Vetvrasjet, problem kombëtar i shqiptarve!

[Kryeplaku]

Tre të vetëhelmuar në dy ditë, një grua në koma


Arsen Isai

ELBASAN- Një grua 29- vjeçare ndodhet në gjendje kome, pasi ka tentuar t’i japë fund jetës, ndërkohë që ky është rasti i tretë i vetëhelmimit brenda dy ditëve të fundit. Rajmonda Sh., 29 vjeçe, nënë e 3 fëmijëve, lindur dhe banuese në fshatin Shushicë në Elbasan, ka mbërritur dje në spitalin e Elbasanit, pasi ka pirë një sasi rogori që përdoret ndaj insekteve që brejnë hardhitë e rrushit. Nga hetimet e para mësohet se shkak i kësaj tentative kanë qënë grindjet e vazhdueshme të 29-vjeçares me bashkëshortin e saj. Ndërkohë në dhomat e reanimacionit të repartit kirurgjik, ndodhen dhe dy të vetëhelmuar të tjerë. Ata kanë mbërritur atje dy ditë më parë dhe pas ndihmës mjekësore ndodhen jashtë rrezikut për jetën. Genti D., 26 vjeç, lindur dhe banues në lagjen "Beqir Dardha", në Elbasan, u vetëhelmua me një sasi ilaçesh antidepresivë, thanë për gazetën, burime të policisë. Burime të spitalit thanë për gazetën se 26- vjeçari, mbërriti në gjendje të rëndë por aktualisht ndodhet jashtë rrezikut për jetën, ndërkohë që policia po heton mbi shkaqet e kësaj tentative vetëvrasjeje. Po dy ditë më parë, në spitalin e Elbasanit mbërriti në gjendje kome dhe një 21- vjeçare nga ky qytet. M.Gj., e pamartuar, kishte pirë një sasi të konsiderueshme bar miu dhe ndodhet në gjendje të rëndë në spital. Familjarët kanë pohuar se nuk i dinin shkaqet e vetëhelmimit të vajzës së tyre. Vetëm gjatë majit janë shënuar katër raste të tentativave të vetëflijimit. Kurse gjatë këtij viti shënohen 90 raste me rreth 15 të vdekur. Pjesa më e madhe janë vajza dhe gra nga fshatrat e qarkut të Elbasanit.


Shekulli 06/05/04

[Kryeplaku]

Tenton të vetëhelmohet, i kishte vdekur burri në Greqi


S. Gozhina

BERAT- Pak muaj më parë, i kishte vdekur burri në Greqi dhe dje ka vendosur t’i japë fund jetës. 16- vjeçarja M. Rrenja, banore fshatit Moravë në Berat, ka tentuar t’i japë jetës fund, duke pirë helm rogor, por ka shpëtuar për mrekulli nga vdekja pasi familjarët e kanë çuar në kohë në spitalin rajonal. Burime nga spitali thanë për gazetën se 16-vjeçarja mbërriti në gjendje të rëndë në spital, por falë ndërhyrjes së menjëhershme ajo e ka kaluar rrezikun. Të afërmit e viktimës që ndodheshin në spital kanë pohuar se M. Rrënja ka tentuar t’i japë fund jetës në kushtet e depresionit. Ajo kishte pirë helm pasi disa muaj më parë kishte humbur në Greqi bashkëshortin e saj. Ky i fundit kishte vdekur si pasojë e një aksidenti automobilistik. Pas vdekjes së bashkëshortit, 16- vjeçarja është kthyer tek i ati dhe mësohet se gjatë gjithë kohës ka qënë e mërzitur dhe e stresuar. Të afërmit e viktimës bëjnë të ditur se M. Rrënja ka dalë herë në mëngjes nga shtëpia dhe i është drejtuar serës së domateve, të cilat do t’i spërkaste me helm rogor. Por në kushtet e depresionit ajo ka kapërdirë helmin dhe është gjetur në gjendje të rëndë, duke nxjerë shkumë nga goja, nga nëna e saj. Nëna ka lajmëruar të afërmit të cilët e kanë nisur me urgjencë vajzën në drejtim të spitalit, ku dhe ndodhet jashtë rrezikut për jetën.




06/05/2004 Shekulli

[Kryeplaku]

S'i ktheu borxhin nënës, vetvaret
Kuçovë, 41-vjeçari i kishte marrë katër mijë lekë


--------------------------------------------------------------------------------

Zylyftar Plaku


KUÇOVE

Një kabëll elektrik dhe trau i tavanit të banjës. Kaq pak sende i kanë mjaftuar 41-vjeçarit Tomor Laze nga Kuçova për t'i dhënë fund jetës. Një vendim i marrë aty për aty dhe krejt i pabesueshëm. Por për Lazen motivi që e ka shtyrë drejt këtij akti, ka qenë shumë i fortë. Pak ditë më parë i kishte marrë nënës së vet 4 mijë lekë borxh, të cilat ishin bërë shkaku i vendimit të tmerrshëm për jetën e tij. Pikërisht mosgjetja e asnjë lloj mundësie për t'i kthyer ato, ishte edhe arsyeja, që e kishte detyruar si zgjidhje të vetme të shikonte vetëflijimin dhe së bashku me jetën, të merrte me vete në varr borxhin e pa shlyer. Dy gotat e fundit të rakisë të rrëkëllyera atje te kioska e lagjes, kishin qenë kënaqësia e fundit e tij, që ia kishte lejuar vetes para vetvrasjes. Ndërsa gruas së tij, Bukuroshes, tani nuk i mbetet gjë tjetër, vetëm të vazhdojë e vetme përpara, që të paktën të rrisë tre fëmijët që ka në shtëpi, tashmë të mbetur jetimë. Do të përpiqet t'i ushqejë jetimët e saj me pagën modeste që merr në ndërmarrjen e pastrimit të qytetit.

Ngjarja
Ka qenë ora 21.30 kur Tomori është ktheyr në shtëpi. Eshtë përshëndetur me familjarët e tij dhe më pas i është drejtuar banjës. Vonesa e tij duket i ka shqetësuar familjarët. Fillimisht e shoqja e ka thirrur nga dera e banjës, por askush nuk i ka kthyer përgjigje. Ndërsa minutat kalonin, ankthi te pjesëtarët e familjes rritej. Bukuroshja, e shoqja, duket se ka parandjerë të keqen dhe i ka kërkuar të birit që të shpërthente derën e banjës. Sapo kanë hapur derën kanë vënë re se Tomori ishte varur. Menjëherë familjarët janë munduar që t'i heqin kabllin dhe më pas kanë dashur t'i japin edhe ndihmën e parë. Por edhe transportimi për në spitalin e qytetit duket se ka qenë i kotë. 41-vjeçari nuk kishte asnjë mundësi shpëtimi.

Rrëfimi
Dy gotat e fundit të rakisë Tomori i kishte pirë me fqinjin e tij, Kadri Myrtelin, u cili nuk e ka besuar lajmin, kur Bukuroshja i kishte thënë për ngjarjen. "Menjëherë kam shkuar në shtëpi, kur më thirrën Bukuroshja dhe Aureli dhe nuk besova kur më thanë se Tomori kishte varur veten në banjo". Sipas Kadriut, Tomorin kishte ditë që e brente shqetësimi se nuk kishte me se të ushqente fëmijët, sepse nuk po mundte që të gjente një punë. Gjithë familja jetonte me pagën e Bukuroshes, gruas së shtëpisë, e cila punonte si fshesare në ndërmarrjen e pastrimit të Kuçovës. Me atë pagesë minimale nuk mund të mbaheshin frymët e shtëpisë. "Në darkë para se të ndaheshim pimë nja dy gota aty te kioska afër shtëpisë. Atë ditë Tomori kishte këmbyer nja dy fjalë me të ëmën, të cilës i kishte marrë 4 mijë lekë borxh. Por nuk kishte çfarë t'i kthente. Ai ishte me sedër dhe për këtë ka qenë i mërzitur gjithë ditën", rrëfen miku i viktimës për ditën e ngjarjes. Sipas Kadriut, atë ditë Tomori shkoi në shtëpi më herët se ditët e tjera, duke i'u justifikuar se ishte i lodhur. "Nuk kaloi as një orë a dy dhe më thirri djali i tij, Aureli, duke më thënë se ka vdekur babai. Nuk e besova, por vrapova sepse kjo nuk mund të ishte shaka", vazhdon më tej ai. Kjo është historia e një jete të prerë në mes, për një borxh të pakthyer dot në kushte të pamundësisë për tu punësuar. Tashmë në familjen e varfër të mbuluar nga zia nuk ngelet gjë tjetër veçse mendimi për shpenzimet e ceremonisë mortore.


Djali: Babai erdhi në shtëpi i dehur

Auroli, djali i madh i shtëpisë, nuk ka për ta hequr ndonjëherë nga kujtesa momentin kur e pa babanë e tij të varur me kabëll. Sipas 18-vjeçarit, i ati ka shkuar në shtëpi si zakonisht rreth orës 20.00, ndërsa ka qënë i dehur. "Babai kishte pirë raki së bashku me disa shokë të tij në një kioskë afër shtëpisë. Pasi ka mbërritur në shtëpi ai nuk bëri llafe me askënd, sepse nuk e kishte zakon që të fjalosej, ndërsa ka kërkuar që të flinte gjumë", pohon mes lotësh Auroli. Para se të shkonte për të fjetur ka shkuar në banjo. E shoqja dhe fëmijët kanë pritur që ai të dilte nga banjo, por kjo gjë nuk ka ndodhur. Bukuroshja, e shoqja ka shkuar për ta thirrur. Meqënëse gruaja nuk ka marrë përgjigje dhe ka pritur mjaft për të dalë i shoqi i ka kërkuar ndihmë të birit të saj, i cili ka shqyer derën për t'i dhënë ndihmë të atit. Pasi nënë e bir e kanë gjetur të zotin e shtëpisë të varur kanë vënë kujen dhe kanë kërkuar ndihmën e fqinjve, por nuk kanë mundur që ta shpëtojnë nga vdekja 41-vjeçarin.


07/05/04 Gazeta Shqiptare

[Kryeplaku]

Vetëvritet me çifte 17-vjeçarja
Lushnje, zbulohet letra e fundit e adoleshentes


--------------------------------------------------------------------------------

Irma Hoxha


LUSHNJE

Një tjetër vetëvrasje është shënuar ditën e djeshme në Lushnjë. Ca fjalë të shkruara kobshëm pak minuta para vdekjes, ishin lamtumira e fundit e dhënë nga një adoleshente. Marsela Binjaku, banuese në fshatin Karbunarë të këtij rrethi, i ka dhënë fund jetës së saj të re duke qëlluar veten me çiften e t'et. Burime nga policia e Lushnjës pohojnë se ngjarja ka ndodhur rreth orës 11.00. 17-vjeçarja (me arësim tetëvjeçar) ka pritur momentin e përshtatshëm për të realizuar vendimin fatal. E ndërsa prindërit e saj kanë dalë nga shtëpia, adoleshentja ka kërkuar armën, që e mbante me leje babai i saj. Para se të shkrepte çiften mbi trupin e saj të njomë, Marsela është ulur dhe ka shkruar këto fjalë. "Ju dua shumë të gjithëve. Më falni për këtë shqetësim që po ju sjell. Lamtumirë!" Kjo ishte ndjesa e saj e fundit, mesazhi i fundit i lënë nga kjo botë. Më pas është vetëvrarë. Vetëm pak kohë pas vrasjes, pjesëtarët e familjes Binjaku janë tmerruar nga ajo që u kanë parë sytë. Marsela është gjetur e pajetë në një nga dhomat e shtëpisë, e mbytur në një pellg gjaku. Ndërkohë, policia ka mbërritur në vendngjarje. Të afërmit e viktimës kanë pohuar para bluve se vajza e tyre ishte natyrë e qetë dhe nuk kishte asnjë shkak që ajo të bënte vetëvrasje. Marsela pas mbarimit të klasës së tetë rrinte në shtëpi. Edhe komshinjtë kanë deklaruar se familja Binjaku ishte e rregullt dhe se nuk e keqtrajtonin 17-vjeçaren. Pavarësisht dëshmive, ngelen vërtet mister motivet që e detyruan të renë t'i jepte fund jetës së saj në lulen e rinisë. Policia po heton për zbardhjen e plotë të ngjarjes dhe të gjetjes së motivit të krimit.

07/05/04 Gazeta Shqiptare

[Kryeplaku]

Tenton të mbytet në Bunë e sëmura mendore


--------------------------------------------------------------------------------



SHKODER

Tenton të vetmbytet në Bunë, e shpëtojnë kalimtarët e rastit. Ngjarja ka ndo-dhur rreth orës 7.30 të mëngjesit të djeshëm në qytetin e Shkodrës. Burime nga policia, bëjnë të ditur se një 42-vjeçare (emri i së cilës nuk bëhet i ditur) ka qëndruar për pak kohë mbi Urën e Bunës. Më pas ajo ka rënë në ujërat e këtij lumi. Kalimtarë të rastit të cilët kanë vënë re se gruaja po përpëlitej, e kanë ndihmuar atë, duke e nxjerrë nga lumi. Më pas shpëtimtarët kanë njoftuar policinë e cila ka mbërritur menjëherë në vendgjarje. Nga verifikimet e bëra nga blutë ka rezultuar se, shtetësja në fjalë vuante nga çrregullime mendore. Ndërkohë ekspertët e çështjes po hetojnë për zbardhjen e plotë të ngjarjes.

07/05/04 Gazeta Shqiptare

[Kryeplaku]

Vdekja e 17-vjecares, hetohet ndikimi fetar

Prokuroria e Lushnjes nisi dje hetimet ne lidhje me vetevrasjen e gjimnazistes Maresla Binjaku. Policia dorezoi letren e te ndjeres ku tregohet se si ne emrin dhe per Jehovain, adoleshentja vendosi t'i jape fund jetes, "pasi 7 maji per Deshmitaret e Jehovait, eshte dite e shenjte qe te con ne parajse". Reagon shoqata: "Marsela ka marre materialet tona por s'e kishim anetare". Investigim per literaturen qe iu bllokua viktimes ne banese

LUSHNJE - Prokuroria e Rrethit te Lushnjes, po heton se derisa ka arritur te ndikoje perkatesia fetare ndaj vajzes 17 vjecare Marsela Binjaku e cila i dha fund jetes tre dite me pare me arme zjarri. Adoleshentja u gjet e vdekur pasi ishte veteqelluar ne banesen e saj, en kushte te nje gjendjeje te renduar psikologjike, qe besohet nga familjaret dhe te afermit e viktimes, se ka ardhur nga ndikimi i sektit te Deshmitareve te Jehovait, qe vajza sipas tyre kishte perqafuar prej disa kohesh. Ne nje leter qe kishte lene para se te vetevritej, Marsela sipas te afermve, shkruante: "Jetoj nje jete boshe dhe te kote... Nga librat per Jehovain kam mesuar se data 7 Maj eshte nje dite e shenjte dhe kush flijohet ne kete date per Jehovain, shpiti i tij nuk vdes por shkon ne parajse... Mami dhe Babi. Ju dua shume dhe te me falni per kete shqetesim qe po ju sjell". Nga biseda e korrespondentit tone ne vendngjarje, me te afermit, mesuam se Qemali duke pare se gruaja kishte pune shume me makinen qepese kish futur vitin e kaluar te bijen Marselen ne nje kurs rrobaqepesie ne Lushnje. Ne kete kurs ajo ishte njohur me disa gra te cilat ishin deshmitare te Jehovait te cilat e kishin pajisur me literature per kete sekt fetar. Prinderit nuk dinin gje. Lidhjen me Deshmitaret e Jehovait prinderit e mesuan pasi kishin lexuar mesazhin qe kishte lene e bija e tyre, pas vetevrasjes. "

Te gjitha provat e grumbulluara ne ambjentet e familjes Binjaku ne fshatin Kashte Bardhe te komunes Karbunare e Vogel lidhur me vetevrasjen qe kreu para tre ditesh Marsela Binjaku i kane kaluar Prokurorise se Rrethit Lushnje per te kryer hetime te metejshme. Keshtu ka pohuar per "Korrieri"-n shefi i komisariatit te Lushnjes Albert Ismaili. Mesohet se disa te dhena jane grumbulluar nga ana e policise e cila i ka hedhur ne dosje sic eshte rasti ku familjaret kane pohuar se Marsela ka qene Deshmitare e Jehovait kur ka kryer kursin si rrobaqepese nderkohe qe prane godines qe ajo ka kryer kursin nuk ekziston asnje ambient i Deshmitareve te Jehovait por i nje sekti tjeter fetar. Xhemil Beharaj

10/05/04 Korrieri

Ca ben qeveria per keta tipat qe e kan bere vendin tone si han pa dyer dhe kthejne Shqiptaret ne viktima?

[Kryeplaku]

Kujtim Boriçi

ELBASAN- Specialistët dhe psikologët e Elbasanit japin alarmin për rritjen e numrit të vetëflijimeve në këtë qark. Sipas tyre, numri i rasteve është rritur 6 herë në katër vitet e fundit dhe shkak kryesor, sipas tyre, janë traumat e vitit 1997. Si specialistë, si psikologë dhe si mjekë humanë, dr. Behar Gjevori dhe dr. Nikollaq Thano, pohojnë se kanë ndërmarrë një nismë për impenjimin e strukturave shtetërore në rajon, komunitetit të nxënësve, studentëve, prindërve, shoqatave të ndryshme, për të analizuar këtë fenomen tragjik në Elbasan dhe për të marrë masa për minimizimin e tij. Lëvizja "Jo vetëhelmimit" që sapo ka nisur në Elbasan, sipas organizatorëve, shpresohet të gjejë një mbështetje masive të faktorëve të mësipërm, në mënyrë që tragjeditë e këtij lloji të minimizohen. “Nisur nga statistikat në 72% të rasteve viktimat janë të seksit femër”, thotë për gazetën "Shekulli" specialisti Gjevori. Referuar shifrave, sipas specialistit Thano, rezulton se vetëhelmimi ka ardhur në rritje gjatë viteve të fundit dhe në 29% të rasteve është me pasojë vdekje. Kështu, nëse në vitin 2000 në rrethin e Elbasanit u regjistruan 15 raste të vetëhelmimit, në vitin 2001 shifra u rrit në 37 raste, në vitin 2002 në 87 raste, në vitin 2003 numërohen 95 raste, ndërsa vetëm gjatë 5 muajve të këtij viti janë regjistruar 31 raste. Statistikat, por dhe studimet tona të një periudhe të gjatë, shton për gazetën dr.Gjevori, evidentojnë si shkaktar të vetëflijimit ndikimin e traumave të vitit 1997. Fëmijët dhe adoleshentët e 7-8 viteve më parë, shton ai, të rritur mes krismave të armëve gjatë trazirave, (në rajonin e Elbasanit u shënuan mbi 130 viktima), kanë qenë objekt i këtij terrori psikologjik. Sot ata janë rritur dhe rezultojnë të jenë kontigjenti më i madh (mbi 70%), i atyre që vetëflijohen. Në këtë dramë sociale, shtojnë specialistët, nuk mohohen dhe faktorët e njohur si varfëria, ikja në emigrim apo braktisja e njërit prej partnerëve, tradhtia bashkëshortore, ndryshimi i mënyrës së jetesës (mbipopullimi i qendrave urbane nga fshati). Moshat 15-44 vjeç janë më të prekurat nga ky fenomen.

Shekulli 10/05/04



kam pershtypjen se sa kohe qe po qeveris Nano aq me shume njerez vrasin veten ne Shqiperi

[Kryeplaku]

Flijohet pas vrasjes së burrit e djalit
58-vjeçarja vetëvritet me një plumb pas depresionit


--------------------------------------------------------------------------------



SHKODER

Menjëherë pas viteve `90, për File Kronin jeta ka marrë një rrjedhë krejt tjetër, por që pas disa kohësh ajo ka ndryshuar sërish. Ajo nuk e kishte menduar që gjërat do të ndryshonin për keq brenda pak vitesh. Që në ditët e para të demokracisë, bashkëshorti i 58-vjeçares që u vetëvra dje nisi të merret me kambizëm, duke u bërë njëri nga më të fuqishmit në qytet. Por në vitin 1997, ai u ekzekutua farë pranë shtëpisë me qëllim për t'u grabitur. Kjo shënoi edhe tragjedinë e parë për familjen Kroni. Ndërsa e dyta, e cila ishte fatalja për File Kronin, ishte vrasja e djalit në Kolumbi. Këto dy ngjarje bënë që ajo të kalojë në depresion nervor.

Vetëvrasja
Ka qenë ora 09.00 e mëngjesit të djeshëm kur është kthyer në shtëpi djali i vetëm me të cilin jetonte 58-vjeçarja, Angjelini. Ai e ka gjetur të sapovrarë nënën e tij, ndërsa pranë saj ndodhej një pistoletë "Zastava" dhe një gëzhoje. Menjëherë 38-vjeçari ka lajmëruar fqinjët, të cilët e kanë dërguar menjëherë në spitalin e qytetit. Por çdo gjë ka qenë e kotë. Ajo kishte vdekur menjëherë, sapo plumbi i kishte prekur zemrën. Shtëpia ku ndodhi vrasja ndodhet në një rrugicë përballë shkollës "Jordan Misja". Menjëherë pas ngjarjes forcat e policisë rrethuan të gjithë zonën, duke mos lejuar askënd të afrohet, madje as gazetarët apo operatorët. Kjo ka bërë që misteri për vetëvrasjen të rritet, pasi në polici është mbajtur i shoqëruar deri në orët e mbrëmjes edhe i biri i viktimës, njeriu i vetëm i saj. File Kroni i është nënshtruar autopsisë pasi në vendngjarje nuk është gjetur asnjë gëzhojë. Për të vërtetuar faktin se gëzhoja nuk është larguar qëllimisht nga vendi i ngjarjes për të humbur gjurmët, ekspertët kanë vendosur të bëjnë autopsinë. Ndërsa përgjigjet përfundimtare do të dalin pasi të bëhet ekspertiza e armës në Ministrinë e Rendit.

Motivi
Deri dje në mbrëmje, sipas policisë, motivi kryesor që e ka çuar në vetëvrasje 58-vjeçaren ka qenë depresioni. Siç është mësuar, ajo prej një viti, kur iu vra edhe djali në Kolumbi, kishte kaluar në depresion. Kjo pasi familja Kroni, me mjaft emër në qytetin e Shkodrës kishte pësuar disa fatkeqësi. Në tetor të `97-ës, kambisti Lulash Kroni vritet në një pritë që i kishin bërë për ta grabitur. Ngjarja u shoqërua me shumë bujë në qytet, duke u cilësuar si një nga vrasjet më me zhurmë. Vrasësit i grabitën jo vetëm sasinë e madhe të lekëve, por dhe çdo gjë me vlerë që ai kishte. Autorë të ngjarjes u cilësuan dy komshinj të tij. Njëri prej tyre është i dënuar dhe aktualisht po vuan dënimin, kurse i dyti është vrarë në Itali pak vite më parë. Mendohet se ky ekzekutim atij i është bërë për hakmarrje. Ngjarjet vazhdojnë me të tjera viktima. Këtë muaj është mbushur një vit, kur në Kolumbi është vrarë djali i Lulash Kronit, Ardi Kroni, 30 vjeç. Megjithatë, kjo vrasje mendohet se nuk ka të bëjë me vrasjen e të atit apo të autorit të ekzekutuar në Milano.


Fqinja: Vinte te ne për kafe e thoshte gjithnjë se do të vetëvritej

File Kroni kishte kohë që vuante nga një depresion nervor". Kështu kanë pohuar komshinjtë e familjes, e cila që nga viti 1997 numëroi tri viktima. Madje ato vetë kanë deklaruar se Filja kishte pohuar shpesh se do të vriste veten. "Nuk më ka shkuar asnjëherë mendja se me të vërtete Filja do të vriste veten. Tani e ndiej veten disi në faj që nuk e kam vlerësuar atë çfarë na thoshte. Mendoja se po thoshte ndonjë gjë të pamenduar dhe pa kuptim, siç vepronte shpesh. Vinte të pinte kafe dhe na thoshte: 'Po e pi këtë kafe se do të vras veten'. Ngaqë e thoshte shpesh, nuk ia vinim re. Këtë e lidhinim me tragjedinë e jetës së saj. Ka qenë një grua e fortë, por që jeta, mesa duket, e lodhi. Vdekja e të birit ishte goditja më e madhe. Këtë nuk mundi ta përballonte. Gjatë gjithë ditës vetëm për të fliste. Jemi munduar t'i qëndrojmë afër, ta ftojmë për kafe apo të shkonim ne tek ajo për kafe, por dhe ne kemi problemet tona. Më duket se nuk kam bërë sa duhet, mbase duhej t'i kisha qëndruar më pranë, ta bëja të fliste më shumë që të shfrynte. Shpesh mallkonte veten se ishte gjallë dhe i biri në tokë. I lutej Zotit që të kishte mirësinë dhe ta merrte dhe atë që të bashkohej me djalin dhe burrin". Këto ishin fjalët e një gruaje, fqinje e viktimës, e cila nuk donte të identifikohej. Ajo tregon se me Filen e kishte kaluar mirë gjithmonë dhe kishin biseduar bashkë për çdo gjë. "Për vrasjen e djalit nuk fliste shumë, thotë ajo, por gjithmonë e përsëriste se 'do vriste veten'".


Djali në polici dhe nëna në morg

Shtëpia e familjes Kroni deri në orët e mbrëmjes ka qenë e mbyllur. Pas orëve me zhurmë të paradites, dreka dhe pasditja kanë qenë krejt të qeta. Madje shtëpia ka qenë e mbyllur plotësiht. Vëmendja e të gjithë qytetit është përqëndruar dje në lagjen "Tom Kola". Emri i njohur i familjes Kroni dhe fatkeqësitë e tyre e kanë bërë të ndjeshëm opinionin. Lajmi se kishte vrarë vetën e veja e Lulash Kronit ka bërë që në rrugicë të drejtohen shumë kureshtarë, të cilët sigurisht që kanë hasur në rezistencën e bluve të cilët s´kanë lejuar që të futet askush në "zonën e nxehtë". Familjarët dhe personat e tjerë pranë familjes janë shoqëruar në Drejtorinë e Policisë për të dhënë sqarime për ngjarjen. Bashkë me ta ka qenë dhe djali i Files, Angjelin Kroni, 38 vjeç. Nënë e bir jetonin vetëm. Ndërkohë që për arsye hetimi dhe për shkak të autopsisë që duhej të bëhej, viktima 58-vjeçare ka qëndruar në spital edhe për shumë orë të tjera. Në morg ajo ka qëndruar për disa orë. Të gjitha këto kanë bërë që shtëpia përdhese e familjes Kroni të qëndronte e mbyllur për shumë orë. Ndërsa e diela do të jetë ndryshe. Sipas zakonit, ajo do të kalohet me zhvillimin e ceremonisë mortore për gruan që nuk arriti t'u bëntë ballë fatkeqësive të jetës, vrasjeve të burrit dhe të djalit të saj. Në orët e mbrëmjes është lënë i lirë djali i vetëm i familjes, i cili ka nisur të merret me organizimin e ceremonisë mortore të së jëmës.

Gazeta Shqiptare 17/05/04

[hunter]

Kete familjen kroni e kam njohur, jo personalisht, por e kam njohur se jam dhe une prej shkodres. ti po me thu se adrianin e paskan vra ne kolumbi e qe tash edhe e ema paska vra veten? me vjen shume keq
historine e lulashit e njoh. ne kohen e komunizmit ishte karrocier e me ardhjen e demokracise ju fut kambizmit e i eci fati.... deri diku se ne '97 e vrane per ta grabit.
cdo gje po merr rrokullimen

[Kryeplaku]

Shkoder, varje mister e pronarit te oficines

SHKODER - Nje 42 vjecar, baba i dy femijeve ne lagjen "Guerrile" te Shkodres, i ka dhene fund tragjikisht jetes se tij, duke u vetevarur me nje litar ne punishten ku punonte. Policia e Shkodres, beson se shkaku qe e ka cuar 42 vjecarin ne nje veprim te tille eshte depresioni nervor. Ylvi Mercaj eshte gjendur me litar ne fyt rreth ores 7 te mengjesit te djeshem, brenda ne oficinen qe ishte prone private e tij, e cila ndodhet ngjitur me oborrin e shtepise. Njeri nga kusherinjte e Ylviut tregon: "Ylviu ishte zgjuar heret si zakonisht dhe kishte dale nga shtepia per te filluar punen sic bente cdo dite, rreth ores 6 e 30. Por hyrja e tij aty ate dite kishte pasur qellim tjeter. Pasi ka lidhur litarin e trashe ne tavanin e repartit ka kryer ne cast veprimin fatal. I pari qe ka hyre aty ne oren 7 ka qene nje nga tre punetoret qe kishte punesuar ne repart. I tmerruar duke thirrur ka trokitur ne deren e shtepise duke i dhene lajmin vellait dhe gruas se tij. Me pas Samiu, vellai i madh, i cili jetonte ne nje shtepi me viktimen ka zgjidhur trupin dhe se bashku e kemi derguar ne spital por gjithcka ka qene e kote. Ai kishte vdekur ne cast, duke lene jetime dy djem Orlendin 6 vjec dhe Oraldin 3 vjec. Ata jane derguar tek disa kusherinj ketu prane dhe akoma nuk e dine se ci ka ngjare". Vetevarja e Ylviut ka cuditur te gjithe ata qe e njihnin, pasi ka qene njeri i qete dhe shume punetor, teper i rregullt dhe korrekt ne familje. Me kete oficine mbante shume mire familjen, kishte arritur te njihej si nje nga mjeshtrat me te mire te punimit te llamarines dhe merrte porosi jo vetem brenda ne Shkoder, por dhe ne Malesi te Madhe. "Ne nje periudhe te shkurter ka pasur ca probleme shendetesore, por eshte kuruar ne spitalin neuro psikiatrik te Shkodres dhe me pas gjithcka dukej se vazhdonte normalisht tek ai". Pervec nje depresioni nervor qe mund te kete kaluar per momentin, asnje shkak tjeter nuk mund te gjejme, qe mund ta kete cuar deri ne vetevarje. Bashkeshortja Ditila, e cila si ka mbushur ende te tridhjetat, tregon se dy dite me pare i shoqi kishte nje shprehje merzie dhe nje cast u shpreh se po me merziste mua dhe femijet, por nuk arrita ta kuptoj dhe te mendoja nje fund te tille, pasi ne familje gjithcka shkonte shume mire dhe e mora si dicka qe po kalonte per momentin". Ditila pohon se "dje ne mbremje dukej i qete, pasi luajti dhe bisedoi pak me femijet sic bente zakonisht, hengrem darke dhe rame te flinim. Ka bere gjume fare te qete dhe eshte zgjuar si cdo dite per te filluar punen. Nuk arrij te kuptoj pse e beri nje veprim te tille, kur gjithcka shkonte mire". Valbona Idrizi




--------------------------------------------------------------------------------
19/05/2004 Korrieri