Ligj per ndalimin e skenave makaber ne TV shqiptare

[Brari]

panorama:

-------


projektligji i televizioneve

intervista


Ish-gazetari i njohur dhe ministri i Pushtetit Vendor i propozon Pëllumbit për respektimin e dinjitetit njerëzor


Blushi: Stop makabritetit në TV

Ministri: “Si më lindi ideja për të krijuar këtë projektligj”


Admirina Peçi

Pamjeve makabre në televizione, duhet t´u pritet rruga.
Duhen zhdukur nga ekranet imazhe që të rrënqethin, që paraqesin kufoma njerëzish, trupa të ngrirë nga një natë e tmerrshme dimri në mes të detit, kufoma të përçudnuara e masakruara me lloj-lloj armësh, trupat e të mbyturve, të djegurve a të copëtuar në aksidente…

Sepse të gjithë këto imazhe përplasen fort në ndërgjegjen dhe psikikën e atyre që i hasin në ekran. Dhe ata nuk mund të zgjidhen. Mund të jetë një fëmijë 5-6 vjeç, një adoleshent, një i rritur, një i moshuar apo dikush me devijime nervore. Sepse mund të jenë familjarët e një prej këtyre viktimave. Nisur nga rastet e kohëve të fundit, kur këto imazhe nuk kanë munguar nëpër ekranet e televizioneve të ndryshme shqiptare, dy ditë më parë deputeti Ben Blushi shkroi një letër drejtuar kryetarit të Kuvendit të Shqipërisë, Servet Pëllumbi. Letra në formën e një propozimi për një shtesë në ligjin “Për Radion dhe Televizionin Publik dhe privat në Republikën e Shqipërisë” me nënshkrimin “Ruajtja e dinjitetit njerëzor”. Deputeti Blushi ka përmendur si shembujt e fundit të këtyre shfaqjeve makabre në televizione, rastin e shpërthimit në minierën e Selenicës, rastin e viktimave të Karaburunit, aksidentin e djalit të Presidentit Alfred Moisiu, etj., të gjithë këto imazhe makabre të transmetuara në ekranet e televizioneve tona. Përballë këtij fakti janë vënë dje me opinionet e tyre kryeredaktorët dhe drejtorët e informacionit në televizionet kryesore në Shqipëri. Ndërsa, vetë Blushi, nisur nga ky projektligj, që pritet të shqyrtohet në parlament, tregon për gazetën “Panorama” se si i lindi ideja për një propozim të tillë, madje edhe për kohët kur ai vetë ishte kryeredaktor në një gazetë që botonte pamje të tilla në faqet e saj.

Si lindi ideja e propozimit që i keni bërë parlamentit shqiptar lidhur me ligjin për Radio Televizionin Publik dhe privat, ku ju kërkoni ndalimin e skenave makabre në ekranet shqiptare?
Ideja më lindi nga ngjarjet e fundit, si ajo e Karaburunit, e Selenicës dhe aksidenti i para pak ditëve në Tepelenë. Në këto raste, për fat të keq, janë tejkaluar caqet e moralit, duke u shfaqur pamjet e rënda që cënojnë mbi të gjitha dinjitetin e viktimave dhe sentimentin e familjarëve. Por jo vetëm të tyre, është cënuar edhe dinjiteti i një mase më të gjerë shikuesish. Mendoj se ligji aktual për Televizionet është i paplotë në drejtim të Ndalimit të programeve me skena makabriteti, si ato të kohëve të fundit. Unë besoj se ka ardhur koha të ndalohet me ligj shfaqja e skenave të tilla, sepse, kjo gjë nuk mund t’i lihet më vullnetit, intelektit apo moralit të drejtorëve, editorëve dhe gazetarëve të tyre, të cilët për arsye të konkurrencës së egër i kanë fshirë kufijtë e etikës.

Ju vetë keni qenë kryeredaktor i gazetës “Koha Jonë”, dhe pikërisht në një moment të vështirë, në vitin 1997, ku në faqet e saj janë botuar pamje të skenave të tilla…
Kjo është një arsye më tepër për të kërkuar një rregull. Sepse unë e njoh botën e mediave shqiptare. E duke qenë pesimist për kapacitetin intelektual dhe nevojën për një autocensurë të vetë gazetarëve, kam kërkuar që kjo çështje të rregullohet me një ligj. Por edhe nëse në kohën që kam punuar, unë ka pasur shfaqje të tilla në gazetë, kjo është një arsye më shumë për të thënë se ka ardhur dita për ta frenuar këtë gjë. Nëse unë kam qenë në ndonjë rast që nuk e mbaj mend në pozitën e atij që ka cënuar integritetin personal të dikujt, ka gjithmonë një kohë për të kërkuar ndjesë.

Mendoni se ky projektligj do të gjejë shpejt miratim?
I takon parlamentit që ta vendosë. Unë mendoj se është urgjente, shumë urgjente.



propozimi

Në ligjin nr.8410, datë 30.09.1998 “Për Radion dhe Televizionin Publik dhe privat në Republikën e Shqipërisë”, në nenin 38 të tij, parashikohen programet e ndaluara me ligj. Të tillë konsiderohen ato programe që nxisin dhunën, urrejtjen kombëtare, fetare e raciale, veprime antikushtetuese etj. Por në asnjë nga pikat e këtij neni nuk parashikohet ruajtja e dinjitetit njerëzor. Pikërisht këtij qëllimi i shërben projektligji që po paraqitet për miratim.

Mbështetur në nenin 81, pika 1, të Kushtetutës së Republikës së Shqipërisë, marr shkas të propozoj këtë projektligj me shpresë se miratimi i tij si shtesë në nenin “Programet e ndaluara me ligj” do të ndikojë drejtpërsëdrejti në respektimin e dinjitetit njerëzor, personalitetit, jetës private të njeriut, parime themelore të veprimtarisë radiotelevizive.


TOP Channel
Realiteti mediatik shqiptar nuk është kaq i zi

Drejtori i informacionit në Top Channel, Andi Bejtja, thotë: “Parimisht dhe teorikisht ministri Blushi ka të drejtë, sepse kohët e fundit ka pasur pamje të tilla në televizionet tona. Mendoj se ky problem nuk mund të rregullohet me ligj, por thjeshtë me kodin e etikës së gazetarit dhe mbi të gjitha nuk di ndonjë shtet tjetër që këtë çështje ta ketë rregulluar vërtet me ligj. Nuk mendoj se televizionet shqiptare janë të vetmit që e kanë ekzagjeruar më shumë duke shfaqur pamje të tilla. Ka televizione të standardeve shumë më të mëdha si CNN, BBC, Al-Jaezira etj., të cilat kanë shfaqur pamje të tilla kur kanë qenë në funksion të nxjerrjes në pah sa më mirë të lajmit, si ajo e robërve irakenë që Sadami i vriste me dinamit. Unë mendoj se kjo gjë nuk rregullohet me ligj dhe realiteti mediatik shqiptar sa i përket kësaj çështjeje, nuk është kaq i zi dhe problematik. Në një shoqëri që është e mbushur me vrasje në familje dhe skena makabre, mund të them se media shqiptare mbulon vetëm 20 për qind të këtyre ngjarjeve dhe shpeshherë jo me pamje. Edhe gabimet që kanë ndodhur deri tani lidhen ngushtësisht me kohën e pakët që nga krijimi i tyre.



TV KLAN
Propozimi i Blushit nuk është i sinqertë

Enkel Demi, kryeredaktor në TV Klan thotë se ngjarja më e fundit “ishte ndodhia me kufomën e Admir Moisiut, që ne nuk e dhamë, por një nga kanalet e dha dhe u detyrua dhe kërkoi falje. Unë mendoj se kjo nuk rregullohet me ligj, ka një kod etike të gazetarëve që nëse zbatohet ai nuk ka nevojë për shtesa në ligj a vendosje sanksionesh. Mendoj se shqetësimi i tij është shumë i drejtë, por duke pasur parasysh se vetë Blushi kur ka qenë kryeredaktor i “Koha Jonë”, nuk e ka zbatuar as vetë këtë kod, atëherë nuk më duket diçka e sinqertë nga ana e tij. Ne në “TV Klan” mundohemi të mos japim fare, jo vetëm pamjet e skenave makabre, por edhe pamjet që sjell vetë policia, për të arrestuar, përplasur pas murit. Nuk mendoj se është i drejtë ky ligj, sepse ka momente të caktuara që pamje të tilla ndikojnë pozitivisht në opinion. Për masakrat kolektive si ajo e ´97-ës është mirë të transmetohen se tregojnë shkallën e çmendurisë ku ishim përfshirë. Kjo mund të jetë edhe arsyeja që e ka shtyrë Blushin për këtë propozim, sepse partia e tij mund të ketë probleme me ato pamje.



Vizion Plus
Media shqiptare nuk është ajo e para 7 viteve

Ilir Babaramo, kryeredaktor i Vizion Plus shprehet: “E mirëkuptoj shqetësimin e një prej gazetarëve më të njohur shqiptarë, Ben Blushi. Gjithsesi, do të isha i mendimit se zgjidhja më e mirë, është deontologjia dhe jo hartimi i një ligji nga parlamenti. Z. Blushi duhet ta kuptojë se shtypi shqiptar nuk është më ai i 7 viteve më parë. Tani më duhet të pohoj me dhimbje se ka më shumë media se gazetarë, e gjithsesi, seleksionimin më të mirë si në çdo aspekt tjetër dhe në etikën profesionale të gazetarëve shqiptarë, është tregu ai që e bën. Me këtë do të doja të thosha se rastet sporadike të dhunës në një apo dy kanale të veçanta shmangen përmes seleksionimit nga vetë qytetarët. Skenat e dhunës, transmetohen në emër të një konkurrence të ashpër. Unë do të isha i mendimit se betejën e kanë të fituar ato media që nuk ndërtohen mbi agresivitet.



TVSH
Profesionalizmi shmang makabritetin në ekran

Për drejtorin e informacionit në Televizionin Publik Shqiptar, z.Artur Zonja: “Profesionalizmi shmang shfaqjen e pamjeve makabre në ekran, por meqë ai në shumë raste mungon, duhet të isha plotësisht me Blushin për një amendament në ligjin për Radio Televizionin Publik dhe Privat, i cili të ndalojë shfaqjen e pamjeve makabre. Ne kemi gati dhjetë ditë që në emisionin e lajmeve, kemi hapur një rubrikë “Etika në media dhe politikë”, ku analistë të ndryshëm dhe politikanë janë shprehur kundër shfaqjes së pamjeve makabre në ekran. Do të isha kundër keqpërdorimit të pamjeve makabre, përveç rasteve të sensibiliteteve të mëdha si krimet e serbëve në Kosovë dhe lufta në Irak, ku përmes pamjeve të tilla agjencitë prestigjoze si “Rojter”, kanë përdorur pamje nga masakrat, për të sensibilizuar opinionin kombëtar. Kurse në Shqipëri kam përshtypjen se pamjet makabre keqpërdoren për hir të skupit dhe rivaliteti mes mediave të shkruara dhe elektronike.



TVA
Nuk besoj se ky projektligj do të pastrojë ekranet

Edmond Laçi, drejtor i informacionit në TVA shprehet: Jam i sigurtë se s’ka gazetar në botë që mund të pershëndesë një ligj ose më keq akoma një projektligj që pritet të aprovohet, sidomos kur bëhet fjalë për rregulla që në një farë mënyre kornizojnë pasqyrimin e së vërtetës. Megjithatë, “projektligji Blushi” besoj se ka kohë që është kthyer në ligj nga vetë drejtuesit e mediave në Shqipëri, natyrisht duke përjashtuar ndonjë episod që kurrsesi s’mund ta inkriminojë profesionalizmin e editorëve shqiptarë. Personalisht jam kundër pamjeve makabre në ekran dhe, jam përpjekur që TVA, të mos ofrojë të tilla, sidomos në orare kur ato duhet të jenë të ndaluara absolutisht. Tema që sapo është rikthyer në vëmendje, ka kohë që debatohet edhe në vende nga ku ne marrim leksione, si për median ashtu edhe për demokracinë. Ndaj nuk besoj se ky projektligj do të pastrojë ekranet nga pamjet që s’duhet të transmetohen, por që në të vërtetë ndodhin çdo ditë. Nëse një “scoop” më pak, do të ishte një dhimbje më pak, jam i sigurtë se ky emër s’kishte për të ekzistuar kurrë në fjalorin e gazetarëve.

-----------



di llafe..

...por Blushi nuk eshte kunder ama te kete Kanibalen.. pra objektin dhe subjektin e Makabritetit.. si psh Zonjen kanibale Luiz Hoxha.. shoqe kongresi e bile te rrije b-ith me b-ithe pran saje e tja shekoje dhembet e ta ndjeje firomen..e biles.. ta emeroje vartese me detyre te larte ne ministri te pushtetit lokal.. sic eshte pikerisht nen nomenklature te vet Ben Tos Nano Kico Blushit emerimi i saje PREFEKTE e BERATIT..

Me ke tallet ki ben Blushua ine..miliarder??