Partia Islamike Shqiptare

[Hyllien]

Pershendetje pashe nje artikull sot ne Gazeten Shqiptare qe nuk munda dot ta hap. Pasi bera dhe tutinen javore qe marr te afermit ne Shqiperi morra vesh se ka kohe qe flitet per krijimin e nje Partie me karakter Fetar ne shqiperi.

[Hyllien]

I shkolluari ne Damask te Sirise kerkon hapjen e Partise se pare me karakter fetar ne shqiperi, asaj Islame.


-------------------------------------------------------------------------------
TOGAT E ZEZA NUK KANE MARRE VENDIMIN

Gati partia islame shqiptare
"Mëmëdheu", kërkesa në gjykatë më 14 shkurt


--------------------------------------------------------------------------------

ar.to


Gati formimi i një partie islame në Shqipëri. Ka një muaj që në Gjykatën e Shkallës së Parë të Tiranës, është paraqitur një kërkesë me anë të së cilës, një grup personash që ushtrojnë dhe praktikojnë fenë islame, kërkojnë formimin e një partie politike. "Mëmëdheu" është emri i formacionit më të ri politik që kërkojnë të formojnë shtetasit shqiptarë. Artan Shaqiri imami shkodran, është një nga personat që është paraqitur në Gjykatën e Shkallës së Parë të Tiranës, si një nga kërkuesit për themelimin e kësaj partie të re. Programi, statusi, si dhe kriteret e anëtarësimit, synimi i saj, janë paraqitur para gjykatës me një dokumentacion të përmbledhur dhe dorëzuar tashmë. Krerët, apo themeluesit e partisë që mendohet të lindë, janë në pritje të vendimit të togave të zeza të kryeqytetit. Kërkesa është dorëzuar në sekretarinë e Gjykatës së Tiranës me 14 shkurt 2004 dhe është caktuar gjykatësi që do të marrë në shqyrtim atë, për të konkretizuar me një vendim pranimi ose jo. Do të jetë juristi ai që do të çmojë nëse programi statusi dhe pretendimet e partisë kandidate, materialet e depozituara në gjykatë, plotësojnë kriteret ligjore të cilat janë të përcaktuara në Kushtetutën shqiptare për formimin e një partie politike. Sipas burimeve pranë grupit nismëtar të themelimit të kësaj partie, pretendohet se ka në program një nga pikat, ku kërkohet unifikimi i myslimanëve mbarëshqiptarë. Gjithashtu ndonëse programi nuk është bërë ende publik, mendohet po sipas të njëjtave burime se rikthimi i Shqipërisë në Lidhjen Islamike, është një ndër synimet e partisë së re që pret vendimin e Gjykatës për të marrë një leje ligjore që të nisë jetën e saj. Gjithashtu përfshirja e arsimit fetar në arsimin shqiptar është një tjetër ide e partiakëve të rinj. Por nga ata theksohet se nuk ka tendenca ekstreme fetare.

Gjykata
Seanca e parë e caktuar nga gjykata për shqyrtimin e kësaj kërkese ka qenë të enjten me 10 mars 2004. Por ajo është shtyrë, pasi gjykatësi nuk ka qenë i pranishëm për arsye shëndetsore.
Burime nga Gjykata e Shkallës së Parë Tiranë, kanë saktësuar se është dorëzuar kërkesa për formimin e një partie të re. Po sipas burimeve të mësipërme, është dorëzuar i gjithë dokumentacioni, që është administruar nga strukturat përkatëse të gjyqësorit. Megjithë afatin kohor që është në prag të skadimit, ende nuk është shqyrtuar çështja. Gjyqtari do të vendosë për marrjen e një vendimi pozitiv, ose refuzimin e kërkesës së bërë një muaj më parë. Në gjykatë sqarojë gjithashtu se janë një numër i madh kërkesash për formime partish, e shoqatash dhe kërkohet zbatimi i procedurave ligjore për secilin subjekt që paraqitet.

Shaqiri
Sipas burimeve nga Gjykata e Tiranës, Artan Shaqiri, është një ndër anëtarët që ka kërkuar themelimin e partisë "Mëmëdheu". Shaqiri është afër 30 vjeç, i shkolluar në Damask dhe ka punuar imam në disa rrethe të vendit. Në Lezhë, në Përmet ai ka qenë në punë si imam. Ndërkohë që ka punuar dhe afro një vit në Kryegjyshatën e bektashinjve në Tiranë, ku mbahej si një nga teologët më të mirë të fesë synite. Në Kryegjyshatë pohojnë se është e vërtetë që Shaqiri, ka punuar prej një viti aty, por është larguar para disa kohësh nga puna dhe ka shkuar diku tjetër, adresë të cilën ata ngurojnë ta tregojnë. Sipas burimeve pranë nismëtarëve theksohet se në programin e paraqitur ka nuanca fetare, shihen tendencat religjioze, por nuk mund të thuhet se kemi të bëjmë me një grup ekstremistësh që kërkojnë themelimin e një formacioni politik fetar në Shqipëri. Dilema ende nuk ka marrë një vendim gjyqsor, që pritet të konfirmohet së shpejti. Javën e ardhshme është caktuar një tjetër datë për të zhvilluar një seancë gjyqsore.


Kushtetuta ndalon partitë fetare e etnike

Kushtetuta e Republikës së Shqipërisë përcakton modelin e shtetit shqiptar, i cili sipas saj është një shtet laik, "ku nuk ka fe zyrtare". Në bazë të saj, partitë politike shqiptare nuk lejohen të nxisin dhe përkrahin urrejtje racore, fetare, krahinore apo etnike, përndryshe ato klasifikohen si të paligjshme. Shteti shqiptar i bazuar në kushtetutë, njeh barazinë e bashkësive fetare dhe qëndron mbi përkatësitë fetare duke luajtur një rol asnjanës përsa i përket besimit fetar. Kjo është një nga pengesat kryesore të krijimit të partive që kanë në bazë të tyre synime fetare apo etnike. "Shteti është asnjanës në çështjet e besimit e të ndërgjegjes dhe garanton lirinë e shprehjes së tyre në jetën publike", përcaktohet në Kushtetutën e Republikës së Shqipërisë. Por si shtet laik, Shqipëria mbetet një shtet që ka ndarë dhe shkollën publike nga feja, duke e bërë edhe atë laike. Në të nuk predikohen besimet e ndryshme fetare që bashkëjetojnë me popullin tonë, duke e vendosur shkollën jashtë çdo ndikimi fetar, kushdo qoftë ai. Mbi këto baza kushtetuese, shteti shqiptar ka vendosur marrëdhënie specifike me besimet fetare, marrëdhënie të një pavarësie të ndërsjelltë mes tyre. Sipas Nenit 10 të Kushtetutës së Shqipërisë, "marrëdhëniet ndërmjet shtetit dhe bashkësive fetare rregullohen mbi bazën e marrëveshjeve të lidhura ndërmjet përfaqësuesve të tyre dhe Këshillit të Ministrave. Këto marrëveshje ratifikohen në Kuvend". Nga ana e tyre, bashkësitë fetare janë persona juridikë. Ato kanë pavarësi në administrimin e pasurive të tyre sipas parimeve, rregullave dhe kanoneve të tyre, për sa nuk cënohen interesat e të tretëve.


SHBA kritika formimit të partive

Raporti vjetor i departamentit amerikan të shtetit bënte edhe një pasqyrë të detajuar të situatës së besimeve fetare në Shqipëri. Raporti vëren se bashkëjetesa është e mirë. Ndërkohë në raport përmendet edhe fakti se në Shqipëri nuk cënohet e drejta e organizimit apo krijimit të partive. Më tej në formë konstatimi thuhet se kontrolli i dokumentacionit të krijimit të partive apo organizatave është rutinor. Një konstatim i tillë nuk komentohet në raportin e departamentit të Shtetit por thjeshtë mënyra e nxjerjes në pah të faktit që kontrolli është rutinor është një kritikë më vete.

[fundamentalisti]

po patjeter jo veq duhet qe ta kete shqiperia nje parti me karaktere fetare islame si qe ka me karaktere krishtere ajo eshte shume normale duhete ta kete patjetere.....
une mendoje se edhe se ata jane vonuare shume ajo ka qen dashte shume me herete mu formue, siq ka qene para komunizmit
atehere shqiptaret kane qene te bashkuare...........

[DeuS]

Partia Katastrofike Shqiptare !

Pse hyj ne tema te tilla dhe behem me dhimbje koke une mer jahu ?!

Deri tani po shpresoj qe " E thena me te beren = 2 "

Te na dali edhe nje parti katolike neser dhe po behemi ne sebepi i luftes se 4-ert boterore.

E mjere populli i shkrete . Mjere ne ne cilen periudhe po jetojme .

ZOTI na rujt !

[AsgjëSikurDielli]

Mesa di une, qe prej shume vitesh ekziston Partia Demokristiane e Shqiperise e nuk mbaj mend ti kete akuzuar dikush ata per fetarizem.

Eh, standarde te dyfishta.

[DeuS]

Trim , si e gjykon ti kete ?

-------------
Sipas burimeve pranë grupit nismëtar të themelimit të kësaj partie, pretendohet se ka në program një nga pikat, ku kërkohet unifikimi i myslimanëve mbarëshqiptarë. Gjithashtu ndonëse programi nuk është bërë ende publik, mendohet po sipas të njëjtave burime se rikthimi i Shqipërisë në Lidhjen Islamike, është një ndër synimet e partisë së re që pret vendimin e Gjykatës për të marrë një leje ligjore që të nisë jetën e saj. Gjithashtu përfshirja e arsimit fetar në arsimin shqiptar është një tjetër ide e partiakëve të rinj.
-----------------------------

Po kjo fjalia e fundit nuk te duket qesharake ? Apo duhet patjeter te sjellim deftesen e fillores per te treguar qe perrallave kemi kohe qe nuk u besojme ?

-----------------------------
Por nga ata theksohet se nuk ka tendenca ekstreme fetare.
-----------------------------

[AsgjëSikurDielli]

"Sipas burimeve...." nuk eshte nje fjali qe me duket fort e besueshme. Te presim programin e partise, se ca thote ajo, e te shohim se kush na qenka kjo Partia e re.

Demokracia lejon hapejen e partive te reja, si dhe cdo lloj programi qe nuk ofendon shtetasit, apo qe nuk eshte, anti-shteteror, dhe anti-demokratik. Futja e arsimit fetar nuk hyn ne asnje nga keto dy kategori, edhepse, une nuk e vleresoj shume (arsimin fetar, dmth), prandaj nuk me pelqen menyra se si e trajtojne gazetat kete ngjarje. Sidoqofte, nese Kushtetuta sanksionon hapjen e Partive Fetare sic u tha ne artikullin e mesiperm, atehere edhe Partia Demokristiane duhet te mbyllet, dhe cdo parti tjeter, qe ne emer, veper, apo program, ka te beje me fene.

Kjo Parti s'besoj te marri ndonje numer votash te konsiderueshme, duke e ditur se Lidhja e Kombeve Islame, nuk eshte ndonje organizate qe ofron ndihma te medha financiare apo projekte te medha, si te themi, BE apo NATO. Poashtu arsimi fetar, nuk eshte teme me shume rendesi ne Shqiperi. Po prape po them, te presim vete programin e partise, ta lexojme me syte tane, se "sipas burimeve...", kushedi c'do dalin ata neser.

[Ryder]

Me fol ne menyre te pa-anshme, nga cilido cep qe ta kapesh nuk do gjesh i pozitivitet ne formimin e kesaj partie.
Edhe nqs do thoni qe demokracia esht demokraci, me mire harxhojeni ate fryme duke fishkelly muziken e nej filmi te James Bondit.

[shigjeta]

Cfaredo lloj programi dhe cfaredo lloj feje, uroj qe ato te mbesin jashte politikave qeverisese. Feja dhe shteti duhet te mbeten te ndara. Historia moderne ka treguar qe ndarja e shtetit nga feja eshte dicka pozitive.

[Administrator1]

Parti DEMOKRISTIANE ka gjithë EUROPA në të cilën fatkeqsisht (për disa) na ka rënë FATI i madh të lindim.Si nuk lindëm në IRAN më mirë!!!
Parti të tjera të tipit ARAB apo Aziatik,janë jashtë kallëpit prej nga kemi PREJARDHJEN
ADMINISTRATOR1