Kryeministri Nano viziton Washingtonin

[Brari]

tema

--------
Sekretet e "suksesit të Fatos Nanos në Uashington.

Nga Mero Baze

Një javë pas trazirave në Kosovë, shihet qartë se disa fraksione politike të ish UÇK-së, afër kryeministrit Fatos Nano dhe disa pika kontakti të qëndrueshme të Fatos Nanos në Kosovë, kanë dirigjuar "rebelimin" e qyteteve kryesore të Kosovës, pas rastit tragjik të Mitrovicës, ku humbën jetën tre fëmijë shqiptarë. Trazirat u përpoqën të përdoren politikisht prej kryeministrit Nano për të penguar një tubim të opozitës në Tiranë kundër tij dhe për t'u rikthyer në qendër të vëmendjes së faktorit ndërkombëtar, si një person që mund të negociojë paqen e provokuar në Kosovë. Trazirat i paraprinë po ashtu një udhëtimi të planifikuar të kryeministrit shqiptar në SHBA si kryeministër i një vendi që ka aplikuar për t'u anëtarësuar në NATO dhe që ka nënshkruar "Kartën e Adriatikut", e cila parasheh prioritetet që SHBA u jep vendeve të Ballkanit Perëndimor për t'u anëtarësuar në NATO.

Udhëtimi i Fatos Nanos drejt Uashingtonit, një ëndërr 13 vjeçare e kryeministrit socialist, i papërfillur prej SHBA-së, duket se po përpiqet të tërheqë vëmendjen e autoriteteve amerikane për ndikimin që ai ka në rajon. Duke iu shmangur hapjes së temave të brendshme të politikës shqiptare dhe sidomos korrupsionit dhe problemeve elektorale, zoti Nano duket se po përpiqet të provokojë një axhendë me rëndësi rajonale, para udhëtimit në SHBA. Trazirat në Kosovë, që në disa ekrane u panë qartë se ishin të drejtuara nga fytyra që kishin pirë me të kafe, një javë më parë në Hotel Sheraton në Tiranë, tani duket se i dhanë frytet e veta dhe e kthyen Kosovën në axhendën ndërkombëtare të të gjithë fuqive të mëdha. Por ndryshe nga pesë vjet më parë, tashmë të gjitha palët janë thuajse në anën e serbëve. Kryeministri Fatos Nano po përpiqet ta kthejë këtë betejë në një çështje të axhendës së tij personale në SHBA, duke premtuar se do të arrijë të kontrollojë fanatikët zjarrvënës të Kosovës, për të cilat ka garanci të besueshme se mund t'i binden. Me të njëjtën logjikë që dominoi skenën politike të Shqipërisë në vitin 1997, kur u rikthye në pushtet si garant i "shkurajimit" të grupeve të armatosura, zoti Nano po përpiqet të shkojë në Uashington "si garant i paqes dhe stabilitetit në rajon", për shkak të kontrollit që ka mbi grupet e armatosura në Kosovë dhe sidomos personazhet që shkaktuan trazirat javën e fundit. Uashingtoni, i cili vazhdon të mbetet sponsori kryesor i pavarësisë së Kosovës dhe shteti më i adhuruar prej shqiptarëve në rajon, do të testojë shanset e paqes në rajon te njeriu që kontrollon "gangsterët e luftës" në Kosovë.

Në një përpjekje më diabolike, kryeministri Fatos Nano është përpjekur të dëmtojë politikisht edhe ish udhëheqësin politik të dalë nga UÇK-ja, Hashim Thaçin, duke ndërhyrë në problemet e brendshme politike të partisë së tij dhe duke mbështetur brenda asaj partie segmente radikale, që kanë vënë në pozitë të vështirë investimin pesëvjeçar të Perëndimit në Kosovë dhe vetë profilin politik të zotit Thaçi, i cili ka ardhur duke u moderuar dhe fituar mbështetje në Kosovë. Po të vëreje deklaratat politike të ardhura prej Kosovës pas ngjarjeve të fundit, brenda partisë së zotit Thaçi pati një mungesë harmonie dhe një përpjekje për të minuar autoritetin politik të tij. Disa "udhëheqësa" në hije të Partisë Demokratike të Kosovës, të lidhur direkt me kryeministrin Fatos Nano, u përpoqën ta delegjitimojnë pozitën dhe deklaratat e moderuara të Hashim Thaçit, për ta lënë kështu kryeministrin, si negociatori i vetëm i mundshëm i "rebelëve" të Kosovës me Perëndimin. Një javë para këtyre trazirave, kryeministri shqiptar, gjatë vizitës në Kosovë, i kishte bodigardë dhe njerëz të afërt të rrethit të tij shumë prej atyre që pamë me urë zjarri dhe gurë në duar. Përpjekja për t'i tërhequr vëmendjen Uashingtonit, me tymin që del nga çatitë e kishave dhe ndërtesat e UNMIK-ut në Kosovë, është çmimi më i lartë që shqiptarët i kanë paguar ndonjëherë inferioritetit politik të një kryeministri në Tiranë dhe përpjekjeve të tij për t'u faktorizuar në Uashington. Shqipëria ka arsye të presë zhvillime pozitive nga vizita e zotit Nano në Uashington dhe sidomos ka arsye të presë kushte të qarta për sigurinë kombëtare dhe reformat në vend, që kalojnë përmes një pushteti që vjen nga zgjedhje të lira dhe mbi të cilin ka mekanizma kontrolli nga shoqëria. Shqiptarët presin që Uashingtoni t'ia theksojë këto zotit Nano. Por ata presin po ashtu me dyshim se zoti Nano do të shfrytëzojë rëndësinë e vogël që ka vendi i tij dhe problemet e vendit të tij në atë mbledhje të NATO-s, duke i detyruar të gjithë të gjejnë një zgjidhje për zjarret që janë ndezur në Kosovë, dhe si gjithmonë duke "dalë vullnetari i parë" për paqen atje. Më besoni që për paqen në Kosovë, nuk është shumë i dobishëm, por ata që i vunë zjarrin Kosovës, mund t'i kthejë në shtëpi! Thjesht i ka të vetët.




-------

[Albo]

Mero Baze gezohet per Nanon qe do te vije ne Washington, por une nuk kam pare zyren e shtypit te kryeministrit apo mediat rreth tij qe ti "trumbetojne" vizites se kryeministrit Nano ne Washington. A nuk eshte kjo qe Nano ka enderruar??

Interesant eshte fakti qe ftesa Nanos nuk iu dorezua nga Xhefri, admbasadori amerikan, por nga ministria e jashtme italiane. Ashtu sic eshte e goditur edhe koha e vizites, kur Nano eshte nen sulmin e protestave mbarekombetareve qe do ta ndjekin edhe ne Amerike kur te vije.

Cfare te jete valle? Kungull?!

Keto "ftesat e papritura" i sjellin ne mendje shokut Nano disa "telefonata te papritura nga Washingtoni" 6 vjet me pare. Pas asaj telefonate, Nano jo vetem qe dha doreheqjen si kryeminister i vendit, por dha doreheqjen edhe si kryetar partie. Iku ne Greqi i shkreti dhe iu lut Ylli Rakipit qe ta portretizonte ne media si "Nano i semure, semundje misterioze, rrezik per jeten". Aq mire i thuri ato te shkreta rreshta Ylli i Albanias, saqe edhe disa demokrate ne Tirane u mallengjyen e meshiruan shokun Nano.

Nje gje eshte e sigurt. Kur presidenti Bush i beri ftese Chavez te Venezueles per te ardhur ne Washington, ai e refuzoi me fjalet "Probleme sigurie per jeten, sinjalizime atentatesh". Ashtu si Nano edhe Chavez ka kohe qe i protestojne ne rruget e Venezueles.

Rruge te mbare zoti kryeminister.

Albo

[Albo]

[b]PRITET TAKIMI NANO-BERLUSKONI

Berluskoni çon Nanon te Bushi
Kreu i ekzekutivit niset këtë javë drejt Romës

Aristir Lumezi

Para vizitës së tij në Uashington, Nano do të vizitojë Romën me ftesë të kryeministrit italian Silvio Berluskoni. Mësohet se Berluskoni mundësoi takimin e Nanos me presidentin amerikan në fund të marsit në Shtëpinë e Bardhë. Nano do kërkojë nga Berluskoni më shumë investime italiane në Shqipëri dhe konkretizimin e lëvizjes së lirë të shtetasve.

LAJMI

Kryeministri Nano do të zhvillojë një vizitë zyrtare në Romë ku do të takojë kryeministrin italian, Silvio Berluskoni. Kjo vizitë bëhet me ftesë të kryeministrit italian Berluskoni, i cili në axhendën e tij kishte parashikuar një takim me kryeministrin shqiptar. Burime pranë kryeministrit pohojnë se në qendër të takimit mes dy kryeministrave do të jetë situata politike në Shqipëri, suksesi i arritur në raundin e fundit të negociatave me përfaqësuesit e BE-së në Tiranë, por dhe ngjarjet e tragjike në Kosovë. Pjesëmarrja italiane në ndërtimin e infrastrukturës shqiptare pritet të jetë një nga temat e takimit. Ofertës së dhënë nga një grup i madhe invstimi italian për ndërtimin e rrugës Durrës-Morinë, pritet t'i shtohen dhe projekte të tjera ambicioze. Berluskoni mbetet ndër udhëheqësit europianë më të afërt të kryeministri Nano dhe qeverisë shqiptare, i cili ka mbështetur fuqimisht reformat e bëra nga qeveria. Nano në këtë vizitë pritet të kërkojë nga Berluskoni, përveç rritjes së investimeve italiane në Shqipëri, dhe ndërmjetësimin e qeverisë italiane për të pasur një regjim vizash më të mirë për shqiptarët për të shkuar më tej në një liberalizim të lëvizjes së lirë të shtetasve. Kjo vizitë bëhet vetëm pak ditë para vizitës së kryeministrit Nano në Shtëpinë e Bardhë, ku do të takohet me presidentin amerikan Xhorxh Bush. Mësohet se ka qenë kryeministri italian ai që mundësoi realizimin e vizitës së Nanos në Shtëpinë e Bardhë, prandaj dhe vizita me Berluskonin merr një rëndësi të veçantë në këtë moment. Ende nuk është konfirmuar ekipi i cili do të shoqërojë kryeministrin Nano në vizitën e tij në Romë, por ai mund të shoqërohet nga Ministri i Shtetit Marko Bello. Italia mbetet një mbështetëse e Shqipërisë në procesin e integrimit të vendit në NATO dhe BE.


Antonioni i dha ftesën Nanos në Shqipëri

Dy javë më parë, gjatë vizitës së zhvilluar në Shqipëri, zëvendësministri i jashtëm italian, Antonioni i dorëzoi kryeministri Nano ftesën e kryeministrit italian Berluskoni. Sipas saj, Nano dhe Berluskoni do të takoheshin brenda dy javëve në Romë për t'i dhënë një impuls të ri marrëdhënieve mes dy vendeve. Pas qëndrimit dy ditor në Shqipëri Antonioni zhvilloi takime me përfaqësuesit më të lartë të politikës dhe ekzekutivit shqiptar, ku u trajtuan arritjet e qeverisë shqiptare në rrugën e saj të reformave. Ai konfirmoi mbështetjen e vazhdueshme të Italisë në procesin e itegrimit të Shqipërisë në NATO dhe BE.


Nano rikthim në Tiranë pas aktiviteve ndërkombëtare

Kryeministri Nano kthehet në Shqipëri pas një mungese disa ditore. Nano mori pjesë në Konferencën Ndërkombëtare "Demokracitë e Ballkanit dhe sfidat e integrimit Europian", zhvilluar në Bratislavë. Në këtë konferencë, e cila ishte në nivel kryeministrash dhe ku merrnin pjesë kryeministra nga vende të Europës Lindore dhe Juglindore. Gjatë punimeve të saj, kryeministri Nano zhvilloi takime me homologët e tij rajonalë, kryeministrat e Rumanisë, Sllovakisë, Kroacisë, Ukrainës etj. Në konferencë kreu i ekzekutivit kërkoi një luftë frontale rajonale kundër krimit të organizuar dhe trafiqeve. Pas përfundimit të konferencës, kryeministri shqiptar është ndalur dhe në kryeqytetin austriak Vjenë ku ka zhvilluar takime zyrtare me krerët e shtetit austriak.

[Petriti Sokoli]

Një fjalë e jonë popullore thot:"Pas kalit të mirë qohet pluhën"!
Fatos Nano për mendimin tim është një ndër figurat më të shquara politike,por jo edhe morale që ka pas ndojnjë herë Shqipëria.Unë mendoj që poplitika e tij do ta qon Shipërin përpara,tu mos harru edhe gabimet e tij politike ,sidomos në politiken e mbrendshme.Po sido që të jet unë nuk pajtoj me vlersimet e z.Mero Baze se eskalimi i konfliktit në Kosovë ka të bëj me nanon dhe viziten e tjë në Kosovë.Eskalimi i situatës në Kosovë ka qen si pasoj e politikes së gabuar të UNMIK-ut dhe vendorve,dhe ka qen i provokuar nga UMIKU,KFOR-i dhe serrbët lokal.Sa i përket Nonos ai para opimjonit botror ka luajt një rol të shkelqyeshëm në stabilizimin e Ballkanit,por fatkeqësisht jo edhe të Shqipërisë,këtu edhe e shoh dobësin e tij.Por sido qoft mendoj se ka kohë t'i përmison gabimet e tij të mëparshme dhe do të vazhdoj të jet një ndër politikanët ma të shquar të Ballkanit.

[Brari]

Nano kur erdhi ne Kosove patjeter qe eshte informuar nga njerzit e tije ne Kosove per "planet" e tyre.

Po te ishte i mire Nano do i mesonte pun te mira veglave te tije.

Nanos i duhej nje "Anti-Nano-ik" dhe kte peshqesh ja beri LPK e filialet e saja ne Kosove.. te cilat i dhuruan Nanos nje " "Djegu-Kosov" se duron ti ..boll shokit Nano ti bajm nderet qe i meriton si nxanes i Enverit".

Femijet u mbyten ne Lumin e Mitrovices.
Te djegesh makinat e Kforit ne rruget e Prishtines .. 60 kilometer larg lumit Iber .. nuk eshte gje tjeter vec Sherbim Serbise.

Te djegesh Kisha nuk eshte tjeter vec ti sherbesh Serbise.



Pra Nano u kerkoj nje nder si dikur PPSH-ja levizjes enveriste dhe ata ja plotsuan... pa marre fare parasysh se me kto ngjarje e ben Popullin Shqiptar te Kosoves nga i Genociduar prej Serbise e i mbrotur prej Natos..e i arsyetuar nga opinioni boteror qe e meriton mbrotjen nga Shtaza Milloshevic.. ne popull genocidus qe tregohet mosmirnjohes ndaj mbrojtesve te vet ..

Ne fakt populli Kosoves kurre ska qen genocidues por i genociduar.. por dikush kerkon tja prishe kte opinion.


Ne fakt populli i Kosoves e meriton mbrotjen e Natos nga perbindeshi Serbi-Rusi por popullin e Kosoves gjithmon cohet " dikush " ta turperoje e tja nxije te ardhmen e kta tashma dihet se kush jane..

Ata e "kriminalizuan" nje popull te tere dhe e bene Aspiraten e tije per Pamvaresi 100 here me te pa realizueshme..

Rrofshi o shok te Nanos..se ja u pa e po ja u sheh Sherrin Kosova..


Pra ka te drejte Atdhetari Mero kur thote se Dirigjentet e Ngjarjeve te fundit ne Kosove jane Shok Tavoline te Nanos.. ne Grand apo Sheraton e Rogner..

[dodoni]

Mendoj se kjo analizë është luftë politike e paskrupullt dhe kështu jo vetëm që dëmton opozitën por edhe vet besueshmërinë e shtypit dhe medias në përgjithësi.
Nano ka marrë ftesën për në Uashington disa ditë para trazirave në Kosovë, dhe kur ishte në Kosovë ai u takua me njerëz që të gjithë e kanë dënuar dhunën që në ditën e parë të dhunës e deri sot, nga të dyja krahët politikë.
Dhuna në Kosovë erdhi si pasojë e shfrytëzimit të situatës së revoltuar të shumicës së popullit me rastin e fëmijëve të mbytur, nga disa kriminel që djegën e shkatërruan.
Jo për ta mbrojtur Nanon, por sulme të tilla të pabaza dhe që shihen edhe nga avioni që janë të pavërteta, e dëmtojnë gjithë shoqërinë.
Mero Baze duhet ta kuptoj se në Prishtinë, Prizren, Pejë ka njerëz që duan dhe përkrahin Nanon sikur që ka në Tiranë e kudo, dhe kjo nuk është arsye për të sulmuar ata njerëz, edhe pse nuk e fus veten në atë rreth njerëzish jo për tjetër gjë por sepse nuk jam partiak, për të mos u keqkuptuar.

[manoklla]

Mua me duket se nano po vjen ne USA per tju shprehur mirenjohja per asistencen shqiptare ne luften e irakut, dhe kete rast bush mund ta perdore per te propaganduar edhe njehere perballe publikut amerikan se amerika eshte plot aleate ne luften kunder terrorrizmit. (bashke me nanon me duket se jane dhe disa kryeministra te tjere evropiane me duket). ky eshte mendimi im. sigurisht do diskutohet dhe situata ne kosovo dhe sdo mungojne si gjithmone thirrjet per gjakftohtesi nga amerikanet dhe premtimet per te inkurajuar paqen dhe vetepembajtjen nga tosi. aludimet per chavezin dhe telefonatat fantazme te para 6 vjetesh me duken thjesht llogje kavaje. do zoti na vje dhe knej ka westi per nje inkonjito tosi ti thena 'nano rri'.

[dodoni]

Kosovës gjithë shqiptarët duke përfshirë edhe kryeministrin shqiptar Nano i thonë Kosova e jo Kosovo, manoklla. Duke u bërë antikosovar ju thjeshtë bëheni antishqiptar sepse gjithë bota e di se kosovarët e Kosovos tuaj janë poaq shqiptar në mos më shumë, se juve.
Nano do të vijë në vizitë në konferencën e pranimit zyrtar të disa shteteve të Europës në Nato dhe që Bush dhe administrata amerikane ti konfirmojnë atë që kongresi amerikan miratoi para disa ditësh pranimin e Shqipërisë, Kroacisë dhe Maqedonisë në Nato në vitin 2007. Poashtu pritet që Bush ti shpreh atij se Kosova do ti ribashkohet Shqipërisë shumë shpejt.
Nano do të takohet edhe me komunitetet shqiptare në Amerikë.

[Albo]

Mua me duket se nano po vjen ne USA per tju shprehur mirenjohja per asistencen shqiptare ne luften e irakut, dhe kete rast bush mund ta perdore per te propaganduar edhe njehere perballe publikut amerikan se amerika eshte plot aleate ne luften kunder terrorrizmit.

Ditet qe sekretari Powell dhe Donald Rumsfeld vizituan Shqiperine ishin ditet qe Nano mallkoi veten qe mbeshteti luften ne Irak me shprese se do te fitonte nje vizite mirenjohje ne Washington. Mirenjohjen Amerika ia shprehu presidentit Moisiu dhe jo kryeministrit Nano, bile ndodhen jo pak incidente diplomatike ne Tirane midis Nanos dhe Metes ne keto dy takime. Nanos i ngeli qejfi qe Powell nuk e pershkoi bulevardin e Tiranes me te, por me Meten.

Dhe se dyti, ftesa per ne Washington nuk ka ardhur nga administrata amerikane, ka ardhur nga partneri kryesor rajonal i SHBA ne Evropen Juglindore, Italia. Ftesa nuk eshte e Nanos personale por eshte ne grup ku aleatet do ti bejne te qarte vendeve qe aspirojne te marrin pjese ne Nato, qe te pershpejtojne reformat ne vendet e tyre ne menyre qe te fitojne stabilitetin e duhur politik, ekonomik dhe ushtarak. Pa permbushur keto parametra vendet e Europes Juglindore nuk kane se si te behen partnere te NATO.

SHBA dhe Italia do tu percjellin miqve perkushtimin e tyre serioz ne kete drejtim pasi prioritetet e tyre kane ndryshuar. Pritet zgjerimi i rolit te NATO ne fushaten e luftes kunder terrorizmit. Gjithashtu zgjerimi i shtrirjes se NATO edhe ne Europen Lindore u jep fund spekullimeve politike europiane per nje force paralele sigurie europiane.

Persa i perket NANO, jam i bindur qe vizita do te jete e paharrueshme per te.

Albo

[dodoni]

manoklla, të kërkoj falje për atë që shkrova më sipër nëse nuk e keni pasur me gjithë mend apo me qëllim të keq.
Tung