Informatizimi i gjendjes civile - Koncesioni te huajve nje idiotesi apo poshtersi

[gene]

lexova sot se qeveria ka vendosur te jape ne koncesion kompiuterizimin e gjendjes civile

dhe kjo do te behet nga firma te huaja qe tashme kane shprehur INTERES

Me duket nje idiotesi ose nje poshtersi
Puna kryesore qe duhet eshte ajo njerezore

Mijera studente jane te papune dhe do te ishin mese te te gatshem e te afte te kryenin dicka te tille kundrejt pageses (edhe nese pagesa do te shtyhej dy vite - koha kur fillon kthimi i investimit nga shitja e kartave te identitetit)


a jemi ne ne gjendje te projektojme realizimin e ketij objektivi - informatizimi i gjendjes civile????

nuk do te jete nje pune qe shkon dem

[R2T]

Pershendetje!

Dhenia me koncesion nga qeveria e kesaj pjese te industrise (apo cdo pjese tjeter me qe ra fjala) eshte dicka qe duhet pergezuar dhe mbeshtetur. Dhenia me koncesion jep zhvillimin e industrise shteterore pa qene nevoja qe qeveria te investoje. Investimi kryesor behet nga firma private, te cilat me pas kompensohen per kete investim nga shfrytezimi i industrise ku kane investuar. Ne rastin konkret, nese qeveria Shqiptare jep me koncesion kompjuterizimin e gjendjes civile, kerkon investim ne kete dege te industrise nga ndermarje private, te cilat me vone do kompensohen per investimin e tyre kundrejt nje cmimi qe vendosin per marjen e nje certifikate apo informacioni nga gjendja civile. Argumenti yt se duhet te paguhen studentet shqiptare per kompjuterizimin e gjendjes civile eshte i pavend pasi vete qellimi i qeverise ne kete rast eshte zhvillimi i gjendjes civile pa harxhuar para.
A u duhet dhene kompanive te huaja?
Ne shumicen e rasteve, kompanite e huaja jane me te favorizuara per vete fuqine ekonomike, teknologjike dhe eksperiencen qe kane (krahasuar me ato Shqiptare). Nuk diskutohet qe ka dhe perjashtime, megjithate po flitet per nje dege shume te vecante ku nuk mendoj se ka firma Shqiptare qe mund te rivalizojne eksperiencen dhe aftesite e nje kompanie te huaj.

R2T

[gene]

jo

nuk eshte aspak e vertete qe behet pa shpenzime

kartat e identitetit jane te detyrueshme dhe do te BLIHEN ME PARA drejtperdrejt nga shqipetaret (ne vend qe te paguajne nje taxe indirekte).

Te gjitha keto para do te dalin jashte shqiperise nderkohe qe ne kemi nevoje per kapitale per te mbijetuar.

Nuk eshte ceshtja thjesht tek punesimi i studenteve, ate e solla si nje shembull te egzistences se burimeve te nevojshme brenda shqiperise (qe do te shfrytezohen patjeter edhe nga te huajt qe do te vine - vetem qe me kaq perfundon kthimi i parave ne dore te shqipetareve)

pra
-egzistojne burimet njerezore te nevojshme per hedhjen e database
-egzistojne ingjiniere sa te duash te afte te krijojne nje rrjet informatik
-produkti qe do te krijohet ka nje shitje te garantuar dhe asnje investitor (qofte individet qe do te blejne kartat mund te japin paradhenie ) nuk terhiqet perpara nje invesimi me kaq pak rrezik .

Nese qeveria shqipetare eshte e paafte te beje kaq, ,me mire te largohet sepse e kemi vene aty per te bere pune e jo per te likujduar shqiperine (edhe sherbimet thellesisht shteterore)

EGZISTOJNE MUNDESITE QE KY KAPITAL TE MOS DALE NGA SHQIPERIA - PERSE T'A LEME TE IKE??????!!!!!!!!!!

[R2T]

pra
-egzistojne burimet njerezore te nevojshme per hedhjen e database
-egzistojne ingjiniere sa te duash te afte te krijojne nje rrjet informatik
-produkti qe do te krijohet ka nje shitje te garantuar dhe asnje investitor (qofte individet qe do te blejne kartat mund te japin paradhenie ) nuk terhiqet perpara nje invesimi me kaq pak rrezik .

Pershendetje dhe nje here!

Bie dakort qe Shqiperia mund te kete inxhinjere te zote te ndertojne rrjetin e kerkuar. Por kur flitet per nje dege me kaq rendesi sa gjendja civile, ku cdo gabim i vogel ndikon drejtpersedrejti me jeten e dikujt, une si konsumator jam shume here me i sigurt nese ky rrjet ndertohet nga nje kompani qe ka eksperiencen e mjaftushme sesa nga nje grup inxhinjeresh qe po eksperimentojne me te. Gjithashtu duhet patur parasysh se nje produkt qe eshte ndertuar me pare dhe e ka provuar veten disa here, mund te jete me kosto shume me te ulet se nje produkt qe hidhet sot ne treg (pavarsisht nese kostoja fillestare mund te kete qene me e madhe per produktin e pare).
E kuptoj se ka burrime njerezore te mjaftushme per krijimin e database-s, por te jemi te ndergjegjshem, kur punohet per shtetin punohet me norme dhe me pak pergjegjesi, plus qe kontrolli eshte minimal.
Por mbi te gjitha sic e permenda, dhenia me koncesion siguron qe shteti nuk ka nevoje te derdhi asnje fond, i gjithe shpenzimi (perfshi kartat qe permende) mbulohen nga firma investuese. RRjeti, i kalon shtetit me pas, pasi firma private ka nxjere fitimin e kerkuar.

Ndoshta nuk eshte zgjidhja ideale, por per sa i perket ekonomise shqiptare mendoj se eshte nje zgjidhje e mire, dhe ka gjera akoma me problematike qe mund te quhen "idotesi" apo "poshtersi"

[gene]

sigurisht qe ka e do te kete gjera me problematike por sot po diskutojme kete

perseri nuk me kuptove me duket

PERSE ATO KAPITALE DUHET TE DALIN NGA SHQIPERIA????????????????!!!!!!!!!!!!!!!!!!!!

ekonomite e expeirences nuk jane SHUME ndikuese nese i krahason me diferenicalin e pageses ndermjet nje inxhinieri shqipetar ne shqiperi me nje inxhinier te huaj ne trasferte ne shqiperi (mund te arrijne ne nje rraport 1/10) dhe vetem kjo mund te justifikoj shume mungese experience - edhe nje vit me teper (po marr nje kendveshtrim tejet negativ) me arkiva te zakonshme arrin te justifiokje mos daljen e kapitaleve nga vendi.

Pastaj, mos i ngaterro punet - kartat e identitetit do i paguajme NE dhe jo ajo firma
Ata bejne nje invesitm ne nje sektor me kthim TE GARANTUAR
NE PAGUAJME GJITHE SHPENZIMET - vetem "paradhenia" dy vjecare eshte ne ngarkim te te huajve fillimisht dhe pastaj do e gjejme te pasqyruar ne cmimim e blerjes se kartave (edhe cmimin e kredise edhe nje mark up per rrezikun politik ne shqiperi).

Nuk po flasim per importim domatesh apo kastravecash nga greqia
Po flasim per dhenien ne koncesion te huajve nje sherbimi shteteror me te ardhura TE GARANTUARA qe do te jemi te DETYRUAR te pagaujme NE.

NUK JANE TE HUAJT QE PAGUAJNE - JEMI NE QE PAGUAJME

[ganoid]

Problemi qe eshte ngritur eshte i mprehte dhe per kete ceshtje mungojne informacione(te pakten per mua).
Informacioni i cili mungon ka lidhje me nivelin e kompanive shqiptare ne kete fushe.

Mendimi im do te ishte te behej nje konkurs i cili do te gershetonte pervojen me oferten dhe jo vetem oferten pasi do te qe shume i rrezikshem.Ne kete menyre do te zgjidhej me e mira e mundshme qe edhe buxheti mos te rendohet shume por edhe puna te jete e mire .Une per vete i jap perparesi cilesise, por kjo sdo te thote qe te huajt do ta bejne punen me mire pasi atyre ne pjesen derrmuese te rasteve ju ka munguar serioziteti, kur kane punuar ne Shqiperi.

Nje tjeter aspekt i ceshtjes eshte edhe rendesia e kesaj pune. Psh sic tha dhe R&T ky projekt duhet te realizohet sa me shpejt dhe per kete nevojitet nje kompani serioze, pasi ne varesi te kesaj pune varet edhe heqja e vizave. Mos harroni se bullgaret mund te shkojne ne shume shtete te EU-se pa vize, vetem fale nje investimi te bere ne kete fushe.

Pra nuk behet fjale vetem per kartat por edhe cilesine e informimit.

Mgja mendoj se duhen hedhur disa hapa qe tani.
Njeri nga keto hapa eshte edhe rishikimi i kontratave me punonjesit e administrates dhe fillimi i nje investimi per shkollimin e punonjesve qe do te kene te bejene me kete fushe, nga ekspertet shqipetare. Ne kete menyre shume mire mund te afrohen edhe shqipetare qe punojne neper bote.

[gene]

Pas kaq shume kohe i kthehemi ketij diskutimi por "pas pilafit"
-----------------

lexoni nderkohe kete artikull nga www.biznesi.com.al

Julian Llupo - 18/02/2005

Francezët marrin me koncension Gjendjen Civile

Parlamenti ka miratuar gjatë seancës së djeshme dhënien me koncesion të zyrave të Gjendjes Civile shoqërisë franceze Valtek, projekt i cili është kundërshtuar nga ana e opozitës dhe deputetëve të LSI-së


Mazhoranca socialiste ka miratuar gjatë seancës së djeshme parlamentare dhënien me koncesion të Gjendjes Civile. Kompania franceze Valtek pritet që të nënshkruajë me qeverinë një marrëvshje koncesionare, e cila do të zgjasë rreth 30 vjet. Arsyeja e dhënies me koncesion, sipas ministrit të pushtetit Lokal, Ben Blushi, është informatizimi i këtij shërbimi dhe rritja e kontrollit në nivel qendror. Projekti është kundërshtuar nga ana e deputetëve të PD-së si dhe nga deputetët e LSI-së. “Qeveria po largon nga kompetencat e veta pjesën më të madhe të detyrimeve që i burojnë nga ligji”, - ka deklaruar gjatë seancës së djeshme deputeti demokrat Fatos Beja. “Nuk mund të japim me koncesion shërbime, të cilat janë të një niveli shumë të rëndësishëm dhe një detyrë e drejtëpërdrejtë e qeverisë, kur aktualisht kemi një nivel minimal të realizimit të investimeve në kontratat koncesionare”, - është shprehur ai. Ndërsa ministri i Pushtetit Vendor, Ben Blushi, ka bërë të ditur gjatë fjalës së tij në parlament “se projekti për dhënien me koncesion të zyrave të Gjendjes Civile është politizuar nga ana e opozitës në mënyrë të qëllimshme”. “Projekti për dhënien me koncesion të zyrave të Gjendjes Civile përfshin vetëm informatizimin e këtyre zyrave dhe nuk ka të bëjë me ofrimin e shërbimeve me çmime të vendosura nga ana e koncesionarit”, - ka deklaruar gjatë fjalës së tij ministri Blushi. “Këto shërbime do të vazhdojnë që të jenë një monopol që kontrolloht nga qeveria”, - u shpreh ai.


Projekti
Shërbimet në zyrat e Gjendjes Civile në projektin e paraqitur nga ana e Ministrisë së Pushtetit Lokal parashikohen të ofrohen nga ana e kompanive private. Kjo sipërmarrje në këtë fushë parashikohet të arrihet me anë të një marrëveshjeje koncesionare, të realizuar nga qeveria me një kompani private franceze. Qeveria ka vlerësuar si një barrë të rëndë për buxhetin e shtetit rikonstruksionin dhe informatizimin e zyrave të Gjendjes Civile në të gjithë vendin. Në bazë të llogaritjeve, ka dalë se i gjithë ky proces mund të kushtojë rreth 8 milionë euro. Po t’i referohesh zërit të këtyre shpenzimeve në buxhet, ai shkon në rreth 240 milionë lekë të reja, të cilat shpenzohen në një mënyrë që lë shumë për të dëshiruar. Gjithashtu, në relacionin e Ministrisë së Pushtetit Lokal bëhet e ditur se për të realizuar procesin e informatizimit të këtyre zyrave në të gjithë vendin, mungojnë kapacitetet njerëzore. Në bazë të këtij përfundimi është nxjerrë edhe konkluzioni që duhet të jepen me qira edhe zyrat e Gjendjes Civile, në mënyrë që në këtë shërbim të ketë cilësi të lartë.


Në projekt nuk parashikohet se të ardhurat që do të marrë koncesionari do të jenë vetëm nga kartat e identitetit
Megjithëse projektligji parashikon që koncesionari të merret vetëm me informatizimin e zyrave të Gjendjes Civile, mbetet ende enigmë se si do të nxirren të ardhurat për investimin e kryer. Nëse të gjitha shërbimet që do të ofrohen nga ana e zyrave të Gjendjes Civile do të mbesin një monopol i qeverisë atëherë mbi të gjithë projektin e koncesionit vendoset një pikëpyetje e madhe. Kjo ka qenë edhe një nga shkaqet që opozita e djathtë dhe deputetët e LSI-së kanë qenë kundër këtij koncesioni. Koncesioni si formë investimi dihet tashmë që realizohet nëse nga ana e të dyja palëve që marrin pjesë në këtë marrëveshje realizohet vetëm nëse ka përfitime të dyanshme. Ministri i Pushtetit Lokal Ben Blushi ka bërë të ditur se koncesionari të vetmet të ardhura që mund të reaizojë nga inevstimi do të jenë nga shitja e kartave të identitetit që pritet të nxirren në të ardhmen.


Koncesionet, kritika ndërkombëtare në reaizimin e investimeve
Sipërmarrja për dhënien me koncesion të kompanive të mëdha shtetërore ka qenë edhe politika e ndërmarrë nga qeveria kohët e fundit. Kundërshtimet për mosrealizim të investimeve nga ana e koncesionarëve janë deklaruar së fundi edhe nga ana e institucioneve ndërkombëtare. Banka Botërore ka qenë institucioni që ka bërë edhe deklaratën e fundit për mosrealizim të investimeve nga ana e koncesionarëve. Përfaqësuesit e këtij institucioni kanë bërë të ditur se nuk duhet të ketë një zëvendësim të monopoleve publike me monopolet private, ndaj është shumë e nevojshme të krijohen entet rregullatore që do të rregullojnë tregun përpara se të vendoset për të dhënë diçka me koncesion te investitorët privatë. Por edhe në këtë rast vihet re se me koncesion jepen vetëm industri të cilat janë fitimprurëse që në momentet e lidhjes së kontratave, por që janë keqadministruar nga ana e shtetit. Niveli total i investimeve të huaja direkte për vitin 2004 ka qenë rreth 300 milionë dollarë. Kjo shifër është shumë “e fryrë”, nëse e krahasojmë me vitin 2003. Një rritje e tillë është për vetë faktin e thjeshtë se 120 milionë dollarë në këtë shifër e zë privatizimi i Bankës së Kursimeve. Përfaqësuesit e këtij institucioni kanë bërë të ditur se nuk duhet të ketë një zëvendësim të monopoleve publike me monopolet private, ndaj është shumë e nevojshme të krijohen entet rregullatore që do të rregullojnë tregun përpara se të vendoset për të dhënë diçka me koncesion te investitorët privatë


Beja:”Qeveria po heq dorë nga kompetencat që burojnë nga Kushtetuta”
Dhënia me koncesion e zyrave të Gjendjes Civile është një gabim i radhës i qeverisë sociaiste. Në të gjitha vendet, po të hedhim sytë dhe të shohim, nuk hasim eksperienca të tilla abuzive në të cilat qeveria të heqë dorë nga kompetenca e saj legjitime dhe këto të fundit të kalojnë në duart e kompanive private. Jemi të gjithë dëshmitarë se procesi famëkeq i dhënies me koncesion të ndërmarrjeve shtetërore tashmë ka dështuar. Për sa i përket deklarimit të bërë nga ana e ministrit Blushi se shërbimet e ofruara nga ana e Gjendjes Civile do të vazhdojnë që të mbeten një monopol i qeverisë shqiptare, kjo është thjesht një gënjeshtër e radhës. Koncesionari do të nxjerrë fitime me anë të invistimit të kryer dhe kjo dihet tashme që do rëndojë në kurriz të shqiptarëve.


Blushi:”Koncesioni do të përfshijë vetëm informatizimin e Gjendjes Civile”
Koncesioni i Gjendjes Civile do të përfshijë vetëm informatizimin e zyrave në të gjithë vendin. Me anë të këtij shërbimi do të arrihet që të kemi edhe një kontroll më të mirë në nivel qendror. Deklarimi nga ana e opozitës se do të ketë një rritje të çmimeve të certifikatave dhe të shërbimeve të tjera publike të ofruara nga ana e këtyre zyrave bëhet vetëm për arsye politike. Të gjitha shërbimet e mësipërme do të vazhdojnë që të jenë një monopol i qeverisë dhe ato nuk do të kenë asnjë ndryshim për sa u përket çmimeve që do të ofrohen. Të ardhurat për koncesionarin do të realizohen nëpërmjet pajisjes së qytetarëve me anë të kartave të reja të identitetit.


-----------------------------------------------

eshte paksa alarmante qe tashme qeveria nuk do te kete me nevoje per parlamentin ne raste te tilla (sidomos perderisa te kemi akoma duetin e famshem ne pozite-opozite)

do te ishte me shume interes nje kopje e ligjit
nese dikush arrin ta gjeje ...

[gene]

i gjithe procesi do te kushtoje 8 milione euro

4 pallate kushtojne 8 milione euro (po mbase gaboj)
taxat nga ndertimi i 10 pallateve pak a shume

ministria e decentralizimit thote qe mungojne kapacitetet njerezore
do te ishte shume interesante te dinim se cfare do te thote me kete dhe si arriti ne kete perfundim.

[gene]

mbase kompania koncesionare gjendet ne www.valtech.co.uk (apo .fr)

ajo qe hapet ne kete adrese eshte nje kompani sherbimesh pikerisht ne kete fushe qe na intereson dhe mund edhe te shkarkohen disa "cases"
http://www.valtech.co.uk/servlet/Con...=1038901570459

[gene]

megithese une mbetem i mendimit qe shqipetaret mund te administronin fare mire gjendjen civile pa nxjerre nga vendi valuten dhe meqenese shifra me duket fare e vogel (8 milione euro) mendoj se duhet te diskutojme se si mund te shfrytezohet deri ne fund imazhi qe krijohet nga bashkepunimi me nje kompani te ketij niveli (nese eshte ajo qe gjeta me lart)