Prokuroria e Tiranes "humbet" faktet e kriminalistikes

[Brari]

bm/bm (GazetaShqiptare/BalkanWeb)


TIRANE (13 Mars) - Dosja e zhdukjes së 45 akteve të ekspertimit në Laboratorin Kriminalistik, ka mbërritur në Prokurorinë e Tiranës. Një hetim intensiv i strukturave të Shërbimit të Kontrollit të Brendshëm të Ministrisë së Rendit, ka përgatitur në kohë urgjent dosjen me dëshmi dhe fakte për zhdukjen e akteve duke i kaluar në Prokurorinë e Tiranës. Në dosje, sipas një pohimi nga SHKB për Gazetën, ka dëshmi të personave të ndryshëm që punojnë në Laborator dhe që kanë përgjegjësi për ruajtjen e akteve, dëshmi nga persona të cilët kanë mundësi të marrin një akt pa u'a ndaluar moskompetenca etj. Njëkohësisht ata kanë hartuar edhe një listë të akteve që mungojnë Në Prokurorinë e Tiranës dosja e pazakontë ka kërkuar një konsultë të krerëve të saj. Gjithsesi nuk është vendosur fillimi i ndonjë çështjeje penale dhe informacionet janë të pakta për fatin e dosjes. Një burim i Prokurorisë pohoi për Gazetën se zhdukja e akteve të ekspertimit nuk përbënte ndonjë vepër penale. Sipas tij aktet përbënin dokumenta të vjetra, të cilat kishin shërbyer për të dokumentuar një vepër penale. Sipas të njëjtit person, humbja e akteve të Laboratorit ishte gjithsesi një vepër e dënueshme. Sipas prokurorit personi, apo grupi i personave, të cilat janë përgjegjës për këto veprime duhet të përballën me masa ekstreme disiplinore. Porse ekspertë të tjerë të Ministrisë së Rendit nuk janë aspak dakord me këto argumentime të Prokurorisë. Sipas tyre nëse në Laborator mungon akti origjinal i një çështjeje nën hetim, atëherë i akuzuari mund t'i shpëtojë burgut. Sipas të njëjtës logjikë në momentin që akti mungon, mbrojtësi ligjor i të pandehurit mund të kërkojë riekspertimin e provës (ka ndodhur në shumë raste) pasi ose nuk e bind ekspertiza e parë, ose ajo i duket false, apo thjesht dokumenti është i palexueshëm apo i dëmtuar. Dhe nëse avokati ia arrin këtij qëllimi, mund të pasojë katastrofa për palën që përfaqëson shtetin. Pasi nëse mungon kopjua e vetme e ekspertizës në Laborator, atëherë duhet ribërë ekspertimi. Por mund të ndodhë që objektet të jenë zhdukur. Pra armët apo sende të tjera objekt ekspertimi, kanë kaluar në depo apo janë asgjesuar. Në këto kushte i akuzuari mund të përfitojë lirinë. Të paktën në dy raste ka patur lajme sipas të cilave ekspertë të ndryshëm të Laboratorit janë pezulluar nga detyra për "gafat" e tyre. Por vetëm kaq. Ata përsëri u kthyen në punë. U kthyen në punë edhe ata, gabimet e të cilëve i kushtuan ministrisë së Rendit 90 milionë lekë të vjetra etj. Por, edhe pas shumë akuzave të bëra publike në shtyp, askush nga krerët e ministrisë së Rendit nuk është bërë i gjallë të ndërmarrë një hetim për të përcaktuar nëse këto "gafa" janë bërë nga pakujdesia, paaftësia apo për përfitim. Akuzat në media filluan pas publikimit me foto të materialeve të skaduara prej vitesh, të blera nga krerët e Laboratorit dhe që ende përdoren prej tij. Më tej skandale të tjera janë botuar në lidhje me një sërë ekspertizash të gabuara, të cilat u kanë kushtuar të dëmtuarve edhe burgun. Duket të njëjtin fat do të ketë edhe zbulimi i bërë nga Gazeta, sipas të cilit rreth 45 dosje mungojnë në arshivën e këtij laboratori.

bm/bm (GazetaShqiptare/BalkanWeb)

[Brari]

Le te kontrolloje qeveria se cilet nga nepunsit e laboratorit kriminalistik ka Vile 3-4 kateshe e benz silver fringo e ja u gjet hajduti i Dosjeve..

Jo me kot njera nga grat e ktyre eksperteve te laboratorit harxhoi per 5 dit ne kryeqytetin X mijra e mijra euro sa habiti dhe hotelxhinjte vendas qe kan pare dhe Sheiker si kliente te tyre..

jepi partia "specialiste" jepi.. me te lumte jo sqepi .. po nockat prej Hipopotami.. dhe jo me kot politbyroja e Ps -se ngjajne me hipopotame.. te majme..