Angli: Zbulohen vrasesit e shqiptarit nga Lushnja

[Shijaksi-London]

ANGLI/ JA EMRAT E SHQIPTAREVE QE I DOGJEN KUFOMEN

Zbulohen vrasësit e lushnjarit
I akuzuari tregon ekzekutorët e Tafë Krasniqit


--------------------------------------------------------------------------------

Nga Londra, Muhamed Veliu


ANGLI

Zbulohen autorët e vrasjes së emigrantit nga Lushnja, i njohur në Angli me emrin Tafë Krasniqi (nuk dihet nëse ky është emri i vërtetë). Ekzekutimi dhe djegia e kufomës së lushnjarit në qytezën e Lutonit është zbardhur, pasi një shqiptar që akuzohej për vrasjen e tij nuk ka hezituar që në sallën e gjyqit të përmendë autorët e vërtetë të vrasjes. Emigranti Tafë Krasniqi, i cili çuditërisht përdorte disa emra, pasi është goditur më thikë brënda makinës së tij tip "Rover", më pas është djegur nga vrasësit, me gjithë makinën në mënyrë për të zhdukur çdo gjurmë që do të çonte në identifikimin e tyre. Ngjarja e cila tronditi komunitetin shqiptar në qytezën e Lutonit ka ndodhur në 21 shtator 2002 në rrethana tejet misterioze. Megjithëse kanë kaluar gati dy vjet nga vrasja e ndodhur në Millfield Lane, Caddington, Bedfordshire, vetëm tani janë zbuluar autorët. Për ekzekutimin dhe djegien fillimisht është akuzuar 19-vjeçari me origjinë nga një fshat i Lushnjës, Ardit Gjermeni. Vrasja u cilësua si mafioze dhe që ka pasur për qëllim edhe të ngjallë panik te njerëzit që e njihnin lushnjarin e quajtur Taf Krasniqi. Pas një hetimi intensiv të këtij krimi të mistershëm, pa asnjë dëshmitar okular apo provë materiale, detektivët anglezë, duke patur në dosjen hetimore informacione të plota për jetën e Tafë Krasniqit, përfshi disa të dhëna operative nga komuniteti shqiptar në qytezën e Lutonit, arrestoi më 5 qershor 2003 Ardit Gjermenin, si të dyshuar kryesor për vrasjen. Në të 12 intervistat e zhvilluara me Gjermenin në hetuesi, ai ka mohuar kategorisht përfshirjen e tij në vrasje. Pas një procesi disajavor në Gjykatën e Lutonir, "Luton Crown Court", ku Gjermeni akuzohej për rrëmbimin e Taf Krasniqit dhe më pas vrasjen e tij, ai është shpallur i pafajshëm, duke u lënë i lire. "Unë nuk jam vrasësi. Kurrë nuk jam përzier në një gjë të tillë, por e di se kush janë ata të cilët e vranë Tafën", është shprehur Ardit Gjermeni gjatë një seance gjyqësore. Ai më pas nuk ka hezituar që të bëjë publik në gjykatë emrat e vrasësve, edhe këta po shqiptarë. Sipas dëshmisë së Gjermenit, vrasësit janë Ymer Aliu, 20 vjeç, Erlind Totaj, 21 vjeç dhe Florjan Isufi, 19 vjeç, të cilët në një bisedë që kanë patur me të kanë pranuar se ata kanë vrarë Tafë Krasniqin.


Loja me emrat e shiptarëve

Loja e shumë identiteve sikur përdorej nga viktima, ishte përdorur edhe nga autorët e masakrimit të tij. Sipas policisë së Lutonit, Tafë Krasniqi njihej në komunitetin e shqiptarëve dahe njerëzve të tjerë britanikë si Marko Tafareli, Mustafa, Fatmir, apo Vladimir Shabani. Të njëjtat burime policore të Lutonit kanë bërë të ditur se Ymer Aliu njihet edhe me emrat Erald Velo apo Aldo Konti, ndërsa Erlind Totaj njihet si Erin Tota.