Bler shkon në Libi!!

[Shpirt Njeriu]

Kryeministri britanik Toni Bler shkon në Libi dhe takohet me udhëheqësin libian, Kolonelin Muammar Gaddafi.

Zoti Bleri pritet t'i japë dorën Kolonel Gadafit në një tendë beduine diku në periferi të Tripolit.

Zoti Bler, i cili po ndjek shembullin e homologëve të tij italianë e spajollë, është udhëheqësi i parë britanik që viziton Libinë që në vitin 1943, kur këtë gjë e bëri Uinston Çërçilli.

Vizita e zotit Bler ka provokuar kritika në vend nga ata që thonë se ai nuk duhet të takohet vetëm disa javë pas sulmeve të Madridit me personin i cili është lidhur në të shkuarën me sulme terroriste ndërkombëtare.

Takimi është simbolik dhe tregon shkrirjen e akujve në marrëdhëniet midis perëndimit dhe kombit afrikanoverior, pasi Libia vendosi të zbulojë programet dhe armatimet e saj të shkatërrimit në masë para inspektorëve ndërkombëtarë në dhjetor.

Zoti Bler e ka lavdëruar Kolonel Gadafin që ka dënuar me kurajë terrorizmin dhe ka eliminuar këto programe.

Përveç simbolizmit dhe retorikës politike, zoti Bler nuk do të shkojë në Tripoli me duar bosh: Ai dëshiron futjen e kompanive britanike në Libi, gjë që do të ndihmonte ekonominë vendase.

Si shkëmbim, zoti Bler do ta sigurojë Kolonel Gadafin se Britania do të përpiqet të bindë Shtetet e Bashkuara të heqin sanksionet tregtare ndaj Libisë.