E detyron i shoqi te largohet nga shtepia!!

[Shpirt Njeriu]

Zhduket nëna e pesë fëmijëve

BERAT

I ka ngjitur shkallët e komisariatit të Beratit për të denoncuar zhdukjen prej tri ditësh të gruas së tij. 42-vjeçarja Varvara Turhani nuk ka duruar dot më dhunën e bashkëshortit dhe vendos të largohet nga shtëpia. I shoqi, Hajdari, së bashku me djalin e tij ka denoncuar largimin e saj nga shtëpia. Mundësia e ndonjë vetëmbytjeje apo vetëvrasjeje i ka shqetësuar babë e bir që të lajmëronin policinë pasi kanë kërkuar nëpër miq e të njohur, tek të cilët kanë menduar se mund të kishte shkuar 42-vjeçarja pas grindjes me të shoqin.

Denoncimi
Denoncimi i tyre në polici është bërë rreth orës 08.30 minuta, duke shpjeguar rrethanat e zhdukjes së 42-vjeçares. Sipas burimeve nga të afërm të famljes Turhani, çifti me pesë fëmijë, Hajdar dhe Varvara Turhani, nuk kishin shkuar mirë edhe më parë dhe kanë qenë problemet ekonomike ato që i rrisnin kontradiktat midis tyre, duke mos e gjetur gjuhën e përbashkët për rritjen e pesë fëmijëve të tyre. Pasi janë grindur me fjalë dhe më pas burri e ka qëlluar gruan, ajo duke mos duruar më presionet e tij, si dhe gjendjen ekonomike, është larguar. Hajdari, duke menduar se gruaja nuk kishte ku të shkonte dhe mund të kthehej përsëri, nuk i ka kushtuar rëndësi largimit momental të saj nga shtëpia, por më vonë ai është shqetësuar, duke kërkuar nëpër të afërm e miq, ndërsa kur nuk e ka gjetur nënën e fëmijëve i është drejtuar policisë për t'i kërkuar ndihmë.

Enigma
Menjëherë pas denoncimit të burrit një grup ekspertësh bashkë me inspektorin e zonës janë nisur për në fshatin Tërpan, ku, sipas njoftimit të marrë dhe shkaqeve të deklaruara nga burri i saj për largimin e 42-vjeçares, kanë nisur të kërkojnë në të gjithë zonën përreth. Sipas burimeve nga policia, janë të paktën dy pista në të cilat po punohet. Në radhë të pare, sipas policies, në ditën e djeshme është grumbulluar informacioni nëse mund të jetë mbytur, duke i dhënë fund jetës. Ndërsa në variantin e dytë, i cili është më i mundshëm, policia po punon për të zbuluar lidhjet e mëtejshme të saj me të afërm, prej të cilëve mund të jetë strehuar, por që mund të mos kenë lidhje gjaku me të. Tashmë makina me punonjësit e policies, së bashku me të shoqin e Varvarës, po shëtit nëpër të njohur më pak të largët për familjen Turhani, për t'u bindur se ajo nuk është strehuar tek ata.

Akoma s`pushojme se degjuari gjera dramatike ne Shqiperi

Shpirt Njeriu

[Shpirt Njeriu]

Ika nga shtëpia se doja t'i bëja presion burrit, pasi ai më rrihte shpesh dhe unë doja të hakmerresha ndaj tij". Kështu ka deklaruar 41-vjeçarja e larguar nga shtëpia. Në një gjendje depresive dhe e paushqyer është gjetur gruaja 41-vjeçare, e cila disa ditë më parë ishte larguar nga shtëpia pas një zënke me bashkëshortin. Varvara Turhani nga një fshat i Beratit është gjetur nga familjarët e saj pas tri ditë kërkimesh në shtëpitë e të afërmve të tyre. Ndërsa dje 41-vjeçarja, nëna e pesë fëmijëve, është gjetur në një pyll afër fshatit të saj. Ajo është gjetur në gjendje të rëndë depresive dhe kishte pasur edhe shenja të pagjumësisë dhe të urisë. Pas shoqërimit për në shtëpinë e saj ekspertët e policisë kanë pyetur 41-vjeçaren për shkaqet që e kishin detyruar të largohej nga shtëpia. Nëna e pesë fëmijëve ka pohuar para tyre se shkaku i largimit kishte qënë për t'i bërë presion bashkëshortit të saj pasi grindeshin shpesh. "Gjithsesi gjendja e vështirë ekonomike që kemi e ka bërë të pa mundur jetesën në fshat", ka thënë ajo. Sipas familjarëve, fillimisht ata dyshuan se 41-vjeçarja ishte mbytur në ujërat e lumit Osum. Dy ditë më parë i shoqi, Hajdari, së bashku me djalin e tij ka denoncuar largimin e saj nga shtëpia. Të afërm të familjes Turhani, çifti me pesë fëmijë, Hajdar dhe Varvara Turhani, nuk kishin shkuar mirë edhe më parë dhe kanë qenë problemet ekonomike ato që i rrisnin kontradiktat midis tyre, duke mos e gjetur gjuhën e përbashkët për rritjen e pesë fëmijëve të tyre. Pasi janë grindur me fjalë dhe më pas burri e ka qëlluar gruan, ajo duke mos duruar më presionet e tij, si dhe gjendjen ekonomike, është larguar.