Nje grua nga Peshkopia lind 5 femije

[Raku]

Një grua nga Peshkopia, lind pesë djem njëherësh, gëzojnë shëndet të plotë


Tiranë, 22 Mars, - Një grua 32 vjeçe, ka lindur pesë fëmijë (djem) njëherësh dhe ata aktualisht ndodhen pa rrezik jete nën kujdesin e veçantë të bluzave të bardha në spitalin Gjinekologjik.

Lajmi bëhet i ditur të Hënën, nga burime të spitalit Obsentrik Gjinekologjik të Tiranës, dhe familjarët e gruas së re.

Sipas tyre, gruaja nga Peshkopia, Thëllëza Kapo 32 vjeçe, i ka lindur të pesë djemtë e saj, në muajin e shtatë të shtazanisë.

Lindja është bërë më 17 mars, por vetëm të Hënën, gruaja 32 vjeçare ka dashur ta bëjë publike duke bërë edhe apel për ndihmë nga shteti.

Kjo ishte lindja e tretë për gruan nga qyteti verior i Peshkopisë. Sipas familjarëve të Thëllëzës, më parë gruaja e re kishte lindur një djalë dhe një vajzë. kurse me lindjen e fundit, i shtohen edhe pesë djem të tjerë.

Lehona ka bërë thirrje për ndihmë nga shteti, për të përballur situatën në të cilën ndodhet për vetë faktin siç ka theksuar, se nuk është në gjendje të mirë ekonomike.

"Kam edhe dy fëmijë të tjerë dhe bashkë me pesë djemtë e tjerë tani, gjendja na vështirësohet edhe më shumë. Ne burrë e grua, së bashku me fëmijët, nuk kemi as shtëpi dhe prandaj unë nuk shoh një të ardhme të mirë e të sigurt për ta".

Mjekët dhe personeli i spitalit të cilët pohuan se ishin shumë të çuditur nga kjo lindje tepër e rrallë, bënë të ditur se të pesë djemtë e porsalindur të Thëllëza Kapos, edhe pse në pesha të vogla, nga 1.2-deri1.8 kilogramë secili, gëzojnë shëndet të plotë dhe nuk paraqesin rrezik jete.

[elisabet]

I paste me jete!
Kur i sheh ashtu te rreshtuar nuk e beson se kane dale te gjithe nga nje bark..
Do Zoti dhe e ndihmojne pasi eshte shume e veshtire..
Me behet qejfi qe gezojne shendet qe te peste.

[zeus]

--------------------------------------

Ti rrojnë!

--------------------------------------

[liliella]

qenkemi rrace pjellore ne mo !!
i paste me jete , dy jan teper lere me pese.

[Mision]

plako 2 me duken te fudbollit .o Zot jepi shendet .

[Shpirt Njeriu]

Sërish lindje shumënjakësh në maternitetin e Tiranës. Thëllëza Kupi nga Kalaja e Dodës, 32 vjeç, ka lindur pesënjakë djem. Mjekët thonë se ky është suksesi i 20 viteve, një rast i rrallë që një nënë lind pesë fëmijë dhe që të gjithë në gjendje të mirë shëndetësore.

TIRANE

Eshtë e tmerrshme, thotë Thëllëza Kapo, ku me i çu un' 5 fmi?" Ajo s'do donte të shprehej kështu, por nuk mund të mos e bëjë këtë. Deri para tre muajsh u ligështua kur i thanë se priste binjakë. "S'kemi kushte, kemi veç një dhomë, edhe asaj i bie suvaja, përditë", justifikohet. Dhe ky ka qenë shkaku që e bindi të flasë për gazetarët. "Veç me vu dorë qeveria, unë s'e përballoj…" Që do të bëhej nënë pesënjakësh, për këtë u njoftua ende pa i dalë mirë narkoza e operacionit (dëgjoi të flisnin mjekët) dhe u bind vetëm pasi numëroi bebet. Nuk ka menduar për ndonjë emër, jo jo ky është luks në këto momente. Përsërit vazhdimisht se është e këputur ekonomikisht, aq sa s'ka forca të gëzojë se ajo dhe vogëlushët janë jashtë rrezikut. Më i vogli peshon 1.2 kilogramë dhe më i madhi 1.85 kilogramë. Mjekët shprehen vërtet si për një mrekulli, meqë bebet kanë lindur në kapërcyell të muajit të shtatë të shtatzanisë.

Si ndiheni sot?
S'e kam marrë veten mirë. Po mjekët më kanë thënë se s'ka më probleme. Mund edhe të dal nga materniteti, po ku të shkoj? Jetoj vetëm dhe s'kemi asnjë të ardhur. Kemi vetëm një dhomë në fshat, pa kushte, pa lekë…

Si u ndjetë kur morët vesh se prisnit 5 fëmijë?
Nuk e dija deri në momentin e fundit, më 17 kur kam lindur. Mamia atje në fshat më tha se prisja binjakë dhe me këtë mendje kam qenë për disa muaj. Kur erdha këtu më thanë se kisha trenjakë dhe kur po më afronte data e lindjes më thanë për katër. Vetëm në momentin e fundit mora vesh për të pestin.

Si reagoi babai kur e mori vesh?
Nuk kam folur me të në telefon. Nexhmiu është në Itali, u bënë 8 muaj. Herën e fundit që u lidha me të s'kisha lindur akoma. Edhe ai është pa punë andej. Unë po, që s'kam asnjë të ardhur. Jetoj me vajzën dhe me djalin, kemi vetëm një dhomë.

Ku janë tani vajza dhe djali?
Janë të dy në spital, te distrofiku. Vajza është 5 vjeç, e kam të paralizuar. Mbeti kështu kur qe e vogël, prej temperaturës së lartë. Djali është 9 vjeç, edhe ai s'ka qenë mirë këto kohë. Po o Zot kur e mendoj se si do t'ia bëj për t'i rritur 7 fëmijë. Kështu si jam nuk mund të bëj asgjë, as nuk mund të mendoj. Duhet të dal nga spitali, po ku të shkoj.

Nga fisi juaj apo i burrit ka pasur lindje binjakësh apo trinjakësh?
Jo, jo vetëm neve na qëlloi.

Mjekët na thanë se ju s'donit që kjo gjë të bëhej publike. Si vendosët për t'u folur gazetarëve?
Po ne jemi fanatikë. Më vjen turp të dal në televizor. Po mendoj se kjo gjë është për të mirën time. Kemi shumë nevojë për ndihmë dhe kjo është e vetmja mënyrë…


Një vit më parë dy nëna lindën katërnjakë

Pothuaj një vit më parë në maternitetin e Tiranës u shënuan brenda dy ditësh dy lindje katërnjakësh. Më 28 shkurt të vitit të shkuar Elda Kamberi nga Fieri lindi katër djem dhe u bë me pesë fëmijë (kishte një vajzë). Më 1 mars Moza Zenollari nga fshati Babrru i Tiranës lindi katër vajza dhe iu bënë gjashtë (kishte dhe dy vajza). Mozës i ishte këshilluar disa herë prej mjekëve ndërprerja e shtatzanizë, meqë kishte probleme me zemrën. Por ajo nuk pranoi kurrsesi, duke gjetur argument dhe mbështetje të fortë në besimin e saj, ishte Dëshmitare e Jehovait dhe s'mund ta mendonte asnjëherë abortin. Gjithçka shkoi mirë, pa llogaritur momentet e mëvonshme të Zenollarëve të papunë. Historitë e dy nënave pushtuan për ditë me rradhë faqet e shtypit dhe kronikat televizive, u premtua ndihmë e përkra-hje. Sepse ende sot mbahet mend precedenti i para disa viteve, kur një nëne pesënjakësh iu dha shtëpi.


Mjekët: Ja përse lindin shumënjakë

Ilaçet për shtatzaninë japin efekte të tilla, shumëfish embrionesh. Eshtë ky shpjegimi më i pranueshëm për lindjen e shumënjakeve në maternitete. Sipas mjekëve është pikërisht stimulimi i shtatzanizë së nënave me anë ilaçesh ai që justifikon çudinë e këtyre kohëve, lindje të njëpasnjëshme tre apo katërnjakësh. Trashëgimia këtu pothuajse nuk llogaritet, ky fakt sipas specialistëve mund të merret parasysh ndoshta në lindje të zakonshme binjakësh. Mjekët nuk vërejnë ndonjë gjë të pazakontë, megjithatë. "Gjithsesi, duke u nisur nga statistikat e kohëve të fundit nuk mund të themi se ka ndonjë rritje të ndjeshme lindjesh shumënjake. Po flasim thjesht për raste të veçanta", përfundojnë doktorët.

[kolombi]

Zoti i bekofte.
Me jete te gjate,dhe kurajo nenes,nuk eshte nje,as dy,po pese njeheresh.

[FierAkja143]

wow bravo Peshkopia..dhe keshtu ti shikosh grat nga andej sta mbushin shume syrin (as qe e kam iden ku ne Shqipri bie kjo peshkopia by the way...)

Ka pasur raste qe kam degjuar qe kan lindur dhe me shume se 5 femi, po ceshtja ketu eshte qe jan te gjithe te shendetshem

[KaLTerSi]

Zoti u dhente shendet.

[leci]

Rrofshin dhe me jete te gjate..