Te japesh apo te mos japesh (borxh) kjo eshte ceshtja!

[ganoid]

Kurrë mos u jepni borxh shokëve?!


Mikja ime Ela më drejtoi një pyetje që sot shqetëson shumë njerëz: Përse ti nuk i përgjigjesh pozitivisht kërkesës së miqve apo të afërmve të tu kur ata të kërkojnë para borxh?
Ajo ka një shoqe të sajën e cila i kërkonte shpeshherë borxh në dy vitet e fundit dhe ajo si një njeri me zemër të madhe e ndihmonte gjithmonë me arsyen se mikja e saj po rriste një fëmijë pa baba, një situatë të cilën Ela e konsideron të vështirë. Kur Ela i përgjigjet telefonatës së saj, dëgjon nga ana tjetër e telefonit një zë që i përulet. “Ajo më telefonon vetëm kur ndihet keq, - thotë Ela, - do të më pëlqente sikur të më merrte në telefon vetëm për të pyetur si jam me shëndet”.
Të gjithë ne kemi dëgjuar dhe ndoshta përjetuar rrezikun e dhënies apo marrjes së parave borxh shokëve apo miqve. Shpeshherë dëgjojmë: “Mos e bëj, do të kesh vetëm shqetësime, do të përfundosh keq dhe…”
Disa herë ti do të ndihmosh, herë të tjera je i detyruar të ndihmosh. Dhe kështu nuk thua dot jo. Më vonë fillon e beson atë çfarë të tjerët të këshilluan, por është tepër vonë. Kur flitet për borxhe midis shokësh, rreziku më i madh qëndron në atë që mund të humbasësh dyfish: shokun dhe paratë.
Por nëse në do t’ju drejtonim këto pyetje, si do t’iu përgjigjeshit? A mundeni ju që jepni para borxh t’iu kërkoni miqve interes? Dhe nëse po në çfarë norme interesi? Ju që merrni borxh do të paguanit normën e interesit në mënyrë që të mos bezdiseni vazhdimisht nga shoku juaj? Në cilin vend të listës së kreditorëve mendoni se do t’ju rendiste miku juaj? Si do të vepronit ju huadhënësit në rastin kur këto para iu janë kthyer aq me vonesë, sa nuk e kanë më vlerën e kohës kur janë dhënë borxh?
Një punonjëse banke e pa veten ngushtë kur iu nevojitën 5.000.000 në dorë dhe e gjeti zgjidhjen tek një miku i saj, të cilit i premtoi kthimin e parave brenda 10 muajve me çek. “Ndërkohë unë isha shumë e zënë sa harrova fare dhe në momentin kur unë ia ktheva ai e grisi çekun. U ndieva e turpëruar dhe shumë në siklet”. Nga kjo eksperiencë ajo kuptoi që borxhet midis shokëve apo edhe midis pjesëtarëve të familjes krijojnë çrregullim në një marrëdhënie dhe situtata aspak të këndshme.
“Nuk ndihesh i qetë kur ke borxh, dhe në momentin e parë që e kthen ndihesh jashtëzakonisht mirë. Jam betuar të mos marr më asnjëherë borxh, – thotë Ervini (25 vjeç).
Jo vetëm ata që kanë borxh, por edhe ata që japin ndihen në një situatë të tillë, të parehatshme, qoftë edhe kur flitet për shuma jo të mëdha. Ledia tregon për rastin kur një i njohuri i saj i kërkoi borxh një shumë modeste dhe sot pas katër muajsh ajo nuk i ka marrë paratë. “Mbase nuk do të guxoj t’ia kërkoj edhe nëse e takoj pasi tani nuk vlen më as shoqëria me të”.
Edhe midis familjarëve ndodh i njëjti fenomen. Por familja mbetet gjithmonë familje dhe ti nuk mund të thuash “jo” në shumicën e rasteve. Duhet pasur parasysh që kur jep borxh brenda familjes ti je i fundit i listës në rastin e kthimit. Andi tregon për lekët që dha ndërkohë që e motra vazhdonte studimet dhe as që kishte ndër mend t’ia kërkonte, por tani që ajo ndodhet në jugun e Francës me pushime nuk e fsheh dot mendimin që i kaloi nëpër mendje. “Ndonjëherë nuk ia vlen të sakrifikosh qoftë edhe për familjarët e tu”. Por për prindërit nuk është e njëjta gjë. Ata janë të ndërgjegjshëm që edhe në rastin kur u japin “borxh” fëmijëve të tyre kurrë nuk do t’ua kërkonin.
Cili do të ishte përfundimi?
Në rastin kur ju kërkohet borxh duhet të merrni mirë parasysh faktin që ata para mund të mos i merrni më kurrë. Në rastin kur do të jepni borxh duhet të mos i llogarisni më si pasuri personale, përndryshe mos jepni borxh. Gjithsesi, ndonjëherë si rasti i Elës që përmendëm mund të sakrifikosh për hir të shoqërisë. Por nga ana tjetër ekziston rreziku i humbjes së miqësisë, që jo rrallëherë vlen më shumë sesa një thesar.




Kush ka ndonje mendim eshte i lutur ta hedhi

[jonidapasho]

PASI E KAM PROVUAR SHUME HERE TE JAP LEKE BORXH DHE KY FAKT ME KA KRIJUAR SHUME HERE ANKTH, PROBLEME DHE STRESE PA QENE NEVOJA TANI JAM BETUAR MOS TE JAP AS NJE MAJ THUA.

PUNA NDRYSHON VETEM PER SA I PERKET PRINDERVE. ATYRE JU JE BORXHLI GJITHMONE DHE KESHTU QE SADO LEK TU JAPESH HUA OSE TUA FALESH NUK UA SHPERBLEN DOT KURRE FAKTIN QE TE SOLLEN NE JETE.

NEJSE KESHILLA IME ESHTE MOS TI JEPNI BORXH KURRE ASNJERIUT PERVEC PRINDERVE.

KUSH PESON, MESON

[bicjani]

jonidapasho NEJSE KESHILLA IME ESHTE MOS TI JEPNI BORXH KURRE ASNJERIUT

Per mendimin tim patjeter qe duhet te japish borgj.Kjo eshte nje gje normale ,megjithese ekziston frika e mos kthimit te borgjit..Ka shume njerez qe nuk arrijne te kryejne nevojat kryesore te jeteses vetem me mundesite e veta.Te ndihmosh dike e kam fjalen te japesh borgj eshte nje ndihme per persona te tille.Mendo qe nje dite edhe ti mund te biesh nje nje gjendje te tille.Une do jepja dhe jap ..................

[jonidapasho]

bicjan,

Asnjehere ato qe themi nuk jane absolute. Vlejne pergjithesisht.

psh nqs nje miku im nuk do kishte te hante nje cope buke do ti jepja ashtu si kam dhene dhe nuk me jane kthyer asnjehere mbrapsh. Por kur dikush me kerkoi se donte te blente saab ne vend te seicentos i thashe nuk kam te te jap.

Gjerat jane te thjeshta........

[R2T]

Kur behet fjale per te dhene borxh, pajtohem plotesisht me frazen e thene ne filmin Bronx: - "Nese dike e heq qafe me $20 sot, eshte shume me mire se sa ta kesh pas gjithe jeten e te te mare me teper".

Dikush qe kerkon borxh sot, ka te ngjare qe do te te kerkoje dhe neser. Nese e heq qafe nga jeta ime me $20, qe nuk do mi ktheje me, jam shume i lumtur. Bera nje investim, i kurseva vetes kohen qe do humbisja me kete person, dhe ndoshta nga nje borxh me i madh qe do me kerkonte neser. Pa me kthyer borxhin qe me ka, s'ka sy e faqe te kerkoje me teper, dhe po pati i vjen anes.

Personalisht 80% te rasteve jap borxh (kuptohet duke analizuar personin dhe shumen). Kjo sepse 1) me jep mundesine te shikoj me cfare njeriu kam te bej 2) i kursej vetes telashet qe mund te vinin me pas.

[CUFO]

eksperienca me ka treguar jane dy rruge e para qe ne qofte se nje person ka nje problem dhe kerkon leke jepi por vetem se ti e di per siguri qe ka problem dhe ne te njejten kohe ai/ajo ka mundesi per ti kthyer keto leke e dyta ne te njejten kohe me sa kam pare ne greqi apo ne ketu angli mos i jep asnjeriu qe te jesh i qete.