Janullatos: Nuk ka përparim me djegien e kishave dhe xhamive

[Toro]

Del kreu i KOASH dhe ofron ndihme per qetesimin e gjakrave ne Kosove ne menyre qe mund te ishte e pranueshme si nga shqiptaret ashtu dhe nga serbet dhe i hidhen ne gryke injorantet dhe mosmirenjohesit... Parate nuk iu ofruan ekskluvizisht serbeve per kisha, por dhe shqiptareve per xhami ose per qendra te perbashketa rinore...E ku na qenka e keqja dhe antishqiptarja ketu? Tek toleranca qe keshillon Anastasi? Tek mosngaterrimi i fese ne problemet etnike ?Sepse duam s'duam problemi i Kosoves eshte etnik, jo fetar sic duan ta paraqesin "miqte" nga Lindja qe financojne ne menyre te njeanshme xhami e shkolla fetare per te nxjerre "drejtues shpirterore" alla Yassin e Bin Laden.
Dhe nderkohe qe "greku" Anastas, qe vepron me shqiptarce se shqiptaret, eshte i vetmi perfaqesues fetar ne Shqiperi ku tolerancen fetare dhe bashkepunimin midis komuniteteve fetare ne Shqiperi e ka bere me vepra , jo vetem me llafe.
A mund te me thoni zoterinj cili bamires apo "financues" arab ka dhene qofte dhe nje cent per restaurim kishash apo per te krishtere? ASNJI! Perkundrazi ata qe na kane sjelle deri tani jane Ols Jazexhinjte dhe uahabiste te tjere qe kerkojne te minojne bashkepunimin dhe mirekuptimin midis komuniteteve fetare ne Shqiperi.
Imzot Anastasi eshte nenkryetar i gjitha kishave te Evropes. Pra gjithe ajo Evrope me nje mori te madhe rrymash fetare brenda per brenda kristianizmit (rryma te cilat ne shumicen e rasteve jane ne hasmeri me njera tjetren) i kane treguar besimin nje personaliteti boteror si Anastasi.
Fatkeqesisht "xhahileve" dhe mendjeshkurterve te forumit, cdo veprim paqesor i Anastasit i ben te vjellin vrer ndaj tij. Te tille njerez si ju kryqezuan Krishtin, jo me Anastasin.
Kosova nuk mund te behet e pavarur dhe me vone te bashkohet me Shqiperine duke u djegur kishat serbeve.Ta keni mese te qarte kete. Evropa nuk mund te lejoje te krijohet nje "mini-Jugosllavi e 1918-tes" ne vitin 2004. Kosova nuk mund te ekzistoje si shtet dhe aq me teper shtet demokratik pa nxjerre para gjyqit te gjithe kriminelet e luftes si serbe, por dhe ata shqiptare. Kete kerkon sot koha, e kerkon Evropa, e kerkon SHBA.Ia kane vene si kusht per te njohur sovranitetin e saj. Dhe fatkeqesisht kete gje, nga te gjithe ju "patriotet" e shquar , kete gje e ka kuptuar vetem "antishqiptari" Anastas.

[dodoni]

Unë nuk shoh këtu dikë që tha se ata që kanë djegur kishat serbe kanë bërë mirë, dhe besoj që po ti lexoni edhe ju nuk shihni ndonjë gjë të tillë në shkrimet e mësipërme.
Për punën e ndihmës dy komuniteteve atij ortodoks serb dhe atij islam të shqiptarëve apo edhe qendrës për të rinjtë nuk është keq por siç e thanë më sipër edhe disa të tjetër më mirë do të ishte të ndihmonte ortodoksinë shqiptare se psh. ortodoksinë serbe kur dihet shumë mirë roli i tyre në politikë për ç'gjë është kritikuar gjithë kohën jo vetëm nga shqiptarët por edhe nga malazeztë,kroatët dhe sllavomaqedonsat që flasin pothuajse të njëjtën gjuhë.
Edhe pse ato kisha ashtu kështu do të rindërtohen edhe nga vet qeveria atje e për këtë edhe janë dhënë fondet. Ato kisha sikurse dihet janë kisha shqiptare që janë uzurpuar nga serbët duke pasur fatin e mirë të shpëtimit nga rënimi sikur e kanë pasur fatin shumë kisha shqiptare atje gjatë kohës së okupimit serb. Atyre Jazexhinjve dhe vahabistëve nuk i dha askush përkrahje dhe dihet fare mirë nga të gjithë se sa mbështetje kanë tek shqiptarët, prandaj nuk mendoj se ia vlen t'i përmendësh këtu.
Për punën e kriminelëve, nuk mund të njëjtësosh ata serb me shqiptar sepse krimet e shqiptarëve janë fare të vogla po ti krahasosh me krimet më të mëdha në Europë që pas luftës së dytë botërore që kanë bërë serbët dhe ata e kanë bërë këtë institucionalisht kurse shqiptarët individualisht, atyre që ia kanë plasur zemrën me vrasjen/masakrën e fëmijëve,grave e më të afërmve të tyre që poashtu kanë qenë krime, e përderisa këta shqiptar sot janë në burgje të KFOR, kriminelët serb sot sillen të lirë e bile edhe kanë marrë prapë pushtetin në Serbi.
Jam i bindur që tani problemi i Kosovës do të ketë një zgjidhje urgjente dhe nuk do të ketë më dhunë ndëretnike dhe bashkëekzistenca në një Shqipëri të ribashkuar me Kosovën e serbëve dhe shqiptarëve do të jetë e nivelit më të lartë të mundshëm duke harruar sa më shpejt të kaluarën e hedhur shikimin dhe këmbën para përgjithmonë sepse edhe është në interesin më të mirë edhe tonë edhe të atyre.

[Eni]

KOASH keto 600 000 $ po i dhuron per ndertimin ne Kosoven e pas luftes te nje Kishe dhe nje xhamije.

Ku qendron anti-shqiptarizma e KOASH?

Pse nuk dhuron kreu i myslimaneve shqiptare para per ndertimin e xhamive te shkaterruara ne Kosove gjate luftes?

Po "vellezrit" arabe te futur me qindra ne Shqiperi pse nuk shpenzojne per ndertimin e xhamive ne Kosove?

Pse duhet te paragjykohen te tilla masa vetem kur i ndermarrin te krishteret?

[AsgjëSikurDielli]

Pa permendur arabet nuk ben ky muhabet. Pse arabet nuk japin, pse arabet keshtu, pse ashtu... e po te japin arabet, pse japin, pse bejne... kesaj i thojne "hyp se te vrava, zhdryp se te vrava!" (per standardistet: "Hip se te vrava, zbrit se te vrava").

Arabet (me sakte marokienet), psh, kane spitalin me te madh ne Kosove, me nja 1,000,000 paciente ne vit, ne fushen e Mitrovices, qe i sherojne pa ndonje kompenzim financiar. Ata kane dhene shuma te konsiderueshme per rehabilitimin e shume shkollave, shume shtepive te shendetit, shume shtepive te banimit, dhe shume rrugeve e urave. Poashtu arabet kane trupa ushtarake ne Kosove, qe shpenzojne pare. Psh, Turqit, kane gjithe rajonin e Prizrenit se bashku me Gjermanet. Tash se fundi, ata kane dhene shume para per ndertimin e disa xhamijave (pasi u dogjen e shkaterruan, nga ortodokso-serbet), ne rrethinen e Prizrenit, dhe ka projekte per meremetimin e Hamamit te vjeter te Prishtines, qe do deklarohet pasuri boterore se shpejti, nen mbikeqyrje te UNESCO. Poashtu vitin e kaluar, doktoret ushtarake bene synet nja 700 djema shqiptare-muslimane, duke ua hequr nga qafa barren e synetise prinderve, dhe duke u ofruar sherbime falas dhe te nje cilesie te larte.

Cdonjeri nga ky projekt, financohet nga shtetet anetare te OKB-se, dhe origjina e mjeteve te shpenzuara eshte e ditur. Nese KFOR-i turk jep para per rindertim te nje xhamie diku, ato para vijne nga buxheti shteteror turk, me konkretisht, Ministria e Puneve te Jashtme. Keshtu edhe me vendet tjera (jo vetem muslimane/arabe), qe investojne dhe riparojne vetem me leje ose nga qeveria e tyre, ose nga UNMIK, qe ushtron nje rregull rigoroz te percaktimit te origjines se investimit. Cdo shume mbi $10,000, duhet te deklarohet si e tille ne institucionin perkates bankar, se bashku me cdo dokument te prejardhjes se shumes, e cdo projekt qe i tejkalon (nese s'jam gabim), $25,000, duhet te nenshkruhet nga funksionaret e UNMIK. Dmth qe, cdo investim eshte i paster, dhe prejardhja eshte e ditur.

Ne Kosove gjate luftes e edhe me heret, u shkaterruan mese 700-800 xhami dhe objekte tjera fetare-kulturore, perfshire ketu edhe Shtepine e Lidhjes se Prizrenit ne Prizren. Krejt keto nen bekimin e kryqit serb, dhe Kishes Ortodokse Serbe. Kur keto para (qe nuk besoj t'u dihet prejardhja), dhurohen nga nje Kishe tjeter Ortodokse, qofte ajo edhe shqiptare, normal qe, fillimisht qellimi shikohet e me vone edhe arsyeja. Buxheti i Kosoves i ka ndare fillimisht 5 mil. euro, e me vone do te ndahen edhe me shume per rehabilitimin e shtepive, kishave dhe objekteve tjera te demtuara gjate trazirave te fundit. Suficiti eshte mbi 300 mil. euro, dhe nuk besoj se ka nevoje per ndihme per meremetimin e kishave, apo edhe xhamive. Mirepo ndihma eshte ndihme: ajo pranohet, nuk refuzohet. Po njeriu pyet veten: pse jo ne Shqiperi diku nuk investohen ato pare, ku ka nevoje mese urgjente te investimeve e riparimeve, po ne nje territor tjeter, ku drejt te them, nuk kane ndonje pune as Kisha Ortodokse Shqiptare, e as ndonje Kishe apo institucion tjeter fetar, pos atyre te Kosoves apo atyre qe Kosova vete u kerkon ndihme.

[karaburuni]

kryepeshkopi i Tiranës, Durrësit dhe i gjithë Shqipërisë, Anastasi, ka lëshuar mesazhe paqeje në greqisht.

Përse kryepeshkopi i Tiranës, Durrësit dhe i gjithë Shqipërisë lëshon mesazhe në greqisht? Nuk mund t'i thoshte në shqip?

[Jesushaus]

Përse kryepeshkopi i Tiranës, Durrësit dhe i gjithë Shqipërisë lëshon mesazhe në greqisht? Nuk mund t'i thoshte në shqip?

Anastasios, janullatos jane nje thike ne zemren e cdo shqiptari, e aq me teper duhet te jene ne zemren e shqiptareve te vertete orthodokse. Kur lexoj ne kete forum njerez qe hiqen si patriote dhe nga ana tjeter i quajne keto stasios dhe llatos hiresi, me perzihet.

Kur shikojme vepren ogurzeze qe kane bere greket me ane te kishes ne shekuj duke vrare patriotet shqiptare, te krishteret e vertete, qe donin qe shqiptaret te lexojne Fjalen e Perendise ne shqip, dhe ate qe ata bejne sot me shqiptaret ne greqi, pyes vehten: Kane gjak shqiptari orthodokset tane? Apo iu eshte bere uje per nje pune te ndyre per lare halet e grekeve? Une kam degjuar qe ne korce e Sarande ne kisha flitet vetem greqisht, megjithese asnje smerr vesh ndonje fjale. Jane hapur kopshte femijesh nga kisha ogurzeze orthodokse ku edukatoret vijne nga greqia dhe femijeve u mesojne greqisht.

I pyes edhe nje here miqte e mi orthodokse shqiptare:

KENI AKOMA GJAK SHQIPTARI??

Ku jane ata orthodokset amerikane qe hapen kishen e pare autoqefale shqiptare? Mos kane vdekur te gjithe?

po te mos i doni ju llatosat stasosiosat ata do te ikin. Nuk u derd kot gjithe ai gjak nga rilindasit tane, qe ne tani ta shkqlim me kembe, sepse ne drejtim te shtetit tone jane njerez te shitur.

Miq te dashur na e hiqni kete turp!!!

Edhe greku me i humbur ketu ne gjermani e di qe ne krye te kishes tone jane greket... dhe na shohin si njerez qe sdine asgje, na shohin si njerez me bisht.

ju pershendes

[Dita]

Po kreu i kishes ortodokse shqiptare ka vetem (ca me shume se) 10 vjet qe ka ardhur ne Shqiperi, Karaburun. Si guxon t'i biesh ne qafe e t'i kerkosh te leshoje mesazhe paqeje ne gjuhen tone, qe edhe ti vete e di qe eshte shume e veshtire?!
Ndoshta i vjen turp te gaboje, ndaj dhe flet ne gjuhen ne te cilen e ka te sigurte lirshmerine.

Ne fakt duke u nisur nga fakti i veshtiresise se gjuhes shqipe te kreut te kishes ortodokse, mbetet te habitemi me faktin, sesi atehere deshmitaret e Jehovait me kombesi nga me te ndryshmet kane arritur brenda pak vitesh te mesojne shqip kaq mire, sa te guxojne t'i trokasin njerezve neper shtepi per t'iu predikuar besimin qe mbartin me vete. (Vete kam rastisur ne deshmitare te Jehovait me origjine aziatiko-lindore) Apo rast tjeter eshte ai i djelmoshave te Korpusit te Paqes qe ndesheshin dendur ne Shqiperi para rrezimit te piramidave. Po ata si munden ta pervetesojne shqipen ne aq pak kohe?! Po punonjesit e ambasadave, po punonjesit e organizatave nderkombetare?!

Gjuha shqipe pra eshte shume e veshtire. Edhe pas 10 vjetesh qendrimi ne Shqiperi duhet te te quhet dicka e lejueshme qe te mos ta zoterosh, as aq sa per te riprodhuar me goje, dicka qe mund ta kesh te shkruar para syve (megjithese gjate gjithe kohes ke qene i/e detyruar te kesh te besh drejtpersedrejti me shqiptare, dhe megjithese je kreu i nje rryme besimi fetar). Me kete rrjedhe mendimi, mbetet qe gjithe te lartpermendurit si pervetesues te gjuhes shqipe te anojne nga anormaliteti.

[Kryeplaku]

Kisha Ortodokse Shqiptare nuk eshte me autoqefale, te gjitha vendimet i vine nga Athina (nuk do me vinte keq nese vendimet vinin nga Patriarkana e Stambollit). Kur te vdes Anastasi prap grek do jet kryepeshkopi. Duke ven nje grek ne krye te Ortodokseve ne i tregojme botes se Ortodokset e Shqiperise jane Grek (ketu ne Greqi keshtu besojne shumica ). Mbase nje dite Ortsodokset e Forumit duhet te meren me seriozisht me kete teme.

[Albo]

Injoranti nga i zgjuari dallohet shume kollaj. Injoranti flet me vend e pavend, edhe kur di edhe kur nuk di. I zgjuari flet vetem per ato gjera qe di dhe jep mendim vetem atehere ka lexuar lajmin deri ne fund, ate lajm per te cilin behet fjale.

Duke qene se ju e keni te veshtire te lexoni, por e keni shume te lehte komentoni per gjera qe nuk i njihni, une po ju ftoj ta lexoni edhe njehere artikullin dhe pastaj te beni nje koment ne vazhdim.

Kreu i ortodoksëve shqiptarë u ka bërë thirrje kosovarëve dhe serbëve të mos përfshijnë fenë mes mërive të tyre

Ortodoksët shqiptarë, 600 mijë dollarë për Kosovën

Kryepeshkopi Anastas: Të restaurohet një kishë dhe një xhami, ose të ngrihet një qendër rinore

Elda Spaho

Kryepeshkopata Ortodokse e Tiranës deklaroi dje se do të jepte 600 mijë dollarë për restaurimin e një kishe dhe të një xhamie, ose për ngritjen e një qendre rinore që do të nxisë bashkekzistencën në Kosovë. Pas leximit të një deklarate në shqip, nga at Jan Trebicka, ku dënohej djegia e objekteve fetare, (disa kisha u dogjën gjatë revoltës së 17 marsit në Kosovë dhe shumë xhami janë djegur në 1999), kryepeshkopi i Tiranës, Durrësit dhe i gjithë Shqipërisë, Anastasi, ka lëshuar mesazhe paqeje në greqisht.
***
Sipas tij, kryepeshkopata nuk e dinte nëse dollarët do të shpenzoheshin për restaurimin e ndonjë prej xhamive të djegura në Kosovë nga serbët në luftën e vitit 1999, apo për ndonjë nga kishat serbe të djegura po në Kosovë, dhjetë ditë më parë. Dhe natyrisht kryepeshkopata nuk i ka vënë gishtin ndonjërës prej objekteve fetare të djegura në Kosovë. “Nuk na takon ne të vendosim. Do të pëlqenim që 600 mijë dollarët të ndaheshin në mes për të dy komunitetet, gjithsesi ne do t’ua lëmë në dorë organeve përkatëse në Kosovë”, -deklaroi kryepeshkop Anastasi duke shtuar se, sidoqoftë, do të parapëlqehej sikur këto para të shpenzoheshin për ngritjen e një qendre rinore, “që do të inkurajojë bashkekzistencën”.
***
Kreu i kryepeshkopatës ortodokse në Shqipëri (prej disa javësh edhe nënkryetar i tërë kishave të Evropës, përfshirë këtu edhe atë anglikane), është shprehur në mënyrë të prerë kundër shfrimit të mllefeve ndaj objekteve fetare. “ Feja shpesh përdoret për të mbuluar kontradikta të tjera. Por ajo duhet përdorur si vaj për të shëruar plagët dhe jo si vaj për shtimin e zjarrit”. I pyetur nëse revolta më e fundit në Kosovë u diktua nga urrejtja ndëretnike apo ajo ndërfetare, Anastasi është treguar i kujdesshëm në komentet e tij. “Kur ndizet një zjarr nuk dihet nga u ndez dhe nga e shtyn era. Po, në Kosovë ekziston një mëri, por unë u bëj thirrje njerëzve që të mos e përfshijnë aty edhe fenë, sepse gjërat do të bëheshin shumë më komplekse”, -tha ai dje gjatë konferencës për shtyp në njërën nga sallat e selisë së kryepeshkopatës. Anastasi u ka bërë thirrje kosovarëve dhe serbëve që të jenë sa më tolerantë dhe të respektojnë besimet fetare të njëri- tjetrit.
Dhurimi i 600 mijë dollarëve, sipas deklaratës së tij, nuk ka qenë e vetmja ndihmë dhënë Kosovës. Ai dje ka përmendur edhe ndihmën dhënë 30 mijë kosovarëve që mbërritën në Shqipëri gjatë luftës së vitit 1999 dhe programin e përkrahjes së foshnjeve të tyre të sapolindura aso kohe. Dollarët që u dhuruan dje u morën nga fondi që kryepeshkopata ortodokse shqiptare kishte mbledhur për ndërtimin e një katedraleje në Tiranë.
Ligji për krematoriumet

Anastasi: “Nuk ka një parajsë të krishtere dhe një myslimane”

I përmbajtur në komentet e tij ka qenë kryepeshkopi Anastas edhe kur u pyet mbi ligjin për krematoriumet, i cili po diskutohet së fundmi në Parlamentin shqiptar. “Sigurisht që nuk më takon mua t’u tregoj deputetëve se çfarë duhet të vendosin. Por unë s’besoj se ka një parajsë të krishtere dhe një myslimane. Në vdekje, njerëzit bashkëjetojnë më mirë se në të gjallë, apo jo?”, -tha ai.
Ligji për krematoriumet (djegien e kufomave të njerëzve dhe varrosjen e hirit të tyre) është duke u shqyrtuar në Parlament por kjo mënyrë varrosjeje është kundërshtuar nga përfaqësuesit e disa besimeve fetare në Shqipëri.

[dodoni]

Edhe pse në titullin që i ka vënë Jesushaus kësaj teme është ekzagjeruar paksa sepse ato 600 000 dollarë nuk i janë dhënë vetëm serbëve dhe poashtu ndoshta kjo është bërë me qëllim të mirë nga ortodoksat shqiptar, sepse tekefundit ata këtë e bënë pasi qeveria atje vendosi ti kompensoj dëmet dhe poashtu për bashkëekzistencën shqiptaro-serbe gjë që nuk është aspak e dëmshme dhe e keqe por përkundrazi për t'u lavdëruar.
Por, shumica këtu sollën mendimet e tyre që unë mendoj se janë më se të drejta dhe shumë më të zgjuara se të Albos, se ndihma e kishës serbe nuk është e nevojshme që të bëhet nga ana e shqiptarëve në kohën kur shumica e shqiptarëve e kritikojnë gjithë kohën atë kishë për qëndrimet e tyre (ende nuk e ka kërkuar dhe as që pranon as më të voglin faj për krimet që kanë bërë, në disa kisha tani protestuesit atje kishin gjet televizorat e elektroshtëpiaket e tyre të vjedhura në kohën e luftës në shtëpitë e shqiptarëve) politike dhe jo vetëm shqiptarët por kritikat deri në ekstrem po vijnë në drejtim të kësaj kishe edhe nga kishat malazeze, sllavomaqedonse e kroate që pothuaj e flasin të njëjtën gjuhë.
Pra, mendoj se më mirë do të ishte që ortodoksia shqiptare të mos ndihmonte atë dhe në vend të saj të mendonte për kishat ortodokse shqiptare, ky është mendimi im.
Poashtu, të gjithë këta që ngritën problemet që janë aktuale në këtë kishë e që jo doemos janë të lidhura me shkrimin në fjalë tregojnë një shkallë të lartë zgjuarësie dhe juve Albo e nxirrni vet veten tuaj injorant në këtë rast.
Para disa ditëve lexoja Edwin Jacques për masakrat greke në jug të Shqipërisë vet popullsisë ortodokse shqiptare që i kishin varur të gjithë fëmijë, gra, pleq e plaka në kishë brenda vetëm se janë shqiptar pa përmendur rastet tjera të ngjajshme këtu dhe pretendimet për shkombëtarizim të shqiptarëve që i gjen gjithkund te grekët, dhe sot komuniteti ortodoks shqiptar të vëj një grek në krye të tyre mendoj dhe jo vetëm që mendoj por jam thellësisht i bindur se nuk shkon, sepse kanë përgjegjësi ndaj vetes por edhe ndaj komuniteteve tjera shqiptare çfarëdoqofshin ato.
Më injoranti këtu prapë del ti Albo.