Kafeja dhe shëndeti!

[advokatja]

Pajtohem me disa mendime tuajat mirepo nuk mund te pajtohem me ate se kafeja ben mire per semundjet e zemres pasiqe kafeja shpajton rahjet e zemres dhe kjo nuk mund te jet mire poashtu nuk mund te jete mire per femijet e per grate shtatzene. Un e pi kafen vetem ateher kur kam provime me ndihmon te ri zgjuar dhe me ndihmon ne koncentrim dhe ralle her per qejf me dike.

[Endless]

Kafeja ka anet pozitive mirepo edhe ato negative te saj ,

A nuk vlen kjo ne cdo aspekt te jetes? Per mendimin tim c'do gje e e konsumuar me teprice demton,dhe kete s'besoje se ndonje nga forumistat ketu mos ta dije!Keshtu qe e kuptoni vet se si duhet te veproni ne lidhje me kafen

Per vete konsumoje rreth 3 express ne dite,dhe me te vertete me bene te ndjehem mire,me jep energji per ta vazhduar diten sa me zellshem...

p.s Merita,per kafen turke thone se eshte ma pak e demshme se expressi,por qe te flase me statistika,nuk flas dot se s'jam dhe aq i informuar detajisht!

[elen]

Une jam nje adhuruese e kafes.C ti besh , njerez me huqe.

Kafja dekafeine eshte si te puthesh motren tende.
Bob Irguin...Bujk australez.

Nqs do kisha shume kafe,do mundja te sundoja boten.
Anonim.

Gjykoj nje restorant nga buka dhe kafeja e tij.
Bob Lankaster. aktor amerikan.

E kam matur jeten time me luget e kafese.
T.Elliot. poet amerikan.

Kafeja duhet te jete e zeze si ferri,e forte si vdekja dhe e embel si dashuria.
Fjale e urte turke.

Ne fund te fundit ,kafeja eshte e hidhur ,nje shije nga pjesa e te ndaluares dhe te rrezikshmes. Dajana Akerman...poete amerikane.

Nqs kjo eshte kafe ,ju lutem sillmeni nje caj,por nese eshte caj ju lutem sillmeni nje kafe. Abraam Linkoln.

Kafeja ne Angli ka gjithmone shijen e eksperimentit kimik.
Agatha Kristi.

Cokollata,meshkujt,kafeja -disa gjera jane me te mira te jene te pasura.
Anonim.

A,kjo eshte nje shije qe me jep jete.Kur pjekin kafe afer shtepise time ,vrapoj te hap deren dhe te thith aromen. Zan Zak Ruso

Kjo eshte me e preferuara.....

Magjistari vudu dhe gjithe magjite e tij nuk jane asgje para esspresos,kapucinos,mokes ,qe jane me te forta nga gjithe fete( shumesi i feja)e botes bashke dhe ndoshta me te forta nga vete shpirti njerezor.
Mark Helprin... shkrimtar amerikan

[Endless]

^Se dija qe i qenkan dedikuar kaq shume fjale te urta kafes lol

Le te shkojme te ato(fjalet e urta ) te cigares tani hahahahah....

[dardajan]

Kisha premtuar kohe me pare qe do sillja dicka mbi demin e kafese u vonova pak por me mir vone se kurre, dhe kjo per arsye kohe te cilen e gjeta tani qe jam pushim.

lexim te kendshem

Kafeja njihet ne te gjithe boten , por shpesh pihet, dhe pregatitet ne menyra te ndryshme saqe shpesh ndodhesh i befasuar nga llojet e pirjes.
Kafeja eshte kthyer si nje rit social dhe perdoret shpesh neper lokale, ne shtepi per pritje dhe percjellje, ne pune per ti dhene force apo perqendrim etj...
Dhe thuhet qe kafeja te ben mire sidomos po te dish ta pish si ne cilesi dhe menyre pirje ose thone qe do pire pa egzagjiruar.

Dhe pikerisht ketu qendron edhe sekreti i demit te kafese.

Prandaj ju them qe ne fillim se gjithcka qe thuhet se kafeja ben mire eshte vetem nje genjeshter dhe nje fallcifikim per efekt publiciteti dhe injorance.

Kafeja me pak fjale dhe realisht eshte nje helm sidomos kafeina qe ka nje shije te hidhur dhe perdoret nga vete pema si lende helmuase per te larguar insektet , dhe kafshet qe mund ta hane.Brenda ne kafe ndodhen gjithashtu rreth 200 lloje helmesh qe i bashkangjiten gjate procesit te pjekjes dhe perpunimit.

Kafeja nuk i jep energji organizmit pra ajo nuk prodhon energji megjithse ne ndjehemi pak me te forte mbas pirjes se saj.

Pse ndodh ky fenomen ?
Sepse kur kafeja hyn ne organizem njifet nga sensoret e brendshem(inteligjenca organike) si nje lende helmuese dhe si kunderpergjigje e ketij helmi organizmi yne kundervepron me shpejtesi duke stimuluar gjendrat endokrine duke i detyruar te leshojne hormone si adrenalina per shembull.
Pra nuk eshte se prodhon energji por e detyron organizmin te perdore ate energji qe ka ne ate moment shum apo pak qofte ajo.
Kafeja duke stimoluar sistemin endokrin na detyron te perdorim ate pak energji qe kemi ne nje impuls te vetem ne nje kohe te shkurter dhe ne na duket sikur kafeja dhe sheqeri na dhane force gje qe nuk eshte aspak e vertet.
Biles ne shume njerez ky lloj reaksioni eshte shume i fuqishem gje qe i detyron ata te ndihen keq dhe te djersisin ftohte, keta njerez mbas kesaj prove hyne tek kategoria e atyre qe nuk pine kurre kafe.

Shembull:
Provoni te vraponi mbi nje Kal apo Gomar dhe kur ky te jete lodhur bjerini me thuper ne menyre qe ai te vrapoje perseri dhe kur te ndaloje ju bjerini perseri dhe ai do vrapoje , por kjo nuk do te thote qe thupra juaj i jep energji por e detyron ate te perdore ate pak energji qe i ka mbetur dhe nese ju do vazhdoni ta godisne perseri mbas pak ai do bjere i shtrire dhe pa piken e forces.

Kjo ndodh edhe me organizmin tone kur pime kafe por me nje ndryshim te vogel qe ne jemi edhe Kali edhe i zoti i Kalit qe i bie me thuper, dhe e kemi ne dore te mos i biem vetvetes me thupra se shpejt do gjendemi te shtrire perdhe.

Veshkat jane organet qe vuajne me shume nga kafeina,Ajo nuk eshte me ne gjendje te mbaje mineralet e ndryshme dhe vitaminat e grupit B sidomos B12.

Demet:

1-DEPERESIONE
Per shkak te mangesive te mineraleve dhe vitaminave te grupit B ulet toni i pergjithshem i organizmit qe manifestohet ne tru ne forme depresive.
Shume njerez deprese qe marrin edhe ilace antidepresive jane konsumator te shume kafeve gjate dites qe rendojne me shume gjendjen e tyre ,Ata jane duke u kuruar me ilace per shqetesime mendore por qe ne fakt problemi i tyre eshte thjesht nje cekuilibrim i mineraleve, dhe vitaminave ne organizem, pra nje problem BIOKIMIK qe rendohet akoma me shume nga ilacet duke i lene pergjithmon deprese, kur FAKTI NE TE VERTET ESHTE SHUME I THJESHTE.

(Dhe ketu vijme perseri tek inteligjenca organike dhe jo-organike qe nuk kuptojne njera tjetren gje te cilen e kam shpjeguar ne postimet e meparshme.)

2-Mvaresi
Ata qe pine kafe jane shpesh te mvarur prej saj si ne mengjes kur zgjohen, ne dreke pas buke ,apo mbas dite sepse ajo stimulon organizmin dhe pa kete stimul keta individ ndihen shume te dobet, por qe ne realitet jane duke u helmuar perdit e me shume.

3-Dhimbje Koke
Mbas buke ne dreke kur nje pjese e mire e energjise harxhohet per tretjen e ushqimit dhe nje pjese e mire e mineraleve ka shkuar ne kete drejtim ndihemi te dobet dhe marrim nje kafe e cila merr edhe ato pak minerale e vitamina qe kane mbetur duke shkaktuar dhimbje koke e cila kurohet me ilace qe ne perberjen e tyre kane pikerisht Kafeine dhe kryejne te nje njejtin proces qe kryen edhe kafeja.


4-Cmimi
Cmimi i kafese eshte relativisht i ulet por cmimi i vertet per te paguar eshte ai i shendetit qe iken pak nga pak derisa perfundon tek doktori qe ta rrjep skalpin e kokes dhe te mbush me ilace kur faki eshte aq i thjeshte aq i thjeshte saqe kush lexon kete shkrim mund te thote se ai qe e ka shkruar eshte i cmendur gje qe nuk eshte e vertet sepse ajo qe lexon ne kete shkrim nuk do ta kesh lexuar ne asnje vend tjeter pasi te tjerat jane vetem publicita ndersa ky eshte realiteti qe shpesh na i fshehin per interesa te forta ekonomike dhe sociale, prandaj kush e kupton ka shpetuar kush nuk e kupton le ti bjerre vetes me kamzhik.

E njejta gje identike mund te thuhet edhe per cokollaten me nje ndryshim fare te vogel qe ne vend te KAFEINES ndodhet TEOBROMINA ndryshon vetem emri por jo reaksioni qe ato kryejne ne organizem per te na dhene < "Fuqi">.

Ky informazion eshte pershtatur nga mua dhe eshte marre nga siti: http://www.arnoldehret.it/News-file-article-sid-25.html

[Arsyetimi]

dit per dit e pi nje turke dhe ja 3 frape.

PS: sot kam gjith diten qe pi alkol, kshuqe po i fus nje kafe tani qe degjova keto habere ketu



gj.tm

[YaSmiN]

Ç'është kafeina?

Ajo është një substancë që gjendet në bimë të ndryshme, e ndikon si stimulans për sistemin nervor dhe trurin.
Kafeina përmbahet në bimët që vijojnë: në kokrrat e kafesë me prejardhje nga Arabia, në gjethet e çajit me prejardhje nga Kina, në kokrrat e kolës nga Afrika Perendimore, në kokrrat e kakaos me prejardhje nga Meksika, kokrrat e kafesë nga Brazili dhe në disa bimë tjera.
Sot, shumica e këtyre bimëve, kultivohen kudo në botë, e jo vetëm në shtetet prej nga e kanë prejardhjen. Ekstraktet e tyre shfrytëzohen në shumë ushqime dhe pije, si çaji, kafeja, çokollata dhe pije kola me ngjyrë.

Historia e kafeinës
Si substancë stimulative, kafeina është e njohur kahmoti, në fakt prej kohës së gurit. Ekzistojnë dëshmi se çaji është pirë në vitin 2737 p.e.s., kafe është pirë në vitin 1000, ndërsa qumësht me çokollatë në vitin 1876.

Sa kafeinë konsumojmë?
Kjo ndryshon nga njeriu në njeri. Disa njerëz nuk konsumojnë aspak kafeinë. Nga kafeina e përgjithshme që konsumohet në botë, 54% i takon kafesë, 43% çajit dhe 3% të tjerave (p.sh. si pije kola dhe medikamente). Te fëmijët dhe te të rinjtë pjesa më e madhe e kafeinës që e konsumojnë rrjedh na pijet kola.

Cilat janë efektet e kafeinës?
Efekti kryesor është stimulimi i sistemit nervor qendror. Si rezultat paraqiten efektet që vijojnë:

Sasi të vogla: pagjumësi, rrahje të shpeshta të zemrës, tensioni i gjakut rritet, zmadhohet prodhimi i urinës, zmadhohet aciditeti në lukthi.
Sasi më të mëdha: shqetësim dhe parehatshmëri (agjitim), kokëdhembje, pagjumësi.
Sasi shumë të mëdha: mund të shkaktojnë konfuzion dhe ndonjëherë halucincione.
Efekte afatgjate: nëse konsumoni më shumë se 600 mg kafeinë në ditë, gjatë një periudhe më të gjatë, mund të shfaqet pagjumësi, brengosje, simptoma depresive, mundime në stomak.
Si ndikon kafeina në gjumin?
Nëse konsumoni kafeinë pak para se të fleni mund të ankoheni për këtë: rëndë u ze gjumi, flini më pak, periudha më të shkurta të gjumit të thellë dhe të të ëndruarit, zgjoheni të lodhur.
Sa kafeinë ka në produkte të ndryshme?
Numrat janë vetëm përafërsisht. Sasia varet nga ajo si është e përgatitur pija, nga çka është e bërë dhe sa është e koncentruar.
Kafeja
- Kafe e filtruar (250 ml) 200 – 250 mg kafeinë.
- Kafe e perkoluar (250 ml) 100 – 150 mg kafeinë.
- Instant kafe (250 ml) 80 – 150 mg kafeinë.
- Kafe me pak kofeinë (250ml) 4 – 8 mg kafeinë.
Çaj
- Çaj rusi (250 ml) 20 – 200 mg. kafeinë (zakonisht 20-50 mg).
Pije tjera
- Pije kola (350 ml) 30 – 72 mg kafeinë. Pijet me shumë kafeinë përmbajnë më shumë – p.sh. pijet energjetike.
- Çokollatë e nrohtë 10 mg kafeinë.
- Copë çokollate (100 gr) 12 mg kafeinë.
Cila është doza toksike e kafeinës?
Është e vështirë të thuhet saktë sa kafeinë është tepër, pasi që reakcionet dhe përgjigjet ndaj kafeinës janë të ndryshme. Disa njerëz tolerojnë më shumë kafeinë se të tjerë. Përafërsisht, 250 mg kafeinë shkakton efekte mesatarisht të shprehura, ndërsa 750 mg efekte të shprehura. Shumica e hulumtuesve pohojnë se rreziku shëndetësor për njerëzit që konstant konsumojnë më pak se 600 mg/në ditë është i vogël. Megjithatë nëse jeni nën stres, vuani nga shqetësimi ose nëse jeni shtatzënë nuk rekomandohet të merrni më shumë se 200 mg/në ditë.
Kafeina dhe shtatzënësia?

Hulumtimet kanë treguar se sasia e lejuar e kafeinës gjatë shtatzënësisë, nuk paraqet rrezik për beben. Megjithatë nëse pihen sasi më të mëdha mund të shfaqen vështirësi në mbetjen shtatzënë dhe të zmadhohet rreziku për abort. Rekomandohet gratë shtatëzëna të mos konsumojnë më shumë se 200 mgr kafeinë/në ditë. Ajo mund të jetë në formë të 4 gotave çaj, dy gota kafe ose vetëm një gotë kafe, nëse bëhet fjalë për kafe të fortë.
Heqja dorë nga kafeina
Nëse mendoni që konsumoni tepër kafeinë, mund ta zvogëloni ose ta ndërprisni krejtësisht. Nëse paraprakisht keni pirë rregullisht, është krijuar varësi dhe mund të shfaqen simptoma të caktuara të abstinencës, si: shqetësim, kokëdhembje, lodhje, ndjenjë lodhjeje dhe se gjithçka ju dhemb.
Kafeina dhe provimet

[DI_ANA]

Çaji dhe kafeja, nuk shtojnë riskun për kancer të gjirit te gratë

• “Pasi kemi ndjekur një kampion grash për 22 vjet me radhë, nuk kemi vërejtur se ekziston ndonjë lidhje mes konsumit të çajit dhe kafesë dhe kancerit të gjirit”.

Të paktën kështu shprehet studiuesi Davaasambuu Ganmaa i “Harvard School of Public Health” të Bostonit, në faqet e numrit të fundit të “International Journal of Cancer”. Studiuesit amerikanë kanë ekzaminuar lidhjen që ekziston mes kafesë, çajit dhe zhvillimit të kancerit të gjirit në më tepër se 85.000 gra të moshave nga 30 deri 55 vjeç, që kishim marrë pjesë në “Nurses Health Study”.
Gjatë studimit që ka zgjatur për 22 vjet janë verifikuar 5.272 raste me tumor, edhe pasi kanë marrë përsipër faktorë që lidhen potencialisht me këtë sëmundje si: mosha, duhani, faktori i trashëgimisë, menopauza dhe numri i fëmijëve, studiuesit nuk kanë konfirmuar asnjë lidhje mes zhvillimit të kancerit dhe konsumimit të këtyre pijeve, edhe te gratë që pinin çdo ditë më tepër se katër filxhan çaj apo kafe, me ose pa kafeinë.
“Kemi arritur në konkluzionin se nëse konsumohen me masë, çaji, kafeja dhe në përgjithësi të gjitha pijet që përmbajnë kafeinë janë të sigurta”, ka nënvizuar Ganmaa.

Marre nga "Panorama"

[DI_ANA]

Si ndikon kafeja në shëndetin e njeriut


Ekspertët gjermanë dhe ata amerikanë rikonfirmojnë edhe një herë efektet pozitive të kafesë në shëndetin e njeriut. Vetëm pak kohë më parë ishte vërtetuar pjesërisht nga kërkuesit italianë se procesi ndaj kafesë kishte “mbaruar”. Pija më e konsumuar dhe më e dashur në botë ishte çliruar përfundimisht nga akuzat. Tani nuk ka më asnjë dyshim, studimi i Institutit Italian për ushqyerjen dhe ushqimin mbështetet plotësisht edhe nga studiuesit e Universitetit gjerman të Barennit të Mynihut, si dhe kolegët e tyre në “Harvard School of Public Health”, Wolfgang Winkelmayer e Rob Van Dam. Përfundimi është i njëjtë: nëse nuk kalohet limiti i katër filxhanëve kafe ekspres në ditë, domethënë rreth 300 miligramë kafeinë, rreziku për aritmi kardiake dhe hipertension nuk ekziston. Po ashtu, përveçse është një rit special, kafeja ndihmon tretjen, mban zemrën në formë të mirë dhe nga aroma e saj çlirohen substanca kimike me një fuqi të madhe antioksiduese. Kështu, pija e zezë, “mbreti” pas çdo pauze në punë dhe daljeje me miqtë, duket se po jeton në shkallë ndërkombëtare një imazh tjetër nga ajo që të gjithë kishin menduar më parë. Askush nuk mund ta mohojë se për vite e vite me radhë pija më e dashur në botë është parë me një sy tjetër, çka i ka detyruar specialistët e kësaj fushe të zhvillojnë studime të detajuara.
Konsumimi
Ideja se konsumimi i disa filxhanëve në ditë rrit tensionin e gjakut dhe shkakton dëme kardiovaskulare tani nuk ekziston më. “Kjo është zyrtare. Studimet që tregonin në të kaluarën se kafeja është e dëmshme për organizmin, tani nuk mund të mbrohen më”,- ka deklaruar Thomas Hofman, docent i kimisë ushqimore në Universitetin gjerman të Munster. Gjithashtu, ai tregon se kafeja është një përzierje e më shumë se njëmijë substancash, shumë prej të cilave akoma nuk janë studiuar për efektin e tyre mbi shëndetin njerëzor. “Është e vërtetë që shumë nuk janë studiuar, por ato më të rëndësishmet për të dalë në një përfundim, janë studiuar”,- tregon ai. Në fakt, deri tani ishte menduar se rreziku shkaktohej i gjithi nga kafeina, e cila vepronte mbi zemrën dhe sistemin nervor qendror, duke bllokuar proteinat që vepronin në qelizat nervore si receptorë të adenozinës, veprim kimik që kryhej nga sheqeri dhe një bazë e zotuar me strukturë të njëjtë me kafeinën, në gjendje për të shkaktuar përgjumje dhe për të ngadalësuar aktivitetin natyral. Në këtë mënyrë, duke bllokuar veprimin e adenozinës, kafeina shkaktonte efektin e njohur të mungesës së përqendrimit dhe nxiste lodhjen, por që kurrsesi nuk mund të thuhet se është e dëmshme për shëndetin.
Studimi
Ashtu si të gjithë përbërësit e tjerë ushqimorë, studimi aktual tregon problemet që mund të shkaktohen vetëm nga mënyra se si kafeja konsumohet. Sipas mjekëve të studimit, kush pi rregullisht kafe, nuk ka asnjë rrezik që kafeina të veprojë negativisht mbi të, por ata që nuk janë mësuar me kafenë dhe papritur fillojnë të pinë shumë filxhanë, duhet të përballen me sindromat e një doze të tepruar, që fillojnë nga nervozizmi e deri te rrahjet jo të rregullta të zemrës. Kjo do të thotë se nëse nuk kalohet kufiri i katër kafeve ekspres në ditë, domethënë rreth 300 miligramë kafeinë, rreziku i aritmive kardiake dhe hipertensionit largohet, ku përjashtim bëjnë vetëm personat me tension të lartë dhe shumë të ndjeshëm ndaj kafeinës, të cilëve nuk u rekomandohet absolutisht konsumi i kaq shumë filxhanëve në ditë. Por, përveç ekspertëve evropianë, lajme të mira për “pijen më të dashur në botë” vijnë nga dy kërkuesit e “Harvard School of Public Health”, Wolfgang Winkelmayer dhe Rob van Dam. I pari ka zhvilluar një studim për një periudhë të gjatë kohe duke vëzhguar më shumë se 150 mijë gra, në përfundim të së cilit arriti në konkluzionin: “Konsumi i kafesë nuk ndikon aspak në rritjen e tensionit të gjakut”. E ndërsa studime të ngjashme u zhvilluan edhe te burrat, Van Dam nënvizon: “Kjo ndodh, sepse kafeja me sa duket përmban edhe substanca që neutralizojnë të ashtuquajtura efektet negative të kafeinës”.
Abuzimi
Një pije “inteligjente” dhe e domosdoshme, megjithatë, gjëja ku duhet treguar më shumë kujdes ka të bëjë me konsumin e saj. Mes të tjerash, kjo “ftesë” vjen dhe nga prezantimi i fundit për temën “Kafeja dhe shëndeti”, zhvilluar nën kujdesin e INRAN, Instituti Kombëtar i Kërkimit për Ushqimet dhe Ushqyerjen, me kontributin e enteve të tillë si “Fondacioni për studimet mi ushqimet”, i cili që nga viti 1986 është pikë referimi shkencor, kombëtar dhe ndërkombëtar për kërkimet në këtë sektor; instituti farmakologjik “Mario Negri” në Milano dhe instituti britanik “Coffee Science Information Centre”, që përmbledh studimet më të fundit të kësaj fushe të publikuara në revistat më të mira shkencore. Por abuzimi me kafenë mund të shkaktojnë intaksikacion, të njohur ndryshe me emrin kafeinizëm, që shkakton irritim dhe shqetësime të gjumit e që mund të bëhet vdekjeprurës vetëm në rastin teorik, nëse konsumohen rreth 120 ekspres brenda harkut kohor prej 30 minutash, e barabartë kjo me asimilimin e dhjetë gramëve kafeinë. Kush nuk ka ndërmend të bëjë çmenduri të tilla dhe nuk i kalon më shumë se katër filxhanë në ditë, nuk ka asnjë arsye përse të trembet. Kjo sepse edhe kafeina nuk mund të konsiderohet në asnjë mënyrë si një substancë që jep varësi si drogat e vërteta.
Sportistët
Nga këtej del se kafeja është edhe një mike e mirë e sportistëve. Falë veprimit të saj kardiotonik dhe brono-zgjerues, kafeina mund të japë një ndihmë për një imazh të mirë artistik, pa iu trembur aspak testit anti-doping, që mund të tregojë diçka të çuditshme vetëm nëse kalohet kufiri i 12 miligramë kafeine për një litër urinë, sasi që korrespondon jo më shumë se 12 kafe ekspres përnjëherësh. Por, për të kuptuar sa kafeinë ka konsumuar një njeri, është e rëndësishme të mos lësh pas dore diferencën mes ekspresit të pirë në bar dhe kafesë së përgatitur në shtëpi, që mesatarisht përmban nga 40 deri në 80 mg, apo edhe krahasimin e bërë me kafenë e quajtur ndryshe “amerikane”. Megjithatë, kjo nuk është një e vërtetë absolute. Shpesh herë mund të arrihet e kundërta në varësi të mënyrës së përgatitjes.
Pirja pas vakteve
Zakoni për të pirë kafe menjëherë pas vakteve të ngrënies është pozitiv, për faktin se ndihmon tretjen, duke stimuluar sekrecionet acide të stomakut. Ndërkaq, kush vuan nga një sekretim i tepruar gastrik, duhet patjetër të kufizojë përdorimin e kësaj pijeje. Nuk duhet harruar kurrsesi se nga aroma e kafesë lëshohen rreth 900 substanca kimike me një fuqi të madhe antioksiduese. Bëhet fjalë për substanca kimike që shpërbëhen shpejt në ajër, ndaj për këtë arsye specialistët tregojnë se kafeja duhet pirë menjëherë pas përgatitjes, pa e lënë të ftohet. Nëse nuk është vërtet një “ilaç që të zgjat jetën”, padyshim që është diçka që i ngjan shumë. Është provuar se antioksiduesit që përmban çdo kokërr e saj parandalojnë shumë sëmundje, mes të cilave shumë lloje kanceresh, si ata të pankreasit dhe zorrës së trashë, vonon procesin e plakjes duke bllokuar aksionin dëmtues që zhvillohet në qelizat e tyre. Me pak fjalë, kafja është një “mikeshë” nga e cila nuk duhet hequr dorë kurrë.

Përgatiti: Jonida Tashi

"Gazeta Albania"

[Apollyon]

2 kafe ne dite pi une, me kaq mjafton. Me teper spi dot.

[lenci_80]

Shyqyr ta pim pa frik se na shkojn 7 kafe ndit e po menonim qe po na vret kafeja po do i pi 8 tani me qe ste boka gjo :P

[suada dr]

Po un qe max pi 1 kafe ne dite
Kur dua te rrij zgjuar per ndonje provim ose dicka vetem red bull me mban zgjuar.

[Olimp]

Ej e dini se thone qe kur pi shume kafe dhe cigare te pritet oreksi dhe je i dobet, i zbehte etj etj....


Une pi te pakten 5 kafe ne dite 1 pakete e gjysem cigare dhe kam htuar ne peshe keto 2 vitet e fundit qe po pi akoam me shuem cigare dhe kafe

[DI_ANA]

Kafeja parandalon karcinomën e lëkurës
Rreziku për tumorin më të shpeshtë te gratë amerikane pas menopauzës mund të zvogëlohet duke pirë kafe, megjithatë këtu nuk përfshihet melanoma malinje.

Qendra Kombëtare për Kancer në SHBA ka vlerësuar se në vitin 2007 janë vërejtur disa miliona raste të reja me karcinomë të lëkurës, ndërsa ka pasur edhe 2.000 të vdekur si pasojë e kësaj sëmundje.

Në Universitetin Shtetëror Wayne të Detroitit është studiuar ndikimi i pirjes së kafesë në karcinomën e lëkurës në mbi 77.000 femra të moshuara.

Hulumtimi është bërë në një afat të gjatë kohor duke filluar nga viti 1990. Ndërsa janë marrë parasysh të gjithë shkaktarët tjerë të mundshëm të karcinomës, siç janë duhani, alkooli, mosha, BMI dhe ndikimi i ambientit dhe rrezeve të diellit.

Pas këtyre analizave, shkencëtarët kanë zbuluar se secili filxhan me kafe në ditë është i lidhur me 5% të zvogëlimit të paraqitjes së karcinomës së lëkurës. Femrat të cilat kanë pirë gjashtë filxhanë me kafe në ditë kanë qenë për 30% më pak të rrezikuara për karcinomë të lëkurës në krahasim me fermat tjera.

"Telegrafi"

[DI_ANA]

Tre kafe në ditë zvogëlojnë shfaqjen e diabetit

Është padyshim një nga përbërësit ushqimorë që është studiuar më shumë në botë. Kokërr për kokërr kafeja ka qenë objekt studimi për vite e vite me radhë nga dietologët, kardiologët dhe infeksionistët.

Por deri në çfarë kufiri kafeja nuk dëmton shëndetin? Më në fund përgjigjja vjen nga “Inran”, Instituti Kombëtar Italian për Ushqimin dhe Ushqyerjen, për kafen dhe efektet e saj mbi shëndetin njerëzor. Të gjitha përgjigjet: nga zemra tek aparati tretës, nga veprimet e trurit e deri te ndikimi që mund të ketë te një grua në periudhën e shtatzënisë. Sipas studimeve të ndryshme, të pish dy ose tre filxhanë kafe në ditë, jo vetëm që i bën mirë shëndetit, por të mbron edhe nga një sërë sëmundjesh, falë antioksiduesve që te çdo kokërr e saj gjendet me shumicë.

Një seri kërkimesh të zhvilluara në Norvegji, Spanjë dhe Amerikë nga viti 2004 e deri në 2006, tregojnë se kafeja është burimi kryesor i antioksiduesve, në një dietë standarde që bazohet kryesisht te frutat, perimet dhe kafeja. "Është e vërtetë që i bën mirë shëndetit, por nuk duhet të harrojmë se vitaminat nuk gjenden te kafeja, ndaj kurrsesi nuk mund ta përdorim si zëvendësuese të frutave dhe perimeve", konfirmon Laura Rossi, një nga studiueset e "Inran.

Roli i kafes ndaj sëmundjeve

Studimet e "Inran", të realizuara nga instituti farmakologjik dhe "Coffe Science" në Britaninë e Madhe, tregojnë për rolin e kafesë ndaj sëmundjeve të ndryshme: dy ose tre filxhanë në ditë zvogëlojnë shumë rrezikun për t‘u sëmurë nga diabeti i tipit 2 dhe mbrojnë qelizat epatike. Nga ana tjetër, dy studime të rëndësishme të realizuara në 2006-ën kanë vënë në dukje lidhjen mes konsumit të rregullt të kafesë dhe një përqindjeje të vogël të rasteve me cerozë, ose tumore të tjera në mëlçi.

Megjithëse duhet theksuar edhe fakti se nëse konsumi që këshillojnë mjekët, nga 2 deri në tre filxhanë në ditë, shkon në 5 ose 6, atëherë efektet e mira shndërrohen në të kundërt. Kafeina e akumuluar nuk arrin të tretet dhe zemra fillon të ndiejë pasojat deri sa arrin në kufirin që nuk duhet kaluar kurrë, 10 në ditë. Megjithatë, vetëm në një rast kafeja nuk mund të na "mashtrojë": fakti se përmban substanca që mund të ndikojnë në rënien në peshë. Veprimi i saj konsiston në ndarjen e molekulave yndyrore që tentojnë të rriten dhe kjo është e vërtetë. Por më pas, për t‘i shkatërruar plotësisht këto lipide, njeriu ka nevojë për aktivitete fizike. Po ashtu, heqja e oreksit, stimulimi i diurezës, përmirësimi i aktiviteteve sportive, janë karakteristika të tjera të kafeinës, që nuk mund të cilësohen si përgjegjëse kryesore për dobësimin.

Kafeja dhe aparati tretës

Gjithashtu, kafeina ka efekte pozitive edhe në aparatin tretës dhe mund të cilësohet e mirë për të gjithë ata që vuajnë nga tretja e ushqimit, por nuk mund të cilësohet e tillë për të gjithë ata persona që vuajnë nga ulcera. Siç shpjegojnë ekspertët, kafeja luan një rol të madh edhe në tensionin e gjakut dhe kolesterolin. “Kafja gjithashtu mund të shkaktojë rritjen e kolesterolit në gjak dhe te konsumatorët e rastësishëm rritjen e tensionit përkohësisht”, tregon Fausto Natella, studiues i specializuar për raportin mes kafesë dhe sistemit kardiovaskular. Më shumë kujdes për gratë shtatzëna dhe nënat që ushqejnë fëmijët me qumësht, “sepse është parë që kafeina është në gjendje të kalojë plancetën dhe pas lindjes të bëhet një komponent i qumështit të nënës.

Disa efekte pozitive të kafes në shëndetin tuaj

1- Lehtëson dhimbjet e kokës

2- Parandalon cerozën edhe gurët në veshka

3- Rregullon ekuilibrin tek azmatikët

4- I bën mirë arterieve të zemrës

5- Nuk u rekomandohet grave shtatzëna

6- Bën të mundur uljen e tensionit të gjakut

7- Bën ekuilibrin e tensionit të lartë dhe atij të ulët

Kafeja, përmbajtja e kafeinës dhe dozat

Megjithëse deri tani nuk është parë asnjë rast që kafeja të ketë shkaktuar dëme mbi fëmijën, për të qenë të sigurt është më mirë të kufizohet sa më shumë të jetë e mundur konsumimi gjatë këtyre muajve të shtatzënisë. Por edhe në llogaritjen e dozave të lejuara në ditë duhet pasur parasysh që jo të gjitha kafet që pimë janë njëlloj. Një kafe ekspres, ose moka, përmban nga 40 deri në 80 miligramë kafeinë dhe një filxhan çokollatë 60 mg. Më e pasur me kafeinë është kafeja amerikane, e cila përmban 115 deri në 120 miligramë për filxhan, ndërsa kapuçino përmban vetëm 70-80 mg. Një përzierje e mirë e kafes arabike, që konsumohet kryesisht në Evropë, ka një përmbajtje kafeine të barabartë me 1,2 për qind, ndërsa adhuruesit më të mëdhenj të kafes në Evropë janë finlandezët, me një konsum 11,2 kilogram në vit për person.

Efektet e çokollatës së zezë në zemer

Çokollata e zezë i bën mirë zemrës. Ajo ndihmon në forcimin e arterieve tek ata që pinë cigare dhe ka me shumë antioksidantë në një gram se një gotë verë, çaj apo luleshtrydhet. Po të hash çokollatë të zezë për çdo ditë nga pak, mund të ndihmojë në uljen e tensionit të gjakut. Çokollata e zezë përmban elementë të quajtur polyphenols, i cili rrit nivelin e një substance në trup që quhet oksid nitrik, i cili zgjeron vazot e gjakut duke rritur qarkullimin i cili sjell në uljen e tensionit. Vërtet ky është një efekt i mirë, megjithatë çokollata sjell shtimin në peshë. Por edhe me të nuk duhet tepruar. Duhet që të mos përdorësh me shumicë ushqime që të pëlqejnë. Në qoftë se e tepron, atëherë efektet pozitive nuk kanë më vlerë. Dhe shtimi në peshë nuk është aspak i mirë për tensionin.

Efektet pozitive të kafes për shëndetin

Kafeja këshillohet si një terapi e mirë edhe për një sëre sëmundjesh, përfshi atë të zemrës. Por mos u çudisni, edhe për efektet që ka ajo te fëmijët, sigurisht në masën e duhur dhe pa e tepruar. Por, nuk është e këshillueshme për gratë shtatzëna dhe të sëmurët me ulçer në stromak. “Kafeja,- thotë një prej dietologëve më të njohur të Italisë, - ju bën mirë, po ashtu edhe fëmijëve. Kafeja mund të të lehtësoje dhimbjet e kokës. Ajo është e mirë për mëlçinë dhe mund të ndihmojë në parandalimin e cerozës dhe gurëve në veshka. Dhe kafeina në kafe mund të zvogëlojë rrezikun e krizave të azmës, dhe ndihmon në përmirësimin e qarkullimit brenda zemrës. Nuk mund ta mohosh se kafeja nuk është e mirë për të gjithë.

Kafeja, pija e preferuar e mëngjesit
Pirja e më shumë se tre kafe në ditë mund të bëhet në një faktor të dëmshëm për shëndetin tuaj. Kjo gjendje mund të krijojë nervozitet, të të shkaktojë shpejtim të rrahjeve të zemrës dhe dridhje të duarve. Gratë shtatzëna, të sëmurët me zemër dhe ata që vuajnë nga ulçera në stomak, zakonisht këshillohen ta shmangin kafenë. Kafeja ndikon mirë për zemrën e arteriet, dhimbjet e kokës, mëlçinë, cerozën, gurët në veshka, azmën, etj. Ndërsa aroma e kafesë së sapo bërë vërtitet çdo mëngjes në mijëra sheshe, lajmet janë të mira për miliona e miliona njerëz nëpër botë, sigurisht edhe për ne shqiptarët, që kafen e kemi bërë pijen më të preferuar të mëngjesit. Edhe pse ajo ka efekte pozitive për shëndetin, asnjëherë nuk duhet tepruar me të. Nëse kafeja merret në doza të larta, ajo mund të kthehet në një rrezik serioz për shëndetin, duke u bërë shkak për sëmundje të ndryshme.

"Spekter"

[suada dr]

Ska aq efekte te mira kafja.Te gjitha jan reklama qe i behen.
Ky eshte mendimi im.
Respekte

[[LoTi]]

Mberrijne me ne fund lajme te mira shkencore nga Italia, per ata miliona njerez ne bote,- sigurisht edhe ne qe pijne cdo dite kafe. Ajo madje keshillohet si nje terapi e mire edhe per nje sere semundjesh, perfshi ate te zemres, por mos u cudisni, edhe per femijet. Por, nuk eshte e keshillueshme per grate shtatzena dhe ata me ulcer ne stromak

ne Milano

Kafeja, thote nje prej dietologeve me te njohur te Italise, te ben mire- ju, ashtu edhe femijeve.

Filxhani i mengjesit i ekspresit qe behet ne kuzhinen e shtepise apo pihet shpejt e shpejt ne nje kafene gjate rruges per ne pune, eshte nje rutine e perditshme per miliona italiane.

Por ka shume vite qe informacionet per menyren e tyre me te preferuar per te filluar diten jane negative- per shembull nje nga lajmet me te fundit ishte qe mjeket i kishin thene kryeministrit britanik Toni Bler te pinte me pak kafe.

Por tani duke se batica po ulet. Harrojini njoftimet frikesuese, thote dietologia Chiara Trombeti, e institutit Humanitas Gavazeni ne periferi te Milanos. Ka arsye te shendosha shkencore per ta gezuar ekspresin e mengjesit pa u shqetesuar per pasojat negative ndaj shendetit.

Kafeja mund te te beje mire- thote ajo- dhe sa me e forte te jete aq me e mire. Prandaj ajo rakomandon nje ekspes ne vend te nje neskafeje te pergatitur vete, qe nuk eshte fare italiane.

Te dhena shkencore

Dr. Trombeti thote se ajo e urren edhe vete kete gje- por ve ne dukje nje numer te madh faktesh shkencore qe mbeshtesin theniet e saj. Kafeja permban tanin dhe antioksidante- qe jane te mire per zemren dhe arteriet, thote ajo. Kafeja mund te te lehtesoje dhimbjet e kokes. Ajo eshte e mire per melcine dhe mund te ndihmoje ne parandalimin e cerozes dhe gureve ne veshka. Dhe kafeina ne kafe mund te zvogeloje rrezikun e krizave te azmes- dhe ndihmon ne permiresimin e qarkullimit brenda zemres.

Nuk mund ta mohosh se kafeja nuk eshte e mire per te gjithe. Nese pi me shume se c'duhet mund te te beje nervoz, te te shkaktoje shpejtim te rrahjeve te zemres dhe dridhje te duarve. Grate shtatzena, te semuret me zemer dhe ata qe vuajne me ulcera ne stomak zakonisht keshillohen ta shmangin kafene.

Edhe Dr. Trombeti thote se asnje nuk duhet te pije me shume se 3- 4 filxhane ne dite. Por eshte vecanerisht nje grup italianesh qe mund te perfitojne me shume nga keshillat e saj. Shume prinder mund te tmerrohen nga ky mendim, por Dr. Trombeti kembengul me force se nje filxhan qumesht me kafe mund te jete nje fillim ideal per brezin tjeter te te apasionuarve pas kafese- femijet gjumashe te Italise- duke i nxitur trurin atyre para nje dite qe shpesh zgjat nga ora 08. 30 ne 04. 30 mbasdite.

BBC

Kafeja ndikon mire per:

" zemren e arteriet

" dhimbjet e kokes

" melcine

" cerozen

" guret ne veshka

" azmen

" Ndersa aroma e kafese se sapo bere vertitet cdo mengjes ne mijera sheshe, lajmet jane te mira per miliona e miliona njerezit neper bote, - sigurisht edhe per shqiptare - per te cilet kafeja eshte pija me e preferuar e mengjesit "

[[LoTi]]

Lajm i mirë për ata qe nuk kan lekë për të bler lëngje të ndryshme nëpër lokale

[xfiles]

Edhe keq te me bente, do ta pija,
kafen e kam pasion qe i vogel.

[Erlebnisse]

Edhe mua me pelqen shume kafeja e madje po nuk piva nje gote te madhe ne mengjes plot me kafe nuk arrij te bej asgje gjith diten e dukem si e trullosur

Kush do nje kafe te mire bujrum, se une rri ne Itali!:P