Sulm me granatë rezidences se presidentit Rugova

[Arb]

Reagim ndaj atentatit në rezidencën e presidentit të Kosovës

ÇDO ATENTAT NË INSTITUCIONE KA NJË QËLLIM TË VETËM – TË PENGOJË PAVARËSINË





--------------------------------------------------------------------------------

13 mars 2004 / TN

Atentati ndaj presidentit dr. Ibrahim Rugova është tentim për të goditur gjithë atë që Kosova ka arritur deri më sot, imazhin pozitiv dhe perspektiven e Kosovës. Kjo nuk është në interes të shqiptarëve; është vetëm në interes të atyre që duan ta kthejnë pushtimin e tyre sërish në Kosovë.

Lum HAXHIU (Hajdin Abazi)

Kosova, për herë të parë në histori dhe si asnjëherë më parë, ka arritur një shkallë shumë të volitshme afirmimi ndërkombëtar, një legjitimim gjithnjë më të pranuar nga të gjitha anët e vendeve euro-atlantike dhe, madje, edhe një mbështetje gjithnjë më të hapur për një të ardhme me pavarësi.

Kjo është një e arritur gjigante, duke pasur parasysh faktin se Kosovës i ka munguar shteti, i kanë mungur me dekada mjetet e lira të informimit, i ka munguar dhe ende i mungon diplomacia e vet për ta prezentuar, afirmuar dhe mbrojtur çdo të arritur në Kosovë. Në këtë vepër kolosale kemi marrë pjesë, në mënyrë aktive a pasive, të gjithë shqiptarët, si popull.

Mirëpo, ka të tjerë që e duan Kosovën të ecën mbrapa. Ka që e duan Kosovën ta shohin të dështojë në të gjitha segmentet. Të destabilizohet, të fillojnë grindje, protesta, trazira. Thjesht, që nuk e duan stabilitetin e Kosovës. Që nuk e duan konsolidimin e saj. Ata, që s’munden ta durojnë dot të vërtetën, se shqiptarët po ecin me të gjitha kriteret drejt pranueshmërisë evro-atlantike.

Derimë tash, ata shpresonin se shqiptarët do të dështojnë nga vetëvetja. Shpresonin se mospajtimet partiake do të merrnin përmasa konfliktuoze dhe të bllokonin progresin e Kosovës. Por, liderët politikë, në të gjitha momentet kyçe dhe me rëndësi jetike – arritën koncenzus dhe nuk bllokuan proceset e progresit në Kosovë. Me këto akte, forcat politike shqiptare të Kosovës po fitonin gjithnjë më shumë simpatinë e vendeve euro-atlantike, gjë që në kohën kur luan rol serioz çështja e opinionit, kjo ka rëndësi të madhe.

Standardet për Kosovën jo vetëm u pranuan nga institucionet kosovare, por edhe po punohet në sendërtimin e tyre. Këtë, hapur e në mënyrë publike, e kanë çmuar lart Këshilli i Sigurimit, Bashkësia Evropiane, Shtetet e Bashkuara të Amerikës.

Në funksion të pavarësisë së Kosovës janë edhe religjionet te shqiptarët, përmes tolerancës, koekzistencës dhe respektit të ndërsjellë, për çka këtyre ditëve u shpreh një vlerësim shumë pozitiv nga nënsekretari i KB-ve për Operacione Paqeruajtëse Zhan-Mari Gueno, i cili gjatë kësaj jave që po ikën ishte për vizitë zyrtare në Kosovë.

Kundër këtyre proceseve pozitive u shpreh vetëm Beogradi, i cili kërkoi zyrtarisht të diktojë formën shtetërore të Kosovës, duke e copëtuar atë përmes të ashtuquajturit kantonizim. Kjo u hodh poshtë shqiptarët dhe UNMIK-u, nga Kombet e Bashkuara, Bashkësia Evropiane, Grupi i Kontaktit. Ky dështim i politikës së Beogradit, i ka bërë qarqe të caktuara të atjeshme të kalojnë në fazën tjetër, me objektiv që t’i ndryshojë kahjet e rrjedhave në disfavor të Kosovës.

Të kujtojmë se kohë më parë, zyrtarë të UNMIK-ut paralajmëruan atentate ndaj disa liderëve të lartë të LDK-së, por ata nuk treguan se prej nga i kanë burimet, se kush mund të ishin atentatorët; dhe megjithatë, nuk morën asfarë masash sigurie! Të kujtojmë, se një kolonel aktiv në armatën serbe jomoti pati deklaruar se ende i ka sigurimcat e vet në Kosovë!

Bomba e hedhur në rezidencën e presidentit të Kosovës, dr. Ibrahim Rugova është e planifikuar mirë. Ky vit, është vit i zgjedhjeve lokale dhe nacionale. Atentati ndaj presidentit, shkakton dyshime, tensione dhe fërkime, shkakton intolerancë dhe pasiguri.

Atentatet ndaj veprimtarëve politikë dhe moszbulimi i kriminelëve, ka krijuar psikologjinë e paragjykimeve dhe ”të drejtimit të gishtit” kah shqiptarët, sidomos kah njerëzit e luftës – duke e harruar thuaja fare faktin se sigurimcat veprojnë në Kosovë! Njerëzit e luftës, me këtë mendoj në UÇK nuk mund të jenë aktorë, për të vrarë atë liri, për të cilën ata kanë luftuar kundër pushtimit të Serbisë.

Sa herë që Kosova është ndodhur para kthesave serioze e vendimtare, gjithmonë është goditur ajo. Kur po zhvilloheshin bisedimet për bashkim midis shtabit të Qeverisë së Kosovës në egzil dhe Shtabit të Përgjithshëm të UÇK-së, a nuk u bë atentat mbi personin kyç, kolonel Ahmet Krasniqin dhe me këtë edhe u pengua ky proces, për shkak se u përhapën dyshime të ndërsjella!

Ja, edhe tash, kur Kosova ka filluar të shihet me admirim nga vendet euro-atlantike! Atentati ndaj presidentit të Kosovës është përpjekje për të goditur gjithë atë që Kosova ka arritur deri më sot, e imazhit dhe e perspektivës së Kosovës. Është goditje e fryteve më të çmuara të Luftës Çlirimtare të Kosovës dhe të UÇK-së qëllimi kryesor i të cilës ishte liria, paqja, siguria, dalja e institucioneve nga zgjedhjet e lira dhe respektimi i verdiktit të popullit.

Një dorë e zezë, me këto akte kriminale, dëshiron t’i hutojë, kaotizojë e të mbjellë urrejtje midis shqiptarëve, me qëllim që të shkaktohet një konflikt vëllavrasës, prej së cilës do të përfitonte vetëm Serbia!

Të vetëdijshëm për këtë, para çdonjërit prej nesh kërkohet që të ruajmë durimin dhe gjakftohtësinë, të ruajmë gjykim dhe arsyen e shëndoshë e gishtin ta drejtojmë nga armiku ynë i përbashkët, aty edhe ku është fajtori i vërtetë, që me të gjitha mjetet po vepron për ta riinstaluar regjimin pushtues të Serbisë!

Të kërkojmë nga KFOR-i, Policia Ndërkombëtare, Policia jonë dhe nga çdo qytetar, që të angazhohen për të zbuluar atentatorët, kriminelët dhe vrasësist, për ta ndalur një herë e përgjithmonë atë dorë barbare që na vret, e fshihet në errësirën prej nga ka dalur!

Lund (Suedi), 12 shkurt 2004





Sulmi ndaj presidentit Rugova, një sulm i rrezikshëm ndaj Kosovës


Shkruan: Malsor UKA

Ataku me granatë ndaj selisë presidenciale të Kosovës, shtëpisë zyrtare dhe rizedencës private të kryetarit të Kosovës, Ibrahim Rugova, pas një seri shpërthimesh gjatë javës që po e lëmë pas, dëshmon se rrënjet e krimit në Kosovën e paslauftës po marrin një përshkallëzim tejet tejet të rrezikshëm. Kriminelët, ku ta dish të të cilave ngjyra dhe të cilave formatesh, si hijenat, natën ose në agun e parë të ditës, hedhin mjetet e vdekjes dhe shkatërrimit. Caqet janë të përzgjedhura, edhe pse ato duken se janë të rastësishme dhe kinse pa një formulim të qartë qëllimesh. Edhe ata më skeptikët, sidomos ata të policisë së UNMIK-ut dhe të policisë së Kosovës, që deklaronin se prapavija e sulmeve të këtyreditshme nuk ka ndonjë ndërlidhje që do t'i bënte ato akte terroriste, duhet më në fund të binden, se platforma e këtyre sulmeve është tejet e saktësuar, më caqe të paracaktuara dhe me qëllime e synime të përfeksionuara; të destabilizohet me çdo kusht Kosova, të futet frika, dhe, së fundi, të cungohen institucionet e Kosovës.
Sulmi ndaj rezidencës presidenciale, nuk është bërë sa për të shkaktuar ca dëme materiale, por është bërë me qëllim që të vritet njeriu i parë institucional i Kosovës B kryetari I saj i zgjedhur në mënyrë legale, legjitime dhe me përkrahje gjithëpopullore. Pra, vrasja e dr. Rugovës ishte dhe është qëllimi dhe prapavia e këtij akti terrorist, kcriminal, antishqiptar dhe anti Kosovë e pavarur. Kushdo që e trajton ndryshe këtë akt criminal, ose nuk është duke I kuptuar gjërat, ose i duartroket akteve të tilla. Duartrokitja, qoftë edhe në heshtje, në mënyrë tinzare, do të thotë përpkrahje e active terroriste dhe, në instancën e fundit ship tek adresa e projektuesëve të akteve të tilla.Sepse,gjërat duhet ndërlidhur. Një ditë më parë, sulmohet dhe kritikohet qeveria e kosovës, e cila me kaçikun e saj, në mos ndryshe B deklarativisht B i gjykon aktet e dhunës, kurse të nesërmen gjuhet më granatë selia e jetës politike, shtetërore, diplimatike dhe private e PRESIDENTIT TË KOSOVËS.Pra sulmohen institucionet e Kosovës, ato që e paracaktojnë sufiksin e shtetësisë dhe të pavarësisë në ndërtimi të Kosovës. Gjërat, pra, duhet ndërlidhur për ta gjetur fillin dhe rrënjën e krimit të palnifikuar nga ata që Kosovës nuk ia duan të mirën, nga ata që Kosovën e shohen vetëm të sunduar prej tyre, nga ata që të kaluarën, të tashmën dhe të ardhshmen e tyre, të mbushur përplot dyshime e mëdyshje, përpiqen ta heqin nga vemendja e opinionit.
Nëse krimi nuk ndalet në Kosovën tonë, atëherë ne rrezikojmë të mbërthehemi në vargojt e mafias politike, ekonomike dhe kriminale, e cila ka lëshuar rrënjë dhe ka forcuar pozita aty.

SHBA,12 mars

[Drini]

E hoqa

[Arb]

Vazhdojnë reagimet dhe dënimet ndaj sulmit të djeshëm në rezidencën e Presidentit Rugova

Prishtinë, 13 mars 2004 - Me rastin e sulmit djeshëm kriminal ndaj rezidencës së Presidentit të Kosovës dhe njëherit kryetar i LDK-së, Ibrahim Rugova, në redaksinë tonë vazhdimisht po arrijnë reagime të degëve e nëndegëve të LDK-së, organizatave, shoqatave dhe individëve në dënimin e ashpër të këtij akti qyqar e mizor.

Kështu në reagimin e degës së LDK-së në Mitrovicë, të Forumit të Gruas dhe Forumit të Rinisë, sulmi ndaj Presidentit Rugova konsiderohet sulm kriminal i drejtuar kundër institucionit më të lartë të Kosovës, kundër Presidentit të Kosovës, kundër LDK-së, kundër lirisë dhe demokracisë, qetësisë, sigurisë në Kosovë dhe kundër pavarësisë së Kosovës.

Dega e LDK-së në Mitrovicë përkrah organizimin e protestave që do të organizohen në Prishtinë kundër sulmit në Rezidencën e Kryetarit Rugova si dhe kërkon nga organet kompetente zbulimin e kryesve dhe nxjerrjen e tyre para drejtësisë sa më parë.

Kryesia e LDK-së, ajo e FR dhe e FG të LDK-së në Vushtrri e dënojnë ashpër këtë sulm kriminal ndaj rezidencës së Presidentit Rugova, duke e cilsuar edhe si sulm ndaj institucioneve më të larta të Kosovës dhe popullit të saj. Njëherit kërkohet nga organet përkatëse që aktorët e kësaj vepre të shëmtuar të zbulohen dhe sa më parë të nxirren para drejtësisë.

Në reagimin e nëndegës së LDK-së në Shafhausen të Zvicrës, ky sulm cilsohet se akt barbar i drejtuar kundër Presidentit, LDK-së dhe institucionit më të lartë të vendit. "Aktet e tilla kriminale e qyqare po mundohen të vrasin lirinë dhe pavarësinë e Kosovës", thuhet në këtë reagim.

Poashtu edhe nëndega tjetër në qytetin Soluthufrn të Zvicrës, ngre zërin lart kundër "individëve, grupeve dhe bandave kriminale, të cilat çdo ditë po e dëmtojnë imixhin e Kosovës".

Në reagimin e nëndegës në Orlikon, po në Zvicër, thuhet se Presidenti i Kosovës u sulmua me qëllim që të pengohet në rrugën e tij të pandalshme drejt pavarësisë së Kosovës, duke i dhënë përkrahje të parezervë Presidentit Ibrahim Rugova.

Ndërkaq në reagimin e Forumit të Rinisë së LDK-së në Prizren sulmi kriminal ndaj Presidentit Rugova vlerësohet si "vazhdimësi e krimit të organizuar politik", duke shprehur përprahje të parezervë për Presidentin Rugova.

Daci kërkon masa shtesë të sigurisë në mbrotjen e udhëheqësve dhe të institucioneve të Kosovës

Prishtinë, 13 mars 2004 - Kryetari i Kuvendit të Kosovës Nexhat Daci është takuar dje pasdite me zëvendëskryeadministratorin e Kosovës Çarls Brajshou, udhëheqësin e Shtyllës së UNMIK-ut për Drejtësi dhe Polici, Zhan Kadi dhe komesionerin e policisë së UNMIK-ut Shtefan Feller.

Në këtë takim Daci ka kërkuar ndërmarrjen e masave shtesë të sigurisë, të cilat duhet të aplikohen menjëherë në ruajtjen dhe mbrotjen e udhëheqësve dhe institucioneve të Kosovës.

Kryeparlamentari Daci në këtë takim, pasi ka shpjeguar involvimin e strukturave të jashtme dhe të strukturave të tjera ekstreme në destabilizimin e Kosovës në dështimin e misionit të Kombeve të Bashkuara në Kosovë, me një shkresë përcjellëse kërkoi ndërmarrjen e masave shtesë të sigurisë të cilat duhet të aplikohen menjëherë në ruajtjen dhe mbrojtjen e udhëheqësve dhe institucioneve të Kosovës.


Misioni i UNMIK-ut e ka marrë shumë seriozisht dhe do ta hetojë shpërthimin në rezidencën e presidentit Rugova

Prishtinë, 13 mars 2004 - Në një deklaratë për shtyp të Zyrës së Misionit të UNMIK-ut thuhet se ky mision e ka marrë shumë seriozisht dhe se do ta hetojë këtë shpërthim në rezidencën e Presidentit Rugova si dhe vepriomet tjera ekstremiste që prekin sigurinë e kosovarëve deri në fund.


Policia ndërkombëtare ka fajësuar për sulmet ndaj udhëheqësve politikë shqiptarë grupet kriminale

Prishtinë, 13 mars 2004 - Policia ndërkombëtare ka fajësuar për sulmet ndaj udhëheqësve politikë shqiptarë grupet kriminale që veprojnë brenda Kosovës. Policia thotë se në listën e mëherëshme të udhëheqësve politikë janë që janë kërcënuar me vrasje nuk gjendet emri i presidentit të Kosovës Ibrahim Rugova dhe se rasti i sulmit në rezidencën e tij po hetohet.

Një zëdhënëse e policisë ndërkombëtare në Kosovë Anjela Xhozef i tha BBC-së se grupet terroriste të llojit të "Al Kaidës" nuk veprojnë në Kosovë. Ajo shtoi se në Kosovë vepron krimi i organizuar dhe sipas saj shumica e incidenteve vijnë nga këto grupe kriminale.


Ministria e Arsimit dënon aktin kriminal në Rezidencën e Presidentit Rugova

Prishtinë, 13 mars 2004 - Akt i paramenduar terrorist në institucionin më të lartë të Kosovësë, punonjësit e Ministrisë së Arsimit, Shkencës dhe Teknologjisë të Kosovës me indinjatë të thellë morën lajmin për sulmin kriminal të kryer mbi Rezidencën e Presidentit të Kosovës z.Ibrahim Rugova.

Ky akt vandal mbi institucionin më të lartë të vendit ka për qëllim frenimin e procesit të lirisë, demokratizimit dhe pavarësisë së Kosovës. Me akte të tilla të rënda kriminale synohet destabilizimi i Kosovës, krijimi i ndjenjës së pasigurisë dhe pengimi I shumë proceseve positive dhe progresit të arritur në Kosovë dhe veçmas pengimin e arritjes së standardeve.

Mirëpo, aktet e këtilla tinzare nuk mund ta ndalin rrugëtmin drejt pavarësisë së Kosovës të cilit proces po i prin me plotë sukses Presidenti Rugova.

MASHT dënon rëndë këtë akt dhe aktet e tjera kriminale dhe kërkon nga organet përgjegjëse të policisë dhe drejtësisë të marrin masa adekuate për t'i zbuluar akterët e krimit dhe për ti nxjerrë para drejtësisë.


Podujevë: Udhëheqja komunale dhe e LDK-së dënojnë shpërthimin në Rezidencën e Presidentit Rugova

Podujevë, 13 mars 2004 - Në një reagim të udhëheqjes komunale të Podujevës dënohet aktin kriminal i sulmit me bombë dje në Rezidencën e Presidentit të Kosovës.

"Ky akt është atak në institucionet demokratike të Kosovës dhe në procesin e lirisë, demokracisë dhe pavarësisë", në deklaratën e institucioneve komunale të Podujevës. "Shprehim indinjatën bashkë me qytetarët e komunës sonë e njëherit kërkojmë nga institucionet e ndjekjes dhe drejtësisë që tashmë të dëshmojnë më në fund nivelin e profesionalizmit dhe të efikasitetit në sjelljen para drejtësisë të bartësve të këtyre akteve kriminale", thuhet në deklaratë.

Ndërkaq, Kryesia e degës e LDK-së, Forumi i Gruas dhe Forumi i Rinisë, të indinjuar nga akti kriminal i së enjtes, përmes komunikatës për opinion deklaruan se u "sulmua institucioni që paraqet njësinë dhe garancinë e qenies së shtetësisë, personalitetit dhe burrështetasit të përkushtuar për lirinë, pavarësinë dhe demokracinë në Kosovë".

Dega e LDK-së kërkon nga kompetentët për sigurinë dhe rendin që më në fund të bëjnë diçka dhe të thonë deri kur do të zbulohen planifikuesit, urdhërdhënësit dhe kryesit e akteve kriminale të pasluftës në Kosovë.


Akti kriminal-terrorist ka për qëllim që të atakojë institucionin më të lartë të Kosovës

Ajova/SHBA, 13 mars 2004 - "Lajmin për sulmin ndaj Rezidencës së Presidentit të Kosovës e morëm me indinjatë. Ky akt kriminal - terrorist i drejtuar ndaj Jush ka për qëllim që të atakojë institucionin më të lartë të Kosovës, për të destabilizuar situatën dhe për të penguar proceset e fuqishme që po zhvillohen për Pavarësimin e Kosovës", thuhet në një letër të 8 kryetarëve të komunave të Kosovës që ndodhen në SHBA drejtuar Presidentit Rugova.

Më tutje në letër theksohet se "jo rastësisht dora e zezë e barbarisë drejtohet ndaj Presidencës, mirëpo e kanë të kotë këto qarqe kriminale, sepse kurrë nuk do të mund ta ndalojnë përkushtimin dhe ta ndryshojnë përcaktimin e qytetarëve të Kosovës për realizimin e aspiratave shekullore".

"Ne, kryetarët e komunave: Prishtinë, Podujevë, Fushë Kosovë, Viti, Therandë, Rahovec, Drenas, Kaçanik, që këto ditë ndodhemi në SHBA, e gjykojmë këtë veprim qyqar të mjeranëve që ia kanë shitur shpirtin djallit dhe që kaq barbarisht godasin vlerat më të shenjta të popullit të Kosovës", thuhet në fund të kësaj letre të përbashkët të kryetarëve të 8 komunave të komunës.


Kryesia e degës së LDK-së në Dardanë shpreh revoltë për sulmin e djeshëm

Dardanë, 13 mars 2004 - "Lajmi për hedhjen e bombës në Rezidencën e Presidentit të Kosovës Ibrahim Rugova, shkaktoi hidhërim dhe indinjatë tejet të madhe tek anëtarësia dhe simpatizantët e LDK-së, por edhe te të gjthë qytetarët tjerë të Dardanës.

Ata me të dëgjuar këtë lajmë, frekuentonin në vazhdimësi lokalet e LDK-së, të institucioneve komunale dhe kudo në rrugë dhe lokale, shprehninë shqetësimin dhe indinjatën e thellë. Në një mënyrë shprehnin një farë lehtësimi që ky atentat dështoi sa i përket dëmeve në njerëz, por nuk dështoi në anën tjetër sepse u godit rezidenca e e presidentit të Kosovës", thuhet në një deklaratë të Degës së LDK-së në Dardanë.

"Akti i djeshëm është më i shëmtuari i shërbëtorëve të huaj, i atyre që duan ta vrasin ardhmërinë e Kosovës. Përgjegjësinë duhet ta bartin në rend të parë përfaqësuesit e UNMIK-ut dhe të OSBE-së, të cilët me kalkulimet dhe tolerancën që po e dëshmojnë ndaj forcave antidemokratike, duke i dhënë hapësirë edhe disa OJQ-ve me qëllim të krijimit të një përshtypjeje sikur, LDK-ja është vetëm një pjesë e faktorit politik në Kosovë e jo forca kryesore politike në Kosovë e cila synon realizimin e aspiratave shekullore të popullit të Kosovës, pra njohjen ndërkombëtare të Pavarësisisë së Kosovës", thuhet në këtë deklaratë të kësaj dege.


LDK dhe Komuniteti Shqiptaro-Amerikan në Çikago dënojnë aktin terrorist kundër Presidentit të Kosovës

Çikago, 13 mars 2004 - Lidhja Demokratike e Kosoves dhe Komuniteti Shqiptaro-Amerikan për shtetin Ilinois me seli në Çikago, reagojnë ashpër dhe dënojnë aktin terrorist kundër Presidentit të Kosovës Ibrahim Rugova.

Gjersa institucionet eminente botërore i ndajne tituj më të çmueshëm në historinë diplomatike të shqiptarëve në Ballkan, një grup tradhtarësh dhe bashkëpunëtorësh të armiqve të Kosovës, përpiqen të minojnë rrugën e pavarësisë së Kosovës, për të cilën Presidenti i Kosovës Ibrahim Rugova është duke punuar maksimalisht.

Andaj, LDK-ja dhe Komuniteti Shqiptar në Çikago apelojnë tek institucionet vendore dhe ndërkombetare që të marrin masa urgjente në kapjen e kriminelëve dhe nxjerrjen e tyre para drejtësisë.

Anëtarësia e LDK-së, simpatizantët e Presidenti Rugova dhe të gjithë shqiptaro-amerikanët e Çikagos apelojne tek populli i Kosovës që me krenari të përkrahë Presidentin Rugova dhe fuqishëm të dënojnë individët apo grupet terroriste që nuk ia duan të mirën Kosovës.

Ne shqiptaret e Çikagos shprehim përkrahjen tonë të parezervë për institucionin e Presidentit dhe për Presidentin e Kosoves Ibrahim Rugova, thuhet në një reagim të LDK-së dhe të Komunitetit Shqiptar në Çikago.


LDK në Zvicër: Akt qyqar e mizor ndaj Presidentit të Kosovës

Cyrih, 13 mars 2004 - Lajmi për aktin qyqar e mizor që u bë në selinë e Presidentit të Kosovës Ibrahim Rugova tronditi të gjithë anëtarët dhe simpatizantët e LDK-së në Zvicër, thuhet në një reagim të degës së LDK-së në Zvicër.

Akti kriminal ndaj rezidencës së së Presidentit Rugova është akti më i rëndë kundër institucioneve të të Kosovës, e posaçërisht kudnër njeriut të parë të Kosovës.

Prandaj Dega e LDK-së në Zvicër dënon këtë akt dhe kërkon që siguria ndaj përsonaliteteve të larta, sidomos kur është fjala për Presidentin të bëhet një siguri më e madhe. Kërkojmë nga organet e sigurisë të UMNIK-ut dhe Policisë së Kosovës që ta zbardhin këtë akt kriminal dhe aktet e tjera të dhunës, - thuhet në një reagim të Degës së LDK-së në Zvicër.


Shoqata shqiptaro-kanadeze Kosova dënon ashpër sulmin terrorist kundër Rezidencës së Presidentit të Kosovës

Toronto, 13 mars 2004 - Kryesia dhe anëtarët e Shoqatës shqiptaro-kanadeze Kosova, me seli ne Toronto, dënojne ashpër sulmin terrorist kundër Rezidencës së Presidentit të Kosoves, Dr. Ibrahim Rugova.

Sulmi terrorist kundër Rezidencës së Presidentit Rugova është sulm kundër vlerave më demokratike dhe atyre institucionale, kundër lirisë dhe pavarësisë, për të cilat u bënë aq flijime. Njëheresh ishte ky sulm kundër njeriut, i cili bëri më së shumti që ëndrra për t'u liruar nga robëria serbe u bë realitet. Sulm kundër njeriut i cili i bëri shqiptarët të ndiehen më krenarë se kurrë m parë.

Kryesia dhe anëtarët e Shoqates shqiptaro-kanadeze Kosova, me seli ne Toronto, kërkojnë nga organet e rendit dhe të sigurisë në Kosovë që aktorët e këtij sulmi terrorist të kapen sa më shpejt dhe të nxirren para drejtësisë.


LDK në Londër: Akt kriminal ndaj rezidencës së Presidentit të Kosovës

Londër, 13 mars 2004 - Akti kriminal ndaj rezidencës se Presidentit të Kosovës dhe kryetarit të LDK-së Dr. Ibrahim Rugova janë të drejtuara kundër institucioneve, pavarësisë dhe ardhmërisë së Kosovës.

Ky akt i tmerrshëm është vazhdimësi e akteve kriminale të drejtuara kundër LDK-së dhe veprimntarëv të saj, akte këto të kryera nga grupe dhe individë të cilët dita ditës po dëshmojnë se janë dorë e zgjatur e Serbisë, thuhet në një reagim të Degës së LDK-së në Britani të Madhe.

Dega e LDK-së në Britani të Madhe së bashku me anëtarësinë thekson se aktet e tilla nuk do ta ndalin dhe frikësojnë LDK-në dhe aktivistët e saj në punën e tyre të devotshme për ndërtimin e shtetësisë së Kosovës.

LDK-ja do të vazhdojë me përkushtim, vendosëshmëri dhe të patrembur në ndërtimin dhe mbrojtjen e institucioneve të mirëfillta te Kosovës, thuhet në reagimin e Degës së LDK-së në Britani.

[Brari]

Tash u morr vesh se po denohet sulmi e le te merremi me nji ane tjeter te ceshtjes..

Ku ishte sigurimi i Presidences?

Roja e presidences duhet te sqaroje opinionin se granata u hodh me dore a me mjete granat-raket-hedhese.

Kjo ka rendesi qe te gjykojme per nivelin e cilesine e granathedhesve te panjohur por dhe per te kuptuar se ne c'fare niveli ndodhet mbrotja e figures se presidentit dhe zyrave te tije.

Ne se granata eshte hedhur me raket hedhese te llojit anti tank athere hedhesit mund te ken qene ne largesi nga objekti i presidences dhe se Rojet mbeten deri diku te cfajesuara.

Ne se granat hedhesit e kan hedhur granaten me dore athere do te thote se ai ose ata jan afruar objektit presidencial e ne te tille rast duheshin vene re nga ekipi i Rojeve te presidences.

Pra jemi para faktit se LDK ska aftesi te ruaj as antaret e saje te thjeshte e as Kryetarin.. dhe se Kosova ka aq shtet sa kte shtet kushdo mund ta cenoje deri tek Presidenti... mjafton te mos cohet von nji dit ky Cenues ose armik .. sikur asht zakon nder kosovaret por ta vej sahatin me zyle ne oren 5 e mbasi ta ket pi nji caj me gjygym ta marri nji granat e ne oren 5 e 10 ose 5 e 20 te baj nji shetitje nga zyrat e LDK ose presidentit e ta hedh granaten ku don i sigurt se krejt Shteti Kosovar fle si nje derr..

Pra kjo eshte dhe nje faqe e zeze e Sigurimit presidencial..

Nuk ka gjume ne Rojllyk.. Ka sherbim 24 oresh .. dikush fle diten qe te jet syhapur naten e dikush fle naten qe te mos i hyj pushka ne mullaqe prej gjumit diten..
Rojet duhet te jene te vendosura ne at menyre qe te kontrollojne me sy krejt rruget e rrugzat qe te cojn e te nxjerrin ne zyra te Presidences ose Baneses se presidentit..e ashtu nuk guxon atentatori ose provokatori te afrohet..vec ne se ka llogarit dhe kryt e veta..

Ku ishin rojet???????????????


po banin gjum?
po lunin bixhoz?
po pinin shlivo?

ku?

Ish bodygard-hajnin e Rugoves adnan Merovcin e kan pa pllazhave te Shqipnis gjat veres tuj bredh me kangatar-hajno-spiunin Sabri Fejzullahu..

Pra duhet rugova te kuptoj se njerzit duhen zgjedh e duhen ndrru me koh kur nuk jan ne rregull.

qashtu.. ti vejm pikat mbi i..

[Jamarber]

Nuk eshte hera e pare dhe as e fundit qe shqiptaret ,gjuajn diellin me gure,se ju pelqen erresira.
pore me bejn pershtypje ca shkrime siper qe anashkalojn problemin dhe merren me argumente ansore e te pavlefshme.
Perse dikush i bjen thumit tjetri patkojt,perse shihet ujku ne pik te mesdites dhe dikush thote ja ku eshte gjurma .
jo vllazen keshtu nuk muna me ba komb.

[Llapi]

Postuar më parë nga Drini
Sa here qe ndodhin akte kriminale ne Kosove, Llapi e kompania e laperave menjehere fillojne e krrokasin si sorrat shkina.

As edhe kesaj radhe, qe ishte njeri nga aktet me te shemtuara e me kobzeza per Kosoven, Llap laperi nuk e fshehu got gezimin.

A duhet spekuluar se nga c'soj sorrollapi rrjedh ky Llapi, apo ky laper eshte ka e demaskon veteveten, duke u kenaqur me gjerat e shemtuara qe po i ndodhin Kosoves.

Nga i tere spektri yne politik u tha se vepra eshte antishqiptare e kryer nga nje dore e zeze e serbise, e ndihmuar nga soj sorollapi shqipfoles ne Kosove. Prandaj Llapi ndoshta ka nje arsye te ligjeshme per tiu kenaqur akteve te ketilla.

Me vie pak ligeshti nga administratori qe lejon komentet e Llapit ne kete forum, qe nuk i gjene askund tjeter, pervec ne shtypin e Serbise.

--------------------------------------------------------------------------------

Drini a mos mendove se do te tranohem nga merzija pse rugova i dehur fitil i urdhnon truprojat e tij qe jane ne bashkpunim te ngusht me sherbimin sekretr serb ti thej 2 gjama per te ngritur autoritetin e tij sepse edhe ai e din se i ka ra shume dhe ne zgjedhjet e ardhshme nuk ka qka lyp sepse me siguri do te humb jo bac jo nuk mundet te shete dushk per gogla ma ky matuf plak i dehur me raki shkau jo.

[macia_blu]

A nuk te vjen te dyshosh e te kesh frike se kosovaret tani filluan te vene bomba edhe mbi presidentin e vet. a nuk te vjen te besosh se keto bomba venesit duan te vrasin secilin (qofte edhe presidentin e tyre) pse nuk eshte islamist.
...
Liria ndonjehere te jep te drejten te tregosh sa e meriton ti ate ose sa afer kafshes ke mbetur apo sa i je afruar njeriut.

[drenica martire]

macia_blu
El-Letërsia


Regjistruar: 05-05-2002
Vendndodhja: michigan usa
Anëtari Nr. 483
Poste: 2118
Pamja: Blu

Vleresimi:

(139 Votes)


Postimi #38

(njerezit e vegjel ne gjithe kuptimin e vogelsise, dhe qe si model e te ketij nejriu ne forum, ofrohet ta prezantoje "LLapi" e ta perfaqesoje "llapi" ate bejne e veprojne e flasin e hedhin balte e gure mbi presidentin Rogova, qe nuk e ka cilin morr a injorant kane menduar ata t'ia vene si rival.) Serbi nuk e ka vetem pushtu kosoven , prej te cilit u clirua, por i ka lene do trashigimtare te tij, neper kosove qe flasin shqip kundra shqiperise e lirise se kosoves. E ky model , kopil i serbit, apo shqipfoles nuk ka se ku ta kesh me te pasqyruar krejt paturpesisht ne "llapin" e forumit tone.
Llap , edhe naivi me i madh ne bote e kupton se ti nuk ke asnje pike gjak kosovari, se ti nuk je kurre per liri te kosoves, per drejtesi e per zhvillim, gjithe propaganda qe ben ti, dhe veprimet gjoja kunder Rugoves nuk aspak me ndryshe vecse , ti largojne rugoven e ne vend te tij, te vene ndonje serb te tipit tend, e keshtu sado larg qellimi yt, te realizohet qe kosoven t'ia kthesh sersih nje dite serbise. Se Bota dheNATO, nuk kane si te behen polic te perhershem te kosoves. E ti krijon kushte gjithemone ne favor te Serbise. Eshte marre(marre=turp) e gjynah qe ne kosove ka njerez si ti, qe edhe pse e dine qe nuk jane kosovar, i thone vetes te tille. Po nuk jane.... Ti llap vec kosovar nuk me dukesh mu... ne asnje fjale ne asnje reagim qe ke thene e ke bere ne forumin ku kam patur mundesi te te shoh.
Mos abuzo kaq shume me lirine qe te jep forumi dreqi ta haje
-----------------------------------------------------------------------------

macia_blu, sa me shume te denojne aq me shume me pelqen!...
Nipat e shkjeve ("kopilat")duhet hedhur ne koshin e plehrave. Shume na kane mbetur ne Kosove. Ka prej tyre që kane vendosur definitivusht ta ndyejne edhe kete forum. Mire qe is'kane mundesi se edhe ketij do t'ia hedhnin ndonje bombe!...
Mire qe s'kemi det as karaburun, sepse keta do ta mbushnin edhe me mizorisht me shqiptare nen akuzen se jane duke pastruar kombin nga spiunët e UDB-se.

Kështu e kanë quajtur edhe Adem Jasharin derisa ka qen i gjalle!!!

[Llapi]

Së shpejti kryetari Rugova do të ketë siguri të jashtme

Sipas zyrtarëve të presidencës, pritet që së shpejti të arrihet marrëveshja me policinë e UNMIK-ut për t’i ofruar siguri të jashtme kryetarit Rugova, pasi që mbrojtjen e afërt e garanton vet sigurimi i kryetarit. Pas sulmit me granatë dore në presidencë, për të mërkurën janë paralajmëruar protesta në Prishtinë.


Në anën tjetër, policia e UNMIK-ut dhe policia vendore thonë se nuk kanë ofruar siguri për kryetarin, për shkak se ai nuk ka kërkuar asnjëherë nga policia që të kujdeset për sigurinë e tij. Sipas zyrtarëve të policisë së UNMIK-ut dhe Shërbimit Policor të Kosovës, presidenca duhet të bëjë kërkesë në polici nëse dëshiron që policia të kujdeset për sigurinë e kryetarit.
Angelina Josef, police e UNMIK-ut thotë " Pse policia nuk ka ofruar siguri për kryetarin e Kosovës? Thjesht sepse nuk kanë kërkuar asnjëherë nga policia që t’i ofrojnë siguri kryetarit Rugova. Nëse kryetari Rugova dëshiron siguri nga policia duhet ta bëjë kërkesën, përndryshe policia nuk do ta sigurojë atë". Zyrtarët e presidencës, ndërkohë nuk kanë dashur të japin hollësi rreth xhrimeve të mundshme nga kamerat e vendosura në rezidencë, që supozohet se kanë regjistruar hedhësit e bombës. Zyrtarët e presidencës thonë se kjo mund të pengojë hetimet e policisë dhe për këtë arsye nuk dëshirojnë të japin informacione më të hollësishme. Sidoqoftë, mbetet problem i hapur sigurimi i ndërtesave zyrtare. Para disa javësh, policia ka braktisur shumicën e ndërtesave zyrtare duke i lënë pa kurrfarë mbrojtje për shkak të një mosmarrëveshje rreth kontratave me këto institucione.



RTK

[drenica martire]

Protestë në Prishtinë: Aktet kriminale dëmtojnë lirinë, paqen dhe sigurinë e qytetarëve të Kosovës
Prishtinë, 17 mars 2004 - Në organizim të Lidhjes Demokratike të Kosovës, sot në qendër të Prishtinës u mbajt një protestë kundër dhunës dhe akteve kriminale të ditëve të fundit, sidomos pas sulmit kriminal me bombë ndaj rezidencës së Presidentit të Kosovës Ibrahim Rugova më 12 mars. Ishin mbledhur rreth dy-tre mijë vetë në sheshin para Teatrit Kombëtër, ndërkohë që mijëra të tjerë ishin të penguar të merrnin pjesë për shkak të bllokimit të rrugëve që shpien në Prishtinë.

Pjesëmarrësit mbanin në duar pankartat me mbishkrime si "Ndal dhunën", "Siguria e Presidentit, siguria jonë", "Presidenti Rugova - simbol i unitetit", "Fund krimit", "Stop akteve të dhunës", "Ta forcojmë demokracinë" etj.


Fillimisht u dënua ngjarja tragjike e mbytjes së tre fëmijëve shqiptarë në Çabër të Zubin Potokut dhe nga pjesëmarrësit me një minutë heshtje u nderuan tre fëmijët që humbën jetën mbrëmë tragjikisht në lumin Ibër.

Në këtë protestë foli Nimon Alimusaj, anëtar i Kryesisë së LDK-së, i cili tha në fillim të fjalë së tij se "akti i rëndë kriminal terrorist në Rezidencën e Presidentit të Kosovës, Dr.Ibrahim Rugova për LDK-në dhe gjithë qytetarët që e duan Kosovën, e morën si lajmin më shqetësues dhe më tmerrues të periudhës së Kosovës së lirë".

"Këtë akt të rëndë kriminal ne e marrim edhe si kambanë alarmi se në Kosovë edhe sot e gjithë ditën ka kriminelë, të cilët të trimëruar, të frymëzuar e të përkrahur edhe nga shërbime sekrete të huaja që sillen rrotull Kosovës, tash kanë marrë atë shkallë guximi sa të përgatisin vrasjen e figurave më të larta të LDK-së dhe të institucioneve të Kosovës, të cilët e shtyen dhe po e shtyejnë aq fuqishëm çështjen e Kosovës përpara, kanë marrë atë shkallë guximi sa të trokisin me eksploziv para selisë së UNMIK-ut dhe, më në fund, të trokisin edhe para dyerve të Rezidencës së Presidentit të Kosovës, të institucionit më të lartë shtetëror të këtij vendi", tha Alimusaj.

Ky akt i rëndë terrorist, tha në vazhdim ai, ishte motivi që Kryesia e Lidhjes Demokratike të Kosovës, Forumi i Gruas i LDK-së, Forumi i Rinisë i LDK-së dhe të gjitha degët e saja dhe të përkrahur nga disa subjekte politike qytetare ta organizojnë këtë protestë, që të shprehin publikisht edhe njëherë shqetësimin e madh dhe revoltën kundër dhunës politike, e cila tashmë po merr trajtën e krimit politik kundër figurave udhëheqëse të institucioneve të niveleve të ndryshme dhe preki majën më të lartë të institucionit tonë, Presidencën e Kosovës.


"Këtë akt kriminel dhe shumë të tjera para tij ne e shohim si formë të terrorit politik dhe e konsiderojmë si metodë krejtësisht të papranueshme politike e tejet të rrezikshme për Kosovën dhe të ardhmen e saj", tha Alimusaj, duke shtuar se protesta e sotmja tregon se populli i Kosovës ka një kurajo të madhe qytetare që ta denoncojë dhe ta kundërshtojë në mënyrën më të ashpër e më të fuqishme dhunën e çfarëdo lloji.

Pasi theksoi se këto sulme synojnë të dëmtojnë në shkallën më të lartë lirinë, paqen dhe sigurinë e qytetarëve të Kosovës, të njollosin luftën e drejtë të popullit të Kosovës për liri e pavarësi, të dëmtojnë progresin e Kosovës të arritur gjatë pesë viteve në Kosovën e lirë, ai tha se këto sulme synojnë ta prishin stabilitetin dhe demokracinë e Kosovës pikërisht në këtë vit të Zgjedhjeve nacionale. "Këto akte dhune të ngritura deri në terror politik do ta dëmtojnë të ardhmen e Kosovës", nënvizoi Alimusaj.
Ai theksoi se "sulmi terrorist ndaj Presidentit të Kosovës, si akti më i rëndë terrorist ndaj institucionit më të lartë të Kosovës, shtron nevojën urgjente që të ndërmirren masa sa më të rrepta dhe sa më të gjithanshme për t'i mbrojtur dhe siguruar institucionet e shenjta të Kosovës dhe drejtuesit e tyre".



"Një mbrojtje e tillë do të thoshte mbrojtje e stabilitetit, e paqes, e demokracisë dhe e sigurisë së Kosovës, kjo do të thoshte mbrojtje e vullnetit të popullit dhe e përpjekjes së tij për njohjen sa më të shpejtë të pavarësisë së Kosovës, kjo do të thoshte përpjekje për ta mbajtur Kosovën si mjedis tejet të sigurtë dhe të qetë për të gjithë. Tevona, kjo do të ishte synim i të gjithë qytetarëve të Kosovës dhe dëshirë e kërkesë e të gjithë miqve të Kosovës", tha ai.

Në vazhdim të fjalës së tij, Nimon Alimusaj u bëri thirrje policisë së UNMIK-ut, të KFOR-it dhe të SHPK-së që të ndërmarrin masa të duhura për parandalimin e akteve të tilla terroriste dhe të kapin autorët e veprimeve të tilla që ta gëzojnë besimin e plotë të qytetarëve të Kosovës, ndërkaq nga qytetarët e Kosovës kërkoi që të kenë kurajo qytetare që t'i denoncojnë sa më fuqishëm këto akte të dhunës në të gjitha nivelet e shoqërisë sonë.

Njëherit u bëri thirrje të gjitha subjekteve politike dhe qytetare të Kosovës që të vazhdojnë ta denoncojnë dhunën haptazi dhe të veprojnë institucionalisht kundër saj, si dhe të gjitha mediave që të denoncojnë pandërprerë krimin, dhunën dhe gjuhën e ashpër të urrejtjes, ndërkaq nga anëtarët dhe simpatizantët e LDK-së dhe nga qytetarët kërkoi që të jenë edhe më të vendosur me veprime të përditshme në realizimin e aspiratave të popullit të Kosovës për liri, pavarësi e demokraci dhe për integrimin e saj në Bashkësinë Evropiane, NATO dhe miqësi të përhershme me SHBA-të.

"Jam shumë i sigurtë se Kosova do ta mposhtë dhunën dhe nuk do ta humbin luftën në paqe, për çka përpiqen agjentura të ndryshme kriminele që kalurojnë gjithandej rreth e rreth Kosovës", tha në fund të fjalës së tij anëtari i Kryesisë së LDK-së dhe deputeti i Kuvendit të Kosovës, Nimon Alimusaj, duke e përmbyllur fjalën e tij me fjalët: "Zoti e bekoftë Kosovën dhe popullin e qytetëruar të saj".

Poashtu në këtë protestë folën edhe deputetja e LDK-së Nekibe Kelmendi dhe Gani Geci.

Protesta kaloi e qetë dhe pa incidente.


Sot po i zhvillon punimet seanca e rregullt e Kuvendit të Kosovës

Prishtinë, 17 mars 2004 - Sot po i zhvillon punimet seanca e rregullt e Kuvendit të Kosovës, e cila në rend dite ka shqyrtimin e 13 projektligjeve. Fillimisht shefat e tri grupeve kryesore parlamentare i dënuan aktet e dhunës së ditëve të fundit në Kosovë, duke kërkuar të debatohet urgjentisht në Kuvend për situatën e sigurisë në vend. Ata kërkuan nga përgjegjësit për sigurinë në vend që t'i raportojnë Kuvendit të Kosovës dhe të merren qëndrime të qarta.

Shefi i Grupit parlamentar të LDK-së Sabri Hamiti, ai i PDK-së Arsim Bajram dhe i AAK-së Bujar Dugolli bënë kritika për punën e UNMIK-ut sidomos për punën e policisë për mosndriçimin e rasteve të krimeve që kanë ndodhur në Kosovë. Ata theksuan se këto janë akte që cenojnë qëndrueshmërinë e gjendjes, prishjen e imazhit të Kosovës, por njëherit thanë se ndikojnë edhe në mospërmbushjen e standardit të dytë që ka të bëjë me rendin dhe ligjin.

Me këtë rast u vendos që në një nga seancat e ardhshme të debatohet për situatën e sigurisë në vend, edhe pse kjo është fushë e rezervuar për administratën e UNMIK-ut dhe KFOR-in.

Ndryshe seancën e sotme po e bojktojnë duputetët serbë të koalicionit "Kthimi".


Degët e LDK-së në Perëndim dënojnë ashpër çdo akt të dhunës dhe të krimit në Kosovë dhe përkrahin protestën e sotme në Prishtinë

Stokholm, 17 mars 2004 - Degët e LDK-së në Perëndim, në lidhje me protestën kundër dhunës në Kosovë që mbahet sot, kanë lëshuar këtë deklaratë, përmes së cilës dënojnë ashpër çdo akt të dhunës dhe të krimit, të cilat trondisin Kosovën duke u sulmuar personalitetet më të shquara të Kosovës, të LDK-së dhe aspirantët më të devotshëm të Pavarësisë së Kosovës, e sidomos rastin e fundit ku u sulmua me bomba Institucioni më i lartë i Kosovës, Rezidenca e Presidentit të Kosovës, Dr. Ibrahim Rugova.

- Akte të tilla të dhunës politike në Kosovë, zbehin imazhin e Kosovës para faktorit ndërkombëtarë, rrezikojnë sigurinë dhe të ardhmen e Kosovës, si dhe dëmtojnë rëndë procesin e njohjes formale të Pavarësisë së Kosovës.

Me këtë rast, Degët e Lidhjes Demokratike të Kosovës në Gjermani, Zvicër, Beneluks, Suedi, Norvegji, Danimarkë, Angli, Austri, Francë, Nju Jork, Çikago, Detroid dhe Kanadë, me moton "Edhe ne jemi me ju", përkrahin fuqimisht protestën e paralajmëruar të Lidhjes Demokratike të Kosovës, e cila mbahet sot, 17 mars 2004 2004 në Prishtinë, në shenjë reagimi kundër sulmit me bomba ndaj Rezidencës së Presidentit të Kosovës, Dr. Ibrahim Rugova.

Degët e LDK-së në diasporë, kërkojnë nga UNMIK-u, Shërbimi Policor i Kosovës, Policia e UNMIK-ut dhe KFOR-i që të bëjnë çmos që akterët e këtij akti të shumtuar kriminal-terrorist si dhe urdhërdhënësit e tyre, të zbulohen sa më parë dhe të arrestohen dhe t'u shqiptohen dënimet e merituara.

Poashtu, përmes kësaj deklarate, kërkojmë nga UNMIK-u, SHPK-ja, Policia e UNMIK-ut dhe KFOR-i që të angazhohen më tepër në zbulimin e vrasjeve politike të cilat kanë ndodhur para dhe pasluftës në Kosovë, me ç'rast edhe do të zbulohen dhe arrestohen të gjithë ata të cilët qëndrojnë pas vrasjeve të:

Ahmet Krasniqit, Ali Ukajt, Enver Malokut, Shefki Popovës, Shaban Manajt, Xhemajl Mustafës, Ismet Rracit, Shkelzen Hysenit, Haki Ymerit, Ekrem Rexhës, Bekim Kastratit, Besim Dajakut, Smajl Hajdarajt, Ukë Bytyqit, Bafti Bajramit, Bajram Bytyqit, Tahir Zemajt, Hasan Zemajt, Enis Zemajt, Sebahate Tolajt, Isuf Haklajt, dhe të tjerë,- thuhet në fund të kësaj deklarate të degëve të LDK-së në diasporë.