Cila eshte me e bukur?

[SiMpLeNcUtE]

lol ahahahaah thx

[Klajdi03]

Agnesa Vuthaj eshtë shpallur mbrëmë ‘Miss Albania 2004’. Ajo eshte mbreteresha e bukurisë shqiptare mes 53 konkurentëve nga Shqipëria, Kosova, Maqedonia e diaspora. Por nga diaspora mungonte nje bukuroshe korcare e cila mund te ishte e vetmja qe do ja rembente kuroren Agneses, atere le te shpresojme per vitin tjeter.

Urimet e mia te sinqerta per te dyja...

[ALBA]

Dy nga vargjet e “Eposit të Kreshnikëve” do të shërbenin fare mirë për të na krijuar imazhin e bukurisë së saj. “Dhëmbët e bardhë si gurëzit e lumit, fill pas shiut kur i shndrit dielli”. Kështu vjen edhe buzëqeshja e Agnesës, ndërsa je duke biseduar me të. Mollëzat e përkryera në fytyrën e saj të zeshkët e të lëmuar, duket sikur i japin siguri e sinqeritet mendimit që ajo shpreh…

“Miss Albania 2004”,rrëfen për “TemA” ëndrrat e saj të reja, ndryshimet në karakterin e saj, por edhe veset e vjetra.

Agnesa Vuthaj: Kurrë nuk do të pozoj nudo

Dhurata Hamzai

Vetëm pas mbarimit të konkursit mes dhjetrave bukurosheve shqiptare, do të mund ta shihnim fituesen e kurorës “Miss Albania 2004”, Agnesa Vuthaj shumë pranë. Gjëja e parë që spikat në pamjen e saj është buzëqeshja aq e natyrshme, pastaj dhëmbët e saj tepër të bardhë. Duke sjellë ndër mend edhe faktin se bukuroshja ka zbritur nga Veriu, dy nga vargjet e “Eposit të Kreshnikëve” do të shërbenin fare mirë për të na krijuar imazhin e bukurisë së saj. “Dhëmbët e bardhë si gurëzit e lumit, fill pas shiut kur i shndrit dielli”. Kështu vjen edhe buzëqeshja e Agnesës, ndërsa je duke biseduar me të. Mollëzat e përkryera në fytyrën e saj të zeshkët e të lëmuar, duket sikur i japin siguri e sinqeritet mendimit që ajo shpreh. Përskuqja e vetvetishme në rast se e vëmë në siklet me pyetjet që i drejtojmë, krijon një dritëhije tërheqëse sipër këtyre mollëzave. Pak si ireale të duket forma e buzëve të saj, ndërsa ato ndjekin vetvetiu një të folur të saktë, të rrjedhshme që shprehin menjëherë inteligjencën. Eleganca e harmonizuar me thjeshtësinë e komunikimitt e bënë përherë më të hijshme Agnesa Vuthaj, vajzën nga Peja që fitoi kurorën e bukurisë në Tiranë, e që më pas do të zgjidhet për të përfaqësuar Shqipërinë në konkurset ndërkombëtare të bukurisë. 18 vjeçarja Agnesa Vuthaj u kurorëzua të dielën në mbrëmje nga një juri që kryesohej nga artistja e njohur italiane, Alba Parieti, në spektaklin “Miss e Mister Albania 2004”, të drejtuar nga producentët Vera Grabocka e Ardit Gjebrea, ndërsa u shoqërua edhe nga mister Daniel Grashi. Agnesa tashmë duket se me trup e mendje të bukur do ta përfaqësojë Shqipërinë të bashkuar me Kosovën në konkurset botërore të bukurisë si “Miss Universi”, “Miss World”, “Miss Europa” dhe “Mister World”.

Intervista

Agnesa, kur e keni çmuar ju vetë për herë të parë bukurinë tuaj?

Unë jam mësuar me fytyrën time që kur e kam parë veten për herë të parë në pasqyrë. Që kur kam lindur kam ndier se jam ajo e njëjta dhe njeriu mësohet ta pranojë vetveten ashtu siç është, pa menduar gjatë se sa i bukur është. Edhe kur fillova të konkuroja në spektaklin e bukurisë, nuk m’u duk se do të ndryshoja ndonjë gjë në pamjen time dhe nuk mendoja nëse jam ose jo aq e bukur sa të fitoja ndonjë gjë. Unë e fillova paraqitjen në këto konkurse për të fituar një eksperiencë, sepse çdo herë më ka pëlqyer bota e spektaklit përmes ekranit dhe unë desha të futem përbrenda kësaj bote, të shoh se ç’ndodh aty dhe jo vetëm përmes ekranit.

Përveç botës së spektaklit çfarë ju pëlqen tjetër?

Mua më pëlqen shumë të lexoj romane, poezi. Autorja më e fundit që kam lexuar është Elvira Dones, e cila më ka pëlqyer. Por kohët e fundit unë pothuajse s’kam patur kohë të lexojë, sepse koha ka humbur sa me mësimet sa me botën e spektaklit. Kam lexuar së afërmi edhe një antologji me poezinë e sotme shqipe, e cila më ka pëlqyer shumë. Artet më pëlqejnë gjithashtu, por unë tash sa jam futur në botën e spektaklit dhe ende nuk kam vendosur se ç’drejtim do të marr.

A ka ndikuar familja juaj në shijet artistike?

Po, ka ndikuar diçka më shumë babai im, sepse është mësues i letërsisë dhe gjuhës shqipe, ndërsa nëna është mësuese. Por ndikimi më i mirë tek mua ka qenë ajo që ata më kanë përkrahur mua për dëshirat e mia në këtë fushë. “Nëse diçka ti e mendon se është e drejtë, mund ta bësh”, më thonë ata.

Jeni e vetmja vajzë në familje?

Jo. Kam edhe dy motra më të mëdha.

Janë kaq të bukura?

Po janë vajza të bukura.

Atëhere cili prej prindërve ua ka dhuruar më tepër bukurinë fizike?

Tiparet e mia janë një kombinim i të dyve.

A ka pasur ndonjë mit për trashëgiminë e bukurisë në familjen tuaj nga paraardhësit?

Është folur ndonjëherë për gjërat më të bukura që janë trashëguar nga gjyshërit ose paraardhësit e tjerë.

Sa kohë harxhon Agnesa Vuthaj për lukun dhe grimin.

Në jetën e përditshme i kushtoj shumë pak kohë veshjes dhe grimit. Preferoj veshjen më sportive, ndërsa kur bëhet fjalë për spektaklin, këtu i kushtoj shumë kohë.

Si e kalon Agnesa kohën e lirë?

Kohën e lirë e kaloj me familjen, sepse shpeshherë jam larg tyre dhe mundohem ta shfrytëzoj atë kohë që më mbetet e të rri me pjesëtarët e familjes.

Ku ka lindur Anjeza?

Në Istog, afër Pejës

Ju pëlqejnë pabet dhe diskotekat?

Po më pëlqejnë, por nuk shkoj aq shpesh.

Nëse jeni në këto mjedise, kërceni e argëtoheni vazhdimisht, apo jeni tip që vështroni në qetësi.

I ndryshoj gjërat. Varet… Nuk jam as tip thjesht vëzhguese, por as shumë aktive. Kjo sepse zakonisht kur dal jam në qendër të vëmendjes dhe kjo i komplikon pak gjërat.

Cili është komplimenti më i bukur që keni marrë në Prishtinë?

Unë kam dëgjuar shpesh komplimente, por komplimenti më i bukur më është bërë nga rinia e Kryqit të Kuq, sepse unë punoj si aktiviste e Kryqit të Kuq. Dhe prej tyre më erdhi në e-mail, një urim që unë të shpallesha për 2004, në Miss Word. Pra, nuk ishte aq në vëmendje dëshira për t’u shpallur Mis Word, por urimi nga ai grup i madh i vullnetarëve të Kryqit të Kuq më pëlqeu shumë.

Jemi besimtare?

Unë i përkas besimit mysliman nga origjina familjare, por unë e pranoj edhe besimin kristian, sepse besimi im nuk mbështet në ndonjë kult të caktuar fetar. Unë besoj më shumë në një Zot se sa në një kult të caktuar. Në brendësi të qenies sime është më i rëndësishëm humaniteti.

A mund t’ju pyes për disa zakone tuajat, jeni dorëlëshuar apo dorështrënguar?

(Qesh). Kur kam qenë e vogël kam qenë shumë dorështrënguar dhe në shtëpi m’a kujtojnë gjithnjë duke qeshur zakonin tim të fëmijërisë, sepse më thonë se kam qenë shumë -shumë dorështrënguar. Ndërsa tani që jam rritur nuk jam më ashtu.

Jeni egoiste?

Jo nuk jam egoiste.

Sa i duroni të tjerët kur ju prekin me ndonjë fjalë.

Varet. Kjo është një gjë që duhet të punojë me veten time, sepse para disa kohësh kam qenë shumë e padurueshme, e nxituar edhe me debatet, por më vonë kam dalë vetë në përfundim se nuk është e drejtë. Pse të reagojë kaq shpejt. Mendoj se tash jam një vajzë e duruar. Më parë përpiqesha t’i bindja të të tjerët, jo nuk ka qenë kështu por ashtu.

Cili është vesi juaj më i vjetër dhe a ka filluar të shfaqet ndonjë ves i ri?

Vesi..!? Derisa nuk më kujtohet tash, nuk kam vese… Ndoshta vesi ka qenë ai që në fillim kur më shikonin më bënte përshtypje dhe krijoja shqetësime, por tani nuk më ndodh kjo gjë. Ndonjëherë dëgjoj ndonjë shoqen time që më thotë “Po të shikojnë”, ndërsa unë as që i vërej më këto gjëra.

Ndërkohë, cila është gjëja më e mirë që mendon se e ke ti në temparamentin tënd?

Mendoj se sinqeriteti.

Si të duket kur nga sinqeriteti i madh njerëzit të lëndojnë?

Është e vërtetë që njerëzit të lëndojnë, por është më mirë të të lëndojnë ata se unë t’i lëndojë të tjerët.

A krijon probleme fakti që je e bukur në marrëdhëniet me shokët e tu?

Zakonisht marrëdhëniet me shokët e moshës sime i kam shumë të mira. Kjo ndodh edhe pse zakonisht ne bëjmë debate mes vajzave dhe djemve dhe mundohemi të gjejmë ato gjëra që na bëjnë më të mirë. Në një farë mënyre mundohemi “të rregullojmë” pak botën.

Çfarë keni menduar për studimet tuaja?

Bota e spektaklit për mua ka qenë një ëndërr dhe unë tash kam filluar ta realizojë këtë ëndërr, por mua më pëlqen shumë të ndjek studimet në degën e Drejtësisë. Mendoj që t’i nis të dyja paralele, pastaj nëse vë re se prirja do të anojë nga një nga këto drejtime atë do të vazhdojë.

Në se ju do të prireni drejt botës spektakolare. Për hir të kësaj, ndoshta do t’u kërkohet të pozoni edhe nudo, do ta bënit ju këtë?

Kurrë nuk do të pozoja nudo.

Ke menduar ndonjëherë se në pamjen tënde ke një tipar pak të sikletshëm dhe do të doje ta kishe ndryshe?

Jo. Unë e thashë edhe njëherë, jam pajtuar me veten time. Gjatë rritjes sime kam menduar që ndonjë tipar të kishte mundësi të ishte më i këndshëm, por e kam kuptuar shpejt që ajo që ka krijuar Zoti është më e përsosur. Unë nuk kam menduar se do të veçoja ndonjë pjesë nga pamja e jashtme nga ajo që Zoti ka realizuar. Më ka shqetësuar më shumë karakteri im.

Tema

[SiMpLeNcUtE]

Agnesa Vuthaj eshtë shpallur mbrëmë ‘Miss Albania 2004’. Ajo eshte mbreteresha e bukurisë shqiptare mes 53 konkurentëve nga Shqipëria, Kosova, Maqedonia e diaspora. Por nga diaspora mungonte nje bukuroshe korcare e cila mund te ishte e vetmja qe do ja rembente kuroren Agneses, atere le te shpresojme per vitin tjeter.

Urimet e mia te sinqerta per te dyja...

klajdi, cila eshte kjo bukuroshe korcare ore qe ja u markerkave te gjithave?lmao

[Lolita Bonita]

ehuuuuuuuuuuuu juveeeeee jo ajo po kjo....per mendimin tim asnjera as tjetra...mua me ka thene mami qe me e bukura ne bote je ti! (dmth une) haha mamate nuk genjejne sidomos kjo timja... (j/k)

Ik moj dreq se me e bukur jam vete. loool Edhe mua me thote mami qe me e bukura ne bote jam uneeeeeee. He tani kujt ti besojme mamit tend apo mamit tim?

[Klajdi03]

klajdi, cila eshte kjo bukuroshe korcare ore qe ja u markerkave te gjithave?lmao

Do ta them ne vesh se ketu na degjon bota.

[elda]

kosovarja eshte me e bukur per mendimin tim.

[elda]

Me e bukur jam vete

[Living in Vain]

Keq me vjen, po me shume pelqej Agnesen. E vleresoj dhe per menyren e te komunikuarit dhe fjalen e zgjedhur e me peshe.

P.S intervisten e mesiperme nuk e lexova, sorry!

[selina_21]

Te dyja jane shume te bukura '


Eriona me duket me simpatke' si spilt eshte vertet.