Probleme te mprehta shoqerore

[Brari]

Ishte koha kur edhe ne malesite e thella Partia kish vendosur ti kolektivizonte malsoret e mjere..
Mir po ish problem sepse vullnetarisht atyre nuk ju a kish qejfi dhe vendosen shoket e Partise te thrrasin Pal Vaten per te bere agjitacion neper Malsi per epersite e kooperativave.
Fillon mbledhja e mbasi flasin te deleguarit e Partise ja japin fjalen shokut Pal.
Fshataret po degjojn me vemendje te madhe..
Fillon Pali.. ngjoni or vllazen ..bani cka ju thot partia se ka me ju dal ma mire me kooperativa.. Ka me pas aq e kaq te mira prej kooperatives..etj.etj..
Pali tuj gri sallat derr..derr..por fshataret ne ftyra dukeshin skeptika..edhe u mendu mire mir i shkreti Pal ..edhe filloj me fol me shembuj..
-Ngjoni or shok malsor ..tha.. koprativa ka me ju sjell aq te mira sa spo di si me ju a than ma thjesht une juve....ka me ken aq mire e aq lire ushqimet...bertet..Pali sa ka me u ba si ne koh te ZOGIT .......
uuuuuuurraa thrriten katunaret.. ..
ahh Pal e dhj...tash..i than ata te Partise e u prish mbledhja..

Ne teme tash..
Pra nji epok , nji politikan, nji sistem mbahen mend ne popull per ato gjera qe kane rendsi jetike per njeriun e thjeshte..
E nji nga gjerat kryesore eshte USHQIMI i perditshem..


Ja c'thote ATSH sot.
------------------------------
Vlorë: Perimet 40 % më të shtrenjta se viti i kaluar


VLORE, 12 Maj/ATSH-Harilla Koçi/.- Çmimet e perimeve dhe frutave për periudhën aktuale në qytetin e Vlorës janë mesatarisht 40 % më të larta, krahasuar me të njejtën periudhë të vitit të kaluar.
Çmimi për një kilogram kivi sivjet shkon në 150 lekë, nga 100 lekë që ishte vitin e kaluar. Po ashtu, çmimi i mollëve ka njohur një rritje prej rreth 40 lekësh, duke arritur në 120 lekë kilogrami.
Më tej, barbunjat e serrave u shitën të Dielën në treg me 250-260 lekë kilogrami, ndërkohë që një vit më parë ato kushtonin 180 lekë. Çmimi i domateve të serave, prodhim i vendit, luhatet nga 150 deri në 180 lekë për kilogram, krahasuar me 100-120 që ishte vitin e kaluar.
Ndërkohë, nuk kanë njohur rritje çmimet e disa perimeve si patëllxhani (i vendit dhe i importit), patatja, karrota, etj. Veç sa më sipër, aktualisht konstatohet rënie e çmimit të kastravecit në një masë prej rreth 30 %, për shkak të prodhimit më të madh të tij në serat e vendit, krahasuar me vitin e kaluar.
Ndryshimet në çmimet e prodhimeve të importit të sipër përmendura, disa tregtarë i lidhin kryesisht me luhatjet në kursin e këmbimit të valutave në treg. Por nga ana tjetër, ata nuk arrijnë të argumentojnë çmimet e larta të perimeve të vendit, për të cilat mjaftohen të thonë se "kanë kosto të lartë prodhimi".
P ër kundër këtyre pretendimeve, specialistë të Drejtorisë së Bujqësisë e Ushqimit, spjegojnë se "rritja e çmimeve të disa perimeve e frutave në tregun e Vlorës, është pasojë e abuzimeve të vetë tregtarëve".
Sipas tyre, norma e fitimit për disa nga tregtarët e fruta- perimeve, në krahasim me prodhuesit e tyre, shkon deri në 200 % dhe ky abuzim pasqyrohet në kuadrin e çmimeve në treg. /s.sh/dori/
2002-05-12 .

-----------------------------------------------------

Kush eshte ne Tirane te na tregoje sa eshte TANI rroga e nji ..
mesuesi gjimnazi....
infermieri ne Spital...
Polici te thjeshte...????

Sa kushton ???
nje kile mish...
nje kile domate..
nji kokerr veze..
nji liter qumesht...
nji pal kepuce..

[Brari]

Nga Zeri Popullit
---------------------------
Hotel "Vlora Internacional" ne Skele
Vlora ka hotele dhe motele të cilat janë ndërtuar dhe vazhdojnë të ndërtohen gjatë këtyre viteve të fundit. Një ndër këta hotele dhe ndoshta më i madhi është Hotel "Vlora Internacional" që gjendet në Skelë, fare pranë portit të qytetit. Pronari i këtij hoteli të madh, zoti Fatmir Hanxhari të pret me buzëqeshje dhe të ofron ambientet e hotelit për çdo gjë. Pikërisht tek ky hotel zhvillohen të gjitha konferencat dhe mbledhjet, madje edhe ato të Këshillit të bashkisë janë zhvilluar disa herë këtu. Por çfarë të ofron ky hotel që shkon krenar drejt kaltërsive të detit. Hoteli ka 82 shtretër, ka 45 dhoma, ku nga këto 21 dhoma janë me nga dy krevate tek, 16 dhoma janë me krevate dopio, kurse 8 dhoma janë me krevate dopio plus nga një krevat tek. Hotel "Vlora Internacional" ka shërbim Bar-Restoranti dhe dhomat janë me dysh, televizor dhe kondicioner. Çmimet për një natë fjetje në hotel, variojnë nga 30 EURO, 40, 50 dhe 60 EURO. Çmimet e ushqimeve që gatuan restoranti i Hotelit janë si më poshtë: Një pjatë makarona spageti me prodhime deti kushton 400 lekë të reja, spageti me salc kushton 200 lekë, radgull 300 lekë, spageti danker 500 lekë, spageti vaj, udhër, piper 200 lekë, razanja 400 lekë. Për prodhimet e detit zi Koce, Lavrak, Gjuzë një kg kushton 3600 lekë, kurse barbuni për 300 gr kushton 1000 lekë, karkales i vogël 300 gr kushton 600 lekë, karkalec i vogël 300 gram kushton 1000 lekë. Për mishrat restoranti ofron këto çmime. Biftek sade 200 gr 600 lekë, milanez kotolet 200 gr kushton 600 lekë, bërxolla derri, viçi sade 200 gr kushton 600 lekë, biftek patate 200 gr kushton 650 lekë të reja. Për sallatat ka çmime të ndryshme kurse për pijet hoteli ofron këto çmime: Një shishe birr korona kushton 300 lekë, Xeniker 200 lekë, Bavaria-Amstel 150 lekë, verë italiane 800 lekë shishja, uji i Glinës 60 lekë etj.

Hoteli ofron shëtitje në det dhe në vende historike dhe arkeologjike për turistët.

Korresp. i "Zërit"
--------------------------------



Si ju duken cmimet?

Nji nate ne hotel rreth 40 EURO.
Nji pjate makarona 400 leke te reja.

Sa EURO eshte rroga mujore e nji mesuesi gjimnazi ne Albani?

Ca pyetje me spec per Vlonjatet...

Kush eshte ky pronari Hotelit FATMIR HANXHARI??

Ku e gjeti Truallin?
Eshte Berish-jan apo ZABIT-jan??

[Brari]

Uje sa te duash ne Durres..
------
gsh jep sihariq..
-------
Ujësjellësi merr masa: Kësaj radhe më pak ujë për fshatrat

Për durrsakët vera e parë me ujë çdo 24 orë


--------------------------------------------------------------------------------

DURRES

Më në fund durrsakët do të kenë ujë çdo ditë edhe gjatë stinës së nxehtë të verës. Për të realizuar këtë e vetmja zgjidhje ka qenë reduktimi i furnizimit me ujë të fshatrave, 1 herë në 48 orë, ashtu sikurse e ka marrë Durrësi për çdo sezon veror.

Këtë vit Ujësjellësi në bashkëpunim me Këshillin e Qarkut ka vendosur të bëjë rrokadë, domethënë që qyteti të furnizohet me ujë nga 2 orë për çdo ditë, ndërsa fshatrat 1 herë në dy ditë. Një vendim i tillë u mor dje në analizën që zhvilloi Ujësjellësi për problemet e furnizimit me ujë për sezonin e verës. Në mbledhjen e djeshme u thanë thuajse të njëjtat gjëra që janë thënë vitet e shkuara. Meqenëse tubacionet janë çarë për të marrë ujë në mënyrë abuzive, kapaciteti prurës i ujësjellësit bie nga 700 litra ujë në sekondë në 250 litra në sekondë. Këtij problemi i janë shtuar edhe të tjera si ai i luhatjes së tensionit elektrik në sistemin e motopompave të ujit në Fushë-Kuqe, gjë që ka shkaktuar anomali lidhur me furnizimin me ujë të lagjeve të tëra të Durrësit. Ndërkohë në analizën e djeshme u vendos që të merren masa të cilat synojnë në përmirësimin e situatës. Kështu do të freskohen informacionet mbi funksionimin e lavazheve dhe të pikave, të cilat prodhojnë materiale për ndërtim. Gjithashtu janë siguruar fonde me të cilat do të kryhen riparime pusetash dhe elementësh të tjerë të sistemit hidraulik që rezultojnë të dëmtuara dhe të amortizuara. Një masë tjetër është ajo e vendosjes në punë të Ujësjellësit në fshatin Fushë Kuqe, i cili është ndërtuar, por për probleme të furnizimit me energji elektrike qëndron i pa shfrytëzuar. Në bashkëpunim me Policinë e Rendit do të punohet për të vjelur paratë e debitorëve, të cilat arrijnë shuma të larta. Por ajo që i shqetëson më shumë specialsitët e Ujësjellësit është një sasi prej 400 metrash e tubacionit kryesor në Fushë Kuqe, i cili për shkak të tokës me kripë rrezikon të dalë krejtësisht jashtë përdorimit, gjë që do të ndërpriste furnizimin me ujë të Durrësit. Për këtë do të kërkohen fonde nga lart në mënyrë që të bëhet zëvendësimi i këtij tubacioni me një të ri.
---------------

parimi " hiqja Lenes venja Prenes " shpeton qytetin bregdetar i cili tash 30 vjet ujin e mbush te komshiu katit te pare..
lol.

[Brari]

Forca shoferi se arriti Fieri.

-------
Keto dite gazetaret tone trima (pa shaka them se jan trima) denoncojne dhjetra raste kur lirohen nga qelite e policise ose burgjet Kriminele te regjur.
Ja rasti fundit ne Fier ku kryetari gjykates frikacaku dhjeraman Pirrua i sotajve liron kriminelet.
Behet lali myzeqes kryetar gjykate mo aman..
Ata tremben nga gjethet e shtogut kur levizin mbrapa halese nga era. Per spiunlleqe po jane te zot sotat.
Tmerr.

---
Prokuroria: Kërkuam dënimin me 25 vjet, gjykatësit e rrëzuan "për mungesë provash"

Fier, lirohet nga Gjykata i shumëkërkuari për vrasje


--------------------------------------------------------------------------------

Aurora Damini

FIER

Skandal në Gjykatën e Fierit, lirohet një i kërkuar për vrasje në vitin '97 dhe i dënuar një herë me 25 vjet burg në mungesë. Ditën e enjte, nga qelitë e Komisariatit të Fierit është liruar Veli Binjaku, nga fshati Rushdije, i shumë kërkuar i policisë shqiptare, për vrasjen e Llane Kananit, nga fshati Visokë, në vitin 1997.

Sipas policisë fierake, më datën 19 qershor 2002, rreth orës 04.00 të mëngjesit, pas një aksioni "blic" të Drejtorisë së Policisë, të drejtuar nga zëvendësdrejtori, Ergys Lala, është bërë i mundur ndalimi i Binjakut. Por, çudia ka ndodhur 24 orë më vonë. Pas ndalimit të tij nga policia, mbi bazën e urdhër-arrestit të Prokurorisë së rrethit të Fierit, është urdhëruar lirimi i menjëhershëm i tij dhe pushimi i çështjes për nipin e tij, Gentian Binjaku, i akuzuar si bashkëpunëtor i vrasjes në maj të vitit 1997. I kontaktuar me telefon nga Gazeta Shqiptare, kryeprokurori i Fierit, Ilirian Muhaj, ka thënë se: "Fillimisht, kur çështja ishte në Gjykatën e Faktit në Fier, akuza ka kërkuar 25 vjet heqje lirie për të dhe këtë kërkesë e ka miratuar trupi gjykues. Avokati i të pandehurit ka apeluar dhe Gjykata e Apelit në Vlorë e ka kthyer çështjen për rishqyrtim në Shkallën e Parë në Fier. Sërish ne kemi kërkuar 25 vjet heqje lirie, por Gjykata e ka liruar. Megjithatë, ne si Prokurori e kemi çuar çështjen sërish në Apelin e Vlorës, ndryshe nga hera e parë që e çoi avokati i të pandehurit", ka thënë Muhaj. Kështu, më datën 24 prill është zhvilluar seanca në Faktin e Fierit, pas kthimit nga Apeli i Vlorës. Burime nga policia e Fierit kanë bërë të ditur, ashtu sikurse edhe nga Prokuroria se, organi i akuzës ka kërkuar për të dytën herë dënimin e Binjakut me 25 vjet heqje lirie. Por, trupi gjykues, i kryesuar nga Pirro Sota, e ka shpallur të pafajshëm Veliun dhe nipin e tij "pasi nuk ka prova të mjaftueshme për dënimin e tyre". Megjithëse Veli Binjaku ishte shpallur i pafajshëm, urdhëri për prangosjen e tij vazhdonte të ishte në sirtarët e policisë. Dhe, pas informacioneve për kthimin e tij në shtëpi, ai është arrestuar, për të ndenjur në qeli vetëm 24 orë. "Nuk mund të qëndronte në qeli, pasi Gjykata e kishte shpallur të pafajshëm", ka thënë kryeprokurori fierak. Ky i fundit, më datën 20 qershor 2002, duke u bazuar në vendimin numër 95, datë 24.04.2002 të Gjykatës së Faktit në Fier, "për deklarimin të pafajshëm të të pandehurve Veli Binjaku dhe Gentjan Binjaku", i ka dërguar Komisariatit të Fierit një urdhër-lirimi me numër protokolli 1200, datë 20.06.2002, në të cilin thuhet: "Meqenëse nga ana juaj është zbatuar masa e arrestit për shtetasin Veli Binjaku, urdhërohet lirimi i tij i menjëhershëm nga burgu. Gjithashtu, të bëhet heqja nga kërkimi i shtetasit Gentjan Binjaku".
-------------------------------

[Brari]

Keta Fieraket jane bere perbindesha.
Ne kohen e Enver Hoxhes Fieri zinte vendin e pare per kriminalitet. Si popull me partishmeri staliste-mocalore Fierakve trima u kerkohej vetem sahanlepirje e spiunllek dhe kriminaliteti u lejohej se "ishin tonet".
Tani ne Demokraci Fieraket thyejne rekorde te maskarallekut. Duan me zor te behen milionera si deputeti tyre Anastas Angjeli dhe cfare nuk bejne.
..........
GAZ-Shqiptare.
-------------------------
Policia: Mësuam se në lagjen "15 tetori", ndodhej një fëmijë nën kujdestarinë e një gruaje. Pasi shkuam aty, ajo që paguhej për ta mbajtur, na tregoi personat, tre prej të cilëve janë arrestuar, ndërsa i katërti është shpallur në kërkim

FIER/ Vajza 3 vjeçe mbahej peng në Fier, e ëma ishte çuar në Itali që në janar

Një fëmijë zbulon rrjetin e trafikantëve të së ëmës


--------------------------------------------------------------------------------

au.da

FIER

Një fëmijë 3 vjeç, nënën e të cilit e kishin rrëmbyer, zbulon rrjetin e trafikantëve, tre prej të cilëve kanë përfunduar në prangat e policisë fierake.

Një aksion blic, ka bërë që dje në orët e para të mëngjesit të arrestohen tre trafikantë femrash, Ardian Stroni nga fshati Pojan i Fierit dhe Dritan Hoxha e Viron Tavanxhiu nga lagjja "15 tetori" e këtij qyteti. Ndërsa janë shpallur në kërkim një bashkëpunëtor i tyre e një 25-vjeçare, që ndodhen në Itali, vajza 3 vjeçe, është kthyer pranë prindërve të nënës së saj, në një fshat të Pogradecit.

Zbulimi
Gjithçka është mësuar nga një "thashethem" që u ka rënë në vesh agjentëve të Policisë Kriminale. Drejtori i Policisë së Fierit, Asllan Dogjani, ka bërë të ditur se, nga agjentët është mësuar se në një shtëpi, në lagjen "15 tetori", nga disa persona i është lënë nën kujdestari një gruaje një vajzë 3 vjeçe, origjina e të cilës nuk dihej. Sipas të njëjtit burim, kjo ishte mësuar prej disa ditësh, por duhej që të gjendej streha. Pas disa përpjekjeve, policia ka mundur të gjejë shtëpinë dhe brenda saj, vajzën 3 vjeçe e kujdestaren e saj, emri i të cilës nuk është publikuar. "Ma kanë lënë për t'u kujdesur katër persona, që prej muajit janar dhe më japin nga 10 mijë lekë në muaj", ka thënë gruaja para policëve, duke treguar edhe emrat e tyre. Të dielën, policia e ka marrë vajzën e vogël, ndërsa ka organizuar aksionin për kapjen e tyre. Kështu, në orët e para të mëngjesit, kanë përfunduar në pranga Ardian Stroni nga fshati Pojan i Fierit dhe Dritan Hoxha e Viron Tavanxhiu nga qyteti. Ndërsa sipas Dogjanit, i është dhënë Interpolit emri i bashkëpunëtorit të katërt, i cili ndodhet në Itali me B.C., nënën e vajzës.

Historia
Kjo histori ka nisur në janar të këtij viti. 25-vjeçarja nga një fshat i Pogradecit, me vajzën në krahë, kishte shkuar në Korçë, që të vizitonte burrin e saj në burg, të ndaluar për vjedhje. Por, pak para se t'i afrohej burgut, sipas dëshmisë së tre të kapurve, ata e kanë futur me forcë në makinën e tyre. Pasi e kanë çuar në Fier, e kanë ndarë nga fëmija, të cilin e kanë mbajtur peng, me qëllim që ajo të bindej për të prostituar në Itali. Dhe kështu ka ndodhur deri dje, kur janë kapur tre prej trafikantëve, të cilët do të përgjigjen për tre akuza, rrëmbim e mbajtje pengu, shfrytëzim prostitucioni dhe armëmbajtje pa leje.

----------------

[Brari]

Kush ka shkue ne BAJRAM CURR?

A keni pare lumin me te Kaltert ne Bote me ujin me te paster ne bote gjithashtu?

Eshte fjala per Valbonen qe derdhet tash 90 vjet ne Drin prej shpalljes pamvaresise...

90 vjet Shtet e tropoja nuk ka uj per banoret. a thua ndodhet ne burkina faso te SAHARASE..

KJ
-------
Interviste /Vere 2002, po pijme uje! As Kavaja nuk e shet me ujin me gota!
Eglantina Nasi/ Aktualisht, ne Shqiperi nuk ka qytet qe te mos furnizohet te pakten me nje ore uje ne dite! Edhe ne Kavaje ku uji shitej me gota, kullon nga cezmat te pakten 6 ore ne dite. Te vetmet qytete "te etura" mbeten Gjirokastra dhe Tropoja, me nga nje ore uje ne dite. Ndersa, punonjesit e ujesjellesit te Lezhes e furnizojne qytetin pas ores 22 te mbremjes. Arsyeja? Tensioni mjaft i ulet i energjise elektrike. Kjo e fundit nuk eshte e thene te na lere rehat as ne ditet e veres. Nderprerjet e vazhdueshme perbejne veshtiresi per furnizimin e popullsise me uje te pijshem, pasi kapaciteti i tij mbeshtetet ne sistemet e pompimit. I vetmi qytet me nje sistem modern te ujesjellesit mbetet Korca. Ujesjellesi qe perurohet pas dy ditesh, siguron per korcaret furnizim me uje te pijshem edhe po te mos kete energji elektrike. Sepse do te vihen ne pune gjeneratoret. Por sado te punojne gjeneratoret, ky problem nuk mund te zgjidhet ne Durres, ku nje zone rurale vetem me 40 mije banore "pi uje" sa per 125 mije banore...

Z.Rreme, sa uje po rrjedh realisht nga cezmat tona?

- Sipas te dhenave me te fundit, qytetet Korce, Librazhd dhe Lezhe realisht po furnizohet me 24 ore uje/dite. Nga ana tjeter, qyteti i Gramshit ka nje orar te furnizimit deri ne 18-24 ore uje/dite, ai i Beratit 10-24 ore/dite, Shengjini deri ne 17 ore/dite, Shkodra 10-24 ore/dite etj. Ndersa kryeqyteti ka nje furnizim ditor te ujit te pijshem me 3 here ne dite. Ka zona te cilat furnizohen vetem me 2-3 ore ne dite. Por ne Tirane ka dhe zona qe furnizohen me 8-10 ore ne dite. Gjendja duket se eshte stabilizuar, por jemi ende te pakenaqur. Megjithate, mendoj se situata e furnizimit me uje te pijshem ne Tirane do te permiresohet gjate diteve te ardhshme. Aktualisht, ne kete qytet jane shtuar rreth 250 litra uje/sek. Rreth 100 prej tyre jane siguruar nga venia ne pune e nenstacionit te Qafe-Molles. Ndersa 150 litra/sek te tjera jane siguruar nga impianti i Bovilles.

Cilat jane aktualisht rrethet me problematike per furnizimin me uje te pijshem?

- Nje panorame mjaft e veshtire e gjendjes se furnizimit me uje te pijshem eshte ne rrethin e Gjirokastres. Aty realisht popullsia ka vetem 1 ore uje ne dite. Nga 11 litra/sek qe eshte prodhimi ditor i ujit, ne qytetin e Gjirokastres arrin te hyje vetem sasia prej 60 litra/sek. Nje fakt i tille ndodh sepse gati 50 litra/sek uje konsumohet vetem nga nderhyrjet e lidhjeve te paligjshme dhe lavazheve. Nga 320 te evidentuara deri tani ne kemi arritur qe te prishim 112 prej tyre. Gjendja vazhdon te jete kritike ne lagjet "Palorto", "Punetori", "1 Maji", "Dunavat", etj. Megjithe punen e bere per eliminimin e defekteve, nje gje e tille vazhdon te jete e dukshme edhe ne qytetn e Tropojes. Edhe ky qytet realisht furnizohet vetem me 1 ore uje ne dite. Arsyeja eshte konsumi i padrejte qe i behet ujit te linjes kryesore nga fshatrat. Ndersa ne Durres, situata paraqitet me e ndryshme. Pardje ne kete qytet, eshte organizuar nje nderhyrje masive e drejtuar nga vete prefektja e rrethit te Durresit. Edhe ne kete qytet hasej problemi qe nje shtrese mjaft e madhe e ujit te pijshem administrohej ne menyre te padrejte nga ana e fshatareve te zones. Per shembull zona Xhapizetaj-Kuat konsumon rreth 300 litra/sek. Kur dihet qe norma ditore e konsumit te ujit te pijshem per zonat rurale eshte rreth 100-150 litra/sek. Me pare fshati, ka patur nje norme me te ulet, rreth 60 litra/sek. Zona ne fjale konsumon realisht sa per 125 mije banore, ne nje kohe kur ajo nuk ka me teper se 41 mije banore. I njejti problem eshte vene re edhe ne zonen e Fierit. Rreth 6 kilometra linje konsumon gati 250 litra/sek uje te pijshem. Informacioni i fundit nga nderprerjet e lidhjeve te paligjshme nga ky rreth eshte se jane shtuar edhe 50 litra/sek te tjera per furnizimin e qytetit. Mendojme se kjo sasi do te arrije deri ne 80 litra/sek. Nje fakt i tille eshte edhe gati sa nje here ne krahasim me furnizimin ekzistues.

Sipas jush, investimet ne ujesjelles sa e kane ndryshuar gjendjen e ujit te pijshem? A do te kete investime te reja neper ujesjelles dhe cilat do te jene ato?

- Investimet ne ujesjelles, te domosdoshme per te patur nje furnizim optimal me energji elektrike. Aktualisht, gjendja e furnizimit ne Tirane eshte permiresuar fale investimit qe u be dy vjet me pare ne impiantin e Bovilles. Qyteti me nje sistem modern te furnizimit me uje te pijshem do te jete ai i Korces. aty pas dy ditesh do te perurohet ujesjellesi i ri i financuar nga kompania gjermane, KFE. Themi modern sepse ne kete qytet edhe po te kete probleme te energjise elektrike ajo do te sigurohet me ane te gjeneratoreve. Nga ana tjeter, edhe ne Kavaje eshte ndermarre nje investim i rendesishem nga ana e qeverise gjermane. Ne Shkoder tashme vihet re ndryshimi deri ne 70 per qind te popullsise qe ka sjelle venia ne pune e ujesjellesit te ri te financuar nga qeveria austriake. Por ndryshimi me i dukshem vihet re ne qytetin e Kavajes, aty ku me pare uji shitej me gota. Qytetaret e Kavajes tani furnizohen me 6-8 ore uje ne dite. Eshte parashikuar qe te gjitha qytetet te perfitojne nga investimet e huaja ne fushem e ujesjellesve. Donatoret do te jene Banka Boterore, Kooperacioni Italian, qeveria austriake, programi PHARE etj. Nje rol te rendesishem luan edhe menaxhimi i mire i ujesjellesve ekzistues. Nje pervoje e fituar nga gjermanet po aplikohet ne qytetin e Elbasanit.

Cilat jane masat qe ka marre Drejtoria juaj ne situaten e krijuar?

- Ka filluar te organizohet puna e marrjes se informacionit ditor nga te gjitha drejtorite e Ujesjellesve per gjendjen e furnizimit te popullates me uje te pijshem. Nje gje e tille ka filluar te behet faktike pas takimit te zhvilluar me kryeministrin Majko dhe perfaqesuesve te Ministrise se Industrise dhe Energjetikes. Ne kete takim u vune shume detyra per ta permiresuar gjendjen e furnizimit me uje ne nje situate ku kushtet natyrore dhe rritja e konsumit ditor te ujit jane faktoret per keqesimin e saj. Vendimi kryesor i ketij takimi ishte qe pushteti vendor, prefekturat dhe bashkite duhet te mbehtesin drejtorite e Ujesjellesve neper rrethe per zbatimin e planit te veprimit gjate veres 2002. Ky plan veprimi permban nje operacion te pergjithshem te te gjithe ndermarrjeve te ujesjellesve. Ai synon se pari ne eliminimin e defekteve te verejtura neper sistemet e ujesjellesve. Behet fjale per defekte te tilla si rrjedhje te ujit te pijshem ose carje te tubave qe furnizojne popullaten. Se dyti, zbatimi i ketij plani emergjent veprimi synon ne venien ne gatishmeri te te gjitha sistemeve te pompimit. Te gjitha pushtetet vendore duhet te marrin mbi veten e tyre gjithe pergjegjesine qe duhet te luaje sistemi i emergjences.

Po problemi i energjise elektrike, deri ne c'pike e shqeteson furnizimin me uje te pijshem te popullates?

- Problemi i nderprerjeve te energjise elektrike, aktualisht mbetet shqetesimi yne kryesor sepse per lidhjet e paligjshme jemi duke reaguar. Nese do te rregullohet ky problem, atehere popullsia ka per te ndjere menjehere permiresimin me uje te pijshem. Kjo per vete faktin se qytetet kryesore te vendit jane te lidhur me stacionet e pompimit te ujit. Per shembull, dje ne Lezhe ka patur nderprerje te furnizimit me uje te pijshem sepse ka patur nje tension shume te ulet te energjise elektrike. Duke qene se ky qytet ka nje kapacitet teresisht te varur nga sistemi i pompimit, jemi detyruar qe ta furnizojme popullaten pas ores 22 te mbremjes. Edhe Durresi e ka pasur nje problem te tilla gjate diteve te fundit. Ne kemi rene dakord me Korporaten Elektroenergjetike Shqiptare per te gjetur mundesite e furnizimit te panderprere me energji elektrike per sistemet e pompimit.

-------------------------

[Brari]

KJ
------

Limuzina, luksi 70 milione
Zenepe Luka Librazhd - Ka lene shume njerez pa goje ne Rinas limuzina e bardhe lincoln me targen H482 FPX, kur ne mesditen e 28 qershorit ne te hipi mbreteresha Geraldine dhe princi Leka. Ata qe nuk e dinin nxituan te shperndanin thashethemin se Zogu e kishte marre me vehte. Por, ne fakt mjeti simbol i taksive luksoze ne Nju Jork, pronarin e ka shqiptar. Madje eshte nga Librazhdi dhe aktivitetin e tij e ushtron ne kete qytet te vogel. Ymer Balliu, 35 vjec do te mbahet mend si i pari qe ka vene ne perdorim nje mjet te tillen ne qarkullim. E blere 70 milione ne Londer, ajo mund te quhet nje nga autoveturat me te shtrenjta te blera nga nje shqiptar. E pasi e solli ne Shqiperi permes nje kalvari te mundishem, Balliu tregon se tashme e ka vene ne pune ku me te preferuarit jane dasmat ku xhiroja e cifti shkon deri ne 1 milione leke.

Pasaporta e mjetit luksoz

E gjate 9.75 metra. Brenda merr 12 vete. Ka televizor, telefon, kondicioner dhe pije te shtrenjta. Limuzina e librazhdasit ne lukunine e autoveturave ne Shqiperi eshte si delja e zeze mes kopese se bardhe. 35 vjecari Balliu tregon se si arriti te bente te veten mjetin. Ai tregon se ka punuar me dy vellezerit ne Londer qysh nga 1995. Nuk deshiron te shpjegoje se si iku duke qendruar 16 ore ne shasi te maunes, por se si erdhi me Limuzine, per te cilen u bene xheloze italianet, qe i bllokuan mjetin e rralle, sapo moren vesh se pronari ishte shqiptar. "Vellai im,- thote ai,- punon ne firmen e Limuzinave ne Londer duke pare avantazhet e mjetit te rralle, vendosem ta blinim dhe shuma arriti ne 70 milion leke shqiptare. Nuk ishte fjala per tu dukur, por per te thene se edhe shqiptaret jane ne gjendje ta blejne kete mjet dhe se nuset mund te udhetojne tashme edhe me limozine" thote ai. Por, edhe pse harxhuan nje dore te mire parash, Balliu dhe vellait te tij i duhet te kalonin jo pak peripeci me policine italiane. "Policia italiane na bllokoi 4 dite, nga xhelozia. Ishte me targe amerikane dhe terhiqte vemendjen kur kalonte" thote ai. Madje ne Milano, policia ua bllokoi, sapo mori vesh qe pronari i saj ishte shqiptar. "Albanesi limuzina"? shyente syte kapo i policise. Megjithese gjithcka ishte ne rregull, Balliu tregon se e gjobiti 2 here dhe e bllokoi 4 dite mjetin, duke e penguar qe te vinte per vitin e ri prane familjes ne Labinot-Fushe. "Pagova 3 milion lireta kot se koti, gjysmat e shumes vetem per te kaluar nga porti deri tek trageti" shton ai.



Pasagjeret e pare VIP-a, pasardhesit e familjes se Ahmet Zogut

Ymeri tregon se tashme limuzina e tij tani askujt nuk i ben pershtypje kur kalon. Ishte nje shok i tij, miku i Ledina Celes, qe i kerkoi mjetin per te pritur Leka Zogun edhe ai ka Limuzine, dhe vetem keto te dya jane ne Shqiperi. "Ma kerkoi me qera, por une i a dhashe falas mikut tim, per te bere pritjen e bujshme te familjes mbreterore" tregon sekretin pronari i mjetit. Me tej shton se ka marre disa nuse dhe kerkesat nuk kane rreshtur nga te gjitha qytetet e vendit. "Nuk eshte shtrenjte, nuk kam dhe ndonje cmim fiks, por nese do ta llogarisje 3 mjete qe te duhen per te marre nusen e cuar krushqit, aty-aty del, por ama eshte dicka ndryshe". Por Ymeri, duket se nuk rend shume pas fitimit. Ai eshte xhentil dhe nuk mungojne rastet, kur ben edhe shetitje falas sidomos per VIP-a. Kehtu ndodhi te shtunen ne Librazhd me kater parodistet e Vlores, drejtorin e Teatrit "Petro Marko", Kristaq Skramin, qe udhetuan disa kilometra me mjetin luksoz, ndersa kengetarja e mirenjohur, Ludmilla Baballeku, beri surprizen duke bre nje fotografi mbi automjetin qe po i cudit te gjithe.
--------------------

[Vinny_T]

Brari, e shoh qe je shume aktiv ne kete forum dhe eshte gje e mire po nqs do te me lejoje nje verejtje? Ler pak vend dhe per te tjeret kur hap nje teme per mendimin tim duhet te presesh pak per te pare interesin qe ka kjo teme per te tjeret, dhe pastaj mund te shtosh dhe mendime te tjera. Nqs i ben vet te gjitha pergjigjet i humbet interesi per mendimin tim.
Pershendetje

[Brari]

KJ
---------

Spektakal skafesh para deputeteve dhe diplomateve
Nga Stavri Marko/ E Shtune 14 Korrik, 2002 Dhermi. Nente gomone te fuqishme nga tre kater motore ne bord, filluan te dukeshin nga Karaburuni per ne drejtim te Himares. Te organizuar ne nje manifestim alla "Parade" gomonet ndaluan ne plazhin e Dhermiut dhe ne afresi te saj filluan spektaklin, duke startuar sa nga njeri breg ne drejtim te Gjipese, skaji Jugor i Dhermiut, ne ate te Karaburunit, skaji me verior i saj. Pas me se nje ore "shoe" per plazhistet, me ne fund pushuan ne breg te detit fare praen plazhit. Kjo ishte e vecanta e asaj dite, ndersa ne shkrimin tone, nuk do te merremi me personazhet te hipur mbi gomone, pasi ata bejne punen e vete, por analiza do te perkoje me protagoniste, situaten e shtetit ne prag te ndryshimeve dhe disa nga reagimet e diplomateve perendimore qe ndodhen ne Shqiperi, te cilet sigurisht ate dite ndoqen me shqetesim gjithe zhvillimet e ketij evenimenti.

Paralajmerimi i nje reagimi te tille

Nuk e kuptova fillimisht pse ate dite disa shoke femijerie te Vlores me buzeqeshen ne Dhermi, madje me ftuan dhe per kafe. U be si u be dhe me vone e kuptova se dicka e madhe luhej atje. Shoket e mi te femijerise hypnin dhe zbrisnin nga gomonet, pinin dicka ne nje restorant ku drekonte ish-Ministri i Rendit Ilir Gjoni me familjen dhe iknin serish. Nderkaq, ne drejtim te parkezhit te disa gomoneve prane nje tjeter restoranti drekonin disa deputete me ne krye ish-kryeparlamentarin Namik Dokle. Ne rrugen afer u shkembyen pershendetje me njeri-tjterin, por nga fuoristrada me targe RSH dallova Ministrin e Kulturees, Agron Tato qe i kishte ngulur syte ne drejtim te spetaklit te madh te gomoneve. Ne vilen qeveritare te famshme te Enverit nje grup tjeter autoritetesh kalonin fundjaven me familjet e tyre, pikaste nga qe ishte i njohur ne ate zone zv Ministri i Rendit, Bujar Himci. Masandej, ne plazhin e ri te Dhermiut, RSH-te ishin te panumerta, bashkiake te Tiranes VIP dhe diplomate te shumte.

Pushuesit ne te shumten e rasteve shikonin te habitur disa police me nga nje radoi ne dore, te cilet te gjendur perballe qindra shikimeve ne drejtim te tyre, kuptonin se dicka kerkonte pergjigje se "c'po ndodh ketu". Ata kullonin djerse nga turpi dhe iknin duke folur te alarmuar ne radio, ndoshta ishte menyra me e fundit qe duke stimuluar te tregonin se dikush ishin dhe ata. Ate pasdite, skafiste pronare, pushues, ishin te gjithe banoret me interesante te Dhermiut, vendi qe meriton te respektohet per bukurite dhe qetesine qe te afron.

Lobi i skafeve ose Korleonet e famshem

Me te tilla pamje fjala e fundit ngelet nje kapitullim pa kushte te Shtetit Shqiptar, ndersa analiza ime perkon krejt tjeter nga sa na serviret ne Tirane. Nje organizim i ketyre permasave te lobit te skafeve shqiptare (te Vlores) do ta kishin zili te gjitha organizmat e Mafias ne v`nde te tjera te botes. Pse? Mendoj se mesazhi i parades se skafisteve, kishte shume ane te cilat duhen mare seriozisht ne konsiderate. Gatishmeria e tyre per te treguar vendosmerine e vazhdimesise se veprimtarise se tyre, nderkohe qe kushtet ndaj Shqiperise per te bllokuar trafiqet ilegale jane paresore qofte per integrim por qofte dhe per te perfituar financime per te mbajtur shtetin ne kembe, jane bere publike. Ekspozimi zyrtar i pjeses me te madhe te arsenalit qindra milione dollaresh qe ata disponojne, duke perfshire mjetet e fuqishme detare, gomonet, te cilat publiku i ka pare shume rralle vetem nepermjet imazheve filmike, tregon haptaz fillimin e nje lufte zyrtare "o ne, o ata". Sipas disa analizave, mbetet te percaktohen faktoret suportues te kesaj ndermarrje gjigande qe me se fundi u "Pagezua" ne Dhermi. Organizimi i ketij Lobi Skafistesh te sjell ndermend familjen e famshme te Korleoneve, Mafian Siciliane e cila organizaten e shpernguli deri dhe ne Amerike duke kontrolluar per shume vite krimin e organizuar dhe financat me te medha mes Italise dhe Shteteve te Bashkuara kohe me pare.

Skafet dhe fatet e politikes se Shtetit

Analiza ime thote se dora mire e organizuar e nje segmenti te specializuar brenda shtetit kerkon te imponoje interesa, personazhe duke perkrahur klane te caktuara brenda nje lobingu politikanesh, duke perdorur ne nje moment final perpara ndryshimit te qeverise, nje armate teper te fuqishme ose ndoshta per te treguar forcen qe do te thote se dikush duhet te ike dhe dikush duhet te qendroje, qe nga Kryeministri, Ministri dhe deri tek polici me i thjeshte. Analiza perkon me nje fare detyrimi te plotesuar sigurisht tashme "Informal" i Shqiperise ndaj kalimit te grupimit te vendeve problematike te deklaruara nga Departamenti Amerikan i Shtetit, pra nga grupi i trete ne te dytin per Shqiperine, ne luften ndaj trafiqeve ilegale. Perdorimi i fakteve dhe argumentave te tille, mund te shfrytezohen nga individe dhe politikane te lidhur me Krimin e Organizuar ne Shqiperi dhe pastaj te favorizohen per te mare poste drejtuese duke u mbeshtetur sigurisht nga trafikante nga pas.

Falimenti i Policise dhe sherbimeve te specializuara

Ne se ka nje administrate te shtetit me te korruptuar dhe bashkepunetore ne vepra te ndaluara penale ajo eshte Policia e Shtetit. Nje implikim i permasave kaq te medha shikohet si nje precedent i rezikshem real per kapitullimin pa kushte te shtetit. Qenia e disa figurave prezent ne paraden e skafisteve, qofte perpara ne detyre dhe qofte tani te lidhura me uniformat blu dhe me Institucionin e Parlamentit sic ishte dhe rasti i Namik Dokles me deputetet e tjere, tregon kapitullim pa kushte te forces kundervepruese te shtetit.

Duke filluar nga Policia e Vlores dhe vecanerisht ajo e Himares, nga konstatimet dhe vezhgimet e mia, del se pjesa me e madhe e uniformave blu eshte e lidhur dhe bashkepunon me trafikante ne trafiqe te tilla si klandestine Kurde, Prostitucion, Kondrabande Cigaresh, Trafik Armesh deri tek gjuetia e koraleve. Demostrimi i skafisteve ne syte e krereve me te larte te Unifrmave Blu te Shtetit, ka rrenjosur pergjithmone mendimin e sakte te Departamentit Amerikan dhe Interpol se sgmentet e Policise se Shtetit Shqiptar, jane bashkepunetore te Krimit te Organizuar ne Shqiperi. Realisht pa asnje shpjegim mesova se ne Dhermi nga 4 police jane shtuar dhe 22 te tjere, po aq te shtuar n` Posten e Himares. Shtimi i tyre nuk do te thote rend dhe qetesi, se provat qe po japin e kundershtojne nje gje te tille dhe per me teper ne nje vend qe eshte nga me te qetet ne plazhet shqiptare. Sipas te dhenave qe marin nga burime te tjera trafiqet ne kete zone jane ne majat me te larta te veprimtarise se tyre. Ne te njejtat shina teper te impikuara me trafiqet ilegale, shikoj te jene dhe sherbimet sekrete shqiptare. Nje koperative agentesh te SHISH i sheh te shoqerohen me trafikantet me te kerkuar si ne Vlore dhe ne Himare, per te cilet provat i kam nen rezerve dhe te pakundershtueshme. Rjedhimisht pergjegjesia kryesore e skenave te tilla si ne Dhermi, Himare dhe Vlore, nuk kalojne pa u implikuar me sherbimet sekrete shqiptare, qe sipas konstatimeve te mia ne taksapaguesit shqiptare, duhet te dime se ku perfundojne parate dhe ne cfare mase institucionet qe ne ndertojme na pergjigjen per prosperitet, rend dhe qetesi. Rjedhimisht pyetja ime shkon me tej. Me cfare merren Koperativa e qindra agjenteve te SHISH ne Rrethin e Vlores, ndersa epiqendra e trafiqeve illegale eshte ne majat me te larta te lulezimit te tyre?

Nga Anti-Trafiku tek Republika e Skavefe

Pese here e kisha pare Ilir Meten te bente inagurime dhe prerje shiritash ne Qendren Nderkombetare te Antitrafikut ne Vlore. Gati dy here me shume Pandeli Majkon te bente kete gje, madje ky i fundit deklaronte se nga ky sukses tashme duhet te shkojme drejt investimeve ne "Perlen me te Bukur te Mesdheut, Vloren" (harrojne qe Vlora vine era fekale se ska kanalizime te mjaftueshme dhe uje) duke vene ne epiqender te propagandes Ministrin e Turizmit. Sipas nje mikut tim te huaj, ekspert i ceshtjeve te Mafias ne Rajon i cili punon ne France, qendra anti-Trafik e celur ne Vlore, akoma nuk njeh detyren per te cilen eshte krijuar dhe se si do te funksionoje realisht ky organizem. E them me bindje se ka te drejte kur sipas analizave dhe informacioneve te mia, shume te kerkuar nga Interpoli levizin lirshem si ne Vlore dhe pergjate bregut te Jonit. Me Spetaklin e skafisteve te se shtunes se kaluar ne Dhermi, per mua, misioni anti-Trafik ka mare fund. Une jam prej atyre qe nuk u besoj imazheve te bukura qe servir neper stacionet tona policia e shtetit. Ato pergjithesisht jane fallso per te mbuluar skena te tilla gjigante. Policia e shtetit ashtu si dhe politika efektivisht, nuk e njohin sa duhet realitetin e territorit te Shqiperise, perderisa media do te vazhdoje te simbolizoje vetem gjithcka realizohet brenda mureve te Tiranes se Edi Rames, nga KPD e PS tek zyrat e PD madje pak me afer presidences dhe parlamentit. Keto kuadrate jane te izoluara qellimisht nga komuniteti jashte tyre, packa se imazhet qe na serviren kthehen perhere dhe me pesimiste per kete vend. Ndersa themi per territore ketu as qe behet fjale per brigjet detare, ku qellimisht bregdeti Jugor i Shqiperise ngelet pa mjete efikase ne luften kunder trafiqeve ilegale, nderkohe qe zoter dhe mbreter pse jo te mos themi se jane, mbreteria e gomoneve. Ne duhet te heqim dore nga kronika te improvizuara me shirita dhe dhurata anijesh dhe makinash, pasi ato jane nje pjese e nje manipulimi. Fotot e marra na tregojne se lufta anti-Trafik eshte nje pjese e vogel e nje deshire te madhe per t'u integruar ne familjen europiane. Pak vite me pare, gazetat italiane shkruanin se Skafo Republika e Vlores kishte sekuestruar nje Komisr. Ato imazhe nuk jane trasmetuar me por perseritja e te njejtit skenar pas shpresave per integrim "de facto", legalizon Skafo-Republiken me te drejten legjitime te tyre si kontollues te nje pjese te madhe ta hapesires tokesore dhe detare te Shqiperise.

Veteizolimi, rruga qe pelqejne vete shqiptaret

"Kur biseda pqerpara nje jave me nje diplomat te rendesishm perendimor, u perqendrua per trafiqet ilegale, sikur dikush kishte porositur gomone dhe jo kafe eskpres, na u ndodh 10 metra prane" Artikulli i cili u publikua ne "KJ" nje jave me pare, parashikonte nje eveniment te tille ne kete zone ne te cilen paralajmerohej se "dicka do te ndodhte". Eksperte perendimore te krimit, thone se informaliteti ne marrdheniet me perfaqesuesit e shtetit shqiptar, le shume per te deshiruar. Mundesite e veteizolimit jane evidente, pasi kredibiliteti i shtetit shqiptar, gjithmone sa vjen dhe ulet. Goditja qe u dha nga spetakli i gomoneve padyshim do te ndikoje ne marrdheniet e partneritetit anitrafik me Shqiperine dhe vendeve europiane. Fatkeqesisht, opinioni shqiptar eshte shume i frymezuar nga perzgjedhja e presidentit te vendit dhe shprese per integrim ne familjen europiane, por ajo eshte nje flluske sapuni perpara mbreterve te detit, skafisteve. Imazhet te verejtura nga mijera vete ne Dhermi do te transportohen fatkeqesisht ne te gjitha institucionet perendimore dhe do te ndikojne per keq ne marrdheniet aq te domosdoshme te Shqiperise ne vendet e Europes perendimore. Une kam kohe qe shikoj nje izolim financiar per te mos thene se vepra dhe investime jane lene ne mes te rruges. Problemi ngelet: "mire shqiptaret nuk duan te bashkohen me ne, por sepaku te mos na sjellin shqetesime nga krimi i organizuar". Trasparenca e deshtuar mes politikes dhe komunitetit, ka degjeneruar me se fundi dhe mes Shqiperise dhe Institucioneve Perendimore. Kjo do te thote se litarin tani do ta kemi me te shtrenguar, se sa me pare..

Spetakli i Gomoneve u shfaq. Tani le te presim rezultatet.

------------------
Te lumte pena o Stavri.

[alumni]

http://www.reportazh.com/TEXTET/SPECIALE/speciale1.htm

Harta e seksit në kryeqytet

A doni femra të mira"? Kjo pyetje që sipas Homerit bëhej dikur prej trojanëve, në adresë të grekëve, më pas u verifikua të përsëritej në realitetin gjerman të shekullit të 20-të, nëpërmjet dëshmive të Hajnrih Bëlit, ndërsa gjatë 12 viteve të fundit është dëgjuar jo rrallë edhe nëpër trotuarët e Tiranës. Në fillim të vitit 1991, midis zhurmës për ekonominë e tregut, ku shiteshin, cigare, dele, lopë dhe kanarina, disa njerëz të çuditshëm afroheshin qetësisht dhe pa u skuqur fare të pyesnin: "A doni femra të mira zotëri"? Dhe megjithëse në Tiranë femrat nuk dolën kurrë nëpër semaforë, përsëri tregëtia e seksit u realizua sipas disa platformave të njohura në Evropë, ku ndryshimi i vetëm ishte se afrohej me çmim më të ulët se sa në vendet e tjera. Pjesa tjetër e episodeve zhvillohej nëpër shtëpi të zakonshme, të cilat në disa vende të tjera të botës quhen "Shtëpi Publike të liçensuara", por ku nuk mungojnë edhe të paliçensuarat. Kurse në Shqipëri së bashku me mungesën e hapësirave ligjore, që presupozojnë marrjen e liçensës, mungon gjithashtu edhe ngjyra e kuqe e dritave...

Në vend të hyrjes...

Për shkak të dispozitave ligjore, shtëpitë publike në Tiranë ushtrojnë veprimtarinë e tyre në mënyrë ilegale, ku karakteristika kryesore është ndrrimi i bazave çdo tre-katër muaj. Në fillim të viteve 91-92, në Tiranë vepronin vetëm dy-tri shtëpi të tilla, në tre rrugët kryesore të kryeqytetit, (Rruga e Elbasanit, Rruga e Durrësit dhe Unazë). Ndërsa aktualisht, për shkak të shtimit të numrit të sekserëve është organizuar në celula më të vogla, me dy-tre vajza ose gra që punojnë me çmime të ndryshueshme. Çmimet varen kryesisht nga cilësia e vajzave dhe mosha e tyre, por edhe nga cilësia apo mosha e klientëve. Çmimet nuk janë asnjëherë standarte. Tregëtarët dhe biznesmenët paguajnë shifra më të larta. Edhe të moshuarit gjithashtu, paguajnë më shumë. Kjo gjë është përcaktuar jo vetëm në realitetin e kryeqytetit shqiptar por edhe në kapitullin e Balzakut, "Sa i kushton dashuria pleqve". Ndërsa të huajt kanë tarifa specifike. Çmimi varion nga 1 mijë lekë deri në 250 dollarë. Klientët gjatë këtyre viteve kanë mësuar se me çmimin 1 mijë lekëve mund të tentojnë të hyjnë nëpër bodrumet me lagështirë dhe pa kushte, midis femrave të rëndomta dhe pa ndonjë formim kulturor. Ndërsa shifra mesatare e 5 mijë lekëve mund ta çojë atë nëpër shtëpi të mobiluara thjesht, por jo nëpër vila luksoze dhe hotele, ku afrohen vetëm të huajt, ose bisnesmenët, të cilët paguajnë mesatarisht 250-1000 dollarë në natë. I gjithë ky realitet afrohen qysh nga periferitë e errëta të Laprakës, Qytetit të Nxënësve, Kino-studios, Unazës, Ali-Demit, Rrugës së Pazarit, Tiranës së Re, Stacionit të nisjes së furgonëve për në Jug, etj, e deri në qendër të Tiranës, jo shumë larg ndërtesës së Ministrisë së Rendit Publik dhe pak më larg ish-Komitetit Qendror të Partisë së Punës. Në ushtrimin e profesionit më të vjetër të botës, aktualisht nuk ka shenja dhune, por më shumë konstatohet "punë nga nevoja". Shumë vajza dhe gra ushtrohen për bukën e gojës, por ka edhe kategori më të larta dhe më komode, ku përfshihet edhe ndonjë intelektuale, përkthyese, gazetare, përfaqësuese e artit, apo përfaqësuese e shkencave ekzakte. Por një pjesë e tyre vijnë nga rradhët e studenteve. Në shumicën e rasteve ato fusin në xhep vetëm 20 përqind të shumës së paguar prej klientëve.

Çmimet
Vajzat e një kategorie të ulët - 1 mijë lekë
Vajzat e kategorisë mesatare 5-10 mijë lekë
Vajzat e klasit të lartë 250-1000 dollarë

Kategoritë
Vajza pa punë me paraqitje të rëndomtë
Vajza me formim mesatar dhe paraqitje të jashtme të pranueshme
Vajza intelektuale
Gratë e martuara
Studente

Rastet

Para 4 ditësh një grua 50 vjeçare nga rrethet Veriperëndimore, kërkoi takim në Ministrinë e Rendit Publik, me personalitetin e njohur të këtij digasteri, Bilbil Memën. Por ndofta orari jo i përshtatshëm ose punët e shumta të Memës, bënë që gruaja të mos e realizonte takimin e saj. Për këtë ajo kërkoi të ulej pranë derës së Teatrit Kombëtar ku spjegonte tragjedinë e vet. "Dua të takoj Bilbil Memën, sepse një vajzë ma kthyen nga Italia ku e detyronin të ushtronte prostitutën, ndërsa tjetrën ma kanë marrë këto ditë nga shtëpia dhe ma kanë futur nëpër shtëpitë publike të Tiranës". Kështu shprehej, gruaja e veshur me të zeza, ndërkohë që kureshtarët e pyesnin për hollësi të tjera. "Vajza e parë e ka nisur profesionin në shtëpitë e Tiranës, ndërkohë që e kam çuar në institucionet rehabilituese, por tani më kanë marrë vajzën e dytë", thoshte ajo. Nga tregimet e saj të mëvonshme shumë njerëz kuptuan se nuk ishte tamam një rrëmbim, por një marrëveshje e "tutorëve", me vajzën, ku natyrisht nuk përjashtohej premtimi për ndonjë martesë të mundshme.

Gjithashtu para disa ditësh një shoqërues-përkthyes tregonte: Punova me një person të huaj dy muaj rresht. Pas kësaj periudhe një mbrëmje ai pyeti nëse ka në Tiranë vajza me pagesë brenda të gjitha rregullave. Unë bisedova me një mikun tim-sekser dhe ai më kërkoi 250 dollarë për dy orë. Kështu në ditën e caktuar shkuam para vilës dhe pritëm njoftimin në celular. Sekseri na mori pas 5 minutash por fjala e tij e parë ishte rritja e çmimit deri në shumën 300 dollarë. Sipas tij vajza ishte e klasit të lartë. Unë e shoqërova mikun e huaj, deri në dyert e brendëshme, duke i treguar dhomën ku do të hynte. Për çdo gjë tjetër ishim marrë vesh të flisnim me celular. Por nuk qe nevoja sepse gjithçka shkoi ashtu siç ishte parashikuar", përfundon shoqëruesi, i cili shton se i huaji kish kërkuar edhe një herë tjetër të takonte vajzën, por i kishin thënë se ajo kish ikur me studime, ndërkohë që çmimi ishte rritur deri në 1000 dollarë". Ndërkohë, si për të bërë kontrast me këtë rritje çmimi, para dy ditësh një arixhofkë u kishte zënë pritë disa burrave pranë një banjoje publike duke u thënë: Merreni këtë shoqen time për 200 lekë. Por ndërkaq, një burrë i moshuar me kapele republike iu përgjigj: Të jap 3 mijë lekë, vetëm më hap rrugën të largohem nga kjo nevojtore". Një djalë tregon se gjatë kalimit nga një rrugicë e Tiranës së Re, dy vajza ia kishin bërë me dorë nga një dritare dhe pasi ai ish ngjitur lart ato i kishin kërkuar 500 lekë për të ndenjur me njërën prej tyre për një orë. Megjithatë, një pjesë e madhe e organizimeve funksionon nëpërmjet një stafi të orientuar dhe me përvojë, ku janë të parashikuara edhe detajet më të hollësishme. Disa hotele dhe motele funksionojnë në këto raste si streha të përkohshme. Megjithatë, pa bërë asnjë paragjykim, nëse është mirë apo keq, duhet thënë se një shoqëri që nuk i garanton dot bukën e gojës, përfaqësuesve të saj, duhet të jetë e kujdesshme në përcaktimin e përgjegjësive. Një refugjat i ardhur nga Athina tregon se një ditë kishte hyrë në një shtëpi publike të paligjshme të kryeqytetit grek. "Ishte një vajzë greke që punonte privatisht me të jatin e saj. Mua më kishin treguar për të dhe një ditë hyra. Më kërkoi 40 Euro por unë kisha vetëm 28. Kisha tre muaj pa takuar gruan time dhe sapo rashë në kontakt me të brenda dy minutash përfundoi gjithçka. Kështu menjëherë babai i saj doli nga dhoma tjetër dhe më tha të dilja jashtë, sepse pagesa ishte vetëm për një herë. E ndjeva veten të fyer dhe të humbur, por nuk mund të bëja më asgjë", thotë djali. Dhe pikërisht në vendin, ku Homeri paraqet Penolopën si simbol të besnikërisë, shkrimtari tjetër grek Kostas Varnalis thotë të kundërtën. Sipas tij, Penolopa e tradhëtoi Odiseun me të gjithë prijësat e kështjellës, duke marrë nga secili nga një qese me flori, për t'ia lënë pasurinë, si trashëgimi për Telemakun. Pavarësisht nga kjo, detyra e çdo shoqërie njerëzore për të përsosur vetveten, fillon nga garantimi i minimumit jetik, i cili në Shqipëri, aktualisht mungon. Kur ta arrijmë këtë do ta shikojmë se sa e lehtë do të jetë për të vënë në vend rendin e gjërave shumica e të cilave tani imponohen nga skamja.

[Brari]

GSH
---------
Vapa mbush spitalet me fëmijë, shumica të helmuar


--------------------------------------------------------------------------------

SHKODER

Temperaturat e larta të kësaj vere shtojnë numrin e të shtruarve në spital. Këtë problem e ka ndier më shumë spitali i fëmijëve, regjistrat e të cilit shënojnë çdo ditë e më shumë shtrime fëmijësh.

Sipas mjekëve shkodranë gjatë verës gjithnjë ka një shtim të numërit të fëmijëve që paraqiten në spital, por temperaturat e larta të kësaj vere, kanë bërë që të ndihet një rritje akoma më e madhe e këtij numëri. Kështu, gjatë këtyre ditëve në spitalin e fëmijëve, janë shtruar rreth 25-30 fëmijë në ditë. Ky numër sipas mjekëve është akoma më i madh, pasi një numër i konsiderueshëm i fëmijëve trajtohen pranë konsultoreve nëpër lagje, në ambulancë apo dhe në shtëpi. Rastet më të shumta janë humbjet e lëngjeve, diaretë dhe intoksikacionet. Papastërtitë e shumta në ambientet ku qëndrojnë fëmijët, plehërat, ushqimet e skaduara janë ndër shkaqet kryesore që krijojnë këto probleme tek fëmijët, por jo vetëm tek ata. Në prishjen e ushqimeve dhe rastet e helmimeve, sipas mjekëve, ndikon dhe mungesa e energjisë elektrike, çka bën që disa prej ushqimeve të prishen shpejt dhe të shkaktojnë helmimet e njerëzve.

Megjithëse fëmijët konsiderohen si më të prekurit nga temperaturat e larta, shifrat në repartet e tjera të spitaleve flasin për një rritje në përgjithësi të paciantevë. Kryesisht ato me probleme në zemër.

Temperaturat e larta u kanë krijuar probleme serioze. Eshtë kjo dhe arsyeja që mjekët këshillojnë një eliminim sa më të madh të lëvizjeve në oraret e pikut të temperaturave. Po kështu, mjekët, këshillojnë pacientët e tyre të kenë kujdes në blerjen e ushqimeve, duke kërkuar eliminim të atyre që shiten nëpër rrugë dhe trotuare.

[Brari]

Iken 5 vjet ne pushtet dhe PS akoma nuk i mblodhi armet.
Jo cdo dite por cdo ore aty vritet ose kercenohet me gryken e kallashit nji njeri i pafajshem.

Kaq e veshtire qenka mbledhja e armeve?

Deri neper ditlindje rrugacet e tiranes festojne me kobure.

gazeta..
------

Ndërsa lozte me armën, i riu Jetmir Turi ka plagosur rëndë shokun e tij, Amarildo Mumajesi. Ngjarja ka ndodhur në afërsi të Kinostudios

Tiranë, Amarildo Mumajesi përfundon në spital. Autori Jetmir Turi shoqërohet në polici

Ekzekuton shokun në ditëlindje
Adoleshentët po luanin me pistoletën gjatë festës


--------------------------------------------------------------------------------

tr.vi.

TIRANE

Një rit i vjetër i traditës shqiptare ka çuar në tragjedi një grup adoleshentësh të kryeqytetit. Të mble-dhur në shtëpinë e shokut të tyre, ata kanë dashur që kulmin e festimit të ditëlindjes së tij ta shoqëronin me krisma armësh.

Por gëzimi, shoqëruar me lojën e rrezikshme të armës deri në orët e vona të mesnatës të së mërkurës, ka pasuar me gjakderdhje. Ndërsa lozte me armën, i riu Jetmir Turi ka plagosur rëndë shokun e tij, Amarildo Mumajesi. Ngjarja ka ndodhur në afërsi të Kinostudios. Lajmi bëhet i ditur nga burime zyrtare të dikasterit të bluve. Sipas burimeve në fjalë, 6-7 të adoleshentë (mosha 13-15 vjeç) janë mbledhur për të fetuar ditëlindjen e shokut të tyre. Ndërsa orët janë shtyrë përmes urimeve dhe një atmosfere të ndezur, të zakonshme për moshën e tyre, në mbyllje është vënë përfund gjithçka, madje në mënyrë tragjike. Ka qenë ora 3 e natës (e së mërkurës), kur një krismë pistolete ka rrëzuar përtokë të riun Amarildo Mumajesi. Burimet nga blutë pohojnë se dy shokët, Mumajesi dhe Jetmir Turi, kanë filluar të lozin me pistoletë, duke i drejtuar armën njëri-tjetrit. "Të qëlloj apo jo në gojë. Qëllo!" ky ka qenë dialogu i shkurtër, por tragjik (sipas pohimeve nga policia). Një tërheqje këmbëze dhe një plumb i derdhur në gojën e Mumajesit ka depërtuar deri në nofullën e tij. Ditëlindja e përgjakur e të rinjve menjëherë ka sjellë në vendngjarje forcat e komisariatit nr.1 të policisë. Amarildo Mumajesi është dërguar me urgjencë në spital, ku, edhe pas ndihmës së mjekëve, vazhdon të jetë në gjendje të rëndë. Pas këqyerjes së vendit dhe mbledhjes së provave materiale, është shoqëruar dhe autori i plagosjes së shokut të tij, Jetmir Turi. Materialet pritet t'i kalojnë Prokurorisë së rrethit të Tiranës.

---------

Prinder leshko..skane turp..

[Brari]

Numri i tentativave per vet vrasje ne shqiperi eshte i llahtarshem.
Fotoksina eshte bere eleksiri magjik per zgjidhjen e dilemes..te rroc a te mos rroc.

Dritero agolli thoshte para ca ditve se socialistet duhet te mbajn koken lart. Do te thote kjo se ATA e kane qare zanatin dhe populli lumturohet per dite nga qeverisja e tyre..

Ja cthot gazeta per qytetin tashme problematik te Elbasanit ku populli ka fatin se ka per deputet tauland ded dor-ngrohtin, mikun e jaho salihit.

-------
Brenda tri ditëve të fundit, në Elbasan janë regjistruar 8 vetëhelmime. 7 vajza nga 15-20 vjeçe


Sherret në familje, tentojnë të vetëvriten dy vajza


ELBASAN - Dy vajza të tjera u vetëhelmuan dje me dashje, duke e çuar në 52 numrin e përgjithshëm të tentativave për fund tragjik në rrethin e Elbasanit. J.B. 15 vjeçe, banuese në fshatin Mollas, 28 km larg qytetit të Elbasanit, u vetëhelmua në fshehtësi menjëherë pas një grindjeje të fortë me pjesëtarë të familjes. Burime policore, që citojnë rrëfimet e të afërmve, thanë për gazetën se adoleshentja, në rrethana që nuk dëshirojnë t'i bëjnë të ditura, u grind me të atin dhe, më pas, rrëmbeu ilaçet antidepresive të tija duke i gëlltitur. Mjekët saktësuan se vajza kishte pirë 10 kokrra amuzol, antidepresivë që i ati i përdorte prej kohësh. Gjendja e saj mbetet kritike për shkak të depërtimit të helmit në organet jetësore, thanë bluzat e bardha. Ndërkohë, në të gdhirë të ditës së djeshme, rreth orës 02.30, një 18- vjeçare nga fshati Gjinar, mbërriti në gjendje kome pasi ishte vetëhelmuar me lëndë pesticide, helm që përdoret në bujqësi. Burime spitalore thanë se e reja mbërriti në gjendje serioze. Ata shtuan se B.G. kishte ndërmarrë aktin e tentativës për vetëvrasje, pas një sherri në familje. E reja ishte zënë me të atin, pas një ndjenje të refuzuar. Burimet shtuan se prindi e kishte këshilluar të bijën që të mos vazhdonte përpjekjet për të ruajtur ndjenjat e saja për një njeri të papërshtatshëm, banor në të njëjtin fshat. Kjo ka shtyrë të renë të pijë helmin vdekjeprurës duke përfunduar në gjendje kritike në spitalin e Elbasanit. Brenda tri ditëve të fundit, në Elbasan pati edhe 8 vetëhelmime, 7 prej të cilave nga vajza 15-20 vjeçe. Në shumicën e rasteve, të vetëhelmuarat janë nga zonat rurale dhe kanë përfunduar në spital pas grindjeve të shumta në gjirin familjar. Ndërkohë, dukuria ka marrë përmasa alarmante. Vetëm këtë vit numërohen 52 raste, nga të cilat 24 kanë përfunduar me vdekje. Mjeku specialist Selman Çili, thotë se gjendja aktuale sjell si nevojë parësore, ngritjen e qendrave të këshillimit dhe të rehabilitimit për këtë shtresë të shoqërisë, që gjejnë si zgjidhje më të shpejtë dhe më të pranueshme vetëflijimin.
S.Kurani
-------------------shekulli---------

[Brari]

Te njohur qe ne Kohet e lashta per trimeri Populli Lalez me ne fund ka vendosur te dorzonje Armet.
Ata do i kthehen parmendave me ne Fund.
urime..

---------
GSH
--------
Ardhja e afatit përfundimtar për dorëzimin vullnetar të armëve ka bërë që në rrugët e Fierit, të vendosen disa arka të mëdha metalike, ku njerëzit mund të hedhin armët

Metodë e re para afatit përfundimtar të dorëzimit të armëve

Fier, kosha në rrugë për mbledhjen e armëve


--------------------------------------------------------------------------------

FIER

Një metodë e re për grumbullimin e armëve është vënë në përdorim në prefekturën e Fierit.

Ardhja e afatit përfundimtar për dorëzimin vullnetar të armëve dhe mos dënimin e personave, ka bërë që në rrugët e Fierit, të vendosen disa arka të mëdha metalike, ku njerëzit mund të hedhin vullnetarisht armët. Pas aksioneve të shumta të bëra nga ana e Drejtorisë së Policisë së Fierit, ku rezultatet nuk kanë qenë të pakëta, metoda e re ka dhënë rezultate të kënaqshme. Aktualisht, arkat e mëdha metalike, ruhen me forcat e rendit, për të evituar çdo incident.
Afrimi i 4 gushtit, datë pas së cilës do të dënohet cilido person që do të kapet me armë pa leje, ka vënë në lëvizje këtë drejtori për gjetjen e formave të reja dhe metodave më bindëse për dorëzimin vullnetar të armëve. Shefi i "Grumbullimit të Armëve dhe Materialeve Luftarake" (GAML) pranë Drejtorisë së Policisë së Fierit, Petrit Selami, pohon se vetëm në 10 ditët e fundit janë dorëzuar 12 kallashnikovë, 14 pushkë të kalibrave të ndryshëm, 2 mitraloz të lehtë dhe një sasi e konsiderueshme fishekësh. Ai tha gjithashtu për Gazetën se për 10 ditë rresht u vendosën në 4 pika kryesore në qytet arka të mëdha metalike të ruajtur nga forca të rendit ku qytetarët mund të hidhnin aty armët e rrëmbyera nga depot në 97-ën. "Tani na ka dalë një tjetër problem" - shprehet Selami. "Hedhja e armëve dhe municioneve në kazanët e plehrave, sjellin shpesh rrezikun se këto mund të digjen, apo të mund të plasin nga vapa, duke i sjellë kështu aksidente të padëshirueshme. Por shpresojmë që me thirrjen tonë ndërgjegja qytetare të zgjohet dhe dorëzimi i armëve të bëhet në masën 100 për qind", ka përfunduar Selami.

----------------
cdo arm e dorzuar nje firak me pak i vrare..

[klevis2]

O Brari po he a lumemadhi ti o race fisnike dhe e denje shyqyr qe e denjove Fierin me shkrimet e tua te ndritura te jemi shume mirenjohes.Ore ti ben mire qe i shan komunistet po me kujdes me epitetet he vella se spo flet me Enver Hoxhen e as me Leka Zogun

[Vinny_T]

Brari ,
Eshte me rendesi qe te hapen tema ne forum mbi shtypin e dites pasi duhet diskutuar rreth tyre e shkembyer mendimet tona keshtu qe ne hapjen e temave ti je ne vendin e pare e nuk ta kalon njeri. Po shikoja me vemendje temat qe ke hapur dhe me pare dhe po te vesh re pjesa me e madhe e temave nuk kane pasur vazhdim nga dikush tjeter, nuk marrin pergjigje , dmth pak interes! Sasisa eshte e madhe dhe ze vend shume, keshtu qe nqs mund te jepja nje keshille , le pak vend dhe per te tjeret dhe pak kohe qe te trajtohen ato tema qe shfaqin interes. Kur sheh qe nuk merr asnje pergjigje leri vendin dikut tjeter se te hapi nje teme te re se eshte me interesante apo jo. Sa per temen e mesiperme, ne artikull flitet per nje iniciative te prokurorise apo autoriteteve kompetente te rrethit te Fierit per mbledhjen e armeve dhe me duket iniciative interesante ( dhe sikur me te te mblidhe vetem 2 pushke, behen dy pushke me pak ne qrkullim e ndoshta dy jete te shpetuara). Keshtu qe per temen qe ke hapur duhet te diskutojme rreth inicitives se policise per mbledhjen e armeve apo te japim mendimin tone qe jane trima apo frikacake shqiptaret e lalucerise flet ti?!
Pershendetje

[Brari]

Klevis

Mos me ver re se them jo Laleria etj..Me humor i kam jo se kam inat me popullin heroik e kaposh-dashes fierak..lol.
Cbehet nga Fieri. Me ujin me dritat mire?
Po ajo gjanica eshte pastruar nga mbetjet azotiko-Tec ore?
Gjynah aman se ai lum derdhet ne Seman e prish Semanin dhe detin atje posht. Ju jeni dhe katarsista,, pastroni natyren se korrupsionit nuk kini ci beni jo..lol.
Po teatri Byli cben..a ka veprimtari?
Po plazhin e Semanit pse nuk e rregullojne miliarderet Fierake Koco Kokdhime dhe Caco Angjeli me Yll Bufin?

Vini

Une nuk hap Tema per te shitur ment por sepse me duken interesante per tu lexuar nga Forumistet.
Ke te drejte per vrejtjet. Kam respekt per mendimet e tua.

[Vinny_T]

Flm per mirekuptimin Brari dhe e thashe ne formen e sygjerimit pasi te gjithe kemi te drejta te barabarta ketu e smund te te them se çfare duhet bere e si duhet bere ( se dhe une kam gabimet e mija si çdo njeri).
Sygjerimi ishte ne sencin qe te kemi sa me shume cilesi se sa sasi dmth po te hape,n shume tema koha qe do merremi me secilen prej tyre do te ishte me e vogel dhe cilesia e analizes tone do te ishte me e ulet detyrimisht.
Peshendetje Vinny_T

[Brari]

gsh
-------
Myzeqarët pengohen nga kompjuteri, vlonjatët para nën dorë policëve

Fier e Vlorë, radhë dhe ryshfete për 1 pasaportë


--------------------------------------------------------------------------------

FIER

Fierakët kanë mbi një muaj në krizë për pasaporta për jashtë shtetit. Dhjetëra e dhjetëra njerëz hallexhinj qëndrojnë para derës së hekurt të Drejtorisë së Policisë së Qarkut Fier në pritje të kotë për pajisjen e një pasaporte për jashtë shtetit, e cila do t'u ndihmonte atyre për zgjidhjen e shumë halleve dhe problemeve.

Mungesës gati një mujore të formularëve, ka mbi 10 ditë që i është shtuar dhe defekti teknik i kompjuterit të prodhimit të pasaportave. Ka bërë "stop" dhe prodhimi i pasaportave për emergjencën, pasi nuk mund të pajisen dot nxënësit që presin për studime jashtë shtetit, njerëzit që janë të sëmurë dhe presin operacionin, madje dhe deri në rastet e vdekjes.

Që prej 10 ditësh një qytetar nga Lushnja, i cili pret të kryejë operacion në Greqi, madje operacionin emergjent të transplatimit të veshkës së djathtë. Me të gjitha dokumentet në rregull, ai sorollatet jashtë çdo mundësie të tij shëndetësore dyerve të Komisariatit të Fierit në pritje të kotë për një pasaportë që do t'i shpëtojë atij jetën. Kriza ka arritur deri aty sa dhe në një rast vdekje automobilistike të një 19-vjeçari po nga Lushnja L.Stambolliu, xhaxhai dhe halla presin më kot nxjerrjen e një pasaporte, e cila do t'u nevojitet atyre dhe për t'u qenë pranë familjarëve të tyre në një rast të tillë.

Pothuajse e njëjta situatë paraqitet që prej 10 ditësh në komisariatin e Vlorës, ku ka dyndje të qytetarëve që kërkojnë të pajisen me pasaporta, si dhe për shtyrjen e afatit të tyre. Sipas përfaqësuesve të policisë, radhët e gjata janë si pasojë e ardhjes të emigrantëve nga jashtë shtetit për pushime. Por jo vetëm kaq. I gjithë qyteti ka në dispozicion vetëm një ditë për të depozituar dokumentet, për t'u pajisur me pasaportë, ndërsa gjatë pesë ditëve të tjera sporteli është në dispozicion të fshatrave të Vlorës. Ndërsa personat që nuk mundin të dorëzojnë dokumentet në këtë zyrë per shkak të rrëmujës ose persona që e duan pasaportën shpejt, kërkojnë që t'i ndimojë ndonjë polic i komisariatit,ku prej tyre kërkohen deri në katërqind mijë lekë të vjetra.

------------
SHKURT


--------------------------------------------------------------------------------

FIER/Plagos fqinjën, arrestohet

Duket se "molla e sherrit", prona private ka hyrë dhe tek adoleshentët. Një 17-vjeçar nga fshati Mërtish i komunës Gradishtë të Lushnjës, nxënës në shkollën e mesme të gjuhëve të huaja në Tiranë, GJ.B., ka plagosur me mjete të forta bashkëfshataren e tij, njëkohësisht dhe fqinjë Majlinda Kokoni, nënë e 2 fëmijëve për problemin e një cope toke që ndan këto 2 familje dhe që komuna ia ka dhënë 32-vjeçares. Kjo e fundit, e cila bashkëshortin e ka në Greqi, aktualisht ndodhet në spital në gjendje të rëndë, ndërsa 17-vjeçari është prangosur nga ana e policisë.


FIER/ Bashkia, fond për tabelat e adresave

Kanë marrë fund vështirësitë nga ana e postierëve, qoftë për shërbim publik, qoftë të detyruar nga institucionet shtetërore siç janë gjykatat, prokuroria, etj. Bashkia e Fierit ka dhënë rreth 300 mijë lekë të reja për vendosjen e 500 tabelave adresuese, të cilat kanë lehtësuar mjaft, jo vetëm postierët, por dhe qytetarët fierakë. Një fakt të tillë e pohon shefi i shërbimeve publike në Bashki, Agim Lisi, i cili është mjaft entuziast për zgjidhjen.


ELBASAN/ Plagoset emigranti mbi motorr

Kishte udhëtuar rreth 12 orë me motorrin e tij nga Greqia për në Shqipëri, por nuk ka arritur të mbërrijë shëndoshë në shtëpi. Një emigrant nga Malësia e Madhe, emri i të cilit nuk është bërë i ditur, është përplasur me një furgon në Labinot Fushë, në hyrje të Elbasanit. Nga përplasja ai ka marrë plagë të rënda dhe ka mbërritur në spital në gjendje kome.


Qukës-Qafë Thanë, skadon afati

Firma turke MAKYOl, e cila ka marrë përsipër ndërtimin e aksit rrugor Qukës-Qafë Thanë, nuk ka përfunduar brenda afateve të përcaktuara në kontratë për këtë aks rrugor. Sipas drejtuesve të firmës, vonesat kanë ardhur nga shpronësimet dhe disa arsye të tjera objektive. Dje, e kanë inspektuar këtë segment, zyrtarë të lartë, mes të cilëve dhe prefekti i Qarkut të Elbasanit, Ilir Zjarri, të cilët kanë dëgjuar përfaqësuesit e palës turke dhe kanë kërkuar përshpejtim të punimeve dhe si afat tjetër përfundimtar është caktuar fundi i 2002-it.


GJIROKASTER/ Fonde për aerodromin

Këshilli Bashkiak i Gjirokastrës ka hedhur dje hapin e parë për të nisur rehabilitimin e aerodromit të qytetit. Për këtë qëllim janë akorduar 500 mijë lekë të reja, shumë kjo që synon ta kthejë këtë aerodrom në gjendjen e para vitit '97-ë. Ndërkohë që shpejt pritet të nisë puna, jo pak donatorë të huaj, kryesisht italianë e anglezë kanë treguar interes për të investuar në kthimin e tij në një aeroport të mirëfilltë, të përshtatshëm për fluturimin e aeroplanëve çarter.


FIER/ Fillon ferri i errësirës

Sipas urdhrit të KESH, filiali elektrik në Fier ka 3 ditë që ka filluar ndërprerjen e energjisë elektrike në të gjitha lagjet. Duket se ditët e bukura plot diell morën fund dhe sërish qytetit më të ajo që është e gjithpushtetshme është errësira e netëve të verës.Sipas drejtorit të Filialit elektrik në Fier, Gjergji Qendro, urdhri i fundit ardhur nga KESH-i dhe drejtuar filialeve të qyteteve të ndryshme shqiptare ka qënë i padiskutueshëm dhe ky urdhër do të prtekte dhe filialin më të rregullt atë të Fierit.

-------------------
Inspektoriati ushqimor kontroll në 657 dyqane. Bllokohen edhe 1600 kilogramë ushqime të skaduara

Korçë, në treg pije kancerogjene
Specialisti: Prodhohen në Bullgari me lëndë sintetike


--------------------------------------------------------------------------------

Roland Beqiraj

KORÇE

Një sasi e konsiderueshme pijesh fresk-uese që në përbërje të tyre përmbajnë ëmbëlsues sintetikë kance-rogjenë janë zbuluar e bllokuar urgjentisht dje në tregun e Korçës.

Kjo sasi, së bashku me shumë çokollata, biskota e patatina të skaduara janë gjetur dje pas një kontrolli të inspektoriatit ushqimor në treg. Ato shiteshin të shpërndara në njësi të ndryshme tregtare, dhe mendohet se tashmë është bllokuar pjesa dërrmuese e tyre. Shefi i Inspektoriatit Ushqimor, Arben Gjata, tregon për "Gazetën": "Ky ishte një aksion rutinë i ushtruar në tregun e shumicës dhe në 657 njësi tregtare. Dhe rezultatet nuk kanë munguar". Gjatë këtij aksioni u sekuestruan rreth 1000 litra pije freskuese, të cilat si ëmbëlsues në përbërje të tyre kishin lëndë sintetike. Këto lloj ëmbëlsuesish, sipas inspektorëve, janë të rrezikshme për shëndetin, pasi shoqërohen me pasoja kancerogjene. Sipas Gjatës "këto pije prodhohen në Bullgari dhe janë të ndaluara të përdoren nga Organizata Botërore e Tregtisë. Madje shtetet që kanë nënshkruar marrëveshje me këtë organizatë janë të angazhuar të mos i përdorin këto elementë të konsideruar të dëmshëm për shëndetin". Madje nënshkrimi i një marrëveshje të tillë e vendos përpara angazhimit të parandalimit të këtyre prodhimeve, çdo shtet. Por këto pije freskuese janë të prodhuara në mënyrë pirate në Bullgari e Maqedoni. Edhe para disa kohësh një sasi e tillë u bllokua në tregun e Pogradecit dhe të Librazhdit, madje në Pogradec u bllokua edhe një linjë e ambalazhimit të këtyre pijeve, për të cilat lënda e parë vinte nga Maqedonia. Sipas Gjatës "u bllokuan edhe 1600 kilogramë produkte ushqimore, kryesisht çokollata, biskota dhe patatina të llojeve të ndryshme, të cilave iu kishte kaluar afati i skadencës". Sipas inspektorëve ushqimorë, këto produkte janë futur në Shqipëri nga pika doganore e Kapshticës, ose kur iu kishte kaluar afati i skadencës, ose në prag të këtij afati.

---------------------
Pini mo Uje pe Morave..cju duhet alkoli.

[Actec]

Aktiv je Brari s'ke ci thua,politiken e qan fare.Per nje fierak mafioz
gjithe fieraket i bene mafioz dhe s'le gje pa thene per ta.Nivel gjimnazistesh jo shaka.Kur kalon tek armet cuditesh dhe ke te drejte se si s'mblidhen kaq shpejt.Jane budallenj braro dhe te paafte se te aftet si puna jote ..eh jane te zene me pune te tjera.
Me ate problemin e vetvrasjeve na le pa mend fare .Nje fraze e jotja sa per dhjete analiza.