Vetvrasjet, problem kombëtar i shqiptarve!

[Kryeplaku]

Roland Beqiraj


Babai ka shkuar krejt rastësisht në kasollen e bagëtivë , por është tmerruar nga skena që i ka dalë përpara syve. Vajza e tij qëndronte e varur në litar në njërin prej trarëve. E ka zbritur në tokë, por gjithçka ishte e kotë. Megjithëse trupi i 16-vjeçares Nertila ishte ende i nxehtë, ajo kishte vdekur. Ngjarja ka ndodhur dje në orën 15.30 në fshatin Leminot të Korçës. Mendimi i parë për të justifikuar këtë vetëvrasje për prindërit, ka qënë një shqetësim që i kishin sjellë vajzës së tij dy vëllezër tregtarë ambulantë në fshatin e tyre. Babai 45-vjeçar, vetëm disa minuta pas zbulimit të tragjedisë, ka dalë në afërsi të qendrës së fshatit për të gjetur dy vëllezërit Besnik dhe Qemal Kuqo, respektivisht 29 dhe 23 vjeç, nga fshati Vloçisht, të cilët njihesh prej vitesh në këtë fshat, pasi ishin shitës ambulatë. Siç është bërë e ditur nga policia, e cila ka pyetur dëshmitarët, Fetahu u ka thënë dy vëllezërve se "i kishte palajmëruar të mos i binit në qafë vajzës së tij", dhe në drejtim të tyre ka hedhur një granatë dore, e cila ka shpërthyer menjëherë. Më pas ka shkuar në shtëpi ku kishte vajzën e vdekur, duke pritur të vinte policia. Ndërsa nëna e Nertilës, Flurura, gjatë rrëfimit të saj për Gazetën ka treguar se "dy vëllezërit ia kishin mërzitur prej disa kohësh jetën, pasi ata e ngacmonin vajzën. Ndërsa burri i saj kishte tentuar disa herë të merrej vesh me ta, por nuk kishte mundur".
Çfarë ndodhi me vajzën tuaj?
Prej disa kohësh Besniku dhe Qemali e ngacmonin vajzën time. Ata i thoshin se ajo po të shkonte me ata do të jetonte mirë. Madje, i propozuan se do të shkonin dhe jashtë shtetit, sepse ajo ishte shumë e mirë. Vajza fillimisht nuk na tha gjë, por ata vazhdonin ta ngacmonin, duke i thënë gjithfarë gjërash. Më pas ajo u ankua te ne. Pas kësaj, Fetahu shkoi dhe u tha dy vëllezërve që ta lënë të qetë vajzën. Ndërsa Besniku i përgjigjet keq, duke i thënë "që të largohej se, sa vajza ngacmojmë ne, nuk bëhemi merak".
Po përpara ngjarjes çfarë ndodhi, pasi ju thatë se paralajmërimi është bërë herët?
Kur dështuan me metodën e parë, njëri prej vëllezërve e takoi përsëri Nertilën dhe i propozoi martesë. Nertila erdhi në shtëpi dhe na tregoi për propozimin e Kuqove. Fetahi i tha se asnjëri prej tyre nuk është për atë, pasi ajo është e vogël dhe ata kanë qëllime të këqia ndaj saj.
Kur i ka parë vajza për herë të fundit?
Ditën e premte ata e takuan përsëri vajzën dhe i thanë fjalë shumë të turpshme. Nertila erdhi e tronditur në shtëpi dhe prej 24 orësh nuk luajti nga vendi, ishte bërë si e përhumbur. Sot (dje) në mesditë, kur ne po bënim gjumin e drekës, ajo kishte shkuar në haurin e bagëtive, ku ishte vetëvarur. Fetahu shkoi rastësisht në haur dhe pa vajzën të vetëvarur. E hoqi prej andej, e solli në shtëpi dhe u largua. Nuk më tha gjë se ku do të shkonte, unë mora vesh më pas se çfarë kishte bërë. Granata, njëri nga vëllezërit vdiq dhe tjetri në Spitalin UshtarakMenjëherë pas shpërthimit të granatës në furgonin e tyre, vëlleztit Kuqo janë dërguar në spitalin e qytetit të Korçës, ku dhe i janë nënshtruar ndërhyrjes mjekësore. Por, fatale kanë qenë plagët për njërin pre tyre. Megjithë ndërhyrjen e mjekëve, Besnik Kuqo, 29 vjeç, i martuar dhe babai i një fëmije, nuk ka mundur të shpëtojë nga vdekja. Kurse vëllai i tij, 23-vjeçari Qemal Kuqo, në gjendje të rëndë, është përcjellë për në Spialin Ushtarak në Tiranë. Nga shpërthimi i granatës ai ka pësuar dëmtime të mëdha në kokë dhe në bark. Ndërkohë, policia ka arrestuar në banesën e tij Fetah Mullaymerin dhe deri në orët e vona të mbrëmjes e ka pyetur për ngjarjen. Madje, në polici janë shoqëruar edhe pjesëtarë të familjes Kuqo, për të sqaruar rrethanat.

Gazeta Shqiptare 14/06/04

[Kryeplaku]

NJE GRUA VRET VETEN NGA VARFERIA

Ermal Sika


Nëna e tre fëmijëve, e cila u hodh nga kati i tretë i shtëpisë së saj, pasi kishte prerë venat ka dhënë shpirt dje në spitalin rajonal të Vlorës. Mamude Selfo, 55 vjeçe nuk ka mundur dot t'i shpëtojë plagëve të marra dhe humbjes së madhe të gjakut dhe dje ajo ka vdekur, ndërsa ka lënë përufnimisht jetim tre fëmijët e saj. Vogëlushët tashmë kanë mbetur pa asnjërin nga prindërit, pasi babai i tyre ka vdekur dy vjet më parë. Varfëria dhe gjendja e vështirë ekonomike, në të cilën ndodhej ajo së bashku me fëmijët e sa, pas vdekjes së të shoqit e ka detyruar atë të marrë vendimin ekstrem. Më pas 55-vjeçarja ka kaluar në një gjendje të thellë depresioni. Më 9 qershor e gjendur në shtëpinë e saj në lagjen "Lirim" në Vlorë, fillimisht ka prerë venat dhe më pas ështe hedhur nga kati i tretë i pallatit. Familja e vogël tashmë e mbetur me katër vetë jetonin vetëm me pensionin e të atit dhe me një asistencë të vogël që merrte e ëma e tyre si e papunë. Ndërsa dje dhimbja në shtëpinë e tyre ka qenë e madhe. Tre fëmijët ishin ulur pranë trupit pajetë të nënës së tyre dhe e vajtonin. Sot pritet që 55-vjeçarja, e cila humbi jetën tragjikisht të përcillet për në banesën e fundit. Ende nuk dihet se kush do të merret me rritjen e tre fëmijëve, më i madhi i të cilëve është 15 vjeç dhe nuk është në gjendje që të mbajë edhe dy fëmijët e tjerë. Megjithatë të afërmit dhe familjarët do tu hedhin një dorë për tre fëmijët tashmë të mbetur jetimë.

[Kryeplaku]

LIBRAZHD/ Hidhet nga ura, vdes

Një 60-vjeçar nga Librazhdi është hedhur nga një urë hekurudhore dhe ka gjetur vdekjen. Sipas policisë, Mehmet Leka është hedhur nga Ura e Pishkashit, duke marrë plagë të rënda. Menjëherë kalimtarë të rastit që e kanë parë e kanë nisur për në spital, por ka vdekur gjatë rrugës. Ndërsa ende nuk dihen shkaqet që e shjyrë 60-vjeçarin të vetëflijohet.