Dhunohen edhe varret

[klevis2]

Shekulli

Dhunohet për herë të katërt varri i nënë Pashakos
Jorgjeta Gjançi

KORÇË- Është shkatërruar tërësisht varri i Pashako Rexhepit, gruaja e njohur në veprat e Dritëro Agollit me emrin nënë Pashako. Së bashku me varrin e saj është shkatërruar në mënyrë barbare dhe varri i djalit të saj Neimit, bashkëshortes së tij Nuries dhe 4 të afërmëve të tyre. Ata prehen në varrezat e fshatit Pirg, 24 km larg Korçës. Policia tha se ka identifikuar autorët, emrat e të cilëve nuk bëhen të ditur. Pashako Rexhepi (Gurra) është motra e 6 vëllezërve Gurra nga Shkozanji i Oparit, që janë shpallur patriotë të Rilindjes Kombëtare. Më i dëgjuar është vëllai i saj Asllan Gurra, pjesëtar i çetave patriotike dhe pjesëmarrës në luftën për pavarësi në vitet 1911 – 1914, në luftën e Vlorës dhe në Luftën Antifashiste Nacionalçlirimtare. Pashako Rexhepi, e vendosur në fshatin Pirg, në vitin 1920, së bashku me burrin dhe fëmijët, e ktheu shtëpinë në vitet e luftës, në një nga bazat më të rëndësishme të rezistencës popullore ndaj pushtuesve të huaj. Ajo i dha luftës dy djemtë e saj. Nënë Pashakoja është bërë e njohur si simbol i luftës së grave shqiptare dhe nëpërmjet filmit ‘’Yjet e netëve të gjata’’ me skenar të Dritëro Agolit dhe interpretuar nga Artistja e Popullit Tinka Kurti. Familjarë të pakët të Nënë Pashakos, që jetojnë në Pirg kanë deklaruar për gazetën se gjatë 11 viteve të fundit është hera e 4 që dhunohet varri i saj. “Ka njerëz këtu në fshat që gjithë jetën kanë patur xhelozi për familjen dhe fisin e kësaj nëne të paepur ndaj dhe veprojnë kështu fshehur”, -tha nipi i saj Tefik Meçollari. Zëdhënësi i shtypit i policisë së Korçës tha se motivi i kësaj ngjarjeje është hakmarrje politike. Burimet thanë se autorët e dyshuar figurojnë dhe si kontigjentë të policisë.
13/03/2004

[Administrator1]

Kjo tregon se sa EGËRSIRA janë njerëzit dhe se çfarë hakmmarje kanë ata që flasin për MOS HAKMARRJE.
Ku po shkojmë vallë??A egziston ndonjë lloj ndjenje tek këta BARBARË që nuk shohin dot më larg se politika dhe urrejtja ndaj të tjerëve??
Si ka mundësi që rrojnë mbi tokë njerëz të tillë akoma do thoni ju??
I solli politika përsëri të bëhen të tillë se kishin rënë SQUK
E dënoj dhunën e KANIBALËVE.
ADMINISTRATOR1