Këndi i Djallit Nr. 1: FOSTOKSINA

[Diabolis]

nga shekulli:

Tre të vetëhelmuar në dy ditë, një grua në koma

Arsen Isai
ELBASAN- Një grua 29- vjeçare ndodhet në gjendje kome, pasi ka tentuar t’i japë fund jetës, ndërkohë që ky është rasti i tretë i vetëhelmimit brenda dy ditëve të fundit. Rajmonda Sh., 29 vjeçe, nënë e 3 fëmijëve, lindur dhe banuese në fshatin Shushicë në Elbasan, ka mbërritur dje në spitalin e Elbasanit, pasi ka pirë një sasi rogori që përdoret ndaj insekteve që brejnë hardhitë e rrushit. Nga hetimet e para mësohet se shkak i kësaj tentative kanë qënë grindjet e vazhdueshme të 29-vjeçares me bashkëshortin e saj. Ndërkohë në dhomat e reanimacionit të repartit kirurgjik, ndodhen dhe dy të vetëhelmuar të tjerë. Ata kanë mbërritur atje dy ditë më parë dhe pas ndihmës mjekësore ndodhen jashtë rrezikut për jetën. Genti D., 26 vjeç, lindur dhe banues në lagjen "Beqir Dardha", në Elbasan, u vetëhelmua me një sasi ilaçesh antidepresivë, thanë për gazetën, burime të policisë. Burime të spitalit thanë për gazetën se 26- vjeçari, mbërriti në gjendje të rëndë por aktualisht ndodhet jashtë rrezikut për jetën, ndërkohë që policia po heton mbi shkaqet e kësaj tentative vetëvrasjeje. Po dy ditë më parë, në spitalin e Elbasanit mbërriti në gjendje kome dhe një 21- vjeçare nga ky qytet. M.Gj., e pamartuar, kishte pirë një sasi të konsiderueshme bar miu dhe ndodhet në gjendje të rëndë në spital. Familjarët kanë pohuar se nuk i dinin shkaqet e vetëhelmimit të vajzës së tyre. Vetëm gjatë majit janë shënuar katër raste të tentativave të vetëflijimit. Kurse gjatë këtij viti shënohen 90 raste me rreth 15 të vdekur. Pjesa më e madhe janë vajza dhe gra nga fshatrat e qarkut të Elbasanit.

[Diabolis]

koha jone

VETEHELMOHET E MOSHUARA

Papritur ajo merr helmin dhe e pi. Nje 66-vjecare eshte vetehelmuar me fotoksine. Sanie Avduli, nga fshati Kerkove i Vlores, ben lufte me vdekjen ne repartin e reanimacionit ne spitalin e Vlores. Sipas burimeve policore, e moshuara ka dashur t'i jape fund jetes duke pire helmin e fotoksines. Sapo ajo eshte diktuar nga te afermit, eshte percjelle me urgjence ne spitalin e qytetit. Pas ekzaminimeve qe i jane bere te moshuares, eshte konstatuar se helmi i fotoksines ka vepruar shpejt dhe se 66-vjecarja ndodhet ne rrezik per jeten. Megjithe ndihmen e dhene, mjeket nuk japin shprese per jeten e saj edhe per shkak te rezistences se ulet qe ka e moshuara dhe demi qe ka sjelle helmi qe perdoret per dezifektimin e hardhise. Nga ana tjeter policia kriminale ka marre ne pyetje familjaret per te

zbardhur shkaqet dhe rrethanat qe e cuan gjyshen e shtepise te vetesakrifikohej. Deri mbreme askush nuk dinte te tregonte c'kishte ndodhur me te moshuaren, cili ishte shkaku qe ajo ndermori nje akt te tille. Familjaret kane mohuar cdo konflikt te mundshem me te.

[Diabolis]

DURRËS- Një 21-vjeçare i ka dhënë fund jetës duke konsumuar fotoksinë. L. Likmeta, banore
në fshatin Ishëm të rrethit të Durrësit e viktima e radhës së vetëflijimit. Vajza është dërguar me urgjendë në drejtim të spitalit ushtarak të Tiranës, ku dhe ka gjetur vdekjen, thanë për gazetën burimet. Burimet e policisë nuk kanë dhënë motive lidhur me këtë rast, duke nënvizuar se janë në process hetimi. Është për t’u evidentuar fakti se kjo është viktima e gjashtë e vetëvrasjes që nga fillimi i këtij
viti në qarkun eDurrësit.Në katër raste viktimat kanë përdorur fotoksinë. Në përgjithësi, shkaqet e këtyre vetëvrasjeve kanë qenë depresionet e shkaktura kryesisht nga problemet ekonomike, drama në dashuri apo dhe probleme të natyrës psikike depresive.

[Diabolis]

Misteri, 22-vjeçari tenton vetëhelmimin me fotoksinë


S. Gozhina
BERAT- Një 22-vjeçar nga rrethi i Beratit ka tentuar t’i japë fund jetës për motive ende të panjohura. Elton Mara, 22 vjeç, nga fshati Kozare i rrethit të Beratit, është gjetur në gjendje të rëndë nga të afërmit e tij, të cilët më pas e kanë dërguar në spitalin rajonal të Beratit, ku dhe ndodhet në rrezik për jetën. Burime të policisë që shkuan në vendngjarje thanë për gazetën se në paraditen e djeshme rreth orës 11:00, i riu Mara ka qënë me një grup shokësh në lokalin e fshatit Kozare, ku dhe ka konsumuar një sasi të konsiderueshme alkoli. Më pas 22-vjeçari ka shkuar në banesën e tij. Ai është mbyllur në dhomë ku dhe ka pirë helmin vdekjeprurës. Qëndrimi i tij i gjatë në dhomë ka bërë që nëna të shqetësohet për djalin. Ajo ka hyrë aty rreth orës 17:00 të ditës së djeshme dhe ka mbetur e tronditur kur ka parë të birin duke nxjerrë shkumë nga goja. Menjëherë ka lajmëruar të afërmit të cilët e kanë dërguar 22-vjeçarin në spitalin e Beratit. Burime nga ky spital thanë për gazetën se Elton Mara ndodhet në gjendje të rëndë shëndetësore, pasi ai ka kapërdirë një sasi të konsiderueshme fotoksine dhe për më tepër kjo tentativë vetëhelmimi është diktuar me vonesë nga familjarët. Ndërkohë policia po punon për të zbardhur shkaqet e kësaj tentative vetëvrasjeje. Ky është rasti i 15 i vetëvrasjeve dhe tentativave të vetëvrasjeve që regjistrohen në qarkun e Beratit gjatë këtij viti.


27/05/2004
KATEGORIA: Kronikë nga rrethet

[Diabolis]

Vetëhemohet nëna e katër fëmijëve


V. Muçaj
FIER- Një 43- vjeçare, nënë e 4 fëmijëve i ka dhënë fund jetës, për motive ende të panjohura. Nadire Bani, lindur ne fshatin Kuqar dhe e martuar në fshatin Zharrëz ka mbërritur dje paradite në spitalin e Fierit, por megjithë ndihmën e menjëhershme të mjekëve nuk ka mundur të shpëtojë nga vdekja. Të afërmit e saj që janë gjendur dje në spital kanë mbetur të shokuar nga akti i nënës së 4 fëmijëve. Ata nuk kanë mundur të japin asnjë detaj për gazetën, por disa kushërinj të burrit të saj thanë shkurt se Nadireja është futur në shtëpi dhe ka pirë fotoksinë. Po sipas pohimeve të tyre, Nadirja nuk paraqiste probleme. Madje dhe ekonomikisht ishin mirë, pasi një djalë i saj punonte emigrant në Greqi dhe një tjetër në Angli. Mjeku toksikolog, Kilo Stoja, që i ka qëndruar pranë pacientes në momentet e fundit të jetës, tha për gazetën se nënës së 4 fëmijëve iu bënë të gjitha shërbimet, si lavazh, serume, të shoqëruara dhe me shumë medikamente të tjera.”Shpëtimi i jetës së saj ishte i pamundur pasi helmi kishte bërë efektin e tij, duke shkatërruar rruazat e gjakut. Ajo ndërroi jetë 30 minuta pasi mbërriti në spital”,- tha mjeku. Policia ka shkuar në vendngjarje për të zbardhur shkakun e këtij vetëflijimi, por deri në mbrëmjen e djeshme nuk është arritur në konkluzion zyrtar. Sipas hetimeve të para, mendohet se nëna e 4 fëmijëve i ka dhënë fund jetës në kushtet e një depresioni të çastit, të shkaktuar nga ndonjë grindje brenda familjes. Rasti i fundit shënon viktimën e 35-të në qarkun e Fierit, gjatë 8 muajve të fundit. Viktimat e vetëflijimit kanë qënë të moshave të ndryshme dhe i kanë dhënë fund jetës me fotoksinë.

[R2T]

Shkaku justifikon mjetin!

Ne kete rast po ja vini fajin fotoksines, atyre qe e prodhojne apo atyre qe e shesin me vetvrasjet e njerezve. Harroni qe fotoksina eshte thjeht mjeti, dhe jo shkaku i vetvrasjeve. Pa fotoksine vetvrasjet do ishin ne te njejten shkalle qe jane tani, thjesht do perdorej mjet tjeter. Kush ka vendosur te vdese, do vdesi pavaresisht se me se, si apo sa na pelqen ne.

Lerini njerzit te vendosin per fatin e vete......demokraci hesapi, liri veprimi.

[ALBA]

Eshte e vertet qe fostoksina eshte vetem nje mjet i vdekjes , aty ke te drejte , po shkaku i vetvrasjes apo vethelmimit te ketyre viktimave qe i japin fund problemeve e halleve me marrjen e jetes se tyre , eshte varferia qe i ka pllakosur Shqiptaret ane e mbane Shqiperise . Kur varferise nuk mundet ti perballoje , marrja e jetes eshte ndihma me e shpejt per keta te mjere . Per mendimin tim vethelmimi apo vetvrasja nuk eshte zgjidhje , por kur njeru kalon ne depresion nga hallet e problemet e shumta atyre ju duket se me merrjen e jetes , mbaron cdo hall dhe cdo problem , dhe harrojn qe kan len nje tuf femijsh mbrapa , qe kan nevoje per nenen apo baben e tyre qe i le jetim .

[Diabolis]

nuk bej fajtor as prodhuesit as tregtaret
bej fajtor rregulltaret

koha jone
VETEHELMOHET 33-VJECARI TEK VELLEZERIT FRASHERI

Vetehelmohet 33-vjecari ne qender te Tiranes. Ngjarja ndodhi dje rreth ores 11.15 kur kalimtaret kane verejtur te riun qe perpelitej. Sipas Drejtorise se Policise Qarkut Tirane, prane varreve te vellezerve Frasheri eshte gjetur i vetehelmuar me fostoksine shtetasi Behar Bajram Bajrami, 33 vjec, banues ne Tufine, i cili megjithe ndihmen e dhene ka humbur jeten ne spital. Sipas kesaj Drejtorie, ende nuk dihen shkaqet qe e kane cuar 33 vjecarin te kryeje kete akt, edhe pse agjentet e pocise kane marre ne pyetje te afermit e viktimes per te sqaruar rrethanat e ngjarjes. Sipas njoftimit po punohet per sqarimin e rrethanave te ngjarjes.

[Brari]

pak a shume keshtu i thote nano lesit ne ato ditet ku sapo Ps kishte marre pushtetin e nano ishte bere i plotfuqishmi i lagjes..dmth i shtetit..
nikoll .. do te kemi nje kapitalizem te eger e duhet te bashkpubojne e pra me jep aq e kaq perqind te aksioneve te kompanise KJ ..etj etj..

Pra Nano ketej i thosh popullit qe ne soc..at do bejme shtet social qe te perkrahim shtresat e varfera e jo si shpellari berisha qe ashtu keshtu.. llafe si e ka zakon nano..

Pra kapitalizmi ne shqiperine socialiste po ben seleksionim biologjik..
Ju te varfer e ju qe sjeni tanet.. o ikni thieni qafen prapa diellit o pini fotoksine.. shqiperia eshte e jona..ne do e gezojme.. ne ne rogner ne te piaca ne ne borsh ne ne sarand e ksamil ne ne golem e korfuz ne ne vil 31 ne te karkaleci e tava me melci qengji e vera e zgjedhur ne te benzi e tenderi ne te bankat e zvicres e te qipros.. e ju tjeret te dyqanka e fotoksines..

lerini njerzit thot ki rëdyshtëja te vrasin veten.. hajde darvinist i njerzve pe kalldremeve te gjirokastres a nga m.. je..

ja nje si ky behet neser e zevendeson finon a rucin..mjer ai popull cfar krokodilash pjell.

Diabol ..

A eshte normale qe tek magazet e Duk Kokajve e ruc Malo fino liqejzave ka dhe qumesht dallandysheje me mijra tonelata.. e atje perposh pa nje thel e pa nje grosh.. i ziu njeri i vogel trembet se neser ska cu jep femijve e mendja e tij duke mos pas me kuraje te shoh castin ..o ma dua buk.. tmerrohet e nuk shkon as te bashkia as tek ministria as te moisiu as te jezusi e as tek muhameti.. as tek gjinishi i muslimanve e as tek rroku i katalikve e as tek jani i ortodoksave e as tek driteroi i shkrimtareve as tek sala i pd as tek ruc i ps po drejt e tek shoqja fotoksinë..

cduhet te bej nje shtet..me pak er humanizmi..
duhet te pakten nje numer telefoni si psh 101 qe cdo i gjendur para castit...o ma dua buk.. ti bjeri ketij numeri e te thote.. jam zejnepja nga mollasi ose belshi.. jam pa buke..
e menjihere te vrapojne me zuk nepunesi i shtetit e ta furnizoje me ushqime e ti ngop ca vakte ata te uritur e ja shpetoi nje jet gruaje ..

shum keq..

[Diabolis]

Që magazinat duhet të jenë plot është shumë normale, e po ashtu që duhet të ketë milionerë. Ky është kapitalizmi, ndryshe shket atje ku e di vetë.
Sipas një skenari që ti e di shumë mirë të vetëhelmuarit kanë shkuar me radhe, tek Ramizi, Sala, Nano, e kanë dalë duarbosh; po sipas këtij skenari nga ato magazina njerzit kanë marrë vite me radhë me listë. Si duket njerzve ju është nxirrë faqja nga të skuqurit nëpër lista e bëjnë zgjedhjen e fundit. (Sa më sipër për të varfrit ekonomikisht).
Në ata që vetëflijohen, ka edhe bastexhinj, edhe Romeo e Zhuljeta.
Këtu nuk kam pse të shkruaj për zgjidhje ekonomike e as për psikologjike.
Insistoj që fostoskina mos bjerë në dorën e kujtdo. Kaq.


shekulli

Misteri, vetëhelmohet gjimnazistja


Kujtim Boriçi

ELBASAN- Një 16- vjeçare nga rrethi i Elbasanit i ka dhënë fund jetës me fotoksinë në rrethana ende të paqarta. Burime të policisë thanë për gazetën se viktima e radhës nga vetëhelmimi është 16- vjeçarja Dh.Preci, lindur dhe banuese në fshatin Valas i komunës Paper, 14 km larg nga qyteti i Elbasanit. Mësohet se gjimnazistja ka mbërritur në spitalin kirurgjik të Elbasanit në orët e vona të së shtunës, për të ndërruar jetë në mëngjesin e djeshëm. Sipas mjekëve eksperto-ligjorë dhe specialistëve të spitalit kirurgjik të Elbasanit, shkak i vdekjes së 16- vjeçares është konsumimi i një sasie helmi, bar miu. Mjekët thanë se kanë bërë të pamundurën për shpëtimin e jetës së adoleshentes, që ndërroi jetë pak orë pasi mbërriti në spital. Lidhur me këtë rast policia e Elbasanit ka shkuar në vendngjarje. Burime nga grupi hetimor , duke iu referuar dëshmive të marra në vendngjarje, thanë se adoleshentja është vetëhelmuar në rrethana ende të paqarta. Dyshohet se vajza e mitur ka debatuar me njerëzit e shtëpisë dhe në një moment larg vështrimit të familjarëve ajo ka konsumuar 3 kokrra helmi, duke rënë në gjendje kome. Kanë qenë familjarë të saj, që kanë diktuar adoleshenten në gjendje të rëndë dhe me urgjendë e kanë transportuar atë në spitalin kirurgjik të Elbasanit. Mjekët thanë për gazetën se 16-vjeçarja mbërriti në gjendje kritike në spital. Ajo ndërroi jetë rreth orës 08:00 të ditës së djeshme. Rasti në fjalë, pohon për gazetën mjeku specialist Behar Gjevori, ishte ndër rastet e pashpresa të vetëhelmimeve me të cilat ne po përballemi. Nisur nga rastet e shumta të kësaj natyre, ai ngriti si domosdoshmëri marrjen e masave parandaluese në shumë drejtime, që nga niveli i arsimimit, lehtësimi i problemeve sociale, ulja e nivelit të varfërisë etj. Që nga fillimii vitit, sipas statistikave, ky është rasti i 14 i vetëhelmimeve në Elbasan, me 5 viktima.