Kryeministri Nano viziton Washingtonin

[Orku]

Bo cfare surreterish paskan dale me i thone Nanos Ik !!
ishalla i ka kap Fiksi , se duket sikur ka ndodh nga Tropoja e jo ne Washington !

Mos i shiko gunen po punen ...

[Llapi]

Nano: Prioritet yni anëtarësimi i plotë i Shqipërisë në BE dhe NATO

Uashington, 31 mars (Kosovapress) Time: 09 : 58

Kryeministri i Shqipërisë, Fatos Nano, tha të martën në Uashington, në takimin e organizuar nga Qendra për Politika Perëndimore me temë "Shqipëria, Ballkani dhe proceset e integrimit evro-atlantik", se prioritetet e politikës së jashtme të Shqipërisë janë arritja e një anëtarësimi të plotë në BE dhe në NATO, si dhe garantimi i sigurisë ekonomike dhe asaj fizike për të gjithë qytetarët.
----------------------------------

Kongresi amerikan kërkon zgjerimin e NATO-s edhe me Shqipërinë

Prishtinë, 31 mars (Kosovapress) Time: 09 : 20
Shqipëria, Kroacia dhe Maqedonia duhet të hyjnë në NATO jo më larg se më 2007. Rezoluta 558 u propozon shefave të qeverive të vendeve anëtare të NATO-s që në samitin e Aleancës në Stamboll më 28-29 qershor të këtij viti ”duhet të shqyrtojnë procesin e zgjerimit,duke përfshirë edhe kandidaturat e Shqipërisë, Kroacisë dhe Maqedonisë jo më larg se deri më 2007”, njofton Kosovapress.

[Duke_Of_Arberia]

Buje e madhe qenka bere per kete viziten e Nanos, por dhe nga vete TVSH-ja simpatizantja me e "flakte" e shokut Fatos, sado qe u mundua t'i jepte vlere te jashtzakonshme kesaj vizite, u pa qarte mosinteresimin i shtetit Amerikan kundrejt kryeministrit tone. Ne aeroport nuk kishte ardhur askush ta pres perveç mikut te tij me origjine greke Nikolas Kejxh dhe ndonje greke tjeter. Edhe ne konferencen e shtypit Fatosi ndodhej prane krymenistrit Bullgar.
Pra mund te themi shume gjera rreth kesaj vizite, por asgje pozitive.
Kaq.

[kalivo]

Botuesi i Illyria-s përgënjeshtron gazetën Tema: Kurrë në jetën time nuk e
kam takuar Gejxhin, ndërsa Illyria, nuk ka lënë rast pa e denoncuar për
antishqiptarizëm greko-amerikanin

Ekrem Bardha: Në Washington shkova me ftesë të presidentit Bush së bashku me
Këshillin Shqiptaro-Amerikan

Gazetat që ushqejnë lexuesin me thashetheme e shpifje nuk i shërbejnë të
vërtetës

Nuk e di se në cilën kuzhinë shpifjesh e gatoi lajmin e pavërtetë gazeta
Tema, e cila në numrin e së dielës me 28 mars 2004 shkruante me shkronja të mëdha
se"Gejxh dhe Ekrem Bardha "mirëpresin" Nanon". Që kjo është një gënjeshtër e
sajuar me qëllim të keq, nuk e vë në dyshim; që kjo shpifje është sajuar për
t’iu kundërvënë editorialit të Illyria-s: "Në Washington është ftuar Shqipëria",
as këtë nuk e vë në dyshim, por vënia e emrit tim përkrah emrit të Geixhit, i
kalon kufijtë e shpifjes.
Sa për t’i freskuar kujtesën Temë-s, po kujtojmë se edhe kur Geixh u mirëprit
nga udhëheqësi i pozitës dhe ai i opozitës në Tiranë, Illyria mbajti
qëndrimin e saj që përkonte me qëndrimin e diasporës, nuk e dimë se çfarë shkroi Tema
atë kohë. Më duket meskine sajesa e shpifur e botuar nga Tema, që më bashkoi
me një antishqiptar të deklaruar. Unë e kuptoj se njerëzit e duan në mënyrën e
tyre atdheun, ca duke investuar e rrezikuar, ca të tjerë duke u përbetuar se
e duan, por në fakt i shkaktojnë vetëm plagë dhe nuk e lënë që të ecë përpara,
ca e"vrasin" Atdheun në emër të dashurisë, por kjo nuk do të thotë që
gjithëkush ka të drejtë që në emër të parimeve të veta të shpif e të shpërndajë
gënjeshtra nëpër gazeta për të tjerët. Sipas konceptit tim, e vërteta duhet të jetë
e shenjtë për gazetarinë,shpifja e dënueshme.Përsa kohë që shtypi nuk do të
çlirohet nga kthetrat e të pavërtetave, ai nuk do ta luaj rolin e vet për ta
demokratizuar shoqërinë shqiptare.
Kur gazeta Tema shkruante se unë kisha dalë të prisja Nanon në të vërtetë
isha në Detroit duke u marrë me punët e mia të biznesit, por për gazeta të tilla
që ushqehen me thashetheme nuk ka rëndësi e vërteta. Më vjen keq që vazhdon të
ndodh kështu me shtypin shqiptar, i cili po mbetet edhe peng i vetëvetes. Unë
nuk e di se çfarë përgjegjësie qytetare ndjen ai shtyp kur pa të drejtë
shpif ndaj qytetarëve, shumëfishon gënjeshtra në adresë të tij, pa e vrarë
ndërgjegja aspak se në këtë rast po kryen një veprim të pamoralshëm.
Një gazetë serioze duhet në radhë të parë që të verifikojë nëse lajmi që merr
është i vërtetë apo jo, pastaj ta botojë.
Nëse gazeta Illyria që unë e financoj botoi një editorial për këndvështrimin
e saj se presidenti Bush kishte ftuar Shqipërinë në Shtëpinë e Bardhë dhe jo
një individ me emrin Fatos Nano, se kjo ftesë për ne ishte një sinjal pozitiv
se Amerika nuk e ka harruar Shqipërinë, nuk ka asgjë të keqe se dikush tjetër
nuk ka të njëjtin mendim me ne. Illyria i ka respektuar dhe do t’i respektojë
edhe ata që kanë mendim ndryshe, kjo është vlera e vërtetë e demokracisë
amerikane që na ka ushqyer tash sa vjet.
Përse duhej që një gazetë shqiptare që nga Tirana të sajonte gënjeshtra të
tilla se kisha dalë për të pritur Fatos Nanon së bashku me një grek, të cilin
gazeta ime e ka trajtuar gjithmonë si antishqiptar?!
Për të respektuar lexuesin po sqaroj se unë kam shkuar të Hënën në Shtëpinë e
Bardhë për t’iu përgjigjur ftesës që më kishte ardhur në emër të presidentit
Bush, ashtu siç u kishte ardhur dhe pjesëtarëve të tjerë të Këshillit Kombëtar
Shqiptaro Amerikan. Për gjykimin tim prania ime dhe e shumë
shqiptaro-amerikanëve në ceremoninë që organizoi presidenti Bush, ku ishte i përfaqësuar edhe
shteti ynë dhe flamuri ynë kombëtar, nuk besoj se i ka bërë dëm Shqipërisë,
Geixhit po, ndoshta dhe Temës.

[dr_arkile]

ku je mer dodoni.
vallai ti ke te djejt qe populli shqiptar eshte pasuri komtare per shokun Fatos, lind pytja.
A e di pse? me shum pak fjal pasuri jemi ne te vertet por do te thoja shoku fatos nuk e pati fjalen per popullin por per xhepat e tij, se ne te vertet popullit po ja merr pasurin.

[dodoni]

Pse Nano dhe komuniteti shqiptaro-amerikan (e kam fjalën për organizatat më serioze e më të mëdha) duhet të takohen dhe për çfarë duhet të marrin angazhime?
1. Sepse në Amerikë sipas të dhënava jozyrtare kemi diku rreth 1 milion e gjysmë shqiptar që siç e shprehi edhe vet Nano janë një pasuri kombëtare, dhe që ata edhe në të ardhmen të mbeten pasuri jona kombëtare dhe të rriten edhe më tej kanë nevojë që të jenë sa më të organizuar me ndihmën edhe të ambasadave tona, kanë nevojë për lëndën e gjuhës, letërsisë, kulturës, historisë shqiptare në shkollat ku i çojnë fëmijët e tyre (shumica e komuniteteve mirë të organizuara i kanë këto) për të cilën poashtu ndihma e ambasadave do të shpejtonte punën dhe do të bënte të mundur të paktën sigurimin e teksteve shkollore edhe me pagesë të vet shqiptaro-amerikanëve.
2. Sepse me organizimin e mirë të shqiptaro-amerikanëve, ata mund të rrisin fuqinë e zërit të tyre në politikën amerikane veçmas për çështjet tona kombëtare por edhe ato financiare e ekonomike në përgjithësi, pastaj do të ishin si përfaqësues të kulturës sonë kombëtare në Amerikë një reklamë shumë e mirë kjo për kombin me gjithë interesat shumë të mëdha ekonomike afatshkurtëra e afatgjata që kjo sjell.
3. Sepse me takimin me biznesmenët shqiptaro-amerikanët do të mund të siguroheshin investime direkte të tyre në Shqipëri, ndikimi i tyre tek kompanitë ku punojnë për të investuar në Shqipëri, ndikimi i tyre tek lidhjet e tyre për investime në Shqipëri por edhe mbështetje financiare dhe politike nga qeveria e SHBA-së.
E shumë e shumë arsye tjera që sjellin përfitime të pallogaritshme për gjithë shqiptarët.
Para disa muajve kryetari Moisiu, përmendi punën e krijimit të një ministrie të re vetëm për qëllime të tilla dhe kjo është më se e nevojshme, domosdoshme që të bëhet sa më urgjentisht dhe të kryej funksione të tilla me ndihmën e ambasadave jo vetëm në SHBA por edhe në gjithë vendet ku ka numër të konsiderueshëm shqiptarësh.

Kur e postova këtë shkrim mendova se ky e kishte përfunduar vizitën por mbasi ende qenka në SHBA atëherë i bëra një përmirësim të vogël dhe në vende të pyetjes "Pse duhej të takoheshin dhe çfarë angazhimesh duhej të merrnin ?" tani kemi pyetjen Pse duhet të takohen dhe çfarë angazhimesh duhet të marrin?
Takimi i organizatave shqiptaro-amerikane me Nanon nuk duhet të shihet si përkrahje atij dhe pozitës por si takim në frymën e bashkëpunimit ndërshqiptar që do të ishte bërë edhe po të ishte opozita në pushtet dhe bëhet edhe me opozitarët kur vizitojnë SHBA-të, dhe që i shërben interesit të përgjithshëm gjithëshqiptar.
Tung

[Llapi]

Nano takon Tenet: CIA në ndihmë të Shqipërisë

Lajmi i ores 9:00 AM

TIRANE (2 Prill) - Shërbimi sekret amerikan do të vazhdojë të asistojë shërbimin sekret shqiptar për modernizimin dhe arritjen e parametrave bashkëkohorë në veprimtarinë e tij. Kështu u shpreh drejtori i CIA-s Xhorxh Tenet gjatë takimit që kryeminsitri Nano zhvilloi me të në Uashington. Në këtë takimin dy autoritetet theksuan faktin se ashtu si bashkëpunimi midis dy qeverive është në parametrat më optimalë, edhe shërbimet sekrete të dy vendeve po punojnë mirë së bashku për të qarkulluar informacionin në funksion të realizimit të qëllimeve për zbulimin dhe parandalimin e lëvizjes së elementëve terroristë dhe të krimit të organizuar. Po kështu gjatë takimi u diskutua mbi rëndësinë që ka zgjerimi i bashkëpunimit dhe hapësirat midis shërbimeve sekrete të rajonit për të koordinuar luftën dhe rezultatet kundër krimit të organizuar dhe të gjitha llojeve të trafiqeve. Tenet është shprehur se ishte i mirinformuar për zhvillimet në Shqipëri duke përshëndetur në këtë drejtim përparimin dhe progresin e Shqipërisë drejt strukturave euroatlantike si dhe rolin e vlerësueshëm për stabilitet, paqe dhe siguri në rajon. Shefi i CIA-s, Tenet ka përshëndetur në veçanti pjesëmarrjen e Shqipërisë në koalicionin global antiterrorizëm. Ai garantoi kryeministrin Nano se edhe në të ardhmen CIA do të vazhdojë të bashkëpunojë ngushtë me SHISH-in për të rritur rezultatet dhe përpjekjet te të dyja palët, duke dhënë kontribut në luftën kundër keqbërësve. Shefi i CIA-s e vlerësoi si shumë të rëndësishëm rolin e kryeministrit Nano në orientimin e politikës drejt të ardhmes progresiste dhe ideve e veprimeve konkrete të tij për të mos i lënë zhvillimet peng të së kaluarës konfliktuale të rajonit të Ballkanit. "Kjo është e rëndësishme dhe e vlerësueshme për ne", u shpreh Xhorxh Tenet. Po dje kreu i ekzekutivit shqiptar Fatos nano pati edhe një takim me John Ashcroft, Prokuror i Përgjithshëm i SHBA dhe Ministër i Departamentit të Drejtësisë. Ashcroft vlerësoi se qëndrimi i SHBA-së për të përshpejtuar futjen e Shqipërisë në NATO është shprehje e angazhimit dhe seriozitetit të Qeverisë Shqiptare në këtë drejtim. ro/ro (GazetaShqiptare/BalkanWeb)

[Llapi]

Kryeministër Nano: Ky është viti i përafrimit me BE-në dhe NATO-n

Elez Biberaj

31 mars 2004, 19:30 UTC


Kryeministri i Shqipërisë Fatos Nano po vazhdon vizitën e tij të punës në Uashington, ku erdhi për të marrë pjesë në ceremonitë e zgjerimit të NATO-s me 7 vende të reja. Kryeminsitri bëri një vizitë në Zërin e Amerikës, ku dha një intervistë për shërbimin shqip.
Zëri i Amerikës: Zoti Kryeministër, mirëse erdhët!

Kryeministër Fatos Nano: Jam i nderuar edhe unë që kam këtë mundësi që t’ju takoj dhe të komunikoj me dëgjuesit tuaj të shumtë nëpërmjet Zërit të Amerikës.

Zëri i Amerikës: Zoti Kryeminister, gjatë këtyre ditëve këtu në Uashington, ju keni patur një sërë takimesh, keni marrë pjesë në ceremoninë në Shtëpinë e Bardhë. Me çfare mesazhi do të largoheni nga Shtetet e Bashkuara dhe cili do të jetë mesazhi për popullin shqiptar?

Kryeministër Fatos Nano: Është kënaqësi e jashtëzakonshme që Shqipëria, të cilën unë përfaqësoj me autoritetin e kryeministrit, u ftua në ceremoninë e zgjerimit të Aleancës së Atlantikut të Veriut me shtatë anëtarë të rinj, së bashku me vendet anëtare të Kartës së Adriatikut, të këtij partneriteti në zhvillim me Shtetet e Bashkuara, i cili na dha mundësinë të prekim me dorë realitetet e reja të bashkëpunimit të solidaritetit dhe të rritjes sonë në koalicionin global të luftës kundër terrorizmit, në bashkëveprimin me Shtetet e Bashkuara dhe me institucionet e tjera drejtuese të Aleancës që po shoqërojnë afrimin dhe përgatitjen për t’u bërë e denjë për anëtarësim edhe të vendit tonë, në një rajon delikat siç e dini dhe të dëgjonim vlerësimet shumë miqësore dhe mbështetjen e lartë politike të presidentit Bush - Ju e dini që ai e përmendi tri herë Shqipërinë në fjalën e tij në këtë ngjarje historike - të sekretarit Powell, të sekretarit Rumsfeld, të kryetarit të maxhorancës në Kongres, Tom Delay, të Kryetarit të Komisionit të Jashtëm, Henry Hyde dhe të një numri të madh kongresmenësh me të cilët pata kënaqësinë të ndaj gëzimin e rezolutës që u votua dje në seancën e Dhomës së Përfaqësuesve, me rezultatin shumë domethënës 422 me 2, që shpreh praktikisht mbështetjen e madhe që ka Shqipëria, qeveria e saj, aktorët e shoqërisë civile dhe të strukturave të luftës kundër dobësive të sistemit, krimit të organizuar, trafiqeve, të cilat me mbështetjen amerikane po rrisin efektin dhe rolin e tyre konstruktiv në gjithë rajonin e Ballkanit.

Zëri i Amerikës: Zoti Nano, për ju personalisht, si kryeministër i Shqipërisë, sa me rëndësi ishte prania juaj në një grup të tillë udhëheqësish nga Evropa Lindore?

Kryeministër Fatos Nano: Tashmë është bërë pjesë e axhendës tonë të punës shkëmbimi i drejpërdrejtë i mendimeve dhe informacioneve midis kryeministrave të vendeve të reja, që po anëtarësohen, apo janë aspirante dhe kandidate tashmë shumë të afërta në institucionet e botës euroatlantike dhe unë besoj se tashmë jemi partnerë të barabartë dhe aktivë të këtij komuniteti, vlerësojmë njëri-tjetrin, vlerësohemi së bashku nga aktorët globalë të botës në të cilën jetojmë, shkëmbejmë kontribute edhe të drejtpërdrejta në funksion të dinamizimit të reformave dhe të forcimit të marrëdhënieve të partneritetit me qendrat e politikës globale dhe kjo i shërben të mirës së vendeve tona, të mirës së rajonit në të cilin jetojmë, krijimit të një Evrope të lirë, në paqe dhe të sigurtë, në të cilën sigurisht edhe kufijtë do të jenë më të hapur, të kalueshëm për lëvizjet e lira të qytetarëve, për vlerat që ata bartin dhe sigurisht më të pakalueshëm çdo ditë e më shumë për trafikantët dhe keqbërësit terroristë, apo pjesëtarë të krimit të organizuar.

Zëri i Amerikës: Zoti Nano, këto ditë çështja e Kosovës ka qenë në vëmendjen e bashkësisë ndërkombëtare. Qëndrimi i Shqipërisë është vlerësuar si një faktor stabilizues në rajon. Po ju personalisht a mendoni se tani është koha të shpejtohen bisedimet për çështjen e përcaktimit të statusit përfundimtar të Kosovës, apo duhet pritur ende?

Kryeministër Fatos Nano: Unë besoj se edhe Kosova është në rrugën e duhur, ka kuadrin e duhur, ka përfaqësuesit e vet legjitimë, të zgjedhur demokratikisht, ka një proces shumë aktiv asistence dhe partneriteti me institucionet ndërkombëtare, jo vetëm të Organizatës së Kombeve të Bashkuara, por edhe të Organizatës së Sigurisë dhe Bashkëpunimit Evropian, të Komisionit Evropian, të NATO-s e të tjera, të cilat janë të pranishme në të gjitha kryeqytetet e Ballkanit dhe tashmë është një stinë punësh të mëdha edhe për Kosovën dhe unë jam shumë i kënaqur që gjej ashtu si drejtuesit e organizatave ndërkombëtare, partnerë të denjë në Kosovë, partnerë që flasin shqip. Nuk jam fare xheloz që janë dy kryeministra shqiptarë në Ballkan dhe më vjen mirë që ashtu si kryetari i Parlamentit, apo drejtuesit e partive politike kosovare, drejtuesit e institucioneve të sigurisë, kanë marrë tashmë përgjegjësinë, për të dinamizuar veprimet që forcojnë institucionet e reja demokratike në Kosovë, që i bëjnë ato më të afta për të thithur autoritetin e organizatave ndërkombëtare që e sollën Kosovën në liri dhe në procesin e evropianizimit dhe që sigurisht do ta bëjnë më me përmbajtje, diskutimin për statusin e saj, i cili natyrisht ka të njëjtin terminal me Beogradin, apo me Tiranën, është terminali i Brukselit.

Zëri i Amerikës: Zoti Kryeministër, suksesi i politikës së jashtme të qeverisë shqiptare është pranuar nga të gjithë nga jashtë, gjithashtu edhe brenda në Shqipëri. Po gjendja e brendshme politike, sa e qëndrueshme është?

Kryeministër Fatos Nano: Shqipëria është një vend i qëndrueshëm, një demokraci e gjallë, me aktorët dhe formacionet e njohura, të cilat janë përfshirë në proçesin e bashkëveprimit apo të kontestimit, në një situatë normale, demokratike, në institucionet ku funksionon demokracia dhe besoj se tashmë provat janë aty për të kuptuar që ky është vit reformash të mëdha, është vit i negociatave të rëndësishme për Marrëveshjen e Stabilizim-Asociimit në Bashkimin Europian, është viti i përshpejtimit të veprimeve për anëtarësim në Aleancën e Atlantikut Verior, është vit i investimeve të mëdha publike dhe private, është vit i aktivizimit të tregjeve rajonale dhe i programeve të bashkëpunimit në rajon, është i vit i rritjes së kontributeve shqiptare në modernizimin e Ballkanit dhe në integrimin e tij në Botën moderne. Unë besoj se këto janë interesa të mëdha që i bashkojnë edhe forcat politike në një proces kombëtar dhe shkëmbimi i kontributeve midis tyre edhe kur është alternativ, besoj është në të mirën e përparimit të vendit.

Zëri i Amerikës: Ju zoti Kryeministër sigurisht jeni në dijeni të raportit që ka lëshuar Komisioni Europian dje, në të cilin nuk jepet një vlerësim shumë pozitiv për ecurinë e reformave në vendin tuaj. A është ky një vlerësim real i gjendjen në vendin tuaj?

Kryeministër Fatos Nano: Ky është një raport realist dhe ai përmbledh të gjithë lëndën e punës që ne ndajmë me Komisionin Europian dhe me përfaqësuesit e vendeve anëtare të Bahskimit Evropian, ashtu si me Shtetet e Bashkuara, në procesin e reformave, të negociatave, të krijimit të kapacitetëve, të përmbushjes së kërkesave dhe të standarteve që do ta bëjnë Shqipërinë padyshim, është një proçes i pakthyeshëm, anëtare me të drejta të plota të këtij komuniteti efikas. Pra, qëndrimi im ndaj raportit është proaktiv, ashtu siç demostron edhe raporti ecurinë e reformave diku më mirë, diku më ngadalë, me besim në kapacitetet e institucioneve shqiptare, të Qeverisë Shqiptare, të politikës shqiptare, të shoqërisë civile shqiptare, të gjyqësorit në Shqipëri, të sipërmarrjes sonë evropiane dhe prova më e mirë për këtë është që sot paradite, në Parlamentin Europian u votua njëzëri mbështetja e re buxhetore për Shqipërinë, prej 25 milionë eurosh, gjë që do të thotë se instrumentat e partneritetit dhe të bashkëpunimit, edhe me tonet kritike që ato përmbajnë, nxisin dhe plotësojnë procesin e anëtarësimit tonë në Bashkimin Evropian në kohën e duhur.

Zëri i Amerikës: Zoti Kryeministër, sa ka ndryshuar Fatos Nano si politikan, si udhëheqës gjatë viteve të fundit? Kritikët thonë se ju keni konsoliduar pushtetin, nuk jeni aq tolerant sa në të kaluarën për mendime alternative, keni marrë masa kundër kundërshtarëve, keni prirje autoritare. Sa ka ndryshuar Fatos Nanoja gjatë këtyre dy viteve të fundit?

Kryeministër Fatos Nano: Më ndihmoni të rishfaq karakterin tim demokrat, liberal dhe të një njeriu të aksionit për zgjerimin e lirive të shoqërisë, të qytetarëve dhe të miqve ndërkombëtarë me të cilët punojmë dhe jetojmë. Unë jam një luftëtar i lirisë. Unë e kam ruajtur filozofinë time progresiste edhe në kushtet kur të tjerët ma kanë mohuar lirinë. Ashtu si unë, shqiptarët kanë pasur mungesa të lirisë gjatë 60 vjetëve të fundit, që lidheshin me regjimin komunist, që lidheshin me spontanitetin dhe konfuzionin e viteve të para të tranzicionit drejt demokracisë perëndimore dhe unë besoj se jam njeriu më pak i lirë sot për t’u sjellë në mënyrë private apo personale me miqtë apo ata që shpallen, apo kualifikohen si kundërshtarë apo jo si simpatizantë të mi. Unë jam një njeri i ekzekutivit, jam drejtues politik i një maxhorance progresiste dhe jam i lumtur që edhe këtu në Uashington gjej të njëjtën frymë solidariteti që buron nga forcimi i marrëdhënieve të bashkëpunimit të Shqipërisë me aktorët e mëdhenj të botës ku jetojmë.

Zëri i Amerikës: Zoti Kryeministër, shumë faleminderit! Ishte një kënaqësi.

Kryeministër Fatos Nano: Ishte nder për mua të shfrytëzoj këtë mundësi

[Llapi]

Vlerësime të larta për bashkëpunimin mes Tiranës e Uashingtonit




Denion Ndrenika, Tiranë

Kryetari i Qeverisë së Shqipërisë, Fatos Nano me t’u ktyer në Tiranë pas vizitës njëjavore në SHBA, ka vlerësuar se suksesi më i madh i vizitës ishte premtimi i presidentit amerikan Xhorxh Bush dhe votimi i Kongresit amerikan për anëtarësimin e Shqipërisë në NATO brenda vitit 2007.

Sipas zyrës së medias në kryeministri, z. Nano ka marrë vlerësime të larta për bashkëpunimin dypalësh mes Tiranës dhe Uashingtonit, për rolin e Shqipërisë në qëndrueshmërinë në Ballkan, për përfshirjën dhe mbështetjen e Shqipërisë në luftën kundër terrorizmit, angazhimin e saj në koalicionin dhe misionet paqëruajtëse në Afganistan e veçmas në Irak.
Kryeministri Nano iu ka premtuar autoriteteve amerikane të gjithë vullnetin e shtetit shqiptar për të qenë i vendosur në kontributet për luftën kundër terrorizmit.

Nano mori pjesë në ceremoninë e rastit për pranimin e 7 vendeve të reja në NATO të organizuar në Uashington dhe është takuar me presidentin Bush, sekretarin e shtetit, Kolin Pauell, përfaqësues të biznesit dhe kongresmenë.

Kosova është veçuar gjatë vizitës në SHBA kur Nano është shprehur se nuk ndihet aspak xheloz që në Ballkan janë dy kryeministra shqiptarë, ai dhe kryeministri i Kosovës, Bajram Rexhepi dhe se Kosova nuk mund të kthehet nën Serbi duke vazhduar rrugën e saj të integrimit me terminalin e fundit sikurse Tirana e Beogradi, Brukselin, pra Bashkimin Europian.

Në takim me Prokurorin e Përgjithshëm të SHBA-së, Xhon Ashkroft, Nano ka paraqitur një platformë ligjore të Shqipërisë për luftën kundër krimit të organizuar dhe terrorizmit. Nano do të udhëtojë më pas drejt Italisë ku më 7 prill do të takohet në Romë me kryeministrin Italian Silvio Berluskoni.

[ALBA]

NANO SI SOMOZA

Botohet per here te pare fjala e intelektualit shqiptaro-amerikan Geri Kokalarit, diten qe kryeministri Nano vizitoi Shtepine e Bardhe

Ambasadori amerikan ne Tirane, Xhefri, te ndaloje mbrojtjen e kryeministrit shqiptar

Emri im eshte Geri Kokalari dhe jam nje shqiptaro-amerikan. Do te doja te falenderoja Brezin e Ri te shqiptareve qe me dha nderin qe te flas para jush sot. Kam lindur dhe jam rritur ne Nju Xhersi dhe tashme jetoj ne Nju Jork. Nena ime ka lindur ne Amerike dhe familja e saj vjen nga nje fshat ne Laberi, prane Gjirokastres. Im ate ishte nje gjirokastrit, i cili emigroi ne Amerike qe i ri. Jam krenar te them para jush se ai sherbeu ne Forcat Ajrore amerikane gjate Luftes se Dyte Boterore. Gjithashtu, jam krenar qe dhjetera anetare te familjes sime kane sherbyer ne forcat e armatosura te Shteteve te Bashkuara, sidomos ne kohe lufte. Une jam rritur duke luajtur bejsboll, futboll dhe duke degjuar Rock n'Roll, por gjithashtu kam qene i vetedijshem per identitetin tim etnik shqiptar, pasi familja ime ishte mjaft e perfshire ne komunitetin shqiptaro-amerikan. Familja ime sakrifikoi qe une te merrja shkollimin me te mire ne vend, ne menyre qe une te perparoja si amerikan.

Per shkak te bekgraundit tim mund te them se jam krenar qe jam amerikan, por gjithashtu jam po aq krenar qe jam shqiptar, pervec dites se sotme. E them kete sepse ketu ne Uashington po shoh dicka qe pa dorashka me duket e peshtire dhe me ve ne siklet jo vetem si amerikan, por edhe si shqiptar. Sot, Presidenti i Shteteve te Bashkuara Xhorxh Bush pranoi ne Shtepine e Bardhe nje njeri te krimit, nje person i cili eshte burgosur me akuzat per korrupsion duke perfshire edhe denoncimet e panumerta te koheve te fundit, si ajo e llogarise se tij ilegale bankare ne Zvicer dhe emri i tij eshte Fatos Nano. Jam i turperuar sepse kjo veshje e korruptuar e komunizmit perfaqeson vendin e paraardhesve te mi ne Somoza. Regjimi i Somozes eshte i mirenjohur per korrupsionin dhe mizorine, si dhe shfrytezimin e popullit te Nikaraguas. Pjesetaret e familjes se Somozes dhe rrethi i tyre i brendshem benin jete perandorake, nderkohe qe masat e gjera te popullit jetonin ne mjerim.

A ju kujton kjo dike qe ne njohim nga Shqiperia?

Nje faktor i rendesishem ne sundimin e Somozes ishte aftesia e tij per t'u mbeshtetur ne Shtetet e Bashkuara te Amerikes, duke ia kthyer kete nder sa here qe kjo e fundit ia kerkonte. Gjate Luftes se Dyte Boterore, Nikaragua ishte nje mbeshtetese e palekundur e Shteteve te Bashkuara, pasi Somoza lejoi qe vendi i tij te kthehej ne nje baze ushtarake per operacionet nderkombetare amerikane. Prandaj, edhe pse perdori metoda jodemokratike per te qeverisur vendin e tij, Somoza fitoi mbeshtetjen e Presidentit Rusvelt dhe FDR-ja mbylli nje sy ndaj korrupsionit qe karakterizonte regjimin e Somozes.



Ne nje takim te kabinetit administrativ te Rusveltit, ku axhenda perfshinte c-_jen e politikes amerikane ndaj Nikaraguas, Sekretari i Shtetit i atehershem Kordell Hall e cilesoi Somozen si bir bushtre. Pergjigjja e FDR-se ishte: "Somoza mund te jete bir bushtre, por eshte nga te tanet". Nje diplomaci e ngjashme eshte ajo qe ne po shohim sot me viziten e Nanos ne Shtepine e Bardhe. Per arsye politike, Presidenti Bush ka nje nevoje urgjente qe t'i tregoje popullit amerikan se shtetet e tjera mbeshtesin luften tone kunder terrorizmit si partner ne koalicionin e luftes kunder Irakut. Nano eshte aq i zgjuar sa t'ju lepihet Shteteve te Bashkuara nga kjo pikepamje.

Keshtu, si rezultat i sjelljes prej lakeu te Nanos, SHBA-te nuk mund te nxjerrin gje ne drite duke e perdorur Nanon si shembullin e nje aleati. Me shoke si Nano nuk kemi nevoje per armiq. Tani, deshiroj qe te gjithe te dine se une besoj plotesisht qe populli i Shqiperise duhet te mbaje lidhje te forta me Shtetet e Bashkuara dhe te mbeshtesin Luften Kunder Terrorizmit Nderkombetar. Por kjo nuk eshte nje arsye e vlefshme qe Shtetet e Bashkuara te Amerikes te mbeshtesin nje njeri si Nano, i cili tallet me konceptin e demokracise. Me kujtohen prape fjalet per Somozen: "Bir bushtre!".

Dhe per Nanon nje vulgar i korruptuar komunist, te perdore vullnetin e mire qe populli i Shqiperise ka per Ameriken per qellimet e veta egoiste, ma peshtjellon stomakun.

Me vjen shume keq kur shoh se disa nga miqte e mi shqiptaro-amerikane, te udhehequr nga Keshilli Kombetar Shqiptaro-Amerikan, i jane afruar Shtepise se Bardhe per te qene me Fatos Nanon si nje tufe qensh qe ndjekin nje kamion plehrash. Atyre duhet t'ju vije turp nga vetja. Ata do t'u thone juve se jane aty per te miren e Shqiperise dhe per te mbeshtetur hyrjen e kesaj te fundit ne NATO. Per mua keto jane dokrra. Vertet mendojne ata se prania e tyre do te sjelle ndryshim per anetaresimin e Shqiperise ne NATO? "shenim: nga nje sondazh i kryer ne internet javen e fundit doli se shqiptaro-amerikanet ishin krejtesisht kunder vizites se Nanos ne Shtepine e Bardhe dhe pjesemarrjes se Keshillit Kombetar Shqiptaro-Amerikan ne kete ngjarje).

Udheheqja e KKSHA-se do te deshironte qe ju te besonit se mbeshtetja e tyre ndaj Nanos justifikohet me qenien e ketij te fundit ne krye te qeverise shqiptare, dhe ata jane atje per te miren e Shqiperise dhe jo te Nanos. Por keta njerez kane harruar dicka te rendesishme se Nano dhe njerezit qe e shoqerojne ate nuk duhet te konsiderohen si nje qeveri, ata nuk jane gje tjeter vecse nje ndermarrje kriminale e maskuar si qeveri. KKSHA-ja dhe te tjeret duhet te zgjohen dhe te kuptojne se duke qene me Nanon ata duhet te konsiderohen si fajtore per ndihmen dhe mbeshtetjen qe u japin njerezve te krimit ne Shqiperi.

Sigurisht ka edhe nga ata shqiptaro-amerikane qe ndodhen ne Shtepine e Bardhe per te kerkuar ndere nga Nano dhe ata jane me se te gatshem per te prostituar veten e tyre per te marre ate qe deshirojne. Ne menyre ironike, ata te cilet pretendojne se perfaqesojne diasporen tone ne Shtepine e Bardhe per me teper nuk kane as rrenjet ne Shqiperi. Pra, pse duhet te shqetesohen? Familjet e tyre nuk jane persekutuar kurre nga regjimi komunist, i cili u mbeshtet nga Fatos Nano, Fatos Tarifa dhe Agim Nesho. Ata nuk shqetesohen per shumicen e gjere te popullit shqiptar, i cili jeton ne minimumin e jeteses, nderkohe qe Nano vjedh para nga xhepat ketyre shqiptareve te varfer nepermjet praktikave te tij te korruptuara. Dhe c'eshte me e keqja, Nano e ben kete ne sy te te gjithe shqiptareve duke marre perfitimet e tij ilegale dhe duke i flakur ato me shishe 500 $ te shampanjes dhe ne tavolinat e kumarit. Keta pseudombeshtetes te Nanos ne Shtepine e Bardhe duket se kane harruar kuptimin e fjales bese dhe duhet t'u vije turp qe e quajne veten e tyre shqiptare.

Per nje kohe te gjate e kam kritikuar KKSHA-ne se ka bere pak per te ndihmuar Shqiperine. Tani une mendoj se perfshirja e tyre ne problemet e Shqiperise e ka penguar perparimin e saj dhe se ata nuk duhet t'i fusin me hundet ne punet e ketij vendi. Une i keshilloj me kembengulje shqiptaro-amerikanet, dhe sidomos ata nga Shqiperia, te mos i japin asnje qindarke KKSHA-se per aq kohe sa ata vazhdojne te bashkepunojne me Nanon.

Po aq shqetesues ishte edhe editoriali i fundit nga "Iliria", dhe Ekrem Bardha, botuesi i gazetes, i cili sot ndodhet me Nanon ne Shtepine e Bardhe. Ne ate editorial, gazeta "Iliria" pati pafytyresine te kerkonte nga shqiptaro-amerikanet te mos protestojne kunder Nanos. Keshtu "Iliria" u kerkon shqiptaro-amerikaneve te mos ushtrojne te drejten e tyre te fjales se lire dhe te mos protestojne kunder thundres se korruptuar te Nanos, e cila ndrydh shtypin e lire ne vendin e tij. "Iliria" duhet te kaloje me shume kohe duke kerkuar qe Fatos Nano te hetoje korrupsionin, duke perfshire edhe te tijin, dhe me pak kohe duke provuar stilin komunist, per t'i mbyllur gojen fjales se lire te shqiptaro-amerikaneve. Kohet e fundit kam marre nje kerkese regjistrimi nga "Iliria", te cilen une do ta hedh ne plehra pasi nuk kam asnje deshire te rinovoj regjistrimin tim per aq kohe sa ata punojne per te mbrojtur kete llum nga kritika. Disa jave me pare Ekrem Bardha mori poziten e konsullit te nderit per shqiptaret ne Micigan dhe ndoshta ai i ka perkushtuar me teper kohe perpjekjeve para ceshtjeve shqiptare sesa te gjithe konsujt e tjere shqiptare ne Shtetet e Bashkuara te marra se bashku. Por pranimi i ketij nderi nga nje njeri i krimit mafioz si Nano, i cili e konsideron Nikola Geixhin nje nga miqte e tij me te mire, e ben kete cmim te papranueshem, dhe sipas mendimit tim nuk ka aq vlere sa te komprometoje parimet e dikujt. Ekremi ndoshta mund te mendoje se ai po ndihmon Shqiperine me ane te mendimeve te tij, por me aq sa mund te them une, shumica e shqiptaro-amerikaneve besojne se ai eshte i keqdrejtuar dhe ai duhet te rishikoje bashkepunimin e tij me kupolen e krimit ne Shqiperi qe quhet Fatos Nano. Ne qe qendrojme ketu perpara Shtepise se Bardhe si shqiptaro-amerikane, te cilet vertet interesohen per Shqiperine, kerkojme largimin e Fatos Nanos, dhe mundesisht, ne menyre ligjore. Ne kerkojme hetimin e llogarive te tij bankare, te akuzave per pjesemarrjen e tij dhe shume zyrtareve te tjere ne korrrupsion, dhe duam qe administrata e Presidentit Bush te veproje drejt dhe t'i mbeshtese keto iniciativa.

Ne qofte se administrata e Presidentit Bush nuk mbeshtet nje hetim transparent dhe te ashper te korrupsionit ne nivelet me te larta te qeverise shqiptare dhe nuk mbeshtet pavaresine e Kosoves, atehere me shume se 750.000 shqiptaro-amerikane ne SHBA nuk do ta mbeshtesin Bushin ne perpjekjen e tij per t'u rizgjedhur. Dhe kete e them ne pozitat e nje personi, i cili ne vitin 2000 votoi pro Bushit de mbeshteti luften ne Irak.

Ajo qe eshte me e rendesishme, shqiptaret e Miciganit duhet te pranojne se kete vit Micigani mund te kthehet ne nje "fushe beteje" pasi mund te jete po aq i rendesishem per rezultatin e zgjedhjeve presidenciale sa Florida ne vitin 2000. Sic e dime, cdo vote pati shume rendesi ne ate gare. Une llogaris se nga 100.000 shqiptare ne Micigan, 25.000 kane te drejten e votes, dhe duke zbritur ata qe kane shpallur qe ne fillim mbeshtetjen e tyre per Xhon Kerrin kjo do te kuptohej si nje ulje prej 5000 votash kunder Bushit nese do te kuptohej se ai punon kunder ceshtjes shqiptare. Nese Bush nuk e mbeshtet plotesisht zgjidhjen e favorshme per statusin e Kosoves, dhe nese ai nuk i kerkon Departamentit te Shtetit dhe individeve si Mark Grosman, Xhejms Xhefri, dhe Liza Teper te ndalojne se beri syrin qorr ndaj praktikave te korruptuara te Nanos, dhe nese nuk i jep urdher Prokurorit te Pergjithshem, Xhon Eshkroft, dhe Departamentit te Drejtesise te filloje hetimin e menjehershem te Nanos, atehere ka ardhur koha qe shqiptaro-amerikanet te mos votojne per Bushin.



koha jone