Vdes djali i President Moisiut

[Orku]

Kur humb nje jete humb nje bote ..... ngushellime

[analodi]

NGUSHELLIME FAMILJES MOISIU

[hmmm]

Ngushellime familjes Moisiu EDHE Shijaku

[AsgjeSikurHena]

Ngushellimet e mia te sinqerta Presidentit Moisiu !

[Brari]

panorama

---------
aksidenti tragjik

intervista


Rrapo Nisllaj rrëfen si e gjetën trupin e Artan Shijakut në ujërat e lumit


Gjashtë ditë në kërkim të kufomës
Komandanti i Divizionit “Labëria”: Ja operacioni në Vjosë




Tepelenë

Nuk ka ndodhur ndonjëherë që ujërat e lumit Vjosë t´i përshkojnë 200 forca të ushtrisë dhe 100 forca të policisë.

Por që nga 10 marsi e deri dje një operacion i pakoduar kishte një qëllim: gjetjen e trupit të Admir Moisiut, djalit të Presidentit dhe të Artan Shijakut, shoferit të Prokurorisë. E ndërsa për trupin e djalit të kreut të shtetit u deshën vetëm disa orë, për Artan Shijakun, kërkimet janë ndërprerë dje. Rrapo Nisllaj, komandant i Divizionit “Labëria”, në një intervistë për gazetën “Panorama”, rrëfen për vështirësitë e operacionit. Si e gjetën trupin e Shijakut, pasi zbuluan xhupin e tij dhe ndihmesën e fshatarëve të zonës.

Kur ju njoftuan për gjetjen e kufomës?
Ishte mëngjes herët, kur më njoftuan se fare pranë urës së Leklit ishte gjetur xhupi i Artan Shijakut, shoferit të Prokurorisë së Përgjithshme. Sipas të dhënave dhe sendeve të gjetura në xhepat e xhupit, rezultonte se ajo i përkiste viktimës së dytë të aksidentit. U lidha me drejtuesit e policisë dhe së bashku vendosëm të lokalizonim zonën e kërkimit, pasi kjo ishte një shenjë që tregonte se trupi mund të kishte ngecur aty afër. Duhet të ketë qenë ora 11, kur forcat e ndihmës së shpejtë të Dragotit dhanë lajmin se kishin gjetur një kufomë, rreth 4-5 kilometra larg vendit ku ndodhi aksidenti.

Sa forca morën pjesë në këtë operacion?
Gjithsej ishin 300 forca, 200 të ushtrisë dhe 100 të policisë, përfshirë këtu edhe Forcat e Ndërhyrjes së Shpejtë të Dragotit, si dhe polumbarë të RENEA-s.

Tani kur operacioni ka përfunduar ç´do të thoshit për kohëzgjatjen e tij? A kishte mundësi që trupi të gjendej më shpejt?
Janë thuajse 6 ditë kërkime intensive, madje edhe në ditë me shi, të cilat fillonin sa gdhinte dita e që zgjatnin deri në orët e natës për të rinisur të nesërmen përsëri. Operacioni vështirësohej si nga prurjet e shumta të lumit, ashtu edhe nga fakti që uji ishte mjaft i turbullt. Mund të them se përgjegjësia ishte maksimale si nga ana e policisë dhe ushtrisë. Unë dua të falenderoj edhe banorët e fshatrave të kësaj zone, që pa i thënë askush, ofruan ndihmën e tyre për gjetjen e trupit të viktimës. Edhe pse operacioni u zgjat pak, tanimë ai ka përfunduar dhe ne të gjithë ushtarakët të Brigadës “Labëria” i shprehim ngushëllimet tona familjarëve të viktimës. Ishte me të vërtetë një humbje e madhe për ta.



Flet polici i FNSH-së të Dragotit
“Si e gjetëm trupin e Artanit”

Kush e zbuloi i pari trupin?
Ne ishim një grup që po vëzhgonim në të dy anët e lumit në zonën pranë Luzatit. Sot ishte disi më ndryshe nga ditët e tjera, pasi uji i lumit ishte më i pastër se ditët e mëparshme. Gjatë kërkimit një prej shokëve tanë vërejti një njeri i cili kishte ngecur poshtë degëve të një rrapi, fare anës lumit.

Dhe cfarë bëtë në atë moment?
Nga aq sa pamë na u rrit shpresa se mund të kishim të bënim me personin që po kërkonim prej ditësh. Njoftuam menjëherë eprorët tanë, si dhe u thirrën familjarët dhe të afërmit e tij të cilët bënë thanë se ishte pikërisht Artan Shijaku.

U fol se dy ditë më parë banorët kishin parë për pak sekonda një trup mbi ujë, që ishte zhdukur sërisht. Mendoni se ka qënë i njëjti person?
Është e vërtetë që banorët e panë një gjë të tillë, por as ata dhe askush tjetër nuk ishin të sigurt se ishte pikërisht njeriu që po kërkonim, kjo sepse flitet që një tjetër person rreth 65 vjec është vëtëmbytur këto ditë në ujrat e Vjosës. Ky dyshim forcohet edhe më tepër nga ajo që ky rast u pikas afër Memaliajt, pra më poshtë nga ku u gjet kufoma sot.



Sot ceremonia mortore

Trupi i pajetë i Artan Shijakut ka mbërritur dje në morgun e Tiranës rreth orës 14.30. Transportimi është bërë me helikopter, dhe trupi i është nënshtruar autopsisë në mjekësinë ligjore të qendrës spitalore “Nënë Tereza”. Sipas burimeve të spitalit, trupi i tij është dëmtuar shumë, pasi ka ndenjur prej 6 ditësh në lumin Drino. Ndërsa sot, familjarët e Shijakut, do e marrin trupin e të afërmit të tyre në shtëpi. Ata kanë një javë që presin me ankth gjetjen e të afërmit të tyre, dhe dita e djeshme ua ka prerë të gjithë shpresat se mund ta gjenin të gjallë. Sot, do bëhet edhe ceremonia mortore e Artan Shijakut, shoferit të Prokurorisë, që u aksidentua një javë më parë. Njerëzit e tij do e përcjellin për në banesën e fundit.



Kronologjia

nisja
Mëngjesin e ditës së mërkurë, Admir Moisiu, drejtor i Kontrollit në Prokurorinë e Përgjithshme, Rrahman Jata, ekonomist në Prokurorinë e Përgjithshme dhe Artan Shijaku, shofer, nisen për Gjirokastër për të bërë inspektim në Prokurorinë e Rrethit.

aksidenti
Makina me të cilën udhëtonin tre personat e mësipërm, del nga rruga duke u rrokullisur për 50-60 metra. Ajo përfundon në ujërat e lumit Drino. Shkaqet e këtij aksidenti ende nuk janë sqaruar

shpëtimi i Jatës
Dëshmitarët kanë arritur te makina. Pasi kanë thyer me gurë xhamin e automjetit, kanë bërë të mundur nxjerrjen nga makina të Rrahman Jatës. Sipas tyre, ai ishte i vetmi pasagjer në makinë.

kërkimet
Në vendngjarje kanë mbërritur drejtuesit e policisë së qarkut, policia kriminale, përfaqësues të prokurorisë, të ushtrisë, etj. Në ndihmë të tyre kanë ardhur edhe polumbarët nga baza detare e Vlorës. Nisen kërkimet intensive në një diametër prej 3 kilometër deri tek Ura.

gjendet Admiri
Është gjetur trupi i njërit prej pasagjerëve, djali i Presidentit Moisiu. Admir Moisiu u gjet pas kërkimeve të vazhdueshme të polumbarëve të Repartit Renea dhe forcave të shumta të policisë.

gjendet Artani
Polumbarët mbas 6 ditë kërkimesh intensive arrijnë të gjejnë trupin e pajetë të shoferit të prokurorisë, Artan Shijaku. Kufoma kishte dalë në sipërfaqe dhe ndodhej rreth një kilometër larg vendit të aksidentit. Sot pritet të përcillet për në banesën e fundit.