"Pedagogu Çeçi ka dashur të më përdhunojë".

[PrideNPrejudice]

Sa turp qe keta njerez mbajne emrin edukatore te brezit te ardhshem!

Si s'u vjen zor qe ua ka mesuar pislliqet komuniteti shqiptar ne mbare boten???

p.s. sa per ate qe tha qe disa nxenese vishen ne menyre provokative, megjithese mendoj se nuk duhet te vishen ashtu, prape profesori ka dinjitetin e tij. Ai eshte edukator dhe si i tille duhet te mbaje qendrim duke u mesuar nxenesve se flirtimet dhe terheqjet seksuale nuk te japin note kaluese. Nese s'e le tundimi, te heqe dore nga ajo pune sepse nuk eshte per ate post.

[elbasan]

Marre nga Gazeta Panorama, e dates 20.03.2004
Shkruar nga Luiza Mema


mbrojtja


Studentët u morën në pyetje për provim brenda një dite dhe koha për dorëzimin në kohë të procesverbaleve, çoi në kohëzgjatje të tillë që krijoi mosmarrëveshje, keqkuptime të ndryshme...


ELBASAN/ Përgjegjësi i dekanatit, Kuri: Shkelja e vetme e Çeçit është vonesa e rezultateve


"Studentet na provokojnë me minifunde"
Pedagogu i akuzuar nga studentët mbrohet gjatë analizës


"Studentet vijnë të veshura me minifunde dhe na provokojnë. Sidomos kur lëndët janë të vështira, ato zgjedhin këto forma shpifjesh për të përfituar nga sjelljet tona dinjitoze".

Kjo ka qenë edhe mbrojtja e përgatitur nga ana e Nuredin Çeçit, pedagogut të akuzuar për skandalin seksual në fakultetin ekonomik. Ai sqaroi pozicionin e tij para kolegëve të cilët janë munduar të sqarojnë këtë çështje delikate.

Vilson Kuri, përgjegjës në dekanatin e Fakultetit të Shkencave Sociale të Universitetit "Aleksandër Xhuvani" ka diskutuar rreth çështjes që lidhet me pedagogun e sociologjisë, Nuredin Çeçi. Në analizën e bërë dje për këtë ngjarje, departamenti i Edukimit Qytetar, doli me përfundimin se, "me përgjegjësi qytetare dhe shtetërore nxjerrim konkluzionin se, midis pedagogut dhe familjarëve nuk ka ndodhur asnjë incident apo precedent as personal dhe as familjar apo të natyrave të tjera". Sipas tyre, ngjarja është krejt e rastësishme dhe e ndodhur brenda në ambientet e Universitetit. Departamenti shqyrtoi me hollësi çdo prononcim, si të pedagogut edhe të anëtarëve të tij dhe arriti në këto konkluzione: "Ngarkesa mësimore e pedagogëve është tejet e madhe dhe kjo ka bërë që provimet të zhvillohen me një numër të madh studentësh, sa nuk mund të përballohet. Dhe në rastin në fjalë, ishin afro 100 deri 200 studentë, të cilët u morën në pyetje për provim brenda një dite dhe koha për dorëzimin në kohë të procesverbaleve, çoi në kohëzgjatje të tillë që krijoi mosmarrëveshje, keqkuptime të ndryshme dhe keqinterpretime. Ne jemi në një fazë tjetër të re të departamentit të krijimit të një dege të re shumë prestigjioze që është e bazuar mbi programin e Universitetit të Bolonjës. Sot, viti i parë i Edukimit Qytetar, ka një konceptim modern dhe prononcimet e ndryshme që ndodhin në këto raste duket se kanë të bëjnë dhe me sukseset që ka arritur Universiteti i Elbasanit në këto procese. Edukimi Qytetar nuk është institucion vendimmarrës". Sipas Kurit, të gjitha konkluzionet që kanë nxjerrë do t´ua përcjellin institucioneve vendimmarrëse e rektorit. "Mbështetur në relacionin përkatës ata do të gjykojnë për marrjen e masave. Departamenti nuk është institucion vendimmarrës". Shkeljet disiplinore do t´i bëjnë prezente dhe janë organet përkatëse që do t´i shqyrtojnë për të marrë vendime sikur i parashikon rregullorja e Universitetit dhe Kodi i Punës. Kuri ka deklaruar se, pedagogu Nuredin Çeçi ka shkelur rregulloren, duke e shtyrë afatin e dhënies së rezultateve.



Skandali seksual

Familjarët e një studenteje në vitin e parë të Fakultetit Ekonomik, kanë bërë denoncim rreth 20 ditë më parë në prokurorinë e rrethit, ndaj pedagogut Nuredin Çeçi. Sipas familjarëve, ai ka tentuar të kryejë marrëdhënie seksuale me vajzën e tyre. Madje për këtë gjë, mbi Çeçin është ushtruar dhunë fizike nga të afërmit e vajzës. Pedagogu edhe pse është rrahur, nuk ka pranuar të bëjë denoncim në polici. Edhe për këtë çështje, prokuroria ka nisur të grumbullojë materialet përkatëse dhe dëshmi të studentëve.



Akuza për mitmarrje

Në fillim të marsit, një grup studentësh kanë ngritur padi në Prokurorinë e rrethit të Elbasanit, ndaj pedagogut Kujtim Ibrahimi. Ky i fundit, akuzohej nga këta studentë, se u kishte kërkuar nga 5 mijë lekë të reja për të marrë notë kaluese në lëndën e tij. Por jo të gjithë nxënësit e kanë kapërdirë një fakt të tillë, duke pranuar që t'i japin para sekserëve të Ibrahimit. Tashmë për këtë ngjarje ka nisur edhe çështja hetimore në prokurorinë e Elbasanit, ku ende janë duke u grumbulluar faktet.