetem ketu, ku shoqeria dhe fryma sociale po ndertohen se voni, por edhe ne vendet me te zhvilluara nuk mundte flitet lirisht per konceptin "konsensus".

2. Konsensusi- nje kusht per Demokracine?

As ketu nuk eshte kusht. Ne qoftese do te kerkonin qe Demokracia te ndertohej vetem ne shoqeri konsensuale, atehere jemi duke kerkuar asgje.Nje nej shoqeri konsensuale ndoshta Demokracia nuk do te ishte aq e nevojshme. Madje as vete Platoni as Makiavel, as Lock, nuk arriten te konceptonin "shoqrine e te bashkendjerit", as shoerine e " kultures homogjene". Keta nuk mund te ndertonin teorine e tyre mbi nje teren te paqene.

Madje Demokracia eshte e domosdoshme pikerisht ne shoqerite jo konsensuale. Vete Demokracia kerkon mospajtim.

Ne fakt, ketu mes nesh, mospajtimi eshte ne nje shkalle te larte, sa mund te quhet "konflikt". Ndersa shume politikane kane sjelle mes njerezish nje "zoteri" te panjohur qe quhet "Konsensus". Ky eshte prure per te krijuar edhe nje konflikt me shume, jo per te zgjedhur Presidentin.

Komenti im:
Frrok Cupi, ky analist rrevolucionar dhe patetik, thote disa te verteta ne editorialin e tij. Por te vertetat e tij jane te vogla, dhe nuk arrine te thote te verteten e madhe. Madje asnjehere gazetare te tille, te tipit rrevoluciaonar, nuk kane arritur te shkojne me tej nje "gerishje e lehte" e plages se madhe te shoqerise shqiptare. A duhet nje president konsensual? Une them se do te duhej dicka me shume se nje konsensus. Do te duhej qe me ne fund te pastrohej politika ne pergjithesi, dhe Partia Socialiste ne vecanti nga komunistet e konvertuar dhe metodat "alla sigurim". Do jete e veshtire, por jo e pamundur. Shpresojme se me ne fund shumica e shqiptareve e ka kuptuar kete domosdoshmeri.