Kryeministri Nano viziton Washingtonin

[Dita]

ga Dodoni

Poashtu pritet që Bush ti shpreh atij se Kosova do ti ribashkohet Shqipërisë shumë shpejt.

Dodon,

seriozisht e ke qe i shkruan keto fjale? Eshte lajm ky, apo...?

[edspace]

Pervec ketyre qe jane thene me lart, mos harroni qe Bushi eshte ne fushate dhe vemendja qe i kushton ai Shqiptareve dhe sidomos pavaresise se Kosoves do te reflektohet ne votat e Shqiptaro-Amerikaneve. Me problemet e Irakut dhe te ekonomise Bushit i nevojitet mbeshtetja e te gjithe grupeve, sado te vegjel te jene.

[Shpirt Njeriu]

Ftesa për Fatos Nanon, nga një organizatë joqeveritare. Pritet reagimi i Ambasadës


Nano, vizitë jo zyrtare në SHBA

Zëdhënësi i Shtëpisë së Bardhë, zoti Scott McClellan tha se Presidenti i Shteteve të Bashkuara të Amerikës George W. Bush, do të falenderojë kryeministrat e Shqipërisë, Kroacisë dhe Maqedonisë, për kërkesen e paraqitur, që edhe këto vende ish komuniste, kanë dëshirën të anëtarësohen në Aleancën Veri Atlantike - NATO. Ceremonia e falenderimeve, do të zhvillohet në parkun sportiv në pjesë e prapme të ndërtesës e quajtur "South Lawn". Aty ku grupe fëmijësh, ose grupe komunitare e tjerë, japin çdo vit, në raste të veçanta, shfaqje përpara presidentit amerikan.

Kryeministri shqiptar Fatos Nano ka krijuar keqkuptime me administratën amerikane lidhur me statusin e vizitës së tij në Uashington. Në përpjekje për ta përdorur politikisht udhëtimin drejt Uashigtonit, kryeministri dhe zyra e tij janë përpjekur ta paraqesin vizitën si zyrtare dhe, madje si një mbështetje të fortë të Uashingtonit për kryeministrin e Shqipërisë. Burime nga Uashingtoni i thanë dje gazetës TemA, se zoti Nano është i ftuar nga një organizatë joqeveritare, në kuadrin e festimeve për 55 vjetorin e NATO-s, dhe do të jetë prezent në takimin që presidenti Bush do të ketë me dhjetë liderët e Evropës Lindore që kanë aplikuar për anëtarësim në NATO.

Lobisti i njohur i zotit Nano, Bruce Jackson citohet si njeriu që ka mundësuar vizitën dhe që po punon që në të ardhmen Nano të realizojë një vizitë zyrtare në SHBA. Ambasadori i SHBA në Tiranë James Jeffrey nuk është shprehur ende për statusin e vizitës, por keqkuptimi që ka krijuar përdorimi prej zyrës së zotit Nano i statusit të kësaj vizite, mund ta detyrojë atë të shprehet nëse kjo vizitë është ose jo zyrtare.

Zëdhënësi i Shtëpisë së Bardhë zoti Scott McClellan, tha se Qeveria amerikane ka vendosur të shënojë "bymimin" e Aleancës Veri Atlantike, me një ceremoni të rastit dhe takime me anëtarët e rinj, në rang kryeministrash të disa vendeve, ku në krye të tyre do të jetë Sekretari i Përgjithshëm i Aleancës Veri Atlantike, Jaap de Hoop Scheffer. Scott McClellan tha gjithashtu se gjatë kësaj ceremonie, pritet të marrë pjesë edhe Presidenti i Shteteve të Bashkuara të Amerikës George W. Bush, i cili do të falenderojë kryeministrat e Shqipërisë, Kroacisë dhe Maqedonisë, për kërkesën e paraqitur, që edhe këto vende ish komuniste, kanë dëshirën të antarësohen në Aleancën Veri Atlantike - NATO.

Zëdhënsi i Shtëpisë së Bardhë, zoti Scott McClellan, shtoi se SHBA-të kanë mbështetur fuqishëm këto tre vende të Ballkanit (Shqipërinë, Kroacinë dhe Maqedoninë) të integrohen plotësisht në Europë, përfishi këtu, që në të ardhmen ato të bëhen anëtare, në NATO. Në këtë kuadër edhe shtatë vendet ish-komuniste - ish-anëtare të bllokut sovjetik, të cilat kanë ndryshuar sistemet në ekonominë e lirë, reforma në demokraci, anëtarësimin në NATO, kanë mbështetjen e plotë të administratës Bush.

Burime nga Uashingtoni bëjnë po ashtu të ditur se disa grupe mbështetëse të Kryeministrit po punojnë për të arritur një vizitë zyrtare të zotit Nano në Uashington, por kjo është ende larg. Kryeministri ka angazhuar në këtë fushatë miq dhe mbështetës të tij, kryesisht nga lobi grek në Uashington, por dhe ambasadën e SHBA në Tiranë.

Duke shfrytëzuar situatën e rëndë që është krijuar në botë, Shtëpia e Bardhë, mësohet se ka vendosur të falenderojë në një ceremoni simbolike, edhe tre vendet e vogla ballkanike, të bashkëngjitura në luftën kundra terrorizmit ndërkombëtar. Ceremonia e falenderimeve, do të zhvillohet në parkun sportiv në pjesë e prapme të ndërtesës së quajtur "South Lawn". Aty ku grupe fëmijësh, ose grupe komunitare e tjerë, japin çdo vit, në raste të veçanta, shfaqje përpara presidentit amerikan. Mirëpo ky vend i zgjedhur për këtë ceremoni, nuk është ndonjë injorim, por një formalitet qeveritar me përmasa modeste.

Vetë zëdhënësi i Shtëpisë së Bardhë zoti Scott McClellan, në konferencën për gazetarët nga "The James S. Brady" Press Briefing Room, e konfirmoi këtë gjë dje, kur tha se "Shtëpia e Bardhë" ka në plan javën e ardhshme të "përgëzojë" celebrimin e hyrjes në NATO, të shtatë vendeve ish-komuniste, ish-anëtare të bllokut sovjetik.

Ai tha se "Më pas më 2 prill, Sekretari i Shtetit Colin Powell, do të udhëtojë për në selinë e NATO-s në Bruksel (Belgjikë) ku do të bëhet prezantimi i 19 vendeve pjesëmarrëse anëtare me të drejta të plota, pikërisht kur aleancës i shtohen edhe Romania, Bullgaria, Sllovakia, Sllovenia, Lituania, Letonia dhe Estonia".

Vizita e Fatos Nanos në Amerikë, në ceremoninë e falenderimeve të 29 marsit, po shihet me frikë dhe pritet të shoqërohet me protesta të mëdha të shqiptarëve, para Shtëpisë së Bardhë.

[Llapi]

Xhefri: Ç'kemi bërë me Shqipërinë

Raportet mes Shqipërisë dhe SHBA-së janë shumë shumë të mira", u shpreh ambasadori amerikan në Tiranë Xhejms Xhefri, në një intervistë televizive. Xhefri ka vlerësuar reformat që janë bërë deri tani në vend dhe uroi që ato të vazhdojnë. Konfirmimin e vendit i cili tashmë është nisur drejt anëtarësimeve të NATO-s dhe BE-së, sipas Xhefrit e jep më së miri takimi që presidenti amerikan do të ketë në Uashington me kryeministrin shqiptar Fatos Nano. Dhe pse vizitën e Nanos në Uashington Xhefri nuk e ka cilësuar si vizitë zyrtare bilaterale., ajo sipas tij është mjaft e rëndësishme sepse lidhet me të ardhmen e Shqipërisë në NATO. Ambasadori amerikan ka deklaruiar se Shqipëria do të anëtarësohet më shpejt në NATO se në BE. Krimi i organizuar dhe trafiqet mbeten prioritet në ndjekje nga ana e SHBA-së. Ne nuk do të jemi të kënaqur derisa të hedhim pas shpine probklemin e trafiqeve dhe krimit të organizuar", u shpreh Xhefri. Sipas tij, duhet vlerësuar progresi i bërë në këtë drejtim, ku Xhefri ka cilësuar trafikimin e grave dhe ka vlerësuar agresivitetin me të cilin autoritetet shqiptare po ndjekin personat që kanë kryer krime dhe vrasje kohët e fundit. Baronët e krimit sipas tij, do të dalin pas hetimeve të vrasjeve të fundit, atë të komisar Malushit, për të cilin është identifikuar vrasësi dhe të shoferit të Prokurorit të Përgjitshëm, pas së cilës qëndron "Hakmarrja", shpjegoi dje Xhefri në emisionin "Opinion" në Tv Klan.

[dodoni]

Dodon,

seriozisht e ke qe i shkruan keto fjale? Eshte lajm ky, apo...?

Po pra, Dita sepse kjo është zgjidhja më e mirë si për shqiptarët ashtu edhe për amerikanët e BE-në e gjithë bashkësinë ndërkombëtare.

[Llapi]

Mesazhi i presidentit Bush: Rol kurajoz në luftën antiterrorizëm

Lajmi i ores 9:00 AM

TIRANE (27 Mars) - Kryeministri Nano para nisjes për në SHBA mori dje një mesazh përshëndetës nga presidenti amerikan Xhorxh Bush. Në këtë mesazh Bush falenderon kryeministrin Nano dhe qeverinë shqiptare për mbështetjen e dhënë në luftën kundër terrorizmit. "Me rastin e përvjetorit të fillimit të fushatës për çlirimin e Irakut, do të dëshiroja t'Ju shprehja falënderimet tona për mbështetjen tuaj të palëkundur në luftën kundër terrorizmit", shprehet presidenti amerikan Bush në mesazhin e tij. "Populli i SHBA admiron dhe vlerëson rolin kurajoz dhe të pashoq që Shqipëria ka luajtur për lirinë e popujve të Irakut dhe të Afganistanit dhe krijimin e një bote më të sigurtë", shprehet ndër të tjera presidenti Bush. Duke e inkuadruar kryeministrin shqiptar në rradhën e udhëheqësve që mbështetën kaolicionin antiteror, presidenti amerikan shprehet se "si udhëheqës ne jemi thirrur t'i përmbahemi të vërtetës universale se jeta e çdo qenieje është e çmuar dhe se prirja natyrore e çdo njeriu është që të jetojë në liri. Në mënyrë që paqja dhe liria të lulëzojnë, lypset të kemi kurajon për t'u ndeshur me të gjithë ata që rreken të na skllavërojnë përmes frikës dhe terrorit". ro/ro (GazetaShqiptare/BalkanWeb)

[Albo]

Qeveria deklaroi se Nano do të takojë shumë personalitete në SHBA, por nuk dha asnjë emër

Dalipi: Nanon do e presin personalitete amerikane

Qeveria deklaroi përmes zëdhënësit të saj, se kryeministri Nano do të zhvillojë një numër të madh takimesh me personalitete të larta të Shteteve të Bashkuara të Amerikës. Kjo tentativë e qeverisë bëhet për të deklaruar se kjo është një vizitë, gjatë së cilës, do të vlerësohet jo vetëm mbështetja në luftën ndaj terrorizmit, por dhe puna e qeverisë shqiptare. Por, edhe pse vizita ka kohë që është trumbetuar, nuk është dhënë asnjë emër se kë do të takojë Nano. "Gjatë vizitës së tij zyrtare në Shtetet e Bashkuara të Amerikës, kryeministri Fatos Nano do të zhvillojë gjithashtu takime të rëndësishme me autoritetet më të larta të administratës amerikane, përfaqësues të drejtësisë amerikane, me senatorë dhe kongresmenë, me drejtuesit e institucioneve financiare që asistojnë Shqipërinë, si dhe me drejtues të kompanive të njohura amerikane, të cilat janë angazhuar tashmë me projekte të rëndësishme infrastrukturore në vendin tonë," tha zëdhënësi i Nanos, Dalipi. Në një kohë kur komuniteti shqiptar atje ka deklaruar se nuk do të marrë pjesë në takimet me kryeministrin, zëdhënësi tha se Nano do të zhvillojë takime të ndryshme me këtë komunitet. "Kryeministri Fatos Nano do të takohet gjithashtu edhe me përfaqësues të komunitetit shqiptar që jeton në Shtetet e Bashkuara të Amerikës. Në të gjitha këto takime kryeministri Nano do të bëjë të njohur objektivat kombëtare dhe rajonale që ka Shqipëria, në rrugën e progresit të saj," tha Dalipi.

Para largimit për në Shtetet e Bashkuara të Amerikës, kryeministri mori pjesë dhe në panarin pranveror "Komfort 2004", në të cilin ai ka hedhur dhe një valle, me grupin e valltarëve që ndodhej para ambienteve të Qendrës Ndërkombëtare të Kulturës. Para largimit janë paraqitur dhe disa masa ligjore të përgatitura nga qeveria për të luftuar terrorizmin.

[Albo]

DEMONSTRATË PAQËSORE PARA SHTËPISË SË BARDHË NË WASHINGTON, DC

Gjenerata e Re Shqiptare fton të gjithë organizatat shqiptare dhe personat e interesuar për të marrë pjesë në protestën paqësore e cila do të zhvillohet para Shtëpisë së Bardhë në Sheshin "Lafayette”, Washington, DC me datë 29 Mars 2004 nga ora 13.00 PM - 17.00 PM.

Qëllimi kryesor i kësaj proteste është që ti bëhet thirrje Qeverisë së Shteteve të Bashkuara dhe Presidentit Amerikan George W. Bush që të ushtrojë presion mbi Qeverinë e Republikës së Shqipërisë për ti dhënë fund korrupsionit, trafikut të qënieve njerëzore, kthimit të shpresës së humbur tek shqiptarët për punë, energji eletrike dhe dinjitet njerëzor.

Gjenerata e Re Shqiptare fajëson Qeverinë aktuale të drejtuar nga Z. Fatos Nano për gjendjen katastrofike ekonomike, politike dhe shoqërore në të cilën gjendet Shqipëria sot. Protesta paqësore do të zhvillohet me moton: 'NANO IK NË GJYGJ". Gjenerata e Re Shqiptare do të përdorë këtë moto sepse beson se përgjegjësia kryesore për këtë fatalitet të gjithanshëm në Shqipëri bie mbi Qeverinë aktuale Shqiptare dhe sidomos mbi Kryeministrin e vendit duke patur parasysh që më shumë se 500 mijë shqiptarë jetojnë me më pak se dy dollarë në ditë.

Gjenerata e Re Shqiptare i kërkon Presidentit të Shteteve te Bashkuara George W. Bush që të respektojë me rigorizitet qëndrimin e tij politik i cili konsiston në atë që "Anëtarët e qeverive të korruptuara nuk duhet të lejohen të shkelin në Shtetet e Bashkuara."

Gjenerata e Re Shqiptare i sheh me shqetesim disa të dhëna të organizmave ndëkombëtare, të cilat në një mënyrë ose tjetër dëshmojnë se Qeveria e Republikës së Shqipërisë, përfshirë këtu edhe Kryetarin e saj Z. Fatos Nano janë të angazhuar në praktika dhe sipërmarrje të dyshimta dhe korruptive.

Gjenerata e Re Shqiptare, si e vetmja organizatë e re dhe e pavarur shpreh mirëkuptimin e saj në mbështetjen tuaj dhe fton të gjithë shqiptarët kudo ku ata jetojnë dhe punojnë që t'na bashkohen me datë 29 Mars 2004 në protestën tonë paqësore para Shtëpisë së Bardhë duke i treguar Qeverisë Shqiptare se ne jemi këtu për të kërkuar një qeverisje demokratike, zhdukjen e korrupsionit politik, ndalimin e menjëhershëm te trafikut njerëzor vdekjeprurës dhe përmirësimin e imazhit të Kombit Shqiptar në rajon dhe më gjerë.

################################################## ##########

P R O T E S T Ë P A Q Ë S O R E

përballë

S H T Ë P I S Ë së B A R D H Ë

29 MARS 2004 (HËNË)

1.00 PM - 5.00 P.M.


BORDI DREJTUES I GJENERATËS SË RE SHQIPTARE
24 Mars 2004

[Albo]

DEMONSTRATË PAQËSORE PARA SHTËPISË SË BARDHË NË WASHINGTON, DC

Gjenerata e Re Shqiptare fton të gjithë organizatat shqiptare dhe personat e interesuar për të marrë pjesë në protestën paqësore e cila do të zhvillohet para Shtëpisë së Bardhë në Sheshin "Lafayette”, Washington, DC me datë 29 Mars 2004 nga ora 13.00 PM - 17.00 PM.

Qëllimi kryesor i kësaj proteste është që ti bëhet thirrje Qeverisë së Shteteve të Bashkuara dhe Presidentit Amerikan George W. Bush që të ushtrojë presion mbi Qeverinë e Republikës së Shqipërisë për ti dhënë fund korrupsionit, trafikut të qënieve njerëzore, kthimit të shpresës së humbur tek shqiptarët për punë, energji eletrike dhe dinjitet njerëzor.

Gjenerata e Re Shqiptare fajëson Qeverinë aktuale të drejtuar nga Z. Fatos Nano për gjendjen katastrofike ekonomike, politike dhe shoqërore në të cilën gjendet Shqipëria sot. Protesta paqësore do të zhvillohet me moton: 'NANO IK NË GJYGJ". Gjenerata e Re Shqiptare do të përdorë këtë moto sepse beson se përgjegjësia kryesore për këtë fatalitet të gjithanshëm në Shqipëri bie mbi Qeverinë aktuale Shqiptare dhe sidomos mbi Kryeministrin e vendit duke patur parasysh që më shumë se 500 mijë shqiptarë jetojnë me më pak se dy dollarë në ditë.

Gjenerata e Re Shqiptare i kërkon Presidentit të Shteteve te Bashkuara George W. Bush që të respektojë me rigorizitet qëndrimin e tij politik i cili konsiston në atë që "Anëtarët e qeverive të korruptuara nuk duhet të lejohen të shkelin në Shtetet e Bashkuara."

Gjenerata e Re Shqiptare i sheh me shqetesim disa të dhëna të organizmave ndëkombëtare, të cilat në një mënyrë ose tjetër dëshmojnë se Qeveria e Republikës së Shqipërisë, përfshirë këtu edhe Kryetarin e saj Z. Fatos Nano janë të angazhuar në praktika dhe sipërmarrje të dyshimta dhe korruptive.

Gjenerata e Re Shqiptare, si e vetmja organizatë e re dhe e pavarur shpreh mirëkuptimin e saj në mbështetjen tuaj dhe fton të gjithë shqiptarët kudo ku ata jetojnë dhe punojnë që t'na bashkohen me datë 29 Mars 2004 në protestën tonë paqësore para Shtëpisë së Bardhë duke i treguar Qeverisë Shqiptare se ne jemi këtu për të kërkuar një qeverisje demokratike, zhdukjen e korrupsionit politik, ndalimin e menjëhershëm te trafikut njerëzor vdekjeprurës dhe përmirësimin e imazhit të Kombit Shqiptar në rajon dhe më gjerë.

################################################## ##########

P R O T E S T Ë P A Q Ë S O R E

përballë

S H T Ë P I S Ë së B A R D H Ë

29 MARS 2004 (HËNË)

1.00 PM - 5.00 P.M.


BORDI DREJTUES I GJENERATËS SË RE SHQIPTARE
24 Mars 2004

[dodoni]

Gjenerata e Parë Shqiptare tek unë me disa punë rreth shkollave shqipe në Amerikë e veçanërisht në New York ka fituar një përkrahje jo vetëm nga unë por besoj edhe nga shumë shqiptarë dhe mendoj se në politikë duhet të ketë kujdes që të mos humbas atë por ta shtoj atë edhe më në të ardhmen.
Të gjithë ata tregues ekonomik që thekson Gjenerata e Parë Shqiptare edhe mund të jenë të vërtetë por po t'i krahasosh me treguesit ekonomik gjatë viteve të PD-së në pushtet janë pakrahasueshmërisht më të mirë e më të lartë.
Nano është votuar nga shumica shqiptare në Shqipëri dhe Gjenerata e Parë Shqiptare si një organizatë jopolitike duhet respektoj votën e shumicës shqiptare e si rrjedhojë edhe kryeministrin e institucionet shqiptare. Nëse ata janë kundër qeverisë dhe kryeministrit Nano mund ta manifestojnë këtë në Tiranë dhe në votat e tyre në kohën e zgjedhjeve dhe jo nëpër botë duke u munduar të pengoj punën e qeverisë dhe kryeministrit që është e dëmshme jo vetëm kryeminstrin Nano dhe qeverinë por edhe për vet Gjenerata e Parë Shqiptare dhe opozita që po përkrahin ata, sepse kështu po ul autoritetin e qeverisë shqiptare si institucion shqiptar dhe jo kryeministrin Nano personalisht e PS-në.
Nëse ka divergjenca shqiptare në politikë ato duhet të mbahen në shtëpinë tonë, jashtë jemi të gjithë një dhe të bashkuar sepse kështu edhe është interesi më i mirë i joni sepse kështu edhe performanca jonë do të jetë shumë më e mirë dhe me më shumë rezultat për gjithë objektivat tona si në çështjen kombëtare ashtu edhe në ekonomi e integrime euroatllantike.
Prandaj, mendoj se Gjenerata e Parë Shqiptare duhet të reflektoj dhe ndryshoj qëndrim duke ruajtur respektin që ka krijuar tek shqiptaro-amerikanët me punën e tyre të deritanishme, sepse kjo nuk është në interes të asnjë shqiptari duke përfshirë edhe vet Gjeneratën e Parë Shqiptare. Edhe pse jam shumë i bindur që shumica absolute shqiptaro-amerikane nuk do të marrë pjesë në këto protesta.
Për punën e takimit me Nanon të komuniteteve shqiptaro-amerikane e di që nuk është takuar në të kaluarën por që kohët e fundit me vizitat e Martin Vulajt dhe Riçard Llukajt në Tiranë bërë edhe kryeministrit Nano, nuk mendoj se ata nuk do ta presin. Pra, KKSHA që deri më tani është organizimi më i madh dhe më gjithëpërfshirës i shqiptaro-amerikanëve patjetër që do ta pres e sipas informacioneve që kemi edhe vet LQSHA ka ndryshuar qëndrim në lidhje me Nanon dhe edhe ata mund ta presin. Mendoj se kjo është shumë me interes për gjithë kombin sepse bashkëpunimi sa më i madh ndërshqiptar është shumë i rëndësishëm për suksesin më të lartë të mundshëm në të gjithat aktivitetet tona duke përfshirë politikën e të gjitha.
Komunitetet Shqiptare jashtë atdheut nuk duhet të jenë militante partiake sepse kjo sjell përçarjen e këtyre komuniteteve prandaj ato duhet të respektojnë të gjitha partitë e veçmas institucionet e liderët kryesor të këtyre institucioneve kushdoqofshin ata. Ky është interesi më i mirë shqiptar, divergjencat programore-ideollogjike duhet të mbesin në atdhe dhe jo të përcillen nëpër botë.

Tung