Janullatos: Nuk ka përparim me djegien e kishave dhe xhamive

[Jesushaus]

Kreu i ortodoksëve shqiptarë u ka bërë thirrje kosovarëve dhe serbëve të mos përfshijnë fenë mes mërive të tyre

Ortodoksët shqiptarë, 600 mijë dollarë për Kosovën

Kryepeshkopi Anastas: Të restaurohet një kishë dhe një xhami, ose të ngrihet një qendër rinore

Elda Spaho

Kryepeshkopata Ortodokse e Tiranës deklaroi dje se do të jepte 600 mijë dollarë për restaurimin e një kishe dhe të një xhamie, ose për ngritjen e një qendre rinore që do të nxisë bashkekzistencën në Kosovë. Pas leximit të një deklarate në shqip, nga at Jan Trebicka, ku dënohej djegia e objekteve fetare, (disa kisha u dogjën gjatë revoltës së 17 marsit në Kosovë dhe shumë xhami janë djegur në 1999), kryepeshkopi i Tiranës, Durrësit dhe i gjithë Shqipërisë, Anastasi, ka lëshuar mesazhe paqeje në greqisht.
***
Sipas tij, kryepeshkopata nuk e dinte nëse dollarët do të shpenzoheshin për restaurimin e ndonjë prej xhamive të djegura në Kosovë nga serbët në luftën e vitit 1999, apo për ndonjë nga kishat serbe të djegura po në Kosovë, dhjetë ditë më parë. Dhe natyrisht kryepeshkopata nuk i ka vënë gishtin ndonjërës prej objekteve fetare të djegura në Kosovë. “Nuk na takon ne të vendosim. Do të pëlqenim që 600 mijë dollarët të ndaheshin në mes për të dy komunitetet, gjithsesi ne do t’ua lëmë në dorë organeve përkatëse në Kosovë”, -deklaroi kryepeshkop Anastasi duke shtuar se, sidoqoftë, do të parapëlqehej sikur këto para të shpenzoheshin për ngritjen e një qendre rinore, “që do të inkurajojë bashkekzistencën”.
***
Kreu i kryepeshkopatës ortodokse në Shqipëri (prej disa javësh edhe nënkryetar i tërë kishave të Evropës, përfshirë këtu edhe atë anglikane), është shprehur në mënyrë të prerë kundër shfrimit të mllefeve ndaj objekteve fetare. “ Feja shpesh përdoret për të mbuluar kontradikta të tjera. Por ajo duhet përdorur si vaj për të shëruar plagët dhe jo si vaj për shtimin e zjarrit”. I pyetur nëse revolta më e fundit në Kosovë u diktua nga urrejtja ndëretnike apo ajo ndërfetare, Anastasi është treguar i kujdesshëm në komentet e tij. “Kur ndizet një zjarr nuk dihet nga u ndez dhe nga e shtyn era. Po, në Kosovë ekziston një mëri, por unë u bëj thirrje njerëzve që të mos e përfshijnë aty edhe fenë, sepse gjërat do të bëheshin shumë më komplekse”, -tha ai dje gjatë konferencës për shtyp në njërën nga sallat e selisë së kryepeshkopatës. Anastasi u ka bërë thirrje kosovarëve dhe serbëve që të jenë sa më tolerantë dhe të respektojnë besimet fetare të njëri- tjetrit.
Dhurimi i 600 mijë dollarëve, sipas deklaratës së tij, nuk ka qenë e vetmja ndihmë dhënë Kosovës. Ai dje ka përmendur edhe ndihmën dhënë 30 mijë kosovarëve që mbërritën në Shqipëri gjatë luftës së vitit 1999 dhe programin e përkrahjes së foshnjeve të tyre të sapolindura aso kohe. Dollarët që u dhuruan dje u morën nga fondi që kryepeshkopata ortodokse shqiptare kishte mbledhur për ndërtimin e një katedraleje në Tiranë.
Ligji për krematoriumet
Anastasi: “Nuk ka një parajsë të krishtere dhe një myslimane”
I përmbajtur në komentet e tij ka qenë kryepeshkopi Anastas edhe kur u pyet mbi ligjin për krematoriumet, i cili po diskutohet së fundmi në Parlamentin shqiptar. “Sigurisht që nuk më takon mua t’u tregoj deputetëve se çfarë duhet të vendosin. Por unë s’besoj se ka një parajsë të krishtere dhe një myslimane. Në vdekje, njerëzit bashkëjetojnë më mirë se në të gjallë, apo jo?”, -tha ai.
Ligji për krematoriumet (djegien e kufomave të njerëzve dhe varrosjen e hirit të tyre) është duke u shqyrtuar në Parlament por kjo mënyrë varrosjeje është kundërshtuar nga përfaqësuesit e disa besimeve fetare në Shqipëri.




27/03/2004
KATEGORIA: Sociale



ne Shqiperi po vdesin njerezit per buke, por per serbet ka para kjo kishe antishqiptare!!

[DeuS]

Tingellon pak keq kur degjon per nje donacion te tille ndaj gjakatarit , por oktapodi "Politike" nganjehere pret nje nga tentakulat e tij ...per te shpetuar 10 te tjera !

[MtrX]

kishe antishqiptare...

[fundamentalisti]

po me keto para financohen rrojate e ures vrasesit e femijeve,eshte nje fjale e urte popullore kush ta bone ta bone i yti nuk vjene ai preje qiellit..........
po kjo dihet moti qe serbete financohen nga vllezerit e vete....

[Pellazgu]

Nuk e kuptoj, a ishte kjo një iniciativë e veta e Janullatosit apo pati një pajtim në këshillë të kishës. Në rastin e dytë duket shumë demokratike por edhe alarmante se si orthodoksët shqiptarë qenkan kthyer kaq tolerantë ndaj krimeve monstruoze serbe duke i shpërblyer me para për ndërtimin e tempujve antishqiptarë në duar të ekstremizmit historik pravosllav. Unë për vehte për një gjë do t'i përgëzoja orthodoksët shqiptarë: Sikur të ndërgjegjësoheshin një çikë se ato kisha që janë djegur në Kosovë nuk janë asgjë pos Kisha Orthodokse Shqiptare të përvehtësuara nga serbët me qëllim të gdhendjes së "djepit të kulturës" së tyre që e lanë në Karpate kur ia mësynë anëve tona gjatë shekujve 9 e më pas si ardhacakë të luftrave të atjeshme. Ah, sikur vërtetë të thelloheshin orthodoksët shqiptarë e të rindërtonin kishat e veta në Kosovë.
Kjo as nuk duket gjëkundi në ndërgjegjen shqiptare.

[dodoni]

Nuk e kuptoj, a ishte kjo një iniciativë e veta e Janullatosit apo pati një pajtim në këshillë të kishës. Në rastin e dytë duket shumë demokratike por edhe alarmante se si orthodoksët shqiptarë qenkan kthyer kaq tolerantë ndaj krimeve monstruoze serbe duke i shpërblyer me para për ndërtimin e tempujve antishqiptarë në duar të ekstremizmit historik pravosllav. Unë për vehte për një gjë do t'i përgëzoja orthodoksët shqiptarë: Sikur të ndërgjegjësoheshin një çikë se ato kisha që janë djegur në Kosovë nuk janë asgjë pos Kisha Orthodokse Shqiptare të përvehtësuara nga serbët me qëllim të gdhendjes së "djepit të kulturës" së tyre që e lanë në Karpate kur ia mësynë anëve tona gjatë shekujve 9 e më pas si ardhacakë të luftrave të atjeshme. Ah, sikur vërtetë të thelloheshin orthodoksët shqiptarë e të rindërtonin kishat e veta në Kosovë.
Kjo as nuk duket gjëkundi në ndërgjegjen shqiptare.

Pajtohem plotësisht me juve Pellazgu. Në Kosovë është bërë një komunitet sado i vogël ortodoksash shqiptar por edhe nëse do të vendoste ndonjë gjë KOASH nuk ka vlerë dhe respekt tek shqiptarët atje përderisa vet KOASH është në duar të një joshqiptari. Tekefundit shqiptarët i rindërtojnë vet ato Kisha por tashmë shqiptare ashtu siç edhe kanë qenë.

[manoklla]

Titulli i temes eshte tendencioz, leket nuk i jane dhene serbeve por besimtareve ortodokse serbe dhe shqiptare ( me sa kuptoj une). pra le te mos keqinformojme qellimisht me synim qe te ngjallim pasione negative. perpara se te dalim ne konkluzione duhet te kuptojme se per shume besimtare besimi eshte me i shtrenjte sesa identiteti kombetar dhe se shprehja e V.P 'feja shqiptarit eshte shqiptaria' nuk ka vlere universale, dhe per me teper ka vlere margjinale per besimtaret. ky eshte realiteti dhe duhet ta kuptojme perpara se te dalim ne perfundime.

[Labeati]

Mendoj se duhet te shqyrtojme faktet me gjakftohtesi:
Se pari ato kisha ne Kosove (jane qindravjecare dhe bile me te vjetra se xhamijat) nuk duheshin djegur, mbasi kjo i ka nxjerre shqiptaret aspak me te mire se serbet te cilet bene te njejten gje me 1999 dhe u ka dhene mjaft material e zemer teorive antishqiptare te Beogradit.
Se dyti kisha shqiptare ato para ja ka dhene qeverise se Kosoves dhe ata do ti perdorin si ta shofin te arsyeshme.
Se treti perderisa edhe arabet po financojne xhamija e shkolla ne Kosove e kudo, po ashtu kishat katolike ngrejne kisha ne Shqiperi, edhe ortodokset ndihmojne njeri tjetrin puna e tyre, nuk shof ndonje te keqe nga cila kishe do ti presin ndihmat ata; Greqia jo, Rusia jo, Serbia jo, e ku ka ortodokse te tjere?)
Se katerti serbet e Kosoves kane qene gjithmone minoritet atje por kane qene ama prej qindra vjetesh, qofte edhe 10 apo 20%, prandaj u takon edhe atyre te jetojne ne Kosoven shqiptare ne pronen e vet e ne kishen e vet, kjo s'na prish shume pune besoj, se se jemi demokrate dhe te sinqerte.

[dodoni]

Mendoj se duhet te shqyrtojme faktet me gjakftohtesi:
Se katerti serbet e Kosoves kane qene gjithmone minoritet atje por kane qene ama prej qindra vjetesh, qofte edhe 10 apo 20%, prandaj u takon edhe atyre te jetojne ne Kosoven shqiptare ne pronen e vet e ne kishen e vet, kjo s'na prish shume pune besoj, se se jemi demokrate dhe te sinqerte.

Serbët kurrë nuk kanë kaluar 5 përqindshin në Kosovë, Labeat sa për tu korigjuar. Dhe poashtu ata mund të rrijnë aty por duke respektuar autoritetet dhe shumicën sikur që shumica respekton ata (me gjithë vrasjet e më të dashurve të shumë prej tyre) nga zori.
Kurse, Pellazgu vuri në dukje faktin se ortodoksat shqiptar sa japin para për të ndërtuar kisha ortodokse serbe, le ta bëjnë këtë për kisha ortodokse shqiptare atje. Kisha serbe po financon Rojat e Urës terrorista që kanë vrarë e masakruar mijëra shqiptar (duke përfshirë edhe gra e fëmijë) e ortodoksat shqiptar ta ndihmojnë atë mendoj se është pak e tepërt.

[MtrX]

labeati, se pesti duket sikur ti nuk e ke shume te qarte situaten, e deri diku ia fut me tym:
Kosova me 20 % serbe (ne te kaluaren)??? Le nam me kete
Janullatosi ia ka dhene leket qeverise se Kosoves dhe t'i perdorin si ta shohin te arsyeshme??? Nuk mund ta besoj nje gje te tille.
Kishat e serbeve prej qindra vjetesh??? Si ka mundesi me nje popullsi te hershme prej pothuaj 99% shqiptare... Kishat duhet te jene ndertuar qe ne kohen kur Arberit nuk ishin konvertuar... Le c'mund te jene meremetuar nga serbet kur ishte Kosova ne dore te tyre...