Pretty woman version shqiptar

[gentius]

"Sill 100 mije euro, qe te lirojme te dashuren tende dhe vajzen e saj 4 vjece". Ka qene ky ultimatum telefonik qe kane bere tre te rinj nga Tirana, qe kane sjelle dje nga Franca ne aeroportin e Rinasit, nje qytetar francez. I lidhur me nje histori pasionante me nje grua shqiptare, qe dyshohet se kishte punuar si prostitute per llogari te shqiptareve, ai eshte detyruar te beje gjithcka per te realizuar ribashkimin me njeriun e zemres. Per kete i ka pergatitur te dyja variantet: Ate me te keqin, duke sjelle nje valice me parate e kerkuara, por edhe per rastin me optimist, duke shpresuar tek nje arrestim i mundshem i gjobvenesve te tij, i ka denoncuar ata ne polici.

Historia

Izabela N. 26 vjece nga Tirana, ishte gruaja qe si ne filmin "Pretty woman", me Xhulia Roberts dhe Ricard Gir, e kishin bere francezin Mounz, te binte ne dashuri keqas e te vendoste te martohej me te. Ani se ajo kishte ushtruar profesionin e prostitutes ne qytetin ku ai jetonte, apo se ajo kishte edhe nje vajze, Kostandinen 4 vjece. Duket se shqiptarja ia kishte hapur zemren dhe i kishte rrefyer gjithcka per fatin e saj. Se ajo,- sipas burimeve nga policia shqiptare, ajo punonte ne trotuaret franceze per llogari te Genci Sanxhakut, Klodian Mendalise dhe Fatjon Delise, te cilet per te qene te sigurte, mbanin peng ne nje apartament ne Tirane, vajzen e Izabeles.

Por, gjate kesaj kohe, francezi, fillimisht nje klient i saj, kishte rene ne dashuri dhe kishte vendosur me sa duket te martohej me 26 vjecaren. Per kete kishin rene dakort qe ajo te vinte ne Tirane per te marre vajzen dhe te tre, te jetonin e te rifillonin sebashku, nje jete te re ne France. Ajo kishte ardhur ne Tirane, por ne kembim te "lirse se vajzes", tutoret kishin kerkuar 10 mije Euro. Alan Monuz kishte rene dakort qe tua paguane menjehere shumen dhe kjo histori te mbyllej njehere e pergjithmone. Por, hetuesit qe kane marre ne pyetje mbreme protagonistet, tregojne se kjo shume ishte dhjetefishuar. Ata kane bllokuar ne nje apartament nene e bije dhe duke para zellin e francezit, tutoret- pengmarres, kane kerkuar qe ai te vinte ne Tirane dhe t'i sillte plot 100 mije euro ne kembim te lirise se tyre.

Gracka

Nje shume marramendese, qe ka vene ne nje dileme hamletiane, Alan Mounz. I cili gjithesesi nuk eshte ndalur as para kesaj pengese per te arritur realizimin e dashurise se tij. Ka shitur nje disko, prone e tij ne France dhe dje ka udhetuar drejt shqiperise. Te lajmeruar ne celular, dy nga tre shqiptaret kane udhetuar dje me nje veture drejt Tiranes, ne pritje te 100 mije eurove, ne nje valice ne avionin e linjes Paris- Rome- Rinas, ndersa tjetri priste ne shtepine e pengjeve. Per te qene jashte cdo dyshimi dhe per t'iu shmangur te papriturave, ata kane qendruar jashte ambjenteve te aeroportit. Alan ka zbritur nga avioni, ka dale jashte dhe eshte drejtuar drejt tyre. Kur gjithcka po shkonte sipas parashikimeve te shqiptareve, nga nje makine aty prane me targa private, disa djem te fuqishem kane prangosur menjehere 2 gjobvenesit. Dy makinat kane udhetuar pas kesaj me shpejtesi drejt hyrjes se kryeqytetit, ku tek kryqezimi i Zogut te Zi, shtate "gorilla" te RENEA, me kapuce ne koke dhe gati per te hapur zjarr ne cdo moment, kane marre 2 te arrestuarit "me thes ne koke", i kane transferuar ne nje IVECO te blinduar dhe i kane nisur me shpejtesi drejt ambjenteve te Drejtorise se Policise se Tiranes. Ndersa trupat e tjera, kane shkuar ne vendin e ngujimit, kane liruar nen e bije peng dhe kane arrestuar te tretin e operacionit. Izabela dhe Alain pasi jane takuar, kane dhene shpjegime mbreme duke rrefyer historine e tyre te jashtezakonshme. Dhe pasi deshmia e tyre te marre vleren e proves juridike, sebashku me Kostandinen e vogel, do te udhetojne serish drejt Parisit. Kete radhe, per te shijuar versionin shqiptar te "Pretty woman".

The end

[kolombi]

Dhe une kujtoja se histori te tilla ishin te dala nga sirtaret e kinematografise Holliwoodiane.

[ermal80]

dhe ndodh ........cfare nuk bejne shqiptaret..... nuk ka me lajm te beje buje me tani si kane ardhe kohet

[Newhost]

I paske lexuar gazetat sot ? Me dukesh shume i frymezuar , sidomos kur thua "dilema hamletane" ....

Na thuaj te drejten nga e ke kopjuar ????

[Shpirt Njeriu]

Kjo është një histori që shumica e shqiptarëve nuk do ta konceptonin. Klineti i një prostitute shqiptare në Francë hedh në bixhoz gjithë pasurinë e tij për të rregulluar jetën e saj. Madje rrezikon jetën, duke e sjellë shumën e të hollave në brendësi të një valixheje në Rinas, për të bërë këmbimin. Ky është thelbi i ngjarjes së bujshme të regjistruar dy ditë më parë në Tiranë, e cila përfshiu në vorbullën e saj tre të rinj shqiptarë, një nënshtetas francez si dhe një grua me fëmijën e saj. Burimet policore pohojnë se francezi Alen Munoz me moshë mbi të pesëdhjetat kishte rënë në dashuri me 20 vjeçaren shqiptare I. Ferra, të cilën e frekuentonte shpesh, duke e takuar në të njëjtin semafor. Mirëpo pas dashurisë së pranuar, vajza shqiptare ka kërkuar ndihmë. "Më detyrojnë të prostituoj, pasi në Shqipëri më mbajnë fëmijën peng", kishte qenë fjalia fatale për mentalitetin francez. Shumë shpejt ai i ofron ndihmën e vet. Në telefon me një nga tutorët propozohet shuma 10 mijë euro në shkëmbim të lirisë dhe marrjes së fëmijës. Përgjigjja pozitive.

Loja mes policisë dhe francezit

Ndërsa vajza I. Ferra mbarrin në Shqipëri me 10 mijë euro-t e garancisë, tutorët e saj (një prej tyre Genci Sanxhaku mendohet se ka ardhur bashkë me te) nuk janë të kënaqur me llogaritë e përfitimit dhe humbjes. Për rreth një muaj ata e mbajnë peng vajzën duke e detyruar të prostituonte në një hotel në Lushnje. Ndërkohë i komunikojnë se për të fituar lirinë dhe marrë fëmijën, duheshin 100 mijë euro. Rrjedha e papritur e ngjarjeve dhe shifra prej 100 mijë eurosh, e kanë bërë francezin Munoz të ndihet keq. Në këtë moment ai denoncon ngjarjen në policinë franceze, por duke përdorur edhe një mashtrim të madh, për t'i vënë më shumë në lëvizje. "Fëmija që mbahet peng në Shqipëri, është fëmija im, pra është nënshtetas francez", kishte pohuar ai për policinë. Që nga ky moment policia franceze kontakton me atë shqiptare dhe telefonat vihen në përgjim. Por edhe pse telefonatat mes francezit dhe të dashurës së tij ishin të shpeshta, asnjëherë policia nuk arrin të identifikojë vendndodhjen e saj, pasi edhe adresat vajza që mbahej nën kontroll nga tutorët, i jepte të ndryshme. Një lojë që zgjat 3 javë.

Dyshimi i policisë
Pasi nuk kishte patur asnjëherë fatin të binte në gjurmë të vajzës, policia kishte filluar të dyshonte në lojën e saj. Vajza kishte një të shkuar jo shumë të qartë. Ajo ishte divorcuar nga burri i saj, me të cilin kishte jetuar në Lushnje, ku u kishte lindur edhe një famijë. Po ky grup trafikimi femrash e kishte marrë dhe dërguar të prostituonte në Francë. Nisur nga këto të dhëna të grumbulluara, policia fillon të dyshojë në përfshirjen e saj në lojë.

Kurthi

Në fakt gjithçka është nisur dhe përfunduar nga Drejtoria Qendrore e Policisë Antikrim. Madje në Rinas policët e Drejtorisë së Tiranës nuk kanë mësuar asgjë për arrestimet. Në bashkëpunim me policinë franceze, policia shqiptare kërkon nisjen e klientit të vajzës për në Rinas me qëllim zbulimin dhe goditjen e grupit. Dhe vërtet Alen Munoz shfaqet në Rinas mesditën e së premtes. Atë kishte dalë për ta pritur vajza I. Ferra bashkë më fëmijën, një vajzë 3.5 vjeçe që mbahej nga e motra e saj në fshatin Hijes, në kufirin mes Lushnjes dhe Beratit. Ndërsa tre personat që prisnin të merrnin shumën e të hollave ishin vendosur rreth 100 metra më larg në një lokal. Ata kishin me vete dy pasaportat false bullgare për vajzën dhe fëmijën e saj, të cilat do të këmbeheshin me 100 mijë eurot. Por edhe pse francezi mbërriti, tre të rinjtë, Genci Sanxhaku, Fatjon Delia dhe Klodian Memoali, nuk lëviznin nga vendi. Një veprim që ka bërë drejtuesit e aksionit të policisë të djersinin. Por nuk e kanë humbur. Pas rreth gjysëm ore, një prej tyre ka dalë duke dekonspiruar gjithë grupin. Në të njëjtin moment policia i ka prangosur, pa hasur në rezistencë. Pothuaj në të njëtën kohë në Francë policia ka vënë në pranga pjesën tjetër të grupit të tutorëve të femrave. Pasi ka marrë dëshmitë dhe administruar provat e tjera, policia i ka lejuar të largohen drejt Francës vajzën, fëmijën e saj dhe francezin e dashuruar. Ata nisen sot nga Rinasi.


Një hotel në Lushnje strehoi vajzën një muaj

Vajza është mbajtur për rreth një muaj në një motel të njohur në periferi të Lushnjes. Sipas policisë, vajza është mbajtur nga trafikantët e siguruar në një motel në rrugën nacionale Lushnje-Rrogozhinë, për shumicën e kohës që ka qëndruar në Shqipëri. Asaj i ishte ndaluar të kishte kontakte me të bijën, ndërkohë që dyshohet se është shfrytëzuar nga trafikantët në ambientet e këtij moteli. Gjithsesi, 21-vjeçarja dje i është nështruar një ekspertize mjeko-ligjore, përgjigjja e së cilës do të vërtetojë në se ky version është i vërtetë. Nga informacionet që ka policia, vajza është mbajtur për disa ditë edhe në një banesë në godinën 9-katëshe mbi një bankë në qendër të Lushnjes. Ajo ka qenë gjatë gjithë kësaj kohe nën survejimin e trafikantëve dhe nuk i është lejuar të takojë të afërm apo familjarë të saj. Ndërkohë që ditët e fundit i ka kaluar në apartamentin luksoz të Genci Sanxhakut në Tiranë, pranë Gjykatës së Shkallës së Parë të rrethit.


Sekuestrohet shtëpia dhe makina

Policia ka vendosur sekuestron mbi pasuritë e trafikantëve. Fill pas arrestimit nga policia agjenët i kanë vënë drynin apartamentit luksoz me vlera disa mijëra dollarë të akuzuarit si kryetar i rrjetit të trafikut të prostitucionit Genci Sanxhaku. Apartamenti ndodhet në katin e 14-të të pallatit 15-katësh, pranë Gjykatës së Tiranës në rrugën "Gjergj Fishta". Ndërkohë në sekuetro është vënë edhe automjeti tip "Benz 200" me ngjyrë gri, me targë TR 6694 F, në pronësi të Klodian Memoalli, njërit prej tre trafikantëve të arrestuar. Sipas policisë, ky ka qenë mjeti me të cilin kanë lëvizur trafikantët dhe ku ata janë arrestuar. Ndërkohë, policia ka lënë të lirë dje një automjet radio-taksi, me të cilin ka lëvizur Izabela, si të paimplikuar me ngjarjen. Hetuesit janë duke punuar për zbulimin e pasurive të tjera të cilat i përkasin kapobandës dhe që dyshohet se janë një sallë lojërash në Sarandë dhe të tjera në Fier

[Newhost]

Jashte teme.

[Newhost]

Jeta personale e c'do anetari nuk i intereson faqeve te ketij forumi.
Ju lutem permbajuni temes.

[gentius]

Jashte teme.
Problemet personale zgjidhini ne privat.

[Newhost]

Jashte teme.

[kolombi]

Teme e mbyllur.
Problemet personale munt ti zgjidhni larg faqve te ketij forumi.