Xhelozia,krijon krimin ne shtepi!!

[Shpirt Njeriu]

"Burri më mbajti 11 vjet mbyllur"

FIER

Plot 11 vjet që ajo nuk e ka kaluar pragun e shtëpisë. Ka pranuar të rrisë vajzën e burrit, të lindë dhe dy fëmijë me Ramiz Merdanin, pa guxuar të kërkojë të marr pak diell, qoftë dhe një hap larg portës së banesës. Majlinda Merdani i është bindur dëshirës së verbër të bashkëshortit të saj që punonte në një institucion shtetëror dhe pikërisht polic në komisariatin e Fierit, duke mallkuar e kaluar në ferr gjithë vitet e martesës. Pavarësisht këtij ndëshkimi, gruaja ka përjetuar çdo ditë dhunën psikologjike të burrit, të cilit i ishte fiksuar se ajo e tradhtonte me komshiun. E kjo torturë mesnatën e së dielës ka arritur kulmin. Merdani ka qëlluar tre herë mbi nënën e tre fëmijëve të tij, duke e plagosur rëndë atë. Ndërkohë 31-vjeçarja, e cila ka kaluar rrezikun, tregon në një intervistë për Gazetën se kurrë nuk e ka tradhtuar burrin e saj. Të revoltuar flasin edhe të afërmit e Majlindës. Myslim Kajdo, i cili është kunati i gruas së plagosur, thotë se nuk do t'ia falë kurrë akuzat e bëra për nder ish-policit.

Çfarë ndodhi mesnatën e së dielës?
Bashkëshorti im kishte dhjetë ditë që nuk ndodhej në shtëpi. Të dielën ai u kthye. Fëmijët më thanë se Ramizi kishte marrë çelësin e derës së shtëpisë, të cilin e kishte vënë poshtë jastëkut të tij. Në darkë nuk debatuam me njëri-tjetrin. Ai thjesht më tha se kishte qenë me shërbim. Pastaj shkuam për të fjetur, unë në dhomën time dhe ai në të tijën. Në fakt ne kishim kohë që flinim të ndarë (unë flija në një dhomë me tre fëmijët) pasi kishim mosmarrëveshje. Ramizi ishte shumë xheloz, ndaj kisha frikë të flija në një dhomë me të. Isha në gjumë dhe po shikoja një ëndërr të tmerrshme kur dëgjova fjalët e tij: "Me kë po flisje në telefon moj". Nuk pata kohë të hapja sytë kur ndjeva një djegie të fortë në kraharor dhe bark. Kuptova se ai më kishte qëlluar me pistoletë.

Si lindën dyshimet e bashkëshortit tuaj?
Nuk e di. Asnjëherë nuk i kam dhënë shkas që të bëhej xheloz. Ramizi nuk më linte të kaloja as pragun e derës. Pavarësisht se kjo gjë më fyente tej mase, unë e respektoja vendimin e tij.

A pinte Ramizi?
Në fillim pinte shumë, por me kohë e la pijen.

Sa vjet keni që jeni martuar me të?
Me Ramizin jam martuar që para 11 vjetësh. Në kohën kur u martuam ai sapo ishte ndarë nga gruaja e parë me të cilën kishte një vajzë 10-vjeçe dhe që e kam rritur unë. Me bashkëshortin kam dy fëmijë, që nuk i ndaj nga vajza që gjeta në shtëpinë e burrit e që më thërret nënë.

Bashkëshorti dyshonte për ndonjë person konkret, apo ishte konfuz në lidhje me besnikërinë tënde?

Ai dyshonte se kisha lidhje me një komshiun tonë. Ndërkohë unë kurrë nuk e kam tradhtuar atë. Jam një grua që respektoj burrin tim dhe familjen time. Po të ishte i vërtetë dyshimi, të parët që do të reagonin do të ishin njerëzit e tij. Përkundrazi, prindërit e burrit tim më kanë mbrojtur mua dhe i janë kundërvënë djalit të tyre. Duke qenë se ai më akuzonte padrejtësisht, para pak kohe ne bëmë një ballafaqim me familjen e komshiut, për të cilin edhe dyshonte. Nga ballafaqimi mes dy familjeve doli se unë nuk kisha asnjë faj. Për disa kohë rashë në qetësi. Më erdhi keq pse u ndamë në atë mënyrë me komshinjtë, të cilët vunë edhe një mur të lartë ndarës për të mos patur probleme me Ramizin.

Edhe pas ballafaqimit ai vijoi me dyshimet e tij?

Po. Më pas burrit tim i ishte fiksuar që unë kisha celular dhe se e nxirja atë vetëm kur nuk ishte ai në shtëpi. Zënkat për celularin arritën deri aty sa një ditë (pak ditë më parë) ai më mori me makinë dhe më dërgoi në një vend që unë nuk e di se ku bie. Mbaj mend se në atë vend të humbur kishte shumë gropa. Pasi më zbriti nga makina filloi të më shante dhe më tha që të nxirrja celularin. E tronditur dhe e fyer i thashë që më mirë të më vriste se po më akuzonte kot më kot dhe se nuk kisha celular. Pas debatit ai më ktheu në shtëpi. Por që nga ai moment unë nuk e besoja më dhe kisha shumë frikë nga ai.


Polici: Gruan e qëllova se më tradhëtonte, ajo e meritonte ta digjja të gjallë

Ajo më tradhtonte prej kohësh, ndaj e meritonte plum-bin, madje meritonte ta digjja të gjallë". Kështu ka deklaruar dy ditë më parë përpara bluve ish-polici Ramiz Merdani, banues në lagjen "1 Maj" të qytetit të Fierit. Burime nga policia pohojnë se 41-vjeçari menjëherë pas krimit është dorëzuar. Ndërkohë ai ka pranuar se ka plagosur rëndë gruan e tij. Ndryshe nga ç'pritej, i pandehuri jo vetëm që ka pranuar autorësinë e një ngjarje të rëndë, por është shprehur tërë mllef, duke pohuar se ai mund të arrinte deri në skaj të digjte të gjallë nënën e tre fëmijëve të tij. Në rrëfimin e tij, Merdani ka thënë se gruaja e tij, Majlinda e tradhtonte prej disa kohësh. Për të argumentuar dyshimin e tij, Merdani ka pohuar në polici se bashkëshortes së tij i kishin telefonuar në orën 24.00 të së dielës. "Unë i kërkova gruas të më tregonte se kush ishte ai që e merrte aq vonë në telefon, por ajo më kundërshtoi. I irrituar unë mora pistoletën e punës e qëllova tre herë mbi të", është shprehur Merdani. Ndërkohë, bashkëshortja e tij thotë se nuk e ka tradhtuar asnjëherë ish-policin.

[s0ni]

Nuk eshte xhelozia por INJORANCA!!!!!!!!!
Shteti Shqiptar duhet ti jape Gruas me teper perkrarje per keto ndyresira qe nodhen ndaj saj. Mjaft me se na plasen, nuk duhet ti hedhim sy qorr kur c'do dite te javes grate rrihen pa meshire nga burrat e tyre. Se c'fare i duket vetja ketyre kokeqypave vetem se jane Burra.
Ketu ne USA ka programe qe ndihmojne c'do grua qe kerkon strehe nga frika qe burri mund te rendoje rende apo vrasi. Jane shtepia vendosur vetem per grate dhe femijte e tyre. Ne kete vend ata mund te rrijne me jave pa paguar as per dhomen, as per ushqimin. Punesoret i ndihmojne grate te gjejne pune dhe shtepi me qera larg burrit.
Dicka e tille duhet te hapet dhe ne Shqiperi, Por si? Si mund te bejme dicka ne?

[baby_blue]

UA sa e tmerrshme kjo gje qe paska ndodhur! Keto lloj injorante burra duhet ti mbysesh, ti djegesh te gjalle se e meritojne. Cfare lloj padrejtsie qe behet atje, si nuk hoqen dore keto shqiptaret nga budalliqet dhe idete prapanike.
Ne fakt duhet te perkrahet me shume gruaja nga shteti atje, por kujt t'ja thuash, injoranteve!
ME acarohen nervat kur degjoj te tilla histori

[White_Angel]

pupuppupu sa mbrapa jemi ne shqipetaret. u ndrua shekulli dhe po vjen tjetri po ne vend numero ne. E di qe xhelozia ekziston akoma po jo ne kete grate te dredh lere more njeri pse dyhet ta vrasesh. Nuk arrij te kuptoj si nuk ndryshojme ne

[Devil-girl-uk]

Sa realitet i hithur??
Ketu ne Angli burrat kane kerkuar te drejta me shume, sepse grate kane me shume te drejta se burrat. Kurse ne Shqiperi akoma si ne kohe te Turqise... Nese grate do te kishin me shume te drejta atje te ne, dhe shteti do ti mbronte e do ju jepte strehe, jam e bindur se plot qifte qe jetojne ne gjendje pak a shume te tille do divorcoheshin ne vend.