Nano merr në varësi Komitetin për kultet fetare

[karaburuni]

Darina Tanushi

TIRANË – Kryeministri Fatos Nano do të ketë në varësi këtej e tutje Komitetin shtetëror për mbrojtjen e kulteve. Kjo është miratuar dje me një vendim të posaçëm “Për disa ndryshime në vendimin nr.459, datë 23.9.1999, të Këshillit të Ministrave, “Për krijimin e Komitetit Shtetëror për Kultet”. Sipas qeverisë vendimi synon ngritjen e nivelit të përfaqësimit dhe funksionimit të Komitetit Shtetëror për Kultet. Ky Komitet bashkërendon marrëdhëniet ndërmjet shtetit dhe komuniteteve fetare e organizmave shoqërore të çdo lloji, që kanë objekt veprimtarie dhe ndjekin qëllime fetare. Në mbështetje të ligjit “Për organizimin dhe funksionimin e Këshillit të Ministrave”, ky komitet do të jetë në varësi të kryeministrit. Emërimi i kryetarit dhe anëtarëve të tij do të bëhet nga kryeministri, duke patur parasysh dhe ruajtur parimet e asnjanësisë shtetërore dhe të barazisë së bashkësive fetare, si dhe faktin që struktura e komitetit të reflektojë realisht identitetin dhe vlerat e bashkësisë fetare. Varësia e këtij komiteti nga kryeministri mendohet se do t’i japë një impuls të ri mirëfunksionimit të tij, në mënyrë që shteti dhe bashkësitë fetare të bashkëpunojnë në të mirë të shoqërisë. Ndërkohë presidenti Moisiu është duke përgatitur një konferencë ndërballkanike për çështjet fetare. Për këtë u janë dërguar ftesa shumë përfaqësuesve të ndryshëm të Ballkanit. Para disa muajsh, në Tiranë u organizua një konferencë tjetër mbi çështjet fetare dhe bashkëjetesën fetare në Shqipëri. Në të gjitha referatet që u mbajtën nga përfaqësues të të gjitha feve dhe nga shkrimtari i njohur Ismail Kadare është theksuar se ka një tolerancë dhe mirëkuptim fetar të admirueshëm në Shqipëri.

Gazeta "Shekulli"
12/03/2004

[karaburuni]

C'dreqin do Nano me kultet fetare tani? Nuk më duket gjë e mirë, do te gatuajë ndonjë çorbë edhe aty ai!

[Dita]

Me siguri hapi i ndermarre eshte element i programit te devotshmerise se theksuar (padyshim te sinqerte) te kryeministrit ndaj besimit fetar (sidomos pas kurorezimit martesor nga fortlumturia e tij) me rrenje te thella marksisto-leniniste, devotshmeri e cila sot shpaloset ne deshiren e te qenit ne qender te vemendjes si nje faktor i pashmangshem stabiliteti ne Shqiperi.

Ne nje emision qe ve ne loje politiken (e brendshme te vendit te huaj) ne nje televizion te huaj njerit nga elementet perberes te tij per cdo here qe i "marrin mendim" per ceshtje te rendesishme ia shoqerojne emrin me cilesimin "Specialist, eh per gjithcka". Keshtu eshte dhe me kryeministrin tone, Mr. Specialistin me graden profesor ne shkencen "Strategji per rrenimin e shteteve".

[Fringo]

Ai eshte i dyti ne liste Dita, se ka nje Profesor Doktor ne ceshtjet e rrenimit te shteteve, qe ia kalon dukshem Nanos.

[Dita]

Fringo, dhe sikur ne shenje proteste per sa kam shkruar me lart, te protestohet deri ne forma ekstreme (si psh., greve urie, po ama nga ato qe te cojne ne spital me serume tek krahu e jo nga ato qe del me i shendoshe nga c'ishe kur hyre) per shkeljen e te drejtes se qenies ne krye te listes, kryeministrit tone largpames nuk ia merr dot kush vendin.