FMN: Shqiperia ne krah te Zambia për nga korrupsioni

[Albo]

Ndër 133 vende, Shqipëria është e 92-ta për nivelin e korrupsionit. Asnjë ndryshim nga 1 vit më parë

Korrupsioni, Shqipëria, ne vendin e 92 si Zambia

Shekulli

TIRANË – Shqipëria ka ruajtur pothuaj të njëjtat pozita të nivelit të korrupsionit në renditjen botërore, por sipas përfaqësuesit rezident të FMN-së në Shqipëri Jan Peter Olters ka shenja pozitive përsa i përket rasteve të publikimit të tij. Olters dha dje një orë leksioni për studentë të Fakultetit Ekonomik. Sipas një raporti të “Transparency International” për indekset e korrupsionit për vitin 2003, Shqipëria është renditur në vendin e 92-të, pak a shumë në të njëjtin vend, ku ka qenë edhe një vit më parë. Para saj, me nivel më të ulët korrupsioni janë renditur edhe disa nga vendet e rajonit, përveç Italisë dhe Greqisë, Bullgaria e cila është në vendin e 54, Kroacia në vend të 59-të, Bosnje-Hercegovina në vendin e 70-të, Turqia në vend të 77-të, Rumania në vendin e 86-të. Ndërsa pas Shqipërisë në këtë listë mbetet Maqedonia dhe Serbia e Mali i Zi, të dyja të grupuara në vendin e 106-të të listës me 133 vende.
Në këtë vend Shqipëria është në të njëjtin nivel korrupsioni me vende si Argjentina, Etiopia, Gambia, Pakistani, Filipinet, Tanzania dhe Zambia, të gjitha me një koeficient korrupsioni 2.5 për vitin 2003. Përfaqësuesi rezident i FMN-së në Shqipëri Jan Peter Olters, gjatë këtij leksioni me studentë të ekonomikut deklaroi se transparenca me publikun ndihmon luftën kundër korrupsionit. “Rritja e vetëdijes së publikut shqiptar dhe medias ndihmon në luftën kundër korrupsionit”, -tha ai. “Unë vërej, shtoi Olters, shenja pozitive të rritjes së vullnetit të mirë për publikimin e rasteve të korruspionit. Rasti më i fundit është ai i korrupsionit në Bankën e Kursimeve. Ky problem u njoh si i tillë, u diskutua publikisht, ndërsa tashmë kjo çështje po hetohet. Publikimi i rasteve të korrupsionit është shumë i rëndësishëm në mënyrë që edhe qeveria dhe publiku ta marrë seriozisht këto çështje”, -nënvizoi Olters. Sipas tij, lufta kundër korrupsionit duhet të nisë që nga transparenca e financimit të partive politike dhe deri tek transparenca e buxhetit të kompanive. Ai shtoi se është shumë e vështirë që të arrihet në nivel zero të korrupsionit, elementi kyç për të luftuar atë është transparenca. Ai tha se është e vështirë gjithashtu të zbulohen provat e korrupsionit. Ndërkaq në listën e indekseve të korrupsionit për vitin 2003 e para renditet Finlanda me koeficient 9.7 nga 8 vëzhgime që janë bërë, ndërkohë që koeficienti i devijimit nga standardet është 0.3. Pas saj vjen në vend të dytë Islanda, e më pas Danimarka dhe Zelanda e Re. Italia ka një koeficient 5.3 nga 11 vëzhgime apo survejime të bëra dhe një devijim nga standardet 1.1. Ndërsa Shqipëria nga 5 vëzhgime të bëra ka një devijim nga standardet 0.6. “Transparency International” pritet të publikojë sot rreth mesditës raportin botëror për korrupsionin, i cili përmban një vëzhgim të përgjithshëm mbi gjendjen e korrupsionit nga korriku 2002 deri në qershor 2003.

[dodoni]

Të përkrahet opozita është një gjë normale sikur që është normale edhe përkrahja e pozitës por nuk më duket normale nënvlerësimi apo përulja e gjithë shtetit shqiptar (pra gjithë shqiptarëve pozitë e opozitë) vetëm pse shtetin është duke e qeverisur partia kundërshtare.
Që të mos keqkuptohem, unë nuk them që niveli i korrupsionit tek ne është i ulët dhe nuk duhet luftuar atë por psh. në vend që të themi se kemi një nivel të njëjtë korrupsioni me Zambinë do të ishte më mirë, më reale dhe më e drejtë jo vetëm duke u nisur nga fakti se jemi shqiptar e europian por edhe për të huajt që psh. të themi se Shqipëria ka një nivel korrupsioni pak më të lartë se Rumania që do të pranohet në BE më 2007 (sepse Rumania është vetëm 6 vende më lartë) dhe të themi se jemi shumë më mirë se Maqedonia e Serbi-Mal i Zi.
Me këtë jo vetëm që nuk japim një imazh të keq për kombin tonë jashtë por edhe nuk pengojmë procesin e rritjes së investimeve të huaja, turizmit të huaj e integrimeve euroatllantike nga të cilat humbasin të gjithë shqiptarët pozitë e opozitë. Ne të gjithë e dijmë se çfarë imazhi ka Zambia në sytë e botës, pastaj sa tërheqëse është për investime, turizëm etj. prandaj nuk duhet futur Shqipërinë në një thes me të kur edhe nuk kemi nevojë ta bëjmë një gjë të tillë që nuk është në interes të asnjë shqiptari dhe kur të gjithë i dijnë diferencat Shqipëri-Zambi. Poashtu ne (pozitë e opozitë) i dijmë nevojat tona për një imazh sa më pozitiv jashtë, për sa më shumë investime të huaja, turizëm e integrim sa më të shpejt në strukturat euroatllantike. Nuk luftohet pozita në këtë mënyrë dhe nuk përkrahet opozita në këtë mënyrë.
Neve duhet në rradhë të parë të mendojmë për gjithë kombin, shtetin e pastaj partitë. Që të gjitha partitë duhet të luftojnë korrupsionin dhe të metat e sistemit shtetëror por jo në këtë mënyrë duke i bërë dëm gjithë shtetit e kombit.
Pra, edhe shtypi e edhe opozita duhet të reflektoj në këtë gjë sepse është në interes edhe të tyre aq sa është në interes të pozitës.

[Llapi]

Nano përuron komitetin kundër pastrimit të parave

Lajmi i ores 8:15 AM

TIRANE (26 Mars) - Kryeministri Fatos Nano kërkoi dje pasdite marrjen e një vargu masash për të luftuar kundër fenomenit të pastrimit të parave. Një nismë e tillë vjen menjëherë pas miratimit të ligjit për pastrimin e parave, ngritjen e një drejtorie të përgjithshme për këtë çështje pranë ministrisë së Financa dhe aktualisht, krijimi i këtij komiteti. Në këtë mënyrë duket se Shtetet e Bashkuara kanë vënë në shënjestër paratë e pista. Nismat më të fundit, ngritja e këtij komiteti, deklarimet e herëpashershme të ambasasorit amerikan, duket se kanë influencuar në përshpejtimin e këtij procesi. Kjo nismë e ndërmarrë dje nga qeveria shqiptare bëhet në kuadër të disa nismave të tjera të mëparshme. Asistimi nga ana e ekspertëve amerikanë në ligjin për pastrimin e parave, dhe asistimi në ligjin për masat ndaj financimit të terrorizmit, duket se janë dy projektet kyçe të një lufte të mirëorganizuar në këtë drejtim. "Lufta kundër krimit të organizuar, tha ai, ka hyrë tashmë në fazën e saj më të lartë". "Synimi, saktësoi kryeministri, është goditja e prapavijës ekonomike dhe financiare të krimit të organizuar". Sipas tij, rezultatet e operacionit më të fundit të policisë me sekuestrimet e pasurisë së krimit të organizuar kanë treguar se efektiviteti i kësaj luftë lidhet ngushtë me goditjen e krimit në prapavijën ekonomike të tij. Kreu i qeverisë i cili drejtoi mbledhjen e parë të komitetit të luftës kundër pastrimit të parave, deklaroi se varfëria apo gjendja në nevojë e shtetit për më shumë investime apo likuiditete financiare nuk mund të legjitimojnë përdorimin e parave me origjinë të paqartë apo të dyshimtë. Ai tha se nuk duhen lënë jashtë vëmendjes edhe transaksionet sado të thjeshta financiare bankare apo investime të tjera të brendshme të cilat kanë origjine veprimet abuzive të nëpunësve të shtetit që rezultojnë në fitime të paligjshme. Kryeministri Nano u shpreh se duhet të jetë sistemi bankar që duhet të marrë kryesimin e kontrollit ligjor mbi transaksionet financiare, dhe i kërkoi ministrit të financave, atij të ekonomisë dhe guvernatorit të bankës që të ndërtojnë një program të detajuar veprimesh për rriten e fluksit të veprimeve financiare npërmjet bankave. Kryeministri tha se institucionet kanë për detyrë që shtetasve dhe sipërmarrësve t'u krijojnë kushtet për qarkullimin e parasë nëpërmjet bankave duke i larguar ato nga mendësia e pagesës me para në dorë edhe për veprime tregtare me vlera të mëdha. Qeveria shqiptare u shpreh kryeministri e konsideron sukesesin e kësaj lufte si jetik për uljen e informalitetit në ekonomi, për nxitjen e tregut bankar dhe për reduktimin e konkurrencës së pandershme. ro/ro (GazetaShqiptare/BalkanWeb)

[krokodili_73]

Keshtu luftohet korrupsioni, jo me demostrata bolshevike.
Shkrimi nga gazeta korrieri, bravo PDR


Genc Pollo: Taulantia-s iu vodhen 1 milion USD
Kryetari i Partise Demokratike Reformatore, Genc Pollo, denoncon ne prokurori dhe ne Kontrollin e Larte te Shtetit, vjedhjen e 1 milion dollareve, nga te ardhurat e agjensise detare Taulantia, e cila eshte prone shteterore. Per kete problem, ai i ka nisur nje leter zyrtare Prokurorit te Pergjithshem, Theodhori Sollaku dhe Kryetarit te Kontrollit te Larte te Shetit, Mustafa Kercuku, ku denoncon vjedhjen e 1 milion USD-ve, nga te ardhurat e agjensise detare Taulantia dhe kerkon, qe organi i akuzes dhe ai i kontrollit financiar te nderhyjne sipas ligjit. Ky fakt eshte bere i ditur dje nga nenkryetari i PDR, Ferdinand Xhaferri, i cili tha se, 1 milion USD-te jane vjedhur nga te ardhurat e agjensise detare shteterore Taulantia dhe per kete ka quajtur si pergjegjes, drejtorin e agjensise, Demir Progri dhe Kryetarin e Keshillit Mbikqyres te agjencise, Dhimiter Rafti. Sipas Xhaferrit, skema e perdorur nga Progri dhe Rafti ka qene urdheri qe, Taulantia te mos shese biletat per linjat detare qe mbulon, por vetem biletat e agjencise private D&D, prone e Demir Progrit. Xhaferri ka theksuar se, fitimi i vitit 2002 kur Taulantia punonte per vete ishte 1.2 milion USD, ndersa ne vitin 2003 kur u zbatua skema Progri&Rafti, fitimi ra ne 157.000 USD dhe diferenca perfundoi si fitim i agjensise private D&D. Xhaferri shton se, ka te dhena se, Taulantia nuk ka paguar taksen prej 6 euro per person ndaj Portit te Durresit, per afro gjysmen e pasagjereve qe ka perpunuar, ndonese e ka vjelur ate prej tyre. Sipas tij, kjo shume rezulton e pervetesuar nga drejtuesit e Agjencise, Demir Progri dhe Dhimiter Rafti aktualisht Zevendesminister i Transportit.